 |
رواية في قبضة الفهد الفصل السادس والعشرون 26 بقلم جنات
فى المستشفى الكل متجمعين بيستنو تمارا تخرج من اوضه العمليات الدكتورة جت عليهم كلهم قربو منها
مريم:تمارا والبيبي بخير يادكتورة
دكتورة:انا لسه هدخل اطمن عليها قبل ماتدخل العمليات
حسن:نعم ماهى دخلت بقالها اكتر من ساعه
الدكتورة:هتدخل ازاى وانا لسه واصله اصلا
مروة:فى دكتورة قالنا انه دكتور البيج وخدرها واخدها
الدكتورة:ازاى ده وهى هتاخد البيج قبل ماتدخل العمليات ليه
مريم بصت لكنان اللى واقف مش بيتكلم
الدكتورة:طب هما دخلو انهو اوضه
زينب شاورت على الباب:من هناك
الدكتورة:حضرتك ده ممر اللى فيه الاسانسير بيطلع على السطح
حسن:وهو هيطلع اختى السطح ليه
الدكتورة:طب اهدى وانا هخلى الممرضات يدورو عليها فى المستشفى كلها
فاطمه:لا احنا كلنا هندور عليها يلا يا ولاد
حسن:خالتى فاطمه وزينب خليكو هنا وانتى مروة خليكى معاهم متتحركيش واحنا هندور
حسن وكنان ومريم وشروق دورو مع الممرضات فى كل المستشفى مافيش اثر ليها
كنان:خلينا نشوف الكاميرات
راحو اوضه التحكم وجابو كل الكاميرات مش ظاهرة فى الكاميرات ولا حتى لما خرجت من الاوضه اخر حاجه ظهرت لما الدكتور دخل عندها بس
مريم:يعنى ايه تمارا هتكون راحت فين ده اخدها قدام عيونا كلنا
حسن:انا هتجنن بجد
مريم بصت لكنان:معقول يكون خطفها ياكنان
كنان:قصدك مين
مريم:الراجل اللى اسمه فرانكو مش انت قولت انه جه مصر
كنان:مش عارف يامريم
حسن:مين الراجل ده ويخطف اختي ليه
كنان:طب اهدى ياحسن خلينا نعرف نفكر وانا هكلم رجالتى وهتصرف اهدو وخلينا نرجع الفيلا
شروق:هنرجع من غير تمارا ازاى
كنان:تماارا مش فى المستشفى هنعمل ايه هنا بقي خلينا نروح الفيلا ونشوف هنتصرف ازاى
============================
بعد شويا كلهم رجعو الفيلا
حسن:ادينا رجعنا الفيلا قولى بقي الراجل ده مين ويخطف اختى ليه
كنان حكالهم كل حاجه من اول ماتمارا ضربت فرانكو وانه كان بيدور عليها زى المجنون وفهد اتجوزها عشان يحميها منه وانه خطفها اكتر من مرة ورجالته هما اللى ضربو تامر
حسن بصدمه:يعنى كل ده حصل مع اختى وانا معرفش
مريم:انت كنت بسمع لسماح ياحسن تمارا كانت بتحكيلى على كل حاجه بتحصل معاها
زينب:الراجل ده شكله خطير وتمارا حامل ياولاد هنعمل ايه
كنان:انا هكلم رجالتى وهشوف فرانكو فين الوقت
حسن:طب بسرعه بقي
==========================
فى احدى المستشفيات
تمارا نايمه على السرير وبدات فوق فتحت عينيها كانت الرؤيه مش واضحه فضلت تفتح وتغمض عينيها لحد مالرؤيه وضحت لقت نفسها فى اوضه تانيه غير اللى كانت فيهاا قامت قعدت بتعب والباب اتفتح ودخل الدكتور اللى كان عطاها حقنه البنج:حمدلله على سلامتك
تمارا بصت على بطنها:انا لسه مولدتش ليه
الدكتور:لسه شويا معاد ولادتك
تمارا:والمغص الجامد اللى جالى
الدكتور:ده شئ عادى عشان البيبي كبر ولما بيتحرك فى بطنك طبيعى تحسي بمغص
تماارا سكتت شويا وبصتله:ولما انا مش هولد اديتنى بنج ليه
الدكتور:ده مش بنج ده كان نوم منوم
تمارا:نعم منوم ليه وفين عيلتى ودكتورة امل
الدكتور:ممكن تهدى شويا
تمارا بعصبيه:اهدى ايه بقولك فين اهلى نادى عليهم انا عايزة امشي من هنا
الدكتور:طب اهدى وانا هفهمك كل حاجه
تمارا قامت من على السرير وزقت الدكتور وفتحت الباب وخرجت لقت انها فى مشتشفى تانى بصت لدكتور:انا فين وفين اهلى
الدكتور:احنا مش فى مصر
تمارا بصوت عالى خلى كل الناس اللى فى المستشفى يبصو عليها:نعـــــــــــــم مش فى مصر ازاى يعنى اومال احنا فين
الدكتور:اهدى عشان احنا فى مسشتفى مينفعش الصوت العالى ده
تمارا بعصبيه:دانت ههد المستشفى على دماغك لو متكلموش وقولتلى انا فين
الدكتور شدها من دراعها ودخلها الاوضه تانى:اهدى بقي
تمارا ضربته بالقلم:انت ازاى تمسكنى كده ياحيوان انت مفكر نفسك ايه
الدكتور بضيق:ماتهدى بقي
تمارا:اخر مرة هسالك انا فييييييين
الدكتور:اسبانيا
تمارا ضحكت:انت بتهزر صح
الدكتور:والله احنا اسبانيا
تمارا راحت وقفت قدام الشباك وشايفه الدنيا كلها لونها ابيض من التلج وبصت لدكتور:انا جيت هنا ازاى
الدكتور:اكيد بطيارة يعنى
تماارا اتعصبت اكتر بقت تمسك كل حاجه وتحدفها على الدكتور وفجاه صرخت لما حست بوجع فى بطنها مسكت بطنها وقعدت فى الارض وبقت تصرخ جامد الدكتور جاب حقنه بسرعه واداها لتمارا فى دراعها والرؤيه بدات تغشش وفجاه دخل حد من باب الاوضه ولابس لبس دكتور ولابس كمامه وقرب من تمارا اللى بصت فى عينيه اوى بصدمه وخوف واغمى عليها واشتالها الشخص ده وخرج من الاوضه ونزل وركب العربيه وهى فى حضنه والسواق مشي بالعربيه
============================
فى القاهرة حسن كان هيتجنن بسبب تاخر كنان اللى خرج وقالهم هيتصرف ولحد وقت متاخر مرجعش على البيت
كنان دخل الفيلا وحسن جرى عليه:عملت ايه
كنان:فرانكو مختفي
مريم:يعنى مش موجود فى مصر
كنان:ولا فى ايطاليا مش عارف راح فين ده
شروق:طب تمارا فين
كنان:رجالتى قالبين الدنيا عليها وان شاء الله نلاقيها
زينب:البنت حامل وممكن يحصلها حاجه
مريم:لا لا ان شاء الله مش هيحصلها حاجه
الكل:ام شاء الله
كنان:ياريت تطلعو ترتاحو شويا وان شاء الله بكرة هيكون عندنا عنوان المكان اللى فيه تمارا
حسن بص لمروة والبنات اللى باين عليهم الحزن والتعب:كنان عنده حق يلا نطلع نرتاح شويا
الكل طلع على اوضته ونااامو من التعب
===========================
تانى يوم فى اسبانيا
تمارا بدات تفوق شويا بشويا وحاسه بتعب ووجع جامد فى بطنها قامت من على السرير وخرجت من الاوضه واتفاجت بالمكان اللى هى فيه
كانت فى بيت كله اليض فى ابيض وفيه شباك كبير من الازاز ظاهر من وراه الثلوج ومنظره تحفه
نزلت من على السلم وهى بتفتكر كلام الدكتور وفجاه افتكرت الشخص اللى دخل وهى بيغمى عليها وعيونه وهمست:فهد
تمارا حاست راسها لفت وكانت هتقع من على السلم بس كان في قبضة من حديد مسك ايدها وشدها لحضنه
تمارا بصلته اوى:فهد..فهد انت عايش
فهد ضمها لحضنه بقوة:وحشتينى يانبض الفهد
تمارا حضنته اوى وعيطت بصوت عالى وهى مش مصدقه انها خلاص فى حضن فهدهاا
فهد كان بيطبطب عليها وبيقولها كلام يطمنها
تمارا بعدت عنه حضنه ومسكت وشه بين ايدها:انت عايش يعنى انا مش بحلم صح
فهد باسها:صح ياتمارا
تمارا:انا مصدقتش لما سمعت الخبر وقولت مستحيل فهد يسبنى لوحدى وكنت متاكده انك عايش
فهد حضنها بقوة ورفعها عن الارض وتمارا كانت منهارة
فجاه زقته وبعدت عنه وفهد استغرب:مالك ياتماارا
تمارا ضربته فى صدره بقوة:لما انت عايش سايبنى طول الايام دى ومطمنيش عليك
تمارا كانت بتضربه مع كل كلمه:انت عارف انى كنت بموت بالبطئ وانت ولا على بالك.....كنان كنان كان عارف
فهد:كنان معرفش غير لما انتى بداتى الشهر التاسع كلمته وعرفته وقولته ميجبش سيرة ليكى
°°فلاش باك°°
كنان كان قاعد فى اوضته وفونه رن برقم من برا رد عليه:الو
فهد:اخبارك ايه ياصاحبي
كنان قام وقف:فهد ... فهد انت عايش دى تماارا هتفرح اوى استنى اوديلها التلفون
فهد:لا تمارا مش لازم تعرف خالص
كنان:وراكان فين
فهد:راكان كمان كويس وهو معايا متخافش
كنان:طب ليه عملتو كدا
فهد:بعدين هفهمك اسمعنى كويس الوقت انا متابع متابع مع دكتورة تمارا وعارف انها بدات الشهر التاسع تمارا مش هتولد فى مصر
كنان:اومال هتولد فين
فهد:لما يقرب معاد ولادتها هاخدها عندى
كنان:طب ازاى
فهد:هابقي اعرفك كل حاجه فى وقتها بس عارف ياكنان لو حد عرف اننا عايشين هقطعلك رقبتك الحلوة دى
كنان:متقلقش
كنان قفل اول مريم مادخلت الاوضه
°°بااااك°°
تمارا كانت بتبصله بحزن:هونت عليك لدرجه دى يافهد يعنى كنان ماكنش بيقولك انا حالتى كانت ازاى
فهد:انا كنت شايفك ٢٤ ساعه ياتمارا
تمارا:ازاى
فهد مسك فونه وفتحه وكانت كاميرا فى اوضتهاا:انتى كنتى قدام عينى طول الوقت
تمارا:يعنى مصعبتش عليك وانت شايفنى كدا طب مفكرتش ان ابنى ممكن يحصله حاجه بسبب حزنى
فهد قرب عليها:كان لازم اعمل كدا ياتمارا عشان اوفرلك الحياه اللى نفسك فيها انتى من يوم ماعرفتى انك حامل كنتى بتطلبي منى ايه
تمارا:اننا نعيش حياه طبيعيه من غير دم
فهد:وانا حققتلك ده ياتمارا عشان لما ابنى يجى وينور الدنيا يعيش حياه هاديه من غير مخاطر
تمارا ابتسمت:عرفت انه ولد
فهد:شوفتى احساسي كان صح ازاى
تمارا حضنته بقوة:وحشنى حضنك اوى يافهد
راكان دخل:احم احم نحن هنا
تمارا بعدت عن فهد:راكان
راكان:وانا اللى فكرت انك هتفرحى لما تسمعى خبر موتى
تمارا ضربته فى كتفه:اخس عليك ياراكان انت اخويا
راكان:اخبار الناس اللى فى البيت ايه
تمارا فهمت انه بيسال على شروق:كلهم كويسين وفى ناس ندمت جداا على اللى عملته
راكان:بعد ايه بقي
تمارا:هى معذورة بردو ياراكان بصراحه انا لو مكانها كنت اقتلك ازاى تنسي نقولها حاجه زى دى
راكان:انا فكرتها عارفه زى مريم ياتمارا
فهد:كله تم
راكان:تم يافهد
راكان مشي وتمارا بصت لفهد:ايه اللى تم
فهد:ابنى هيشرف بكرة ولازم نستقبله احسن استقبال
تمارا:فهد انت بعدت عن شغل المافيا صح
فهد:صح
تمارا:وكمان مش عايزين الفلوس اللى جايه منه
فهد:عارف انا اتبرعت بكل فلوس شغلى فى المافيا لاماكن كتير لكن الفلوس اللى معايا الوقت من شغل شركتى فى استيراد وتصدير شرعى متقلقيش
تمارا ابتسم:اخيرااا يافهد اخيراا هنعيش حياه هاديه
فهد:انتى طلباتك اوامر يانبض الفهد
فهد شالها وطلع فوق ونيمها على السرير ونام جمبها وشدها لحضنه:نامى وارتاحى عشان نروح المستشفى بكرة من بدرى
تمارا:صح يافهد اكيد حسن قلقان عليا الوقت
فهد:كنان هيقولهم كل حاجه وهيجيو وهنعيش كلنا سوا
تمارا بصلته:يجو فين
فهد:هنا اسبانيا
تماارا قامت قعدت:لا طبعااا انا عايزة ننزل مصر ونعيش هناك
فهد:بس انا نقلت كل شغلى وفلوسي على اساس هنستقر هنا
تمارا:ممكن تنقلهم مصر عادى يافهد ونبي
فهد:حاضر ياتمارا لما نشوف اخرتها معاكى ايه
تمارا:كل خير والله
فهد:تعرفى انك وحشانى جدااا
تمارا اتكسفت من نظراته:انت كمان
فهد:طب بذمتك ينفع كدا
فهد قرب عليهااا واخدها لعالم الخاص بالفهد ونبض قلبه
===========================
فى القاهرة
حسن:وبعدين ياكنان هنفضل قاعدين كدا مش بنعمل حاجه كل شويا تقولى هتصرف هتصرف واخرتها ايه
كنان:انا عايز اعرف انتو قلقانين كدا ليه
مريم:لازم نقلق ياكنان تمارا مختفيه ومش عارفين هى مع مين
كنان:متخافوش على تمارا هى مع جوزها
الكل:جوزها مين
كنان ضحك:الفهد
حسن:انت بتهزر صح
كنان:والله ابداا فهد لسه عايش وهو اللى اخد تمارا عشان يكون جمبها وهى بتولد
زينب:وليه عملو التمثليه دى من الاول
كنان:عشان يخرج من عالم المافيا ويبدأ من جديد
الكل كانو فرحانين ان تمارا بخير ومع جوزها كمان
شروق قربت من كنان:وراكان
كنان:عايش ياشروق
شروق بفرحه:بجد
كنان:بس عرف بكل اللى انتى عملته ياشروق وراكان لما بيزعل من حد بيكون صعب تراضيه سمعانى
شروق بحزن:سمعاك
شروق طلعت على اوضتها
مريم:ليه كدا ياكنان
كنان:لانها غلطت يامريم وغلط كبير
فاطمه:ماهو اللى خبي عليها يابنى
كنان:مش هنتكلم فى اللى فاتت ياريت تجهزو نفسكو عشان هنمشي من هنا بكرة
حسن:هنروح فين
كنان:المفروض كنا هنسافر اسبانيا ونعيش هناك بس الله يسامحها تمارا بقي عايزانا نعيش فى ام الدنيا
مريم:بقي فى حد يسيب اسبانيا ويعيش هنا
حسن:بلدنا احسن مليون مرة من غيرها وبجد شامبو تمارا انها رفضت تعيش برا
زينب:صح يابتى والله
كنان:طب يلا اطلعو لمو حاجاتهم المهمه بس لان الفيلا اللى هنروحها جاهزة من كله
الكل طلعو اوضهم ومريم حست انها دايخه وكانت هتقع وكنان سندها:مالك ياحبيبتى
مريم:مش عارفه يمكن لانى ماكلتش كويس بقالى كذا يوم
كنان:لا الصبح بردو كنتى دايخه تعالى هنروح لدكتورة سوا
مريم:ياكنان
كنان:قولت يلا
كنان ومريم خرجو وراحو لدكتورة وبعد شويا رجعو وطلعو يلمو حاجاتهم زى الباقى
============================
تمارا نايمه فى حضن الفهد
فهد:انتى كويسه ياحبيبتى
تمارا بصلته:طول مانت معايا انا كويسه جدااا
سكتو شويا وقطع السكوت ده تمارا:فهد
فهد:اممم
تمارا:انت ليه اشتغلت فى المافيا من الاول
فهد:ماكنش قدامى غيره
تمارا:ازاى يعنى وازاى اهلك رضو بده
فهد:انا معرفش اهلى انا اتربيت فى ملجأ وهناك اتعرفت على كنان وراكان ولما وصلنا لسن اللى المفروض نخرج من الملجأ مكناس عارفين هنعمل ايه اتعرفنا على واحد وقالنا هيشغلنا معاه واشتغلنا معاه كنا بنسلم صفقات صغيره كدا ولما بقي معانا فلوس سفرنا ايطاليا واتعرفت على الملك وهو اللى شغلنى معاه
تمارا:انا ماكنتش اعرف انك مالكش حد فى حياتك يافهد بجد دى صعبه اوى
فهد:انا اتعودت على حياتنا كدا كانت كلها شغل وكنان وراكان بس جيتى انتى وغيرتها ١٨٠ درجه
تمارا:للاحلى ولا للاوحش
فهد:دى محتاجه كلام للاحلى طبعاا
تمارا:انت هولد بكرة
فهد:امممم
تمارا:ياترى هيبقي شبه مين
فهد:اكيد انا يعنى
تمارا:ايه العنصريه دى ليه يعنى ميكونش شبهى
فهد:يعنى بذمتك يبقي شبهك بحلاوة والجمال والرقه دى ده هيكون ابن الفهد
تمارا:ماشي يافهد
فهد:يلا نامى بقي عشان نصحى بدرى
تمارا:حاضر
==========================
تانى يوم تمارا وفهد وراكان راحو المستشفى وفهد مسابش تمارا ابدااا ودخل معاها العمليات وكان ماسك ايدها وبيطمنها بكلامه وبعد شوياااا سمعو صوت البيبي بيعيط وتمارا كانت فرحانه اوى لما فهد شاله وقربه منهااا
بعد عده ساعات اتنقلت تماارا لاوضه عاديه كانت نايمه على السرير والبيبي فى حضنها وفهد قاعد جمبها بيبص لعيلته الصغيرة بفرحه
تمارا بصت لفهد:حلو اوى يافهد مش كدا
فهد:ربنا يخليه لينا ياحبيبتى
تمارا:هنسميه ايه
فهد:انتى عايزة تسميه ايه
تمارا بتفكير:اى رايك فى زين
فهد:حلو ياحبيبتى
تمارا:هيبقي زين الفهد
راكان خبط ودخل:حمدلله على سلامتك ياتوتا
تمارا:الله يسلمك ياراكان
راكان قرب من زين:حبيب عمو
راكان بص لتمارا:انتى جيبالنا نسخه تانيه من الفهد ولا ايه شكلك بتموتى فيه
تمارا:طبعااا
تمارا بصت لفهد:هو انت عملت ايه فى الملك وفرانكو والناس دى
راكان:كلهم بح
تمارا شهقت:قتلتهم
فهد ضحك:لا اتفقت مع الشرطه انى اسلمهم الملك ورجالته وعرفت الصفقه هتتسلم فين وبلغت عنه واتقبض عليه هو وصوفيا ودانيال وتجار كتير
تمارا:انت ساعدتهم بس اكيد فى مقابل
فهد:انى معاكى الوقت انا سلمتهم كل حاجه عن التجار وسلمتهم الملك وبكدا طلعت منها
تمارا بفرحه:يعنى ام شعر برتقالى اتحبست ياحرااااام
راكان:ان كيدهن عظيم
تمارا بصو لفهد:انت مقولتش فرانكو ليه
فهد:لا ده كان ليه تعامل خاص شويا
تمارا برفعه حاجب:فهد
فهد:عيونه
تمارا:عملت فيه ايه
راكان:خلصنا عليه
تمارا:قتلتوه
راكان:لا هو كان جاى يخلص على الفهد فى قصر وقت الانفجار وكان لسه نصيب يموت متفحم
تمارا:انت اللى فجرت القصر يافهد
فهد:القصر والشركه
راكان:والمخازن وهروب فرانكو ودانيال كله من تخطيط الفهد
تمارا:انت بجد مش سها ابداااا
فهد:انا الفهدد.....يلا ارتاحى عشان بكرة الطيارة هتكون موجوده عشان نسافر مصر
تمارا:حاضر
==========================
تانى يوم فهد صحى وصحى تمارا وشالها وراكان شايل زين وطلعو على سطح المستشفى وركبو الطيارة واتحركو بيهم
بعد عده ساعات وصلو لمكان هبوط الطيارة ونزل فهد وشال تمارا وركبو عربيه بعد شويا وصلو فيلا فى القاهرة كانت غايه فى الروعه كلها بلون الابيض
تمارا:واو يافهد حلوة اوى
فهد:ابيض زى مابتحبي اهو
فهد نزل وشال تمارا ودخل الفيلا واتفاجت بالكل موجودين حسن ومروة وكنان ومريم وفاطمه وزينب وشروق
كلهم فرحو لما شافوها فهد قعدها على الكنبه والكل سلمو عليها وباركولها
دخل راكان وهو شايل زين
كنان جرى عليه وحضنه:وحشتنى ياصاحبي
راكان:وانت كمان ياكون
كنان اخد زين:ماشاء الله يتربي فى عزكو يارب
حسن اخده من كنان:حبيب خالك
مريم:سميتو ايه
تمارا:زين
مروة:حلو اوى ربنا يباركلكو فيه يارب
تمارا:عقبالك يامروة
كنان قرب من مريم:واحنا كمان
الكل بصولهم
كنان:مريم حامل
الكل فرحو وباركو لكنان ومريم
كل ده وشروق عينها على راكان اللى متجاهلها خالص حتى مابصش عليه
تمارا كانت بتتفرج على الفيلا اللى كلها بلون الابيض وكانت فرحانه
حسن قرب من فهد:حمدلله على سلامتك يافهد
فهد ابتسم:الله يسلمك ياحسن
راكان:كنان تعالى معايا عايزك
كنان:حاضر
خرجو الاتنين ومروة قربت من شروق:معلش ياشوشو اكيد زعلان منك بس انتى لازم ترضيه وتعتزرى منه
شروق:اكيد
فهد شال تمارا:يلا عشان ترتاحى
تمارا:على فكرة انا ممكن امشي لوحدى
فهد دخل الجناح بتاعهم اللى كان كله ابيض
تمارا:ووووااااووووو
اول مادخلو كان ريسبشن بلون الابيض وشاشه كبيرة فهد اخدها ودخل الاوضه ونزلها كانت الاوضه بلون الابيض وفيها شباك كبير
تمارا مشت وفتحت الباب الحمام اللى كان كله ابيض
كان فى باب تاتى كان اوضه الدريسنج روم (اوضه اللبس) بردو كلها ابيض
فى باب تانى فتحته كان اوضه زين اللى بلون الابيض والبيبي بلوو
واوضه تانيه كانت كلها العاب وحلوة جدااا
واخر باب تمارا فتحته كان مكتب فهد وكان بلون الاسود
تمارا:بردو اسود يافهد
فهد ضحك:ده المكان اللى هشتغل فيه ولازم اكون مرتاح وانا برتاح لما بيكون لونه اسود
تمارا:ماشي يافهد
فهد:اى رايك فيه لو حابه تغيرى حاجه عرفينى
تمارا:لا ده حلو جدااا بجد شكرااا انت عملت كل حاجه زى مانا عايزة ربنا يخليك ليا
فهد:ويخليكى ليا يانبض الفهد
============================
شروق كانت قاعده فى اوضته بتعيط وندمانه على كل اللى عملته وزعلانه من تجاهل راكان ليها
الباب خبط ودخلت مريم:الجميل زعلان ليه
شروق:زعلانه من نفسي اوى على اللى عملته
مريم:كان ماشي ياشروق حولى بقي تصلحى اللى بوظتيه
شروق:ازاى
مريم:صالحى راكان
شروق:وهيرضي ده مابصش ليا ابداا
مريم:راكان بيحبك واكيد هيتراضي بسرعه
شروق:هو تحت
مريم:كنان قالى انه فى البيت الصغير اللى ورا الفيلا هيقعد هناك
شروق بحزن:مش عايز يجى هنا عشانى صح
مريم:قومى بقي بطلى نكد يلا روحيله وخديله العشا كمان اكيد جاى تعبان وجعان
شروق ضحكت:حاضر
مريم:استنى انتى هتروحى بعنيك الورمه دى
شروق:اومال اعمل ايه
مريم:بصى شويا كدا الكل هيطلعو اوضهم ابقي غيرى وروحى قشطااا
شروق:قشطااا
==========================
شروق استنيت لما الكل طلعو اوضهم غيرت لبست بجامه بلون الاسود وعملت وسابت شعرها البنى الناعم اللى واصل لكتفها وراحت المطبخ كانت مريم محضرلها صنيه الاكل اخدته وخرجت وراحت على البيت الصغير اللى ورا الفيلا كانت واقفه على الباب متوترة وخايفه وبعدت خبطت استنيت شويا وخبطت تانى راكان فتحلها واتفاجأ بيه
راكان:نعم
شروق:كنت جيبالك الاكل مريم قالتلى انك ماكلتش واكيد جعان
راكان:لا شكراا مش عايز اكل
شروق عدت من جمبه وراحت حطت الاكل عل التربيزة الصغيرة
شروق قربت ووقفت جمبه:انا عارفه انك زعلان منى وعندك حق انا غلطت بس انا بردو اتصدمت لما عرفت ياراكان يعنى جوزى اللى بحبه اعرف انه بيشتغل فى المافيا وكل اللى جه فى دماغى وقتها انك بتقتل وبتاجر فى حاجات كتير كنت عايزنى اعمل ايه يعنى
راكان:متعمليش اى حاجه ومتخافيش اللى انتى عايزاه انا راجع وناوى احققه ليكى
شروق:وايه اللى انا عايزان
راكان:مش انتى عايزة تطلقى وانا هطلقك
شروق دموعها نزلت:بس انا مش عايزة اطلق
راكان بصلها اوى:اومال عايزه ايه
شروق بعياط:عايزه افضل اللى باقى من عمرى جمبك ياراكان
راكان لف وعطاها ضهره وهى قربت وحضنته من حضنه:اكتر حاجه ندمت عليها انى مجريتش ودخلت فى حضنك اليوم اللى كنت هتسافر فيه ولما سمعت خبر موتكو كنت حاسه قلبي هيقف
راكان بعد عنها ولف بصلها:ارجعى اوضتك ياتمارا مينفعش حد يشوفك هنا
شروق:بس انت مش غريب انت جوزى ياراكان
راكان:روحى اوضتك ياشروق لان اللى بتعمليه ده مينفعش
شروق:ايه اللى بعمله مش فاهمه
راكان:قربك منى
شروق اتصدمت من رده وعيطت:انا كنت جايه اعتزرلك على غلطى مش اكتر والله وانا اسف انى قربت منك انا حضنتك لانك جوزى ..... انا عندى تزعل منى او تتجاهلنى حتى بلاش تشوفنى رخيصه لوسمحت
شروق مشت وقبل ماتخرج من الباب راكان مسك ايدها وشدها لحضنه وهى عيطت جامد
راكان:انا عمرى ماشوفتك رخيصه ياشروق انتى مراتى وانا جوزك بس كنان كان قالى ان مامتك قالت انى لماارجع لازم اطلقك عشان كدا قولتلك مش لازم حد يشوفك هنا
راكان كان بيهديها وهى بعدت عن حضنه وبصلته اوى:انا بجد اسفه انا كنت غبيه والله وندمانه جدا
راكان مسحلها دموعها:متقوليش على حبيبتى غبيه لوسمحتى
شروق ضحكت:يعنى مش زعلان منى
راكان:لا انا اصلا ماكنتش زعلان منك
شروق:اومال كنت متجاهلنى ليه اول ماجيت
راكان:عشان لو كانت جت عينى فى عينك كنت هجرى واخدك فى حضنى واشتالك ونطلع اوضتنا كمان
شروق اتكسفت من كلامه:طب يلا عشان تاكل
راكان:انتى اكلتى
شروق هزت راسها بلا
راكان:يبقي ناكل سواا يلا
قعدو اكلو سوااا وكانو مبسوطين وبعد ماخلصو اكل راكان قرب على شروق اللى كانت مكسوفه
راكان:تقبلى تكونى مراتى قدام ربنا
شروق هزت راسها باه وراكان قرب عليها لتصبح زوجته قولا وفعلااااا
===========================
تانى يوم راكان صحى على صوت خبط على الباب قام لبس التيشرت وراح فتح كان كنان عايز يدخل
راكان زقه بره وخرج وقفل الباب:انت رايح فين ياغبي
كنان:انت معاك بنات جوا ولا ايه
راكان:شروق اللى معايا ياغبي
كنان ضحك:مبروك ياصاحبي
راكان:الله يبارك فيك
كنان:طب ارجع لمراتك وانا هروح الفيلا
راكان:خلى مريم تجيب شروق اسدال ولا حاجه لان اكيد الكل صحو
كنان:حاضر
راكان دخل كانت شروق صحت:صباح الجمال ياعروسه
شروق اتكسفت:صباح النور...مين كان على الباب ده كنان صح
راكان:اه هو
شروق: الوقت هيقول عليا ايه
راكان :انتى عبيطه ياشروق هو انا شاقطك دانتى مراتى وانا قولتله يخلى مريم تجبلك اسدال
شروق:حاضر
============================
مرت الايام والكل كان عايشين مبسوطين وفى يوم الكل كانو فى المستشفى قدام اوضه العمليات لان مروة كانت بتولد بعد شويا سمعو صوت البيبهات والممرضتين خرجو حسن اخد البنت وفاطمه الولد
حسن اذن ليهم فى ودانهم والكل باركله
بعد شويا مروة خرجت واتنقلت اوضه عاديه والكل باركلهاا واتفقو انهم هيسمعو اسر واسيل
=========================
بعد مرور ٥ سنين
والكل كانو عايشين حياه هاديه وسعيده
فهد وتمارا كان معاهم
←زين ٥ سنين واللى شبه فهد جداا فى كل حاجه
←زينه سنه ونص ودى بقي حته قشطه شبه تمارا
اما كنان ومريم كان معاهم بنت سموها جنه عندها ٤ سنين
وراكان وشروق معاهم ولد اسمه ريان عنده ٣ سنين
وحسن ومروة التؤام اسر واسيل اللى عندهم ٥ سنين
فهد وراكان وكنان وحسن كانو بيشتغلو سوا فى الشركه اللى فهد افتتحها لاستيراد وتصدير
وتمارا ومريم كانو بيشتغلو فى مستشفى كبيرة افتتحها فهد ليهم وكانت للاعمال الخيريه والناس اللى ميقدروش يروحو مستشفيات كبيرة
وشروق اللى اشتغلت فى الشركه معاهم وكانت السكرتيرة الخاصه لراكان
اما مروة اللى فضلت ان يكون كل تركيزها مع ولادها وزينب وفاطمه كانو بيهتمو بكل حاجه فى الفيلا
وكانو عايشين الكل فرحان وسعيد
==========================
فى يوم فهد قاعد وتمارا فى حضنه فى الرسيبشن الخاص بالجناح وزين بيلاعب زينه
فهد بيبص لعيلته الصغيرة بسعاده
تمارا بهمس :مالك يافهد
فهد بصلها:انا بشكرك من قلبي على الحياه والعيله اللى قدمتهالى
تمارا باسته من خده:انت احسن زوج واب فى الدنيا يافهد ربنا يخليك لينا يارب
فهد:ويخليكو ليا ويخليكى ليا يانبض الفهد.....
لمتابعه روايتنا زورو قناتنا على التلجرام من هنا
