 |
رواية كدبه لا يمكن التخلص منها الفصل السادس والثلاثون 36 بقلم حنان أحمد
حياه سكتت وما عرفتش ترد عليه وبعدين قالت: لا بغير ايه لا طبعا مش عشان هي قالت كده انا ضربتها عشان قلت ادبها معايا انا داخله المكتب بتاعي وبتستهزا بيا وبتقول لي عندك حبيب ودخلتي للمكتب مراد بيه هي مالها بيا انا مش فاهمه
مراد قال: اممم بجد يعني تمام هعمل نفسي مصدقك بس اللي عايزه اعرفهو لك انك باين في عيونك قوي انك غيرانه عليا يا حياه هانم قال كده وبعدين بص في عيونها وهي ما عرفتش ترد فضلت بصه في عيونه لحد ما قاطع نظراتهم ملك وهي بتدخل وبتقول: حياه انا كنت وقفت لما شافتهم وقالت: انا ما كنتش اعرف يعني يعني انا همشي وبعدين بس مراد قطعها وقال لا ما فيش مشكله انا طالع دلوقتي عن اذنكم
ملك دخلت وقفلت الباب وقالت باستغراب: في ايه مالكم حياه بضيق: البنت الملزقه اللي اسمها سيرين الجديده دي واحده بارده لا وكمان عايزه تسرق الصفقه الجديده وهو مش عايز يصدقني بيقول عليا كذابه امتى هخلص من ام المشكله دي مش عارفه
ملك: طب هو احنا هنعمل ايه معها عندك فكره نكشفها بيها
حياه: اكيد لازم نطلعها وانا هعرف اطلعها بطريقتي
ملك بشك لأنها عارفه اختها مجنونه: هتعملي ايه يا حياه اوعي تتهوري
حياه بخبث: لا متقلقيش في ناحيه التهور ده لاني هعدي المرحله دي
ملك بخوف: حياه متعمليش حاجه تندمي عليها
حياه بجمود: لا متقلقيش من الناحيه دي مش هندم علي حاجه
وعدا الوقت وجه وقت الغدا حياه خرجت من مكتبها شافت مهند مع ليلي ضحكت بسخريه وبعدين لقت مراد طالع وملك كمان من مكتبها حياه بصت علي مراد بعدين ملك رحتلها وقالت: ايه رايك تيجي نتغدى مع بعض امير مش هيبقي عنده مانع
حياه ابتسمت وقالت: لا يا روحي انا عندي معاد مع حد انهارده
ملك بإستغراب: مع مين مش فاهمه
حياه كانت لسه هترد دخل راجل بطلته وهيبته بجسم رياضي وشعر اسود ناعم وبشره قامحويه وعيون بلون القهوه دخل وهو بيبتسم وبيتجه نحو حياه وبيقول: متأخرتش علي حياتي صح
حياه ضحكت وحضنته وقالت: اسوري حبيبي ميقدرش يتأخر علي حياته ابدا
ملك استغربت وقالت: أسر وفهمت حياه بتفكر في ايه
بعد ما أسر حضن حياه قال: ملك عامله وحشاني انتي كمان وحضنها
ساعتها امير كان طالع من المكتب وشاف ملك وحس بالغيره وراح ناحيتهم
ملك بابتسامه: وانت كمان وحشني اوي
امير جه وقال بغيظ وغيره: لا والله واحشك الاستاذ اوي
أسر قال باستغراب: مين ده
امير حط أيده على ملك بتملك وشدها ليه وقال: انا حبيب وخطيب وهبقي جوزها أن شاء الله
أسر ضحك اوي وقال: طيب يا عم مزعل نفسك ليه ملوك زي اختي والله وبعدين احنا كنا جران وزي اخوات و
قاطعته حياه وقالت: خلاص خلاص انت هتحكيله قصه حياتك احنا مش فاضين يلا
أسر بغمز ل حياه: طب ما انتي حياتي هو هقول ايه يعني
حياه ضحكت وقالت: طب يا بكاش يلا علشان نمشي وقت الغدا هيخلص
كل ده ومراد واقف بيغلي من الغيره وبيحاول يتحكم في نفسه علشان ما يبنش أنها تهمه
حياه وأسر خرجوا وراحوا علي المطعم اللي هياكلوا كذالك امير وملك ومراد طلب دليفري وخلاص
عند بيت عزت كانوا قاعدين عيله حياه وفجأة جه اتصال ل امينه وكان ابوها محمد ردت بسرعه وقالت: بابا ازيك عامل ايه انا كنت
بس قاطعها لما قال: امينه انتي فين انا روحت البيت وملقتش حد
امينه قامت وقفت وقالت: ايه
عند حياه وأسر كانوا قاعدين بياكلوا وأسر قال: ياه كل ده حصل يا حياه طب وانتي مستحمله إهانته ليكي ليه هو مش مصدق خلاص خليه لما يكتشف ويندم أنه مصدقكيش
حياه قالت: ازاي يعني يا أسر مستحيل اعمل كده واتنهدت وقالت: انا مستحمله علشان بحبه يا أسر وهفضل احبه انا اللي غلطت مش هو ده غلطي انا ولازم استحمل نتيجه اللي انا عملته
أسر قال: طب وعايزاني اعمل ايه
حياه: بما انك بتشتغل في الهكر والكلام ده ساعدني نهكر تليفون اللي اسمها سيرين دي
أسر: طيب ماشي بس لازم تحملي الابلكيشن ده عندها وتفعيلي وانا هعمل الباقي
حياه ابتسمت وقالت: شكرا بجد يا اسوري
خلص وقت الغدا و مهند وليلي كانوا دخلين الشركه بس جه اتصال ل مهند ف قال : حبيبتي ادخلي انتي وانا هعمل مكلمه بعدين ادخل
ليلي بعدم اهتمام : تمام تمام مفيش مشكله
ودخلت ليلي ومهند اتنهدت بخنق وقال في نفسه ينهي العلاقة دي علشان زهق منها ومن ليلي شخصيا
وبعدين رد وقال: بابا ازيك
ابوه: كويس انا راجع يا مهند علي اسطنبول
مهند بفرحه: معقول اخيرا يا بابا انت وحشتني اوي
ابوه: وانت كمان يا حبيبي واسطنبول كمان وحشاني
مهند : ماشي يا حبيبي هستناك وقفل معاه أما عند ابوه قال: انا راجع وهيرجع زمن حكمت من تاني وضحك ضحكه شر ( اللي مش فاكر حكمت مين ده اللي قتل عيله حياه كنا قايلين اسمه لما كانت حياه بتحكي ل مراد ، ودلوقتي مهند ابنه هو باين من اولها طالع ل ابوه قليل الادب وغدار ايه اللي هيحصل مع ابطالنا ده اللي هنشوفه دلوقتي)
أسر رجع حياه وكانت لسه هتدخل الشركه بس في حد حط أيده علي بقها وشدها ليه و.............
