اندهش آدهم من معرفة السيدة الكفيفة له ..فهو لم يفصح عن هويته وكذلك هى لاتراه فكيف تعرفت عليه بمجرد القائه التحية عليها .....فاقترب منها وسألها..
(((حضرتك تعرفينى ....؟؟؟)))
اجابته مبتسمة.....
(((وهو فيه واحدة متعرفش زوج بنتها ...!!!)))
فرد عليها آدهم ...
(((حضرتك والدة حنين...؟؟؟)))
اجابته ...
(((ايوة اعرفك بنفسى انا الدكتورة منيرة والدة حنين طبيبة نفسية .....وطبعا انت مستغرب ازاى عرفتك وخصوصا انى زى ماانت شايف كفيفة لا أرى...
الحكاية طويلة واكيد انت جاى وعايز تعرف الحقيقة ...)))
اسرع آدهم بالرد...
(((أكيد عايز اعرف كل حاجة عن حنين تخليني الاقى اجوبة لأسئلة كتيير بتدور فى راسى من يوم ماقابلتها ولحد اللحظة دى....)))
اجابته وهى تشير له بالجلوس...
(((طيب اقعد وهاحكيلك القصة من بدايتها...
حنين بنتى هى البنت الوحيدة ليا انا وابوها ...ربيناها ع الأخلاق الجميلة والمبادئ ...علمناها حب نفسها وحب الناس ...كانت بنت جميلة رقيقة فى كل شئ
فتحت عنيها ع حب ابن جيرانا حسام اللى كان أكبر منها تقريبا بسبع سنين...
كان ولد جميل ورائع فى كل شئ..لكن للأسف طلع فى اسرة مفككة مافيهاش حب ولا تفاهم ولا احترام ....
كان والده ظابط ...فرباه ع الحياة العسكرية ،وكان طبعه شديد جدا مع والدته بحكم عمله ...كان دايما بيعنفها ويضربها ع أصغر الأخطاء...
كتير انا ووالد حنين اتدخلنا مابينهم علشان نصلح الوضع...بس للاسف مكنش بيغير طباعه ابدا ....
وفى يوم حصلت خناقة كبيرة بينه وبين زوجته وضربها واهانها جدا ..وتانى يوم صحينا ع خبر اختفائها من المنزل ...طبعا الكلام كتر ...لكن الحقيقة اللى انا متأكدة منها انها هربت من المنزل ...لانى شفتها بنفسى وهى خارجة فى نص الليل والكل نايم ....وبعد فترة قدرت تثبت عليه الضرب وأطلقت منه بحكم محكمة وبعدها ،والد حسام اشاع انها توفت وده نفس الكلام اللى قاله لابنه.......
طبعا بقى والده فقك هو المسئول عن تربية حسام ورعايته ..
ولك أن تتخيل ممكن نفسية الطفل ده تبقى عاملة ازاى...
المهم عدت السنين ..وكل مدى كان حب حنين لحسام وشفقتها عليه بتزيد بحكم قلبها الرقيق....
وحسام كمان كان بيحبها بجنون ..بالنسبة له هى الملجأ والأمان فى الحياة...
طبعا حسام اخد نفس اتجاه والده العسكرى وحنين بعده بفترة دخلت كلية الطب زينا انا ووالدها .....
وبعد فترة من تخرجها ..أتقدم لها حسام علشان يخطبها ..
حنين طارت من الفرحة ..ووالدها كان مبسوط لفرحها ده غير انه كان بيحب حسام جدا ووالد حسام كان صاحبه...
يمكن انا الوحيدة اللى مكنتش مبسوطه....
لان بحكم شغلى كطبيبة نفسية كنت مدركة أن صعب حسام يبقى شخص سوى بسبب الظروف الأسرية السيئة اللى عاشها...
فى حالة حسام ، الطفل اللى بيشوف والده بيعامل أمه بطريقة مهينة بياخد اتجاه من اتنين ..يا بيطلع شبه والده
يا اما بيبقى عكسه تمام ...وفى الحالتين ..الشخص بيكون بيعاني من الحرمان العاطفي وده فى حد ذاته بيأثر عليه وع اللى حواليه فى حياته الأسرية.....)))
ما إن نطقت الدكتورة منيرة هذه الكلمات حتى شعر آدهم بتعاطف شديد تجاه حسام ع الرغم انه لم يلتقى به اطلاقا...
ثم أكملت الدكتورة منيرة كلامها ...
(((اعتقد انت فاهمنى....؟؟؟!!!)))
فتعجب آدهم من سؤالها الا انها لم تنتظر رده وأكملت كلامها..
(((طبعا التحليل النفسى لحالة حسام كان صعب ع حنين ووالدها يقتنعوا بيه .....وخصوصا ان حسام كان ظاهره شاب رائع فى كل حاجة ...
زوجى والد حنين توفى بعد فترة بسيطة من الخطوبة ...
وكمان والد حسام توفى بعده ...
الأمر اللى خلى حسام يشعر باحتياجه اكتر لحنين وهى كمان حست باحتياجها له وخصوصا انها كانت متعلقة بوالدها جدا... وكانت النتيجة اننا عجلنا بالزواج ....الكلام ده كان تقريبا من ثلاث سنوات ......
ماعداش الا فترة بسيطة ع زواجهم وحصل اللى كنت خايفة منه .....
حسام بقى شبه ابوه فى معاملته لحنين ...
كان بيعنفها ع اقل حاجة وساعات بيضربها...الا ان حبه ليها
كان بيخليه يرجع يعتذر لها ويبكى بين ايديها ويترجاها ماتسيبوش زى أمه......وبكده و ع الرغم من الوان العذاب اللى شافتها معاه مكنتش قادرة تسيبه ..كأنها مسجونه جواه ......
حسام كان بيحمل حنين مسئولية كل حاجة فى حياتهم زى والده ماكان بيعمل مع والدته...
يمكن ده يجاوب لك ع السؤال اللى غلبّك كتير ..ليه حنين كتبت شرطها الأول فى عقد الزواج وانها تبقى زوجة فقط...)))
تنهد آدهم قائلا ...
(((ياه ..انا سالت نفسى كتير عن الشرط ده وعمرى ماكنت أتخيل ان هو ده السبب...
كملى لوسمحتى ايه اللى حصل بعد كده؟؟؟؟)))
أكملت الدكتورة منيرة...
(((عام كامل عاشته حنين مع حسام فى عذاب غير مبرر ..وكل ماكنت احاول اساعدها مكنتش بنجح ...
المهم ..فى يوم حسام تطاول بالضرب ع حنين بصورة هستيرية ..خلت حنين للمرة الأولى تطلب منه الطلاق....
طبعا حسام رفض وحاول يترجاها ويتوسل لها بكل الطرق..وللأسف قبلت ترجع له تانى شفقة بس كان خلاص رصيده نفذ من قلبها ....ويمكن ده كمان يجاوب لك عن سبب الشرط التانى فى عقد زواجكم ،انها تقدر تطلق نفسها... ))) ثم أكملت منيرة
(((بعدها بيومين ..حسام عرض عليها انهم يسافروا فى رحلة لتغيير جو لنفس المكان اللى قضوا فيه رحلة شهر العسل من عام ....حنين وافقت بس طلبت منى اروح معاهم ....لأنها بقت بتخاف من حسام...
وبالفعل ركبنا العربيه..وفى الطريق ،حسام عرض ع حنين انها تسوق لو عايزة... ..ودى كانت أول مرة يوافق لها انها تسوق وهو معاها.....
فرحت حنين وافتكرت انها بداية تغيير حسام ...
وبالفعل ركبت مكان السواق وانطلقت بينا ...بعد شوية بدأ حسام يزعق فيها ع خطأ بسيط فى ترتيب الشنط فى العربية ...فجأة عجلة القيادة اختلت فى ايديها واتقلبت بينا العربية...........)))
شعر آدهم بالتوتر من سماعه بأمر الحادثة فتحدث معها ...
(((انا آسف انك بتفتكرى الأمر السيئ ده بسببى.. )))
أكملت الدكتورة منيرة...
(((بالعكس انا حابة انك تعرف كل الحكاية....)))
ثم اكملت...
(((ماحستش بنفسى الا وانا فى المستشفى وفقدت بصرى ..وعرفت ان حسام توفى اما حنين حصل بعض الكسور فى أماكن مختلفة .....
طبعا بعد ما حالتى وحالة حنين اتحسنت رحت لها غرفتها علشان اطمئن عليها ...
وفوجئت انها مش فاكرة اى حاجة من العام اللى عاشته مع حسام فى عذاب ...، ولا فاكره انها هى اللى كانت سايقة العربية وقت الحادثة.
كل اللى فاكراه انها فقدت زوجها حب عمرها فى رحلة شهر العسل ...........،،،،
