 |
رواية لك ياذا الجمال اليوسفي الفصل الثالث 3 بقلم فاطمة العبادي
#بارت٣
رواية #لك_يا_ذا_الجمال_اليوسفي
بقلم .. فاطمة العبادي
"أبكم أنا في نُطق مشَاعري
أُنظر لِعيناي وستجدَ ماتُريد."
رهف .. اباوعلهة غرزت اصابعهة بالتراب وضلت تحفر ، انتابني الخوف وحسيت الأمر غريب كلش
صحت عليها ... اسم الله درة تعالي يمكن حلمانة
شافتني فزعت، واعتلى الخوف ملامحها كامت بهمة كل ضني اخترعت وراح تجيلي وتكول احلم
بس هي طلعت تركض ع باب البيت تفتحة شفت الوضع خرج عن سيطرتي وصار مريب صحت حيل
... درررررة تعااااالي
فتحت الباب وركضت بالشارع ، انتفضت كل ذرة بية وارتجفت ركضت وراها اصيح بأسمها بلكي تصحة من حلمها الغريب الي قادهة لخارج البيت بدون وعي
طلعت بالشارع شفتهة تركض بالشارع مبتعدة وبدون حجاب رجعت للبيت اركض واصرخ ... لحكوووووولللييي يييممممةةةة خاللللليييي حررررررر لحكووولي ولكممممممم بسررررعة لحكوووووللللييييي درة تخببببللللت وراح بالشااارع تركض بدون وعي ، اصرخ وابجي ارتعبت كلش
طلعت امي تركض بثوبها القصير وشعرها نازل ع اكتافهة وحاطة الشال ع راسها حجت بتلعثم ... اسم الله الرحمن شبيج يمة شبيج
رهف ... درة تخبللللتتت مو بوعيهاااا وطلعت تركض بالشارررررع هسة ما نلكااها راح تبتعد طلعوووو ركضوووو وراهااا بسرعة
لطمت ع وجها لزمت الدرج تريد تصعد نزل خالو يلبس بتيشيرتة ويصيح شصااااارررر منووو ماااات ..
رهف ... محد مات بس درة تخبلت الحكهااا خالو طلعت تركض بالشارررع بدون حجاب ولا شي ومو بوعيهاااا
فك عيونة ع وسعهن ونرعب اكثر مني راح يركض ويصيح منين رررراحت
طلعت ورا ااشرلة ع الاتجاه الراحت تركض بي اباوع ما الهة أثر، خطية طلع ركض لحكة خالو اسامة نعسان وفاتح تك عين بالفانيلة الداخلية يكول منين ولج منين راحت
...مناا وخالو حرر راح
طلع وراه، اجت امي تلطم وكاتي حاطة ايدهة ع راسهة وتحجي بحزن ... يااا درة ما يستاهل تهههبل (تخبل) مسكين ، انا يدور درة وياهن يريد
تريد تطلع من البيت وكضيتهة جريتهة ... ولج تردين تشهرينة بهاي برمودتج الحمرة وكيمونتج، وتالي يشوفج خااالي اسامة ويرجعج الدولتج بالجلاليق ..
كاتي ... شااا "جا" درة يضيع انا ما يدور علي وياهن
مديت راسي من الباب وكتلهة طبي طبي لا اشعل صفحتج خايبة ما جاي تفهمين قصدي انتي
كاتي .. افهم گسدك بس انا كلبي سار نفط بالنار ع درة ااااه درة وين انتة وين
عود قصدهة كلبي نفط واشتعل نار ع درة ..
باوعت الامي تبجي وتندعي وكل شوية كالت بله باوعي ما اجو، امد راسي وكلشي ما اشوف
صحت بغضب ... كلة من كااتي
هية رمشت ببرائة وكالت ... هوا طلع ما شفتة، درة مكلي يطلع والله وئد انا ما يدري درة يطلع بالليل مجنون ..
وعد ... ولج رررهف عوفي المكرودة لا تسودنينهة وباوعي شوفي اختج وخوالج ما بينو
رهف ... لا تخافين يمة هسة يجيبونهة ويجون ..
وعد ... ربي بجاه ام البنين لا تفجع كلبي بهاي البنية ورجعلهة عافيتهة وعقلهة انه كلتتت شغلتهة مو خالية وهسة شوفي شسوت واخذي ما يجيج
رهف ... يمة درة وضعهة يخوف انگلبت جني والقرآن ضليت ارجف من شفتهة وراحت تحفر بالحديقة كلت راح تحفر كبر وتدفني بي جا ما انطيتهة مزيل شعر ..
مديت راسي شفت خالي حر يمشي ويمة خالي اسامة
خالي حر شايل درة ع چتفة وهية مبينة مغمة عليهة
خطية عبالك شايل چثة ..
كتلهاا بلهفة جااابوهاااا واجوووو سون طريق
كاتي ركضت للبيت لان ملابسهة كلش مشلتحة فاتو خوالي وما اسمع بس انفاسهم العالية وأنين درة
... صخام شبيهة اختي
حجة خالو اسامة بأسف ..
... مادري لا هية صاحية ولا هي فاقدة لكاها حر خاتلة ورة الحاوية وبس تون حاجاها ولا كأن موجود شالهة ع جتفة ذبت روحهة مثل الميتة ..
خالي حر هز راسة بأسى وكال بغصة ... ضربتين ع راس تووووجع ..
ما فهمت قصدة فوتوهة للبيت ركضت سويتلهة عصير وطلعت امي مكابلتهة وتحاجي بيها هية ما تحجي بس ساكتة ، وخالي حر لازم كفهة بقوة وكاعد بالكاع مرتجي ع قنفة الثانية
عقدت حواجبي مستغربة حركات خالي حر الغريبة واهتمامة الزايد وانتفاضة كل ما يسمع درة فقدت عقلها او متلبسهة جن
بلحضة حسيت خالي غريب الاطوار ويخفي عننة اسرار ...جبتلهة عصير يمة شربيهة
وعد ... ششربهاااا ششربهاااا شوفي اختج هية والميتة سوة بس تون وتحرك بعيونهة حالتهة مو طبيعية والله كتلك يا حر البنية بيهة شي مضرورة ما اقتنعت ذاك اليوم من قرت المرية ع راسهة شوية ردت الهة روحهة وضلت شكد زين لا تشكي من صوت غريب تسمعة ولا تشكي من ناس تشوفهم واحنة وما نشوفهم بس انتة ما قبلت خلي ناخذهة البيت سيد صدام خوش سادة يقرون عليهة وينطوها عوذة تشيلهة بملابسهة بيهة ايات وين الدجل بالموضوع ..
لم شفايفة وضغطهم نزل راسة ورفع ايدة الثانية حطهة ع راسة ... ما اريدهم يخبلونهة بالزايد ناخذهة للمستشفى نسويلهة تحاليل ورنين ونشوف شبيهة ما بيهة .. حجاها وتحسر
قدمت العصير اله ... خالي شربهة وجهة كلش اصفر بلكت ترجع روحهة شوية يرد الدم الوجهة الشاحب ..
اخذة مني حطة ع ميز شال راسهة وحط ورا مخدات بعد شعرهة عن وجهة و كللهة خالي شربي شوية
شحت نظرها عنا، وهمست بصوت ناصي ... وين انه شنو نزلني هنا
رادت تحجي امي سبقهة خالو وكللهة ... صخنتي وخذيناج للمستشفى ضربناج ابر ورجعنة وانتي ما حاسة كومي يلة شربي العصير الممرضة كالت السوائل تفيدهة ..
هزت راسهة وشربت شوية من العصير وهزت راسهة بمعنى بعد ما تريد ، امي ضلت تباوعلهة بقهر وضايجة من تصرفات خالي حر
حر ... وعد جيبيلهة غطة خليهة تنام هنا احسن شيصعدهة
وعد ... خوش .. كامت وهوا كام وراها
...وعد لا تحجين كدامهة تتخبل ع كيفج وياها وجيبي المرية الجبتيهة ذاك اليوم خلي تقرا عليهة كل فترة وشكد ما تريد انطيهة
وعد ... خوش حجي من الصبح احط عبايتي ع راسي واروحلهة اجيبهة تقرأ ع راسهة واخليهة تكتب الهة عوذة تشيلهة
حر ... والله ما مرتاح لهاي السوالف بس علمود درة انه
رجع يمهة كعد ، واحنة نباوع غطتهة امي واني تمددت يمهة بالهول وامي وخالي حر عبالك لازمين عليهة حراسة ..
درة .. كعدت الصبح شلت الغطة من راسي وتثائبت باوعت من حولي وكعدت بصدمة
اباوع خالي حر مكتف ايدينة وكاعد بالكاع مرتجي ع قنفة وغافي
وامي متمددة ويمهة رهف متغطيات بنفس الغطة
نزلت رجليني من ع قنفة بس طخن رجلين خالي حر فز بسرعة ولزم رجلي بقوة ... اسم الله اعذرني كعدتك
حر ... وين رايحة
درة ... للمطبخ اشوف كاتي جاي تسوي ريوك يمكن شعدكم كلكم ملتمين داير مدايري ..
حر ... انتي تدرين بروحج ليش نايمة هنا
درة ... مو كتلي البارحة تخربطتي وارتفعت حرارتج!
ابتسم ... اي عبالي بعدج تهذين روحي يلة ... عاف رجلي رحت غسلت ولميت كفشتي رحت للمطبخ كلت صباح الخير
كاتي ... سباه نور شلونك انتة
درة ... الحمدلله حبيبتي اساعدج؟ احضر اكواب الجاي
فتحت الكاونتر وطلعتهن، فات خالي اسامة صبح علينة وكعد بالكاع يمنة واحد ورا الثاني صارو يجون يكعدون بالمطبخ واني وكاتي كملنة الريوك
بيض عيون لخالي اسامة وترف
وبيض حوس النة احنة الباقين وجبن ..
احنة عائلة تموت ع بيض مادري خبال مادري شنو سالفتنة تكول ماشيفين بيض لازم نتريك بيض وشرط كل واحد ياكل بيضتين ثلاثة ..
خوب انه ما يبين وياي الاكل جني عصة مطيرجي ضعيفة وطويلة ..هوا بالحقيقة طولي حلو ..
تريگنة وكملنة اندك الباب طلعت ترف تركض فتحتة وطبت كالت ... خالووو صاحبك محمود بالباب
كام خالي حر طلع لصديقة وروحة ورفيق طفولتة، عكازة كبرة، وتجاية ظهرة "محمود"
واحنة شلنة المواعين غسلناهن وصادف دوامنة عصري راجعت وسبحت وحضرت نفسي للدوام وطلعنة ..
احلى يوم هوا يوم الثلاثاء .. نرجع الاثنين بـ12 وثاني يوم نروح بـ 11 ونص ..
عدنة وقت كافي للدراسة والمراجعة والراحة ..
ويا مجاي اطلع شخطت دراجة گبالنة صاحبهة ملثم الوجه ، حتى عيونة ما شفتهن شمر علينة حجارة وصاح ... وصلوهااا الحرررر ..
ضلينة نتلفت باوعت الحجارة ملفوف عليهة ورقة ركضت اخذتهة، ورهف وراي فتنة للبيت نرجف ونفتح بيهة، ايدي ترجف
فتحتة الورقة زين وشمرت الحجارة وقريت المكتوب بصوت عالي ....
( راح نكسرك بأعز مخلوق ع گلبك "الدعلج".. )
فتنة للبيت نركض انطيناها الامي قرتهة وضلت اتدك وتلطم وركضت تخابر خالي، وكالت انتن روحن للمدرسة وديرن بالجن .. لا تحجن ويا احد غريب
ولا تصعدن ويا اي مخلوق وصيرن ثكال ..
ما كلنا لا، خلينة وطلعنة نمشي للمدرسة والمصيبة اتأخرنة كلش اليوم بسبب الي صار
نمشي بهدوء والرجفة ملازمتنة ، رهف ... برأيج خالي حر ممكن يكون متورط ويا احد وهسة جاي يهدد بي
درة ... والله يا رهف مادري حيرة ولا عند الله حيرة هوا خالي حر زين وما تطلع منه العيبة وشنو السبب الي يخلي هذولي يهددونة مادري بس ما اعتقد متورط بشي جبير يجوز مشكلة صغيرة والمتورط وياهم جلاب يردون يكبرون الموضوع ..
رهف ... احب الاكشن هسة يضلون يومية يشمرون علينة ورقة وبيها تهديد
درة ... جبحچ تف جبحچ تفاولين علينة بس بالشر
بالخير ضامة راسج وبالشر تركصيلة بجفية ..
رهف ... هسة شحجيت كليتيني وشربتيني
عبرت من يمنة سيارة سريعة ودكت النة هورن خرعتنة وخلتنة نكمز، جانت بدون ارقام سودة عالية ومبينة جديدة
رهف عضت شفتهة وكالت ... عزززة السيااارة تجنن تجنن هذا كون اصعد ويا ما وكفلي الادبسزز
ثواني والسيارة رجعت تمشي بأتجاهنة وصارت تجي علينة عطنة وطفرنة والسيارة وكفت
رهف ... هذا ادبسزز يفيك بروسنة زين ما طلع ارواحنة
ما نحس غير ينزل منهة واحد ملثم نفس الصاعد ع دراجة وجرني من ايدي عطت ورهف عيطت وياي حط ايدة ع حلكي وخشمي وداهت روحي بعد ما حسيت بشي ..
رهف ... اصرخ ولازمة درة ماعت روحهة حطلهة مخدر يمكن وخلاهة تفقد ضربني بالسلاح ع راسي وخلاني اطيح بالكاع مثل المطي الطاكتة الشمس ومايعة روحة ، وصعد درة بالسيارة هذا كلة صار بلحضات قليلة
شخط السيارة وطلع واني الطم ع وجهي وابجي اريد رجليني تشيلني واركض للبيت افزع اهلي ما اكدر ، عجزت عن الحركة ..
لزمت الحايط ووكفت ارتجي ع حيطان وامشي ع للبيت، ايد لازمة بيهة الحيطان والايد الثانية امسح بيهة خدودي من الدموع
بلحضة حسيت الدنيا كلهاا توقفت والساعات تجمدت، والطريق صار اطول
صارت وراي سيارة دكت هورن انتفض جسمي والتفتت باوعت شفت صيوان ابن خالي يلة حسيت الدنيا تحركت ورجعت الاصوات الاذني
نزل من السيارة واجة باتجاهي يهرول ويحجي بنبرة خوف ... شصاير بحااالج اختج وين ليش وحدج وليش راجعة الاعدادية مو عصري ، وشنو الدم البراسج مدعومة طايحة
مسحت دموعي برداني وكتلة ... شحجيلك ما يطلع الحجي ما يطلع ، حجيتهة بنحيب وكملت
... طبكت علينة سيارة بدون ارقام وخطفت اختي
نزل واحد ملثم حط ايدة ع وجهة وهية ذاهت روحهة وطاحت بايدة وطكني ع راسي بالسلاح
لزمني من ايدي وكال تعاي تعاي ع كيفج صعدي
صعدت وياه ومشة لبيتنة
... ما شفتي شكل واحد منهم ما كالو شي
... قبل لا نطلع وصل تهديد الخالي حر
عقدت حواجبة وكال بتساؤول وهوا يباوعلي بسرعة ... حرررر عمي يوصلة تهديد زين ليششش ؟
شنو مكتوب بي
برطمت وحجيت بضعف ... من صدمتي ما جاي يجمع عقلي
طلع مبايلة وضل يدور بالارقام، ضغط اتصال ورا شوية اجالة الجواب صاح بغضب ... عمي وييينك درررة انخطفت، ويكولون واصلك تهديد
حر ... لاااااااا خرررررررررررررررب لاااا منووو كلك وين انننتة انه جاااي ابن الس**** ابن ال*** يهدد وينفذ بسرعة عبالة يلوي ذراعي والله اذا ما شربتة من نفس السم الشربنيااااه هسةةةة ابن العاااهرة ..
صيوان ... جاااي هسة وصلت كباال بيتكم وانت بالبيت
حر ... انزل انزل يلة
نزلنة سوية ومن برة واضح صوت عياط امي وكاتي تبجي بنحيب ، ومخلية ايدهة ع راسهة بحركة الدايخة وتهذي ... ما يستاهل مسكين، الله لا يرضاا عليجن حكيرات ااااه درة هبيبي ..
وعد ... يبووووووي اختج ووووين تصخم وجهج وعد تصخم وجهج راحت درة خوية الحكهة ابوس ايدك ورجليك
حر ... وعد سكككتي شوية اعرفة انه اعرفة بس صبرولي شوية اذا مااا كطعت عنة الهووووى ااااخ لو بس الزمة اااااخ الا ا****
عافنة وصعد الدرج سوا خطوتين، صيوان ركض وراه
كاتي تباوع وراهم وكالت ... سيوان سايرة سبورة تسعد "تصعد" ورا حر شتسوي ..؟ يطكها حر معسب
رهف ... لا ما يطكة بس اعتقد يمنعة يسوي شي لان التهديد الي وصل مكتوب بي الدعلج
وعد ... الله يحرك كلبك فرهود الأصنگ عساك ما تربح الله يحرك كلبك بعزيز كلبك مثل ماجاي تحرك كلبي الله يفرفح كلبك
نزل خالي يركض ع درج ورا صيوان يحجي بغضب ... موووو شنو صار وركضت ع سلاح هسة تروح تسويلك طركاعة مو بس تبلي روحك تبلي العشيرة كلها وتخلي الدم للركب ..
وكف بغضب ولتفتت ع صيوان الي تفاجئ من وكفة خالي زئر بوجهة بغضب ... ولك خااااطف بتتتتنة ولك ايدة انمدددت ع عرررررررضي وتررريد اضل ساااكت ، جاااا مااا سمعتتتت رهف تكلك خطفففف درة بس لااا عبالك درة بعدهة نايمة بغرفتهة
عافة ورجع ينزل ويطلع من البيت وصيوان يكلة ... اوووكف هوا مايسويلهة شي بس يريد يلوي ذراعك
حر ... درة يمة الله اعلم هسة شيسويلهة الله اعلم اذا ما رجعتة البطن امه الكو*** فـ لا اتسمة حررررر
كاتي ... ابو سادق روهي وياها هاي سايرة نفط ..
صيوان ... رايح رايح ..
راحو كلهم اولاد خوالي وخالي عدي عاف دوامة وطلع وامي تبجي ... ما صنت الامانة ما صنتهة شگلك جعفر من نتواجه يوم القيامة اكلكككك ما صنت الامانة و وحدة من بنياتك راحت من بين ايديني مثل شربة الماي
الله لا يرضا عليك فرهود دمرتنة دماررر الله لا يرضة عليك ..
فرهود اخو زوجة خالو حر .. بس شنو عندة ويا مندري وليش يريد يحرك كلب خالي ؟ معقولة خالي مأذي اختة لفرهود "نهى"
نارنة مشتعلة، كلوبنة تترنح على هاوية الحزن اثملتها قساوة الحياة
بين طيات كلبي حسرات، تتزاحم بحنجرتي وابلع غصتي وترجع تتربع بكلبي تاكل بروحي وبعافيتي ..
خيم الليل على عيونة گبل أرض الله، كل وحدة انطوت ع نفسهة تدعي بسرهة الله يرجع درة سالمة ..
ساعة تجر ساعة ومحد يجاوب ع اتصالاتنة ارهقنة البجي المتواصل، ورمت اجفانة وصارت حمرة خوب خشمي صار شكبرة من البجي واحمر جنة كلوب لاطش بنص وجهي ..
اندك باب البيت ركضت افتحة شفت صيوان گبالي بلعت ريكي بخوف وباوعت ورا ... خوية ابو صادق اختي ويييين عفية ترة روحي راح تطلع، واحس الواسعة ضاگت بعيني ..
هز راسة بأسف وعض شفتة السفلية ..
... ما لگيتوووهااااا، صحت هيج وماعت روحي وطحت ..ما فتحت عيوني الا ورا نص ساعة واحس راسي يريد يطك وعيوني تدمع
امي حطت راسهة ع راسي وتشهك ... كسرو گفاي يمة كسرو
صيوان ... ع كيفج عمة فرهود اذا يطخها يفتح ع روحة ابواب جهنم هوا بس يريد يلوي ذراع عمي حر بدرة، هسة يرجعهة وهوا الممنون ..
وعد ... هوا عمك حررر وينة ما بين شسالفتة احجيلي وين رحتو
صيوان كعد ورفع بنطرونة شبك اصابعة وخلة عكوسة ع ركبة وتنهد
... هدينة ع بيت فرهود سوينة عليهم هجوم الله وكيلج عمة من الخوف طلعو النسوان والزم ضلت خاتلة
هذا الحجي عمي عدي راح بلغ وانه ويا والشرطة اجينة للمنطقة و للاسف ماكو كامرات مراقبة وشبه يأسنة ..
تعرفين بعد صرنة ندور، ونستفسر والشرطة ويانة بأعتبار قضية اختطاف ووتعممت مواصفات السيارة ع سيطرات ... بس للأسف حد هسة ماكو اي أثر لدرة
وبالنسبة لحر طلع للعمارة گبل لشيخ عشيرة فرهود كال راح اكلب عاليهة واطيهة واخليهم يشمرونة من العشيرة ولا اخلي عشيرة تلفي
ومن اكضة ادوس بنص مصارينة واطلع حليب امه من خشمة ..
واذا ما اكسر عظامة فـ لا اتسمى حر ..
وعد ... زين هوا شنو سبب عداوتة ويا حر شمسويلة حرر هااي شلون سالفة ياربي المصيبة تركض ورانة
رهف ... صوج اخوج يمة غريب ومبين ضام اسرار دومة مريض وابسط موضوع ينرفزة شنو تفسرين تصرفاتة؟ مبين عندة مشاكل وعداوات واكيد بينهم عداوة وما راح تخلص بسهولة والله اذا ما يجرعنننة المرررر ويخلينة نتلذذ بي ما راح يرتاح هلفرهود من فرهدو عمرة ان شاءالله بجاه لا اله الا الله ..
صيوان ... احنة ليش ما نصير واقعيين شوية يجوز عمي حر دايس ابطنة ومطلعة عن طورة ومسويلة شي خلاه يفقد عقلة ويوصلة للخطف والضرب ..
رديت مستائة ... اكلك حبوبي عوف ثقافتك ع صفحة شنو واقعيين ويمكن خالي حر مسويلة شي خلاه يفقد عقلة
ترة هاااي سالفتة ما ينسكت عنهااااا خاطف بنية شابة
بلا اغتصبوهااا بلا دنت نفسه عليهااا واغتصبهة ما راح كلكم توكفون وتشوفون اختي عااار ويجون عمامي يهوبزون وواحدهم كاض سلاحة ويصيح اغسل عاري ؟
وهوا اساسًا اذا طلبو تعريف العار ... راح انطي اسمائهم ك تعريف
فريت كف ايدي مستائة ... هوا عيونة اتسعت من كلامي ورمش مرتين ورد ... هية اختج منو تدنة نفسة عليهة
كااااتتتتي ولج كاااتي هذذذاااا شسمةةة ذكريني
كاتي ... سبورة!
صيوان ... شنووو؟ ما افتهمت
رهف ... صبورة درة عمت عيني تسميك صبورة
صيوان ... اكضهاا لو ما اكضهاااا
رهف ... اوف خليني ساكتة يمة حبوبة عوفي البجي هذااا عوفي وكومي ادعي بلكت الله يستجاب دعائج وترجع درة سالمة كلبي يعصرني عصر ..
خلصت ليلتنة يا دوب نمنة كل وحدة ساعة، الفجر رجع خالي حر غسل وتوضة وفرش سجادتة يصلي بدون ما يحجي ويانة شي
يرجف بشكل غريب من يسجد يطول دقايق يلة يرفع راسة ، ومن يكول سمع الله لمن حمده
تطلع من حلكة ببطئ وبتلعثم ..
شفايفة صايرات زرگ ويرجف ..
كمل صلاتة وكام انسدح ع قنفة وحط ايدة ع عيونة يزفر بغضب وحركة
تقربت منه امي وكلتلة ... حر بنيتي وين ما لگيتهة وصلت خبر لعمامهة لو لا
شال ايدة من عيونة وكال بغضب عارم
... اذااا خبر خطف درة وصل للگرنة احرك البيت والبي
وعد ... حر ترة هنا عشاير لازم يعرفون عمامهة حتى اذا صار شي عليهة لا سامح الله يكعدونهم ويردون اعتبار بتنة
كعد ونزل رجلي ... اذا صار ع درة شي انه بگلبي اضمهة عن العالم ومحد يكدر يفتح حلكة بحجاية بعد ، واللسان التجي علي سيرة درة بشين اكصةةةة من العرج ..
كام يريد يصعد وامي حجت بضعف
... ليش ما تكللهم حر ليششش
صاح بغضببب ... ياااخذونهة مني ياااخذوننننهة
صعد بسرعة كعدت بمكانة اوووف بوية وين رحت وعفتنة 3 يتيمات الدنيا تصكع بينة، بابا تعال شوف حال بناتك من عكب عينك
هاي احنة بطفولتنة اذا احد ضوجنة تگلب الجو ع راسة مو عاد هسة اختي مخطوفة ومحد يدري بيهة وين ما وين
بردانة دفيانة
اعتدو عليهة لو نفوسهم ما دنت ع هاي الدرة الصافية
تنهدت بضيق ربتت كاتي ع كتفي وهمست ... لا تبجي يرجع شا يضل !
حر تدفع فلوس درة يطلع ..
رهف ... ما اظن السالفة سالفة فلوس
انضرب باب البيت حيل ، كمت ع حيلي اريد اركض افتحة وامي صاحت ولججج رهف لا تصخميني انتي الثانية اوكفي
نزل خالي حر يركض وبيدة المسدس ما تحملت ركضت ورا، فتح الباب وجان نشوف گونية بيضة مذبوبة بالباب والدم يسيل منهاا ، لطمت ع خدودي وصرخت ..........
