 |
رواية بيت الخبازه الفصل الجزءالثاني 2 الفصل الاول 1 بقلم زهرة الرمان
بسم الله الرحمن الرحيم السلام
السلام عليكم ورحمه الله وبركاته
#بيت_الخبازه_ج٢.....#بارت١
يبدأ اليوم أول بارت من الجزء الثاني
وأسميته #البذره« ~1 ~«
سيف
يمه معليج بيها زين هي أصلا رح تبقى كاعده بالغرفه شتردين منهها
نورس
ولشوكت تبقى
سيف
بشنو ماثره عليج نورس
نورس
شنو هي هاي وتأثر عليه المثلها بالسادس وهي كاعده
سيف
معليج بيها
ايمان
خلي ببالك أنت ما تأخذ بت خديجه
سيف
ياطلابه الطلابه يمه إني ما اتزوج شنو قصتج حالها حال ضحى وفطومه ورفل بت رشيد شلون باله نتبرى من اخوانه
اجه أبوي ياالله استرنه
حامد
ها سويف جبتها
سيف
أي حجي بغرفتي
حامد
دخلت دكيت باب غرفه سيف
اجت فتحت الباب وبقت مصنمه
شنو صنم أنتي. كولي شلونك عمي شي
استبرق
شلونك عمي
حامد لأ هاهيه انعملهه ام لسانين صايره. تبلع بالحجي
هااا امج تزوجت وخلتج هنا
استبرق
باوعت على سيف بمعنى هاا بده ابوك فهمني وادخل
سيف
حجي هاي بت عمي حاجم كول الله يرحمه اقرو الفاتحة لروحه
وتعال اكعد على كيفك
سحبته وخليته يكعد على للسرير واستبرق بوكفتها منتظره شيحجي حت تفكر شلون تهجم اعرفها
حامد
صدق الله العظيم قرينه الفاتحه يناصح ال داود
هي نشده نشدتها ليش ما راحت وي امها اريدن جواب منها
استبرق
لأن شكلي مشوه استحي اكابل عالم يسألوني شبيها خلقتج شكول
عمي اخو أبوي إلي دفنه واخذ بدمه ووكف على كبره وكله عيالك برگبتي
بس دارت سنته تهجم عليه وخرب وجهي
خليني يمكم كلكم تدرون تعيروني ترجعون هم تضربون ماكو هضيمه انوب ساده اجذب تريد على السادة واكللهم مثلا وكعت من الدرج
قديمه موو
.سيف
تحجي بثقه وهدوء
وأعرف أبوي هم مو قاصر لسانه بس إني مستمع الهم
حامد
أي كليلهم عمي إلي وعد أبوي يحمي عياله
بقى يفتر ورانه يريدنه نهجع ماكو كليوم سالفه وشغل
وتالي لكاني اباوع للشباب وصايره صاحبتي مرسال غرام بينهم وحتى يجيني المدرسه وهو عمي دمه نار وعده مخافه على عرضه وما يقبل الخطا
وإني اريد ابقى لساني زفر ارادد بعمي واعارك باليجي ويروح
وما ادرس وبلا هدف وباقيه
اذا تكوم عجاجه وإذا تكعد دجاجه المصيوبه
استبرق
مااا عندي أي شيء وي أي بشر هي إلي تعيش وي هيج مجموعه زلم بعد يصير عدها أمل يطلع من بيت الداود احد زين أبوي إلي هو أبوي طلع مزوج وماخذ بيتنه منطي لام الدراابين
وعمي يوميه هجمه مرتده منو بعد ويصير قدوه واتامل لبيت الداود وذا النون من بيت الداوود
حامد
موو إني اكلك هاي لسانها يرالده تقريم
سيف
حجي حجي
استبرق
احنه متفقين اتفاق.حجي أنت كلت علواه تجي يمنه صح وتريدها كبال عيونك وانت من البداية ضد مبدأ شابه تروح لبيت رجل غريب صح
حامد
ما تشوف ولك من كون عمه
سيف
اصبر حجي
استبرق إني شكتلج أبوي يفتح صفحه جديده
استبرق
ودفتر اعماله شلون
واشر على وجهي
سيف
هسه لازم اكو فرصة ثانية واكو تسامح وهو والدج
حامد
ولك سويف إني مو كتلك ردت افرها اشوف وجها وهي وكعت على وجها على الحافه
سيف
أي حجي وتدري هي
خلو العتب بهدوء وبعدها خلي نتفاهم على صيغه
استبرق
إني إذا اجيت ف لأن أنت سيف كلت بامانتي
ابوك بكيفه يريد يتسامح ما يتسامح ما يتغير يكلبي شي
حامد
ويكلك بعدها صغيره
ولك هاي تعبرني الشط وترجعني عطشان
سيف
اهدا يابه
انتم ثنينكم خطائنين وثنينكم تحتاجون تهدأون ممكن
حامد
هو إني الاغبر كاعد يم المزعطه وقابل بنعثلتهم
شوفي يبت حاجم
تكعدين هنا اكلي واشربي واطلعي والبسي وان تردين تطلعين بعلمي ووياج سويف
ماا إلي لازم بيج
لكن لأ اسمع تعاركين ولا اسمع صوتج يلعلع
وخلص الحجي مفهوم
استبرق
وإني شنو بيدي مسدس مثلا واضرب بالناس بس اليندك بيه بكيفه
حامد
ولكم إني اضن مسويلي بالجهل ذنب ومسلط عليه بت خديجه
سيف
بويه روح ارتاح ويجرالك
استبرق
لاتباوعلي هيج هو البده
سيف
اكو حكيم گلوله شوكت الإنسان يعقل
گللهم من يصير يستمع أكثر مما يتكلم
وأنتي عندج رشاشه يلمسودنه وضحكت
استبرق
ضحكه استهزاء بضحكته مسودنه وانتم عائله الشماعيه
سيف خلف الله عليج مساعه تكلين لابوي بيت الداود منو بيهم بيه حض وهسه شماعيه
الو شماعيه نفر زاد هنا
وطلعت
خديجه
مسلم وصلني لبيت أمل
ردت يدخل ماقبل كال أول ما تخابريني اجي وموصيني سيد موفق اخذج لأي مكان تردي
تلكتني أمل وتباوع عليه لابسه اسود
أمل
ليش خيه اسود مو تزوجتي
خديجه
بولايتي ارد إني خديجه الاوليه
كعدت شويه
كلت اتصل على حامد لو اروح الهم بعدين كلت البيت النطردت منه ما اوكف ببابه
كلت اتصل بس اعرفه يسمعني كلمه يدخلني الگبر
گلت لامل يجي السايق بعد شويه
أمل
هاا سايق خيه
خديجه
أي أمل شكو بيا حال وانتي تباوعيلي هيج واضحكين
أمل
وج خيه بيت عمها مولهلدرجه تخافين عليها
خديجه
اجه مسلم وطلعت وما جاوبت أمل لأن محد يعرف حامد بكدي
وصلت لبابهم تنهدت ليش استبرق خليتني اوكف بباب حامد
جان الوقت قبل المغرب
دكيت الباب
طلع ابن واثق وجها انگلب من شافني يكرهنه لأن فضحناه
حسام
أهلا
خديجه
هله حسام عمك حامد موجود
واثق
لأ طالع
خديجه
استبرق هنا
واثق
أي عدنه
خديجه
دخلت وصلت المطبخ
لكيت ايمان واكفه تتوضى
سبحان الله الشيطان هم عبد الله اربعميه سنه (احجي على كيف)
مساء الخير
ايمان
هله بالعروس
خديجه
ما جاوبتها
ايمان
والله طايحلج هوه بغداد وبين عليج العز يبت مزهر النداف
من كعدتي من الخدمه والخبز ورد وجهج
استبرق
لأن ما ع راسها والي خبزت وخدمت مو مدلله ورجلها الها
خديجه
يربي يا استبرق ما اتوب اجيت يمها حضنتني وسلمت عليه كان مو هي
وكالت
تعالي
انتي مو غريبه هذا بيت عمي
سحبتني لغرفه سيف
ما حجيت لأن ماريد احجي وإيمان واكفه ما ردت احرجها
استبرق شعندج هنا يمه شكوو
استبرق
ببيت عمي والسلام الشفتي بره ماريد إيمان تحس علينه
خديجه
يعني بعدج مقتنعه أنتي صح والدليل جوابج لايمان
استبرق
مااا تجاوبين أنتي عليها شنو تخلينها تحجي عليج
خديجه
ولازم أنتي تجاوبين ؟؟
استبرق
أي لازم تعرف حجمها
خديجه
عيفج من ايمان ليش ببيت حامد غصبج تجين شسووووااا حامد
حامد
دخلت وكت صلاه المغرب
كال حسام اجت عمه خديجه
فتت تلكتني ايمان تريد تصلي اشرت هناا اجت العروسه
اجيت يم الباب سمعت خديجه تكول لاستبرق شنو الخلاج تجين شسوووالج واجيتي
استبرق
مااااسوه كلشي إني ردت اجيهم
خديجه ليش
استبرق
صار ثلاث ايام عدهم كلمه محد حجه وياي ومرتاحه
خديجه
شلون صارت هاي بلله
اخذتجن من هذا البيت من عرفت مرت ابوج مسويه مصايب ومصايب ومحد كاللها على عينج حاجب
وإني حامد يركض وراي يحاسبني على النفس الاتنفسه وكتله من إليوم بناتي بس بناتي ما الك بيهن
تكسرين حجايتي تجينه برجليج
شنو نسينه لازم شحنن گلبج عليه
حامد
حريجه تصير بگفاي من اسمع بطرواك
چا مگبل اضن وياك يوج هدميي عليه
دكيت الباب سكتن
اجت استبرق فتحت الباب
وبقت ساكته
أي يا عقوبه ذنوبي
ضليت مشور بيه لأ انه الحاط على شاطي لأ انه الماكل السمجه الحريه
غافلتني عيوني شويه اباوع على خديجه وبعدها وعاني عقلي هاي بعد على ذمه رجال يا حامد
هله ام استبرق خيرج ما تردين الدم يحن بت اخوي شيصير خيمتها عمامها مو الغريب
خديجه
وإني مو متعاجزه من بزري واشمره على عمامها احفر بالصخر واخليهن بكرامه يعيشن
حامد قصدج بخير الغريب تردين يعيشن
خديجه
بالحلال وكدام الله وخلقه ولا اختفيت بجذب ولا لفيت على حمويني
حامد
بگلبي ريتچ التچيتي وافتريتي على حماج جا ماصار كل هذا الصار بيه)
أنتي بس التعير عدج
ولت وراحت وخلصنه من شرها شريجتج شعدج هسه أنتي جايه
أن جان جايه تشوفين بتج حياج وبياج
لأ والله جايه تحريض ولغوه ردي لرجلج السيد اخيرلج وكت صلاه يمرت السيد واخذي نفس وصلي
خديجه
جايه أخذ بتي واروح وارد لرجلي السيد أبو بيتي
حامد
إني ما رحتلها وجيتها هي اجت وهي بكيفها أن جان تريد ترد وياج
وطلعت منهن
استبرق
يمه إني ماروح وياج حالياً
خديجه شعندج وما تروحين مكانج الطبيعي وياي يمه
إني امج الضربتج لمصلحتج وأن حاسبت فلمصلحتج ماكو ام ماتحب بنتها وج يمه الهضيمه تكعدين بمكان تعرفينهم هم شنو وج أول ثانيه ايمان فتحت ملف وياي جا أنتي شلون ولج حبيبتي وتقربت منها حضنتها ولج أنتي بنيتي الاحبها عشنه ايام صعبه وايام نمنه جوعانين ونمنه ايام بس حضني يدفيجن لأن ماعندي غطا كافي
ليش يمه تخلينهم يتصدقون عليج بكعدتج وبيت عمار مهما يكون محد يحمل البزر إلا اهله صدكيني يملونج عظم بنادم ثكيل
ع الاقل هناك ببيتي احس عندج مكانج والسيد والعلوية بشهادتج ناس خيرين
عفيه يمه
يلا
استبرق
خنگتني العبره وكعدت
يمه اتمنى يوم تفهميني أنتي تشوفيني عاقه لساني طويل يمه مو هاي الناس ياكلون اليسكت وأنتي ماخوذ حقج لأن تسكتين وتقسين عليه اضوج تضربيني اضوج وإذا شئ ما يعجبني ببيت السيد هم انضرب ماتحمل خليني هنا فتره صدكيني مرتاحه اشتاقلج أنتي وصفا والله بس أعرف أنتي زينه هناك وبس هناك يوالمج الحياه
خديجه
ما اضربج بس امشي وياي بنتي متحمله على اعصابي ماكدر افاركج تعاقبيني أنتي لأن احاسبج تبقين هنا يبقئ گلبي يمج
استبرق
لاتخافين عليه والله فتره وارجع
خديجه
تمشين گوه استبرق بكل طريقه ماجاي تفهمين
سيف
أجيت للبيت أبوي كاعد يالصاله على سجادة الصلاة وصافن
سلام عليكم حجي
حجي
الماخذ عقلك يتهنى بيه
حامد
وصمخ شمالك تعوص
ياهو الماخذ صخامي سوادين امك وطيحان حضكم مصفني
سيف
اهيه
حامد
وعليه ولي اجت عمنك خديجه اركض كلكلها هله عمه كون عمه العماك وگلل دواك
سيف
حجي هاي الدعاوي كلها عليه من گلبك واصير اعمى تريد دعوه الوالدين مستجابه
حامد
خاب امشي
سيف
دكيت الباب
استبرق فتحت الباب وعبونه مورمه تبچي
بدون كلام رجعت لامها
استبرق
يمه مااا اروح لاتزعلين مني خليني اخابرج واسال عليج اريد تروحين بلا زعل بعد
خديجه
هله يمه سيف
تعال اسمعهها
سيف
أهلا عمه
سمعتها
سيف
عمه أنتي مشكلتج تشتاقيلها لو خايفه عليها
خديجه
شيفرق ابني
سيف
عمه إذا تشتاقين إني رح اجيب تلفون لاستبرق وخابريها بشكل يومي
تطمأنين عليها
وإذا على الخوف فبأمانتي استبرق
وصدكيني هي تخابرج تكلج جايتج خليها حالياً
خديجه
عاندت استبرق
خوش استبرق إني هنا ببيت خالنج امل امشي وياي ابقى كم يوم خليني اشوفج
استبرق
بس ماروح لبغداد اروح لبيت خاله أمل يلا
خديجه
طلعنه لكيت بباب الخارجي حامد واكف
طبكت سياره مسلم وهو ولا نطق كلمه من شاف استبرق طالعه
حامد
هااا بت حاجم شنو شو رايحه
استبرق
لأ لبيت خالتي كم يوم اشوف أمي
حامد
خوش وهذا شنو وليد عم ابن خاله ابو السياره..
خديجه
هذا السايق مال بيت السيد
حامد
بالمبارك وصار عدج سايق بت مزهر السد خان
جا بعد تگلببن ولايتنه المن
خديجه
سحبت استبرق وصعدنه بالسياره
بقينا يم أمل وتلمح بكر أبو طه اخونه مريض
مريض الله يشفي لأ تحجين كدامي بسيرته خوش
بليلتها بليل اتصل السيد سألني شلونج شخبارك البنات وين أنتي كتله بيت أختي أمل
وهم تقرر يجون بعد يومين
كلت لاستبرق ماتغيرين رايج خاصه سولفت وي صفا وصفا تحسسها حياتنه هناك حلوه تريدها تروح ويانه بس هي قفل عقلها
•••••••
موفق
من أول ما خطرت فكره زواجي من خديجه لليوم ما عارضتج واعذرج وتغصبيني على اشياء رغم ما مقتنع بيها من أول مرة كتلج ما احبذ الزواج وبعدين لحيتي قبلت
أول يوم زواج إلا اليوم اتمم كلشي
بقيتي وراها كلما اجي يمج تكليلي اصعد يمها وتذممين إلا ابقى وياها واتمم كلشي
حتى بايام حالتي النفسية تعبانه مالي خلك مالي واهس غصبن عليك موفق كل ليله حتى نضمن يصير حمل
لأن مريضه اجاريج
هسه الطبيب يكول لازم بعد تبقين أسبوع تردين تروحين باجر شنو القضيه
العلويه
اغصبك لحد ما يصير ألطفل كافي صار شهر ونص وماكو اشاره حمل نرجع حتى اخذها لطبيبه نسائيه نشوف ليش تأخر الحمل
إني مريضه موفق مو مال ننشغل بمزاجك اليومي
اترجاك خل يصير حمل وبعدين قلل صعدتك بس حاليا لأ
لازم ارجع إني كتلك نجيبها ويانه أنت الرفضت
موفق
شنو جايين سفره.انتي مريضه وعلاج ومستشفى شنو اكابل الغرفه وي خديجه
عيب ترا الجاي يصير
ع اعصابي انفذ طلباتج
العلويه
شنو الاشكال بوجودك وي خديجه
أنت وإني نعرف إني أي علاقه جنسيه بينا ماكو ومن اول فتره زواجنه
موفق
ااكد واعيد عليج هذا الموضوع ممنوع أحد يعرف بيه فهمتي اعرف تحبين خديجه مو بلحضه ضعف منج او تصغطين عليها علمود الحمل وتكليلها هالموضوع
العلويه
لأ ماكلت بس اريد اكلك أنت ما قصرت سنين بدون مراه ولا علاقات وأعرفك عندك عزه نفس وتخاف الله
وهالشي مشروع وحلالك
موفق
هذا الموضوع اكل الدهر عليه وشرب انسيه واهتميلي بنفسج اطيبين أريد ضحكتج مثل قبل تنور دنياي تعبي سبب مرضج ما اتحمل اشوفج مريضه ونايمه تعودت على حركتج بالييت
العلويه
بعون الله هالعلاج يجيب نتيجه
موفق
حجزت عكب باجر بليل نرجع للعراق وباجر نچيك اخر شي مثل ما وصانه الطبيب
خديجه
اجه مسلم وصيته يوصل أول مرة استبرق لبيت عمها ونطلع مناك رحنه وصلنه لبيت حامد وصلناها
وانطيتها مصرف واكدت ما تتعارك ولا تلاسن ولا تخلين أحد يتقربلج لومهما صار
لأن شفتها هواية تحجي ب سيف اكدت عليها أن سيف وغيره رجال ولازم تخلين حدود بينهم ولازم تنتبهين لكلامج وياهم وانطيتها فلوس انطيهن لسيف للتلفون اليجيبه الج لا تخلينه هو يدفع فلوسه
رادت تنزل حضنتني
استبرق
يمه ارضي عليه لأول مرة راح اكلج إحساسي الحقيقي ماكدر اواجه الناس بهاي تشوهاتي حتى لو مالي ذنب بيهن يمه هنا شايفيني بس اهون يعرفون الصار بيه واقشمر روحي هالاثار بسببهم بس هناك ماعرف شنو حياتهم وماحب أحد يسألوني شبيه وجهج الناس مضاهر
خديجه
وليا وقت تكليلي فتره واجي
(عصرت گلبي بس لازم اتقوه ما أضعف)
هناك حره نفسج بغرفتج بيتنه فوك مستقل محد يمنه قليل يجون للبيت وأن شاء الله انشوف طبيب جلديه نخلي يسوي وجهج مؤقت بس اجمع من فلوس جاي السيد ينطيني مصرف واجمع ما ناسيتج اصبري يمه
استبرق
لذاك الوقت الله كريم يمه روحي حتى توصلون من وكت
خديجه
راحت واخذت گلبي من وصلت للباب واندارت باوعت بوجهي ضحكت ضحكه چذب وحركت ايدها بيباي كالت
وصفا بقى وجها بالجام عليها
اخذت الدرب بچي لما وصلنه لبغداد
لكيت ام مروان بالبيت
تنظف
كالت السيد والعلوية يجون باجر
أي أعرف حبيبتي
حسيت مالي خلك ولا اكدر اتحرك صعدت من العصر نمت لحد ما كعدتني صفا كالت يمه جعت وصار دنيا ليل
كعدت شكد نايمه عحيب شبيه
سويت عشا لصفا وما كدرت أكل
ورجعت نمت
الصبح
حسيت احد يكعد بيه فتحت عيوني
العلويه
فرحت
علويه الحمد لله على السلامه هله وضوه البيت بجيتج هله هله
العلويه
الله يسلمج خديجه شلونج شعجب شعتب نايمه
لهسه
خديجه
بيش ساعه لعد هسه
العلويه
رح يصير الضهر
تعالي شبيج
خديجه
مابيه يجوز تعبت من طريق اجيت البارحه من ولايتي
العلويه
وأجت استبرق
خديجه
لأ علويه سولفتلها كلشي
العلويه
مؤشر إيجابي لأن صايره تتأقلم بيت عمها الي رافضتهم تماما هاي اشاره زينه ولاتخافين عليها استبرق مو مثل ما أنتي ماخذه فكره عنها لامتهوره ولا شي
انما اندفاع المراهقه وضيفيلها الضروف المرت بيهن اكو اكبر منها ميتحملونها بس هي وياج وتساعد جانت وتحاول تلاكي حلول هاي بنيان بشخصيتها بس لانزعلين مني أنتي هم عندج خطا ما عرفتي توصلين لافكارها وتجارينها لأن الأجيال تتغير وتتغير مفاهيمهم
لذلك استبرق ما خرقت العادات والتقاليد بس تريد تفرض شخصيته ورايها وهذا الشئ بكل هذه الجيل يحسون همه يفتهنون وهسه اتركي استبرق بالنسبه اليه أشوف استبرق شاطره وعقلها زين
احجيلي عنج ماكو أي علامات شئ تفرحيني بيه
خديجه
أول شي انتي فرحيني احس صوتج احسن شسويتي الأطباء شنو يكولون
العلويه
انطوني علاجات كلش قويه من بدو بيهن تاذيت كلش بحيث موفق حيل تعبته
بس بالتدريج بديت احسن هسه رغم عندي الألم بس اخف والطبيب كال بعد شهرين لازم ارجع اله يغير علاجي هذا ويسويلي جلسه علاج اخرى
أن شاء الله قبل لأ اروح للعلاج اسمع خبر منج حلو
احسبي حسابج باجر موفق ياخذج لطبيبه نسائيه نچيگ وضعج
خديجه
الحمد لله ربي يبشرج وتتشافين وما يبقى عندج أي الم.بس ليش اروح لطبيبه نسائيه
العلويه.نشوف رحمج وضعج يعني فحص روتيني
خديجه
نزلنه ولكيتهم متريكين
وسيد موفق نايم بغرفه العلويه
سويت الغدا وصفا يمي
اجه صوت سيد موفق
السلام عليكم
التفتت بعفوية
وعليكم السلام
الحمد لله على السلامه
موفق
الله يسلمج شلونج باباتي صفا
صفا
زينه
موفق
خديجه تعالي اريدج شويه
خديجه
اجيت وراه بالاستقبال.
موفق
شون جانت سفرتج لولايتكم
خديجه
زينه
موفق
سولفتلي العلويه استبرق ماقبلت تجي
بس هي وين حالياً
خديجه
يم بيت عمها الجبير
موفق
مو جانت يم أبو فاطمه إلي اجه وياج
خديجه
أي بس الضاهر بيت عمار مسافرين واستبرق راحت بيت عمها حامد
موفق
ورحتي لبيت حامد.
خديجه
اي
موفق
مو هو نفسه إلي كال للعلويه خديجه خطيبتي
خديجه
أي هو
موفق
هو نفسه إلي سوالج مشاكل وضرب استبرق صح
خديجه
أي
موفق
ليش رحتي لبيته في حين إني اتصل اكثر من اربع خمس مرات باليوم مكلتيلي اروح لبيته
كلتي لبيت أختي
خديجه
وشنو اليصير إذا أروح لبيته بنتي ببيته وجنت خايفه ماخذها گوه
وجان همي اشوفها لان جنت خايفه عليها
موفق
بس المفروض تبلغيني من ترحين على بيت احد مهما كانت الظروف
اعرف انتي بأي بيت
خديجه
جنت بخوف على بنتي ومن رحت لبيت حامد نص ساعه وطلعت مبقيت واخذت استبرق اشوفها بيت اختي
موفق
تمام خديجه
أخذي راحتج
خديجه
طلعت وصعدت فوك بس حسيته ضايج بس ما حجه
تغدينه ياكل صنطه والعلويه طبيعتها بالاكل متحجي خلصنه غدا العلوويه وسيد موفق دخلو للغرفه وإني اخذت صفا وصعدت
ثاني يوم نفس روتين اليومي الفرق كملنه ريوك شلت المواعين حجت العلويه وراي حضري نفسج ب٢ترحون للطبيبه
بس أي كلت الضهر ١صعد سيد موفق سلم واخذ ملابس من الكنتور بالباب كال نص ساعه وانزلي نروح الطبيبه
نزلت لكيته واكف بباب غرفه العلويه من شافني كال يلا علويه يمج صفا وام مروان رايحين
بقت إني أمشي وهي توصي خابروني عود
مشه كدامي صعد هو يسوق اليوم فتح قفل الباب الصدر
صعدت يمه
وطلعنه نمشي وهو ساكت وإني هم ساكته
وصلنه كال اوكفي هنا هسه اخلي السيارة بالكراج واجيج
بقيت واكفه
فات رجال كال بلا زحمه وين دكتوره هاله ام الاسنان بهاي العماره
كتله ماعرفها
بعده ما متحرك
اجاني صوت موفق
موفق
هاا أخي خير
لأ ماكو شي اسأل عن دكتوره هاله بهاي العماره
موفق
وشنو هنا صاحبه العماره
امشي منا امشي يلا روح استحوا
خديجه
راح الرجال
يمشي صار وإني امشي وراه
كعدنا ننتظر لما سجل اسمي وانطه للكاتبه كشفيه
كعدنه التفت عليه
موفق
من أحد يسالج بالطريق بشارع لاتجاوبينه اجاهلي
خوش لولا
خديجه
عبونه فاتحهن قوي ويحجي بهدوء وقريب عليه كلش
هزيت رأسي
بعدين جاوبت
وكف وسأل باحترام ليش ما اجاوب ما سويت شئ
بقى مخلي ايده على رجله ويباوع بالعيادة بدون ما يجاوب
الطبيبه فحصتني انطتني مجموعه تحاليل وصعدنه للمختبر وروح وتعال
رجعنه الطبيبه
الطبيبه
تحاليج نظيفه ماعندج أي التهابات بس
حالياً ماكو حمل
وحتى حجم البيضه عندج طبيعي مازال صار كم شهر متزوجه انتضري وبعدها نستخدم غير اشياء
خديجه
مثل شنو دكتوره
الطبيبه
يعني اكو منشطات اكو فيتامينات خاصه وطرق أيضا اعلمج عليها تزيد من فرص الحمل اريد تجيني بعد الدوره ب5ايام الشهر القادم
طلعنه صعدنا بالسيارة
موفق
الطبيبه شنو گالت
خديجه
سولفتله عن كلام الطبيبه بس كتله الشهر الجاي عندي بعد موعد يمها
موفق
يعني ماعندج أي شي فقر دم او امراض تحتاجين بيها راحه او شي
خديجه
لأ الحمد لله
رجعت العلويه كاعده بالحديقه هي وصفا
بقت تسأل وتسال بادق التفاصيل
إني صعدت احس اريد بس انام
استمر الروتين اربع ايام وإني كل يوم يزيد عندي نعاس وخمول
نزلت اليوم العلويه راحت للزياره وعدها بيوت تروحلهم تنطيهم مساعدات دخل
سيد موفق للمطبخ إني جاي اسوي الغدا وهو دخل راح لغرفه العلويه دك التلفون جابته صفا كالت رقم غريب
ألو
الوو
واشوف سيد موفق كبالي
منو
إني معجبه
منو أنتي
استبرق يمه شبيج
خديجه من عرف استبرق رجع للغرفه
سلمت عليها وبقينه نسولف وافتر بدون مانتبه وين رايحه وصفا تسحب بيه خلي احجي وياها
وسمعت سيد موفق صاح شحترك شحترك يمعودات شعواط
ياااا احترك الجدر ركضت اطفي وصفا بقت تسولف وي استبرق صوتها بيه راحه مو مثل قبل مكسوره
سحبت التلفون
استبرق احد هم ضوجج حامد هم يأذيج بكلمه ايمان
استبرق
لأ لأ لو احسب الكلام الجمعنه يمكن أقل من هاي المكالمه
خديجه
شنو حامد الله هاديه
استبرق
لايمه ما يحجي وياي بس واحد يكولها لله
يشتريلي علاكه حلويات ويشمرها من الباب ويكلي اعلسي صخلتنه البيضه عود يشاقه
خديجه
الله يسخرلج العباد بالخير يمه
بقت صفا تحجي شويه وياها وسديناه
قربت العطله تخلص قبل يومين العلويه كالت لسيد موفق أخذ صفا اشتريلها ملابس وخاف تحتاج شي للمدرسه
راحوا
وإني يم العلويه اقرا بعلاجها
والطبيب مراسلهم عن علاج العلويه
العصر كلش ودخلت صفا وسيد موفق وراها ومسلم بالمطبخ وصل كراتين كبار
وراح صاح سيد موفق تعالو وينكم
صفا اجت كالت عمو موفق جاب كمبيوتر
كال سيد موفق لصفا افتحي الكراتين خل نركبه لحد ما يجي
صلاح يشوفه وينصبه النه
العلويه
هذا نفسه الگيناه بتركيا
سيد موفق
أي
الإبر مالتج باجر يوصلن
العلويه
الإبر يتعبني
موفق
تحملي حبي لحد ما تنتهي كل العقد الخبيثة وترتاحين
العلويه
هم بالعضله
موفق
لأ بالوريد
العلويه
منو يضربني هم ادز على ام ريتاج
خديجه
إني علويه اشكلج الكانوله واضربج
العلويه
تعرفين ؟
خديجه
أي تعلمت قبل أبو استبرق الله يرحمه
علمني
اجه شاب سوا الكمبيوتر وبقو سيد موفق وصفا يعلمهم عليه لحد الليل بقو
نزلت صفا اصعدي نامي باجر دوام
العلويه
تنام يمي صفا
خديجه
من تكول تنام يمي معناها تريد سيد موفق يصعد هو ما كأن سمع إني صعدت والعلوية اخذت صفا للغرفه ورحت فوك أريد بس انام جسمي مكسر
العلويه
موفق اصعد
موفق
هتا انام
العلويه
اصعد لزوجتك وبعدين انزل
موفق
لأ ما اصعد كلت تعبان خليني انعام
العلويه
شمنتظر وشنو هذا الحهاز إلي يخليك سهران وياه وما تصعد
موفق
غلقت الكمبيوتر
موووو الجهاز إني تعبان تعبان احلفلج اطب القرآن اتركيني انعام اترجاج ابوس راسج وايدج
العلويه
دخلت للغرفه
بضوجه
خديجه موقته التلفون على الصلاه كعدت صليت ونزلت اشوف صفا خاف تتكشف ويدخل السيد مهما كان هي بنيه
دخلت لكيت العلويه كاعده وسيد موفق يمها ولاف ايده ع راسها
هااا شبيها العلويه خير
العلويه
لأ مابيه شبيج خديجه
شوف استبطت رجلها يلا اصعد صليتي خديجه
خديجه
أي علويه
صعدت واجه سيد موفق وراي
أول ما دخلنه
موفق
خلي اكلج خديجه موضوع
إني رجل دقيق احب التفاصيل من يصير موقف أحب اعرف كل تفاصيله
إني عاذرج متعرفيني لذلك من يصير شي حاولي تسولفين بدقه لكل اليصير وخليني بالصورة بكلشي يصير وياج
وحتى البنات إني اعين واعاون
مفهوم
خديجه
هذا الكلام يخص روحتي لبيت حامد
موفق
أي خديجه صرتي بذمتي ولو تجاوز فرضا عليج حامد وإني اعرف مسبقاً هو يتجاوز ووصلت مرحله يريد يتزوجج حتى يستعبدج بذمتي ويصير هيج برايج اتركه لو تصير مشكله كبيره لو كلتي استبرق ببيت عمها حامد
كان كتلج لاترحين وإني بمعرفتي تصرفت
حاليا أنتي بامانتي مو مثل قبل وحدج اشركيني بالامور إلي تخصج لأن هاي أمام الله إني مسؤول عنها
متفقين ؟؟
خديجه
أن شاء الله
موفق
اقتنعتي لو تحسينه فرض
خديجه
لأ اقتنعت
موفق
خلص
خديجه مجرد وصل قريب مني گلبت معدتي
وماردته يقترب بقى يشم بنفسه
خديجه
عرفت نفسي حامل
زهره الرمان
دمتم بخير
دع اليأس
اذنب وعد اذنب وعد
الذي وعدك بأنه سيجزيك بدل الحسنه بالاضعاف
والسيئه تبدل بعمل الخيرات
لن ينسى التوسلات
