 |
رواية بيت الخبازه الجزء الثاني 2 الفصل التاسع 9 بقلم زهرة الرمان
بسم الله الرحمن الرحيم
السلام عليكم ورحمه الله وبركاته
#بيت_الخبازه_ج٢......#با ت٩
موفق
قفلت الباب...
انعام أنتي اما تحبين تصغربني وتبينين للحواليج أنتي اقوى مني وهالشي يقلل من قيمتج
او شبعتي من موجه اريد صوت طفل بالبيت اريد طفل يشيل اسمك
هذا اسلوبج ماااا تغير بس تنشغلين عنه شويه ومن تجي براسج تگلبين عاليها سافلها
شتسوه عليه كدام بنيه جبيره تقللين من احترامي
شوفي بت عمي
مال اضلم بشر مستحيل
تتحكمين وهي قابله على تحكمج وما يهمها
بس تتحكمين بيه إني لأ
بيت بيه بنات شابات بيه جهال مو جنتي تتمنين صوت طفل مو تتمنين شوفين خلفه.هسه
هي هدتهم الج حت ما تلزمهم خاف يتعلقون بيها مخليتهم بيدج كل البيت بيدج حتى الهدمه التلبسها بكيفج شتردين حتى البنات يميلن الج أكثر من امهن
العلويه
شايل ومحمل عاشت ايدك هذا كله لأن كلت يلعريس وين عروستك
موفق
هستوج تكولين كلت لاستبرق تجي للجهال خديجه
وهي طلعت وعافت حتى البيت
شوفي
أنتي ما تتحملينها
خديجه فوك تصعد هي وبناتها ممنوع ينزلن وأنتي بيتج وعلي وهبه همه أصلا الج مخلينهم
وخلي نخلص من هالقوانه يوميه نفس الحجج وهاا ديربالك اجاك الذيب اجاك الواوي عليمن عمي
العلويه
تعزلها تريد لأن تخاف خاف تخدمتي هي وبناتها شانت عليك شلون يخدموني
الله بلاني بمرض وخلاني ما اكدر اخدم نفسي
موفق
إني وأنتي نعرف كلش زين أنتي من يوم يومج لأ الج بشغل البيت ولا الطبخ وهذا ما مآثر عليه أكو اليخدمنه جان والحمدلله
الاريده تحمدين الله
معتبره نفسها چنتچ مو شريچتج
تهاب وجودج بناتها حتى إذا تطلع وهي حامل توصي ديرن بالجن على العلويه
ماتنحست وكالت بناتي يخدمنها شلون وهاي استبرق فراشها ما تشيله فوك خديجه ترتب غرفتهن اربع وعشرين ساعة يمج البنيه وتحت امرج
شنو مسويه فضل عليهن لفيتيهن
لو ام مروان كلتي عليها عيونها أخاف منهن على الجهال وخليتيها تروح وتنطينها راتب كلت حقها تخاف
تخدمج استبرق وخديجة وما يوم عصن امرج بس موخدامات هنه
خليلهن اعتبار
عيييب مو حلو الاستغلال لأن ضرفهن حكمهن علينه نظلمهن هاي دينه وشريعتنه هذا التعلمناه شخلينه للجهله
شاردات من اهل مايعرفون الرحمه الكل راد ينهش لحمهن
يفرحن بفتافيت الأمور يردن يعيشن بس بكرامه
العلويه
هذا كله لأن اعتمد على استبرق
موفق
شكلتي لاستبرق انوب
العلويه
يعني ماسمعت
موفق
لأ سمعتج من تعيريني
العلويه
مو إني جانت يمي عواطف واختها
وردت جاي وكلتلها لاتخلين هبه وعلي يجون للغرفه أخاف من عيونهن
وماسمعتني ردت تصب جاي
موفق
أي وشسويتيلها
العلويه
الصراحه عطت بوجها اتركي التلفون ولا أنتي ولا امج أريد جاي راحت وما جاوبت صبت جاي
موفق
عاشت ايدج الظلم منگش هيج انعام على شنو على عواطف إلي خلت عيونها على زوجج ووين ما تكعد تتشمت بيج تصيح عاگر وبطنها بس للاكل مخلوقه
منو استبرق إلي ما تصعد تنام إلا تتاكد ماعنددج أي شئ او محتاجه شي
العلويه
كافي موفق ترا تاذيت
موفق
اريد اواجهج وي نفسج بس اذا راضيه عن نفسج بكيفج
طلعت رحت للحمام سبحت وأسأل نفسي قسيت عليها
أي هي مريضه ميصير اضوجها كلت اكمل واروحلها
استبرق
مديت رجليه بالأرض وخليت مخده ونومت علي ع رجلي وبقيت اهزها
حت يهدا وينام رضع وشبع وبقى يون اعرفه يريد ينام
وهبه تلعب بالالعاب يمي لو تملخ شعري لو تطلع واجيبها تريد تروح لغرفه العلويه وتصيح مامه ديد مامه
سمعت عمو موفق طلع وراح للحمام
شويه وراحت هبه تركض خليت علي بسريره ورحت لهبه .
دخلت لكيت العلويه واكعه تخبلت شلت راسها وىسحبتها نزلت تركض صفا وعمو موفق بالحمام ما سمع من صوت الماي رفعناها إني وصفا وخليناها على السرير
ادك على وجهه على كيف وصفا راحت لعمو موفق اجه
يعرف شلون يوعيها
بقت شويه هي بحضن عمو موفق
وإني اعرف من تتخربط اكو أعشاب تشربهن تصير افضل تتحسن ركضت انطيت هبه لصفا ورحت سويته وجبت
العلويه.
حسيت بنفس الدوار اليصير عندي ردت احجي ماكدرت بعد ما وعيت إلا راسي بحضن موفق
وصفا بيدها هبه تباوع بوجهي
واستبرق تحجي وياي.
استبرق
خاله
خالتو حبيبتي
عمو شكلتلها وضاجت خاله ماتتحمل منك كلمه متدري تحبك وكلمتك ثكيله
موفق
انعام اكعدي خرعتي البنات شوفيهن
العلويه
فتحت عيوني
مابيه
استبرق
كعدت اخذت الاعشاب وأمي دخلت وسألت شكوو
موفق
تخربط انعام
خديجه
اجيت يمها خاف عدها حراره
كالت زينه مابيه شي
فز علي
گومي لعلي علويه
يريد تهوسيله
بچه بس اخذته العلويه ضحك وبقى يهوس إني بديت اسويله هوسات وهمه يباوعون
استبرق روحي يمه سوينه استكان جاي
عمج موفق ماشرب جاي أريد احسسهم ماسمعت ولا أدري بس إني عرفت انزعجت العلويه بس ما لوكف بموضوع
بقيت اسولف طبيعي وسألني موفق شنو خالتج سنيه بيها شي
لأ مابيها زينه
روحي صفا تغدي
استبرق أصلا خلت الجاي واخذت هبه وطلعت شفت استبرق ضايجه حسيت مغثوثه مو وقت سؤال العلويه هادئه
اريد اكللكم شي
موفق خير
خديجه
العلويه بيدها علي
باوعت عليه
سولفتلهم الكالته خالتي سنيه وقشعم
موفق بالنسبه اليه
البنيه لومهما تكبر اول وتالي تتزوج وقشعم خوش ازلمه خير اصيل محترم وهم يحبكم
العلويه
شنو قصتك موفق شنو زين شنو محترم
صفا نريدها تكمل دراسه تصير بيدها شهاده ماتفكر بزواج ومسؤؤليه شتحجون انتم طفله بعدها ششافت
خديجه
كلامج صحيح وهذا الكلام همه كالو قشعم يكول بيه وبلاي إني أريد اكمل دراسه وهي وين تريد توصل خليها توصل بس حبا من خالتي سنيه لصفا
العلويه
إني اكول هالموضوع ما المفروض تنطون كلمه
موفق
منو ينطيها أصلا بس إني اعرف قشعم شيقصد هو الولد عاش وحيد وشاف بخديجه وبماتها دفى العائله ومايريد يطلع من دائرتهم ويبتعد ويأخذ وحده ما يعرفها
العلويه
شعجب ما اختار استبرق اكبر من صفا
خديجه
لأن متعلقه خالتي بصفا تشبه بنتها حميده
هو يحب جدته كلش
موفق
شفت خديجه وكأن ماصاير شئ كلت متدري همزين
خديجه كمت رحت لاستبرق اعرف ضايجه
شافتني خلت هبه يم العلويه وصعدت صعدت وراها
لكيتها بغرفتي
استبرق
يمه من يوم اجيت لهذا البيت وما زليت بحرف وي أي بشر صح
خديجه
صح
استبرق
يمه تره احنه مو خدامات احنه تساعدها
خديجه
لمنو خدامات منو كال هيج
استبرق
يمه مو تكول تصرفاتها
سولفتلها السوته
خديجه
واحنه نحكم على موقف وأحد ونلغي تاريخ بشر كامل بخيره ووكفاته وعمله ويانه لعلمج إني سمعت شكالت لموفق وطلعت
مو من اللياقه ابقى وتصير جر وعر بالسالفه اكو مواضيع لازم نتركها هي تروح وحدها يأخذها روج النهر
استبرق
يعني أنتي عدج مو مهم ترزلني
خديجه
إني شفت ما رزلتج انما ميانه عليج إني مو امج أصيح واغلط واعلم وحتى اضرب
هي خلت نفسها هيج وياج تردين حدود
استبرق
يعني
خديجه
لاتكبرين الموضوع استبرق عديها يمه هي مريضه أولا ثانيا تحبچن ثالثا
معتمده عليج وتريد تعلمج مابيها شي
سكتتها وخليتها تنزل وهي مقتنعه أن الموضوع مايستحق
موفق
هاا انعام شنو كلما احجي وياج على شئ تتخربطين
العلويه
أنت فاهم الموضوع غلط مو مثل ماكلت إني اريدهن خدامات شنو الخدامه اامنه على كلشي عندي اغمطط
موفق
التردينه شنو انعام اخليهن يصعدن وما تشوفين أحد واطبق الشرع بينجن اصعد
يوم يمها ويوم يمج
انعام
أنت ترا كبرتها وعرضتها شكلت إني استبرق استقبلت الموضوع عادي لأن فاهمتني وتعرفني مااقصد اهانه
موفق
والله تخبلن الواحد انتن النسوان
خديجه
خابرتني أمل اسولفلها وأحاول انطي عذر لكل تصرفاتها مثلا لو بحجه تتكا عليه تتلمس شعري مبلل لولا يعني سابحه لولا بين السوالف وتمرر كلمه اليه لو لموفق كدامي
أمل تكلي تغار بس ماكدرت بعد تسبطر على موفق لأن حبج
اكتم الاضوج منه افضل لأن علمود بناتي أولا وثانيا موفق يستاهل لأن يحبني وثالثا صارو بعد عندي بنيه وولد العلويه
أمل
بس بناتج هم لاتخلينها تتحكم بيهن يحسن متسيطر عليهن
خديجه
زينه الهن وتحبهن بس ماتكدر نفسها متعلمه على دلال وسيطره من طفولتها حتى ماعون ماغاسله بيدها وبقت بدلالها لأن موفق ضاعف دلالها
أمل
والله شلون ما اشوف شافتج جبتي الها ثنين جهال تريده بعد مايوصلج
خديجه
لالا مو لهذا الحد ترا هي هم تاقلمت على وحدتها تضوج أحد ينام بنفس الغرفه وياها دائماً
حت استبرق نوبات تكللها أبقى يمج من جان علي صغير كلش متقبل تريد وحدها
بس هي عدها حب السيطره متحب احد يسوي شي بغير رضاها كون حتى من اصعد اكللها من اطلع اكللها نوبات أتذكر عمتي ام حامد الله يرحمها
أمل
والله خيه هي وجها نوراني مبينه بت خير ووجها مرتاح بس بنياتج خيه
خديجه
تعرف العلويه شلون تخلي استبرق تنجذبلها رغم استبرق إذا ضاجت من أحد مترجعله بس العلويه خلتها تتغير ورجعت علاقتها اقوى من قبل
اليوم السيد والعلوية يردون يرحون لأهل مسلم متوفي ابوه وهذا الولد وفي الهم
طلعوا الضهر للفاتحه
وإني بقيت يم الجهال ونلاعبهم إني واستبرق واجت صفا من المدرسة
نسولف وكاعدين ودك التلفون
قشعم
قشعم
خاله أنتي وين
خديجه
خيرر
قشعم
جدتي مو زينه تعاليلي
خديجه
خليت استبرق يم الجهال ورحت اركض
متمدده خالتي سنيه ومتقبل احد يشيلها راد يشيلها قشعم يأخذها للمستشفى ويمها حياه واخوان قشعم
زايره سنيه
جيبي حميده ولج
اريدن حميده ولم جشعم
خديجه
شلون ورطه كلتلها شويه واجيبها الج بالمدرسه لأن محد يم استبرق ماسيطر على الجهال لحد ما تجي العلويه
خابرت موفق بلغته ووصيته يدز صفا من يرجعون
ساعه هيج وخالتي ما خلت أحد ما ذكرته من الاموات
واجت صفا
شبعت بجي على خالتي سنيه حاضنتها وزايره سنيه تشمم بيها وتبجي
بقيت بليلتها بايته يمها
اجت استبرق بليل كلش رجعت لأن العلويه محد يمها للجهال
نمت يم خاله سنيه وصفا يمها مكدرت اغفا للصبح كأنه البارحه مروه هنا بنفس الغرفه وهنا جانت حضنتني
غفيت شلون مادري
مروه
يمه شعري شوفي شكد حلو
خديجه
طولان شعرج وصاير حلو
مروه
تعالي يمه
هذني كتابين منوه اليه
خديجه
جنطتها مال المدرسة
بيها كتاب واحد بيه انعام وواحد خديجه
وثالث ماشفت الاسم
مروه
هذا اليه لونه حلو
خديجه
ماشفت الاسم العليه الخذته مروه اسمي لو اسم انعام اسم بعد هم كتاب ثالث ماشفته
فزيت صفا يمي
يلا يمه راح أتأخر على المدرسه
تأكدت خاله سنيه زينه طلعنه وقشعم وصلنه وراح لدوامه
نسيت الحلم
ثاني يوم بليل
خابرت حياه
حياه
ام استبرق الحگي ماتت خاله
