 |
رواية كدبه لا يمكن التخلص منها الفصل الخامس والثلاثون 35 بقلم حنان أحمد
الفصل الخامس والثلاثون
حياه دخلت واتصدمت من شكلها وكانت بنت جميله طويله شويه يعني اطول من حياه شعرها أسفر وعيونها خضراء استغربت وقالت لها : انتي بتعملي ايه هنا
البنت بغضب : انتي اللي بتعملي ايه وازاي تدخلي من غير ما تخبطي
حياه باستهزاء: لا والله اخبط هو ده كان مكتبك ولا ايه انتي متعرفيش انتي فين
البنت: لا اعرف وانتي ملكيش دعوه واطلعي بره بدل ما اعمل حاجه مش هتعجبك
حياه اتعصبت من طريقه كلامها وقالت: لا انا حابه اعرف انتي هتعملي ايه ولا اقولك انا هعمل وقربت منها ولسه هتلمسها سمعت صوت مراد وهو بيقول: حياه انتي بتعملي ايه في مكتبي
هنا حياه قالت: كنت بطلع الزباله بره يا مراد بيه وبصت علي البنت بغضب
البنت كانت هترد عليها بس مراد قال بصرامة: حياه لو سمحتي اتكلمي عدل مع سكرتيرتي الجديدة
هنا حياه اتصدمت وقالت: سكرتيرتك الجديدة
مراد قال وهو بيروح ناحية مكتبه وبيقعد: اه فيها حاجه دي
حياه قالت بوجع ظاهر: ازاي يعني يعني
قاطعها وهو بيقول: رحبي بالسكرتيره الجديدة سيرين
حياه فضلت بصاله بصدمه ووجع مكانتش متوقعه ابدا أنه هيستبدلها بواحده تانيه لا وكمان واحده زي دي
سيرين بلطف مصطنع: اهلا انا سيرين معلش لو كنت اتعصبت شويه بس
قاطعتها حياه وقالت: لا معلش انتي يا حبيبتي تسبيني انا ومراد بيه دقيقتين هتكلم معاه في حاجه مهمه
سيرين: طب عادي ماتتكلمي هو انا مسكاكي
حياه اتعصبت اكتر ومراد شاف ده ف قال: معلش يا سيرين اطلعي بس بره هتكلم معاها وابقي ارجعي تاني
سيرين بدلع: حاضر يا مراد بيه وخرجت وقفلت الباب واول ما قفلت الباب حياه اتحركت ناحيه مكتب مراد و وقفت قصاده وقالت: البنت دي متنفعش تشتغل هنا
مراد باستهزاء: وليه بقي أن شاء الله انتي مالك اصلا
حياه اتنهدت وقالت: يا مراد اصل
قاطعها بصرامه وقال: مراد بيه
حياه بصتله بوجع وقالت: مراد بيه معلش اسفه نسيت وكملت وقالت: متنفعش علشان انا سمعتها بتقول وحكتله اللي حصل من لما سمعتها وهي بتتكلم في تليفون بس علشان كده متنفعش
مراد ضحك بسخريه وهي استغربت وقالت: ممكن اعرف ايه اللي بيضحك
مراد قال: كلامك اللي بيضحك انتي متوقعه اني ممكن اصدقك
حياه قالت: وليه متصدقنيش
مراد قام وقف وقال: علشان انا مش بصدق واحده كدابه
حياه بصت له بوجع ودموع وقالت: انا مش بكذب دي الحقيقه
مراد قعد تاني وقال: خلي حقيقتك لنفسك مليش دعوه بيها
حياه قالت: بس
مراد قاطعها وقال: اعتقد خلص كلامنا ومفيش كلام تاني يلا اتفضلي بره
كانت هتتكلم بس هو قاطعها وقال: بره طلعت وهي متعصبه ومش عارفه تعمل ايه خرجت شافت سيرين في وشها وبتبتسم باستفزاز حياه بصتلها بعصبيه ودخلت مكتبها بغيظ وقفلت الباب وقعدت المكتب بعدين تليفونها رن وقالت : الو يا انور
انور باستغراب من صوتها: مالك يا حياه ايه اللي مديقك
حياه بعصبية: هو في حد مديقني غير ابو طويله اللي بشتغل معاه ده
انور بضحك: طب اهدي واحكيلي في ايه
حياه حكتلوا اللي حصل و عن سيرين و بعدين قالت بغيظ: كل ما أقوله حاجه يقولي انا مش بصدق واحده كدابه زيك بيفرسني انا زهقت منه خلاص
انور بضحك: طب خلاص اهدي معلش مهو ليه عذره برضو
حياه قالت: انور متعصبنيش اه انا غلط بس مش كل شويه يقولي كده ايه ده يا ربي
انور: خلاص معلش اهدي يا قلبي
حياه اتنهدت وقالت: المهم انت فين دلوقتي
انور اتنهد هو كمان وقال: انا رجعت علي امريكا اتصلت بيكي علشان اقولك
حياه بصدمه: ازاي يعني مشيت من غير ما تقولي يا انور انت بتهزر ولا ايه
انور: معلش يا حياه مكنتش هعرف اكلمك وكمان انا اتخنقت من الجو عندك وانتي عارفه
حياه بضيق: اه عارفه حتي مستنتش نتكلم مع بعض شويه
انور : مهو انا مشيت علشان كده علشان عارف انك هتفضلي تتكلمي في الموضوع ده
حياه: انور ل امته هتفضل بتتهرب انت مش فاهم حاجه وكده انت بتتعب وهي كمان بتتعب
انور بسخريه: لا يا حبيبتي هو مش فارق معاها اصلا وكمل وقال : المهم قفلي علي الموضوع ده انا هنزل قريب تاني قولت اقولك علشان متزعليش
حياه اتنهدت وقالت: ماشي يا حبيبي هستناك سلام
وقفلت معاه اتفأجت ب سيرين دخله عندها وبتقول : طب ما انتي عندك حبيب اهو مدايقه ليه لما كنت بتكلم مع مراد بيه في الوقت ده مراد كان معدي وسمعها ف وقف يعرف هي هتقول ايه حياه بصيت لها باستغراب وقالت: افندم حبيب انت هبله وايه مشكلتك معايا مش فاهمه وازاي تدخلي مكتبي من غير ما تخبطيه وكمان بتتسمعي عليا
سيرين ضحكه بتستهزاء وقالت : والله هي دي المشكله بس انا نسيت اخبط بس مش دي المشكله المشكله انه انك عندك حبيب و بتغاري على مراد بيه بس لك الحق هتلاقيه في جماله ولا في عيونه فين
حياه اتعصبت ولسه هترد مراد دخل وقال: سيرين بتعملي ايه هنا
سيرين قالت: كنت بتعرف على حياه
حياه بصيت لها بغضب وسيرين كملت وقالت: اصلي عرفت أن حياه عندها حبيب وكده فكنت بسألها عليه وكمان يا حبيبي انا هنا قطعتها حياه بقلم قوي نزل على وشها مراد اتصدم وسيرين اتصدمت جدا من اللي هي عملته وحقيقه قالت: اطلعي بره مكتبي وكملت بزعيق: بره
سيرين طلعت بعصبيه من المكتب وقفلت الباب وراها قوي ومراد قال: ممكن افهم الي عملتيه ده ليه ضربتي البنت
حياه بانفعال: البنت دي كدابه ليه مش مصدقني
مراد: مفيش حد كداب هنا غيرك انتي كدبتي عليا ممكن افهم ليه كدبتي ههه وتقولي عليها كدابه وانتي كمان ممكن تكوني كدبتي عليا مره تانيه مهو الي بيكدب مره بيكدب الف قوليلي كدبتي تاني قبل كده ولا لا؟
حياه: ......
مراد:ههه كنت عارف مش قادره تقولي صح
حياه في نفسها: ياريتني اقدر اقولك بس مش هتبص في عيني بعد كده هتخرجني بره حياتك مش هقدر لا مش هقدر
حياه بوجع: علشان كدبه صغيره انت كل شويه بتهني كل الي عملتو اني قولتلك اني اشتغلت في شركه قبل كده وطلعت كدبه بس انت كنت هتوظفني عندك لو كنت عارف اني مش شغاله ها قول يا مراد باشا
مراد: اولا انا اكتر حاجه بكرها في حياتي هو الكدب تمام ثانيا دي مش كدبه صغيره ده احتلال ونصب فاهمه
حياه بوجع: انت عايز ايه دلوقتي ها ما انا دلوقتي شغاله سكرتيره ل ليلي هانم عايزني امشي من الشركه حاضر يا مراد باشا انا هامشي
حياه كانت هتمشي بس مراد مسك اديها وشدها لي وقال: لا عاوزك تعتزري من سيرين
حياه: اسفه طلبك مرفوض هي قلت ادبها وانا علمتها الادب
مراد: قلت ادبها في ايه علشان قالتلي حبيبي وانتي مالك لتكوني بتغيري عليا يا حياه هانم
حياه بصتلو كتير وسكتت ومعرفتش تقول وبعدين شدت اديها منو وقالت......
