 |
رواية كدبه لا يمكن التخلص منها الفصل الثلاثون 30 بقلم حنان أحمد
الفصل الثلاثون
مراد باستغراب: كملي كلامك يا حياه كملي هشوفك واحده ايه
حياه باستسلام عرفت خلاص أن مفيش مفر ف قالت: واحده كدابه يا مراد انا كدبت عليك ايوه انا واحده كدابه
وهنا بدأت دموعها بنزول ومراد اتصدم وساب ايديها و مكنش فاهم ايه هي اللي بتقوله ده اخر حاجه ممكن كان يتوقعها أنها تكدب ف قال بهدوء (اللي هو الهدوء ما قبل العاصفه ده عرفينه): كدبتي عليا في ايه يا حياه ردي
حياه كانت هتقوله علي الحقيقة كلها بس شافت ليلي بتسمعهم ف غيرت رايها وقالت: كدبت في أن انا مشتغلتش قبل كده يا مراد مشتغلتش في شركه قبل كده كدبت علشان ادخل اشتغل في الشركه عندك علشان كنت عايزه اشتغل عندك لو ايه اللي حصل
مراد اتصدم يعني هي كدبت عليه ومش مصدق وقال: ليه ليه
حياه بعياط: علشان انا كنت عايزه اشتغل عندك لو ايه اللي حصل
مراد بزعيق: ايوه ليه ليه انتي عارفه معني كلامك ده ايه انك واحدة محتاله خاينه انك تدخلي بكدبه زي دي تبقي واحدة محتاله و كدابه كدابه يا حياه كدابه
حياه فضلت تعيط هي عارفه انها غلطت بس مش هتقدر تقوله علي الحقيقة كاملة دلوقتي و بزات قدام ليلي مراد فضل باصص لها شويه مش مصدق بعدين رمه النوت بوك علي الارض وجه يمشي بس هي وقفته: مراد لو سمحت اسمعني كنت مطره اكدب صدقني لو سمحت اسمعني
مراد بغضب: ايه الحاجه اللي مطره علشانها تكدبي بطريقة دي
حياه بصتلوا والدموع في عينيها: مش هعرف اقولك
مراد ابتسم بسخرية وقال: يبقي لما تعرفي تبقي تقوليلي تمام لكن مش عايز اشوف وشك لأي سبب تاني فاهمه
كان هيمشي بس حياه مسكته من دراعه وقالت: لو سمحت اسمعني لو سمحت
مراد شد ايده بغضب وقال: مش عايز اسمع من واحدة كدابه حاجه فاهمه مش عايز اسمعك وسابها ومشي وهي انهارت علي الارض بتعيط بوجع وقهر وشافت النوت بوك جنبها حضنتها وهي بتعيط مراد مشي مش مصدق ايه اللي حصل دماغه هتتفرتك قعد يلف بالعربيه شويه يمكن يهدي وحاول يهدي نفسه أما عن حياة ف حاولت تتماسك ورجعت المطعم غيرت هدومها بعدين مشيت وكلمت ملك في التليفون قالت لها تستنها في الجنينه علشان يتكلموا وملك وافقت علشان سمعت صوتها بتعيط عند مراد هدي شويه بعدين قعد في بيت الجبل بتاعه وقعد في الجنينه بيفكر في حياه وازاي قدرت تكدب عليه بس مش عارف ليه وعقله مش عارف يفكر ليه كل اللي بيدور في عقله أنه ازاي هي تقدر تكدب عليه وتخون ثقته دي ازاي قلبه واجعه لدرجه انه صرخ صرخه هزت البيت و الجنينه اللي قاعد فيها بعدين قعد مكانه وقلبه بيصرخ والدموع في عينه بيحاول يمنعها بس دمعه نزلت غصب عنه بس مساحها بغضب وقال: مهما يكون مش هسمح للعيون دي تعيط علي واحده وخصوصا لو الواحده دي كدابه بس اوعدك يا حياه زي قلبي ما حبك وكان بيتمني قربك وحبك هخلي يكرهك وغصب عنه كمان اوعدك يا حياه اني هنساكي اوعدك كان بيقول الكلام ده وره قلبه لانه مستحيل يحب واحده تانيه غيرها ومستحيل كمان يقدر يكرها ولا يخرجها من حياته لو هو عايز كده ف قلبه مش عايز غير حياه
عند حياه وصلت وملك شفتها ولقتها عينها حمره وورمه بسبب العياط ف اخدتها في حضنها وعيونها دمعت علي اختها حياه حضنتها وعيطت وقالت بين شهقتها: قال عليا كدابه...كدابه يا ملك...ومحتاله ..انا محتاله....وخاينه للامانه.... كدابه....مقدرتش تكمل كلامها وقعدت تعيط في حضن اختها مش مش قادره تتكلم قلبها بيوجعها اوي فضلت كده لمده دقايق و بعدين طلعت من حضن اختها وفضلت قاعده ساكته وملك بصت لها بحزن وقالت: قولتيلو ايه يا حياه قولتيلو الحقيقه كلها ولا ايه وايه اللي خلاكي تقوليلو اصلا مش انتي سبتي الشركه علشان مش عايزاه يقول عليكي كدابه ليه قولتيلو ليه
حياه اخدت نفس وقالت والدموع في عينيها: جه انهارده المطعم اللي بشتغل فيه انا كنت باخد الطلبات ب النوت بوك اللي ادهوني علشان افتكره واحس بوجوده معايا ولما هو شاف ده عرف اكتر اني مكنتش عايزه اسيبه واتأكد اني سبت الشركه لسبب معين ومكنش عايز يسبني غير لما أقوله علي الحقيقة قولتله اني ...اني قعدت تعيط بعدين حالوت تهدي وقالت: قولتله اني كدابه وكدبت عليه بخصوص دخولي الشركه اني دخلت وكتبت في الملف اني عندي تجارب واشتغلت قبل كده في الشركه بس مقولتش علي السبب مقولتش علي موضوع مهند قال عليا كدابه يا ملك بصت لها وعيطت وقالت: قال مش عايز يشوف وشي تاني خالص مش عايز يشوفني خوفي من أنه يسبني اتحقق نفسي اكون بحلم ويطلع كابوس انا تعبت تعبت قعدت تعيط وملك اخدتها في حضنها وبعد ما هديت ملك قالت: طب ليه مقولتيش الحقيقة كلها ليه قولتي كده يمكن لو كنتي قولتي الحقيقة كلها كان فهمك وقدر الموقف اللي كنتي فيه
حياه والدموع لسه في عينها: علشان ليلي كانت واقفه بتسمعنا علشان انا محتاجه مهند دلوقتي ولو كنت قولت ل مراد علي حقيقة كلها مكنتش هعرف اخش الشركه تاني
ملك بإستغراب: ليه هو انتي عايزه تدخلي الشركه تاني لا وكمان مهند هيساعدك والخاين ده هيساعدك ازاي مش فاهمه
حياه: ههدده هقوله أن لو مدخلتنيش الشركه حبيبت القلب هتعرف انك كنت علي علاقه بيا وكنت بتخوني معاها
ملك: بس هتخشي الشركه بصفتك ايه مراد مستحيل يرجعك سكرتيره تاني ده بيقول مش عايز يشوف وشك هيرجعك سكرتيره لا ومهند هو اللي هيقوله وهيوافق كمان
حياه بدموع: لا انا مش هدخل علي اساس اني سكرتيره مراد
ملك بإستغراب: امال هتدخلي علي اساس سكرتيره مين بعدين شهقت وقالت: اوعي تقولي انك عايزه تبقي سكرتيره مهند
حياه بضيق: ايه الهبل اللي بتقولي ده سكرتيره مهند ايه هو مدير اساسا
ملك: امال ايه
حياه: ملك مش بحب غباءك في المواقف اللي زي دي يعني مفيش غير تلات مدراء لشركه مراد واكيد مش هكون سكرتيرته امير وانتي السكرتيرة بتاعته ف مفيش غير ليلي ولا ايه
ملك: بس ازاي ولا انتي بطيقي ليلي ولا هي بطيقك يعني حتى لو انتي عايزه تشتغلي معاها هي مش هترضي
حياه: ما هي دي مهمه مهند
ملك بإستغراب: يا بنتي مهند ايه ما احنا عارفين اللي فيها وان ليلي بتحب مراد
حياه بضيق: معرفش يتصرف انا لازم ادخل الشركه لازم احوال افهم مراد لازم يسمعني علشان احنا اكيد مش هنتكلم هنا ف عشان كده لازم ادخل الشركه ب اي طريقه
ملك: طب انتي هتعملي ايه دلوقتي
حياه قامت وقفت وقالت: هروح اتكلم مع مهند لازم اخلي يتكلم مع ليلي في اسرع وقت علشان انا عايزه ابقي سكرتيره بتاعتها من بكره
ملك بصت علي الساعه: بس الوقت متأخر اوي يا حياه خليها بكره
حياه بدموع: مش هقدر ل بكره يا ملك لازم اشوفه بكره ومش هعرف ادخل الشركه الا بطريقه دي وانتي شايفه اهو انو مجاش البيت يبقي لازم اروح دلوقتي
ملك: طب خدي بالك من نفسك يا حبيبتي انا هفضل مستنياكي اعرف عملتي ايه
حياه: حاضر يا حبيبتي وبعدين حضنو بعض ومشيت حياه في طريقها ل مهند اتصلت بي وقالت له انها محتاجه في موضوع مهم وهو في الاول مرضاش بس لما أصرت أطر أنه يوافق اتقبله عند البحر وهو قال بسخرية: ايه وحشتك لدرجه مش عارفه تنامي غير لما نتكلم لا مكنتش اعرف انك بتحبيني اوي كده
حياه بجدية: انا مجتيش علشان هزارك السخيف ف ياريت خليني اقول الكلمتين اللي هقولهم بعدين تتفضل تمشي
مهند بخنق: اتفضلي يا حياه هانم عايزاني في ايه سياتك
حياه: عايزه ادخل الشركه مره تانيه
مهند بسخرية: وانا بقي اللي هساعدك تدخلي الشركه
حياه بجدية: اه عن طريق ليلي هانم
مهند: لا والله وهي هتوافق اول ما اقولها دخلي حياه الشركه هدخلك صح
حياه: اه هدخلني علشان مقولهاش انك كنت علي علاقه بيا وكنت بتخوني معاها ها شوف قرارك
مهند بضيق: انتي بتهدديني يا حياه
حياه ببرود: اه بهدددك واللي عندك اعمله
مهند: ماشي يا حياه ليكي يوم وهنشوف ايه اللي هيحصل بعد ما تدخلي الشركه هنشوف
حياه وفي امل جواها: يعني هتقولها تدخلني الشركه
مهند بغيظ: معنديش حل تاني
حياه ببرود بس فرحانه من جوها: تمام عن اذنك علشان اجهز نفسي علشان من بكره هبدأ شغل مع ليلي هانم
مهند بإستغراب: هو انتي هتبدأي شغل معاها من بكره
حياه: اه امال انت مفكر ايه هو الوقت مش مكفيك انك تقولها دلوقتي
مهند بغيظ علشان معندوش حل تاني: ماشي يا حياه ماشي ومشي في طريقه عند ليلي وحياه مشيت و اتولد امل جواها أنه تصالح مراد عند ليلي جرس باب بيتها رن واول ما فتحت استغربت وقالت: مهند...............
