رواية كدبه لا يمكن التخلص منها الفصل الثاني والثلاثون 32 بقلم حنان أحمد

 رواية كدبه لا يمكن التخلص منها الفصل الثاني والثلاثون 32 بقلم حنان أحمد 

 الفصل الثاني والثلاثون

حياه شجعت نفسها و خبطت على الباب واول ما دخلت ومراد شافها قال بغضب: انت بتعملي ايه هنا ايه اللي جابك اطلعي بره

حياه خدت نفس الطويل وقالت: انا جايه عشان اخليك توقع على الورق ده

مراد بغضب: ورق ايه بقول لك اطلعي بره.. بره

حياه بخوف لانها اول مره تشوف مراد بيتكلم بالطريقه دي قالت: الملفات دي ليلى هانم قالت لي خليك توقع عليها وقع عليها وانا هطلع

مراد مسكها من أيدها اوي وقال بغضب وعصبيه: ملفات ايه و زفت ايه انتي مين قالك انك اساسا تفكري تعتبي باب الشركه ده اطلعي بره انتي ملكيش مكان هنا 

و زقها علي الباب ف هي وقفت وحاولت تكون قوية علشان متعيطش قدامه وقالت: مراد بيه انا مش هطلع انا دلوقتي سكرتيره ليلى هنام ومش هينفع اطلع ده شغلي

مراد بعصبيه: سكرتيره مين وفتح باب المكتب ونده على ليلى... ليلى جات له بسرعه وقالت: في ايه يا مراد بتزعق ليه

مراد بعصبيه:دي بتعمل ايه هنا كان بيشاور على حياه ليلى: دي السكرتيره بتاعتي يا مراد

مراد بغضب: سكرتيره ايه وبتاع ايه وانت من امتى اساسا كان عندك سكرتيره يا ليلى

ليلى بكذب: مراد انا شفت ان حياه شاطره معاك ولما لقيتها استقلت واشتغلت في مطعم صعبت عليا فاضطريت اني اقول لها تيجي تشتغل معايا وهي ما قالتش لا والبنت شاطره يا مراد ايه المشكله انت ليه متعصب كده

مراد : صعبت عليك انت متاكده انت مفكره ان الكلام ده هيخش عليا حياه صعبت عليك انت يا ليلى

ليلى بكذب: اه يا مراد في ايه ...ايه المشكله يعني انت عامل مشكله من غير مشكله ايه المشكله انا خليتها تشتغل معايا عشان محتاجاها البنت شاطره وذكيه وانا مش هضيع موظفه شاطره زي دي ان هي تخش الشركه بتاعتنا هتفيدنا كثير يا مراد

مراد قال في نفسه: فوق يا مراد عصبيتك دي بتاكد لها ان هي فارقه معاك ايه المشكله لو اشتغلت خليها تشتغل هنا هي مفكره كده ممكن تصلح اللي عملته مستحيل ما تتعصبش تعصبك ده هياكد لها انها عندها اهميه عندك وانت خلاص نسيتها اخذ نفس طويل وقال ببرود: تمام يا ليلى تمام خليها تشتغل ما فيش اي مشكله براحتك خد منها الملفات ومسك القلم ووقعهم واداهم لها ثاني وقال ببرود :اتفضلوا بره عايزه اشتغل

ليلى وحياه خرجوا ليلى دخلت مكتبها وحياه كذلك واول ما دخلت حياه دموعها خانتها ونزلت بعدين مسحتهم وقالت: هو ازاي وافق بالسرعة دي ايه اللي حصل له معقول انا مش فارقه معاه اكيد لا لو ما كنتش فارقه ما كانش يتعصب في الاول هو بيحاول يثبت لي اني مش فارقه معاه بس انا عارفه يا مراد انك بتحبني انا عارفه كده وكملت بوجع: هخليك تسامحني تصدق قصتنا مش هتنتهي هنا انا مش هسمح لها تنتهي هنا هتسامحني اما في مكتب مراد حاول يهدي نفسه وتذكر لما مسكها من ايديها اتوجعت هي ما بينتش ده بس هو شاف ده ف عنيها حاول يهدي النار اللي في قلبه عقله بيقول ان انت نسيتها بس قلبه لا بيتوجع ومش قادر ينساها هدى نفسه بعدين كمل شغل اخر النهار روحوا ابطلنا ومراد روح برضه علي بيت عزت علشان بثبت أن هي مش فارقه معاه بس حياه كانت رايحه علي بيتها وهي في الطريق كلمت ملك اللي كانت لسه مروحه و كانت في الجنينه وقالت لها: ملك انا هروح علي البيت بتاعنا 

ملك بإستغراب: ليه يا حياه 

حياه بوجع : علشان انا مش عايزه مراد يسيب بيته وأهله بسببي امبارح ما نمش في البيت وانهارده كمان ممكن ميروحش علشان كده هبعد بس هحاول اصلح اللي عملته في الشركه 

ملك بزعل علي اختها : طيب هتقولي ايه لخلتوا وكمان لعزت بيه 

حياه: هقول ايه يعني يا ملك احنا كنا ضيوف وهنمشي يعني خلاص مش هعيش عندهم طول العمر يعني وبعدين مش انا اللي هقول لخلتوا انتي اللي هتقولي لها وكملت بأسف: انا عارفه اني هبعدك عن امير واسفه بس علشا... كانت هتكمل جملتها بس قاطعتها ملك وهي بتقول: بطلي هبل انتي اختي مافيش مشكله بعدين يعني انا مش هشوف اختي زعلانه وابقي فرحانه يا حياه ف بطلي هبل 

حياه بابتسامه: حبيبتي يا ملوك يا قلبي انا خلاص دخله البيت اهو انتي حاولي تمهدي الموضوع ها يعني لما يسألوكي عليا ماشي يا حبي 

ملك بزعل عليها: ماشي يا حياه هقول لخلتوا وهي بقي تبقي تقول لعزت بيه 

حياه بضيق هي مش عايزه تسيب مراد قلبها بيوجعها بس هتعمل ايه مطره كملت وقالت: طيب يلا سلام يا قلبي انا دخله البيت اهو

ملك وهي حاسه بضيق اختها: ماشي يا حياه سلام 

ملك بعد ما قفلت مع حياه لفت وراها لقت امير كان واقف ف اتخضت وقالت: في ايه يا أمير خضتني حرام عليك طب اعمل احم علي الأقل 

امير بضيق : طب يا ستي احم 

ملك حست بضيقه ف قالت: مالك يا امير في ايه ايه اللي مديقك 

امير بخنقه : هي حياه كانت بتقولك ايه 

هنا مراد كان طالع علي جينيه واول ما سمع اسم حياه وان امير بيتكلم عنها وقف يسمعهم 

ملك بحزن: انت عارف ان في مشاكل بين حياه ومراد وان هي يعني يعني 

امير بتكمله: يعني 

ملك اتنهدت وقالت: يعني حياه قالت إن احنا لازم نروح البيت وهي مش هينفع تكون موجودة هنا لأنها هتكون السبب ف أن مراد يسيب البيت وكده وهي مش تكون السبب ف أنه يبعد عن عائلته ف علشان كده هنروح يا أمير 

امير بضيق بأن هي هتمشي وباستغراب كمان من حياه ازاي يعني هي مفكره ان هي هتكون السبب وكده لأن مراد مروحش امبارح لانه متعصب بس روح انهارده عادي كان بيقول كده ف نفسه وبعدين قال لملك : بس يا ملك.....

كان لسه هيكمل كلامه بس قاطعه مراد وهو بيضحك باستهزاء ويقول: والله هي مفكره ان ليها الأهمية لدرجه اني مرجعش البيت بسببها ههههههههه لا بجد ضحكتني 

ملك بضيق وبزعل في نفس الوقت: ايه اللي بيضحك يا مراد بيه مش فاهمه 

مراد بغضب قال: أن عايزك تفهمي اختك أنها ملهاش اهميه عندي لدرجه اني مروحش البيت بسببها انا امبارح كنت متعصب منها ومروحتش علشان بس مديقش اللي في البيت لكن مش علشان هي عندها اهميه عندي والكلام ده لا وعايزك تفهميها كمان أنها حتي لو كانت جت انهارده ف كانت هتلقيني موجود هي بنسبالي ولا حاجه علشان ازعل واسيب البيت علشانها 

ملك بزعل على اختها قالت: مفيش مشكله يا مراد بيه هعرفها بس كنت عايزه حضرتك تسأل نفسك هي ليه عملت كده لان حياه عمرها ما اذت حشره مش هتأذي انسان وتكسر خطره أو تخونه بس كنت عايزاك حتي تسألها عن السبب وليه عملت كده 

مراد قال بستهزاء: وانتي مفكره اني مسألتها سألتها بس اختك اللي مش بتأذي حشره قالت إنها عملت كده علشان تقدر تدخل الشركه مش اكتر 

ملك بضيق: ايوه سألتها ليه كانت عايزه تشتغل في الشركه او ليه دخلتها اصلا حياه عمرها ما كانت عايزه تشتغل سكرتيره هي كان نفسها انها تشتغل كاتبه بس مسألتش نفسك ليه دخلت طالما كده اكيد مش علشان الفلوس انت عارف ان عيلتنا كبيره ولو محتاجين حاجه هنطلبها احنا بنشتغل موهبه مش اكتر 

مراد مكنش عارف يقولها ايه هو فعلا مجاش في باله السؤال ده 

ملك قالت: اتمني تفكر في اللي قلته يا مراد بيه عن اذنك ومشيت كانت عايزه تروح تكلم خلتها عن حياه واللي قالت هولها أما عن مراد ف بص علي امير لقه مدايق ف قال: معلش يا انا مكنتش اقصد اتكلم مع ملك كده بس

قاطعه امير وقال: مفيش داعي لاسفك يا مراد انا فهمك انا مدايق بس أن ملك هتمشي وكده بس خلاص مديقش نفسك انت هروح اشوفها الحق اقعد معاها شويه قبل ما تمشي ومشي امير ومراد زعل عليه وف نفس الوقت بيفكر ف اللي قالته ملك وتايه ومش عارف السبب أما عن ملك ف راحت علشان تكلم خلتها لقتها مشغوله مع داليا ومش عارفه تكلمها خالص ف امير قال لها خلاص يقعدوا شويه مع بعض عقبال ما خلتها تخلص اللي بتعمله بعدين تقولها بليل والعشاء جهز بس امينه ملقتش حياه فراحت سألت ملك وقالت: ملوك هي حياه فين ليه مرجعتش معاكوا 

هنا وقفت ولقت العيله كلها بيبصوا لها ف قالت: انا يا خالتو كنت عايزه اقولك ده من الصبح هي حياه 

امينه بقلق: مالها يا ملك في ايه حصلها حاجه 

ملك: لا يا خالتو بس 

ملك مش عارفه تتكلم متوترة والعائله كلها بتبص عليها 

امينه بقلق اكبر: بس ايه يا ملك مالها حياه وهي فين انطقي يا ملك بس قاطعتها حياه وهي بتقول: انا هو يا خالتو...........

الفصل الثالث والثلاثون من هنا