 |
رواية بيت الخبازه الفصل الثلاثون 30 بقلم زهرة الرمان
بسم الله الرحمن الرحيم
السلام عليكم ورحمه الله وبركاته
#بيت_الخبازه .....#بارت٣٠
عندما يزدد عليك ثقل الهموم
أعلم أن الفرح سيأتي قريباً
حامد
شعندك وي عمار يم زيدون أبو المكتبه
سيف
تلاكينه صدفه
حامد
وووشسولفتو
سيف
ماكو شي مهم
حامد
إني من بعيد واشوفك تأشر وتثرد سوالف ماكو شي مهم شلون
3
سيف
حجي جان عنده سؤال عن علاج ووصفتله طبيب جلديه لحسنين عنده حساسيه
حامد
وهم گلك اخبار عن العروسه
سيف
يا عروسه
حامد
انت شكو بمخك منو عرست هالقتره
سيف
قصدك عمه خديجه لأ ماكو أي أخبار
حامد
عمه العماكم عمته
امشي فوت امشي
سيف
شلقضيه حجي
بداخلي افتهم شبيه وأعرفه مستفز من عمه خديجه لأن تزوجت
ألو ها عمو
عمار
ها سيف
سيف
يابه اليوم حجي حامد شايفنه بالمكتبه همزين ما يدري إني أصلا يمكم من الضهر لهسه
عمار
دير بالك على ابوك تره غضبان ومتمرض ومهضوم كلهن
سيف
اعرف عمي اعرف خلي شويه شويه يتعود
عمار
رجعت للبيت سرى فارشه الكتب ادرس بالجهال
استبرق سيف جابلها مجنوعه اقراص مندمجه وي الدي في دي
جوعان سرى
سرى
هسه هسه هاي عدها امتحان وعقلها قافل اليوم
عمار
ليش تبچين باباتي
فاطمه
بابه انسى الاقراه
عمار
خليها ترتاح شويه تنسى معناها صاير ضغط على دماغها مجاي تجمع
خليها تأخذ ريست
سرى
لنص الليل شلون ابقى الطم وانتي شفتي ابوج صرتي تتبججين ماكو ريست ولا تشيلين راسج اقري واسالج
فاطمه
جعت
سرى
لأ هو الجوع والنعاس والنسيان والحمام كلهن من تبدين تقرين لو عايفتج جان بقيتي يم سيف واستبرق على الافلام وعيونج مفتوحه
وهسه من اكلج شكد الزاويه المستقيمه تبقين تبجين
استبرق
سرى
حتى استبرق حفظتها من الاعاده مالتي وهي مكابله الافلام
استبرق
لأ عمه تره إني برابع إعدادي
سرى
أي استبرق أعرف دكومي يم الرابع للله يحفظج طلعي كباب عجين وگلي
استبرق
هذا صار يومين بالثلاجه
سرى
لو ضامته يا استبرق عبالي ضميتي مثل ذيج المره
استبرق
لأ نسيت
عمار
عدكم لكمه تنوكل لو اروح انام
سرئ
استبرق كلي طماطه وبتيتا
حسنين
سوي البتيته اصابع
استبرق
بعد محد يطلب من البوي
أوف شهلورطه لأ غدا إلا استبرق
العشه هسه انوب يحجه الامتحانات صار هم براسي انظف واطبخ بعد شنو عليج (احجي بگلبي)سويت العشا
وتذكرت الاقراص الجديدة
ابتسمت
كال سيف اكو بيهن مسلسل اجنبي
جاب افلام مامترجمه وگال
عليج تفككين كلامهم
ومن اجي نشوف
شفت الافلام البدون ترجمه من اجه اليوم صدك ضحكت من گلبي
لأن اترجم خطا وهو يكلي الترجمه ونضحك
خديجه
دخلت لكيت سيد موفق مخلي راس العلويه على رجله ويخابر اشرلي على عبايتها ولبسها
إني وياه لبسناها وهي شبه فاقده بس تحجي همس وهو يخلي اذنه يم حلكها
شويه وكال ساعديني خديجه نأخذها
ركضت جبت عبايه ولفيت ربطه ورحت للمستشفى وياه
اتصلت على ام مروان تجي للبيت
وصلنه للمستشفى أصلا يعرفونها
مستشفى اهليه جبيره
دخلوها جوا وإني والسيد يمها
بعدين طلعنا
بقينا ساعتين او اكثر
برا سيد موفق ياخذ الممر ويرجع ويدعي لو يخابر وإني صارت روحي بيها خفت عليها حيل
من العشره الصبح لحد ما اذن الاذان مال الضهر وصلى السيد ورجعلي
وللمغرب يلا فتحت عيونها
دخل سيد موفق يمها وإني هم تحجي على كيف
الطبيب كال يخلص المغذي واخذوها
سالت سيد موفق شنو كالولك اشر اسكتي هسه
طلعنه برا
موفق.
الطبيب كلي ماكو فايدة من بقاءها هنا
بيد رب العالمين لااتعبوها ولا تزيدون عليها العلاج خلوها ببيتها
خديجه
شيقصد يعني نعيفها تموت كدامنه (بعصبيه وخوف)
موفق
مااابيدهم شي خديجه مابيدهم شي
خديجة
خديجه
وبچه خلا ايده على وجها وصار يبچي بصوت انهاريت بقيت ابجي كم دقيقه ومسح وجها بمنديل بجيبه كال ماريد توضحين دموعج كدامهاا ابد خديجه ابد
جاوبته بهزه راسي وابجي باي ومسحت وجهي ودخلنه مبتسمين
موفق
يلا علويتنه
نروح للبيت الطبيب يكول تدلع
العلويه
إني هم اختنك من هوا المستشفى اخذوني
عيونهم تسولف غير حجي موفق واعرفه
خديجه
بيومها گابلناها إني وسيد موفق للصبح
ساعه تبرد ساعه تحتر ساعه تتالم ساعه تغفا
بقى متكا على السرير السيد وإني على الأرض
راح الصبح للشغل
سويتلها الأكل وكلتها وصفا اجت يمها
تبوس بصفا
اطلع برا ابجي وارجع يمها
استمر هذا الوضع ايام وايام
صفا أول فترة تنام يم العلويه بس من نشغل اضويه ونفتح كلساع الباب او نحجي إني وسيد موفق تضوج من الضوا
اجن اخواتها اليوم
بقوا يمها رادو يباتون كالت خديجه اصعدي ارتاحي صارلج عشر أيام على وكفه وحده وياي وقبلها من وكعت لليوم أنتي هم تعبانه
خليتهن يمها وصعدت
لليل صعد سيد موفق يمي تمدد على الفراش
موفق
تعبتي هاي الايام ؟
خديجه
ياريت بعد اتعب بس كون ترجع العلويه مثل قبل يهون التعب
موفق
نصحوني اخذها لتركيا هناك اكو يكولون علاجات وفحوصات ادق
خديجه
راح تاخذها
موفق
دزيت تقاريها وانتظر الرد
خديجه
أن شاء الله اكو نتيجه
موفق
شويه وانزلي شوفيها ماريد انزل خاف اخواتها ما متقيدات وماخذات راحتهن
خديجه
هسه رايحه
نزلت
بباب غرفتها دكيت الباب
قنديل
هاا عيوني شرايده
خديجه
اجيت اشوف العلويه خاف محتاجه شئ
ام ياس ممحتاجه شئ احنه يمها
خديجه
طلعت بس وجوهن ثكيله
رحت للمطبخ سالگه شلغم بدبس
وشويه لبلبي يحبه السيد
اخذت بكاسات ردت اصعد اجت ام ياس
ام ياس
هذا شنو
خديجه
هذا لبلبي وهذا شلغم
أم ياس اعرفه بس وين رايحه بيهن
خديجه
للسيد
ام ياس
هاا هو موفق اجه وصعدلج حت ما اجه لمرته
خديجه
فتت من يمها بدون ما اجاوبها
أم ياس
بعدها بالبيت انعام وهاي تتلوك بالاكل ماتكدر تسوي شي للرجال إلا التعرفه خدمه وأكل
خديجه
سمعتها بس كأن ما سمعتها وصعدت
موفق
تدرين ناسي الأكل احس بصداع
هسه من شفت الأكل عرفت إني جوعان
شفتي علويتي
خديجه
أي شفتها نايمه من الابره إلي انطيناها الها المغرب هي تنومها دوم هيج وكت
موفق
حفضتي كل علاجها واوقاته ولشنو
عاشت ايدج
خديجه
جنت قبل ما افرق بين البراستول والفلو اوت ولا اعرف لهن سبحان الخلاني من اشوف هسه أي علاج العلويه اعرفه
موفق
سبحان الله العلويه نظرتها للبشر ما تخيب
تعالي اكلي وياي
خديجه
خلي انزل اصب للعلويات وانطي علاج العلويه بعد نص ساعه
نزلت وصبيت الهن ودخلت لكيتهن يسولفن والعلوية نايمه
سكتن
خليت الصينيه
وتقربت يم العلويه ردت اوعيها
ام ياس
عيفيها ليش تكعدينها
خديجه
لأن وقت علاجها اوكلها لكمه
ام ياس
خليها مرتاحه ونايمه
تذكرت كلام العلويه لازم اصير قويه الشخصية والعلوية وسيد موفق معتمدين عليه اخواتها ضيفات ميدرن شنو وشكو
تقربت حركت العلويه حجت قنديل
قنديل
شنو هاللواكه عود شنو مقصدج
خديجه
بعدني ما مجاوبه حسيت أيدي تحركت إلي مخيلتها على العلويه شفتها كعدت
العلويه
خير قنديل إني كاعده مسمعت شگلتي
قنديل
لأ ماكو شي كلت لخديجه خليها نايمه العلويه
العلويه
ها وينج خديجه اسنديني أريد تاخذيني للحمام
أم ياس
إني إني
العلويه
لأ خديجه متعوده يوميه تغسلي وتبدلي
اعرف ميسونها لأ يغسللي ولا يشيلني بس للمظاهر يسون هيج
خديجه اوعى الكاها كاعده يمي أو بيدها قطع قماش وتمسح بجسمي لو تبجي
وإني هسه وعيت اسمعهن يسولفن عن فلوس الي ادزه الهن من تمرضت ما دزيت لهذا تأخر عليهن المد واجن
وينج خديجه البنات اخواتي اذا يزعجنج بكلمه كوليلي
خديجه
بهذا وضعها اكللها لأ طبعاً علويه محد زاعجني
العلويه
نشفت رجليه واديه ورجعتني لفراشي
خديجه انطيني تلفوني اخابر موفق
أم ياس
اجه السيد وفوك يم خديجه اخذتله لبلبي وشلغم
العلويه
أدري
سمعت كلامهم بس الوقت مو مناسب
خديجه
وكلتها وانطيتها علاج
واخواتها كاعدات ساكتات
تحتاجين شي بعد
العلويه
روحي لزوجج ومثل ما وصيتج
خديجه
طلعت وأعرف تقصد وصيتها لاتمنعين السيد منج اريد تحملين باذن الله بسرعه اريد الحك اشوف طفل
صعدت وإني احس بانزعاج من هذا الزواج تمنيت لو باقيه اخدمهم وبناتي يمي احسن حره نفسي على الأقل أحس الزواج قيد بنتي ما اشوفها حتى اطمأن والوضع مو مال اكول اجيبها لأن هي رافضه تجي وإذا اجت رح تعيد تصرفاتها السيئه وكدام الغربه صعبه
فتحت الباب وإني بهذا تفكيري شارد ذهني
لكيت سيد موفق متمدد على الفراش تحسرت
موفق
ها بشري
خديجه
اخذت علاجها واكلت شويه
ردت اتمدد سحبني لحضنه بقيت بنفس كل يوم اصير قالب ثلج
واندك الباب
موفق منو هذا بله
خديجه ردت اتحرك هو قابض على ايديه ورجليه
موفق
اوكفي خل نعرف منو
خديجه بعده يسأل وانفتح الباب صفا اجت
صفا
يمه خليني انام يمج
خديجه رأسا اندار سيد موفق مني وإني كعدت كلت تعالي شبيج صفا
سيد موفق راح لغرفه البنات حجه وي لصفا
موفق
اليوم نامي يم ماما على السرير هنا وإني انام على سريرج متفقين
خديجه
هزت راسها واجت يمي طلع سيد موفق
شبيج يمه
صفا
ماكدرت انام يم العلويه اخواتها ماطفن الضوه وولا سكتن
العلويه
قنديل انطيني التلفون سيد موفق خاف يتأخر خلي اخابر خديجه
قنديل هو سيد موفق نايم بالصاله من البارحه
العلويه
يعني ما بات فوك
قنديل
لأ طلعت نص الليل لكيته نايم بالصاله
العلويه
سحبت التلفون اتصلت على خديجه
رفضت المكالمه وشويه ودخلت بيدها صينيه
خديجه
سيد موفق خلا صفا تنام يمي ورا ساعه فتح الباب اجه يمي همس باذني نايمه جنت بادي النعاس بعيوني
اشرت لأ
أخذ ايدي وطلعني بقينا ساعتين بغرفه البنات وبعدها كال رح انزل انام بالصاله خاف العلويه تروح للحمام لو شي
إني سبحت وصليت ونمت
ووقتت التلفون على ساعه ثمانية وقت علاج العلويه وهم السيد يروح لشغله
دخلت للمطبخ حضرت الريوك وكملت دك التلفون العلويه عرفتها كعدت
رحت للغرفه صبحت عليها
اليوم وجهج مثل الشمس ماشاء الله
العلويه
بفضل الله وفضلكم أنتي وموفق اخذيني خديجه أم ياس ما سكت شخيرها اغفا وافز من الشخير
ضحكنا وطلعتها للحمام
العلويه
ليش موفق نايم هنا
خديجه
سولفتلها عن صفا بس خجلت اكللها اجه للغرفه يمي جان
التفتت
العلويه
لأ تنشغلون بيه وتتركون مساله الطفل خديجه اترجاج
خديجه
صيري زينه حتى تكدرين تربين الطفل
العلويه
يآرب هيج وأشوف طفل
خديجه
ماكو شي بعيد عن قدره الله اخذتها للصاله بعد الحمام كعدت يم سيد موفق وتلعب بشعره فز وسحبها لحضنه رحت للمطبخ أخجل من هيج مواقف
سويت صينيه الريوك سيد موفق كال خلينه نكعد بالحديقة الجو حلو اليوم الشمس تفيدج علويه
تريكنا وصعدت شفت صفا
نص ساعه وراد يروح سيد موفق إني بالمطبخ
موفق
خديجه محتاجه شئ ادز بيد مسلم
خديجه
لأ سلامتك
موفق
يجوز اليوم أتأخر عندي شغل أي شيء يستجد اتصلي عليه ومسلم يرجع يمكم
خديجه كلت أن شاء الله وحسيته وراي باسني برگبتي قشعرت
ضحك وراح
دخلت اشوف العلويات خاف كعدوا حتى اريگهن شفت ام ياس بباب الصاله وتخزر بيه
شبيها هاي كلت صباح الخير ماجاوبت
رحت للعلويه انطيتها علاجها واجت ام مروان
والعلويات بالحمام وبرا
العلويه
ام مروان سوي ريوك للبنات
تعالي خديجه
اكعدي
خديجه
كعدت يم العلويه إني يوميه بليل افرك رجلها لأن تتالم منها البارحه اخواتها يمها مابقيت
سحبت رجلها وبديت ادلكها
هي ترناح وتتمدد حسبتها اليوم احسن وغفت
غطيتها وطلعت
اخوات العلويه برا ام مروان مسويتلهن ريوك ونزلت صفا
جاي اسويلها ريوك وتحجي صفا ماريد گيمر وكاهي متعود السيد والعلوية ياكلون بالجمعه كيمر وكاهي
اريد طماطه
دخلت أم ياس
حقج داده ما متعلمه على اكلنه
ما جاوبت
صفا حست عليها الكلام
شاورتني
صفا
همزين يمه استبرق مو هنا جا سحبتها من شعرها وخزتنه ضحكنه إني وصفا
أم ياس
طبعاً تضحكين غير يدغدغ بيج السيد من الصبح
خديجه
اجت قريب مني
ام ياس
هذا بيت اختي وابن عمي خاف تتوقعين أنتي فد شي
خديجه
صح العلويه انطتني صلاحية ارد على اليتجاوز بس حالياً مريضه ماريدها يتعكر مزاجها فوك المرض وفهمت هي تريدني اجاوب حتى تصيحني سكتت وطلعت
العصر شفت العلويه انطتهن فلوس واخذهن مسلم
بليل اجه السيد إني يم العلويه
موفق
دزولي خبر راح اكمل الاوراق واطلعها لتركيا واكو الي طمنوني أن اكو أمل ونسبه شفاء
خديجه
يالله اللهم لك الحمد والشكر
شوكت
موفق
قريب بس يجي الطبيب إلي يجي لان المستشفى متعاقده وي طبيب يجيهم يبقى فتره يستلم مرضى يفتره معينه حجزت من يوصل الطبيب يبلغوني اجدد الجوازات واحضر نفسي.
العلويه
أجل موضوع
موفق
ليش التأجيل
العلويه
منتظره بشاره خديجه
خديجه
علويه روحي وتعالجي والحمل رزق شوكت ما يقسم رب العالمين أنتي ترجعينه وكدام الحمل تسع اشهر يعني عنده هواية وقت الاهم تتعالجين
موفق
كلام خديجه صحيح
خديجه تحدد وقت سفر العلويه والسيد وبين فترة وفترة اروح لبيت خالتي سنيه
قبل ايام من سفر العلويه والسيد سالوني تبقين وحدج بلبيت
صادف بدت امتحلنات صفا
كلتلهم أي ابقى هنا
بس إني گلبي نار على استبرق صار أكثر من شهر ونص ماشايفتهه
ولااكدر اروح لولايتنه لأن امتحانات صفا مجبوره ابقى
قبل ليله من سفرهم حضرت جنطهم ورتبت ملابسهم وخاف ناسين شئ وياهم إني
يليل كملنا كلشي
وصعدت
لأن من تواصل مع طبيب تركيا طلبو توقف العلاج
فما عد العلويه علاج جهزت كلشي وصعدت
بقيت شويه ودخل السيد
موفق
باجر نسافر خاف وحدج تخافين
خديجه
لأ ما أخاف متعلمه
موفق
مثل ما فهمتج أول ما اوصل اتصل مناك
وأي شيء تحتاجينه اتصلي
خديجه
اهم حاجه ترجعون بالسلامه ومتشافيه العلويه
موفق
تحبين العلويه
خديجه
هي تجبر الواحد يحبها
موفق
لأن تتعامل وياج بطيبه
خديجه
تعاملها مع الكل بطيبه حتى إلي تعرفه يأذيها
موفق
هاي اخلاق قدوتنه أهل البيت
خديجه
والنعم منها
موفق
لاتبقين تفكرين باستبرق كلشي يتغير
خديجه
الحمد لله على كل حال
بقى بليلته يمي للصبح مانزل
من سألته ليش مانمت
موفق
من وراي سفر ماكدر انام
الصيح من وكت طلعوا
تمشي العلويه وتوصيني ديري بالج على صفا وع نفسج
تحسس المقابل شكد هي قوية وتراعي
راحوا
انشغلت بدراسة صفا تجي ام مروان عرفت موصيتها العلويه تجي
وأعرف هي تسولفلها كلشي يصير
يجي قشعم بشكل يومي يشوفنه
اتصل على سرى اسال عن استبرق
واتصل على سيد موفق واسال عن العلويه اعتقد يتأخرون لأن علاجها منطيهم امل تتشافى لكن يبقون فتره هناك
اليوم آخر امتحان لصفا
اتصلت على سيد موفق
اريد اروح لولايتنه أشوف استبرق
موفق
مسلم يوصلج وشكد تبقين ووين
خديجه
يم بيت عمار هي استبرق يمهم
خابرني قشعم يسأل عني محتاجه شئ لأن وحدي وكتله راح اروح
بيومها صفا عيونها رمد ويوجعنها وصخنت بقيت مارحت بقينا خفت عليها من الطريق
واجه قشعم كال اخذها للطبيب
استبرق
فتره إلي صار يجي بيها سيف وينطيني افلام ويسألني احس تاثرت بافلام ومسلسلات اخذني شويه عن الواقع رغم اشتاق لأمي وصفا ونوبات اسمع صوتهن من يتاصلن على عمو عمار او سرى
اكو بعض الافلام سيف كال بيهن اكو كتب جنت بالبداية ماحب اقرا كتله ادوخ بس هو انطاني تفاصيل عن الأفلام مشوقه بس مموجوده بالاقلام كال بالكتاب تلاكينهن شوقني
جاب كتاب اسمه عطر وجان تاخذني الاوراق بتشويق ما افاركه
وبعدها قبل كم يوم جاب كتاب اصدار جديد اسمه السر
بديت اقرأه
اليوم اجه بيده كتاب صغير
هذا اليه
سيف
إني مستعيره من ولد حابه تاخذي بكيفج إني قاري بس اشتاقله
استبرق
شسمه
سيف
اسمه بطله كربلاء
استبرق
يعني ديني
سيف
لأ مو ديني بقدر ما هو مثل رحله انتصار أنتي تعرفين تقصد الكاتبه منو
استبرق
يعني بيها كربلاء يجوز عن السبايا
سيف
تقريباً
بطله كربلاء هي للكاتبه بنت الشاطئ مصريه الأصل
بطريقه المراه بالوصف يفوق الوصف بالجمال تخليلج تصورين هاي السيده العقيله شلون كانت
استبرق
شوقتني اقراه
سيف
انصحج
استبرق
زين هم بيه الفاظ ثكيله أو مصطلحات ما مفهومه
سيف
ماريد احرك عليج الكتاب اقري وبعدين نتناقش بيه
راح سيف اطيته كتب العندي جانو
ردت اصعد صار بسمعي صوت سرى
باسمي
شنو شبيه بقيت اسمع
سرى
أنت كلت بعطله نص السنه نروح خلي استبرق تروح لبيت رشيد
عمار
شلقضيه شو اكلج رشيد أخذ مرته وراحو لكربلا تكليلي اخذها الهم
سرى
ليش ما كلتلهم ياخذونها
عمار
عجيب مادري رايحين لكيتهم شنو لازم يكلي بكل تحركاته
سرى
وهسه شلون تدري صار من بدايه السنه اريد اروح لاختي لكركوك شلون وهي راح تسافر نهاية الأسبوع شلون ماشوفها
عمار
اخلي ابو مهدي اخوج ياخذكم وإني ابقى بالبيت يم استبرق
سرى
عجيب امرك غير متفق وي زوج اختي على مشروعه تلزمه أنت نحسن وضعنه فرصه شنو تبقى
استبرق
سمعت كلامهم محتارين وين يخلوني
بيت حامد ما يقبل ياخذني عمو عمار لأن مايدري إني هنا باقيه ويعرفني ما ارتاح يمهم وأعرف هذا المشروع إلي وي عديله. يستفاد منه عمو عمار
صعدت وإني أفكر إذا اتصل على أمي هي صار شهرين ما سأله عني
ثاني يوم الصبح حسيت سرى مختنكه
كلت لحسنين اتصل على سيف
راحو للدوام سرى وعمو حسنين اتصل مخلين يالبيت تلفون للحاجه لأن يرحون عمو عمار وزوجته للدوام
ألو
هله حسنين
استبرق
هذا صوت حسنين
سيف
شنو هاي حسنين كبرت وصار صوتك ناعم
استبرق
إني مو حسنين إني
سيف
عرفتج استبرق
استبرق
أي اكلك سيف تكدر تمر علينه
سيف
خير شصاير
استبرق
مصاير شي يس اريدك بموضوع
سيف
صار العصر اجي
استبرق
ماتكدر هسه قبل لايجي عمو عمار وعمه سرى
سيف
قلقتيني جاي وها جبتلج اقراص افلام جدد يخبلن باستعجال إني ادرس كليه مسائي اطور شهادتي ووضيفتي
جمعت كل هوسه غراضي وطلعت بوجهي لبيت عمو عمار خفت شبيها استبرق أول مرة تتصل
سلام شباب شلونكم
زينين
سيف
لعد وين استبرق
حسنين
فوك تشر ملابس
سيف
كعدت يم جهال عمو عمار
ونزلت استبرق
سمعت صوتي
هله استبرق
استبرق
شلونك سيف
سيف
بخير ها شبيج مريضه لو شنو
استبرق
لأ مابيه شي سولفتله كل السمعته
بس طلعنه بالطرمه من الجهال
سيف
إني طول هاي الفتره ماحبيت ادخل بخصوصيانج ولا حبيت اسالج بس مازال سولفتي معناها تردين مساعده لو نصيحه
استبرق
ثنينهن
وإذا على خصوصيات شعندي من خصوصيه المواضيع كلها على ايدك وشفت الوضع
سيف
لأ إذا نصيحه معناها إني بدائره الموثوق بيهم
وإذا مساعده فمعناها إني موثوق وقريب
وأنتي كلتي ثنينهن
استبرق
حالياً بس أنت الاكدر اطلب منك
لأن ما تضايقني بكلام ولوم وتأنيب
سيف
بس هذا ميعني إني قابل على تصرفانج بس هاي حياتج وأنتي حره تسوين إلي تشوفينه مناسب
استبرق
يا حياتي ويا متاسب إني ما اختاريت أي شئ من حياتي من مات أبوي للان
سيف
هاي الأيام الي تمشي هي عمرج وشبابج
لازم عندج خطه لكل هاي تصررفاتج صح ؟؟؟
استبرق
لأ طبعاً لاخطه ولا خطوط
سيف
لعد شلون تمشين بدون هدف شلون ما تجي خليها ؟؟
استبرق
أي
سيف
حتى ما اطلع من صلب الموضوع نبدي بالتردي لأن الموضوع مال الأهداف والتخطيط أنتي بعيده عنه
أولا تردين نصيحه ومساعده
إذا مساعده إني اكلج الحل تروحين وياي لبيتنه لبين ما يرجعون وكمساعده اضمن محد يمسج بحرف بنظره ببيت اهلي
أو لبيت عمه عزيزه وما ارشحلج تروحين لان مستحيل تتوالمين مع ميثم أنتي
استبرق إني...
سيف
لاتقاطعين أكثر المواضيع تخرب معانيها من المقاطعه وعدم الاصغاء
هذا الشطر الأول واما النصيحة تخابرين والدتج وتعتذرين منها وتكليلها إني اريدج وحياتي متخربطه بدونج واحتاجج بكل حياتي تساعديني باتخاذ قراراتي
استبرق
ثنينهن مرفوضات
سيف
وإني الاكدر عليه كلته
بس نصيحه من أحد يطرح موضوع انطي اهميه بالتفكير فكري بكل جوانبه وإذا شفتي ماتلكين باب يغتح الاجابه استعيني بأحد يساعدج مثل هسه من اتصلتي شفتي الأبواب مغلقه بوجهج
استبرق
مو انت كلت حلين صعبات
سيف
المفروض تكليلي
فسرلي كل حل واساعدج مو اندفاع تجاوبين بدون تفكير
للمرء مخبوء تحت لسانه
تمنيت لو املك رقبه بعير
استبرق
شنو يعني رقبه بعير شجابها
سيف
هو وصف على أن الإنسان لازم يفكر قبل النطق
لأن كلشي ممكن يرجع حتى الإناء المكسور ممكن يعاد إلا الكلمه من تطلع بعد ماترجع
اكو كلمه تحيي واكو كلمه تقتل
الوليد ابن يزيد بن معاويه كال للإمام الحسين عليه السلام
ماهي إلا كلمه قلها يريد منه يبابع يزيد
قل بايعت واذهب
فالامام رد عليه رد جميل وعميق ذكريني اجيبلج كتاب بيه هالمقولات المخلده بذاكره التاريخ
استبرق
عليك الله هاي المحاضره كلها لأن كلت حلين صعبات
سيف
مشكلتج متناقضه تردين مجامله لو كلام من انسان موثوق
استبرق
أنت اثق بكلامك رغم بصراحه جنت ماخذه عنك فكره تختلف
سيف
مازال شفتيني بطريقه مختلفه عن السابق لأن أعرف الناس شنو يكولون عني
استبرق
لأ لأ تحسبها انتقاص
سيف
لأ تستعجلين بالرد إني جايج يالحجي
أنتي مثل كل الناس نظرتهم اليه مسالم وفقير هاي إذا ما كلتي فاهي ههه
استبررق
ياا بس موو
سيف
اصبري ولج. تشلعين الگلب
هاي النظريه عند الكل وإني معبره بمزاجي وأنتي من كلتي فاهي بوقت متعرفيني أبد
هاي صار شهرين تعرفتي عليه بس من كلتي هسه اثق بكلامك وأول شخص خطر بدماغج تتصلين عليه يحل مشكلتج إني معناها صرتي تشوفيني مثل المقربين اليه فقط يشوفوني
فهمتي بت عمي
استبرق
يعني أي شويه
سيف
هسه اتركي عنج الشويه
شوفي
أبوي رغم قسوته ورغم مضهر العداوه بس هذا كله
بسبب الانسان إلي مايعرف يحسب خطواته وكلماته ويخطط للتصرف يصير بيه مطبات بحياته
ولهذا يبقى يتبخط يعرف غلط بس مايعرف يصلح الخطا
يبقى شيسوي يثور ويتهجم حتى يحاول يحمي نفسه من الاخطا الارتكبهن
أبوي هيج أنتي هم نفس الشئ بس فرق بينكم أبوي عنده مساحه اكبر للعدوانيه
أنت على التكدرين عليهم
شلون يعني تكدرين
إلي ضامنه حبهم وعطفهم عليج
الدليل من راحت امج إلي هي الوحيدة تفرغين غضبج واغلاطج بيها
صرتي مسالمه متكدرين تحجين وي عمار لأن ملاذ الج او سرى يجوز وراها تبقين مترضين عليها لأن شمرت عبا الييت عليج.مو لأن أنتي متحبين تشتغلين لأ أنتي شرار بالشغل
بس متحبين اليفرض عليج
مثل أبوي من فرضت لمج عليه سفرها ومن فرضت شغلها
أنت كذلك مطيقين سرى بس امكانياتج محدوده جان بطشتي مثل أبوي
استبرق
يمه هذا كله مسجله
سيف
اتركي عنج هذا الكلام اليوم يلا كدرت اكلج عنه منتظر ساعه أن تثقين بيه
وهاي الثفه إذا بعدها اكلج حلين الاول تمشين وياي والثاني إذا صعب وكرامتكم أنتي وأبوي بعدها مشتعله عيفي امج وامشي وياي ماخذه كل جينات بيت الداود شكل عمو حاجم وطينه حامد وبعد...
استبرق وبعد شنو
سيف
خليها هسه راح اروح لأن من الكليه واجيتج ارجع للكليه فكري فكري زين وإني بليل أمر هنا الگاج محضره قرار وبأي قرار إني وياج
استبرق
راح وإني اشتغل وافكر بكلامه شلون هيج يعرف كلشي شلون يحلل شخصيتي يمكن يدرس علم النفس لا
هو كال يدرس فيزياء مادري هاي مال التمارين العلاج الطبيعي
كملت الغدا نضفت وصعدت افكر اروح لأمي لو لبيت حامد يربي شلون حيره
فطومه إني ماريد غدا من يجون اهلج صبيلهم أنتي وعفيه اغسلي المواعين ومتاكده تصير هوسه لسرى وفطومه وما تغسلهن ويضلن علبه العصر لو المغرب اغسلهن
صعدت وبقيت افكر وافكر وكلام سيف بقى يدور بدماغي
سمعت سرى تسأل وين استبرق
اوو وين اصتصخم
من الدرج كالت سرى تعالي استبرق
ماريد غدا عمه
سرى يمعوده تغالي صبينه وهذا لبن جايبه سويناه
نزلت على اعصابي وما تغديت ضجت
رجعت كلت افتح الدي في دي
خليت قرص ماعرف يمكن لأن افكر ماعجبني الفلم غيرته وغيرته أخر وأحد خليته
شو مو بداية فلم
تصوير مبين مال ناس عاديين
حفله تخرج طلاب وواكفين و
شفت سيف وياهم كعدت وبقيت اباوع
سيف يضحك ويشاقى وياه ينات وشباب وياكلون وسوالف
ولنوب المصور مقربها على بنيه جميله بشكل مو طبيعي والمصور صاح سووويف لك سويف هاااك
وغنى شيشيله چويس التمن ويهوسله سيف
صعدت فطومه طفيت القرص وضميته
بليل اجه سيف
سيف
عمو اجيت اريد أخذ استبرق لبيتنه
عمار
عمو وين تاخذها ابوك شلون
سيف
اطمأن كتله ويدري
عمار
وشنو هي كالتلك تريد تروح لكم
سيف
لأ عمو أبوي من عرف كال خليها تجي كم يوم تغير جو
عمار الله مادري مو استبرق خاف متريد تروح
استبرق
لأ عمو إني اريد اروح كم يوم
عمار
عمو متاكده خاف ضايجه بيح شي
استبرق
لأ عمو شبيه قابل بس تغيير جو اشوف ضحى وايناس
عمار
شوكت تروحين
استبرق
هسه ماطول اجه سيف
سيف
لعد يلا نروح
استبرق
جمعت ملابسي وطلعنه
كال خل نتمشى شويه
استبرق
شمدريك إني أخذ هذا الحل
سيف مو كتلج تشبهين أبوي أبوي عنده استعداد يكابل عدو اهم شي مهزوم كدامه عن عزيز يحس هو شامر نفسه عليه
أبوي تعتبرينه عدوج بس هو غلطان بحقج ووجهج بعده الاثر مال خطاه يحسسج بالنصر عليه
وامج عزيزه بس متردين أنتي تبادرين وتصيرين بموقف يخلي امج تملي عليج اخطائج وشروطها
استبرق
أنت تدرس علم نفس
سيف لا ادرس
علم استبرق
استبرق
جنت متردده اروح بس واثقه من كلام سيف
'''''*
حامد
يعني أنت تكلي جنت تروح لبيت عمار
سيف
بويه أنت عندك خلاف إني واولاد عمي عمار شنه علاقه مو علمتنه كلنه اخوه ما نتفرق (كسر وجبر ويا)
حامد
وشجاب بت حاجم يم عمار
سيف
ماراحت وي امها أصلا
حامد
شكضها مو رادت تموت روحها على بغداد
سيف
لأن شانت عليها امها تضربها وماتقبللها تراددك وتضربها متريدها تحجي كدام الكل بصوت عالي (اعرف هالاشياء يخليه يهدأ من جانت عمه خديجه ويحسب ان خديجه مالها علاقه بتصرفات استبرق)
حامد
وهسه شعجب ترضى تجي لبيتنه
سيف
بويه استبرق حساسه وسمعت بيت عمار يردون يسافرون لسليمانيه علمود مشروع عديل عمو عمار وخافت يروح الشغل منه ففضلت مصلحه عمو عمار على بقائها هنا الما تجرعه(احسسه أن استبرق واعيه وتخاف على مصلحه عمها)
حامد
جيبها هنا وإني اكول للكل محد اله لازم بيها علوه تتوالم تضل هنا تربه جوه عيونه وما تربى يم الغريب
سيف أبوي قام بالمهمه دخل البيت إنذار على جيه استبرق إلي اسمعه والي اشوفه سواها ضلمه علبهم
لأن افهمه يحس بتأنيب الضمير بس ميعترف يكول لأن خايف على بنت أخوي من خطر الدنيا حتى لو صح فهو الشي الثاني بداخل أبوي
دخلنه احسها متخوفه
لكيت أبوي مموجود وأمي بغرفتها ما عبرت ع جيه استبرق بس كالت إذا طولت لسانها هالمره اشوهها اخليها ماتعرف شكلها وأبوي كام غلط عليها وسكتها وحذر أحد يندك ب استبرق
خليتلها غرفتي دخلتها هاي تروحين وترجعين وتاخذين غرفتي
استبرق ديلا هسه شاخذنه برج ايفل
سيف
بده السلاح الابيض ينحد ادخلي بت عمي وهاج هاي لفه لأن ادري ماكو عشه
خديجه
خابرت على سرى أسألها عن استبرق
كالت ها احنه بسليمانيه واستبرق يم بيت حامد
عزا العزاج خديجه
راح تصير مصيبه حامد ما يعيفها خاف انوب يعقدلها لو ماينطيني اياها
صفاا روحي لمسلم كليله حضر السياره نروح لولايتته اجيب بنتي
الجزء الثاني الفصل الاول من هنا