 |
رواية بيت الخبازه الفصل التاسع والعشرون 29 بقلم زهرة الرمان
بسم الله الرحمن الرحيم
السلام عليكم ورحمه الله وبركاته
#بيت_الخبازه ......#بارت٢٩
سيف
الحمد لله على السلامه حجي
حامد
هاا
الله يسلمك
واثق
حجي شنو تريد تكول كبرت
حامد
وين عمار
سيف
يابه اجه وراح
حامد
خابرو خلو يجي هسه
عمار
ها سيف بيه شي ابوك
سيف
لأ عمي بس كعد ويريدك
عمار
زين زين ساعه واجي
كملت دوامي وطلعت بوجهي للمستشفى
كلت خلي شيحجي مو اشكال
لكيته كاعد ويمه ولده ورشيد
سلمت عليه بدون رد سلامي كاللهم اطلعوا خلوني بس وياه
حامد
وديتها موو
عمار
أي أبو شكر
حامد
شضمنلك هالعالم زينين
شوف استبرق راسها يابس وما تنعطى وجه باجر إذا ما سوت النه فضيحه فلا حامد اتسمى وردت اخليها تحت عيني بس شوف عمير
إذا سمعت سمع بالبنات شئ مو زين وبغداد هسه يتشلتحن واشوفهن
إلا اسويك عبره لامه محمد
وبعد من هاي اللحظه
تنسى واحد اسمه حامد بالك وأياك اشوفك
نتشاوف من اسمع اخبار عن بنات حاجم
واشوفك ربك شخالق
اطلع من وجهي
عمار
متوقع كل إلي گاله وما جاوبته
طلعت كلت يهدأ ويصير خير
رجعت للبيت
سرى جايه من الدوام وبالمطبخ بملابسها تسوي تمن
تطبخ من الليل ومن ترجع بس تمن تطبخ
شافتني
سرى شبيك عمار
عمار
مابيه
وين الجهال واستبرق
سرئ
استبرق تريد تروح لبيت رشيد
عمار
شسوي لبيت رشيد حتى ماكو أحد بعمرها عدهم خليها لاتروح حامد شاد حزامه عليهن وما اريده يعرف استبرق عدنه وما راحت وي أمها
سرى
شفته ؟
عمار
هاي جيتي من المستشفى جنت يمه
وبقى يهدد إذا وإذا
سرى
شيريد يصير
الله الحافظ
اتصلت على خديجه وما جاوبت
عمار
ليش شبيها
سرى
ماعرف
صفا
شو بالمزرعه مو لبنان
العلويه
غير وقت نروح للبنان بس اريد منج متگولين لامج واعتبري سر بينه خوش
صفا
خوش ماكول بس مثل ماكلتي رايحه تجيبين استبرق
العلويه
عفيه بصفا
أي اكيد إني وعدتج اجيب استبرق هسه شوفي ذيج المرجوحه الج
العلويه
هاا أبو محمد (حارس المزرعه)
أبو محمد
اجت ام مروان
العلويه
خليها تجي
ام مروان
شلونج علويه
العلويه
هله ام مروان هااا شنو سويتي
أم مروان
مثل ما وصيتيني
خليتلهم عشا
وام استبرق مثل ماكلتيلها لبست الملابس الي خليتيهن الها
واجه السيد للبيت لمن دخل يلا رحت للبيت من برا راقبت لحد ما قفل الباب الخارجي
العلويه
خوش حجي ام مروان
تروحين هسه وتشوفين الوضع ومثل ما وصيتج تنظفين البيت فوك وتتاكديلي
راحت ام مروان
دك التلفون
ام ياس
ألو
العلويه
هله ام ياس
أم ياس
البارحه كلتي باجر افهمج وهسه إني مفتر مخي
العلويه
ميحتاج يفتر مخج
إني كلت لموفق أريد ابقى بالمزرعة يومين ثلاثه ترتاح نفسيتي
وما اريد خديجه تعرف إني ببغداد حتى تأخذ حريتها ماريدها تتقيد
أم ياس
ارجع وكلج سويتي كارثه بروحج شنو تزوجين موفق تخبلتي انوب جايبتها جانت تخدم عدكم وخبازه وتخلينها لموفق
العلويه
أنتي أختي الكبيره ماريد اسمعج كلمه مو حلوه وهاي صارت زوجه موفق فلا تكولين عنها تخدم او غيرها
كولي جار الزمن عليها واكلت خبزه حلال ما استغلت ولا سرقت ولا ذلت نفسها
في حين اكو عدهن وهنه ذليلات للفلس ضعيفات امام الماده
أم ياس (بصخكه مصطنعه)
يا خيه نعومه اشاقه وياج أنتي دومج حكيمه وتفتهمين وبكيفج
العلويه
أي عفيه عليج إني بكيفي
ابو محمد عازللكم تمر وفواكه للاولاد
ام ياس
ليش اجي يمج خاف تحتاجين شي
العلويه
لأ ما احتاج يمي صفا شفت صفا اجت ضحكت
هاا صفا وبقيت لسولف وي صفا غلقته من ام ياس غثتني
خديجه
مدنكه من كلت وعليكم السللام
حسيته قريب رفعت راسي لگيته ينزل بالصينيه
موفق
إني جوعان واصير ما اسمع ولا اشوف إذا اجوع فحاليا انتي مخفيه بالنسبه اليه تقربي وافترسي الأكل قبل لأ اشبع واشوفج (بابتسامه).
خديجه
أول مرة قريب صوته يمي
وأول مرة احسه عنده روح فكاهيه مبين يريد يضحكني كمل كلامه وبيده الاكل
باوع بوجهي
توترت
موفق
بعدج بالغرفه تره بعدني جوعان وما اشوف إذا موجوده اكلي بسرعه لأن المطبخ فارغ وام مروان ماموجوده
خديجه
تقربت مديت ايدي للأكل بديت أكل بقى مدنك وياكل بهدوء
ولا رفع راسه أبد
اكلت واحس غصيت
سحب المي وهو مدنك وانطاني
اخذت شربت شويه شرگت
رفع راسه
موفق
اگطعي نفسج
خديجه
كال اكطعي نفسج ونفخ بوجهي حيل
حتى عود تروح الشرگه
وجه قريب لوجهي وإني احس ارتبكت
رجع ياكل ومدنك
موفق
اكلي على راحتج لأ تكبرين اللكمه ابقيلج اكل
خديجه
ابتسمت على كلامه بس بنفس الوقت إني متوتره واكل وبالي يم صفا واستبرق
موفق
تبقين تلفين بيدج بالخبزه
خديجه
سحب الخبزه البيدي خله شويه لحم وعليها خضره
وغمسها بالسوب
عض منها شويه
موفق
أي طيبه يلا اكليها
خديجه
اخذتها بتردد واكلتها
شويه وسوه لفه ثانيه
كلت لأ اشر اكلي اكلي
ونزلت گذلته على وجهه اديه بيهن دسم لأن يأكل بيده بعكسه ورفع شعره وشال راسه
كال اللهم لك الحمد والشكر
موفق
ياهله هسه تراولي وجهج
خديجه
بيدي اللفه وهو كال تراولي وجهج صرت ماعرف شسوي وخاصه بقى ساكت ويباوع بوجهي توترت
خليت اللفه بالصينيه وكمت لأن خجلت اخذت الصينيه وطلعت
يربي شسوي هسه
شلون ورطت روحي إني
انفتح الباب
موفق
شنو طلعت تخيير تحيير
خديجه
شنو تخيير تحيير
موفق
الخيره
خديجه
يا خيره
موفق
مو اشوفج واكفه كبال الباب كلت اخذت خيره تدخل لو تبقى برا
خديجه
هاا أي
موفق
تعالي خديجه
اخذتها من ايدها كمزت كمزه
شبيها هيج خجلانه متوتره حققها
كعدت على طرف السرير كعدت يمها
خديجه
كعدت على السرير وهو اجه وكعد يمي
أحس يباوع عليه زادني توتر أحس مرعوبه ندمت شييه قبلت ما اتحمل اشوف رجال غير حاجم يلزمني يربي شهلورطه
موفق
ليا محافظة وصلتي
خديجه فززني ياا محافظة بعدني ما مجاوبه باصبعه السبابه خلاها على ايدي
موفق
هذا حرگ؟
خديجه
أي
موفق
بالتنور
خديجه
أي
موفق
الاثر صاير على شكل عين يمكن انحسدتي واحتركتي
خديجه
منو يحسدني وعلى شنو بصوت خافت
موفق
يمكن إني حسدتج
خديجه
ها
مجاوب بقى يدنه وإني هم ابتعد صرت كلش على الطرف وهو بعده يقترب ويسولف
لحد ما كال لون عيونج حلوه ابتعدت ووكعت سحب ايدي
هي سحبه وهي دفعه على السرير
استبرق
بقيت بالغرفه فوك من راحت أمي
احس يخترق گلبي جمره ماتنطفي من صعدت وباقيه كم شغله ما اخذتهن أمي وصفا
بجيت وبجيت وبقيت اشم بربطه لامي قديمه بيها ريحتها
ليش رحتي هاي ثاني مره تصير حامد طردج ورحتي وخليتينه بيده وهسه اختاريتي تروحين وتعيفيني
ليش إني يتيمه أهل بقيت افتر وابجي
تزوجت أمي
حسيت هسه من قشعم جان يكول حرگه بگلبي من راحت أمي وعافتني
اخخخ يمه تعلعلت والله
ليش كلما تصير مشكله تضربيني وتهينيني وتقللين من احترامي
وإني تعلمت اشتغل واساعدج حتى من لكيت أول مرة الخشب بدل لانكليلي عفيه ضربتيني
تحبين صفا ومروه وعمرج ماحبيتيني اعرف لأن اشبه أبوي
اخ يابويه أنت
وأمي ثنينكم ما ابريكم
منا وهيج إني أبوي علي ين ابي طالب
هو ابو الأيتام المالهم أحد
سرى وعمو بالدوام صعدت فوك بقيت افتر ورجعت افتريت بالبيت وجبل صاعد على گلبي اعرف لأن مفاركه أمي بس لازم اتحمل أمي راحت وما هميتها
كلت اروح لبيت رشيد اريد شويه انسى أمي أحس صوتها باذني تكلي استبرق بكل للبيت اشوفها أحس راح اتخبل من صوتها إلي اسمعه
عمار
عمو لاتروحين لبيت رشيد عمج حامد طلع اليوم ميدري باقيه يمي ماريده يعرف ويسوي طلايب
استبرق
خوش ماروح
عمار
جوابها بهدوء ما متعوده
عمو يوجعج شي
استبرق
لأ
عمار
محتاجه شئ إذا ضايجه امشي اطلعج
استبرق
لأ رح اصعد فوك لغرفتنا
العلويه
ألو ها موفق
موفق
تم كلشي ردتي
العلويه
(عصره الگلب مالازم تضهر بصوتي
ألف مبروك أن شاء الله تفرحنه خديجه قريب بحملها
موفق
اخلي مسلم يجيبكم
العلويه
لأ باقيه اليوم هم
المهم كلي خديجه
زينه
موفق
شويه متوتره ومضطربه بس يعني
تتعود
العلويه
شبيج انعام مو مشى على وصيتج شبيج اختنگتي بالعبره شتردين
مو أنتي وصيتي إلا يتمم كلشي من أول ليله
شكد لح يتأجل الموضوع لحد ما نسافر
وخليتي خديجه تعرف أنتي مسافره حتى ما يبقى عقلها يمي
لعد شبيج
موفق
الو هاا علويه
العلويه
وياك
امشي على الوصيته الك وفهمتك شنو شخصية خديجه
حاول تشغل فكرها لأن عقلها يم بناتها طمأنها عليهن ودزلي رقم عمار
موفق
إني أتصرف وي عمار لاتشيلين هم
العلويه
لأ موفق إني عندي موضوع احجي لاستبرق
وبعدين من تجي أنت تولى المهمه مثل ما گتلي
موفق
خوش حجي تدللين علويتي
سدت التلفون وأعرف صوتها متغير
اصرت تروح من البيت بحجه صفا متريدها يم امها بهيج ليله بس مو صفا جانت المشكله
هي المشكله
عاذرج انعام
احجي وإني اباوع على التلفون
ونقلت نضري للمطبخ شفت خديجه نزلت
لابسه ملابس اكمامها طويله وشامره شال على رأسها
تسوي ريوك
وتبعد نضرها مني افتهمت هي خجلانه ومتوتره مني
سوت الريوك وكعدت إني
وهي بعدها تفتر
تعالي تريكي
خديجه
بعد ما تمم زواجه
جنت مثل قالب ثلج
متجمدة ومتوتره
ردت بس تخلص الليله
وراها نزل جوا
وإني بس فتت للحمام ورجعت لبست ملابس ردان وصارت هدوء توقعته رح ينام جوا
رجعت خليت رأسي على المخده واغمض واعيد الصار ويوگع گلبي
شسويتي بروحج خديجه فكري يم استبرق وصفا
حسيت دخل
تمدد على نفس السرير
موفق
نامي تصبحين على خير لاتهمين بشي
كلشي بيد الله يسهل
خديجه
ماكدرت انام ابد هو نومته على ضهره
وايده شابكهن على صدره نام غفا
سحبت الغطا غطيته
وانداريت بقيت أريد اغفا ماكدرت
لحد ما حسيت نفسي نايمه وما ادري
فزيت من مكاني
لكيت موفق بعده نايم
سحبت نفسي ونزلت بعدني بالباب
موفق
صباح الخير خديجه
خديجه
التفتت عليه
صباح الخير
ونزلت للمطبخ هو طلع برا
رجع كال العلويه تبارك وتسلم عليج واطمأنج على صفا
كلت شكراً تريك وإني اكل على كيف
كمل واتصل عليه مسلم
موفق
محتاجه شئ رايح إني
خديجه
لأ سلامتك
موفق
أي شيء تحتاجينه إني كتبت رقمي بهذا الدفتر فوك الثلاجه
ورحت للمزرعه حسيت العلويه صوتها مو زين وهي مريضه
خديجه
أول ما طلع اتصلت على سرى
ردت اسال عن استبرق
دك بس ماجاوبت
بقيت افتر بالبيت شويه وسمعت باب المطبخ انفتح
اجت ام مروان
سلمت وكالت اسوي غدا شنو تردون
شنو متعودين ياكلون سوي
العلويه
ليش جاي موفق وتارك عروستك
موفق
لأن اشتاقيتلج ما متعود على غيابج
تجهزوا وارجعي وياي
العلويه
لأ خليني بس اليوم
موفق
ليش علويتي سويت إلي طلبتي مني
وگلبي يمج أنتي مريضه أخاف كلشي يصير وهنا كاعده شنو
العلويه
ماعليه شي علاجي وياي
وصفا
ومسلم وأبو محمد برا لاتخااف
بس اهم شي خديجه متعرف إني ببغداد لأن اعرفها تبقى متوتره مني
موفق
ويجوز المره تحس بالمره
العلويه
خديجه افضل من كرايبنه لو متزوج وحده منهن جان هجمن بيتنا وأنت تذكر
شنو سوو بس رادوك تأخذ مره منهم طمع
خديجه أن شاء الله ما تخيب ضني
موفق
أنسي كلشي واهتميلي بصحتج اهم عندي من أي شئ بالكون
كلشي يتعوض إلا صحتج
العلويه
راح اطيب من اشوف طفل منك
واشيله بيدي لأ تخاف عليه وهسه روح
قبل لاتكعد صفا
===°°°===
استبرق
راحوا للدوام عمو عمار وسرى بقيت وحدي
بليل گوه انام متعوده اغفا يم أمي وصفا
فطومه هالايام تنام يمي
كلما اخلي بليل رأسي على المخده اتذكر كلشي صار ودموعي تنزل غصبا عني بس احس بغضب اتجاه أمي
تركتني بگلب بارد
وابقى الوم وارجع اسمع صوتها حواليه لدرجة اسد اذني من الخوف
وينج يمه هذا صوتج أنتي وينج
شعور الوحدة يخوف
افتريت بالبيت فتحت الثلاجه
اريد اشغل نفسي ما احس بجوع ابد
سويتلهم غدا
اجو الضهر فرحت سرى مسويه غدا
عمار
ليش تعبتي نفسج عمو
استبرق
التهي ما بيه تعب
كملوا غدا وصعدت إني فوك
سرى
خليها تتلهى افضل الها
عمار
أخاف عليها نار وطباخ ووحدها وهي نفسيتها زفت لايوزها الشيطان أنوب شكول لاسامح الله
استبرق
ورا يوم أو يومين سرى جايبه لحم هواية ومواد كالت نلف كبه
وتركته جا شوكت تلف
بليل بقت ادرس جهالها كالت لفيتي الكبه
كلتلها غير إني وياج
كالت إني مشغوله إذا تكدرين لفيها
كعدت بالمطبخ ب٨بليل وبديت سويت الحشو وعجنت الجريش وسلكت تمن
لفيت شعري وخليت الصواني وبديت ألف كبه اندك الباب مال المطبخ
اندفع
تفاجأ سيف لكاني يم بيت عمو عمار
سيف
هاي أنتي هنا شلونج استبرق
استبرق
بخير بنص الخير افوج واسبح بالخير
ما جاوب دخل
بقى يسولف وي عمو عمار وسمعت عمو عمار يكله لاتكول لابوك استبرق يمنه
طلع
كال مع السلامه بت عمي
ثاني يوم اجه إني فوك اجه حسنين كال سيف يريدج
نزلت لكيته يم الدرج
خير ؟
سيف
تعالي استبرق
استبرق
شتريد بيده شئ جنه جهاز الستلايت
سيف
شوفي هذا دي في دي
استبرق
شنو هذا
سيف
هذا مثل المسجل مو نخلي كاسيت يطلع صوت
هذا بيه شاشه نخلي هذا القرص
يطلع فلم او مسلسل
إني جبتلج كم فلم حلوات اجنبيات
وتعالي اعلمج شلون تشغيله وشلون تخلين القرص وتحافضين عليه
استبرق
مبين غالي صح
سيف
لأ مو غالي
استبرق
ليش جبته اليه
سيف
لأن عندي واحد أكبر وهذا كلت أنتي ماعندج مدرسه تشغلين وقتج بيه إذا ما عجبج رجعي
وإذا بيه اشكال ماتعرفينه اتصلي بيه على تلفون عمو عمار
استبرق
علمني شلون اخلي القرص وبدأ يشتغل افلام اجنبيه إني أحب الافلام الاجنبيه اكشن
بقيت اشوف الافلام لحد ما خلصن
اجت فطومه فوك كالت أمي تريدج
نزلت
سرى
ما طابخه غدا
استبرق
لأ ماطبخت
سرى
ياا وإني معتمده عليج
هذا الدفيدي اخذج منه
استبرق
إني لاتعتمدين عليه لأن خلگي مثل الكهرباء كل شويه يطفا
سرى
خوش حبيبتي براحتج
استبرق
وراها حسيتها تضوج بس كاعده إني مالي خلك كلش
وهي خلتني الفلها كبه ١٥٠قطعه وحدي انكسر ظهري
واطبخ الغدا واغسل المواعين دوم يبقن على السنك واغسلهن
هاي مقدرتي صار هاي الفتره مالي خلك
بنفس اليوم اجه سيف وإني وفاطمه وحسنين كاعدين سألني شغتي الافلام
أي شفتهن كلهن
بدينه نتناقش على فلم هو يسولف عن فكرة الفلم وإني اكله لأ هيج
سيف
جبتلج افلام بس اعرف تحيين اكشن هم تحبين افلام تاريخية او افلام حروب
استبرق
احب افلام عرك
سيف
زين تسمعين كلامهم لو بس تقرين ترجمه
استبرق
لأ اقرأ بس ترجمه
سيف
هاي وجبه الافلام حاولي تسمعين شيكولون واقري ترجمتها شوفي معاني كلامهم
راح تشوفين متعه بيها من تتعلمين لغه
استبرق
جاوبته مالي خلك
بس من باب الفضول بقيت استمع مثل ما كال
خديجه
يجي سيد موفق الضهر يتغدا
وينام والعصر يطلع ويرجع المغرب
لاحضت جدآ مرتب من ناحيه ملابسه اغراضه
ووياي يحاول يخليني اتعلم على وجوده بحياتي يدخل الشقا بسوالفه يحاول
يضحكني
بس هو عنده حدود بالكلام
يتقربلي وكأن متزوجني صار هواية بس بتعامله يتصرف برزانه وثكل
إني فكري مشتت بين صفا واستبرق
اتصل على عمار يكلي استبرق نوعاً ما مستقر وضعها ولا تخافين عليها بامانتي
وسيد موفق يكول تواصلت وي العلويه لاتخافين على صفا
بس مو بيدي أخاف عليهن لأن مو بحضني
اربع ايام غابت العلويه عن البيت
السيد وجه مبتسم وياي اليوم على الريوك
موفق
اليوم تجي العلويه وصفا
خديجه
صدك بابتسامه فرحت هله بيهم
اعرف شنو تحب اكل سويت الأكل إني ام مروان كلت بس تجي العلويه اكللها إني اطبخ افضل
ورا الضهر وانتظر ودخل سيد موفق ووياه العلويه وصفا
ركضت صفا بقيت حاضنتها
وسلمت على العلويه همست بأذني
ألف مبروك
يبارك بعمرج وعافيتج علويه
تغدوا والاكل كالت العلويه ام مروان طابخه
لأ علويه إني
حسيتها فرحانه
اخذت صفا وصعدت وخليتها هي وسيد موفق جوا
بيومها بقينا إني وصفا بالغرفه حاضنتها ونمنه
ورا يومين سألت العلويه شوكت نجيب استبرق
كالت عيفيها حاليا جاي نعرف اخبارها وزينه تحتاج وقت نريدها تجي بارداتها حتى ما تخسرينها وترجع نفس طبيعتها
انتظر واصبر بس إني بگلبي النار
العلويه بقت تسأل محتاجه شئ
السيد شنو معاملته وياج زينه
اجاوب الحمد لله
احسها تعرف كلشي
بس تعاملها وياي حلو
بقينا ثلاث ايام إني وصفا فوك انام وهمه جوا
رابع يوم صعد السيد كال لصفا العلويه تريدج
بقى يمي وصفا نزلت يم العلويه
قبل صلاه الفجر نزل يم العلويه
شال صفا رجعها يمي
ما علقت
واستمر الوضع هيج يصعد ع كد حاجته
وينزل يداري نفسيه العلويه وحقه العلويه تستاهل ومريضه
من راد ينزل قبل كم يوم كال
موفق
العلويه مريضه لازم أبقى وياها وصفا لما اختها تجي يلا نخليها بغرفتهن
هاي الفتره صفا محتاجتج.والعلويه محتاجتني
خديجه
براحتك سوي التشوفه صح
موفق
ربي يسلمج
خديجه
استمر الوضع هيج بس إني رحت لبيت زايره سنيه شفتها وشفت قشعم إني وصفا
لأن زايره سنيه تحب صفا
ووراها بكم يوم
اجه السيد جايب نقل لصفا
بمدرسه قريبه على البيت
ومسلم يأخذها ويرجعها
تعودوا إني اطبخ ومن كلت للعلويه ام مروان لاتخلينه تطبخ
كالت حتى لاينكطع رزق المره خلتها تنظف بس
والطبخ عليه
سيد موفق صعد اليوم يمي
موفق
اكلج خديجه تدرين مشتهي خبزج
خديجه
باجر اخبز بس جيبوا تنور
موفق
خوش حجي باجر
خديجه
حياتي ببيت سيد موفق هادئه لاحضت العلويه كل الامور بيدها السيد شغله برا ويشورها بكلشي
اجت اختها اليوم ام ياس وقنديل
دخلت سلمت عليهن
وعرفتني العلويه زوجه موفق
قنديل كالت هله
وام ياس جاوبت
أم ياس
نعرفها من زمان هي تجي بالعزايم تساعد
العلويه
إني كلت ام استبرق زوجه ابن عمجن موفق
غير لقب مرفوض
خديجه
بعصبيه ردتها قنديل جانت بالبداية تباوع من فوك ليجوه عليه من حجت العلويه ختست
وام ياس بقت تمتمت
ومن طلعن كالت
العلويه
مثل هيج ناس قوي شخصيتج وياهم
التكبر على المتكبر تواضع
هنه مو احسن منج
خديجه
اخوانج واحترامهن واجب عليه
العلويه
ماكو اخواتي
اليحترمج احترمي ليقلل احترامه وياج هذا بيتج اخذي دورج إني وياج اليوم باجر يجوز أمر الله واموت شلون محد يسند موفق
اختاريتج لأن قوية بوجه الصعوبات لأ تخيبين ضني
صيري قوية بكلشي
خديجه
شخصيه العلويه بالعصبيه مخيفه تصير عاصفه وبوقت الهدوء تصير انعم من ورق الورد
اتصلت العلويه اليوم على عمار
الضاهر تتصل عليه
اشرتلي
اجيت متفقه وي عمار يحجي وي استبرق وتجاوبه استبرق حتى اسمعها
استبرق
لأ عمو هذوله عصابه يتاجرون بالأعضاء وهاي كشفتهم طبيبه وهذا مساعدها
عمار
يعني عمو أنتي ويامن شو كلها تتعارك شيفهمج هذا اخو من وابن عم منو
استبرق
اوو عمو إذا ما تعرف شلون افهمك عليك الله خليني انتبه مابيه اعيد كلساع اعيد من ورا فطومه چنها أنت هذا منو هذا ليش هيج سوه
خديجه
مندمجه بالافلام دموعي تصب بقت ودعيت يارب يهديج يا استبرق
العلويه
شكرا أبو فاطمه
ها خديجه البنيه تباوع افلام وتساعد زوجه عمها ووضعها زين لاتخافين
خديجه
محد يعرف نبره صوت الاولاد إلا الأم واحس بصوتها كسره بنتي احسها مكسوره بس مابيدي حيله يوميه ايجي لحد ما انام على فراگها والكل يكولون خليها تتعلم وتحس بخطاها حت من ترجع ما تبقى على نفس اسلوبها
مشت الايام
البوم الصبح متعودين نكعد تتريك كلنه سويت الريوك ماكو احد كعد دكيت الباب اجاني صوت موفق
تعالي خديجه
دخلت
العلويه متخربطه
