رواية ما يخفيه القدر الفصل الثاني 2 بقلم رحاب القاضي

 رواية ما يخفيه القدر الفصل الثاني 2 بقلم رحاب القاضي 

#ما_يخفيه_القدر

_الحلقه الثانيه 

ـــــــــــــــــــــــــــــــ

أمَّا اليوم؛ فَقَد وجدتَ بِجَانبي القَلب الذي يخفق لأجلي، والعين التّي تدمع عليَّ، والنفس التي تُحبني لا لشيءٍ سِواي، فَقليلٌ لها مِنّي أنْ أمنحها حَياتي، فَكيف أبخل عَليها بِقَلبي؟!

_ورجعو البيت فعلا وكانت اميىه نايمه ونىمين بتتكلم في الفون وبتقول.. 

نرمين 

يا بنتي انتي ما شوفتيش كان بيتجنن عليا ازاي وانا بتكلم مع صحابه، بس برضو هو ما نطقش الحيطه ده.. 

قامت اميره وقالت

لو سمحتي يا نرمين ممكن توطي صوتك شويه انا مش عارفه اناام منك وبكره الصبح عندي محاضرات مهمه ولازم ابقي فايقه.. 

نرمين 

يعني اعملك ايه دلوقتي اروح اكلم صاحبتي فين. بقولك ايه انا اصلا مش هنام دلوقتي لو مش عاجبك روحي نااامي في اي حته.. 

اميره 

طيب يعني هتكون فيها حاجه لو انتي اتكلمتي مع صحبتك الصبح، حرام عليكي انا والله معاد نومي عدي من بدري وما هانش عليا ازعلك وما اروحش معاكي عيد ميلاد صحبتك.. 

نرمين 

بقولك ايه يا هبه هكلمك وقت تاني لحد ما اشوف الهم اللي عندي ده... اااه ما فيش غيرها اختي المعاقه اللي معكننه عليا حياتي يلا باي باي.. 

قغلت نرمين الفون واميره قالت بدموع

معقوله انتي تقولي عليا كده قدااام صحااابك يا نرمين اومال الغريب يقول ايه بس، انا بجد مش فاهمه انتي ليه بتتصرفي كده برغم انك اختي الكبيره والمفروض تبقي حنينه عليا اكتر من كده.. 

دخلت في الوقت ده منال عندهم وقالت

في ايه يا بنات مالكم صوتكم عالي كده ليه، باياكم ادايق وبيقول عيب الدنيا ليل وما ينفعش كل يوم تتخانقو كده.. 

نرمين بحده 

شوفي بنتك مش كفايه مخلياها قاعده معايا في اوضه واحده كمان بتتأمر عليا قال رضينا بالهم والهم مش راضي بينا.... 

منال 

عيب كده يا نرمين، المهم في عندي ليكم خبر حلو عارفه يا اميره عزه عبدالرحمن صحبتك اللي كانت بتدرس معاكي بس قعدت في البيت.. 

اميره 

ايوه يا ماما اعرفها بس مش اووي هي صحبتي بس علاقتي بيها عاديه، وكمان اسماء اختها انا بدرسلها في الجامعه.. 

منال 

المهم يعني ما اعرفش الست جابت رقمي منين وكلمتني وقالت انها جايه بكره تشرب معايا الشاي هي وبناتها وعايزين يتعرفو عليكم هاا يا نرمين شكلنا هنفرح بيكي كويس.. 

نرمين 

انا مش فاهمه حاجه يا ماما ايه العلاقه بانك تفرحي بيا بأن النااس دول جايين عندنا بكره.. 

اتوترت اميره ومنال قالت

يا بنتي ما هما يعرفو اميره فاكيد جايين يتعرفو عليكي انتي، انتي سبق وقولتيلي يا اميره ان اخو عزه الكبير ده دكتور اسنان وهما نااس مرتاحين وباباه كان دكتور جراااح مشهور مش كده؟.. 

اميره 

اييوه يا ماما بس يعني هما ممكن يكونو جايين عندنا عادي مش شرط يعني يكونو جايين عشلن نرمين.. 

نرمين بغيظ

لا هما جايين عشااااني فعلا، انتي اللي غبيه او نفسك ما يجوش يا ماما البنت دي بتحقد عليا والله نفسها ما اتجوزش اصلا ونبقي انا وهي بايرين.. 

اميره بدموع 

اخص عليكي يا نرمين بقي انا تقولي عليا كده، وبعدين هو انت بايره فين ده انا لسه 24 سنه يعني وفي بنات اكبر مني بكتر لسه ما اتجوزتش.. 

نرمين 

لقحي عليا براحتك بس انا هتجوز وانتي هتفضلي زي ما انتي كده هنا، هو مين هيرضي يتجوز زاحده بتمشي بتعرج ده انتي فضيحه.. 

منال بحده 

انتي قليلة الادب يا نرمين واول واخر مره تتكلمي علي اختك كده والا والله ما تعرفيش انا ممكن اعمل فيكي ايه واتخمدي يلا مش عايزه اسمع صوتك تاني، وحقك عليا اميره اختك دي غبيه بتتكلم علي طول ما تاخديش عليها.. 

اميره بدموع

عادي يا ماما ولا يهمك، تصبحي علي خير يا حبيبتي روحي انتي نامي احنا كمان هننام ومش هنتكلم تاني ما تقلقيش انتي.. 

_وطلعت منال من عندهم واميره نامت ودموعها نزلت بحزن وقالت بقلق.. 

اميره لنفسها بصوت واطي

يا رب يكون هاشم جااي لنرمين بجد، دي هتتصدم فعلا وهتزعل لو كان جاي ليا انا يارب يبقي جاي ليها انا مش عايزه اختي تزعل بسببي.. 

_وتاني يوم كانت نىمين لابسه فستان حلو واميىه لابسه بنطلون وبلوزه عاديين حدا ولابسه حجابها ودخلت عندهم منال مامتهم وقالت.. 

منال 

يلا يا حبيبتي منك ليها يللاا الناس قاعدين بره، امه. شكلها ست طيبه واخواته كمان وسألو عليكي يا اميره.. 

اتوترت اميره ونرمين قالت بغيظ

يا سلام وهما يسألو عليها ليه بقي، هما جايين عشان مين يا ماما بيسألو عليها ليه؟ 

منال

يا بنتي اكيد جايين عشااان الكبيره اللي هي انتي يا نرمين بس هما يعرفوكي منين من ناحية اميره فعشان كده سألو عليها، تعالي يا نرمين سلمي عليهم وانتي يا اميره هاتي العصير وتعالي ورانا.. 

نرمين بسخريه

بس حاسبي وانتي جايبه العصير لتقعي قدام الناس هيبقي شكلنا وحش اووي وقتها.  

منال بحده

ما تتلمي بقي يا بت انتي وما تكلميش اختك كده ويلا قداامي لبره وربنا يعدي اليوم ده علي خير.. 

_وطلعت نرمين مع منال بره وسلمو علي وفاء ام هاشم واخواته البنات عزه واسماء، وراحت اميىه المطبخ واخدت العصير وراحت سلمت عليهم ولما شافتها وفاء بصتلها بضيق وقالت.  

وفاء

سلامة رجلك يا حبيبتي نو انتي وقعتي ولا دي حادثه؟.. 

اميره بهدوء

لا يا طنط مش حادثه دي وانا صغيره اخدت جىعة تطعيم مُسممه وأثرت علي رجلي اني ما اقدرش امشي عليها كويس للنهارده.. 

بصت وفاء لبناتها بحده وقالت 

الف سلامه عليكي انتي حلوه وزي القمر وكمان متفوقه، المهم يا مدام منال انا والدكتور عبدالرحمن حوزي والدكتور هاشم ابني جايين يوم الخميس عشان هاشم يشوف نرمين ويتعرفو علي بعض.. 

ابتسمت اميره وعزه قالت لمامتها بصدمه

ايه اللي انتي بتقوليه ده يا ماما احنا جايين اا.  

وفاء بحده

اخرسي خالص يا بنت ده انتو حسابكم معايا لما نروح البيت عايزين تجوزو اخوكم اللي مش ناقصه حاجه لواحده معااقه.. 

كانو بيتكلمو بصوت واطي وما حدش سمعه وقالت منال 

تنورونا يا مدام وفااء في اي وقت، نرمين قومي هاتي كيك يا حبيبتي يا لطنطك وفاء والبنات.. 

_وبعد ما رجعت وفاء البيت هي وبناتها كانت متغصبه جدا وهاشم سألهم بفضول وقال.. 

هاشم 

هاا حصل ايه وافقو اننا نروح يوم الخميس ولا لا؟.. 

وفاء

ايوه يا حبيبي وافقو ويوم الخميس هنروح انا وانت وباباك وتتعرف علي العروسه واللي فيه الخير يقدمه ربنا.. 

هاشم 

ما انا اعرفها يا ماما العروسه وبعدين مالكم كده كأنكم جايين من عزا ماما انتي شوفتي اميره، ايه رئيك فيها زي الملاك صح.. 

وفااء

معاك حق يا حبيبي البنت زي الملاك وحلوه ومتعلمه، بس انا ابني ما يتجوزش واحده معااقه وعجبتني اختها الكبيره وخطبتهالك.. 

هاشم 

نعم... انتي بتهزري يا ماما صح، ازاي يعني عجبتك اختها الكبيره انا عايز اميره مش عايز اختها.. 

عبدالرحمن 

اهدي يا هاشم وانتي يا وفاء كانت العروسه ما عجبتكيش ما كنتيش خطبتيله لا هي ولا اختها ينفع اللي عملتيه ده.  

وفاء

عشان كان ابنك راح وخطبها من غير ما انا اوافق ابني وانا عارفااه بس انا بقي قفلتهالك خااالص يا تتجوز اختها وبنت حلوه ومتعلمه وعجبتني يا تتجوز واحده غيرها هي واختها... 

هاشم بحده 

لا يا ماما انا مش هتجوز غير اميره، وانا مش عيل صغير عشان تعملي الحركه دي معاه.. 

عبدالرحمن 

وطي صوتك انت بتكلم امك يا ولد، وبعدين خلاص اللي حصل بكره اختك تكلمهم او امك ونقولهم الجواز قسمه ونصيب والغلط منك انت مش من امك انت اللي ضحكت عليها وما فهمتهاش وضع اميره من الاول.. 

هاشم بحده 

وانتو مالكم انا اللي من حقي اكمل مع البنت اللي انا عايزها مش اللي انتو عايزينها، وبعدين هي ذنبها ايه في اللي هي فيه.. 

وفاء

علي فكره انت غبي ومش فاهم حاجه، البنت دي ممكن ما تقدرش تخلف بسبب رجلها دي مش هتقدر تتحمل الحمل وتعبه كنت كمان هتحرم نفسك انك تبقي اب عشانها.. 

_ما ردش عليها هاااشم وساب البيت ومشي، وتاني بوم كانت طالعه اميره من الجامعه وقبل ما تىكب العربيه مع عمر وقف هاشم بعربيته قدامها ونزل من العربيه وهو متعصب وقال.. 

هاشم 

اميره استني عايز اتكلم معاكي شويه لو سمحتي.. 

بصلها عمر بحزن وهي قالت

خير يا دكتور هاشم انا سمعاك اهوو في ايه؟.. 

هاشم. 

الموضوع اللي حصل امبارح ده فيه سوء تفاهم انا كنت باعت ماما عشان تخطبك انتي مش اختك بس هي فهمت غلط وانا هروح للاستاذ محمد باباكي دلوقتي وهفهمه الموضوع و.. 

اميره بخوف

لا لا اوعي تعمل كده، يعني كلهم خلاص حتي انا ظبطنا امورنا علي انك جااي تخطب نرمين اختي، لو سمحت انت لو عملت كده هتبقي في مشكله كبيره.. 

هاشم بحده 

مشكلة ايه المشكله لو الموضوع تم انا بحبك انتي يا اميره مش بحبك اختك وعايز اتجوزك انتي مش اتجوزها هي، وده اللي هروك اكلم ابوكي فيه دلوقتي.. 

اميره بضيق

وانا مش عايزااك ومش هوافق بيك، صدقني المناسبه ليك نرمين مش انا دي بنت هايله ومش بقولك كده عشان هي اختي بالعكس انت هتكون مبسوط اووي معاها، يا هاشم انا علاقتي باختي مش احسن حاجه ولو انت روحت وقولت الكلام ده لبابا اختي ممكن تكرهني وانا مش عايزاها تكرهني.. 

هاشم 

لا تحت امرك يا دكتوره اميره انا هتجوز اختك بس ما ترجعيش تندمي وتقولي يىريت ما كنت ضيعته من ايدي.. 

_قال كلامه وركب عربيته ومشي وهي ركبت العربيه بتاعتها مع عمر اللي قالها بحزن.. 

عمر

هنروح البيت يا دكتوره اميره ولا هنروح فين؟.. 

اميره مسحت دموعها وقالت

لا لا مش عايزه اروح البيت دلوقتي وديني اي مكان اريح فيه اعصابي شويه.. 

بصلها عمر بهدوء وقال

بقولك ايه انا هاخدك. معايا بيتنا تقعدب مع بابا الشيف علاء بنفسه واختي تماره.. 

اميره 

هو انت ابن الشيف علاء الشربيني يا عمر؟.. 

عمر ضحك ورد عليها وقال

هههههه لا ما مش ابن الشيف علاء الشربيني انا ابن الشف علاء عبدالجواد ده كان بيعمل اكل في اشهر اوتيل في مصر بس النصيب بقي خلاه قعد في البيت، انا بقي هخليكي تودقي اكله.. 

اميره بتوتر

لا بس ما ينفعش نروح كده من غير معاد ومش عايزه اتعبكم معايا يعني.. 

عمر

ياريت كل التعب يكون منك انتي يا دكتوره اميره وبعدين انا بحكيلهم عنك كتير انتي والاستاذ محمد ومالك.. 

اميره 

خلاص لو عايزني نروح نروح بس انا اا انا واثقه فيك يا عمر اوعي بقي تكون ناوي تخطفتي وتكون بتاع اعضاء بعد كده.. 

ضحك عمر وقال

هههههههههه لا لا ما تقلقيش انا طول عمري هكون قد الثقه دي..