 |
رواية بيت الخبازه الفصل الثامن والعشرون 28 بقلم زهرة الرمان
ولهنا انكون وصلنه ويه الكاتبه بالنشر..
بسم الله الرحمن الرحيم
السلام عليكم ورحمه الله وبركاته
#بيت_الخبازه ......#بارت٢٨
بقلمي *زهره الرمان*
هل سيتركنااا من وهبنا الامل....سيدركنا ولو بعد حين......☄️
استبرق
لحضه اليأس تهدم الحياة لولا رحمه الله ولطفه
الصعوبات إلي جاي نمر بيها
تخليني اتقبل أي شيء إلا الحياة إلي شفناها بعد وفاه أبوي
والوجوه إلي تغيرت
والأشياء الي انكشفت خلتني اكره الحياة قريب عنهم
اشوفهم كلهم أعداء
النه إني وأمي وأختي أي شيء يصير احملهم مسؤوليه حتى لو مو مباشرتا
ومن ضمن المذنبين أبوي شويه شويه بدت عندي عدوانية منهم كلهم وحتى نفسي
من صار الموقف متحملت وجنت عندي اهون اموت ولا ادخل لبيت حامد لهدرجه كارهتهم
من وكع وإني تضمد بيه عمه سرى گلت
بابو زايد بهالحال واردئ
هيج وابقى اهلهل بجادر فاتحتك
أمي واكفه اشرت خلت اصبعها السبابه على حلگه وخزرتني وكالت اشششش
شويه وانفتحت الباب
وإني واكفه اباوع على حامد وهو مغمى عليه واحس بانتصار عليه
ودخل ذا النون بدل لايشيل حامد بقى يباوع عليه أول ما انشغل عمو عمار بحامد اشرلي شبيج شنو هذا ويأشر على بلعومي
إني كارهه روحي
سويتله دولي واشرت بيدي هو مثل الانصدم وصار أحمر نار وراحوا
خب دطير كلها مصايبي من بيت الداود منك من ابن عم ابوك
عمار
وصلت للمستشفى بين مواجهتي اله لأول مرة بحياتي وبين اخوي حامد هو ربانه وتعب علينه وصلنه كلنا بالدراسه صرف علينه حتى ننجح جان أب النه
يوم عصبي ويوم حاد ويوم حنون ومراعي
لكن ابد ولا وأحد بينه يتجرأ يواجهه ويكله كلمه
بس إني انطيت وعد لخديجه ولازم اوفي بالوعد
جنت خايف بداخلي لكن متروس گلبي من تصرفاته وي خديجه
حسيته انهضم وما تحمل كلامي وصلناه إني وذا النون أول ما وصلنه ذا النون
كال
ذا النون
هذا فراق بيننا خويه وصللتك اخوك للمستشفى خليني اروح ادزلك عباس لو يوسف وإني خليني اشرد قبل لا يرجعله الوعي ويبيس بيه
عمار
شبيك ذا النون هو بيا حال
ذا النون
لأ خويه بيا حال غير حامد حامد بكل الأحوال يبدي يسوي تعداد
طلعت وخابرت على عباس كتله تعال.
وطلعت تذكرت منظر استبرق شكد مشتاق اشوفها وشكد جنت أتمنى اشوفها
صدمني تصرفها وسمعتها تكلي ولي
ماعرف شأحس بس صار عندي رده فعل منها كشيت منها
اكول لنفسي هاي إلي حبيتها
ماتحترم حتى لو ما عندج مشاعر المفروض ما تجرح أحد مايحقلها
خديجه
عمار اتصل وكال لسرى حامد بدايه ذبحه وهسه احسن
جنت مشغوله بصفا غسلتلها ونشفتها
وبدلتلها واستبرق يم سرى وبعدها تدعي وتحجي
اشرتلها تصعد
دخلت صفا بفراشها حسيتها هدأت
وطلعت بصالتنه الفوك أول ما صعدت وصلت يمي
ضربتها راشدي خليتها توكع ضربه قويه اريدها توعى على نفسها
أنتي ليش دومج متسرعه ولسانج ماتلزمينه ليش ما تصبرين أول مرة كلتي لحامد وبعدها استعراضج هذا إلي متستحين سويتي
ومعناها لأ علمتج ولا ربيتج تصرفات مال وحده بعده طفله مو مسؤوله ورعونيه
احنه بيا حال وأنتي تتصرفين هيج وكملتيهاا تدعين على عمج كدام اخوه مو عيب تعلمي شي اسمه الكياسه شئ اسمه احترام
بأي وضع أو ضرف ما تتخلين عن اخلاقج
عمج عمار ويانه وكال ترحون من يروح للعمره جاي اماطل وياه
ودومه يحجي يحجي ويروح يريد يحس بعده مسيطر اخلي على فهمه للأمور وأعرف كلش زين من توصل الصدك واكله موافقه مايتزوج لأن يخاف خوف من ايمان يعرف يحجي ويهدد
شعليج تحجين گببتيها خليتي عمج عمار بموقف مو حلو
شنو السويناه احنه هسه
استبرق
ضربتني وبقيت كاعده واباوع بوجهه بس احس ضربه على گلبي مو بخدي إني كارهه الكون كله
كارهه نفسي
تحجي تحجي سكتت ما جاوبتها بس هاي ثاني مره سوتها وما ساعدتني وساندتني
خديجه
بليل كلش اجه عمار
واجت فطومه كالت عمه أبوي يريدج
نزلت لكيته بالصاله احس عمار
مو نهار راح احسه وجهه صاير رماد
خفت
هاا أبو فاطمه حالت حامد موزينه
عمار
لأ خويه احسن ذبحه وهمزين تلاحكناه
عنده الشرايين التاجيه بيهن تصلب
ومايدري الحمد لله هسه احسن وكعد
تركته من شفته وعى واطمانيت من الطبيب حالته استقرت واثق اجاه وسيف ابنه وميثم وشكر كلهم يمه اجيت
بعده بالمستشفى
لذلك اتصلي على العلويه وإني اروح وياكم اوصلكم
خديجه
وليش مستعجلين
عمار
ام استبرق مهما كان رغم اختلافي مع حامد بس هو أخوي ماريده يتأذى اكثر
يصير أمر واقع وإذا اشوفه بعده بعناده إني أصلا سولفت للكل اولاده واخواني عن الصار من سألو شلون وكع
والكل كالو خلوها تروح بحال سبيلها شعلينه بيها
معناها من يصير احسن نخفف عنه من يشوفنه كلنه نسفه الموضوع يعني وإذا تزوجت الله وياها ومن هالكلام
فخويه
ضبطي وضعكم مسائل نقل صفا عليه
وأنتي اتصلي على العلويه بلغيها وباجر من الصبح اخذكم اوصلكم ماريد تجي سياره لأ إني أشوف بيت التكعدن بيه واطمان وارجع
خديجه
صعدت بدون ما أناقش عمار احسه مكسور گلبه على اخوه
لكيت استبرق بفراشها كاعده
حضري غراضج وغراض اختج باجر نروح لبغداد
استبرق
إني ابقى يم عمامي اخذي صفا وروحي أنتي
خديجه
شنو بلا عيدي
استبرق
مااااا اروح وياج لبيت زوجج
ابقى يم عمامي
خديجه
ياا عمام ولج يازوجي
شنو هاي نبره جديده لو لعبه رعنه جديده
استبرق
لأ هاي ولا ذيج
إني ماااا ابقى وياج
بعد عاد هنا غصبن عليهم يحملوني لحمهم إني
اروح هناك كدام زوجج وتبقين لو تضربين لو تعيفيني واطلعين
أنتي مثلهم مااا أأمن بيج
شكد جنت مقهوره عليج واحسج انظلمتي بس طلعتي تستاهلين ليصير بيج
خديجه
عزا العزاني هاي بنتي هاي ربات ايدي ما اصدك إني مربيتج ولج صدك صلفه
شتردين امسح على راسج واكلج عفيه لأن حجيتي لعمج وككببتيها
لو خليتي السجين على رگبتج لو تدعين على حامد وعمج عمار واكف ما حشمتي
شلون
استبرق
كلهن بيه مو زينات خليني وروحي وشوفي حياتج وإني يم عمامي معليج بيه
خديجه
تاكلين تبن تمشين وياي رجلي على رجلج علمود منو قبلت إني
استبرق
علمود نفسج يمه
خديجه
غمه التغمج وخانتني الدموع بقيت ابجي والطم
استبرق
لو مو تبجين بعد والله ابقى
خديجه
نزلت لعمار
سولفتله
عمار
اهدائي اخذيها بحضنج هي حالته النفسية تخليها كلساع برأي وتصرف هدأيها واحجي وياها بهدوء
استبرق بعدها مراهقه وفتره انتقالها من الطفوله للمراهقه شافت ضروف گلبت حياتها
خديجه
قسيت عليها
صعدت وإني اسولف وي نفسي
لافه نفسها يالبطانيه سحبت البطانيه تمددت وياها بقيت امسح على شعرها لزمت وجها
مليان دموع
فريت جسمها اليه
تبجي بشهكه
حضنتها بقيت حاضنتها
أنتي بنيتي واخيتي وصاحبتي
ماريد أحد يكول استبرق ما مؤدبه
أنتي ذكيه وشاطره بس تعاندين ياريت عنادج على أحد ميضر إلا نفسج هالعناد
استبرق
اخذت بداخلي قرار ماروح وياها
حسستها إني رضيت بس گلبي ما برد منها
خديجه
ثاني يوم اتصلت على العلويه رادت ادز سياره ماقبلت كتلها حماي يجيبني
وعمار وسرى كالو نروح وياج
صفا تجمع بغراضنه
انتبهت استبرق على گعدتها
عمار وسرئ راحوا لاهل سرئ كالو نخلي الاولاد يمهم ونجي بين ما تحضرين غراضج
مرتين كلت لاستبرق يمه كملتي غراضج تهز براسها
آخر شئ فتحت الكنتور لكيت ملابسها بجنطه كلت زين محضرتهن من الليل
يلا بدلي استبرق
استبرق
لابسه هاي الصايه ما ابدل
خديجه
يمه هاي الصايه مال هنا اطلعين بيها البسي ذيج ملابسج
استبرق
لأ إني ماروح لبغداد
خديجه
شنو يمه
استبرق
مثل ما سمعتي
خديجه
وين جا تروحين
استبرق
خلوني يم عمو رشيد لحد ما يجون بيت عمو عمار ارجع يمهم
خديجه
يعني بقيتي معنده تقشمريني البارحه وماخذه قرار تبقين
مو أنتي الكمزتي وخابرتي العلويه
مو أنتي الكمزتي وكلتي لحامد مو أنتي لتقنعين بيه اتزوج
شنو ماتردين ترحين المن متزوجه إني
شنو
حنيت للرجل شوفي ولج
تمشين وياي غصبن ع خشمج
استبرق
أي ردتج تزوجين ونخلص
إني ابقى يم عمامي
خديجه
امشي لأ تشلعين گلبي تمشن وياي ماكو بيت عمج
استبرق
وإني ماروح وياج والله تاخذيني بتابوت وما اروح على رجليه
خديجه
يديت الطم شتردين فهميني خبلتيني كل مصيبه ولا الثانية كبرتي تصيرين عليه بلاء
تعاونيني لو تصيرين ضدي ولج
استبرق
يمه أنتي من يصير لازم ادافعينه تروحين وتسكتين
ومن المفروض تسكتين تبقين بس تحجين
شخصيتج ماعرفها من شنو صايره
مااا أمن بيج يعد ايدج والضرب ايدج والاهانه اسكتي لا تحجين لأ تناقشين بس تخزرين
تغبت تعبت تعبت
خديجه
بقت تملخ بنفسها
كلكم عدوان كلكم تكرهوني بقت تصرخ ركضت عليها حضنتها دفعتني
تصرخ ماريد حنانج ماريد بعد تقشمريني
تشوفيني صغيره وتشوفين إني ماعرف اتصرف شنو التصرفتي صحيح أنتي
قبلتي برجلج يتزوج وسكتي
وانوب تعاتبين الناس ليش ضامين عليج
وتعيرينهم بخلود خلود عرفت شلون تتصرف واخذت أبوي وحتى قشمرت عمامي اشترت براس أبوي كاع واخذت حصتها ويانه وماخذه حصه فضل وتالي شمرت فضل وراحت تشوف حياتها مستقله وأنتي لأ كادره تحمينه ولا تعيفينه ولا محصلين شي ولا انتي مره تعرفين شلون تاخذين عقل رجال
ولا حتى كسبتي حامد إلي بعبع يمنه وجريذي يم ايمان كلهن ماكدرتي عليهن وابقى وياج المن المن كليلي عمامنه وخوالنه ماعرفتي تخلينهم لجانبج أنوب اروح يم الغريب وهم هناك اشبع مهانه وضرب كدام الغربه لا عاد هذوله عمامي اندك ينغلط عليه واحسن من الغريب هسه حسيت حامد زين النه
خديجه
ماروح استبرق وراح افسخ العقد واكعد اربيج من جده وجديد واعلمج شنو معنى ام وآلام إذا قربت بناتها مو معناها يصيرن شرسات عليها ويطولن لسانتهن.ارجع اعلمج الأم شلون متعرف تتصرف
صفا
أمي كاعده بالصاله واستبرق ببطن خانه الكنتور تكعد من تضوج صار بينهن هذا الحجي وجان عياط جواب أمي الاخير ببرود وطلعت بالصالة سمعت التلفون يدك عمو عمار وما جاوبت
وراها صعدت عمه سرئ
سرئ.
صعدت خديجه وجها مصبوغ أحمر اصفر وصفا يم الدرج
واستبرق بالغرفه
شكوو ام استبرق شنو عمار منتظرنه يلا
خديجه
ماروح ام فاطمه
سرى
شنو مترحين شصاير فهميني
طلعت استبرق من الغرفه
ووجها مليان دموع وجها أحمر..
استبرق
عمه اخذو أمي لرجلها إني ماروح
سرئ
شببج عمه شنو الصار
استبرق
ما صار ابقى اريد يمكم
شنو متردوني
سرى
لأ عمه مانريدج شنو غير افتهم فرحتج بروحتكم لبغداد
والصار يم عمج حامد شغير رايج
خديجه
إني مو كتلج لأ تكمزين وتحجين
ولي للغرفه وما مسموحلج من هاي اللحضه تفتحين حلكج ولي
سرى
فاتت استبرق للغرفه
وكعدت يم خديجه
فهموني شكووو
خديجه
هاي بنتي تتهمني إني ما تصرفت صحيح بعمري وكل السويته غلط وإني اقتنعت إني ماربيتها صح ماروح لبغداد
أصلا قبلت بالسيد علمود بناتي ردت حياتهن تتغير شفت نفسيتهن صفر ردت ابعدهن
استبرق متقبل تروح وياي عليمن رايحه
سرى
خطأ تحليلج
بنتج بعمر قراراتها كلهن بتسرع ضيفي الهه مرت بضروف خلت عقلها يتخربط
إني عن نفسي اكول حالياً استبرق تحتاج تسيس ابد ما ينضغط عليها لأن جاي تعاند خلي عمها يحجي وياها
نزلت وسولفت لعمار
عمار
صعدت كاعده خديجه وحدها البنات بالغرفه
صحت عليهن اجت صفا
روحي عمو صيحيلي استبرق
ما اجت صحت إني
تعالي استبرق
طلعت
استبرق
عمو مااا اروح لبغداد ما اروح ما تردوني يمكم اروح لبيت حامد
عمار
تعالي عمو
سحبت ايدها ونزلت
فهميني شغير موقفج شصار
استبرق
أمي مثل حامد بس الفرق أمي مأخوذ عنها هي فقيره
بس أمي مو فقيره حابه هذا الدور
عمار
زين زين يعني ماتردين تعيشين وياها ؟
استبرق
أي خليها تروح
عمار
خوش استبرق إذا شفتي امج ما ضحت ولا تعبت ولا علمودج أنتي واختج شافت الضيم
ولا حتى زواجها هذا علمودجن فلا تروحين
ابقي يمي
طلعت يلا ام استبرق نروح
خديجه
لأ خويه إني مكاني يم بناتي شعندي إذا استبرق هنا تريد يم عمامها إني باقيه
عمار
تعالي أم استبرق استبرق جوه بعدها
شوفي بنتج عنيده وتحتاج صعقه يلا ترجع لوعيها وما يصدمها إلا بعدج عنها لأن هي ما مجربه مفاركتج من باب التأديب خلي نخليها هنا وشوفي كم يوم إلا هي تريد ترجع لج بنفسها
خديجه ماكدر اعيف بنتي خويه
عمار
ما تعيفيها بعيد يمي وبأمانتي وعدج بوعد وخلفت بيه ؟؟
خديجه
شلون اعيفها ما أكدر خويه
عمار وداعتج افضل الها
اخذتها گوه وخليت سرى يم استبرق
نزلت خديجه وصفا واستبرق بالمطبخ واكفه طلعنا وهي تباوع
خديجه حسيتها راح تضعف
گلتلها يلا السياره من زمان واكف السايق
طلعنا واستبرق ولا باوعت لأمها وخديجة بدت دموعها تصب
صعدت وعيونها على الباب جانت متأمله تجيها استبرق حتى ما فتحت الباب
مشت السياره وإني اباوع على المرايا اكول خديجه لأ تنزل اشرت للسايق امشي سريع
خديجه
أحس انسحب مني گلبي من طلعت واستبرق اعرفها متوتره بس ما تريد تبين بس استبرق بقت تحك بشعرها اعرفها من تضوج وتنقهر وتتوتر هيج اسوي
تأملت تتندم وتجي ماكو
طلعت بينا السياره خابرت على سرى
ام فاطمه بنتي بأمانتج
سرى
لاتهتمين أم استبرق
اباوع لاستبرق عرفت امها الاتصلت
ها استبرق تشوفين قرارج صحيح
استبرق
أي احسن خلبها تعيش إني حمل عليها
سرى
من تصيرين أم يلا تكدرين تحسين الام شيصير بيها ببعدها عن اولادها او شلون إحساسها إذا اولادها يسمعونها كلام جارح
امج تعبت بحياتها وشافت ضلم
علمودج أنتي واختج صارت تتقبل وضع هي ما تريده بس على العموم يلا همزين يمي تبقين
امشي البسي تروح لاهلي اجيب الجهال ونتعشى يمهم ونغير جو
محبيت اكللها عمار وصاني اطلعها واخليها تغير جو
اخذت الجهال وطلعت اخوي ويانه وصلنه لأن بليل نزلتهم يم سوبر ماركت جبير
كلت لاستبرق اخذيهم اشتريلهم
خديجه
وصلنا بباب بيت سيد موفق
لكيت مسلم واكف
فتح الباب
دخلنه إني وعمار وصفا
من الطارمه الخارجية شفت العلويه واكفه
منتظرتنه
سلمت علينه ومسلم دخل عمار بالاستقبال
أول سؤالها يعد السلام وين استبرق
جاوبتها بقت يم زوجه عمها أبو فاطمة إلي جابني
دخلنه وبيدها صفا تبوس بصفا وتلعب بشعرها أحس صحتها افضل
العلويه
حبيبه گلبي خديجه
هذا بيتج من هاي اللحظه...والليله ترتاحين أنتي وصفا
وباجر نسولف بهواي اشياء تخصنه
وهسه على وصول موفق خابرته
خديجه
ثلث ساعه واندك باب الاستقبال
كالت العلويه
راح يدخل موفق وياه عمار
استغربت شنو يدخل عمار
لبست العلويه بوشيتها
ودخل عمار
سلم وردت العلويه السلام
وانوب دخل سيد موفق كال السلام عليكم جاوبت بالسلام
موفق
علويه أبو فاطمه بمثابه اخ لام استبرق لذلك للاطمئنان يدخل ويصعد لبيت اخته
عمار
يكفي ام استبرق تصعد وتشوف البيت وهي تنطيني الاطمئنان
موفق
لأ أنت وهي تصعدون وأي ملاحظه خلونه بالصورة او تعديل او اضافه احنا حاضرين
خديجه
صعدنا إني وعمار الطابق الثاني
غرفتين فتحت أول غرفه بيها سريرين وفرش بناتيه وكناتير وميز تواليت
ومرتبه كلش
والثانية غرفة نوم حديث موديلها
وغرفه ثالثه فارغه بس مفروشه
نزلنه
والعلوية وسيد موفق بكعدتهم
بقى يسولف السيد وي عمار
موفق
أبو فاطمه هذا اعتبره منا وهيج بيت اختك شوكت ما تحب تتفضل تنورنا
الغرفه الكبيرة للبنات واكو غرفة فارغه إذا حبو البنات غرف منفصله كل وحده نخليلها غرفه
وهذا البيت إلي جوا العلويه كالت لام استبرق بيتها
أي ملاحظات اتفضل كول
عمار
كل إلي بالبيت بصراحه مو مهمات
لكن اوصيكم بشي وأحد
ام استبرق بامانتكم
والبنات بعون الله أي مستجدات بحياتهن إني رقمي صار عندك
الاريده فقط تراعونهن وإذا أي شيء احتاجوه البنات اتصلوا عليه
اضمنلكم ام استبرق باخلاقها واحترامها وتصون للامانه أن شاء الله حياتكم تمشي بخير وسلامه
إني اترخص تعرفون وراي درب
موفق
بات اليوم ومن اصبح افلح
عمار
بيت العامر لكن بيتي محد بيه
قبل لأ اطلع سلمت على خديجه
شوفي خويه الدرب مو بعيد تلفون عندج أي شيء يصير خابريني اجيج ربي يوفقج وي موفق وضحكت ردت اكسر التوتر ااشوفه بعيونها وعرفها بالها يم استبرق
لاتخافين استبرق بعيوني شبيج كم يوم وتكلي وديني لبغداد
وهو إني راح انطردبسبب الاجازات
خديجه
خويه تره استبرق تهدد تموت روحها بعد شوف عيوني لأ تغفل منها بلكي شورك والتأديب يجيب نتيجه خوفي تزيد ماتنقص
عمار
لاتشيلين هم
خديجه
محضرين صناديك وكراتين لعمار
كال السيد لمسلم يصعدهن لعمار
أول مرة ماقبل يوصلونه بس اصر السيد گله هذا عشاك لأن ماتعشيت يمنه
وراح
محضرين عشا النه كالت العلويه اصعدو أنتي وصفا بدلو وارتاحوا
وانزلوا تعشو
صعدت لغرفه البنات فتحت الكنتور صفا
لكت ملابس هواية على مقاس صفا واستبرق
إني طلعت ملابس اليه من جنطتي ونزلت
العلويه
تفضلو تعشو بس الليله أنتي ضيفه خديجه
وراها ام البيت
خديجه
خلصنا العشا عدهم مره كييره بالعمر كفت الاكل دزت صفا عليها كالتلها صيحي ام مروان من المطبخ
راحت صفا
العلويه
أم مروان عيوني اخذي شكو أكل بقى لجهالج وتلكين فوك الثلاجه غراضج اخذيهن وتوكلي على الله
وأنتي حبيبتي خديجه
اليوم ترتاحين وباجر الصبح نسولف عندي هواية اشياء
خديجه
صعدت أول ما دخلت الغرفه خايرت على سرى
كالت احنه جبنه عشا من برا تونسنا إني واستبرق والجهال هسه دخلنه للبيت
تمنيت تكول استبرق أريد احجي وياج ما حجت
المهم اطمأنيت عليها
بليلتها ماكدرت اغفا متغير مكاني
وإني من يتغير مكاني ابقى يومين أكثر يلا اتعود
صفا نامت بسرير فرحانه وإني نمت على الأرض كلت هذا سرير استبرق محد ينام عليه إلا هي أول مرة تنام عليه
نمت يم صفا لحد ما غفت انوب تمددت على الأرض وافكر واراجع كلام استبرق صحيح إني الغلط
إني ذبيت الوم على غيري وارجع اسرح بغير موضوع لحد ما سمعت الاذان الفجر
اكو حمام برا غرفه البنات بيه غساله حوضين
توضيت
وطلعت سجادتي مال الصلاة كملت صلاه وبقيت ادعي لبناتي واخذتني الغقوه على السجادة غفيت
العلويه
كعدني موفق للصلاه
صلينه وصعدت اشوف خديجه
لكيتها بغرفه البنات وغافيه على السجادة مال الصلاة حركتها
هاا خديجه
خديجه
فزيت وين إني تذكرت إني ببيت العلويه هذعطر بيتهم وهذا اثاثهم
بداخلي گلبي مضلم لأن استبرق مو وياي
العلويه
هاا شبيج ليش نايمه هيج اصعدي نامي على السرير
خديجه
لأ خليني هيج انام مرتاحه.
سالتني محتاجه شئ وبعدها كالت احنا ناكل لكمه تاكلين ويانه
اصعدلج أكل
لأ علويه ما اشتهي رح انام يم صفا
بالفعل بقيت يم صفا على سريرها
حسيت وؤاها كعدتني صفا ساعه ٩كاات
نزلت بس العلويه بالحديقة
اشرت تعالي كلت للعلويه صباح الخير
ولنفتح الباب
ام مروان اجت سلمت العلويه كالتلها
سويته ريوك
سألتني على صفا كلتلها نايمه
العلويه
شوفي خديجه
خلينه نتريك ونسولف
بدينا ناكل إني وخديجة
إني جنت بسادس ابتدائي وجان جدي أبو موفق هو جبير العشيره
سيد والكل يهابه
أبوي اصغر منه
عندي ثنين خوات
بتول ام ياس وقنديل اكبر مني
الجبيره ام ياس تزوجت هم كرايبنه بس مو اخو موفق
وقنديل تزوجها ابن خالي بس بمحافظة بعيده عن بغداد
عمي أبو موفق جان يكول ولا وحده صارت لموفق كلهن اكبر منه
إني أكبر من موفق بست سنوات
بس من راد يموت أبوي وطبعاً بمرض خبيث مثلي
كال لعمي أبو موفق
أخذ انعام لموفق ما أمن على انعام
و بالفعل عقدولنه إني وموفق
بس بعدين عرفت من موفق
كال إني احبج
وهالشي خفف عني أن هو يجوز انغصب بالمروه من ابوه وعمه واخذني وإني أكبر منه
لكن صار سنين ولا مره شفت منه شيء موزين لاخشن خاطري ولا خلاني ابات بدمعه
الحمد لله
لهذا ما اوفي حقه لأن عيشني بدلال فاخاف وحده تاخذه وتخرب حياتنه
اختاريتج أنتي دونا عن كومه مرشحات اله
قبل سنوات وإني ادورله
تدرين وإني ادورله كشفت هواية وجوه بالوجه مرايا وبالگفه سلايه ومن المقربات اليه
إني ما خليت اخواتي يعرفن
اكلي اكلي إني أريد اسولفلج هاي الأمور لأن بعد أنتي منه وبينه قبل ماكدر احجي هاي خصوصيات
اخواتي الشفتيها ام ياس
ما تركتها من يوم إلي تزوجت موفق لليوم لكن تدريجيا عرفت هي تستغلني وتسحب مني فلوس فلوس كما تجي عدها فلم واصدك جنت وانطيها
لحد ما كشفت كذبها واستغلالها بس تتوقعين اكللها
لأ خليتها
لأن بينهم يكولون
شفايتلها موفق يباوع لحلگها
بالحقيقة الرجل يباوع لحلگ المره إلي تنطق كلام حلو وكلام عقلاني وكلام بيه مخافه الله
من كشفت كل شخص يجي وشنو غايته
بدينه إني وموفق نسوي خير بس ماخليناهم يدخلون بحياتنه ننطيهم بس بعدناهم
فقط مجامله بقاءهم بحياتنه
هالكلام كلتلج عنه حتى تعرفين تتصرفين من يجون إني راح اقدمج زوجه موفق اتجاهلي أي تعليق أي كلام أي اساءه إني عدله اردلج اعتبارج إني اموت موفق يعرفهم
خديجه
اسم الله عليج
العلويه
هاي دنيا ومحد يضمن حياته
خاف متعرفين مازال بعدني بالحياة انتبهي لكل الناس إلي تدخل لهذا البيت وإني انورج بكل شخص شنو هو
خديجه
علويه ماطول أنتي حجيتي أدق التفاصيل فاني لازم اكلج
سولفتلها عن استبرق بس مكلتلها عن حامد ويريد يتزوجني كلت تصير حزازيات وهمه عمام بناتي
العلويه
اطماني إني احل موضوع استبرق خليها فتره هناك وكلام عمها صح خليها تفاركج وتغهم موقعج
وهسه نحجي بتفاصيل موضوع زواجج من موفق
شوفي خديجه ماكو قوه بالكون تمنع ام من اولادها بس إني اطلب منج طلب إذا بعدني عدله وأنتي صرتي حامل فإني محضره غرفة للطفل جوه يمي إني اشيله وإني اكبره
شتكولين
خديجه
أن شاء الله علويه
العلويه
بعد اكو شئ ثاني
باجر يجي محامي يصدق عقدكم نفسه للمحامي ينطيج عقد الأرض مهرج
بعد تصديق العقد وتستلمين مهرج
نسولف
خديجه
ثاني يوم اجه المحامي بالفعل صدق العقد وقعت اله
وانطاني عقد بيع وشراء ارض سكنيه طابو صرف باسمي
وراحوا هو والسيد
اجت العلويه يمي
العلويه
هسه تعالي لغرفتي
خديجه
دخلنه لغرفه العلويه
ع الميز علبه جبيره بيها تخم ذهب وسوارات وساعه
وطلعت ملابس كالت بعد الاسود تذبي اليوم
إني باجر اسافر للبنان عندي عمليه لازم اروح تبقين الليله اجهزج لغرفتج ولزوجج
وها
أخذ صفا وياي وهم اخلي هناك يشوفها طبيب نطمان على صحتها
ام ياس راح تروح وياي
خديجه
احس بتوتر من كلامها أحس صارت صدك
بس علويه ليش تسافرين
العلويه
تدرين إني مريضه ولازم اتعالج حاليا لازم اطيب اريد اشوف جهال موفق
يلا آخذيهن وين صفا
خديجه
اجت صفا طلعت العلويه علبه لبست صفا تراجي
وكلت لها اخذج وياي للبنان وفرحت صفا بس سألت ماما ويانه كالتلها غير مره نروح كلنه وويانه استبرق من تجي قنعتها
ثاني يوم العصر
كالت العلويه هسه تصعدين تبدلين بملابس الي تلكيهن على السرير
وتعدلين نفسج
موفق ميحب المكياج فقط عطور خلي يوصلني موفق وأول ما اوصل لبنان اريد تتصلين عليه تكليلي تم الزواج بصدق
العصر سويت الكالت عنه
وخايفه خايرت سرى سولفتلها اريدها اطمأني وسألتها عن استبرق وبقت تحلف ماخذها عمار وياه لاتخافين كالت
ودعنه العلويه وصفا اخذت روحي خفت بس من شفت اهتمام العلويه بصفا شويه هدأت اجت ام مروان خلت صواني بالمطبخ كالت هذا عشاكم وراحت فرغ البيت وإني فوك خايفه
سمعت دفعه الباب الخارجي مال السياره
هبط گلبي عرفت سيد موفق اجه
بقيت افتر ساعه اكعد ساعه افتر.حسيت جسمي لزمته الخفاكه من سمعت دك الباب ودخل إني كاعده وارجف اسمع طگه سنوني
كال السلام عليكم
