 |
رواية بيت الخبازه الجزء الثاني 2 الفصل الثامن 8 بقلم زهرة الرمان
استبرق
الثقه إلي انطونياها العلويه وعمو موفق وأمي
خلتها تصير قيد بالنسبه اليه خط أمشي عليه وما اتصرف بغير ما أخذ نصيحته العلويه
شفته وعرفت همه سفره شباب جايين
لأن من اقترب وشفته
صاحوه وإني رجعت امشي سريع
ماردت يحجي وياي
افتريت اريد اوصل يم مكان كعدتنه
سمعته صاح استبرق
ذا النون
كل باب يوصلني لاستبرق دگيته سيف كال رافضه موضوع الزواج
اضطريت اروح لعمار وهم كتله امشي وياي اخطبها
وما قبل
لأن كال مازال سيف كلك رفضها معناها رافضه موضوع الزواج
قربت أيس بس گلبي يرفض فكره نسيانها
تزوج أخوي وخلف وصارت العيون عليه تزوج تزوج وإني مربوط گلبي وي السكنت بعيد
صرت اتهرب حتى السفر مصار للخارج
جماعتي واحد منهم يعرف بكلشي
يوم ياخذني للصيد يوم للبر
وقبل كم يوم كال نروح للشمال
اخليهم وامشي وحدي من الضوجه هوسه الناس ماكدرت تخليني انسى استبرق
باوعت اكو بنيه يم الشلالات
اباوع هاي تشبه استبرق لأ مو هي لأ هاي اسمن واصخم ومعانيها تختلف هاي بس شبهه
وصلت قريب والفضول بقاني امشي باتجاهاه
وصلت شفت الاثر هذا هو الاثر البوجها حليانه بشكل مو طبيعي مبين عليها راحه
مشيت وراها بلا وعي ولد يصيح عليه تاكدت هي من شافتني عرفتني وراحت
تمشي سريع
مشيت رواها ادور لما لگيتها
صحت عليها واجيت يمها سريع
استبرق
اهلا ذا النون
ذا النون
الله راد اشوفج صدفه بس بدنيانه ماكو شي اسمه صدفه اكو قدر
قدري ربي بعوضني انتظار واشتياق اشوفج
استبررق
اترجاك ذا النون إلي بينه صله قرابه إني احترمها غيرها ماعتقد أكو شي
ذا النون
شلون وإني ماخليت درب ما مشيتله حت اوصلج ماخليت أحد ما خطبتج منه شسوي وتصدكين حبيتج
استبررق
المشاعر إلي تحسها احترمها واقدراها لكن حقيقه أريد اكلك اياها لازم أكو تبادل لهاي المشاعر وإني ماريد اجرحك بس اتوقع جان فقط اعجاب بشخصيتك وإني جنت هشه وفارغه أما هسه من شفتك اشتياقي الك ك شخص قريب لاهلي فقط احترمك واقدرك واحب الايام إلي جمعتنه وحتى غدير اشتاقلها لأن صديقتي بس حب لأ صدگني انصحك تتخلص من هذا القيد اتجاهي طريقي يختلف عن طريقك
خديجه
رجعت اكعد يم العلويه اجت صفا واستبرق ماكو بقيت بقلق كمت اشوفها وين اجت العلويه وراي وصفا يقت يم الجهال
شغتها واكفه يم ذا النون رأسا ردت اروح لزمتني العلويه
العلويه
متاكده لأ مواعدته ولا عدها أي اتصال اصبري إني واثقه باستبرق خلي عندج ثقه ببنتج خليها وشويه وتجي تسولفلي كلشي سوي نفسج متدرين ديري بالج تبينيلها شئ
بنتج تعاند لأ تخسرينه إلي بنيناه
هاي اول اختبار الها يمي إذا ما خيبت ضني ومشت على التعلمته بعد اكول استبرق بنتي ويعتمد عليها واخت لاخوانها كلهم
ذا النون
انطي فرصة لمشاعرج اتجاهي إني انتظر
استبرق
صدك بالله لو اكو وأحد بالميه مشاعر اتجاهك جان هسه من شفتك حسيت بشي لكن تاكدت ماكو أي شيء اتجاهك راح يتغير لاتوكف حياتك علمود حب طرف واحد ووهم أنت خلقته لنفسك عيش حياتك صدكني إني ماا اكدر اشوفك بمنظار حبيب ابد
سلمت عليه رغم هو مصدوم من طريقه كلامي وردي
ذا النون
ماعرف كأن مو استبرق إلي كدامي بس على العموم شكرا الج مع السلامه
استبررق
الله وياك رجعت لكيت أمي والعلوية كاعدات يسولفن على كيف
مثل ما يكول عمو موفق يخوفن الشرايج من يكعدن سويه معناها اكو موضوع چبير
خديجه
وين جنتي گرصتني العلويه
تونسنتي
استبرق
يمه الطبيعه سحر والجو يجنن سفره ماتجي بعدها سفره
العلويه
والله شوفي استبرق موفق روحه بالسفر والتصوير وكامرتا وياه وراح الله ينطيج وينطينه عمر إذا الله خلاني ما نخلي مكان يعتب علينه موفق انفجارات والدنيا مگلوبه وسيطرات وهميه بس يكول اعگدي ربطتج لام البنين واقري الفاتحه
ونتوكل وين يعجبج ناخذج قبل لاتزوجين وانوب ميخليج تتونسين
استبررق
يازواج خالتو بعد عندي طموح هواية اشياء اسويها
العلويه.واني ااكد عليج
الحب خليه هو يجي وهو يغصبج تمشي اله
استبررق
قبل لأ يجي عمو موفق اريد اكللكم شي بس يمه بروح مروه لأ تهجمين عليه
خديجه
لأ كولي لأ اهجم ولا احجي
استبررق
سولفتلهن عن ذا النون
العلويه بقيت منتظره رد خديجه
خديجه
هذا كلامج من اقتناع لو لان من بيت الداود
استبرق
لأ يمه بيت الداود مثلهم مثل كل العشاير بيهم الزين وبيهم الشين
وذا النون زين ومعدل بس فرق بين عمره وعمري وبصراحه ولايتنه كلها كرهتها مابيها ذكرى تفرح وعلى العموم إني ما عندي صدك أي مشاعر اتجاها
العلويه
مثل ما تصورت وتوقعت الحمد لله هاي بنيتي تعالي ابوسج وهاج افتحي حلگج تستاهلين دولمه البصل شكد احبها بس ما تغلى عليج
خديجه
أحس العلويه ام الهن ما لهاها علي وهبه عن متابعه استبرق وصفا يحبنها حيل وهي ماتقصر وياهن
شنو بنفسهن تسوي
صح الحال والمال للسيد بس العلويه بقت هي المسيطره والمتصرفه بيدها كل حسابات السيد الوارد مال شغله عدها كلشي يجي ويروح عدها تصرف هي تخلي ميزانية لكلشي الصرفيات البيت أو أي شيء بيدها
حتى إني من اريد شي هي تشتري اليه ما اتحسس واكول لازم إني الزم فلوس وإني أشتري وعلى ذوقي ابد لأن اثق هي متقصر يالي التختاره اليه
استبرق
عمو موفق....بسفرتنه عنده كاميرا علمتي عليها شلون اصور
بديت اصور وحبيت التصوير
وهو عنده البومات صور كومه
وخلاها الكاميرا يمي لأن علمني عليها وراسا تعلمت
بنجاح صفا اشترالها تلفون حديث وكاميرا وشي جديد
ماكدرت اطلب استحي اكول اريد تلفون جديد وهمه كالو لصفا كل سنه تنجحين نغيرلج التلفون
اتواصل وي فطومه تشتكيلي وتسولفلي عن كلشي يخصها
هي اصغر مني واكبر من صفا يعني هسه هي خامس اعدادي كارها حياتها بسبب امها وضغطها وجنت اهون عليها
أن هي تريد مصلحتج
فطومه
هاي امج شافتج كارها المدرسة ما ضغطت عليج
استبرق
إني وضعي يختلف إني بسبب تشوهات البجسمي تكأبت وكرهت الكتب والناس والحياه فتره المريت بيها تدرين كم مره إني فكرت أنت..حر
فلا تقيسين وضعي وياج أنتي عمو عمار يموت عليكم وامج ممقصره وياج بكلشي حقها تريدج تصيرين شئ ولاتنسين من يتجمعن تذكرين صديقات امج كلمن تفتخر ببنتها
لازم تخلينها تفتخر بيج
إذا تساعدينها بالييت مو شي صعب
إني جتت اصغر منج انظف واطبخ وتعلمت اخبز وكلشي أسوي غير مساعده لأمي
صيري قويه وساعديها
صرت على طول اعلمها رغم ضد طريقه سرى بتربيتها حيل تضغط عليها وهي فطومه هم عدها فهاوه
وسرى متقصر تسميها
وجدان وجدان وحده فاهيه كلش ووسخه بعشيرتهم
مثل لكل وحده قذره يكاولها وجدان
فطومه تبقى تبجي من يكلولها وجدان وكدام خالتها وكدام اخوانها إخوانها يكلولها وجدان
اتصلت اليوم عليه راح يبدي الدوام وهي سمينه گايله لامها اريد البس عبايه ما قابله وهي حيل حابه تلبس بالمدرسه عبايه عمو عمار قابل وفرحان
وسرى تكللها تلحگين على التلفلف هي سرى متلبس عبايه
وخابرتني تبجي
بقيت اسولف وياها وراحت كالت بليل اخابرج
اتصلت بليل
تحجي وياي وسرى مموجوده رايحه لببت اخوها وسمعت صوت بشار كال فطيم البسي ربطه اجه سيف
بقيت بصمت
ردت اعرف احساسي اختبر مشاعري
دخل وفطومه اكثر من مره كالت احس سيف يحبج وجنت ابعدها
فطومه
استبرق رح أخلي الخط مفتوح وإلا اثبتلج سيف يحبج والله
شلونك سيف
سيف
هله فطيم شلونج
يابه شنو هالاخبار يكولون تريدين تلبسين عبايه
فطيم
أي والله كلش عاجبتني
سيف
خاف يومين وتذبيها
فطيم
لأ لمن اموت يلا انزعها
سيف
اسم الله عليج خيتي الحبابه
فطيم
اكلك أنت شوكت تتزوج تره دارت هاي السنه الثانيه لله يرحمه شكر
نريد نفرح بيك
سيف
لاتنتظروني إني بعدني چلبو بغيري خلونه نزوج بشار
فطيم
أي حتى يجوع بليل ويتخيلها لفه وياكل بت الناس
سيف ضحكت حيل
ولج فطيم انتم كلكم هاي لارج هههه
فطيم خل نشوف التتزوجها بلا
سيف
إني الاتزوجها مثل بيرغ عراضات مهره اصيله
فطيم
شو چنك توصف وحده معينه كول كول منو منكول
سيف
وإني خبل اكللكم باجر الفضائيات تنقل الخبر تردونه
بشار
زين يعني وحده نعرفها بس انطينه توضيحات
سيف
يجوز
فطيم
زين غريبه لو گرايب
سيف
يجوز ويجوز
بشار
شنو خلصتها يجوز احجي شبيك
سيف
هي اقرب من الانفاس على الاضلع وبعيده ك شرق وغرب
فطيم
هسه احنه شفتهمنه بله
سيف
مو مهم ابوكم وين
استبرق
سمعت كل كلامه اريد أغلق الخط مكدرت احس ب لهغه لصوته گلت هذا مجرد وهم وسديته گلت لنفسي ماكو داعي أتأمل أو اوهم نفسي هذا سيف لونسيتي استبرق ابن ايمان وحامد ششافت امي أو إني منهم
حتى لو هو زين بس اكره الرجال الضعيف ذا النون رغم ما احبه بس حبيت اصراره ومحاولاته وكل باب دكه وما خاف
شلون تامنين برجل متردد يحبس مشاعره لأن يخاف من الناس
مشت ايام وايام داومت صفا وصارت تحلو يوم بعد يوم رغم هي تشوف لونها ماعاجبها
يوميا لازم اسوي تصوير لهبه ولعلي
كل يوم ويوميه تجيب العلويه ملابس شكل وتلبسهم وتصيح تعالي صوريلياهم
بس أمي تضوج من التصوير متحب تأخذ صور ابد
كعدت اليوم نزلت
لكيت العلويه تغني
يبو حسين يبو حسين 👏
يا جبره العشر سنين
وعيرتني الشامته وكالت ولد متجيبين
وكل الولد لوخ
بس ابني فنجان شيوخ 👏
يوم العيد ويوم محيا يوم التطلعلك لحيه
ويمها صفا تصور فيديو بتلفونها
هاا خالتو
العلويه تعالي اليوم نايمه للضهاري
شبيج
استبرق مابيه
العلويه تحضرين نفسج بعد بالضبط اسبوع يجي الطبيب التجميل وكل شي حابه تغيرينه سوي
إلي بنفسج
صفا
اهم شي سوي خشمج إلي چنه خرطوم فيل
استبرق
ولي ولج خشمي اصلا هو محلي وجهي ما اغيره
العلويه
أنتي صفا مثل ماكتلج
استبرق
شنو صفا راح تغير وجها كله لأن وجها كله خشم اخ يمه
صفا
مليقه راح افاجأج بالاسوي
استبرق
رغم أمي خوافه وما تقبل خاف وخاف شلون وشلون
اخذنه عمو موفق والعلوية وشاف التشوهات حتى برجليه
وانطاني عنده لابت توب شوفني مخطط للي راح يسوي وأخذ صوره من يسوي العمليه شلون يتغير شكلي
جنت متحمسه بس من صارت صدك وانطانه موعد للعمليه خفت
صفا رادت تغير لونها الطبيب كال منكدر لأن بشرتها حيل حساسه بس كال بعد سنه أو سنتين نكدر نسوي لون للحواجب و الرموش وحت يكدر يخلي لون تحت جفن العين بصوره امنه ودائميه تكسر البياض إلي بيها
تقرر موعد عمليتي وإني الخوف تسرب اليه وياي عمو موفق
وصلنه للمستشفى وقبل لأ ندخل بعدنه يالغرفه سوولي تحاليل وكذا
وياي أمي وعمو موفق بس العلويه بقت بالييت هي وصفا
اتصل على عمو موفق
عمو عمار
كال إني وصلت للمستشفى عرف من فطيم كلتلها إني على موعد عمليتي متوقعت يجي
دخل حضني وباسني
عمار
ولج أنتي مو كتيلي اكلك بأي شيء يصير
بعدني حاضنته وسمعت السلام عليكم
سيف
وعليكم السلام
اجه سيف وسلم على أمي وعلى سيد موفق وبقو يسولفون شفت شون يباوع عليه
سيف
ها استبرق راح ترجعينه اليسا أن شاء الله
استبرق
واليسا أحلى مني
سيف
لأ يابه اليسا شنو
موفق
يرحن فدوه لبنيتنه القوية السباعيه
استبرق
ثمانيه قصدك
موفق
مومال وأحد يحمدج منا عمج وابن عمج كلت اكبر يافوخج
استبرق
بقينا نضحك واجت بنيه كالت تعالي استبرق
رحت وإني أمي لازمه بيدها خفت
اجه عمو موفق
موفق
يلا روحي خلصينه من چهرتج
استبرق
باسني براسي
گال اقري ايه الكرسي وراح انتظرج يلا بنياتي
ماعرف ليش حبيت اشوف شكل سيف لكيته وجهه للباب ماباوع عليه أصلا
استبررق
حسيت وجهي مضبط بشاش ويوجعني أحس أحد يكلي استبرق استبرق صوت أمي
خديجه
طلعوها وجها بيه لفاف وماينشاف منه شئ بقيت ابجي ولازمني موفق
موفق
لاتخافين ماكو شي طبيعي كل الكاله الطبيب عليه هيج لاتخافين كم يوم ويروح هذا الفاف وترجع احلى من قبل
عدنه خطار ابقي يم استبرق اروح اجيب غدا لابو فاطمه وابن اخو
خديجه
إني اوعي بيها وعمار يمي وسيف
حاجاها عمار وإني هم گوه تحجي بعدها بالبنج عمار دكو عليه التلفون طلع
وإني لازمتها وسيف لهناك واكف
اسمعها تحجي
بس ما ينفهم كلامها
سيف
انعصر گلبي ليش بويه خليتها بهالعمر تتعرض لجراحه وخوف ماكدرت اباوع عليها خانتني عيوني ودمعت راحت درت وجهي منها ماريد يحسون بقت ساعتين ونص بالعمليه الف حسبه صارت بمخي
وموفق مطمأن لأن الطبيب مفهمهم حتى على وقت العمليه بس إني مو بيدي اقلق
طلعوها وعمه خديجه تسولف وياها إني اعرف بعدها بتاثير البنج
وصلت يمها اشوف المغذي خلص قفلت القطاره سمعتها تسولف
استبرق
شبيج يمه هو مااا يريدني ولا اصلا ينفهم إني بعد ماريده هي كوه هوه ابوه خله هذا يوجهي واصير إني انوب چنته لأ لأ سيف ولا بطيخ أخذ جلب من الجلاب السود ولا من بيت الداود المن جاايني هسه المن
أي وإذا احبنه طبني حمام فوك حمام هوه مايكلج احبج شنو شمرين روحج عليه انچبيييي استبرق انچبي
خديجه
ياااا يمه هاي شبيج
سيف
سمعتها ابتسمت وطلعت
تلاكى وياي عمو عمار إلي سولفتله اريد استبرق بس أعرف الاعتراضات ويجوز هي ماتوافق شنو شافت من بيتنه وتقبل
نصحني أن انتظر خلي هي تتغير نفسيتها لأن الشافته مو هين وبهذا الوقت إذا تقربت الها تنرفض
نصحني اعتمد على نفسي
عمار
أنت شاطر ولاموم جمع كم فلس طور شهادتك حتى من تتقدم مالهم أي عذر إلا إذا هي متريدك ومالها مشاعر انجاهك هنا بعد ميصير تبقى تحبها
سيف
طلعت سولفتلها بالبنج شكالت
عمار
وأنت گابلتها تريد تأخذ اعترافات
سبف
والله ما مخطط بس گلبي يلوب ربي نصفني
خديجه
عرفت تحجي على سيف سكتتها اجه موفق تخابر العلويه وقلقه كلساع تخابر
تاكدت أن استبرق زينه
ووعت وانتهبت حمدت الله جاب الغدا
خلاه ويمه عمار وسيف كال تعالي اكلي بس إني طايره روحي
موفق
استبرق شلون كباب ياويلي على عنادج حنيصه
خطيه استبرق ممنوع تاكل
خديجه
بقه سيد موفق يتشاقى وياها ويتناكرون وتعيط متوجعه اسكت عمو
اجه طبيبها شافها عرفت جاي على كم حاله من دبي ماعرف يادوله منطينه كومه فلوس
موفق
السوالج العمليه سيد حسيني بعد شتردين
خديجه
وسيف وعمار راحو بعد ما سمعو من الطبيب كلام اطمأن على حالتها
وعمار كال النه جيه ثانيه
موفق
روحي خديجه خل اخذج ترتاحين هسه هي نامت وبعدين ارجعي
خديجه .
شلون نعيفها وحدها
موفق.
ما عليها شي
خديجه
رجعنا لكيت العلويه منومه الجهال ومنتظرتني تريد تروح لاستبرق راحت وإني بقيت هي وصفا
بقت يومين استبرق نتناوب عليها لحد ما طلعتها اليوم العلويه وسيد موفق
وتقرر بعد يومين كال الطبيب ينفتح الضماد بس اشوف وجها وارم كال موفق طبيعي
فتحنا الضماد ونحس تغيير بس من الورم ما مبين
وانطاها الطبيب موعد لرجليها
أما تروح للأردن عنده حالات هناك وتسافرله او تنتظر بعد ورا المستشفى والحالات الي يجمعونها اله
يوم ع يوم تتحسن
واليوم اجه موفق جاب تلفون بكاميرا لاستبرق
موفق
هاي هديه عمليتج بس وعد ها كدام الكل إذا رجعتي للدراسه إلا احدث جهاز اجيب وبكيفج
استبرق
فرحت بالجهاز بس ما فتحته كلت لما اطيب
خاله وجهي احسه مضبط
العلويه
اكيد تتاخرين يلا يرجع مثل السابق لعد صنع البشر مثل صنع الخالق سبحانه وتعالى ما يجي مثل خلق الله لو أمهر طبيب
بس ٩٠بالميه رجع وجهج واكو تعديلات مسويهه ماعرف شنو مغير صايره حلوه أكثر
استبرق
اتصلت سرى تحمدت بالسلامه
واتصلت فطومه
وسولفتلي ان نورس مخطوبه إني أعرف بيها قبل كم شهر انخطبت
فطومه
ولج فسخت الخطوبه وعاقده شرعي فسخت العقد
استبرق
يااا ليش
فطومه
متعاركه وي ام الولد وهمه تعرفينهم بيت مجيد كرايب أبوي هو ابنهم
استبرق
ولج مرت مجيد جانت مديره مدرستنه الابتدائيه
فطومه
أي هي تعاركت نورس وياها
وجايه مرت مجيد تكول لعمه ايمان
بنتج بش شكل شنكه وشايله خشمها
وتباوع علينه باستصغار اليوم تقلل هيبه خطيبها باجر شسوي بينه
استبرق
يبوو عاد كون تتعلم
فطومه
شبيج ما تتعلم والله هي احنه بنات عمها بالخطوبه طردتنه من الغرفه إلي ام الصالون تسوي شعرها
استبرق
خبال هي شايفه نفسها على شنو مندري
نزلت سمعت جاي خطار
صديقات العلويه
ضيفتهن وأمي وسيد موفق نايمين الضهر لكيت العلويه شويه مزعوجه إني اعرف تنزعج من عمو موفق يصعد الضهر يم أمي
وهي منبها عليه من يجون خطار أخذ علي وهبه للغرفه وما اطلع
اخذتهم وبعدني اسولف بالتلفون
وصفا بالمدرسه
ضهري
ماسمعتها
اجت الغرفه معصبه
العلويه
صار ساعه اصيح عليج وينج لأ أنتي ولا امج جبتي الكليجه والجاي ورحتي تحركي اتركي التلفون شويه وصبي بعد جاي
استبرق
ماعرف لأن أول مرة حجت وياي بعصبيه
او لأن مغثوثه من أمي لأن فوك صعدت الضهر
صبيت الجاي وحتى ما قبلن يشربنه بقيت الاعب بالجهال بس ضجت نزل عمو موفق
موفق
نزلت السخان الفوك بارد لأن يستخدمنه البنات على طول اخذت ملابسي ونزلت اسبح جوا لكيت انعام واكفه بباب غرفتها
العلويه
همزين نزلت يلعريس وين عروستك
موفق
باب غرفه الجهال مفتوحه وبيها استبرق حسيت بخجل هاي بنيه جبيره
فتت دفعتها على كيف للغرفه
شبيييج انعام هاااا فهميني شكو اليوم
العلويه
يعني بليل فوك بالنهار فوك ولا كأن انعام زوجتك
موفق
ليش مو البارحه إني وين مو بحضني أنتي الليل كله واليوم تريكت وياج واجيت الضهر كلتي راح يجن صديقاتي اريد ارتاح وانام شلون ابقى بالغرفه يم الجهال والخطار
تحاسبيني
العلويه
حجتك الجهال تنزل خديجه وتاخذهم
خديجه
سمعت وإني احس تعبانه مابيه انزل خليتها تحجي مو اشكال
خابرني قشعم كال خاله تكدرين تمرينه ماكدر اجي واسولف وياج وأخذ راحتي
شبيه قشعم كال ماكو شي يخوف بس محتاجج بموضوع
نزلت العلويه قافله غرفتها ويمها موفق
واستبرق بيدها الجهال وصفا اجت
خابرت موفق استاذنت منه اروح لبيت خالتي سنيه
كال روحي
تمشيت عليهم مو بعيدين
سلمت وكعدت يم خاله سنيه احسها اليوم زينه وسلامها مال وحده طبيعيه
زايره سنيه
شوفي يم حميده هذا المگرود يجيب فلوسه يخرخرهن لحويته الچساحه
اريدن منج شي
خديجه
شتردين خاله إني حاضره إني هم ماعاجبني يبقى هيج صحيح امه واخوانه ولازم يصرف عليهم بس هو شاب يحتاج يجمعله كم فلس
زايره سنيه
خايبه لا تسبگين وتلبگين تهدي
اريدنج ترضين تملچيله لحميده
وهذا البيت اله والها وجشعم خوش زلمه
خديجه
خاله بعدج بهذا الموال خاله بنتي عمرها كله ١٥سنه وقشعم دخل على ٢٥سنه شلون خاله هيج بنتي بعدها طفله
زايره سنيه
هايه وصيتي وانشدي بتج وجشعم انه كفالته
خديجه
قشعم كلام جدتك شنو هذا
قشعم
خاله إني صحيح بالبداية جنت اضحك على عقلها اكول مره جبيره
بس جدتي متعلقه بصفا
وإني لو افر الكون كله ما الكا احسن منج ام اليه وصفا هسه على گولتج بعدها طفله انتظرها تردين اكمل دراسه اكمل المهم تقبيلن
خديجه
قشعم بنتي باجر كبرت وما قبلت باختيارنه شلون انطيك كلمه
قشعم
تنحل لذيج الساعه يصير ماعليج وعد
خديجه أبد ماريد هذا الموضوع ينفتح كدام بنتي
رجعت للبيت لكيت العلويه متخربطه ويمها موفق وصفا واستبرق
