 |
رواية أسير الناردين الفصل الثالث 3 بقلم ماريان بطرس
فى صباح يوم جديد ولكنة يوم غير عادى
فى احد احياء القاهرة المتوسطة تستيقظ ناردين على صوت والدتها
سامية :ناردين بت ياناردين قومى علشان متتاخريش على الكلية كالعادة
تتململ ناردين فى الفراش ثم تستيقظ من نومها وتبدأ صباحها كالمعتاد بالمشاكسة
ناردين: خلاص خلاص قومت اهو
ثم تقبل وجنة والدتها قائلة:صباح الورد على احلى ميما ف لدنيا
سامية بابتسامة :صباح النور ياروح ميما يلا اجهزى علشان تروحى كليتك ومتتاخريش
ناردين: محسسانى انى ف طب دى تجارة يعنى كلية الشعب
ثم اكملت بمرح ولكن حاضر هوا ...طيااااارة
ابتسمت سامية وهى تضربها بخفة على رأسها:ماشى يالمضة
على طاولة الافطار
ناردين: صباح الخير عليكم جميعا
الجميع :صباح النور
ترفع ناردين يدها كأنها تؤدى التحية العسكرية :صباح الخير يا ابو على
حسن بضحك :صباح الخير يالمضة وبعدين نفسى اسمعك تقولى بابا ولو بالغلط هو حرام ولا اية
تشير ناردين بسبابتها ناحية صدرها :انا !! وبابا!!لا انت كدة بتشتمنى وبعدين معنى كدة انك واخد عنى فكرة غلط خااالص ولازم تغيرها وانا بقولك اهو ولا اية يا كيمو
كريم: ما هى ناردين جات بالزيطة بتاعتها وانا مش فاضى وعندى شغل وهى كدة هتعملى صداع على الصبح
ناردين :كيمو خف تعوم يا حبيبى ولا اضربك زومبة عند حبيبة القلب
كريم: لا وعلى اية انا اروح شغلى بكرامتى احسن
اومئت ناردين براسها قائلة:انا بقول كدة بردة
كريم :طيب انا ماشى بقا سلام
سامية :مع السلامة يا حبيبى
ناردين: امشى انا بقا
سامية:اية مش هتكملى فطار
ناردين وهى تقبل وجنتها :باى يا ميما باى ياقلبى
حسن :اسمها ماما
ناردين وهى تتجة للخارج:دة عند ام ترتر باااى ياحبى
سامية بضحك :باى يا مجنونة
حسن بضحك وهو يضرب كف بالاخر :اللة يكون فى عونك ياهانى ويصبرك عليها هتلقيها منها ولا من المساجين
**************
فى شركة اسر
تدخل فتاة بمنتهى الغضب
:اسرجوة
نجلاء:ايوة يا ايلين هانم
ايلين :معاة حد
نجلاء:لا ياهانم
تدخل ايلين للداخل كالاعصار
ايلين:ممكن افهم اية بقى باعتلى الحرس الخاص بتوعك مش كفاية السواق لا كمان حرس هو حد قالك انى وزيرة ولا رئيسة وزراء
اسر بحدة:صوتك يوطى احنا فى الشركة ومش عيلة زيك هى اللى تعلى صوتها عليا
ايلين بخوف:م مقص مقصدش ااانا ب بس ك كنت
قاطعها اسر :انتهينا اما بقى فاكر نفسى اية فا انا اخوكى الكبير اللى من واجبى احميكى انتى مش رئيسة وزراء انتى ايلين التهامى بنت ابراهيم التهامى صاحب شركات الاستيراد والتصدير واخت اسر التهامى صاحب شركة ماكس للمعمار وعمرى ما هسمح لحد انة يخليكى نقطة ضعفى او ان يلوى دراعى بيكى
ايلين وهى توشك على البكاء:
انا مش نقطة ضعف حد يا اسر وبعدين انا مش بنت فلان او اخت فلان انا ايلين انا نفسى
اسر وهو يزفر محاول تهدئة اعصابة فأختة لا تعلم مايدور حولها ولا تعلم ماذا يحدث
هو انا قلتلك..اية ولا حرمتك من اية.. انابحاول احمى اختى من اى حد يحاول ياذيها سبق وقولتلك انا مش بحجر عليكى او بقيد حريتك انا بحميكى والحرس لحمايتك
ايلين بشبة اقتناع
بس مش بالطريقة دى يا اسر انا
قاطعها اسر وهو يشير للخارج :ايلين روحى على البيت ولا الكلية انا مش فاضى للدلع دة.. اة ...وبكرة هيبقى معاكى حرس شخصيين ليكى لوحدك
حاولت ان تعترض فقاطعها هو :ومن دون اعتراض
ايلين بحنق:اوف دة انت ربنا هيرزقك بواحدة تطلعهم من عينك
نظر لها بسخرية ثم قال بجدية
على البيت يالا انا مش فاضى
ايلين :اوكى
***********
فى الجامعة
خالد :ننتبه شوية يا جماعة اغلبكم جايب درجات حلوة بس
قاطع كلامة استئذان ناردين بالدخول
ناردين: ممكن ادخل يا دكتور
نظر لها ثم اشار لها بالدخول
اردف قائلا
ياشباب انتو اهم حاجة اتعودو انكم تكونو موجودين بدرى قبل ميعادكم
نظر لناردين ثم قال
فى الامتحان واضح انكم شاطرين واذكية وجايبين درجات حلوة وفية منكم جايب درجات نهائية وبيطلع بترتيب بس اهم حاجة المواعيد اعتبروها نصيحة من اخوكم الكبير لو انتو ف انترفيو واتاخرتو فمش هيشفع ليكم شطارتكم لانه هيعتبر اهانة اتعودو من دلوقتى تبقو موجودين فى معادكم
ثم اكد على كلامة بنظرة ناحية ناردين لان انت ممكن تستنى القطر لكن القطر مابيستناش حد مفهوم
اومأ الجميع برؤسهم
نبدأ بقا
************
فى شركة التهامى للاستيراد والتصدير
دلف الى السكرتير الخاص بة
كريم: هو ابراهيم بية معاة حد ياعامر
عامر :لا كنت عاوز حاجة يا كريم
كريم :اة الملف دة محتاج امضتة
عامر :تمام هبلغة
دلف للداخل ثم خرج واشار لة بالدخول
كريم: صباح الخير يا ابراهيم باشا
ابراهيم باجهاد: صباح الخير يا كريم يابنى فين الملف
اعطاة الملف
كريم :مالك ياباشا سيادتك تعبان
ابراهيم: لا يابنى انا كويس
كريم: تحب اكلم اسر باشا
ابتسم ابراهيم باسى:
لامتقلقهوش انا كويس المهم انت عملت اية حددت معاد الفرح ولا لسة
ابتسم كريم باسى:فرح فرح اية ياباشا دة انا يدوب اشتريت الشقة بس لسة مجمعتش حاجة من العفش
ابراهيم :ربنا معاك يابنى ولو احتجت لحاجة قولى على طول
ربنا يخليك لينا يا باشا
*********"""
فى شركة اسر
:اسر باشا موجود
نجلاء :ايوة يا مايكل باشا
مايكل :طيب بلغية انى عاوزة
نجلاء:تمام يا فندم
بعد قليل سمحت لة بالدخول
مايكل بعد ان دخل
انا عاوز اعرف مالك الدنيا عندك مكهربة لية
اسر بجدية:مالى مانا كويس اهو
مايكل :بعيدا عن انك تملى جدى فى التعامل بس فية حاجة
اسر :جيبت الحرس
مايكل:حرس الشركة ااة بس حرس ايلين بكرة اكون جيبتلك حد افضل من الاخر يعنى ...بس متغيرش الموضوع فية اية
اسر بجدية :فية حد بيخونى فى الشركة وياعالم اية اللى بيحصل كمان من ورايا
اعتدل مايكل بجلستة وقال
وعرفتة ولا لسة وعرفت بيشتغل لصالح مين
اسر :لسة بس هعرفة قريب جدا
*"***********
على باب الجامعة
مارينا :بصى انا هسبق بقى علشان هاروح اخد ماما عند الدكتور
ناردين:سلامتها الف سلامة اية اللى حصل
مارينا :رجلها بتوجعها من كام يوم فهنروح نطمن فاهمشى انا
ناردين:اوكى وانا كريم هييجى ياخدنى انا ومى
مارينا ماشى
بعد ان ذهبت مارينا سمعت ناردين صوتا ينادى باسمها التفتت فوجدتها سيدة
ناردين: نعم يا طنط عاوزة حاجة
السيدة:انتى ناردين خطيبة الرائد هانى السنوسى
ناردين: ايوة انا
السيدة:ارجوكى انقذى ابنى
ناردين: انقذ ابنك ازاى ومن مين
