 |
رواية ليلة الحنة الفصل الثامن 8 بقلم بسمة البياتي
_ #لـيلـة_الحنـة _
_ (#
_ #البارت_الثامن _
__________________
اريد اركز وافكر ماكو عقلي وكف گلبت بالذهب مو شوية وقطع ثگيلة لحظة احس روحي شايفة كم قطعة منهن طلعت تلفوني اگلب بصور العرس ومثل متوقعت الذهب العمتي.
صرت شبه مجنونة افتر على روحي داير مداير الغرفة واكل بأظافري من الخوف
القصد واضح اكيد راح تتهمني بيهن
من هاي ضاجت لان رجعت وحاولت بكل الطرق تأخرني بالصعدة للغرفة
لا عقل لاتفكير مظل برأسي شسوي شلون اتصرف بهالورطة ربي دخيلك ماعندي غيرك التجئ اله بهاي الشدة مثل ما بـ قدرتك خليتني اكتشف مكانة نور عقلي بالحل واحميني من كيدهم
ماتحملت تربعت بالگاع خليت أيدي على وجهي وبجيت ليما گلت بس
بهذا وضعي وحالتي الكسيفة أجت زلال على بالي
اي والله هي ماكو غيرها يگدر يساعدني
اعرفها ذكية وفطنة ميعصى عليها شي
كمت ادور تلفوني من الخبصة انثولت گدامي وما اشوفة فقدت التركيز من لمحتة
شلتة بأيدي ترجف طلعت رقم ماما
ادري التلفون مقيم يمها ياربي الگيها گاعدة
والحمدلله من اول رنة فتحت الخط
زلال.. هلا ليلو
... خوما نايمة وگعدتج
.. لا يابة شيجيبها للنومة اذا ما افكر بنص سكان العراق والدول المجاورة
بس اوكفي شبي صوتج جنتي تبجين؟
... العبرة خنگتني خليت أيدي على حلگي حاولت اتمالك نفسي جاوبت بقلة حيلة وقهر
لا ماببة شي شوية مغثوثة
.. عفت الفراش عدلت گعدتي من شنو مغثوثة ومنو غاثج
... مو شسمة صديقتي قبل شوية خابرتني خطية واكعة بـ مشكلة وتريد حل تدرين بية بسرعة اتأثر
.. هااا زين شبيها صديقتج؟!
... اي هو خابرتج اريد تلگيلها حل ادري بيج ذكية خصوصاً بهيج مواضيع
... اي اي احجي عاد مو الفضول يقرأ الف عندي
... ششوفي اريدج تركزين بـ كلامي
صديقتي مزوجة وشوية مو على وفاق ويا عمتها
اليوم جاي تنظف غرفتها بالصدفة لگت علبة بيها ذهب من دققت بيهن گدرت تعرف هذا الذهب عايد العمتها
... عصرت عيوني قوووي شددت قبضتي على التلفون ليال الموضوع يخصج لو يخص صديقتج
.. هاا زلال ششبيج اني شلي دخل ليش تخليني اتندم حجيتلج گتلج صديقتي
.. ارتباكها وخوفها أكدلي شكِ وين ذبت روحها الثولة وووين
مومال اجادلها لازم اساعدها
... عندج حل لو لا
... سمعي اول شي تسوي طلعي الذهب من غرفتج
.. زلال ششبيج
.. يمعودة غلطت قصدي صديقتج خلي اطلعة لاتبقي عدها
... وين تودي
.. للگبور تخلي بگبر عمتها المستقبلي يعني وين خارج الغرفة اكيد عيالها مخمودين نامت عليهم سليمة حشى الزين منهم خلي تطلع بهدوء تنزلة جوة أكيد صديقتج غرفتها فوك
.. اي صح
ادري تأخذة الأبعد مكان عن غرفتها حتى وقت الي يدورو ويلگوا يكون بعيد عنها ومحد يگدر يتهمها قابل بس هي عايشة بالبيت ويكولولها انتي مخليتة اهنا
هااا اي صح
.. وشي ثاني مهم تسسوي تتصرف عادي ولا كانو صاير شي اذا شافوها خايفة ومرتبكة وتصرفاتها مو طبيعية اكيد يشكون بيها
... اي خوش هسه اگوللها
.. اي يلا مو تنسين طمنيني باااالي راح يظل يم صديقتج الغبرة طاح حظها على هالقسمة المصخمة
... ماشي باي
.. متت قهر لو بيدي افوت النص بيتهم واخنك هاي الخيزبونة المصيبة سسساكتتلهم ومتعترف ولا تحجي بلي ديسوو بيها
ليال... طلعت بحجة رايحة للحمام باوعت من الدرج ماكو احد سنطة
فتت للغرفة بسرعة خليت العلبة بين ملابسي ونزلت على كيف
من الخوف بيني وبين السكتة القلبية شعرة امشي واتلفت
حرررت وين اخلي البيت اشگده وشكبرة حسيتة هلكدوتة بگد الگبر
أجت عيني على المكتبة طلعت الصندوك خليتة ورة الكتب ركضت صعدت حابسة انفاسي جسمي يرجف
فتت للغرفة قفلت الباب ذبيت روحي على الجرباية العرق يزخ من كل جسمي
ظليت اكثر من نص ساعة على هذا وضعي
دك تلفوني زلال
جاوبتها
. هاا بشري طلعتي قصدي صديقتج طلعتة
. اي الحمدلله
... تنفست براحة راح تنامين؟
.. اي تعبانة
.. اي ارتاحي وراج نهار طويل لازم تستعدين الزوجج ومثل موصيتج گولي الصديقتج تتصرف عادي ولاتخاف الذهب وطلع من غرفتها ماكو داعي تنهبط
.. اي ماشي زلال
... روحها
... احبج اكثر متتصورين
... مو اكثر مني فدوة العمرج
.. سديت الخط قويت نفسي كمت توضيت فرشت سجادتي وصليت سجدت وبجيت بقهر
دعيت الله يطلعني من هالمصيبة
كملت حاولت انام ورة وين يلا غفيت.
الصبح نزلت عيني على عمتي وهي كذلك عينها عليه صبحت عليها ردتها ببتسامة
طول وقت الريوگ تراقب حركاتي
تصرفت گدامها عادي الله زرع بيه القوة بالحظتها الف الحمدلله
ايناس... رايحة اتسوك داحضر الغدة الـ ليث عينكم على البيت ما اتأخر
... بدلت وطلعت ظلينا بس اني وورد بالبيت
زلال... ما داومت اليوم من الصبح گاعدة احوص
حورية... بنتي بيج شي مو من عوايدج گاعدة من وكت وتفترين فوك رؤوسنا
.. تعودت على گعدت الصبح شنو الغريب بهالشي
... هاي من الزينات
... اي يلا رايحة انظف الحديقة
شذى... بالقرآن بيها شي ابد مو طبيعية عمتي يوگع لسانها حتى تنظفها ومتروح وهسه هي من ذات نفسها شي عجيب
... اهووو ترى مناقصتكم طلعت انظف باب البرا شوية مفتوح شفت المجدية طلعت
ذبيت المكناسة والمكرافة من أيدي ركضت جوة اخذت التلفون اتصلت على ليال
... هاي شنو ممداومة
.. لا مداومت اسمعي منو اكو عدكم
.. محد بس اني و ورد
... گولي الصديقتج خلي تشيل الذهب من المكان الخلتة بي وترجعة الغرفة عمتها كون تدحسة بمكان مينشاف حتى ينشلع گلبها وهي ادور وبلكي من القهر والصدمة تنجلط وتموت
... هااا هيج رايج
...اي اي يلا بسرعة
....انتظرت ورد تروح تسبح اخذت العلبة من ورة الكتب فتت الغرفه عمتي ادري بنفسي داجازف
لو عايفتة ورة الكتب ولا هالرعب
فتحت الكنتور اكو خانات كلش فوك شمرتة ليجوة كلش طلعت اركض الحمد لله ورد بعدها بالحمام
هسه يلا اگدر اگول ارتاحيت مي بارد نزل على گلبي صار عندي نشاط
خابرت زلال بلغتها وصعدت جهزت نفسي ورتبت روحي اجت عمتي التهت بالطبخ
قبل الساعة 12 فات ليث سلم على امه وبعدها
توجه عليه حضني كدامها يبووو شلون تباوع
صدك مبينة الغيرة على ملامحها اخذني من ايدي وصعدنا
محضرتلك ملابسك روح اسبح
حاوط خصري خلة راسة برگبتي
.. مو هسه عوفيني امتع نظري بيج
مشتاقلج حبيبتي بالگوة مصبر روحي ما اعوف الدوام واجيج
...ابتسمت اني هم مشتاقتلك وميتة على شوفتك
... ما اريد حجي بالفعل اريد تشوفيني شلون مشتاقتلي
... قبل الغدة سبحنا ونزلنا عمتي مادة بوزها
تغدينة وكملنا ورجعنا صعدنا
نايمين فزينة على صوت باب الغرفة يندگ
ليث گام فتحة سمعت صوت غيث يگلة
جيب مرتك وتعال انزل
... خير خو ماكو شي
... يمعود سوالف امك متخلص مضيعة ذهبها خبصتنا خبيصة عليه
ليال.. هلو الظاهر مشايفتة بغرفتها الف مرة حمدت الله وشكرتة بداخلي لو ما لگيتة جان اليوم انفضحت وطلعت حرامية
ليث... گومي بدلي خلي ننزل
... هي مضيعتة احنا شكو
... ما ادري ننزل ونشوف
... نزلنة جوة الحية سماح ورجلها العار موجودين
ليث... شنو السالفة ذهبيش الضايع
ايناس... الذهب مالتي ماكو مختفي مشيول من كنتوري والله اليوم أسوي ما اسوي اذا ما رجع
...شنو قصدج يووم قابل منو يأخذة؟!
.. ما ادري البارحة موجود اليوم اختفي محد غريب فايت علينا
عزيز.. عمة جيكو البيت يمكن حرامي فايت
.. يمه الحرامي اذا فات ميبقى شي يعتب عليه
مو يبوك حاجة ويعوف حاجة
سماح.. اهدي يوم اذا بالبيت ان شاء الله مايروح
بدون زعل لأزم ندور بكل البيت ومن ضمنه غرفكم اذا ماكو مانع
غيث... تالي عمرنا نتفتش ونطلع حرامية
سماح.. حشاك غيوثي لأزم نسوي هيج حتى الكل يبري ذمتة
ليال..واكفة اتفرج عفية عليهن شلون ممثلات خو عمتي مدري منين تجيب هالدموع
عمي وعمتي وسماح بدوا يفتشون البيت بدوا بالطابق الجوة عفية خلگ يشيلون ويطشرون
غرفة عمتي مفتوحة باوعت ملابسها واغراضها مطشرة هه عود مدورة بيها بس الظاهر ممركزة على الخانة الفوك لان تعرف مكان ذهبها
صعدوا للطابق الثاني بدوا بغرفة غيث و ورد
ورد شوية وتبجي
همست على كيفج ويا روحج يمعودة قابل احنا الماخذاتة
.. حقج مسمعتها شحجت لج اتكول هذا حرامي بيت هو شال الذهب
وسماح مقصرت اتكلها اي صح واكيد الكلام ميشمل اخواني
... وسماح شجابها بهذا الوقت بالذات
.... ما ادري على اساس عدهن طلعة عمة فاتت تبدل دقائق وطلعت تعيط تصيح ذهبي ماكو ردت البس منه ملگيتة
فاتت سماح دورت وياها وهم ماكو
.. ممممم الله يظهر الحق ان شاء الله
.. امين
.. كملوا غرفة غيث اجة دور غرفتي
مبقوا شي يعتب عليهم عود اخير شي سميحة انبطحت بالكاع ادور جوة الجرباية رفعت راسها لونها مخطوف عمتي عينها عليها اشرتلها براسها بمعنى ماكو وهنا عمتي گامت من صدك ادك وتلطم نبشت الغرفة نبش فرفحت
ليث... مو كافي دورتوا وملكيتوا شمنتظرين مبقى شي بالغرفة سليم گلبتوها گلاب
أيناس... اليوم احرگ البيت على البي طلعوا الذهب من جوة الگاع
.. نزلت جوة وگفت گبالي
... احجي وين الذهب
.. اشرت على نفسي اني
... لعد ابوج احجي وين وديتي صارلنة سنين ما ضاعت من عدنا گشاية من اجيتي انباگيت
ليث.. يووووم ترى طلعتها من ماعونها ليال ششدخلها مو جانت عد اهلها وهسه دورتي وملكيتي بعد شششكوو
... لا دافعلها ماكو غيرهاااااا
ليال.. لهنا وبسس ما اسمحلج اني مو حرامية مفهوووم ترى هذا الكلام اذا وصل الأهلي مراح يسكتون
رادت تهد عليه غيث لزمها
عووفني بنت الفگر تهددني بأهلها لج اذا مطلعتي هسسه ابلغ الشرطة مو بعيد انطيتي الأهلج
... هاا يعني اهلي هم صاروا حرامية
يلا بلغي شششمنتظرة وبهذا البيت دقيقة بعد ما اظل
ردت اطلع ليث مخلاني
امه على لحظة وگلبها يوكف من القهر سبحان الله دارت الادوار وانقلب السحر على الساحر
(وَأَرَادُوا بِهِ كَيْدًا فَجَعَلْنَاهُمُ الْأَخْسَرِينَ)
ابوهم مسويتة مثل الطلي يفتر وراها شتحجي يأيدها
غيث وليث ماقبلوا على كلامها
غيث... انتي دورتي زين بغرفتج يجوز مخليتة بمكان وناسسية
... سسسودة بوجهج ايناس اگلة ماكووو ذهبي انباگ باگتة بنت الفگر ذهب سعرة فوك الخمس ملايين راح
... على هاي فرفحتها باقي شوية اتگوللهم خليتة بغرفة ليال واكيد هي لگتة وأخذتة
غيث صاح على ورد وسماح راحوا يدورون بالبيت مرة ثانية ومن ضمنهن غرفتها
نص ساعة وصاح على امه
راحت تركض
غيث.... هذا ششششنو
... ششنو هذا ششجابة اهنا اني ممخليتة اهنا
.. يوم لاتكفريني هذا مو ذهبج وبغرفتج خبصتي الامه وطلعتينا حرامية
... امهم خنست ولا كلمة محجت
ليث.. لحظة ما ابقى اهنا يلا امششي ليال لمي ملابسج روحي الأهلج بين ما اشوف مهجوم نگعد بي
ايناس... يااا يااا كل عقلك بالقرآن اكتلها الروحي اذا طلعت يووم غلطت واني مثل امها ششكو بيها
ليال.. ماكو وحدة مثل امي
ماما مخلية جناتها بعيونها مايوم فرقتهم عنه
صارتلهم ام ثانية حتى باللگمة تتنغصلهم
ولا عبالج الموضوع راح ينسد تهمتج جبيرة ومينسكت عليها ترى ماطالعة من فطر الحايط
ولا زايدة على اهلي عندي أخوان واحدهم بمية زلمة وعششيرتي تسد عين الشمس رايحة احجيلهم وهما يتصرفون
ليث. لياااااال ششششنو تخبلتي جاي تهدديمن
لا اهدد ولا شي امك تهمتني وتهمت اهلي لازم يعرفون
غيث...شتحجين حقج محد يلومج اذا معتبرتنة اهلج الخاطرنا هالمرة عديها كلمة شرف اذا احد داسلج على طرف شتفصلين احنا نلبس
... امهم باكت طن هوا من هددتها ادري بيهل مو خوف على نفسها تخاف على ولدها اجت اعتذرت مني رادت تبوسني مقبلت عفتها وصعدت
جنت اتمنى لو من صدك اگدر اروح الاهلي
لكن للاسف هذا اختياري ولازم اتحمل نتيجة خياراتي الفاشلة
ليث بالبداية ضاج بعدين اجة يحضن ويبوس يحاول يقشمرني طلب مني ابدل حتى نطلع
بالكوة قبلت اخذني افترينة وتعشينا برا
متاخر رحعنا
زلال اتصلت عليها بلغتها الصار بالتفصيل ويا صديقتي ادري بيها ممصدگتني ودتأخذني على گد عقلي لكن للاسف اخجل من اختي الصغيرة ما أكدر أكوللها اني صاحبة المشكلة
عمتي من اليوم تغيرت ما الها علاقة بيه رغم هذا ظليت خايفة منها اذا اطلع منا لهنا اقفل الغرفة
خلال اجازة ليث لاحظت عليه تصرفات غريبة يطلع العصر مايرجع غير متاخر
من اسألة يگول ويا اصدقائي ولا عبالك بعدني عروس وميصير يعوفني والشغلة الأغرب اكثر من مرة شميت بي ريحة غريبة مضيعها بريحة العطر
دخل الشك الگلبي من اوسع ابوابة
خلصت اجازتة التحق واني رحت البيت اهلي غرفتي قفلتها وخليت اثر حتى اعرف اذا احد عنده مفتاح ودخلها بغيابي بدة دوامي
علاء بالبداية هو ياخذني ويجيبني وساعدني بالتقديم بعدين لزملي خط
من رجع ليث تصرفاتة صارت اغرب والشك الجان عندي تحول اليقين ليث يشرب بجيت تعصبت حجيت ولا اهتم
يكول عادي واذا اشرب المهم مماذي احد
وماكو رجال ميشرب
. لا اكووو بابا اخواني ولد خالي محد بيهم يمشي بهالدرب صايمين مصلين
فهمني من سألوا عليك ليششش الكل مدحوا بيك ليششش
...انجبي ليشش ششرايدة يذموني داگلج مماذي احد وسمعتي زينة وحتى انتي ما اعتقد من اخذتج لليوم سمعتج كلمة لو مديت ايدي عليج مداريج ومددللج
.. كافي كافي اششش ما اريد اسمع ششي
انهاريت نفسي وروحي جزت منه
وفوك هذا الضيم عزيز زوج سسماح معايفني بحالي يومية عدنا صار يجرأ أكثر من قبل اذا اقدملة شي يتعمد يلزم أيدي
مرة واكفة على المغسلة بحجة يريد يغسل اجة وكف وراي خلى جسمه كلة يطخ بجسمي تخبلت دفعتة وركضت
عيبي ما اگدر احجي اخاف يفروها عليه وهالشي خلاه يجرأ اكثر واكثر
مر على زواجي ثلاث اشهر عبالك ثلاث سنوات
من القهر والمغثة
بدت تصير عندي اعراض حللت حامل ابد ما رغبت احمل بهذا وضعي ليث وأهله كيفوا الا اني شلت هم جبير
بسبب التنساه وريحة الشرب باليث گمت ما اطيقة
ابتعدت عنه
بيوم جان جاي متاخر باليل
گعدت الصبح أريد اروح للدوام ليث نايم على بطنة بدون فانيلة ركزت اكو اثار اظافر وخمش بظهرة تلمستهن جديدات ندهتة قوووي
فتح عينه
.. شششكو
... شنو هاي الأثار بظهرك
جان مغمض فتح عينه
.. يا اثار
.. اثار خمشش احجي منين
... شمدريني اكيد منج
.. لاتخبلني مني ششنو ليث احجي لا أهجم للبيت عليك
كام بسرعة سد حلگي
... اشششش بطلي خبال وتهيأت داگلج منج البارحة باليل خمشتيني
... يا الله يخشش بعيني داگلك مو اني
... لا دوخيني تصدگين صدكي متصدگين براحتج
.. عافني ونام ششبعت بجي ماعندي دليل وهو مصر اني مسويتهن تمرضت حتى دوام مداومت
زلال... خالو والولد يتعللون يمنا من راحوا
اجتني سمجة
حورية.. اكيد تعرفين ليش خالج جان اهنا
... اي مو اقرأ الممحي وأشم على ظهر أيدي
... احلفي متدرين
.. وغلات عمة ليال ما أدري
.. زلاااااال
... اي اي عرفت اجه يخطبني الأركان اي وبعدين شصار
... ابوج ما قبل
... صدك والله
... اي والله
.. زلال اعتبريني صديقتج مو امج گوليلي انتي نريدين ابن خالج
... هههههه
... حجيت نكتة؟
... هو اني اشوكت اعتبرتج امي
غمتني رادت تگوم حضنتها ووووين جاي اشاقى وياج سمجتي وين الگي احلى من هيج صديقة
والله يا ماما لو غيرج امج ذبتني بدار الأيتام من زمان
... تعرفين بنفسج متنجرعين
... اي
.. جاوبي على سؤالي
.. بكيف بابا
... زلال وتالي
... والله ششبيج اذا بابا مقبل هذا هو ما اريده
... بتعجب ليش عود
... محد يخاف عليه بگدكم ولا يعرف مصلحتي مثلكم ما اريد اصير مثل ليال
... شبيها ليال
.. هااا مابيها شي بس شفتي بالخطوبة شسوو بيها
... خالج گال الأبوج زلال الاركان وما اقبل تروح الغيرة اذا حجتك الدراسة تكمل ونرجع نحجي بالموضوع
عاد ابوج جاوبة انطيك مرة وماندمت ما اعز على ابنك الثانية اذا بوكتها زلال توافق يصير خير ان شاء الله
ها ششو ضحكتي
... هههه لا مابية شي بس ياسمجة لشوكت اظل اقاتل بالمدرسة والله ما احب الدراسة
مو علمود الزواج بس ما احبها
... من تتخرجين ذاك الوكت راح تعرفين قيمتها وتشكرينة انتبهي على دراستج اذا طولتي ايسي زواج ماكو
... عوجت حلگي اي ماشي
من اليوم اهلي شددوا عليه جنت رايحة جاية البيت خالي هسه ممنوع لو وياهم لو ماكو روحة
و اركان بالصدف اشوفة حتى كلام ماكو بينا
جنت مصممة على موقفي اذا اهلي گالولي ميفيدج لا تاخذي مستحيل اقبل حتى لو روحي بي
ليال... نفسيتي من سيئ للأسوء ما اعرف اتلگها منين لو منين
من تعب الحمل والدراسة والدوام
لو شرب ليث وخيانتة
لو عزيز وحقارتة وصلت مرحلة من كل عقلي افكر بالانتحار
نزلت جوة جوعانة صارلي يومين ما اكل من القهر
ورد.. وأخيراً شفناج شصاير بحالج يمعودة
ليش حابسة روحج بالغرفة
... تعبانة ومريضة
.. سلامتج حبيبتي
... شو سنطة
.... عمة وسماح يم الخياطة بس عزيز وابنة اهنا
... گلبت وجهي بگلبي گلت لا هلا
ورد طلعت من المطبخ
اخذت بتيتة كشرتها سويتها اصابع وكفت يم الطباخ اگليها سمعت صوت العار
.. شلونج العاش من شافج
.... من الله بخير
..ششبيج تردين من طارف خشمج
... وشلون ارد مثلاً؟!
.. حقج معذورة الديصير بيج مو قليل
.... وشنو الصاير بيه
ضحك بخبث گال اني وانتي ندري شنو الديصير
.. لا ما ادري نورني
.. لا تكابرين متاكد تعرفين سوالف ليث وخياناتة
... وهسه شرايد
.. ليث ميستاهل وحدة مثلج لو منج ابادلة بالمثل
مفهمت
.. فهمتي وكلش زين مثل ما شاف غيرج انتي هم الف واحد يتمنى أشارة منج
اشگد نگس وحقير ما اجاوبك يجي ليث هو يتفاهم وياك
.. هههههه لو تريدين تحجين حان حجيتي من زمان لاتنكرين اعترفي تعجبج نظرات الاعجاب والرغبة
... من القرف اريد اتقيئ انداريت للطباخ طفيتة حتى اطلع من المطبخ هي ثواني ما ادري شلون اجة حضني من ورة قيدني اريد ادفعة ما اگدر اخاف اصرخ وتصير كارثة
وخررررر الله لايوفقك
... رايدج ميت عليج حسسسسي عاد
.... خلى راسة برگبتي باسني قوي تعبت من المرافس ردت اوگع من طولي
صرت اناشغ
تركني اريد انهزم اندارينة ابنة عمرة عشر سنوات واكف باب المطبخ يباوع بستغراب .......
