رواية الارواح المتناسخة الفصل التاسع بقلم دعاء سعيد
كان آدهم مذهولا مما يسمعه من الدكتورة منيرة ..فقد شعر انها تتحدث عن شخص آخر غير حنين ..كيف له ان يبقى معها هذا الوقت دون أن يستطيع أن يعرف ويكتشف مايدور قى عقلها وقلبها.....
ثم سأل الدكتورة منيرة بعدما سمعت ماقالته ...
(((يعنى حنين فاقدة الذاكرة ؟؟؟)))
اجابته الدكتورة منيرة..
(((لا هى مش فاقدة الذاكرة....هى بس بعد الصدمة اللى اتعرضت لها عملت زى فصل للأحداث السيئة اللى مرت بيها ونقلتها لا اراديا من عقلها الواعى لعقلها الباطن ..فهى ظاهريا مش فاكرة اللى حصل بس المشاعر اللى عاشتها فضلت جواها وبتتحكم فى تعاملاتها مع الناس ده غير أن جواها احساس غير مبرر بالنسبة لها بالذنب لأنها هى اللى كانت سايقة العربية وقت الحادثة
رغم ان الموضوع ده برضه فصلته عن عقلها الواعى ومش فاكراه ....)))
رد آدهم ..
(((طيب ايه اللى حصل بعد كده...؟؟؟)))
أجابت منيرة ..
(((حنين تحولت بعد الحادثة لجسد بلا روح ... وحاولت ترجع لعملها بأسرع وقت علشان تقدر تتغلب ع أحزانها...
انا كنت رافضة الموضوع ده فى الاول بس لقيتها بترجع لحنين القديمة بس وهى بتتعامل مع المرضى..لكن بقية علاقاتها كانت بتتجنبها وخصوصا مع اى راجل وده لخوفها من تكرار التجربة اللى هى مش فاكراها بس مأثرة فى مشاعرها....)))
وهنا أدرك آدهم سر تحول حنين فى تعاملها معه عندما كان مريضا....
(((كملى لو سمحتى....)))
أكملت منيرة...
(((حنين قدرت تثبت تميزها فى تخصصها فى مدة بسيطة زى ماتكون بتحاول تعوض اللى فاتها ...)))
سرح آدهم برهة فى كلام الدكتورة منيرة ثم سألها...
(((طيب هى قبلت تتزوجنى ليه....؟؟؟)))
تنهدت الدكتورة منيرة قائلة.....
(((حنين بعد الحادثة وبسبب حزنها الشديد ع حسام ...بدأت تقرأ فى تناسخ الأرواح ..وع الرغم أن الفكرة دى ممكن تكون هزلية بالنسبة لاى حد فى عقلية والتزام حنين الا انها وجدت فيها الأمل الوحيد لاستعادة حب عمرها وصديق طفولتها حسام وتكفير لذنبها فى حقه .....)))
ما إن نطقت منيرة هذه الكلمات حتى عقد آدهم حاحبيه اندهاشا ممايسمع...ثم أكملت ..
(((حنين بعد ما عالجت والدتك الحاجة فضيلة ..كانت بتقعد تتكلم معاها وتحكى لها عنك ،قبل ما ترجع من السفر ..
فى الوقت ده حنين حست من كلام الحاجة فضيلة انك تشبه حسام فى حاجات كتير ...الاحساس ده اتأكد لها لما قابلت لك اول مرة فى المستشفى وسمعت صوتك اللى تقريبا نفس نبرة صوت حسام ...ويمكن ده يفسر لك انا ازاى عرفتك من غير ما أشوفك اول ما جيت هنا واتكلمت معاها .....
وبمرور الوقت ..احساس حنين كان بيزيد ان روحك هى نفس روح حسام الله يرحمه ع الرغم من الاختلاف الشديد فى الشكل بينكم ....)))
رد آدهم منفعلا ...
(((يعنى حنين قبلت الزواج منى باعتبار انى روح مستنسخة من حسام ...!!!)))
ردت الدكتورة منيرة...
(((سيبنى أكمل لك علشان تفهم اكتر...
لما حنين جت وحكت لى الموضوع رفضت الزواج ده علشان.......))
وقبل أن تكمل قاطعها آدهم ...
(((طبعا علشان انا اتزوجت قبلها تسع مرات ...مش كده!!!))
ردت الدكتورة منيرة مبتسمة...
(((مش ده السبب الوحيد ...
السبب الاساسى أن حنين نفسيا غير مؤهلة انها تدخل فى علاقة زواج حاليا ممكن تعرضها لصدمة كبيرة تانية وخصوصا ان طباعكم مختلفة ...هى محبتش طول عمرها الا شخص واحد وانت متعدد العلاقات ....
ده غير انى كنت عارفة انها شايفة فيك روح حسام مش شايفاك انت....
هى كمان كانت عارفة ان ارتباطها بيك خطأ ....بس تحت تأثير الحاحك قبلت
حاولت امنعها بس طبعا حالتى الصحية خلتني معرفش بموعد زواجكم الا بالصدفة لما اتصلت عليها بالمشفى وعرفت انها أخدت اجازة بالرغم انها كانت مفهمانى انها مضطرة تبات فى المستشفى كذا يوم....)))
رد آدهم ...
(((يعنى حضرتك مكنتيش تعرفى موعد الزواج الا بالصدفة.....!!!)))
ردت الدكتورة منيرة...
(((للأسف ايوة ...بس لما عرفت اخدت عربية وجت لكم
ع القصر بس كنت طلعتم بالعربية وقتها ...قبل الحادثة بتاعتكم بدقايق...
قابلت الحاجة فضيلة واتكلمت معاها وفهمتها حالة حنين وهى كمان حكت لى كل شئ عنك ...وساعتها فهمت انت كمان ليه كنت مُصر تتزوج حنين ومتعلق بيها رغم تجاهلها ليك....)))
رد آدهم بحدة...
(((ماما قالت لك ايه؟؟؟))))
أجابت الدكتورة منيرة بشئ من الهدوء...
(((حكت لى طفولتك اللى أثرت فيك ....
وخليتني افهم سر تعلقك بحنين والحاحك ع انك تتزوجها.......)))
كرر آدهم سؤاله...
(((ماما قالت لك ايه عنى..؟؟؟)))
ردت الدكتورة منيرة ...
(((فى البداية لما عرفت تعدد زيجاتك ..كنت متخيلة انك شاب غنى مستهتر مش بيفكر غير انه يعيش مغامرات نسائية بس فى إطار شرعى ...بس بعد ما اتكلمت مع الحاجة فضيلة ..فهمت ،،..فهمت انك زيك زى حسام بتعانى من حرمان عاطفي لنفس السبب اللى أتعرض له حسام وهى المعاملة الع*نيفة من والدك لوالدتك اللى انت برضه كنت بتشوفها وانت صغير ..وان والدتك برضه سابت والدك لنفس السبب اللى والدة حسام سابت والده علشانه وهو الض*رب والإهانة....ويمكن ده اللى خلى حنين تحس ان فيه تناسخ بين أرواحك .. بس الفرق بينكم انك اخدت الاتجاه العكسى فى معاملة ز زوجاتك وهو البعد تماما عن أى ع*نف مع اى امرأة مهما اتعرضت للضغط منها .....
ويمكن الفضل فى ده يرجع لحاجتين......
ان والدك حس بالندم من اللى كان بيعمله مع امك واتزوج المربية بتاعتك الحاجة فضيلة اللى حاولت تعوضك حنان الأم......
والحاجة التانية ان امك متخلتش عنك تماما زى والدة حسام .....بالعكس طول الوقت كانت بتحاول تتواصل معاك بس انت اللى كنت بترفض دايما لأنك مقدرتش تغفر لها انها سابتك ....
بس فضلت متعلق بيها عاطفيا وبتبحث عنها فى كل زوجة بتتزوجها.....)))
تساءل آدهم وهو ياخذ نفس عميق وكأنه يعيد اكتشاف مشاعره الدفينة....
(((طيب وليه حنين بالذات اللى اتعلقت بيها جدا ..؟؟)))
أجابت الدكتورة منيرة وهى تبتسم ....
(((لأنك شفت فى عنيها نفس نظرة الحزن اللى اكيد كنت بتشوفها فى عيون والدتك بسبب تعرضها لنفس المأساة وهى سوء معاملة الزوج ...يعنى انت كمان كنت بتدور فيها ع تناسخ روح امك اللى رحلت عنك دون أن تتوفى ...
واكيد ارتباطك بحنين زاد فى فترة مرضك لأنها اشبعت روحك بالعاطفة المفقودة... .....)))
أجاب آدهم بألم...
(((بس انا حبيت حنين بجد ومش هقدر اتخلى عن وجودها فى حياتى .. .حتى بعد ماعرفت انها مش شايفة فيا غير روح حسام الله يرحمه......)))
اجابته الدكتورة منيرة...
(((ممكن السبب فى استمرار تعلقك بيها ده . ...ان زواجكم لسة متمش بالفعل بالصورة المتعارف عليها ....)))
رد ادهم باندهاش...
(((بس الزواج تم بالفعل ....!!!)))
صُدمت الدكتورة منيرة واسرعت بالسؤال...
(((تم امتى وازاى....................،،،،،،؟؟؟؟،،
