 |
رواية بيت الخبازه الفصل السابع والعشرون 27 بقلم زهرة الرمان
بسم الله الرحمن الرحيم
السلام عليكم ورحمه الله وبركاته
#بيت_الخبازه ...... #بارت٢٧
في قوانين الفيزياء كل متشابه متنافر
ك أقطاب المغناطيس
حامد
كملت الجواز سيف ؟
سيف
أي يأبه جاهز باذن الله بعد بالضبط اسبوع اطلعون رحت للمكتب
خديجه
شگلت خويه عمار
تكدر تروح وياي بنفس اليوم نروح ونرجع
عمار
انتظريني اروح أخذ اجازه واجي جهزي نفسج وأنت سرئ هم ابقي اخذلج اجازه
خديجه
البنات يفترن وراي خلينه نروح وياج
يمه بنفس اليوم ارجع بس تعب الطريق ابقن يم سرئ
خاف خطيره حالتها وابقى أكل بروحي إذا صار بيها شي
طلعنه إني وعمار وامشي واوصي لأ تشغلن طباخ ابقن يم سرى
وصلنه للمستشفى الوصفها السيد
دخلنه عمار سأل باستعلامات
عرف مكان غرفتها
صعدنه بطابق ثالث
دكيت الباب
صوت ام ياس اعرفه اجت فتحت الباب
عيونها وارمه من البچي بس سلمت ردت اشوفها وينها
كالت اكعدي اخذوها للفحص هسه ترجع
شنو القصه ام ياس
ام ياس
هي بدت مثل ما كال الطبيب الغدد المنتشره تضغط على جسمها تتوجع بس تفقد الوعي لو الغصه هاي زادت
أنتي منو گلج
خديجه
هاا سمعت فهمت هي متدري او السيد والعلوية مرادو يكلولها
بقيت شويه وعمار برا سمعت صوت عمار يسلم
انغتح للباب
رجال ساند العلويه دخلها وخلاها على فراشها بس كال السلام عليكم
العلويه شافتني اشرت تعالي وكفت ردت الرجال يوخر منها
عدل نومتها وطلع
حجه وي ام ياس
وطلع
العلويه
تعاي خديجه
خديجه
الف لأ بأس عليج علويه شده وتعدي وأنتي قويه
العلويه
أي يسلمج ربي خديجه
خديجه
بصوت مخنوگ وحروف متقطعه
خديجه
لأ اتعبين نفسج
العلويه
ام ياس روحي جيبي شي تشربه خديجه
خديجه
لأ ماريد بس شفت العلويه تاشر
وام ياس لبست عبايتها وطلعت
العلويه
خديجه تقربي
فكرتي لولا
خديجه
طيبي علويه ويصير كل التردي
العلويه
لأ إني اطيب من تكولين أي
خديجه
أن شاء الله بس تصيرين زينه يتم كلشي الردتي
العلويه
يعني قبلتي الحمد لله ألف الحمد لله
هاي هيه ترديني اطيب هسه يعقدللكم سيد نوفل
خديجه
لأ علويه بناتي مو وياي وإني ما يدري احد هسه
العلويه
امرج بيدج خديجه
. خديجه
اطلعي من المستشفى وتدللين
العلويه
وإني اريد اليوم وديت عليج حتى اروح لوجه الله مرتاحه
خديجه
اسم الله عليج لاتكولين هيج مو گلتي اساعدج بربات البنات والاولاد اليجون
العلويه
محد يكدر يعارض أمر الله إذا نفذ
خديجه
ورب العالمين رؤؤف رحيم واطيبين وأنتي بيدج يصير العقد
العلويه
شوكت خديجه
خديجه
قريب وداعتج
العلويه
منو جابج
خديجه
حماي عمار
سحبت التلفون وبقت تحجي بصوت ناصي
وراها بدقيقه دك التلفون عمار كال تعالي برا
طلعت
عمار
أم استبرق تعالي برا شويه عندي وياج موضوع
خديجه
طلعنا برا المستشفى اكو جزره وسطيه مقابل المستشفى مخلين مثل كرويتات
كعدنا
عمار
إني قبل يومين سولفت وياج كتلج اخذي خطوه وقرار وفهمت من سرئ أنتي اقتنعتي بعرض العلويه
الاستجد
هسه شفت السيد وسولفلي عن بيت سلمان الغيدان طلعوا خواله وناس معروفين واهل دين ومال
وهو الرجل السيد خيره الاخيار هنا
وكال تتسجل قطعه باسم ام استبرق والبنات باذن الله اوصلهن لبر امان ويعيشن بناتي وبحمايه الله وحمايتي
خجلني بصراحه من كال هاي العلويه تتصل وتتوسل وهي مريضه يردون نعقد هسه ماطول إني موجود وابن سلمان الغيدان اعرفه كال اخلي يجي ويصير شاهد على العقد
شكولج ام استبرق
خديجه
خويه أنت مو كلت لمن يروح حامد
وبناتي هناك ومادري هيج بسرعة بسرعة
عمار
وشنو حامد راح يشوف ختم بوجوهنه مال عقدج ماله داعي نگله
وأول وتالي شنو تعقدين وياخذونج
خوماكو شي خذوهم فغلوهم
اعقدي وارجعي وياي بس حتى تطمأن
العلويه
وبعدين الله يحلها
خديجه
مثل الصرت أمام الامر الواقع
رجعنا نمشي بممرات المستشفى عمار رأسا حجه كال
هاي هيه سيد
رفعت راسي بعفويه بدون معرفة شفت كدامي رجال لابس بنطرون وقميص شعره ثخين بس بيها خصله بيضه مشيبه
دنكت بقوا يحجون وإني دخلت لغرفه العلويه شفتها تحجي بالتلفون
خلصت مكالمتها باوعت بوجهي اشرتلي
تقربت منها باستني بخدي وبصوت خافت كلش متريد أم ياس تنتبهه
(فضلج ماانساه) بصوت متقطع وخافت
حسيت بوجها فرحان
وبنفس الوقت إني جبل ع گلبي صار ألف تفكير فكرت وخايفه من حامد گلبي مقبوض بقينا لليل يم العلويه ام ياس اجاها ابنها وراحت
والعلوية طلعوها للبيت
إني وعمار بسياره مسلم
والعلوية والسيد بسياره وبيها هم سايق وصلنه لبيت السيد
ولگينا يمهم إبن سلمان الغيدان
معروف بولايتنه
وسيد هم يعرفونه
والعلوية كالت اوكفي هنا همه بالاستقبال وإني والعلوية بالصاله وبلحضتها صدك خفت
خوف وتوتر وكل الامور تجمعت كأن إني بعدني عمري عشرين سنة
سمعت يسأل وأحد هل تقبلين اكون وكيلك
وبعدها بقى يكرر هل قبلتي هل قبلتي واريد انطق انحشرت الحروف ببلعومي اريدهن يطلعن صوت گوه
نطقت وارجف
والعلوية تشجعني احجي جاوبي
جاوبت إني
وراها سمعت صوته من گال قبلت
ماعرف ليش صار نضري على العلويه من كال قبلت ردت اقرأ وجها واحساسها من زوجها ينطق بالقبول لزواج وحده ثانيه العلويه بوجها كبرياء وشموخ مشفته عند أي امرأه
بس ذيج اللحضه شفت عيونها مثل الصارو بيهن دمع بس مخلت دمعتها تنزل
بس نطقت الحمد لله
اخذت ايدي ورحنا للصاله وأحسها گوه تمشي اتگات عليه
ومن كعدنا
العلويه
بالمبارك يارب هذا البيت ينسمع بيه صوت اطفال قبل عيوني تنام
خديجه
يبارك بعمرج وعافيتج وأنتي بيدج اشيلين الأطفال
دك التلفون كال عمار السيد راح يدخل لازم تشوفينه لأن كال لحد الآن ماشايفتني ام استبرق
يقيت ساكته واشوف العلويه تباوع عليه تترقب كل حرف انطقه ومتدري عمار شكال
سديت التلفون
سألتني عم البنات
أي علويه عم البنات يكول السيد يريد يدخل
گامت وراحت للاستقبال فتحت الباب واشرت للسيد دخلته وإني امثل الثبات لأن خجلانه من الوضع ومرتبكه كعدت العلويه وبقت تحجي
العلويه
عيوني ام استبرق هذا السيد أمام الله هسه زوجج ولازم تشوفين الشخص إلي عقدتي اله زوجه
وقرري الوقت إلي تجين أنتي والبنات هنا واحنا نحضرلج المكان بالطابق الثاني
يكفي الكم أنتي والبنات
خديجه
إلي تشوفي علويه مناسب إني قابله
السيد
عندج أي ملاحضه او شرط او شي تضيفي
خديجه
من سألني بس جاوبت لأ
لأن الاتفاق وي العلويه وهي أمنتني اهم شي بناتي وهي حاسبه حسابهن بعد أي شيء مو مهم بالنسبه اليه
موفق
اذن الحمد لله
أبو فاطمه يكول نرجع فقرري من ترجعين شوكت تنتقلين أنتي والبنات بلغونه ندز الكم سياره
خديجه
بس أن شاء الله كلت وگمت ودعت العلويه
وطلعت من باب المطبخ لكيت عمار واكف
محضرين سياره توصلنه
طلعنه ويانه السايق مكدرتا نحجي
وصلنه بساعه متأخره من الليل
سرى والبنات نايمين كلهن بناتي وجهالها بالصاله
كعدن بناتي وسرى
بقت استبرق تسأل شكو شو عمه سرى اتصلت على عمو عمار كال نتأخر شبيها العلويه
جاوبت بس ماكو شي وصعدتهن وصعدت ووجه سرى ألف سؤال يسأل كلت عمار يسولفلها
أبو تقي
مو گتلك الما يريدك لأ تذب نفسك عليه
شنو تريد ترجع تعيد الطلب عليها هي ما قبلت عيفها
شنو مثلاً من تكللها اخذج وانمشي للعمره تقبل بيك شبيك تهرفلت حامد متخصبگ اشوفك خويه شني رديت تتمعشگ من خلصت الاربعين
حامد
أنت شبيك اكلتني حاصل فاصل
إني أريد اقنعها تقبل بيه
أبو تقي
ليش ماتكللها إني عاشكج يبت السد خان وخلص السالفه
حامد
أنت تدري إني كم مره ردت اخطب
من زمان اريدلي ثانيه وتخرب دومها
ومن راح لرحمه الله أخوي
ما مخلي السالفه برأسي بس النگ مال ام الولد وبقت تعيدو تزيد
خلت سالفه زواجي من مرت حاجم تكبر بدماغي
شويه شويه صار موضوع عناد
أبو تقي
لأن رفضتك أنت علگت عدك بس مو عشك ابد
اكو نسوان من تتعاند عليها وتلح عليها تنجذبلك
واكو العناد وياها يزيد عنادها
كف منها ماتهوا رجل يجوز ماتريد تتزوج
حامد
إذا هي عنوديه إني اعند منها وإذا على الزواج..فأبشرك اكو اليخطبونها ولو شايله الزواج من رأسها جان ما كل يومين تجيها ام بغداد الا هي مدنيتلها واهس
اروح واعيد عليها بلكن تفك الچبسه
خديجه
ثاني يوم الصبح سولفت لاستبرق وصفا
احس فرحن بس بقن يسالني وين نكعد وشوكت نروح وشنو نسوي
يعني مهتمات بالموضوع
بقن وحده تسولف للثانيه نسوي هيج وهالشي مناخذه لبغداد وهلشي نخلي لفطومه ويرجعلي يمه ناخذ هذا يمه نسوي هيج
وإني اباوعلهن وعقلي وخوفي من حامد
لحد ما سرئ صعدت
باستني وباركت كالت إني مطمأن گلبي من هالزواجه احسه تغيركم مو بس تغير حياتج أنتي البنات هم يتغير مستقبلهن ببغداد
سكتت وهي فهمت سحبتني للصاله
سرئ
شبيج بشنو تفكرين أصلا اجت عدله كم يوم ويسافر للعمره خابري العلويه وروحي
خديجه
اروح ولانه لاحگني وفاضحني كدام العالم الغربه انوب
سرئ
عمار گلج خليه عليه هو شاهد عقدج وهو شاف الناس معليج شبيج خلي لنفسج فرصة فرح مبوزه ههه
خديجه
هيج هم رح اشيل هم عمار شنو ذنبه
سرى
ذنبه اخوج مو تكولين احن عليه من أخوي من أمي وأبوي
خديجه
بقيت يومين ونترقب عسى ولعل يكولون سافر حامد
البنات متحمسات اكثر مني
مر يوم
والعصر رحنا لطبيب صفا سوالها فحص واشعه
وطلعنه من الشارع العام وشفنه حامد جاي علينه إني وياي حسنين ابن عمار وصفا
طبگ بسياره صديقه الضاهر
طلع راسه كال اصعدوا اوصلكم
خلصتو شغل لو اجيب عدكم علاج
جاوبه حسنين
لأ عمو ماعدنه
وصلنه للبيت ودخلت توقته راح
بعدني يم الدرج وصاح ام استبرق تعالي اريد احجي وياج
عمار وزوجته طالعين
اجيت امشي واحس دگات گلبي يوصل صوتهن برأسي
نعم أبو شكر
حامد
نعمله عليج ..اريد احجي وياج
خديجه
أي گول
حامد
خديجه إني لأ أول ولا آخر رجال يتزوج على زوجته ولا أول وآخر رجال يتزوج ارمله اخوه وخاصة اكو بنات بينكم إني نواياي احمي بنات أخوي وأنتي عشتي ويانه وكبرتي ويه اخوانه
صرتي منه نعرفج أكثر من الگرايب
خديجه
خليني اقاطعك بالخير أبو شكر
مساله تحمينه بهذا الزمن تعلمت بس الله الحافظ واليحمي بني ادم
ومال مو أول واحد ياخذ ارمله اخوه
تصير وخاصه بولاياتنه
بس إني لأ إني لأ اتزوجك ولا اصلحلك ولا اصيرلك
شيلني من هالعرف ارمله اخوك لازم تتزوجني ماا اتزوجك
حامد
يعني مشكلتج تعاندين ماترضين بيه
يعني من أحد يريد يتزوجج شنو تزوجين
خديجه
وأنت شنو لازم تتحكم اتزوج او لأ شعليك
حامد
مااااتتزوجين
اذا وزج عقلج تعيفين بناتنه وتولين.ذيج خلود عبن تعرف عرفنه بناتنه مايربيهن غريب خلتاها ولد وراحت
تزوج صبي يهودي شامي نصراني مالنه لازم
أنتي كذلك
خديجه
وأنت امين وتريد اعيف بناتي بامانتك طردتني ورحت خبلت وحده لهسه اعالج هاااه هاي جيتي من الطبيب والثانيه شوهت وجها شتريد اخليهن ذبايح الك
حامد
جااااا أمشي عدل تزوجيني وابقي مكابلتهن
خديجه
مااا اتزوجك
جاوبته واسمع ورأي استبرق جاوبته
شنو تتزوج متزوجه
حامد
انچبي أنتي ابوج الله يرحمه
ماتعتبر هسه متزوجه
استبرق
لأ أمي تزوجت غير أبوي وكف من عدنه خلينه بحالنه
خديجه
خليت أيدي على حلكي عزا وصخام
ما صبرتي يا استبرق
اجه عليه تقرب
حامد
هااااي شكاعد تكول
خديجه
اريد اجاوب بقيت احجي ماكدر
بده صوته يعلى يصيح احجي مو وياج إني
واجه صوت عمار وراه
عمار
هاا أبو شكر
حامد
تعال بلا اسمع شتحجي بت اخوك تكلي أمي متزوجه
عمار
أي صحيح أبو شكر
حامد
شنو الصحيح ولك
عمار
تزوجت خديجه
حامد
لأ تجاوب تگطم شنو تزوجت ومنو التزوجها ومو هاي كبالي
عمار
ابو شكر.خويه جنت همك ومهمومك تريد تطمأن على بنات اخونه
إني اطمأنك إلي تزوج خديجه
إنسان معروف وخير ضمن حقوق خديجه مهرها ارض طابو صرف والبنات گال بحماا..وقاطعني
حامد
ولك عره الزلم شنو ولك فرحان مخليلها قطعه ارض
وبناتنه يا گرن يربيهن زوج الهانم
هذا أنت أنت المزوجها يااا عار
خديجه
صارت هوسه عمار يريد بس يهدا حامد وحامد يحجي عليه وبعدين اندار على استبرق
وعاط ولي البسي قندره على راسج وجيبي اختج تمشن وياي حتى اخوتي يا هو الاكول عنه هذا زين يدك الناقصه بيه دذاك جان كوا.......... على خلود تزوجها
وهذا ياخذه بيدها ويعقدلها
استبرق
إني امشي وياك لو اعتب بيتك شبيه تخبلت لويكولون الجنه بيت حامد الداود ما اروحلها ابقى بجهنم
خديجه
استبرق جاوبته هيج وهو تخبل يريد يهجم عليها و وهي بالباب الداخلي مال المطبخ وهو يم السنك يم باب الخارجي مال المطبخ وعمار واكف بوجهه يدفع بيه ولا يتحرك عمار
وإني ركضت أريد اسحب استبرق ماريدها تلاسنه وخاف يضربها
باوعت هيج اشوف صفا يم الدرج إلي صاير بنفس حايط المطبخ
خاتله صفا اسحب باستبرق وما تتحرك استبرق تجاوب بحامد
وشفت صفا
ياااا......ت ع نفسها
بقيت الطم رحت اريد اشيلها
ترجف
واشوف حامد وصل يم استبرق يريد يسحلها
بعدني اباوع على صفا خاف تتعارض مثل ذيج المره
انداريت واشوفلج استبرق
لازمه سجينه جبيره
استبرق
وروح أختي
وروح أبوي العافنه بيدك بس تتقرب
اموت روحي وابليك واخلص أمي من مصايبك
مااااا نريدك شتريد منه
عمار
عمو استبرق اشمريها
استبرق
بقيت ادفع حيل يالسجينه على بلعومي واحس إذا اموت اخفف على أمي شنو ذنبها حامد يتحكم بينه
حامد
كلشي يطلع منج عابره وعرمه وصلفه
موتيي روحج موتيها حتى يكولون يت خديجه وحاجم شسوت وموتت روحها
كلشي يطلع منجن
استبرق
من حجه هذا كلامه دفعت السجينه حسيت انجرحت وردت ادفعها اكثر واتسحبت اديه تچتغت اديه حيل ويقت أمي تصرخ انذبحت بتي
سرئ
من شفت اللهجه صارت عاليه وصار غلط وتجاوز صار ياستار البيت يغلي عرفت راح تصير مصيبه كلت لحضه تهور وساعه شيطان ويسحبون الكدامهم ويتضاربون
وأعرف حامد يضرب ما يحشم احد
بديت اخذ يده الهاون حتى الجدوره
شلون مشفت السجين صايره جوه قطعه القماش كماشه الجدوره من سحبها حامد صارت ايدها على الكاونتر بعفويه كمشتها
واشوف خديجه انشغلت بصفا مبلله نفسها وتخاف عليها
هم تتخربط من أي صوت
بلحضه جراه مني چتفتها واخذت اديها منها انجرحت رگبتها
من كثر ما تدفع السجين على بلعومها انزلغت واشوفها ما بعيونها خوف
يعني من كلام حامد المستفز توقعت تموت نفسها ومأيسها من حياتها
عمار
شتتتتررريد شتريد حامد نموتهن كلهن وره ابوهن هي هاي الخوه
هاي الانت بيها انانيه انانيه كااافي
حاااجم جان من يتعاركون الجهال وهمه جهال يبقى يدور بوجه استبرق خاف صار بوجها حمار خاف أحد ضاربها وبحجه الشقا يحلف بيكم لحد يضرب بناتي گلبي يوجعني من أشوف بناتي يبچن
حاااجم باجر شتكله اضرب ببناتك لأن أريد أخذ مرتك وما رضت
شتكول لله وأنت تريد تروح لبيت الله
موووو حاشمك واكول الجبير اكول عيب اتجاوز على كلمه أخوي
كلت يروح للعمره واخليها تعقد وتروح لحال سبيله تشوف حياتها ونخلص من هاي يوميه نفس الحمام ونفس الطاسه
خوفا على مشاعرك
مو طلعت من ماعونها
شنو تساومها على بناتها
صار كم شهر مو كاعده المره وساكته شسوت لبناتكم بله كلي
ومنو تحمل بناتكم
ايمان إلي إني واكف وتغلط علينه أحنه اخوانك
شنو تخلي بنات حاجم حتى تلعب عليهن ايمان
هنه هيج وما خلصانات.انوب تتزوجك
او تسمع تزوجت خديجه
حتى تكلب الدنيا خديجه تتزوج وتذب بناتها علينه
گلت اليوم افرغ كل البگلبي
كم مره ندخل لبيت حامد لازم تسمعنه كلمه تسمم
ما يهل النه نشرب كلاص مي بببته وهو يحير شيسوي إلا تتغدون إلا تبقون من نشوف خلقتها وكلامها نريد بس نشرد منها
بعدني احجي واشوف حامد يلزم بباب المطبخ الخارجي يريد يلزمه شي ماكو
واركض الزمه يدفع بيدي وإني لازمه
ثواني وأغمى عليه
سرررى وينج تلفوني بسرعع ولج
دكي على واثق على رشيد بسرعه
لالا ميلحكون دكيلي على ذا النون بسرعه انطيني
بيد مخلي حامد بحضني وحسنين يذب مي ع وجه عمه وإني حجيت وي ذا النون
وينك جيب السياره وتعالي لبيتي حامد متخربط عدي
اقرب شكل لسيد موفق ☝️