رواية أسير الناردين 2 اسرني عشقها الفصل التاسع 9 بقلم ماريان بطرس

رواية أسير الناردين 2 اسرني عشقها الفصل التاسع 9 بقلم ماريان بطرس 

الفصل التاسع 

سيدتى انتى الوحيدة التى اركع امامها دون اى خوف او حزن فقد اسرنى عشقها وتمكن منى فانا عاشق لكى حتى النخاع

دخل الى المنزل سعيدا لا يصدق بانها وافقت اخيرا بعد كل هذا التعب لا يصدق ان حب حياتة سيصبح بين يدية لا فمؤكد هو يحلم صرخ عاليا 

بابا! ماما! ابو خليل! ديدا! انتو فين؟؟  

فهو حاليا يريد التاكد مما يحدث هل هو حقيقة ام حلم ؟؟

بينما على الجانب الاخر كان هناك شد وجذب بين الطرفين بسبب مافعلة آسر ولكن حين سمعو صوتة اشارت فريدة تجاة الصوت الهاتف قائلة بصدمة

مش دة صوت آسر ؟؟!!!

كانت صدمة للجميع استمع الجميع للصوت بصدمة ونظرو لة وهو داخل يضحك ويصرخ بصدمة اكبر بالفعل انة آسر ولكنة تغير جذرى لم يرى احد آسر يضحك هكذا منذ سنوات منذ اكثر من شر سنوات ولكن اول من افاق من الصدمة هو حسام وكان هذا حينما هتف آسر بفرحة 

باركيلى ياديدا باركيلى ياحبيبتى، ماما ناردين وافقت على الخطوبة بينا وعم حسن لسة قافل معايا دلوقتى

ابتسمت فريدة بينما توقف بة الزمن حينما قال حسام بغيرة وضيق لم يستطع السيطرة عليهم حسام الذى لم ينتبة لة آسر

وانا بقى بالنسبالى اعمل اية

كانت عيناة تقدحان شرارا نظر آسر لوالدة فكانت عيناة تحمل ضيقا كبيرا ولاول مرة يشعر بانة يقف كأحد المتهمين الذى عقدت لة المحكمة نظر لهم آسر وقال

انا مش فاهم تقصد اية انا مالى ومالك ؟؟

حسام: مالك ومالى ازاى بقا مش انت رفضت خطوبتى من اختك 

آسر: انا عمرى ماهدى اختى لواحد جبان زيك 

حسام بغضب: انا مش جبان يا آسر

آسر بغضب: امال مين اللى هرب فى الوقت اللى كنا محتاجينة فية 

حسام بدفاع :كانت غلطة والكل بيغلط حتى انت وبعدين انا كنت لسة شاب صغير 

صرخ آسر بالمقابل :ولو الغلطة دى اتكررت تانى اعمل اية انا وقتها 

كان كلاهما يصرخان وكأنهما نسيا ذلك الرجل الذى يقف فى المنتصف الى ان صرخ قائلا

عال والله عال انتو تتخانقو وتموتو ف بعض وانا واقف اتفرج عليكو بجد حلو اوى 

وكأنهما اخيرا انتبها الى وجودة فنظر لة آسر قائلا

بابا!!

بس ولا كلمة

صرخ بها ابراهيم وهو يضع يدة امام وجهة ثم نظر ل حسام قائلا

وانت يا استاذ عاوز تتقدم لواحدة الصح انك تتقدم لاخوها ولا لابوها ،لا والادهى انة رفض يبقى خلاص الموضوع شبة منتهى ماهو آسر رفض ولا اية؟؟؟

نظر لة حسام بخجل قائلا

خالى 

ابراهيم: ولا كلمة 

ثم نظر لآسر قائلا

وانت يا استاذ خلاص كبرت وبقيت تاخد قرارات وقولنا ماشى لكن انك تاخد قرارت بشان جواز اختك دة اللى لحديها وتقف الموضوع دة هى اللى ليها القرار الاول والاخير من بعد موافقتى طبعا وموافقة مامتك لكن موافقتك دى كماليات مش اكتر 

نظر لة آسر بغضب وتحدث بقوة قائلا 

ماشى انا موافقتى مش مهمة اللى انت حضرتك بتتكلم عليها دى اختى وحياتها اهم عندى من حياتى وسعادتها كذلك لكن ان حسام يطولها لا والف لا 

نظر لة حسام بتحدى قائلا

لا هتجوزها يا آسر لو وافقت هى هتجوزها وورينى هتعمل اية انا بحب ايلين ومن سنين ومش انت اللى هتيجى دلوقتى وتقف فى طريقى بعد دة كلة مش بعد حبى ليها السنين دى كلها هيضيع بسبب رفضك وكرهك للماضى

آسر بتحدى:يعنى هتتحدانى 

حسام: انا هتحدى الدنيا كلها علشان خاطرها 

ثم نظر الى ابراهيم قائلا

خالى بعد ازنك انا بطلب ايد ايلين منك ومستعد اعمل كل اللى تطلبة منى و اكتر

نظر لة ابراهيم قائلا برزانة 

انا من ناحيتى معنديش مانع بس اهم حاجة موافقتها هى 

نظر لة آسر بتحدى قائلا

بس فية شرط 

نظر لة الجميع فقال

بما ان حسام بيحب ايلين يبقى مينفعش يقعد فى البيت لازم يقعد فى بيتة مش هينفع سواء قبلت او رفضت لانها لو رفضت هيبقى فية حساسية من ناحيتهم لبعض ولو قبلت هيبقى فية مشاعر نخاف منها وبالمرة يوضب بيتة 

نظر لة حسام بصدمة قائلا

انت بتطردنى يا آسر

نظر لة ابراهيم ثم قال بحرج 

آسر معاة حق يا حسام دى الاصول لو معندكش مانع وانا هكلم ايلين ونديها فرصة تفكر وبعدين ارد عليك دة لو ميزعلكش 

نظر لهم حسام وقال

لا ابدا مفيش احراج ولا حاجة حضرتك معاك حق يا خالى بعد ازنكم وياريت متنساش تكلم ايلين 

اومئ ابراهيم براسة ثم بعد خروجة بفترة نظر كلا من آسر و ابراهيم لبعضهم ثم مالبثو ان انفجرو فى الضحك وضرب كلا منهم كفة بكف الاخر بينما نظرت لهم فريدة بذهول نظر ابراهيم لآسر وقال 

مش معقول انا لو كانو حلفولى على الماية تجمد ماكنتش صدقت انة يتكلم اخيرا ابو الهول نطق 

نظر لة آسر وقال بتفاخر

بس اية رأيك ياباشا وعدتك ونفذت قولتلك هخلية يتكلم وادية اتكلم 

نظرت لهم فريدة بذهول وقالت

مش معقول يعنى انتو متفقين مع بعض انا اللى لو كانو حافولى على الماية تجمد ماكنتش صدقت ابدا انكم تكونو مع بعض بس اية التمثيل الجامد دة ،دة انا طلع عندى اتنين ممثلين كبار جدا وانا معرفش

ضحك ابراهيم وآسر بشدة ثم نظر لها آسر وتحرك تجاهها وعلى وجهة ابتسامة وقال

بس اية رأيك يا ماما مش فكرة ابنك حلوة اخيرا ابو الهول نطق وهياخد بنتك اتنين بيحبو بعض وهيموتو على بعض ومش فاهمين مشاعر بعضهم ومش قادرين يتكلمو

نظرت لة فريدة ثم حاوطت وجهة بكفيها وقالت 

ربنا يخليك لينا ياسندى وحبيبى وميحرمنيش من الابتسامة الحلوة دى وماتغيبش ابتسامتك ابدا ولا ضحكتك

وعلى ذكر الابتسامة نظر لة ابراهيم وقال

واحنا هنروح لناردين الساعة كام 

آسر: بكرة على الساعة ٨ كدة وحضرتك روح فرح العبيطة اللى فوق دى خلى ايامنا كلها فرح

نظرت فريدة لفرحة عائلتها ودعت قائلة 

يارب ماتحرم البيت دة من فرحتة تانى ابدا

امن آسر على دعائها بينما تحرك ابراهيم متجها لغرفة ابنتة عاقدا العزم على اسعادها فى هذة الليلة

_____________________________________

دخل غرفتها وجدها صامتة تجلس على السرير بشرود نظر لها بابتسامة ثم جلس جانبها قائلا

سرحانة فى اية يا لى لى نظرت لة ايلين

بابتسامة حزينة وقالت

لا ابدا يا بابى مش سرحانة فى حاجة

نظر لها بنظرة ذات مغزى وقال

لا مش سرحانة فى حاجة امال اللى انا شايفة دة اية 

ثم ابتسم قائلا

اللى انتى نفسك فية هيتحقق

نظرت لة بعدم فهم وقالت

ايه اللى نفسى فية دة

ابراهيم: حسام طلب ايدك للجواز منى وانا قلتلة اهم حاجة رأيها الاول وهو مستنى رأيك رغم اننا كلنا عارفين رأيك اية 

ايلين بخجل : تقصد اية بانكم عارفين رأيى اية 

ابراهيم بابتسامة: يابت دة انا ابوكى غير كمان نظراتكم الواضحة اوى لبعض 

نظرت لة ايلين بصدمة هل كانت نظراتهم واضحة بتلك الطريقة ولكنها قالت

وآسر وكمان حضرتك رأيك اية

ابراهيم: آسر اهم حاجة بالنسبالة سعادتك ومش هيقف قى طريقها وانا كمان واحنا الاتنين عارفين ان سعادتك مع حسام مش حد تانى وهو الوحيد اللى هيخلى بالة منك وبس وانا كمان رأيى زية 

نظرت لة بذهول وقالت

امال آسر رفض لية

ابراهيم: دة موضوع يطول شرحة المهم دلوقتى ان حسام مش هينفع انة يقعد هنا معانا لانة دى الاصول وبالمرة يوضب البيت بتاعة اوكى اة وكمان احنا رايحين بكرة على الساعة ٨عند ناردين

ايلين: لية ؟؟

ابراهيم بابتسامة: علشان نخطب لاخوكى مش ناردين وافقت علية

انتفضت ايلين من مكانها وقالت

بتتكلم جد 

ابراهيم: اة بتكلم جد الجد كمان ادعى بقى ان ربنا يكمل فرحة اخوكى على خير 

ابتسمت ايلين قائلة وهى ترفع يديها بالدعاء

يارب يفرحك يا آسر

_____________________________"_________

دخل حسن غرفتها وعلى وجهة ابتسامة واسعة فلا يسعة الدنيا من السعادة فصغيرتة ستصبح عروس وستزف قريبا لرجل يستطيع الاعتماد علية وهو موضع ثقة الجميع نظر لها ثم اقترب وعلى وجهة ذات الابتسامة ثم مال مقبلا جبهتها وقال

مبروك ياحبيبتى الف مبروك

ابتسمت ناردين وهتفت بمرح

مش تخلى الموضوع دة بعد قراية فتحتى والموضوع يبقى رسمى 

ضرب حسن راسها بخفة قائلا

ماهو رسمى ياغبية امال انتى فاكرة اية يا عبيطة انتى موافقة واحنا موافقين والراجل يتمنالك الرضى تتمنى اية تانى وفوق كدة اللى كان مأخر الموضوع هو انتى مش حد تانى 

ابتسمت ناردين بمرح وهتفت 

طيب اهدى ياعم الحج كدة لحظة ترانى ابكى 

حرك حسن رأسة بياس من افعالها الحمقاء ثم بينما وهو يخرج نظر لها قائلا 

الجماعة هييجو بكرة الساعة ٨

وكان دلو ماء بارد سکب على راسها وكانما ادركت الان ان الامر اصبح جدى فنظرت لة بصدمة وقالت

الجماعة ؟!!! جماعة مين ولية السرعة دى 

حرك رأسة بياس و تحرك خارجا من الغرفة بينما هتفت هى قائلة

يابابا رد عليا 

نظر لها وقال 

اهدى ياناردين اهدى ياحبيبتى مش هياخدوكى معاهم وهما ماشيين شوفى هتعملى اية 

بينما تركها بعد تلك الكلمات وخرج فامسكت هاتفها بتوتر وطلبت احدهم وقبل ان يرد كانت تهتف قائلة

الحقيتى يامى انا قراية فتحتى بكرة على التايجر تعاليلى بكرة انتى ومارينا فاهمة 

________________________________________

فى اليوم التالى كان يتجهز بغرفتة وكذلك الجميع وعلى وجههم امارات السعادة نزلت ايلين الدرج ولكنها فوجئت بذاك الذى يجلس امام الدرج نظرت لة بصدمة قائلة

حسام!!!

رفع حسام رأسة حينما سمع صوتها العذب يتخلل اذنية فقالت هى وهى تتحرك تجاهه

انت بتعمل اية هنا 

نظر لها ثم قال بابتسامة وهو يتشبع تفاصيلها بعينية 

جاى معاكم مش انا ابن عمتك ولا اية وفوق كدة انا وكريم اصحاب

رمشت بعينية تستوعب تلك المفاجئة فقد ظنت انها من الصعب ان تراة طبقا لاوامر آسر بينما هو هتف 

ايلين انا طلبت ايدك من باباكى وصلك الموضوع

رمشت بعينيها ثم اومئت براسها فقال 

ممكن اعرف رايك 

نظرت لة بصدمة ثم قالت بذهول

هة حسام انت عاوز اية انت يادوب طالب ايدى امبارح مش معقول كدة وبعدين اهم حاجة عندى رأى بابا و ماما و آسر

وعلى حين غرة لم تتوقعها وجدتة يركع على احد ركبتية امامها وقال وهو ينظر لها بولة 

ايلين انا بحبك ،بحبك من زمان ومن سنين مش هقدر اعد حتى عددها مش عارف من امتى من وانتى لسة مولودة قدامى وعلى ايدى ولا من وانتى صغيرة لما كنتى بتزعلى او بتفرحى تترمى دايما فى حضنى مش عارف بس اللى اعرفة انى بحبك من وانا طفل لسة عمرى سبع سنين حبيت البنت اللى اتولدت قدامى ،من وانا مراهق حبيت الطفلة اللى كانت دايما بتترمى فى حضنى لدرجة انى عينت نفسى حارس ليها علشان مفيش حد يقرب منها او يضايقها كنت دايما قدامها ، هربت اة هربت ،وبعدت اة بردة، بس اللى مقدرتش انى اعملة انى ابعد حبك من قلبى حبك زى الدم بيجرى فى عروقى ،ايلين عاوز اقولك ان حبك دائى اللى بتعب بية لما ببعد وهو نفسة الحب دة هو دوائى من كل وجعى فرجاءا متبعديش عنى وادينى فرصة اقرب منك لان حبك دة اسرنى ومش يوم ولا شهر ولا حتى سنة دة انا اسير عشق بيجرى ف عروقى من ٢٢ سنة فمن فضلك متبعديش عنى وياريت تحنى على اسير عاشق من سنين وافقى وادى فرصة لاسيرك يدوق جنتك بدل نار عذاب اسرة 

رمشت بعينيها تحاول تجميع شتات نفسها من كثرة الصدمات التى تعرضت لها منذ امس بالبداية يرفض آسر الزواج ثم تقنعها ناردين بان تترك الامر لاخيها وهو ادرى ثم موافقة ناردين على زواجها من آسر ثم تقدم حسام للزواج وموافقة والدها والان ما يحدث ذاهبين للتقدم لناردين ووقوف حسام بتلك الطريقة هل هو حلم تتحقق بة جميع امنيتها ام ماذا افاقت على صوت حسام يهتف برجاء قائلا 

ها يا ايلين موافقة ؟؟وافقى بليييز وانا هسعدك فوق ماتتصورى 

اومئت براسها بشرود بينما وقف هو يهتف 

وافقت اخيرا وافقت ياهوووووو حلم حياتى اتحقق الحمد للة كدة انا عندى كل حاجة جاهزة يبقى هنتجوز 

نظرت لة بخجل من مجرد كلمة زواجهم ببنما هتف صوت من الخلف قائلا

بس بشرط 

نظرو لة فوجدوةااااا

الفصل العاشر من هنا