 |
رواية ليلة الحنة الفصل السادس 6 بقلم بسمة البياتي
#لـيلـة_الحنـة
ليال... لأزمة گلبي خايفة ماما تسمع من خالة وتفسخ الخطوبة
حورية... يجي أبوها احجيلة هو يقرر
فردوس.. والله من هذا كلامج غسلت أيدي ادري لا راح تسوون شي ولا تحجون
براحتج خيتي بس أذكري اني حذرتج مامرتاحتلهم يا ناس يا عالم مامرتاحتلهم مبينين دينهم وايمانهم الفلوس عيني على الأماية من تدفع الفلوس ايدها ترجف عبالك دتنطي واحد من جهالها
... فردوس الفلوس وسخ دنيا يعني اجي اخربها علمود شكليات مالها قيمة وهي گاطعة مهرين سيد ومحكمة
... عقلكم برأسكم تعرفون خلاصكم العليه بريت ذمتي وحجيت وان شاء الله يطلع توقعي بيهم غلط ويصونها الـ بنتج
ليال... خالة اخذت وصال وراحت ماما فتحت علبة الذهب شذى مدت راسها تتفرج وياها اثنينهن وحدة صفنت بوجه اللخ
حورية... استغفر الله هيج استغلال هم ميراد لو كاسرين عينة وجايبين بمليونين هم اشوة
شذى... عمة نصيحة لاتسكتين ما اگولج خربيها بس على الأقل خلي يأخذولها فوكاه الأتفاق اربع ملايين وهالطقم لا شكل ولا وزن شدعوة عليهم من بدايتها هالبخل شو حتى الذهب نازل
... يجي محمد واحاجي خلي اشوف شنو رأية
ليال.. فتت للغرفة بدلت وتمددت بالفراش الدمعة بطارف عيني شجاني هلكد خايفة
معقولة بهالسرعة وخلال كم مكالمة تعلقت بي وحبيتة ولو هو كلامة معسول اي وحدة بمكاني تتأثر بي
زلال.. ليال بعد مطلعت من الغرفة ماما حاطة أيدها على خدها وگاعدة محطوطة بين نارين
منا ليال مبينا متمسكة بي وتريدة ومنا اهلة وتصرفاتهم وبخلهم
أجة بابا ماما حجتلة كلشي صفن عليها واستغفر گال تدرين يا مرة اني ممرتاح الهاي القسمة الله شاهد لايهمني شجابوا وشنطوا لان بالأول وبالأخر كلشي مرجوعة الأبنهم من هسه ماعدهم كلمة يحجون شي ويسون شي الله وكيلج گلبي لاعب
... وتالي شراح نسوي بنتك من رجعت لهسه حابسة روحها بالغرفة ادري بيها ضاجت من سمعت حجي فردوس
... لا إله إلا الله صيحيها احاجيها
زلال... نطيت من مكاني انيييييي اصيحها ركضت للغرفة لييييييال لياااااااااال گومي بابا يريدج
... فزززززتيني ششششبيج
.. دگومي مو وقت خوف ديتناقشون بمضوعج
... اي وبابا شگال خوما راح يفسخها؟
.. هااا ما ادري مگال شي يريد يحاجيج بالأول
... تنفست بعمق شلت شعري طلعت بخطوات ثگيلة فتت للهول اوووف الكل موجودين ماعدا علاء.
محمد... هلا يابة ليش عازلة نفسج وگاعدة وحدج
.. هاا لا ماكو شي رجعت تعبانة ونمت شوية
گعدت بصفة
لزم راسي باسة ومسح على شعري متعود اي وحدة تگعد بصفة يبوس رأسها حتى شذى ورغد مايفرق بينا وبينهن
محمد... اي بابا سولفيلي ليش ما اختاريتي ذهبج بنفسج هو منو الراح يلبسهن انتي لو هما!
... ارتبكت ما أعرف شجاوب كتلة ما أدري
.. تدرين يا بنتي تدرين لان مانطوج مجال انتي تختارين
ليال وروح اهلي ماتهمني الشكليات كل الأريدة رجال يصونج يخاف عليج يخليج تاج على رأسة
يصيرلج سند يابنتي بيوم التغمض عيوني أريد انام مرتاح لان مأمن عليكم
بيوم النطيت وصال الوليد لو مأخذها بالثوب العليها ما اضوج ولا جان منعتة لان ادري بي زلمة ينشد بي الظهر وراح يخلي وصال بگلبة قبل عينة والحمدلله ماخيب ضني وأختج الله يسعدها عايشة مرتاحة بجالة
الخطوبة فترة تعارف تكشف معادن الناس
اكو ذهب صافي و اكو المغشوش صح يلمع بس داخلة مصدي
عيالج اذا من هسه مرخصيج باجر عگبة شلون
وهاي للمرة الثانية راح اگول القرار الج لان انتي جبيرة وواعية كلها شهر تدخلين كلية لأزم تميزين الصح من الغلط
واذا تريدين تسمعين مني راح اگلج هالناس ميفيدوج وبعد بكيفج
... كلام بابا صح الصح ومابي ذرة غلط
بس شيقنع گلبي بي اني حالياً تحت تأثير بهرج الخطوبة وسحرها ومنومة مغناطسياً بكلام ليث وشخصيتة
اول مرة اجرئ واحجي كدام الكل بدون خجل
هاا لا ما أريد افسخ هما زينين ويمكن لان وراهم هواي مصاريف ما گدروا ياخذولي اكثر
حورية... مامنطية بيهم سند الماعندة يحجي من البداية مو يوعد ويخلف اليشوف نفختهم الجذابة ميگول هذولة نفسهم جابوا هذا الذهب
محمد...حاجيهم ياخذوها تختار اليعجبها
سمعتي بابا ليال اليعجبح مو اليعجبهم
.... اي ماشي
زلال.. ليال لو بيدها تقبل بهذا الذهب وهي الممنونة ماما لزمت التلفون حجت ويا امهم
المجدية تدخل بعين ماما اتگلها هي اختارت احنا مجبرناها
عاد سمجة اول مرة تحجي شي براسة خير
... هاا يعني هي المختارتة مو انتي الأخذتي
واختي وبنتي جذابات ديتبلن عليكم خيتي اتفاقنة اربع ملايين
اذا متعاجزة تروحين وياها جيبي بقية الفلوس احنا نروح ناخذلها
... لا ماكو داعي ماعندي شي باجر ان شاء الله اخذها وميكون خاطركم الا طيب
... ماما سدتة ودارت على ليال حجت بعصبية
... سمعي تروحين انتي تختارين اخذي شي برأسة حظ بالقرآن اذا اجيتي ايد ورة وأيد گدام اني هالمرة اخربها
زلال... سمجة خلي أروح وياهم
... مو هي ناقصتج گعدي راحة لاتخليني اخلي قهري بيج
... الله عليج حبابة حبابة خلي آروح ضايجة صارلي هواي مطالعة
... وتاليييييييي
... لاتعيطين ما اريد
ليال... باليل خابرني ليث گال شنو السالفة
مو اليوم اخذتي ذهب ليش باجر هم تروحون
.. ماعجب اهلي
.. اهلج شعليهم هذا ذهبج ليال ما احب سوالف اهلي شگالوا اهلي شقرروا انتي موطفلة
اذا اهلج هما يقررون عنج شلون تگدرين تفتحين بيت وتتحملين مسؤولية
... ماتحملت هواي ضغوطات علية هم كلام بابا وهسه كلام ليث گمت ابجي
.. ششحجيت وكمتي تبجين بس حبيبتي فدوة ألج ذهب الدنيا لاتغثين روحج على شي ميسوة
يلا بطلي بجي
....ليث بسهولة يگدر يمتص زعلي وغضبي
گدر يخليني انسى مغثة هذا اليوم
وانام واني مطمئنة وفرحانة
ثاني يوم العصر تحضرت حتى اروح للصايغ
ماما كالعادة مقبلت تجي ظهرها يوجع
دزت على خالة فردوس
خالة بالبداية رفضت ومن شافت وضع ماما وتعبها انقهرت گالت هذا هو امري لله راح
اجي
زلال.. دكيت رجل الا يأخذوني وياهم سمحة عاندت تخاف مني مدري ليش شادة وياي
خالة حبيبتي گالت معليج بأمج امشي بدلي
بسرعة البرق ركضت بدلت وطلعت قبلهم
اجني امة واختة الحيزبونات مدري شلون جنت استلطفهن
أخذونا النفس الصايغ حتى نبدل الطقم.
بالبداية ما قبل بس من عرف راح نرجع نشتري منه وافق
خالة شدت حيلها على ليال خلتها تختار كم قطعة ثگيلة الأماية والبنت شوية وينجلطن
ليال أخذت بمليونين وگالت كافي مدري شجاهه عينها على ام ليث عبالك دتاخذ منهم خاوة مو حقها
فردوس... ششنو كافي ليال لاتضوجيني ترى هسه اخابر حورية
ام مازن.. البنية اكتفت بهذن ليش تجبروها
... خالة ولا عبرتها ليال من خوفها ساكتة
اشرت الخالة شوفي هاي گلادة حلوة عين تبقى برگبتها متنزعها
... اي صح
... جان سعرها 370 ليال گالت هذا هو خلي نطلع
كتلها اوكفي هذا سوار اخذي
. .. ما أريد حتى شكلة مدري شلونة
... ميخالف اخذي شو عجبني
سماح.. اذا عجبج أنتي اخذي
.. اختي العروس مو اني وهاي فلوس ذهبها يعني من حقها
خالة سألت على سعر السوار 620 المرة عيونها نطت من سعرة يمكن لويطلع بيدها تحطنا وتكتلنا
دفعت الفلوس والدمعة بطارف عينها عششتو زعلانة وهي بعد مليون بطنها
قبل لا يسدون العلبة شلت السوار بيدي محد انتبه
طلعنا من المحل وصلنا للباب گتلهم لحظة رجعت للولد خليت السوار گدامة گتلة اريد ارجعة
فردوس... زلال ششششجاي تسوين رجعي للعلبة
... كلام ليال صح شكلة محلو
الصايغ... من ينگص الوصل بعد ماكو ترجيع
... ايباه مووو گاص رگبة واحد من الصناع العندك وميرهم تتراجع
ترى بعدنا مطالعين من المحل رجع فلوسة لا اخلي الميشتري يتفرج
ام مازن من سمعت الفلوس راح ترجع دخلت بكل شراسة لو بيدها تفترس الولد استلمتة اكس مربع صار عدها طاقة عجيبة الولد من خوفة طلع الفلوس قبل لا المجدية تاخذهن جريتهن من ايد الصايغ
شو خزرتني بدون خجل گالت جيبيهن عيوني اني الدفعتهن مو انتوا
خالة صايرة اعصاب صافنة علية
ششرجع السوار ما عجب اختي وهاي الفلوس راح نظيفها لفلوس تجهيز الملابس. 500 شيكفن ووين نحطهن
... هاي مو مشكلتي الاتفاق خمسمية
.. اتفاق!! ليش انتوا ويامن اتفقتوا شو جبتوهن حتى بدون متسألون اهلي
اندارت على خالتي بعصبية نترت ترى ميصير عايفين الزعطوطة تحاجيني وتتحكم بأختها
سماح... مو حرامات كومة فلوس ينلبسن ويتلفن على الأقل الذهب يستفادون منه
فردوس... منو اليستفاد هي لو أخوج ليش ناويين تبيعوا؟!
... هااا لا مو هيح القصد بس يبقى الذهب زينة وخزينة مندري بالدنيا شيصير
... إن شاء الله كلشي ميصير يلا زلال جيبي الفلوس
نرجع تأخرنا
... انطيت الفلوس الخالة طلعنا وعفناهن يطلمن ورانا ليال صنطة صوتها مينسمع أدري بيها ضايجة
فردوس... بس اوصل للبيت ابوسج من خدودج افيشششش بردتي گلبي بيهن ابد مينخاف عليج سبعة
... لعد شبيج بالبداية تعصبتي
.. غير عبالي ادكين الناقصة بينا. وترجعي السوار. والفلوس يروحن الهم
... عزززا وافرحهن لو امووت ما اسويها بربج بالبيت عود افزعيلي اذا صار كتلي عمل شعبي
من سمجة وليال
... شحدهن والله ازعل اذا حاجوج
.. اي اي فدوة الگلبج اريدج اطلعين دم موبس حجي
... دنجبي قابل داخلة حرب
... حقج متعرفين اسلحة سمجة
گرص عض جر من الشعر زائد الجمجة والجفجير وضيفي عليهن السلاح الطائر الحارق الخارق النعال
... وهاي بكلهن مضروبة گرت عينج
.. اي شفتي حظي من اگلكم مظلومة محد يصدگني راح اطلب لجوء بسبب الاضطهاد الأسري
... هههههه كافي بربج لاتضحكيني هسه عبالهن داضحك عليهن
.. ماشي سكتت
وصلنا للبيت ليال دموعها بوري وانفتحن ركضت حضنت ماما وتشكيلها
خالة تباوعلها وتهز ايدها
حورية... من البداية گتلكم لاتاخذوها وياكم بنتي وحافظتها ادري بيها راح تفشلني وتفشلكم
فرودس.. لا فشلتنا ولا سوت شي غلط الي سوتة عين العقل الذهب أول وتالي مرجوع الأبنهم ومن خلال كلامهم تأكدت مراح يخلوها تتهنى بي على الأقل خلي تشتري ملابس تكشخ بيهن
... الله عليج لاتشجعيها وطلعين عينها اكثر ما هي طالعة هسسسه شيگولون عليها ما عدها ملابس ومحرومة
كوثر... غلط اكبر غلط هالتفكير حورية ليش تحسسينا هما متفضلين عليج لان اخذوا منكم بنية ترى لأزم هما يكونون ممنونين ويجهزوها احسن جهازها لو ما عدهم بيها مجال شو راتب الولد خير من الله كافي لاتزوديها
... ما اعرف داشوفها صعبة
.. لا صعبة ولا هم يحزنون وانتي ليال شدعواج هلگد ضايجة عليهم وحاسبتلهم الف حساب
لاتخافين مراح يفسخون
ليال.. كلام خالة كوثر خجلني مسحت دموعي سكتت بس نار، بگلبي دك تلفوني ليث
فتت للغرفة بس گلت الوووو انفجر علية
.... ااااختج منو وتفششششل امي خلگ زعطوطة لسانها اطول منها وينهم اهلج عنها ما يعلموها تحترم الاكبر منها بدال ما عايفها مثل الجلبة تعض الرايح والجاي
... مصدمة من كلامة نزل دوسة ونص على زلال
ليث شششبيك انت گلتها بعظمة لسانك. زعطوطة بس مو معناها ممترباية
... لا والأسلام فوكاها ادفعلها هانت امي يم الصايغ وتگولين مترباية
وانتي شششدعوة هيج ماعندج ششخصية اختج الأصغر منج تتحكم بيج وتفرج بأصبعها سمعي ليال هيج ششخصية ما احب ولا تعجبني غيري من نفسج ومن تعترفين بغلط اختج هذاك الوكت اتصلي علية
... سدة بوجهي ذبيت روحي على الفراش كتمت وجهي بالمخدة وشبعت بجي
زلال.. فتت للغرفة اريد ابدل لگيت ليال نايمة على وجهة وبس جتفها يهتز
ترددت اقترب منها لو لا
ليال بيج شي ترى والله مو قصدي اخرب عليج...
مخلتني اكمل رفعت راسها بغضب عاطت
.... منوووووو وكلج تصيرين محامي الي شششدخلج بية طولت لسانج وقلت ادبج عبالج شي حلو والناس راح تصفگلج علية ويگولولج دمج خفيف لا يابة اصحييييي ترى غلطانة اليضحك گدامج راح يحجي عليج بظهرج ويعيب تربيتج واخلاقج
احذرج زلال اياج ثم أياج تدخلين بحياتي فهمتيييي
... كلمة صدمة قليلة بلي داحسه هسه ابد مسسستحيل هاي مو ليال مبدليها بوحدة تشبها ونفس صوتها
نترت بغضب امة مجابتة الي يحجي عليه اگص لسانة مسويت شي غلط ولا اجاوزت على احد بدون سبب عمتج مجدية لا والله تروح فدوة للمجادي على قلها الي يجدي ميضم نفسه وكدام الرايح والجاي ماد ايده
ويل والباقي على الناس الي تبوك من جوة ليجوة مبارك عليج القفاصة وابنها
اخذت ملابسي رگعت الباب وطلعت
ليال.. عاطت صدك وكحة وادبسسز
زلال...بسبب هالموقف صارت فجوة بيني وبين ليال باليل عبالها نايمة
اسمعها شلون تبجي وتعتذر منه حتى ميزعل عليها
الأيام تمر وصال وخالة يومية وياها بالسوك يجهزوها من تجيب غراضها ما اتقرب منهن ابتعد ما اريد مشاكل
المغرب شلت تلفونها اريد احاجي مينا صارلي هواي ممخابرتها
تفاجأت مغيرة الرمز شافتة بيدي سحبتة
افتحي الرمز اريد احاجي مينا
... خابريها من تلفون ماما ليث يتخبل اذا يتصل ويلگاه مشغول
... نعم عيدي مسمعت منو الميقبل
وهووو بيش الكيلو اذا ناسية اذكرج بابا من اشترى التلفون. مشترك بيني وبينج
گال بس يبقى يمج لان انتي الجبيرة واي وقت اريد اخابر صديقاتي اخذة
.. هالحجي قديم زلال لادوخيني تلفون ماكوو
... كافي زهكتيني ادري محد نخطبت غيرج بس باقي تعبدي بدال رب العالمين استغفر الله
شووو هاي تخبلت عياط وبجي مثل الوحدة متحملة علية وانفجرت ماما والبنات اجن يركضن
حضنت ماما اتگلها بعد ما اتحمل تصرفات زلال وكلامها
وماما بدون متعرف السبب صارت وياها ضدي شبعتني رزايل ماحجيت ولا دافعت عن نفسي
عفتهن ورحت البيت خالي
ادور على وصال لكيتها ويا خالة ولمى بالمطبخ يحضرن العشا
لمى... هلو زوزة قبل شوية ردت اجيكم والتهيت
... اريد اجاوب العبرة خانكتني انتبهوا وضعي مو طبيعي
وصال.. حبيبتي بيج شي شو وضعج مدري شلونة
... عبالك گالتلي منو الغاثج منو المأذيج بجيت بشهكة اجت حضنتني انخبصوا بية
فردوس... يا ماما ششبيج منو وياج
.. جابولي مي شربت عينهم علية ينتظرون جوابي حجيتلهم كلشي محتاجة افضفض اذا اظل كاتمة بگلبي اطك واموت
وصال.. طاح حظها ادري شششجاها الي تنخطب عن حب هم متسوي سوايتها
فردوس... اوووف ولكم ما اگدر ابلع هالناس واكفين اهنا مثل العظمة بالبلعوم
.زلال...والله العظيم مرات باليل صوت التلفون عالي بأذني اسمعة يحجي عليه وهي تسكت
ادري ششسويتلها وهيج حقدت عليه قابل اخذت شي منها وضميتة بجيبي
لمى.. ليال كلش متغيرة تاثير ليث دينعكس بسلبية على تصرفاتها ويا الكل
وصال.... اليوم احاجي بابا والولد لأزم يشوفون حل قبل الفاس ماتوكع بالرأس
فردوس... لاتحجين ولاتعبين روحج اختج اذا ما اخذتة يصير بيها شي عوفيها تمشي بفالها
بلكي يطلع ادمي
زلال.. اي احسن لاتدخلين انوب تشد وياج مثل ما سوت وياي
رجعت للبيت ماما تلكتني باستني
...حبيبتي اختج خطار عدنا كلها أيام وتروح
ما أريد تطلع منا مغثوثة أدري بيها عايلة عليج اني مو غشيمة
وعرفت عركتكم علمود التلفون هاج تلفوني خلي يمج وعد اذا نجحتي بالدرسين المكملة بيهن اخذلج جديد
... ماشي بعد ما علية بيها
قررت حتى عرسها ما احضرة قبل الحنة بيوم اجت حضنتني وتبجي
ليال.. من صدك ينطيج گلبج متحضرين عرسي
... مثل ما انطاج گلبج وحقدتي علية
... والله محاقدة زلال انتي مو بس اختي صديقتي وروحي من الدنيا لاتزعلين الله عليج ما اعرف شلون هيج سويت
... يلا مصار شي كافي عاد لاتبجين ضمي كم دمعة للعرس راح تحتاجيهن
... اشگد سخيفة ومشيطنةوتفكيرج وسخ
... هووووب هوووب وين راح بالج ششوفي منو منه التفكيرة منحرف ترى قصدت تبجين علينا مو غير شي
... عزززززا بسس الله عليج بس ابوس ايدج بسسس
... ههههه ماشي
طبعاً الحنة كلها اهلي شالوا مصاريفها حتى البدلة والصالون عليهم
لان على اهل العروس وهما ماقصروا
صارت احلى حنة رغم المشكلة الصارت بينا
كلما اتخايل مكانها يفرغ بالبيت اشبع قهر
أجة يوم العرس ذكريات هذا اليوم بصراحة ولا ينسن
أول فقرة حسب العادات والتقاليد المتعارف عليها والي متوارثيها لأزم اهل المصخم
يتسوگون ويودون الأهل العروس للغدة لان الأقارب كلهم من الصبح اجوي وبيهم اصلاً بقوا من الحنة
طبعا اهلي لا حجوا ولا فتحوا حلگهم حتى مدققوا بالموضوع وكله الخاطر عيون ليال
بس عمتي الجبيرة من درت هما طالبوا بمصاريف الحنة من عدنا ومن ضمنهن الصالون والبدلة
گالت مثل ميعرفون شنو عليكم لازم هما هم يسوون العليهم
ذبت بسمار، الأمة من شافتها الأم القفاصة گالت احنا مسوين الحفلة بالقاعة مملزمين بالغدة
زط بط سكتت عمتي الي جانت تغلي من الداخل وبالمقابل لا بابا ولا ماما رضوا بكلام عمة
على شنو عيب الشغلة متستاهل
ما أدري ليش هلكد اهلي فقرة وعلى نياتهم
خو سمجة صرفت العدها والماعدها على ليال
اجت اختة أخذت ليال للصالون وطبعاً بدون مرافقة من خوات العروس
وهم بلعناها وسكتنا
من رجعت هاي مو ليال عبارة عن شبح زائد زومبي زائد مهرج مباقي من ليال بس اسمها
ما اگدر اكذب واگول طلعت لعابة واوو تجنن
ياتجنن ماخذيها الـ لباخ مو الصالون مطمستها مكياج احمر واخضر واصفر البنات يخففن ويرجعن ليورا
فرق شاسع بين مكياج الحنة والعرس
بالحنة صدك جانت حلوة
ماما كم يوم ناصبة مناحة ومن شافت هذا حالها بجت بالزايد
بأذني اسمع تعليقات النسوان وما أگدر أرد
أجت الزفة وطلعنا وصلنة للقاعة لحظة لحظة ياقاعة بالأصح للحديقة الي ويا القاعة طلعوا العينتين حاجزين الحديقة لان ارخص
مسفطين بيها كراسي واحد بصف اللخ گعدنا مثل القطار لا ميز ولا صخام
كيكة ماكو مجايبين عرس فاشل بكل ما للكلمة من معنى
سمعت عمة أم رائد تحجي ويا عماتي
... هذا الفضلتة على ابن عمها وسوو نبي وماكو منه وقسمة كل البنات تحسدها عليه
شوفوا حالها
رائد حفة حتى ترضى عليه يدرس ومن يكمل يطلع يشتغل ويا ابو يجمع الفلس على الفلس علمودها
جنت اگلة كافي عوفها قابل الخلقها مخلق غيرها. يگول لا ماكو غيرها لان بعيني بس هي وبس
ينضرب وينهان من اخوتها وابوها ويسكت
اگلة ليش يمه دافع عن نفسك يگول اذا مديت ايدي على ولد عمي اخسرهم. اخسرها
اللهم لا شماتة زين ما اختارت
... كلام عمة ام رائد مابي شي غلط فعلاً هو هذا الفضلتة عليه مع الأسف
جابوا اللفات تارسين اللفة طماطة وخيار والقيمة بس نشم ريحتها مانشوف شكلها
وزعوا للكبار ولا طفل ما اخذوا ونص الزلم هم ما انطوهم الي اخذ لفة ميحصل ببسي لو الي اخذ ببسي ماكو لفة
مهزززززلة ورب العرش مهزلة انفضحنا
خلص العرس سلمنا على ليال طلعنا سيارة ماكو ترجعنة
ساعة واكفين ندور تكسيات
ماما رجعت للبيت من القهر خشمها ظل ينزف
ليال... كلشي تمنيتة مصار هاي مو احلامي هذا مو العرس الي بخيالي
شكلي يخوف اهلي مغثوثين
الشي الوحيد الزين بهذا اليوم ليث حاجزلنة بفندق
گاعدة على السرير دموعي بعيني اجة بصفي ششبيج حبيبتي ليش الدموع
اذا علمود اهلج ترى الباب مقابيل الباب شوكت يعجبج روحيلهم
دباعي علية خلي اتمتع بهذا الجمال
... جمال؟!! هذا يا جمال ششنو دتضحك عليه
طالعة اخوف
... بنظري احلى بنية انتي ماشفت ولا راح اشوف بحلاتج
... صفنت هذا من كل عقلة هسه اذا اباوع بالمرايا اخترع يلا هو الكذب قابل بفلوس
ليلتي ويا حالها حال ليلة اي عرسان حب غزل خلاني انسى كل الصار بية وانسى مراسيم عرسي الگشرة
للصبح يلا نمنا
ساعة ودك تلفون ليث لازم نرجع خطار عدهم جايين علينا بله هذولة من كل عقلهم
سبحنا وبدلنة رجعنا للبيت أهلي من الصبح جايبين الريوك
ليث بعد ماشفتة الخطار استلمنة من الصبح الحد الليل رايحين جايين جديات كرهت نفسي وكرهت الزواج افوت الغرفتي خمس دقايق ويصيحولي تعبت تعب مصاير نعسسسسانة اريد بس اغمض صارلي ثلاث ايام منايمة مثل الناس
تقريباً بالتسعة اكثر الخطار، راحوا بس بقوا بيت خالتهم گاعدة ويا النسوان مرجية ايدي على التخم رجعت راسي ليورة ما ادري شلون غفيت كعدت على هزة قوية من كتفي اخت ليث. الصغيرة كدامي خازرتني
خالتهم تضحك گالت خطية مبين العروس نعسانة واحنا طولنة يلا نروح
هما طلعوا من الباب لو القيامة قامت عمتي رجت البيت بصياحها......
