رواية بنت عمتي الفصل السادس بقلم جمانه السعيدي
##بنت عمتي
البارت السادس
#جمانه السعيدي
ثائر.....كنا ننتضر يوم النتائج بفارغ الصبر
هذا مو بس تعب مرام هذا تعبي وتعب كل العائله
شكد جنت قلق وانتضر النتيجه بس جنت اهون عليها
مرام...ولله راح يموتني القلق ما ينشرون النتائج
ويخلصونا
ثائر...انتي ليش قلقه اني اكلج انت راح اطلعين احلى معدل
مرام...اله اشوف النتائج يله استقر وارتاح
ثائر...تعاي نطلع نغير جو شويه راح تموتين من القلق
مرام...اي خوش فكره
اني دخلت بدلت ملابسي وهي هم بدلت وطلعت
ثائر...عمه راح نطلع اني ومرام تغير جو شويه
عمتي.. اي راح تتخبل من ورا النتائج البارحه تكول شعري يتساقط من قد ما قلقه
بعدنا نحجي اني وعمتي راسا دخل عمو سلطان
جان طالع ورجع
بس دخل لزم صدره وصاح بويه ثائر الحكلي
ركضت علي سندته
خليت ايده على كتفي وسندته بلايد الثانيه ودخلته جوا
ثائر...خيرك شنو يوجعك
سلطان...مااعرف بس احس كلبي يوجعني جنت كاعد وياا جماعتي وحسيت نفسي موتمام
ثائر...هسه اجيب سياره واجي بسرعه
مرام....هاا بابا شبيك
سلطان.. لاتخافين بابا ماكو شي يمكن شويه تعبان
ثائر...جبت سياره ونقلنا للمستشفى كلنا رحنا ويااا
من وصلنا للمستشفى حسيته تعب اكثر
جمانه السعيدي
جبت الدكتور يفحصه ماكال اي شي
بعدين كال اريد تحاليل وبعدين نتأكد من الحاله
جبت الممرض اخذ دم بقيت لازم ايده
باوع عليه ابد مااكدر انسى ذيج النضره من عينه
نزلت دمعه من نهاية عينه
كال بس كلمه وحده مرام وضغط على ايدي
سكت خليت اذني يم خشمه ما يتنفس واني كمت اعيط
دكتور دكتور الحك
دكتور الحكو عالينا اجمع كل الكادر الطبي
الدكتور فحص القلب بلسماعه اتأكد مات
اشرلهم يجيبون جهاز الانعاش
حاولو ينعشون القلب
مرام كامت تعيط بصوت عالي عمتي بعدها واكفه بصفه
ما تقبل تعوف ايده
يردون يبعدونها عنه بس ما تقبل
مرام كامت تعيط بصوت عالي
التفت عليها حضنته لاتخافين لاوتخافين ماكو شي
مرام...مات ثائر بابا مات
ثائر...لا لا لاتخافين
مرام.. تبجي عمتي تبجي اني ولد وشكبرني كمت ابجي
مااريد افقد هذا الإنسان الطيب
اكثر من عشر دقايق وهمه يحاولن ويااا بس بدون فائده
خلاص استاذ سلطان قرر يودعنا هذا الوداع الاخير
فشلت كل محاولاتهم شكد حاولو ينعشون القلب
بلصعقه الكهربائيه بس بدون فايده
هاي كانت اللحظات الاخيره
الدكتور غطا وجها وكال البقيه بحياتكم
مرام من سمعت الدكتور ركضت نامت على صدر ابوها
عمتي بعدها لازمه ايده وتبجي
كعدت عمتي على ركبه بلكاع وخلت راسها على ايده
مثل وضع السجود
عمتي...ليش عفتنا منو النا من بعدك
جمانه السعيدي
ثائر...ما اعرف اواسيهم لو او سي نفسي
اني اريد احد يطبطب عليه ويكول لا تحزن هذا قدر رب العالمين وقضائه
عمتي تبجي ومرام موتت نفسها ما تقبل تنزل نايمه بحضن ابوها وتبجي
ثائر...اني من كد الحزن بهاي اللحظه ودي اكعد ابجي حالي حالهم
ودي اصرخ بصوت عالي ابوي مات ابوي مات
سلطان ابوي الي رباني وتحمل مسؤليتي واني غريب
علي صار اكثر من ١٦ سنه عايش بيته
بعمره ما حسسني اني غريب
بعمره ما زعلني ولا بكلمه بلعكس يخاف عليه
ويدور خاطري لو عند ولد ما يعامله مثل ماعاملني
ليش يعوفنا ويروح
لا اعتراض على حكم رب العالمين
اني اليوم يله صرت يتيم يمكن كلمة يتيم بس للاطفال
بس اني حقيقتا اليوم يله صرت يتيم
شكد جنت حاس بلامان وهو موجود
جبير وتعبان ومايكدر بس وجوده بلبيت امان النا كلنا
رحت العمتي حضنتها وكمت ابجي اني وياها
مدري اوسيها مدري تواسيني
هاي فرصتي ابجي واطلع القهر الي بكلبي كله
اجو الممرضين حتى يحولون استاذ سلطان من الطوارء
للثلاجه
ومرام ماتقبل تعوف ابوها
قربت عليه وشلتها ونزلته كوه من الجربايه
مرام...عوفني عوفني اريد بابا عوفني مالكم شغل بيه
ثائر...كوه لزمته ماتقبل
مرام...ثائر اريد بابا ثائر لا تخليهم ياخذو
ثائر...كمت مااشوف بعيوني ابجي عليها تكسر الخاطر
عفتها هي وعمتي كاعدات يبجن
واني رحت حتى اطلع شهادة الوفاة
مااخذتهم وياي بلدفن لان حالة مرام تعبانه كلش
وعمتي اتعس منها
رحت اني وكم واحد من الاقارب دفنا استاذ سلطان ورجعنا
جمانه السعيدي
اتعس ايام مرن عليه ايام الفاتحه
كنت احس نفسي بعدني طفل ومعتمد علي
بس هسه احس نفسي صرت شايب حتى مااكدر اوكف على حيلي
اريد اكعد مااكدر اوكف
طول ايام الفاتحه واني مريض تعبان بس كوه واكف بلفاتحه
عمتي دزتلي خبر تشكي حال مرام
ماتقبل تاكل ولا تشرب ولا تطلع الاي احد
اي واحد يقرب عليه تكوم تعيط بصوت عالي وتلطم على وجها
واني كنت مشغول عنها بلفاتحه وبليل مارجع للبيت
لان عدنا نسوان من الأقارب تبات يمنا
جايات من أماكن بعيده
خلصت الفاتحه
رجعت للبيت اول مادخلت البيت موحش
هذا البيت الجبير احسه كلش زغير
عمتي ممده ووجها اصفر بس شافتني كعدت
كعدت كبالها وحضنتها
ثائر...اليوم اني صرت يتيم سلطان ابوي
اني اليوم فقدت ابوي
هي تبجي واني ابجي اريد اطلع الحركه الي بكلبي
لمن فحطت كلش
عمتي...عمه فدوه مرام
ثائر...شبيها
عمتي...حابسه نفسها بغرفتها ولا تقبل تأكل ولا تشرب
اي واحد يقرب عليها تكوم تعيط
ثائر...هسه اروح اشوفها
كمت نزعت الستره خليته يم عمتي
رحت لكيتها قافله غرفتها عليه
ثائر....مرام افتحي الباب افتحي الباب حبيبتي
ماردت عليه
ثائر...اني تعبان اكثر منج اني محتاج تواسيني
هذا ابوي مو بس ابوج افتحي الباب
اني تعبان كوه واكف على رجليه
مرام راسي يوجعني مااكدر اوكف اكثر
راسا فتحت الباب وحضنتني بقوه وهي تبجي
ثائر...لا تبجين حبيبتي
بقت حاضنتني وتبجي بقوه عبالك اليوم يله عرفت ابوها مات
ثائر....شو خل اشوف وجهج لزمت وجها بيدي
كافي كافي الخاطري
امج حالته تعبانه وخايفه عليج اذا تشوفج هيج
راح تتعب اكثر
ساعديني مرام خل نوكف اني وياج وندير بالنا على عمتي
اني بعد مامستعد اخسر اكثر
مرام...مااكدر اهيي اهيي مااكدر
ثائر...لا تكدرين انتي قويه
جمانه السعيدي
اخذتها وكعدنا على الجربايه مسحت دموعي
ثائر...ليش ما تاكلين
مرام...اي اكل منو اله خلك للاكل
ثائر...مسحت دموعها ورجعت مسحت دموعي
المصيبه اني الي مجاي اكدر اسيطر على دموعي
ثائر...لا هذا الحجي ما مسموح لازم تاكلين لو عمي سلطان موجود مستحيل يقبل تبقين بلا اكل
رجعت تبجي حيل من جديد
ثائر...شلون مراح نخلص من سالفة البجي
مرام...حضنت ايدا وخليت راسي على جتفه انت تبجي
ثائر...مسحت دموعي لا ماابجي سكتت
بستها من راسها يله كومي الخاطري خل نكعد يم عمتي
لازم احنا واحد.يقوي الاخ
كمت وأخذتها من ايدها رحنا كعدنا يم عمتي
بقينا شهرين واحنا حالتنا حاله البيت حزين وناكل قليل
وماكو صوت ضحك وسوالف وشقى بلبيت
نسينا سالفه النتيجه وبيوم امشي بلسوك وسمعت بنيه تحجي وياا امها تكول اريد مكتب حتى أملي استمارة التقديم
راسا اذكرت مرام
رحت كبل للمدرسه
دخلت على الاداره كبل للمديره
ثائر...السلام عليكم
المديره ...عليكم السلام
ثائر..نتيجة الطالبه مرام سلطان
المديره...هاي وين جنتو عيوني مرام سلطان ماشاء الله
معدلها ٩٨ مبروك
ثائر...ابوها توفا وماكدرنا نتواصل وياكم
اخذت النتيجه وطلعت للبيت كبل
دخلت وصحت بصوت عالي مرام مرام وينج
عمتي...ياستار شكو
ثائر...ووين مرام عندي الها خبر بمليون دينار
اجت مرام...شبيك ليش تعيط
ثائر...عندي اللج خبر بلباكيت
مرام...شنو بله
ثائر...اول بوسه بهذا الخد وهذا الخد
مرام... قصدك راشدي بهذا الخد وبهذا الخد
ثائر.. جبت النتيجه واذا ما تبوسيني ماكو انسي
مرام...تحجي صدك
ثائر...اتشاقا وياج
باستني بخدي يله وين النتيجه
ثائر...بعد وحده هنا هذا كان الاتفاق
باستني بسرعه تريد تشوف النتيجه
طلعتها ونطيتها كامت تكمز حضنت عمتي
عمتي.. لو ما حزنانيين جان هلهلت الله يرحمك سلطان
جان منتضر هاي اللحظه بفارغ الصبر
ثائر...الف رحمه ونور علي
مرام...الله يرحمه
عمتي...الحمد لله والشكر ياربي