رواية أحببته رغم كبريائى الفصل الثالث والعشرون بقلم مريم احمد
23
رضوى...أبيه مروان صاحب أبيه اسلام هو الي متقدملك يا حبيبة
ف ثانية كانت ملامح وش حبيبة كلها صدمة
بصت لأسلام بغضب و هي بتقوله
حبيبة...نعم!!
اسلام...حبيبة اسمعي
ردت عليه و هي مضايقة و بتقوله
حبيبة...اسمع ايه يا اسلام انت اكتر واحد عارف اني بكرهه جاي تشكرلي فيه و تقولي بيحبك و امه بتحبك ؟؟
سكت اسلام و بص لـ رضوى بضيق و رضوى قالتله بصوت واطي و هي مش فاهمه في ايه
رضوى...انا عملت ايه دلوقتي
اتكلمت حبببة و هي بتقوله بتصميم ممزوج بالضيق
حبيبة...مهما تشكر فيه و انه كويس و ناجح و و و ف انا برضو هفضل أكرهه يا اسلام تمام
اتكلمت حنان و هي بتقولها بحدة
حنان...جرا ايه يا حبيبة متنسيش انك بتتكلمي مع اخوكي الكبير
حست انها هتعيط ف قررت انها تروح اوضتها و قالتلهم
حبيبة...عن اذنكوا
جت تروح اوضتها بس فضلت مكانها لما ابوها قالها
علاء...كملي اكلك يا حبيبة
وجه كلامه للكل و هو بيقولهم بصرامة و حدة
علاء...مش عايز كلام نهائي دلوقتي
بص لـ حبيبة و ابتساملها و قالها
علاء...بعدوالغدى نتكلم
هزت راسها و شربت ماية و رجعت تبص لـ طبق الاكل الي قدامها الي مكلتش منه غير شوية صغيرين جدا
...سبحان الله و بحمده سبحان الله العظيم
في العبور تحديدا ف فيلا خديجة
كانت ف الجنينة لاقت ابنها جيه و قعد جمبها و هو بيقولها بابتسامة
مروان...عامله ايه يا حبيبتي
ابتسمت خديجة و قالتله
خديجة...الحمدلله يابني انت اخبارك ايه و اخبار الشغل ايه
هزت راسه و قالها
مروان...مش هروح الشركة انهاردة
استغربت و قالتله
خديجة...ليه كدا !
بصلها و قالها
مروان...ماما هو انتي حبيتي حبيبة ؟
هزت خديجة دماغها بتأيكد و قالتله
خديجة...جدا دي تبارك الله عليها كفاية احترامها للي حواليها
ابتسم و سكت
و خديجة كملت كلامها و هي بتقوله
خديجة...دا انا عندي استعداد اروح اخطبهالك بس هي توافق
رفع حاجبه بسخرية و غرور و قالها
مروان...توافق؟
ضحكت خديجة و قالتله
خديجة...م هو عشان غرور المهندسين الي انت فيه دا هترفض يا مروان
ابتسم مروان على رد امه و متكلمش
....لا اله الا الله وحده لا شريك له
عدى وقت كانوا خلصوا غدى و كانت حبيبة ف اوضتها و كاميليا موجودة معاها و ايناس كمان كانت موجودة هي و نوح
كانت كاميليا بتتكلم معاها و هي بتقولها
كاميليا...يا حبيبة يا حبيبتي دا واحد انتي ولا مره شوفتيه ليه تحكمي انك بتكرهيه كدا
بصتلها حبيبة بغضب مكنوم و قالتلها
حبيبة...انا حره يا ستي
اتنهدت كاميليا بقلة حيلة و قالتلها
كاميليا...انتي تعرفيه ؟
هزتوحبيبة راسها و قالتلها
حبيبة...ايوا كان دكتور ف الجامعة و كان بيطردني اوقات من المحاضرات
اتكلمت كاميليا و هي بتقولها
كاميليا...ايوا بس الي انا اعرفه ان مفيش دكتور بيطرد طالب من حصة الا لو كان بيتكلم مثلا او اتأخر او ا يعني استحاله مروان هيطردك من المحاضرة بدون سبب يا حبيبة ؟
سكتت حبيبة و متكلمتش و كاميليا قالتلها و هي بتضحك
كاميليا...على فكرة زمان لما اسلام اتقدكلي انا كنت هرفض بس عشان هو مهندس
ضحكت حبيبة برغم حزنها و قالتلها
حبيبة...لا لو سمحتي انا اخويا مش مغرور
هزت كاميليا راسها بتأكيد و قالتلها
كاميليا...ايوا بصراحة
ابتسمت حبيبة و متكلمتش و كاميليا قالتلها
كاميليا...اديله فرصة يا حبيبة
ردت عليها حبيبة بضيق و هي بتقولها
حبيبة...يا كاميليا انا عمري م شوفت حد بالغرور دا !!!
هزت كاميليا راسها و قالتلها و هي بتواسيها
كاميليا...معلش معلش بس زي م اتفاقنا بقى اديله فرصة و بعدين البيت كله فرحان متكسريش بخاطرهم كدا و الناس حتى لسه مجتش تتقدم
هزت حبيبة راسها بمعنى حاضر و كاميليا ابتسمتلها و خرجت من الاوضة
اتكلمت حبيبة بغيظ و هي بتقول
حبيبة...ماشي يا مروان بقى مفهمهم انك الانسان الناجح البريئ ماشي ان م خليتك انت الي تفسخ الخطوبة دي مبقاش انا حبيبة الكيلاني
كملت بتوعد و هي بتقول
حبيبة...حاضر وووو
