 |
رواية كدبه لا يمكن التخلص منها الفصل الثالث والثلاثون 33 بقلم حنان أحمد
الفصل الثالث والثلاثون
امينه بقلق اكبر: بس ايه يا ملك مالها حياه وهي ليه مجتش انطقي يا ملك
بس قاطعتها حياه وهي بتقول: أنا أهو يا خالتو
هنا ملك بصتلها بصدمه وامير ومراد برضو
كرمه اول ما شفتها حضنتها وقالت: حياتي وحشتيني
حياه ضحكت وقالت: وانتي كمان يا كرمتي وراحت مسكت ايديها ودخلت وقالت: مالك يا خالتو قلقانه ليه
امينه: هو ايه اللي قلقانه ليه كنتي فين يا حياه
حياه بتوتر: انا كنت كنت
ملك قالت بسرعه : كانت في البيت يا خالتو هي قالت إن احنا نروح انهارده
امينه باستغراب : نروح من غير ما تقولولي
ملك قالت بسرعه: لا يا خالتو ما انا حاولت اقولك بس انتي مكنتيش فاضيه طول اليوم
امينه: والله ف تعملوا اللي انتو عايزينوا من غير ما تقولولي
ملك كانت هترد بس عزت قاطعها وقال: ومن غير ما اعرف انا كمان ولا كانوا عايشين في بيتي صح
حياه: لا يا عزت بيه مش كده بس احنا يعني قعدنا فتره طويله وكده وكنا لازم نمشي بس مش هينفع دلوقتي
ياسمين: وليه لا
حياه بتوتر: اصل البيت لما روحت لقت في حشرات وكمان الجيران بيقولوا في مشكله في البيت وكده مش هنعرف نروح
عزت قالت: يعني لو مكنتش في المشكله دي كنتوا مشيتوا
حياه بأسف: انا اسفه يا عزت بيه عارفه ان كان المفروض اقولك بس قولت يعني حضرتك هتصر وكده ف مكنتش هعرف اكلمك المهم انا اسفه
عزت بتفهم: خلاص ماشي يا بنتي بس بعد كده ابقي قوليلي على الأقل المهم انا هكلم حد يشوف البيت
حياه قالت بتوتر وبسرعه: لا لا متتعبش نفسك يا عزت بيه انا حليت الموضوع
عزت : متاكده يا بنتي
حياه هزت راسها بتوتر وقالت: اه متتعبش نفسك انت
عزت قال: ماشي يا بنتي
ملك بصت لأختها بشك لأنها حست انها بتكدب وحياه غمضت عيونها بوجع مكنتش عايزه تكدب تاني بس تعمل ايه مطره أما عن امينه ف مسكت حياه واخدتها علي جنب حياه كانت هتتكلم تفهمها هي ليه عملت كده بس فجاتها امينه وهي بتقول: مالك يا حبيبتي
حياه بإستغراب: مالي في ايه مش فاهمه
امينه: مالك بقالك يومين مش علي بعضك وفي وجع ف عيونك انا شايفه ممكن تقولي لي مالك انا حاسه بيكي
حياه هنا عيونها لمعو بدموع بس هي حبيستهم وقالت: مفيش يا قلبي لو في حاجه هقولك صدقيني انا كويسه
امينه بشك وهي عارفه انها مش هتقول مالها : خلاص يا حياه اللي يريحك
حياه حضنتها وقالت: شكرا يا خالتو شكرا لانك فهماني
امينه ابتسمت: لو مكنتش هفهمك هفهم مين بس اهم حاجه تكوني كويسه لو انتي كويسه انا هكون فرحانه اوي يا حياه
حياه بعدت عنها وقالت: كويسه يا خالتو متقلقيش بس انا دلوقتي عايزه ارتاح هطلع اخد دوش وانام ماشي ياحبي
امينه: ماشي يا حبيبتي اعملي اللي يريحك
حياه بعدت عنها وبعدين استأذنت من الموجودين أنها هتطلع واول ما طلعت قعدت علي السرير وهي بتعيط بوجع مكنتش عايزه تكدب تاني بس كانت مطره ملك لما حياه طلعت طلعت وراها واول ما دخلت وشافتها كده جريت عليها وقالت : يا حبيبتي كفايه بقي مالك بتعيطي ليه انا مش فاهمه
حياه وهي بتعيط: علشان مكنتش عايزه اكدب تاني تعبت من الكدب تعبت يا ملك مش قادره
ملك بعدتها عنها وقالت: كنت حاسه ان في حاجه غلط موضوع اللي الحشرات والمشاكل اللي في البيت دي مش مصدقها بصراحه
حياه وهي بتمسح دموعها: فعلا كده انا كدبت كل ده بسبب مهند
ملك بإستغراب: مهند ازاي مش فاهمه
حياه قالت: هفهمك كل حاجه بصي انا لما روحت البيت شوفته هناك و فلاااالش باااااك حياه اول ما روحت البيت وفتحت الباب سمعت صوت في المطبخ اتخضت وفكرته حرامي راحت مسكت عاصيا ودخله ولسه هتضربه وهي بتقول بصوت عالي: ازاي تتجرأ وتدخل المطبخ بتاعي يا حرامي يا كلبببب راح مهند اتصدم ومسك العصايا في اخر لحظة وقال: في ايه اهدي مالك
حياه اتصدمت وقالت باستغراب: مهند
راح مهند اتريق عليها وقال: امال حرامي هيدخل المطبخ لا وبتاعك ساب بيوت اسطنبول كلها ودخل بيتك علشان يسرق المطبخ صح
حياه بضيق من طريقه كلامه: انت بتعمل ايه هنا ايه اللي جابك هنا اصلا وازاي دخلت البيت اساسا لا وكمان من غير متستأذني
مهند: هههههه ايه ده هو انت نسيتي يا حبي ولا ايه هو مش انا كنت باجي عندك هنا ونقضي اليوم مع بعض وعارف ان انت بتحطي مفتاح احتياطي ناحيه الباب من بره ولا ايه نسيتي صح معذوره اديكي افتكرتي
حياه بخنقه: مش فاهمه انت عايز ايه يعني انت جاي ليه اساسا ايه اللي جابك هو ايه اللي انا كنت باجي ومش باجي انت هنا ليه يا مهند
مهند وهو بياخد خياره وبياكلها باستمتاع: انا جيت اقيم عندكم هنا بما انكم تقريبا اقامته واشتريته جزء من بيت مراد بيه هناك فقلت اجي هنا اقعد يومين في بيت حياتي علشان انا مش لاقي مكان الصراحه يعني الشقه اللي كنت فيها المالك بتاعها ما كانش مستلطفني ولا ولا انا كنت مستلطفه فخلاني اسيب البيت او انا سبته لوحدي وما لقيتش مكان غير حياتي هي اللي هتستضيفني في البيت فقلت اجي
حاجه ضحكه باستهزاء: لا والله اه قلت لي مش بتستلطفه طيب انا مالي انت جاي هنا ليه مفكرني انا هستضيفك في بيتي بعد اللي عملته وبعد خيانتك ليا وبعد سببك في مشاكلي وان انا اكذب على عيلتي لا ده انت بتحلم يا مهند بيه
مهند قال: لا ما كنتش اعرف انك كده بس انا محتاج مساعدتك يا حياه مش هتساعديني ده احنا اكلنا عيش وملح مع بعض ولا ايه
حياه بنفس الاستهزاء: لا العيش والملح خليهولك يا بابا انا خلاص تبت وكمان مش عايزه يكون في حد قذر زيك في حياتي واساعده انا مش بتاعه الكلام ده يا مهند بيه علشان كده اطلع بره من غير مترود
مهند قال: شكله منفش معاكي الذوق يبقى نتكلم بقى بالغصب ولا ايه
حياه ضحكه: بالغصب هو انت متوقع ان انت تقدر تخصبني على حاجه اساسا تبقى بتحلم انا داخله الاوضه بتاعتي اعمل شويه حاجات اطلع الاقيك مش موجود في البيت يلا باي
مهند وقفها لما قال: عادي ممكن اقول لحبيب القلب انت ليه دخلت الشركه او العلاقه اللي كانت بينا وانك غيرانه عليا من ليلى وعشان كده موجوده معايا في نفس الشركه من حبك ليا وهو اكيد هيصدقني او عيلتك اللي بتثق فيكي لما تعرف ان كان عندك حبيب وعايشين مع بعض لمده سنه كامله ولا سنتين مش فاكر اساسا ما يهمنيش تقول عليك ايه ليه خبيتي عليهم ايه لا تكوني بتعملي حاجه غلط
حياه بتوتر: تقصد ايه
مهند: اقصد انك تخليني يا حياه هنا في البيت عندك كم يوم ما تقلقيش مش هعيش عندك العمر كله واما الاقي لي بيت هروح له ساعتها اكون شكرتك اما بقى لو رفضتي فحبيب القلب مراد بيه اوغلو هيعرف بان الحلوه اللي معي واحده كدابه ومخدها وبس
حياه: انت بتهددني يعني
مهند بضحك: اه طبعا هو انت شايفه ايه قلت ايه
حياه بضيق ووجع: تمام بس عايزه اعرفك يا مهند بيه اني هدفعك ثمن كل ده كويس هتندم على اللي بتعمله معايا وهتشوف عن اذنك
ومشيت حياه وهي بتبكي ودموعها على خدها من الوجع مش هتقدر تقول لمراد على الحقيقه كامله دلوقتي هيسيبها مش هيبص في وشها خالص علشان كده سكتت ومشيت بااااااااك
حياه: هو ده اللي حصل
ملك بغضب: راجل مهزق وقليل الادب لو كان قدامي دلوقتي كنت اديته كف على وشه ده اللي فرحان بيه
حياه بحزن: اساسا المفروض ان انا الغلطانه من الاول ان انا وثقت في الشخص الغلط في نفس الوقت كذبت على اللي بحبهم واللي استاهلهم
ملك بزعل على اختها: حبيبتي ما تزعليش ما فيش حاجه مستاهله زعلك ابدا كله هينحل كله هيتحل يا حبيبتي
وحضانتها وحياه فضلت في حضنها بترتاح شويه لما بتحضنها بعدين خرجت من حضنها وقالت: انا هاخد دش وانزل الجنينه شويه عايزه اقعد لوحدي و افكر اعمل ايه
ملك قالت: ماشي يا حبيبتي اعملي اللي يريحك
حياه دخلت اخذ الدش ونزلت في الجنينه ما كانش موجود فيها حد يعني يعتبر كلهم ناموا وبصت على السما وعيونها دمعوا وقالت: انا وعدتكم اني مش هزعل بس مش عارفه اعمل ايه تعبت تعبت قوي قلبي بيوجعني مش عارفه احل اللي انا بوظته ازاي مش عارفه انا اسفه
بس سمعت حد من وراها قاطع تفكيرها وهو بيقول: مشاكلك هتتحل يا حياه من غير ما تتهربي لما تواجهيها ثقي في نفسك واعرفي انك ممكن تواجهي اي حاجه ما تبقيش ضعيفه خليكي قويه دايما
حياه بصت للشخص ده وكان.............
