رواية ما يخفيه القدر الفصل الخامس 5 بقلم رحاب القاضي

رواية ما يخفيه القدر الفصل الخامس 5 بقلم رحاب القاضي 

 #ما_يخفيه_القدر

_الحلقه الخامسه 

ــــــــــــــــــــــــــــــــ

_بعد شويه كانت قااعده اميره مع عمر في كافيه حلو واميره قالتله بضيق.  

اميره 

علي فكره ما فيش داعي لـ اللي انت بتعمله ده انا مش موافقه علي الجواز يا عمر يعني مش موافقه، ربنا يرزقك بالاحسن مني وربنا يهديك كمان قوم وصلني.. 

عمر بجديه

هو وارد يكون في احسن منك، بس في نظري انا والله العظيم ما شوفت في حياتي احلي ولا احسن منك.. 

اتوترت اميره وقال هو 

بصي هو انا بحبك تمام وقولت لابويا ولاختي ولامك وابوكي كمان، واخدت اذن من ابوكي عشان نقعد هنا ونتكلم لمدة ربع ساعه وارجعك تاني مكان ما انتي عايزه، فأهدي واغلي حاجه عندك عشان انا ما عنديش وقت اقنعك.. 

اميره بتوتر

انت اتسرعت اووي يا عمر، صدقني هتندم انت تعرف ان انا ممكن ما اقدرش احمل واخلف عشان رجلي، انا حالتي صعبه انت مش هتتحملني مش هتقدر تكمل معايا هيجيلك وقت وهتندم لو ما كانش دلوقتي هيبقي بعدين اسمع مني وبلاش اللي انت عايزه ده.. 

اتنهد عمر بضيق وقال

يخربيت دماغك الناااشفه يا شيخه ايه العِند ده، الموضوع بسيط يا اميره هيتحل بكلمة موافقه ودبلتين وبعدها مأذون وفستان فرح وبدله وقاعه حلوه نعمل فيها فرحنا،الا لو انتي بتقولي كده عشان ترفضيني من غير ما تحرجيني.. 

بصتله بعدم فهم وهو قال بخبث

ايوه عشان انا من عيله فقيره شويه وظروفي مش زيكم، وكمان عشان كنت في يوم سواق لحضرتك لو الموضوع كده قولي انا ااا.. 

قاطعته اميره وقالت

لا طبعا مش كده بالعكس انا بحترمك جدا وعمري ما شوفتك قليل او مش مناسب حتي اهلك انا بحبهم اووي ولما روحت عندكم انا حبيت البيت بتاعكم واختك وحالة البساطه والرضا اللي انتو عايشين بيها وانا متأكده ان ربنا هيكرمك لانك فعلا تستاهل كل خير.. 

عمر

طيب يا ست الخير كله ايه بقي سبب الرفض وما تقوليش رجلي وايدي ورقبتي والكلام ده عشان بصي يا بت الناس انا مش عبيط وشايف انك مياله ومعجبه بيا زي ما انا برضو واقع وعلي اخري، فاحنا هنقوم دلوقتي عشان الربع ساعه خلصت وده اتفاق رجاله بيني وبين ابوكي ، وليا طلب واحد عندك صلي استخاره وفكري كويس وانا هستني ردك مع الاستاذ محمد وافتكري ديما اني والله العظيم بحبك بجد وشايفك ست البنات ولو في نقص في الموضوع كله هيكون مني انا مش منك خالص انتي الف واحد يتمناكي وانا امي الله يرحمها كانت بتقولي انت بألف واحد يا عمر.. 

ابتسمت غصب عنها وقامت معاه وهي متوتره، وبعد كام يوم طلعت من اوضتها وكانت مامتها قاعده مع باباها بيتفرجو علي التلفزيون فقعدت معاهم وقالت.. 

اميره 

هو مالك فين انا اليوم كله النهارده ما شوفتهوش.. 

منال

عنده امتحانات في المدرسه كل اسبوع فبيذاكر النهار كله وبينام بدري ولو انتي كنتي طلعتي واتعشيتي معانا كنتي هتلاقيه قاعد بياكل الاخضر واليابس... 

 ضحكت اميره وقالت بتوتر

بابا هو انا يعني فكرت واستخرت ربنا في موضوع اللي عمر يعني كلمك فيه وو وصلت لقرار ان شاء الله يكون الصح، هو انا موافقه بس طبعا الرأي الاول والاخير ليك.. 

منال بسعاده 

انتي بتتكلمي جد يا اميره، علي فكره بقي الواد عمر ده محترم وانا بحبه كأنه ابني وكمان بقي مهندس رسمي وما حدش يعني بدأ حياته كبير بس انا حاسه ان بطموحه هيكبر وهيبقي مهندس قد الدنيا كلها.. 

محمد 

استني يا منال اميره لازم توافق عشان هي مرتاحه لعمر، اميره اللي هتعيش مع الولد ده لوحدها باقي حياتها الجايه ولازم تفكر كويس، اميره ده جواز وانتي رفضتي ناس كتير مناسبه هو عمر كويس وشاريكي بس انتي لما توافقي عايزك تبقي موافقه عشان انتي راضيه بيه مش عشان انا ولا امك ولا الناس والكلام ده.. 

اميره بهدوء

فاهمه حضرتك يا بابا وانا موافقه بيه هو لانه فعلا شاب كويس، ويمكن اكتر واحد حسيت انه متمسك بيا اووي.. 

ابتسم محمد وقال

انتي بتقولي فيها ده متمسك بيكي اكتر ما انا اللي اسمي ابوكي ما متمسك بيكي، الواد كل يوم بيكلمني مره مرتين ويسالني رديتي ولا لا.. 

وفجأه رن عليه عمر فضحك وقال

ههههههه اهو بيرن استنو هرد عليه واسمعكم الواد ازاي ملهوف انه يعرف رد عروستنا..

رد محمد وقال

الو ايوه يا سي عمر يا نعمين.. 

عمر

ايه الرد ده يا عمي محسسني اني زنان ومصدعك.. 

محمد

حالا كده بقيت عمك المهم قولي عايز ايه يا قلب عمك ياللي ظوشتني وقريب هعمل لرقمك بلوك.. 

عمر

طمني انت واديني الخبر اللي هيفرح قلبي وانا مش هكلمك تاني بس هتلاقيني فوق راسك بالمأذون.. 

ضحكو كلهم ومحمد قال

اطمن يا ابني اميره استخارت ربنا وربنا اجبر بقلبك وهي وافقت، بس طبعا بعد موافقتي لما تجيب ابوك وتشرفونا في البيت ونتكلم بجد بقي ونتفق.. 

عمر بحمااس

بكره الصبح هنكون عندك يا عمي يس هي وافقت بجد ولا ده مقلب احلف كده يا استاذ محمد.. 

اتكسفت اميره ومحمد قال بحده

انت يا ابني متخلف انا ههزر معاك ليه، وبعدين انت هتيجي الصبح تعمل ايه هتبيع لبن، بكره بعد صلاة العشا تكونو عندنا واقفل بقي ده انت رغاي اووي وشكلي انا اللي هغير رأيي.. 

عمر

لا وعلي ايه السلام عليكم احسن.. 

_قال كلامه وقفل مع محمد، وتاني يوم بالليل في شقة هاشم ونرمين كانو قاعدين بيتفرجو علي التلفزيون وهاشم قالها بعصبيه. 

هاشم

هو ابوكي ما ياخدش رأيي ليه في العريس ده هاا، هو انا مش زي ابنه، وبعدين اميره اختك ايه اللي خلاها توافق.. 

نرمين بضيق

ياخد رايك في ايه يا هاشم بلاش تفكير مش معقول، وبعدين عمر ده احنا نعرفه كويس وانا نفسي كنت اعرف انه معجب بأميره وهي اكيد وافقت لما شافت وعرفت انه بيحبها.. 

هاشم بغيظ

اممم بيحبها وهي اختك دي بتحس اصلا، لو بتحس ما كانش ده بقي حالي، وبعدين ده حتت سواق وعيل كحياان توافق بيه ليه؟.. 

نرمين بجمود

استني يا هاشم قصدك ايه انت بأنها لو بتحس ما كانش هيبقي ده حالك، هو انت اا انت كان في حاجه بينك وبين اميره.. 

اتوتر هاشم وقال

ايه اللي انتي بتقوليه ده، بقولك ايه انتي شكلك بتخرفي وانا سيبهالك ونازل احسن.. 

نرمين بحده

استني هنا فهمني ايه اللي كنت تقصده بكلامك ده، هاشم انت كنت بتحب اميره وما كنتش بتحبني رد عليا.. 

هاشم 

مش بقولك بتخرفي هو انا لو بحبها هي ايه اللي هيخليني اتجوزك، بصي انا اعصابي بايظه من الشغل هنزل اشم شوية هوا وجاااي وبلاش تخلي التفكير الغبي ده ياكل دماغك.. 

ـ قال كلامه وسابها ونزل وهي فضلت تفكر في كلامه ودموعها ماليه عيونها، وبعد اكتر من شهر كانت اميره مع عمر في شقتهم.. 

عمر

كده الشقه اتظبطت اربع اوض اهو اوضه لبابا واوضه للمار واوضه ليا انا وانتي واوضه للضيوف والريسبشن والصفره وتلات حمامات تفتكري الشقه دي كده هتكفينا.. 

اميره 

ايوه طبعا حلوه جدا وكمان انا تخيلتنا فيها كده هنبقي عيله حلوه اووي علي فكره.. 

عمر بخبث

معاكي حق هنبقي عيله حلوه فعلا لما كمان نكملها بعيلين تلاته كده يتنططو حوالينا، اميره انتي مبسوطه معايا بجد ولا في حاجه مني بتدايقك؟.. 

اميره بهدوء

بالعكس يا عمر انت شااب هايل وانا مبسوطه اووي بعلاقتنا وكمان فترة خطوبتنا دي احلي حاجه في الموضوع انا عايشه معاك تفاصيل وحاجات حلوه عمري ما كنت اتخيلها ولا احلم بيها.. 

عمر

لا بقي انا عايزك تحامي وتتخيلي والعبد لله سدتد، بقولك ايه بكره هننزل نشوف العفش وكده باباكي هو اللي قالي وطنط منال هتيجي معانا.. 

طلعت منال من البلكونه وقالت

طبعا هاجي معاكم هو انا هسيبكم تيجو لوحدكم، وده اللي هيحصل من النهارده لحد يوم كتب الكتاااب.. 

عمر بغيظ

اممم بدأنا جو الحموات شايفه امك يا ست اميره، بس علي قلبي زي العسل كفايه ان حماتي قمر يا ناااس.. 

_وعدت فترة خطوبتهم واتجوزت اميره زكانت سعيده جدا، علي عكس نرمين اللي حياتها اتحولت لنكد ومشاكل وفي يوم كانت بتتخانق هي ووفاء حماتها اللي قالتلها.  

وفاء

هو ايه اللي مش هتروحي لدكاتره انتي بقالك سنه متجوزه وما فيش لا حمل ولا غيره، طيب اختك وقولنا مش هتخلف عشان رجلها تقوم تتجوز بعدك وتبقي حامل وفي توأم وانتي قاعده كده زي الارض البور.. 

نرمين بدموع 

ما تحترمي نفسك بقي يا ست انتي وتتكلمي كويس، بقولك ايه اطلعي بره وما تجيش عندي تاني مدام مش بتحترميني وانتي في بيتي.... 

عزه بحده

جرا ايه يا نرمين ماشي يا ستي ماما غلطاانه بس انتي مش من حقك كمان تكلميها بتلطريقه دي، وعلي فكره ده بيت اخويا ونقعد فيه زي ما نحب.. 

وفااء

اصلا انا نا غلطش فيكي يا مرات ابني انا جايه بالذوق اقولك تروحي معايا لدكتور عشان لو في مشكله نحلها....

نرمين بحده

وانتو مالكم انتو ناس بردين اووي بصراحه، ولو سمحتو دي حاجه بيني وبين جوزي وياريت ما تدخلوش وانتي يا عزه مش عاجبك كلامي امشي مع امك.. 

عزه بغيظ

سيبك منها يا ماما دي مش متربيه، ياريتنا كنا سمعنا كلام هاشم وخطبناله اميره كفايه ذوقها واخلاقها.... 

بصتلهم نرمين بعدم فهم وقالت وفاء بندم

وجعت قلب ابني في الاول لما طلب اميره وانا رفضت وجوزتك انتي ليه، ودلوقتي بضرب نفسي ميت جزمه عشان ما خليتش اميره تبقي هي مرات ابني.  

_قالو كلامهم ومشيو وقعدت نرمين مصدومه وبتعيط، ودخل عندها هاشم بعد شويه وقال بضيق.  

هاشم 

اووف هو كل يوم نكد وعياااط في اسه يا نرمين دي ما بقيتش عيشه دي.. 

بصتله نرمين بدموع وقالت

يعني اختيارك ليا كان غصب عنك، كنت بتحب اميره اختي غشان كده لحد النهارده بتتلخبط وتقول اسمها بدل اسمي، عشان كده انت يوم فرحها هي وعمر نكدت عليا وما كنتش عايز تروح، مدام بتحب اختي ما اتجوزتهاش هي ليه، ليه تتجوزني وانت بتحبها هي... 

هاشم بحزن 

عشان هي رفضتني عشانك، مافت علي زعلك وما اهتمتش بمشاعري قالتلي ما تسيبش نرمين دي مبسوطه بيك عصبتني هلتني عايز اعمل اي حاجه عشان اخليها تندم عليا حتي لو كانت الحاجه دي هي اني اتجوزك وانا مش بحبك اصلا.. 

اتصدمت نرمين من كلامه وقالت؟... 

الفصل السادس من هنا