رواية لك ياذا الجمال اليوسفي الفصل السابع 7 بقلم فاطمة العبادي

بارت 7

رواية #لك_يا_ذا_الجمال_اليوسفي

بقلمي ... فاطمة العبادي

قراءة ممتعة كيكاتي 🖤 ..

لتنسون تصويت + تعليق بين الفقرات 😌💙🌿 لاڤيووو بصوت زهراء ..

________

شهكت وحطيت ايدي ع حلكي وانه اشوف هاني شابك فدك وطايحلهة بوس ،هم شافوني ونصدمو

وبنفس الوكت انطلقت صرخات درة و صوت همام من الغرفة الثانية ..

هاني طفر قبل لا انه استوعب وركض بأتجاهي بس مبين ما جاي عليه، فدك تلملم بروحهة بخجل

انه طلعت ركضت وسبقني هاني للغرفة، فتح الباب وفات للغرفة ركض لحكتة انه والكل تجمهرو يم باب الغرفة

اول ما فتت شفت درة كاعدة ع سرير تبجي وهمام كاعد بالكاع گبالهة ويبجي ع بجيهة ..

هنا گبل اجه ببالي ان درة تخاف من الزلم بسبب السواه بيهة مؤمل ، ويمكن من شايفه همام مخترعة ..

زنخة هاني من ياختة وجرة ليث من ايد هاني

ليث ... شسويت للبنية همام، ركز وياي باوعلي شبيك وياها ليش تصرخ ..

هاني ... وهوا هذا الخبل هم تسأله ويجاوب تدري بي اذا ناح بعد ما يسد حلكة

ليث ... هاني اكل خر* شوية ، باوعلي همام خوية باوعلي عيب تدخل ع بنية وهية كاعدة بغرفتهة وحيدهة بعد لا تعيدهة عيب، ع ي ب فهمتني .. يحجي ويهزله براسى بمعنى فهمت؟ ..

بس همام جان فاصل يبجي ..

درة شابكتني وحاطة راسهة بصدري وتشهك

هاني حاچاه بعصبية ..

هاني ...شسويتلهااااا؟

درة احچي شنو طگچ؟ لو سوالچ شي؟

ليث ...انطينه مجال هاني يلا همام ماصار شي اهدأ اهدأ لا تبچي بروح حلقومة

فاضل ... دوخرو بوية وخرو وعلي ابن ابي طالب اريد اخلص صلاتي واركض ضليت اخربط بالايات واطبك بيهن سوية شمالكم

فلك ... بوية درة صرخت وركضنة كلنا لكينة همام يمهة بالغرفة يبجي ..

باوع علي عمي ورجع باوع بأتجاهنة اني ودرة، بس هية ضامة وجهة بصدري

من صارت نظراتة عليه، حضنتهة بقوة وباوعتلة بقوة ابتسم تك خد .. ورفع حاجبة

فاضل ... همام شلون حلقومة؟

رد علي بنحيب وهوا يباوع بأتجاهنة ... تبجي حلقومة ما سويتلهة شي والله ..

سداد ... ولك هاي مو حلقومة فلك صابك وطشر ز*** انتَ اعمى شنو ..

همام ... حلقومة حلقومة، والله هية

ليث ... امشي نطلع نسولف ع كيفنة بالصاله يله حبيبي

همام ... والحسن العسكري ما اعوفهة ، وانه لگيتهة هسة ما اعوفهة

نجوى ... هوا هيج ليث يمه مرات يتخايل حلقومة، درة يمة احجي ويا وكليله انه مو حلقومة

فاضل ... ما أظن ...

رهف ... حاجي خطية

هاني ... هوا شسووالهة وصرخت ...

رهف ... ما اعتقد مسوي شي بس هية درة تموت ولا واحد يوصلهة وبالاخص اذا نايمة و واحد كعدهة تخترع

ويمكن شافت همام و .... سكتت ما كملت

ما اكدر اوصل الهم فكرة ان درة تخاف، وابسط حركة من رجل غريب تعتبرهة تحرش وتنتفض

رغم هذا اول موقف، بس انه جنت متأكدة راح تصير هيج ورة سالفة خطفهة ومحاولة مؤمل بالاعتداء عليهة وتاكدت من شفت نظراتهة الخايفة من الشباب يم المدرسة ...

هاني ... امشي اطلع بره همام لا توصل لخواتي

ليث ... هسة خواتك وحدتهن لميس ابو شعر اكلك استقر خبصتنة خواتي وخواتي جا غير هنة هم بحسبة خواتنة لو ما ندري بهمام مؤدب جا طيحنة صبغة هسة ..

فاضل ... اخذوه بره يله ... وطلعو كلكم

درة سمعت طلعو كلكم وشددت حضنتهة الي ، زميت شفايفي بغيض

وثواني المكان خله من الناس تمامًا

تقرب عمي فاضل وكال بهدوء ضلينة انه وياج واختج رفعي راسج ..

رفعت راسهة بحزن من حضني وهمست طلع!

فاضل ... اي طلع، شسوالج همام وصرختي ..

درة وهية تبجي ... جنت نايمة تعبانة، ومرتبكة كلش بنومتي جا مكان جديد، الهذا السبب انفاسي جانت مضطربة ويمكن لو واحد يتنفس يمي اكعد ..

حسيت بصوت هامس يم أذني ، يهمس بنبرة مكسورة وغص بدمعتة ... حلقومتي هاي يمتة رديتي

.... ختم كلماتة وهوا يشيل الغطة عني وايدة تحتضن خصري

استوعبت هذا الصار مو حلم ، وفتحت عيني وطلعت من شهكة لا ارادية

من شفت هذا الولد همام كاعد ع ركبة بالكاع وحاط راسة يم راسي

والتقتت نظراتة المفزوعة ويا نظرات عيونة المدمعة انفزعت ارتجيت كل ذرة بية انتفضت وصرخت ..

وهوا ضل يصيح حلقومة لا تصرخين لا تصرخين

وانتم طبيتو .. تحجي بـ بچي

تقرب عمي بهدوء ولزم طرف ثوبهة من جوة كمزت ولمت رجليهة

قطب حواجبة ورفع راسه، اتكأ ع عكازتة وكال بمعرفة ... منو متحرش بيچ كبل لا تجين لهنا ..؟؟

اتعست عيونهة تباوع بصدمة، هذا شلون عرف او شك

حجت درة بصوت مهتز ... محد ، محد ...

فاضل ...انا بحسبه ابوچ لا تستحين مني واحچيلي يلا بوية

درة ...شمالك عمو؟

طبيعي اي بنية تخاف من لمسات الشاب الغريب الها رد فعلي يعتبر طبيعي

وبعدين اني عندي طبيعة اضوج واكش من واحد يلزمني

فاضل ...هااااا

درة ...اي

هز راسة وطلع، عجيب هذا الرجال يتصرف من جوة ليجوة وابد ما تحس بي اذا راد يسوي شي

وما تكدر تعرف بـ شنو يفكر، واحلى شي يكدر يفهم الشخص من حركاتة ..

ربط فزع درة المفاجئ ، ويا خوفهة من كض طرف ثوبهة بثواني وطلع منه هذا السؤال "منو متحرش بيج گبل لا تجين هنا"

درة ... دعيت الله بسري نطلع منا قبل لا يكشفني خوفي كلمات خالي مازالت تتردد براسي

وخصوصًا من حذرني، ومنعني احجي اي شيي يخصني سواء زين او مو زين

كل اسراري لازم ما تطلع، حتى لا يعرفون كل نقاط ضعفي ويحاربوني بيهن ..

لازم اكون قوية وكتومة وما اخليهم يسحبون مني حجي

حطيت راسي بهدوء ، بحضن رهف غمضت عيني وسكنت روحي، مثل المخدرة صايرة بس اغمض اغفة

رهف ... حطيت راسهة ع مخدة، وارتجيت ع سرير يمهة اتأفأف بضجر، يمتة يرجعونة ونرتاح

هذا يوم واحد واحس طلعلي كلب بصف كلبي

انفتح الباب فلك مدت راسهة من الباب وأشرتلي اطلع من شافت درة نايمة

طلعت وراها جانو صابين السفرة بالكاع وكاعدين وهمام ماخذلة كتر كاعد بي ويمة غيث يحجي ويا بهدوء ... وسفانة مموجودة يمكن بعدهة زعلانة

بعدة الاكل ينحط ع سفرة وفدك واكفة مسافة عن هاني وتسولف ويا بس وجهة احمر دم، وهاني يجاكرها وهية مبتسمة خجلانة

باوعتلهم بمكر، ومن التقتت عيوني بعيون هاني رفع طرف حاجبة

وتقرب منهة حضنهة، انه فتحتت حلكي بصدمة

ما احس الا ليث هبدة ع راسة بعكازة ابو

... لك ك*** ندري عاقد عليهة وحلالك بس مو كدامنة احترم مشاعرنة احنه اخوانهة

كل ما اشوفك كاعد يمهة اريد اكضك وازلغك زلغة معدلة بس واكفة بعيني فدك

هاني ... حلاااااللييييي ولازم حدودي وياهة لا تخاف بس لا تضل واكفلي مثل ناطور الخضرة، يله حبيبي يله ابتعد شوية افسح المجال لمدام هاني جعفر تعبر للمطبخ وتجيب صحنهة وصحن رجلهاا هاااني جعفر ..

زميت شفايفي بحيرة، ورفعت حواجبي بأعجاب

بربرية اريدلي لزمة عليهم ماكو ..

شلون اطلع منا وهمة مجاي يسوون شي سيئ يخليني احتج وارفض الكعدة بهذا البيت ..

ليث ... اختي ما تشتغل عندك انتة روح جيب اكلك واكلهة اختي اميرة

هاني ... شلون راح يطلعني عن طوري ويخليني امطس بمصارينة الك**

سداد ... اكلك شيل ايدك عن خصر اختي انته ما تستحي

هاني ... لا انه زلمة ما استحي بايع ومخلص ك*** عندك مانع حبيبي؟ عندك

سداد ... موجود المانع بالصيدليات بس هذا الك مو الي

هاني ... انجب لك سرسري

ليث ... والله ما غيرك السريري امشي منا فدك كملي نقل الاكل لا تضلين واكفة وساكتة

كام هاني للعناد حضنهة ومايقبل يعوفهة

سداد ... ولك ما تستحي ما عندك خوات

اشرله براسة عليه وثنينهم التفتو عليه ... ذيييج اختي والثاني مخترعة ولابدة وبعد عندي ثالثة صغيرة

سداد ... تقبل اشبك بأختك كدامك ؟

هاني ... والله اذا خاطبهة وعاقد عليهة ما اكول لا اشبك وبوس

ليث ... بس لا تبوس بأختي ؟

هاني ... لا بس مرات يوازيني الشيطان ...

اخيرا نطق ابو الهول الصامت و همست بخجل ... حبيبي خليني اروح عيب ..

تحجي وخدودهة تريد تنفجر من الحمار ، جروهة اخوانهة من ايد هاني ورجعو ليورة بالدفرات

دعم بظهر غيث صاح ... ظهري ظهري خلوني اسكت هذا المصخم

همام ... غيث وخر عني وخر

غيث ...لا حووول ولا قوة الا بالله اسمعني يا اخي هذيج الي كاعدة بالغرفة مو حلقومة حلقومة ماتت ..

همام ... ما ماتت

غيث ... لا ماتتت الله يرحمها انطتك عمرهة

همام ... وخر عني غيث خليني ارجع البيتنة صوجي مريت عليكم والله صوجي

غيث ... لا وين خليك حطينة غدة بس أنسه حلقومة خوية مو حلقومة هاي

جر نفس وعميق وكال ... لا مو حلقومة يله عوفني فلك فلكك لطشت خو ما لطشت وخر عني

غيث ... مو صوجك والله

نجوى ... ابوكم طب للاستقبال صيحولة يله وتعالو تغدو ، رهف وين اختج

رهف ... اختي غفت تعبانة كلش وخايفة ... حجيتهة وباوعت ع همام

باوعلي بـ نظرات بريئة وخوف عليهة

ولا كأن الي هية بي بسببة، خوفهة راد يوكف كلبهة ..

مها ... كعديهة تتغدة خطية

نجوى ... اي صدك واذا ما كعدت اضملهة غداها لحد ما تكعد بس من الصبح الهسة جاعت ما ضلت

رهف ... دقيقة ..

حجيتهة وفتت ندستهة بكتفهة مرتين تلاثة وكعدت رفعت راسهة كالت بضجر ... شكوووو

... امشي تغدي حطو غدة

عضت شفتهة السفلية وكالت بضوجة ...ميتة جوع بس استحي اكل كدامهم وهمة هواي ما شاءالله

رهف ... خاف كومي اكلي دوسيهة دوس ع شنو الخجل متكليلي

درة ... خاف عيب ادوسهة كبالهم

رهف ... العيب بالجيب امشي

وبعدين تعاي راح تكابلين وجوه فدك وفلك وليث وغيث وسداد وحمودي وامهم الصاكة وجنتهم ما تنفتح نفسج !؟

غير بس وجوهم عافية ..

ضحكت وكعدت ربعت ... ولج انه استحي اباوع بوجوهم هنا زلمهم احلى مني

انوب شنو لو شكران لو سمران ما عدهم حل وسط

شو هوا الاسمر بيهم جنة كيكة صابين ع وجهة ككو

والأشكراني صينية بسبوسة

وانه خري** وكاعدة بنصهم حتى فشلة

رهف ... هههههه فلشج كون ولج حلوة والله حلوة وسمرة مملوحة ، وكل ملامحج طبيعية

درة ... بس سودة

رهف ... انجبي وكومي عيب عيب تأخرنة

درة ... العيب بالجيب رهوفة خاتون يالواطوط

رهف ... هههههه فلشج كون ولج باتمان انه

لفت شعرهة بسرعة ولبست شالهة وطلعنة كالو ننتظرجن ، راحت غسلت ورجعت

كعدت يمي

من شافهة همام كال ... حلقومة

والشباب صاحو ... اهووووووو عمي حلقومة حلقومة هاي بس لا تحجي وياها ..

بدينة نتغدة وهاي مها طبخهة يجنن ، ابدج بس تاكلين وما تعوفين الصحن

انه ما استحي بس درة خجلانة ومبين عليهة لان تنقش ، عاد سداد ابن عمي كللهة ... بت عمي ما تاكلين شبيج خو ما بيج شي

هية غصت باللكمة المفجوعة وفشلتنة

ضليت اضرب ع ظهرهة وسداد فتح حلكة المسكين

وهوا منا شحلاتة اشكراني وبنفس الوكت شكلة الرجولي وعيونة الوسيعة اتسعت زيادة

من صدك الواحد تلزمة الضحكة

نزاكة ورجولة بوكت واحد

سداد ... ما سويتلهة شي

رهف ... شربي ماي حبي انشحط بلعومج

فاضل ... بت عمك بيهة فزة بوية .. سمي عليهة رهف سمي

باوعت العمي يحجي بنبرة مكر، تقوست حواجبي بغضب هذا وين يريد يوصل ..

اجت عيني بعين ليث فجاة مستغرب من نظراتي الأبو وعاقد حاجبة

ما هتميت وكلت الدرة ... ها شلون صرتي

هزت راسهة بخجل بمعنى ما بيهة شي ..

سداد ...كلت راح تموت وتطيح براسي يكولون بسبب سداد

رهف ...شسالفة شنو كدامك بزر نستلة من غصة تموت

سداد ...شو مبينة رچيچة وروحها على كداها

رهف ...عاد بهاي انت صدگت بس مو لدرجة يوكف كلبها من غصة ههههه

خلص الغدة وشربو جاي ، كلت اساعدهن بالمواعين زحمة خلي اعرض مساعدتي قبلن

وغسلنة انه وفلك وفدك

سالت فدك ... انتي خطيبة هاني ?

فدك ... اي خطيبتة

تحجي برقة وصوت هادء، وصوتهة ينعوص لعبة روحي وبعد ما كتلها شي

حتى ما سألتهة شوكت العرس ..

كملنة غسل، نشفت ايديني وجنت طالعة من المطبخ صار ليث بوجهي يريد يفوت وكفت ع صفحة وانطيتة مجال فات بس خازرني بغضب

اوي شبي هذا ؟

عفته وفتت للغرفة يم درة .. باوعتلهة كاعدة وساكتة كعدت يمهة احس بملل

جان يجي واحد من الاطفال عمرة بل3 سنوات

الي اعرفة هذا ابن مها وليث الجبير اسمه

احمد .. دغة وييييين ... يحجي ويجر بالكلمة ..

درة ... انه دغه شتريد حبيبي

رفع تيشيرتة وطلع محفظة من تكة اللباسة مالتة، طبكت شفايفي وضغطتهم وارتفعت وجناتي بضحك

درة هم نفس الحالة

مدها الدرة وگللهة ... سوفيهة وانطيني اغجعهة (ارجعهة) العمو

درة ... هاي مال منو رجعهة حبيبي

احمد ... لا سوفيهة واغجعهة هوا دال (كال)

سحبتهة درة من ايدة، حطيت راسي يمهة ... فرتهة منا ومنا وقوست شفايفهة معاجبهة الوضع

فتحتهة وانصعقنة ثنيناتنة .. واحنة انشوف صورة درة وهية صغيرة بمحفظة هذا الرجل

رهف ... هاي محفضتمن ؟

احمد ... عمو تمام

رهف ... همام؟

هز راسة بأي اخذتهة سديتهة وكتلة شفناها رجعهة

التفتت ع درة وانه عاضة شفتي السفلية بغضب، واحس النار بدأت تاكل بية من الغضب

... كلهم جذابين كلهم كلهم بدون اي استثناء واتحداج تنكرين هاي الحقيقة

درة ... اكلج انه عقلي شوية مشوش صورتي من انه صغيرونة شعدهة بمحفظتة حاطهة وليش يوديهة علمود اشوفهة

كمت ع حيلي افتر بالغرفة مثل الحمامة المجروحة واحجي بغضب مفرط

... شايفتة هذا همام اصحة مني ومنج والله اصحانة كلنا مبين

وهاي الحركة اكبر دليل

انه من شفتة يمج ويصيح حلقومة كلت شجاب درة ع حلقومة

ذيج عيونهة زرك وشكرة

وهاي سمرة

وبينهم فرق جبير، بس هسة تاكدت حلقومة انتي مو ورود بس نجوي جذبت علينة ..

وهذا ممتخبل ع حلقومة اكو شي ثاني مخبلة

ومخلي يصير مريض نفسي ويحجي ويا روحة

بس شنو مادري راح اعرف راح اعرف ..

درة ...هلووووو لا تكليلي هذا البربوك يحبني وانه حلقومتة ؟

رهف ... اي مبين بس انتي سكتي لا تسوين شي ولا تبين انج عرفتي حتى كدامة ثكلي وسوي روحج ماتدرين بشي

النقاط كثرن كلش هواي

والاسرار صارت هواي، بس راح تنكشف

مفتاح كل سر هوا امي

درة ... لا قصدج امي القفل الي محتاج مفتاح

نسيتي تناقضهة ويانة مرات، نسيتي مرات تحجي حجايات ومن نكللهة وضحي تسكت

كلهم أقفال للاسرار ومحتاجين مفاتيح حتى نعرف احنه منو ويانة ومنو علينة

رهف ... وهذولي البربرية ما ينكرهون يمكن ، هم مبين عليهم عدهم سوالف هووواي ضامينهن بس شنووو مادري

فاضل ذكي ذكي ذكي طركاعة لفته ع هذا العقل الشايلة

درة ... لا تحجين هيج مو زين شبيج

رهف ... متشوفيني اغلي اغلي ولج احنة بنص جذبة جبيييييرة جبيرة ، عمة نجوى تكول ما طردناها ولا طكيناها بوردة

وامي تكول ضربني نسوان عمامج وعمامج مؤيدين الهن وطردوني بنص الليل

انتي تذكرين من اجت امي فحطانة بنص الليل كعدتنة وكالت كومن يمة كومن نروح لخوالجن ..

درة ... اي وطلعتنة من البيت بالليل واخذت تكسي لبيت خوالي

رهف .. اي كالت طردوني وكالو ما نريدج بيناتنة اخذي بناتج وطلعي

وهية خذتنة وطلعنة

وهسة حجي عمامي بالعكس، امي تكول هية احسنت الهم وهم جازووها بالخذلان والطرد بعد وفاة والدي

بينما هم ديكولون احسنو الهة وهية متريدهم

وتريد تسمم افكارنة علمود ما نحبهم ونحبهة هية وبس ونضل وياها ..

درة ... بس احنة المااااضي ما يخصنة

رهف ... الماضي مرررتبط بالحاضررر ويجوز ايأثر ع مستقبل درة شغلي عقلج ابوسة شغلي

درة ....مشتغل وجاي افهم بس الماضي ما يتغير شنسوي احنه

رهف ... همام يحبج انتي حلقومة ، الولد هذا سبب مرضة مو موت ورود

بس راح اعرف

عفتهة وطلعت من الغرفة اغلي عبالك شابة جواي نار ومرتجية ع اشواك تنغرز بلحمي وحدة تلوة الأخرى، طلع بوجهي هاني سوالي بأيدة مفاجئة

... وين رايحة الحلوة

رهف ... اريد عمي

هاني ... وهوا ما يريدج الزلمة تعبان وكاعد بحضن عمتي نجوى هسة تفركلة راسة

رهف ... سفيه

هاني ... فدوة لله روحي ارتاحي العصر احجي ويا

رهف ... انتَ ليششش تكرررهنااا مو احنه خواتك

اشر ع روحة وكال بصدمة ... انه اكرهچن؟ شني بوية كاتلات مرتي، كاطعات ليله عرسي ابد والله ما اكرهجن

يحجي بطريقة تنرفز متعرفة ديحجي صدك لو يستهزء ، رفستة برجلة حيل ودرت وجهي عنة

ليث ... هاي شبيهة اختك عقلهة راكبة جني كلش حقودة وعدوانية

التفتت علي نص التفاتة وكتلة ... ومتعرف شوكت اهجم ع مقابل وافترسة ، اتچفى شري احسنلك لا اخذك بسنوني وأذبك اعظام ..

هاني ... حل حل حل تستاهل ليش تحتك باختي

ليث ... مو اختك عمي هاي اخوك وسيد سامي زلمة ناقصهة بس شارب ..

هاني ... رهف ربي شارررربج

طكيت الباب حيل

ليث ... بالعباس بفلوسسسس هذااا الباب بدم كلوبنة مسوينة يالحية

فتحت الباب مديت راسي وكتلة ... جلدي چلب بالباب

ورجعت سديتة حيل ..

ليث ... دخيلك يسيد سامي ..

هاني ... هاي متتحاجة بسرعة تهجم

درة .... شبيج وياهم ع كيفج رهف عيب

رهف ... هم كلتلي عيب ولج انتي تعرفين شنوووو يعني الناس داير مدايرنة كلهم جذابين

تعرفين شنو يعني حتى امي يمكن تطلع تجذب علينه ، درة سكتي سكتي ..

درة ... تلفلت بالغطة وتزفر بغضب

ما اعرف ليش هيج الموضوع قاهرهة وشاعلهة نار ميسوى، بعدين نفترض طلعو جذابين شنو راح يتيغر

وكفت كبال المراية، عدلت شعري بأيدي وكرصت خدودي، امدا حظي تاليتي همام يحبني

بس هوا الولد مابي شي هسة انه شبيه هيج مكبرة الموضوع

وحاط صورتي من انه صغيرة بنص محفظتة الخاصة ، يعني حب طفولة وترعرع بداخلة

بس الله يعلم حقيقتة وحجمة ..

موضوعة شغل بالي، وحيرني ..

صرت مثل الشاربة شي، وضالة بس تصفن

عيوني تراقب الحديقة الزاهية، ونسمات الهوى التنعش كلبي صارت علاج روحي الي

حسيت بطمئنينة و رايحة اجتاحتني

جان منظر الحديقة شي رائع، كبيرة كلش واسعة

ارضيتهة باللون الأخضر

بيها اشجار التُكي، والنبگ والتين والبمبر

بجانب الجدار بحيث خافيتة ..

و بجانب الاشجار، قوس حلو من انواع الزهور الملونة بألوان ساحرة

ما اعرف حقيقية او لا ، بس المنظر ساااحر ..

حسيت نفسي جاي اباوع بفضاء واسع اخضر يتخللة قوس قزح ملون بأكثر من سبع الوان ..

الساعة بل5 العصر حسيت بواحد ينقر ع باب بخفة، وبكل ادب

تقدمت للباب فتحتة، انصدمت من شفت سداد بوجهي وانه مالابسة شال

ركضت لبستة ورجعت فتحت الباب شافني وضحك

وكال ... انتي كل ما تنهبطين بسببي انهبط وياج شبيچ زعم تجلطيني

درة ... شسويلك بالغدة خجلتني وهسة خرعتني

شداد ... فزاعة واكفة كبالج وخرعتج لو غوريلا

درة ... لا والزهرة حلو ...... فتح حلكة وضحك بصوت عالي ارتفع راسة ونزل بشكل تلقائي وعيونة انخصمت من الضحك

درة ... شبيك تتمضحك ذبيتلك نكتة بس قصدي ما تخرع شكلك ما يخوف بس اخترعت جا حسبالي البنات

سداد ... اسف عمتي وعد بالاستقبال

درة ... وهاي يهي ع الله

سداد ... عمتي وعد

درة ... وانه شمعرفني بعمتك وع ..... يااااااا امي امي

طفرت لنص الغرفة انغز بكتف رهف ولج كعدي اجت امي

سمعت امي وطفرت من الفراش تفرك بعيونهة وتريد تطلع ركض بدون شال، جريتهة من ايدهة

وهية فاتحة تك عين وتكلي ولج خليني اطلع الامي

... البيت بي زلم نسيتي وروحي غسلي وجهج يالوصخة

رهف ... شنو قابل بالحلم العب بالطين و وصخة

طبعا اغسل بس شسمة راح من بالي من الفرح

لفت شالهة وطلعت غسلت وانه ركضت للاستقبال شفت امي وشبكتهة بعمق، وهية شددت بحصنتهة الي

... يمة ويننننج وينج انتي

وعد ... ويني بالبيت ي امي وانتن هنا يم عمامجن خو ما يم غرب ..

درة ... كاتي شلونهة

وعد ... زينة تسلم عليجن هواي هية وخالجن

درة ... نرجع وياج يمة نرجع وياج

رهف ... يمممة

اجتي سلمت عليهة وبوسنة ترف جانت جاية ويا امي

كعدت امي وضلت تسولف وهاي وانه ورهف وحدة تباوع للثانية ومنتظرين تكول هسة نروح

اخير شي التفتت علينة وكالت ... بنات انه رايحة وجبت غراضحن وكتبجن كلهة شغلة شهر شهرين نشوفلنة بيت هنا ونكملة واخذجن ونكعد بي

حجينة انه ورهف بصوت واحد مصدومين شلووووون

امي باوعت لعمة نجوى وهية كملت

... عمامجن ما يرضون ترجعن الخوالجن يردونجن هنا يمهم وامجن ما تريد تجي هنا

راح تكعد عد خوالجن منا ع ما نحصل بيت هنا بيناتنة ونرتبة الكم ..

رهف ... لا لا والله ما تطلعين منا اذا مو رجلي ع رجلج

وعد ... رهفففف انه اريد تضلن بنص عمامجن منا ع ما نشوف بيت كافي مو جاهل انتي

رهف .... لاااا امرج عجيب غريب كولي بـ شنووو خوفوج وجبروج تشمرينة عليهم

وعد ... رهف عيب .... حجتها بغضب

انه بس جنت صافنة، هنا ادركت ان امي فعلا من كل عقلهة تريد تخلينة يم عمامي و موافقة

رهف ... عيييب شنووو عيب شنووو يا ربي راح تخبلوننني راح تخبلوووني طلعتولي كلب ثاني بصف كلبي ومجاي يجرعكم

كلكم كلكم ما تخافون الله وتلعبون بينة عبالك احنة مو بشر

يوم تحجين معاناتج وياهم وتكرهينة بيهم، ومن جهة ثانية جاية تردينة نبقى عدهم

انه ماااا أضل هناااا ..

نجوى ... انتي تعرفين الأسباب افضل تقبلين وتكونين هادئة واحنة انحطجن بعيونة حد ما يجهز البيت وترحن يم امجن

رهف ... اي اعرف الاسباب اعرف احنة صرنة شابات ولازم نعيش بنص اهلنة، بس ما يأثر اذا رجعنة هاي الشهرين ثلاثة على ماتحصلون بيت

وعد ...لا يأثر انه رايده هذا الشيء اريدجن تضلن هنا هذا قراري النهائي وغير قابل للنقاش وخوالج هم ما عدهم اعتراض الموضوع انحسم

رهف

درت وجهي وطلعت واني اصيح ما اريد اشوفكم بعد ما اريد اشوفكم ليششش خااالي حر عافنة ..

احجي والعبرة متجمعة ابلعومي، طلعت ونصدمت بالجبل الواكف كبالي ، اختل توازني وطحت ع حايط

ويا ماطحت خياط الدراعة الي بالوسط انفتگ لأن ضيگة علية وطلع صوت يعلن عن دكتة الناقصة بية بهاي الساعة ...

ليث رفع طرف حاجبة باستهزاء وكتف ايدينة ... جماعة زحل لبسكم ضيك تستاهلون اليصير بيكم

رهف ... انته والله نازع المستحة دور وجهك خليني امشي للغرفة يله

ليث ... وليش ادير وجهي امشي هيج من كدامي النظرة الاولى حلال

كلش عادي اشوف انتِ عارضة روحچ ، حجة ونصة يريد يساعدني

بله كومي خليني اشوف

يحجي ورافع طرف حاجبة بمكر، صعدت النار الراسي

شفت مزهرية جببرة يمي باوعت منا ومنا محد شمرتهة بغضب ع كاع

.... ماااا تستتتتتحي تتتتحرررررررش بية حيووووان بعدنة بأول يوم تررردون تنهشوووون بلحمنة لحكوووني النذللللل يتحررررش بيييية والله لخليهم يكسروووون راااسك والله ...

ضل يتلفت مصدوم، وفاتح عيونه ع وسعهن

انفتح باب الاستقبال وطلعت عمه نجوى وامي والبنات صرخت ببجي ... اهئئئ مااا يستحي

ليث ... اوكفي رهف فهمتيني غلط والله انتي طحتي وانه كومتج بس مالحكتي تفهمين صرختي

نجوى ... فهمونة شلون افتهمتك غلط شصار

رهف ... عمة شك ثوبي من ورة لان جرني حيل منه ..

احجي وأبجي ..

نجوى ... بله راويني

درت الهن يشوفنة شهكت امي وكالت ... عزةةةة وطين يمة وين ابو ليث ما اخلي البنات هنا لا لا اخذهن وياي ، يرحن يتدمرن بناتي شحجي وشكول

ليث بغضب وهوا يحجي من بين اسنانة ... البنية فهمممت غلط عثرررت وكضيتهة كومتهة عبالهة غير شي ليييش تكبرون الموضوع

وتطولونهة وهية كصيرة ..

وعد ... احجي ولج يمصكوهة احجي شسوووالج

رهف ... مادري ما كدرت استوعب غير ايدة ع ظهري وعتني حيل وسمعت صوت ثوبي انشك

ليث ... اي اي جا جريتج حيل وكومتج بس انتي صار عندج رد فعل قوي يمكن لان طلعتي عصبية وعقلج مو الج

صكيت ع اسناني بغضب وهمست ... يمكن

مها ... جان فهمتهة قبل لا تصرخ

ليث ... ما لحكت

رهف ...ما ادري اعذروني يمكن كلامه صحيح انه اخترعت من الوكعة وهم معصبة انفجرت علي

وعد ... ما صار شي جبت ملابسجن كلهن بدلي عود

رهف ... وينهن ؟

فلك ... بالمطبخ راح اجيبهن للغرفة

عفتهن وركضت للغرفة، عفتهم وراي يهدأون بعض ويكولون يله ما صار شي ..

كعدت بالغرفة ابجي الى ان اجت فلك جابت الجنط

طلعتلي ملابس منهة وركضت للحمام سبحت طولت بالحمام كد ما بجيت جوة الماي ..

حتى من سديت الماي سمعت صوت الاذان، اوف امي راحت مدري بعدهة هنا

اتمنه احضنهة واشمهة بس السوتة بينة وتخليهة عنة بهيج وضع خبلني وخلاني افقد اخر ذرة عقل براسي ..

لفيت راسي بالمنشفة زين وفتحت الباب ، صار بوجهي ليث واكف مرتجي ع مغاسل ومكتف ايدينة

عاقد حاجبة بغضب ومبين علي راص ع سنونة

بس ما خفت منه ولا هز شعرة مني ، سحبت عيوني بغرور وردت امشي من كدامة وكفني صوتة البارد رغم براكين الغضب الي بداخلة

... انه يمتة تحرشت بيج يالفوصة ليش ردتي تخلقين مشكلة

رهف ... ليش تجذب مو تحرشت بية؟ بس انه عبرتهة الك بمزاجي

ليث ... حلوووو عبرتيهة يعني عاجبج الوضع كلتي اذا اضل مصرة ع رأيي تاخذني امي وافلس محد يتحرش بية بعد

باوعتلة بنص عين ومشيت ... لان هوا يعرف وانه اعرف كلشي مالهة داعي المشاكل هسة والجدالات

حجة بصوت ناصي بس سمعتة

ليث ... الشرنفص لابستلي حصر و *** يفتر ذاك هوا

اشتعلت نار ردت اتعارك ويا بس كلت لا حقا يمكن

لان جنت عند خوالي ماكو غريب وابد ما افكر بلبسي يمكن صدك ضيكات ..

فتت للغرفة شفت درة كاعدة وتبجي

... شبي وجهج يتلاطم

درة ... امي راحت خية

خنكتني العبرة بس ما بينت الهة ... اي خل تروح هية ما تريدنة يكول ابو المثل المايريدك لا تريدة ..

درة ... لج هاي امنه

رهف ... شبيج من يحصلون بيت ننتقل كلهة شغلة شهر هاي اذا تحملونة شهر

وكفت كبال المراية اسولف وياها و اباوع ع ثوبي هوا الصراحة كلش زين، مو ضيك

بس شسوي شسوي اذا غراضي كبار شسوووووي شلون اصغرهن

احتركت صفحتك ليث بنار ونفط

ضاك خلكي كلش، حتى استحي اطلع وامشي كدامهم هسة شنو يكولون عليه لابسة ضيك وهوا زين

والنوب اربع شباب بغض النظر عن كون غيث وليث متزوجين بس الشيطان شاطر ..وبليس ما يرتاح اذا ما يوسوس للانسان بالشر ..

فلك فاتت بعد ما دكت الباب وكالت هاي الغرفة راح تصير الجن هاي الفترة بالعافية راح اخذ اغراضي ..

بدت تنقل ملابسهة واني اطلع ملابسي من الجنطة وارتبهن وكذلك درة

فلك ... اخلي ملابس قليلة هنا عادي ذاك الكنتور ما يكفي

... اي خلي اساسًا امي جايبة ملابس قليلة ..

درة ... جاي ارتب بملابس ولاحضت شي بين ملابسي رفعتة مبايل صغير، بسرعة لفيتة بنص ثوبي وخليتة ع صفحة

طلعت كتبي من الجنطة

وحطيت ملابسي بالكنتور من ضمنهن المبايل

الى ان رهف كالت رايحة يمهن بالمطبخ

هزيتلهة راسي وكمت طلعت المبايل مغلق، فتحتة وطلعت نغمة البداية صوتهة كلش عالي

ارتعد كلبي لفيته بالثوب وسديت باب الكنتور ... همزين ما تصخم وجهي

اتاكدت هسة انفتح ورجعت طلعتة، فتت كبل ع اسماء

لكيت رقم واحد مسجل "حر"

تنفست براحة .. خالي فدوة العمرة هوا يمكن مشتري ضغطت اتصال وضل يرن عندة

بسرعة جاوبني عبالك لازمة بأيدة ومنتظر اتصال من عندة

كبل كال هااا درة شلونجن

درة ... ها خالي زينين احنه ليش عفتنة خالي ليش ما اجيت علينة

حر ... اجيت بس هذولي الم*** ما يقبلون ينطوجن النه فتوني فتتتتتت اجيت امس العصر واليوم الصبح ، وجبت عالم وياي بس تعرفين الوضع والاسباب انتي ما حاجة اذكرج

المهم لا تخافين انه احاول باسرع وكت ادبر بيت يم عمامج علمود اتطلعون بي، حتى ما نريد منهم كلشي ما نريد بس يكفونة شرهم ..

درة ... خالي والزهرة احبك لا تعوفنة

تنهد بضيق واردف بحزن ... بس احد يضوجج كتبيلي رساله ومن يخلص رصيدج انطيني خبر حولج حتى اذا لا سامح الله وصار شي تتصلين بية وما يمنعج شي ..

درة ... خوووش وهسة راح اروح خالي لا تخابر انته انه اخابر خوش

حر ... اوكفي شوية، حجاها وجر حسرة عميقة

... والكفل زينب احبچ وما يهون علية اشوف دمعتج بسسسسس وضعنة صعبب ... حجة بخنگة

نهينة الاتصال ، ضميت المبايل بين الملابس ماعرف ليش هلكثر خايفة يمكن لأن لو عرفو انه اتواصل ويا خالي حر ما يعجبهم الحجي ..

مرت الايام اسبوع تقريبا شبه بدينه نتعود وبدينة ندرس للامتحانات واجت الامتحانات

ياخذنة سداد للمدرسة ويرجعنة

كلشش بعيدة من الكرنة للجمعيات، ويضل منتظرة يم باب المدرسة كم مرة شفنة خالي يجي يوكف من بعيد كاعد بسيارتة ويترقب دخولنة للمدرسة ..

نركض انسلم علي بلهفة وهوا عيونة بيهة هواي حجي ، بس منكدر نحجي ويا

وهوا من نسلم علي يكول روحن عمو الولد منتظرجن زحمة ..

الغريب امي رفضت نروحلهم بالامتحانات وخلتنة يم عمامي ما اعرف السبب شنو ..

خلصت امتحاناتنة وضلينة ننتظر النتائج ، بالاضافة للسادس الجاي

للاسف جانن بنات عمي تاركات دراستهن

واستغربت من عرفت بارادتهن محد جابرهن مثل ما توقعت اول مرة ..

التحضير العرس هاني بدأ، بينما احنه نتواصل ويا امي من مبايل عمة نجوى

طلبت نروح نزورهم ونبات يمهم ليله

عمي فاضل وافق، واجة خالي حر اخذنة

تعاركنة انه ورهف ع كعدة بالصدر وهية انتصرت

اول شي رحنة للسوك ، اشترينة ملابس لعرس هاني خو ما نحضر العرس بدشاديش

وخالي حر كال ...شنو يعجبجن اخذنة

رهف كمزت بفرح بنص السوك خزرهة وكللهة ثكلي

وهناك يم عمامج خليج ثكيلة لا اطيح حظج

درة ... وداعتك عمو يخافون يحجون وياهة بس تخزر وعمي فاضل يسميهة الكشمة

لزم كف ايدي ، وضلينة نمشي بالسوك عيونة ع محلات ونسولف

... زين وباقي عمامجن

... ما شفنة بس الزلم مرة سلمنه عليهم، وعمي فاضل منع جية النسوان البيتهم كال حد ما يتأقلمن البنات شوية هسة يستحن وجيتهن وحجيهن ممكن يسبب للبنات احراج

بس انه اعرف قصدة يريد نشوف طيبتهم حتى رهف ما تتعارك ويا احد لو تطول لسانهة

حر ... قصدج يريدجن تشوفن معدنهم الأصلي

درة ... اي هههههه بس ترة حيل حبابين و ولد عمي يضحكون وطيبين

ضغط كف ايدي المحتضنة بايدة الخشنة

.... ابو صلعة ايدي راح تنكسر

باوعلي بعدم فهم

... شبيك تريد تكسر ايدي ضغطتهة حيل

ضحك وخفف لزمته، اشترينة كلشي ورجعنة

سلمنة ع امي و ع كاتي شكد مشتاقة الهة

وهية كذلك حضنتني وكالت .... مشتاق الكم هبايبي الهلوين

درة ... ولج كاتي شكد مشتاقتلج متتصورين

رهف ... جذااابة

كاتي ... درة ما يجذب هوا هلو مثل اسمه

رفعت اكتافي بغرور

كاتي ... شا "جا" انته ما بيستني

تقصد رهف

تقربت باستهة وسلمنة ع خالي اسامة كل عادة لازم يكلي صخولة ويتعارك ويا خالي حر ..

العشة جان جاهز، التمينة ع سفرة تعشينة سوية وضلينة نسولف ونضحك، سوينالنة كعدة

انه وامي وكاتي ورهف سوالف كل وحدة طلعت شنو بجعبتهة من مواقف وسوالف صارت وياها بهاي الفترة ...

خلصنة حيل تعبانين صعدنة نفضنة فراشنة، وتمددنة

اول ما حطيت راسي ع مخدة، صار خيال اسود كبال وجهي انخمش كلبي وكمزت من مكاني مرعوبة

رهف ... اسم الله

درة ... ماكو شي، حسيت ابو بريص ع زندي طلع خيط

حجيتهة وانه اكوم ادور ع قرآن

مالكيته

نزلت شفت كاتي بالمطبخ

... كتكوتة وين القرآن

كاتي ... عند هرر خذته يمكن هيه

درة ... هاا خوش حجي ، والله وخالو صاير متدين

كاتي ... يبشي عليك انته ورهف يريدكم مسكين

درة ... سودة عليه

كاتي ...سودة عليش مذوجة انته بئيد

هاي راسها گوري ماتگبل تضل يمنه

درة ...اللهم ان كان سحرًا فأبطله

قصدج اني مضوجة خالي حر لان بعيدة وهاني اخوي اخذنة منا

هزت راسها بالموافقة

...هر يهبكم ، يبشي ئليكم انا

درة ...لا تبجين كتكوتة تاليتنة كل وحدة ببيت رجلها ونتفارگ

عفتهة وصعدت دكيت الباب مرتين تلاثة ما حصلت جواب ، فتحت الباب ع كيفي شفتة نايم ع ظهرة والغطة واصل لحلكة ويودي براسة يمين ويسار مثل الحلمان

فتت اباوع بهدوء بارجاء الغرفة ما شفت القرآن، فتحت الميز بهدوء كلشي ما لكيت

ضليت افر بعيوني محتارة وصارت عيني ع خالي كلت اكعدة

اذا ما احط القرآن جوة راسي انجن اليوم ..

وجان اكبر غلط اسوي بحياتي من تقربت من خالي حر وهوا نايم ..

وجهة مليان عرك، حجيت بهمس خالوووو خالووو حر اريد القرآن

اتأوه بألم عقدت حاجبي وحطيت ايدي ع راسة حاااررر شاب نار

شلت الغطة شوية عنة، وجبت وصلة وثلج وماي اسويلة كمادة

حطيتهة ع راسه وهوا اسنانة اطكطك و يون متألم

من شنو ما اعرف

ردت اكعدة، لان حرارتة ما تقبل تنزل

كلت اجيبله خافض حرارة اخلي يشرب ،بس هوا مو بوعية ويهلوس

جبت مخدة ثانية، رفعت راسة بايدي صار يم كتفي وحاولت احط المخدة الثانية جوة راسة

حسيت بي جر نفس قوي، ارتعش جسمي من شاربة لامس رگبتي ، توقعت اجة راسة بركبتي لان رافعتة انه ، بس جمد دمي من تبعتهة شفايفة طبعت قبلة رقيقة و همس بذبول .... يَ عطري ........يتبع

لتنسون تصويت + تعليق بتوقعاتكم الحلوة 🖤

اليوم طولت البارت حتى تكولن فاطمة كريمة 😌