 |
رواية بيت الخبازه الجزء الثاني 2 الفصل السابع 7 بقلم زهرة الرمان
استبرق
تعودت اكعد من وكت إني إلي اسوي ريوك للعلويه وأكثر الشغلات بالبيت إني اساعد بيهن أمي
دكيت الباب على غرفه أمي لأن أعرف تكعد وي كعده السيد
ماكو كلت نزلوا
نزلت
صبحت على العلويه وإني اساعدها انظف الطفله واغسللها
سألت عن أمي كالت العلويه مادري اليوم مانزلت
افتريت والسيد برا يم مسلم
أجيت لگيتها بباب الحمام وفاقده الوعي صرخت
اجت العلويه
العلويه
أمشي صيحي موفق استعجلي
اباوعلها صايره صفرا شبيها
هاي الفتره استبرق هواية شايلها عنها
معقول لأن زعلان عليها موفق
بعطر اخلي على وجها.واجه موفق
موفق
شوو بلا انعام شبيها
العلويه
مادري حتى ما شفتها اليوم من نزلت
موفق
اخذتها للصاله ضربت ع خدها فزت
واستبرق تسأل بيها
إني وكفت شويه لهناك وهي تحجي للعلويه واستبرق
خديجه
من فزيت لكيت العلويه واستبرق يمي وموفق واكف لهناك يسألون شبيج شبيج وإني ماعرف شبيه
العلويه
موفق تترك عنك اليوم الشغل لاتروح اخذها سويلها تحاليل شوف شبيها ترضع وبسبب الرضاعه يمكن
أنتي جاي تجوعين خديجه
خديجه
لأ علويه إني كعدت اريد اروح للحمام لأن اريد اتقيا عبالك معدتي مليانه أصلا
واحس براسي ثكيل
العلويه
خاف متسممه من الباچا اجابوها اصدقاء موفق
موفق
شعليها الباجا مو إني اكلت كل الكراعين
كلشي ما بين من الصبح دورت الجدر بلكي اكو بعد كراع
استبرق
عمو جا الخروف كم رجل عنده
موفق
استبرق تره تصيرين حصتي اسكتي الجدر ماكلينه كله لكيته مغسول
خديجه
بالثلاجه فرغته بجدر صغير
محد اكله إني ماحب الباجا
موفق
أول مره تحجي وياي من زعلت عليها ماجاوبتها بقيت مثكل عليها وإني ود ودي احضنها
طلعت من الباب
استبرق خل تحضر نفسها اخذها للطبيب انعام كالت اخذها يعني اخذها حجايه انعام
ماتنزل الأرض
استبرق
ضحكت على طيبه عمو موفق يضهر زعلان بس هو خاف عليها حيل
خديجه
روحي استبرق سوي ريوك للعلويه ماييه شئ صرت زينه وأنتي علويه كولي للسيد.خلي يتيسر يروح ما مبيه شي يجوز لأن ماشابعه نوم
راحت العلويه للطفله بچت واستبرق سوت ريوك وإني اغسل وأسأل نفسي ما اجتني دوره شلون خاف حامل
لأ شنو حامل
بقيت ماعرفت بس هاي العلامات ماجانت بجهالي عندي شلون هيج
موفق
گالت العلويه صارت زينه خديجه ماتقبل تروح
دخلت لگيت استبرق مسويه ريوك إني عودتني خديجه
تسويلي هي الريوگ حتى لو. زعلان منها اليوم ما لگيتها بالمطبخ
دخلت يم العلويه ولازم العب وي هبه وابقى اهوسلها
اجت استبرق
وين امج
استبرق
صعدت تكول ما اريد ريوك
خديجه
صايره حساسه خديجه شبيج مقهوره لأن صار يومين ما يباوع بوجهج موفق شنو قصتج
اي مو شافني مغمى عليه بقى بعيد
ويكول خلوها تحضر نفسها وتجي وراي
ما سألني شبيج
أي غير زعلان لأن ماخليت البنات يسلمن على بكر
حقك غير ماتعرف بكر وانت حتى من راح بكر ما اجيت وسألت ليش هيج محمله وشايله عليه
شويه واجه موفق
موفق
وين قميصي الشكري
خديجه
يا قميص عندك شكري
موفق
شنو ماتعرفين قمصاني لو شنو
خديجه
ماسامعه بالشكري هذا شلونه
موفق تعالي دوري تأخرت عرضه من الصبح
خديجه
رحت هذا
لأ هذا لأ
طلعت قميصه البيجي
موفق
هذا جيبي
خديجه
هذا الشكري
موفق
أي
خديجه
مو چان اسمه بيجي
موفق
بكيفي اسمي باليعجبني
خديجه
رجعت للفراش
موفق
مدگومين تاكلين
خديجه
شبعانه
موفق
ابقي عفيه عاندي
خديجه
ماجاوبته فهمت يريد يداهر حتى اصالحه
موفق
ماتجاوب بس من اكللها اسكتي ولا تسكت لاتحترمني ولا تكول خطار رجلي
خديجه
بقيت ساكته
رگع الباب وطلع
بقيت يومين اكعد الصبح ما اشتهي الأكل واحس يريد يغمئ عليه
بس ما صالحني السيد
العلويه عدها موعد مراجعه بتركيا صارت كل ست اشهر الطبيب كالهم تروح
تقرر موعدها بعد ١٥,يوم يرحون استبرق هواية أمور تسويها بالبيت
مثلا تغير صارت مكان اثاث او تبدله تكول للعلويه وتقبل وتساعدها وصت مسلم يأخذ فراش وغراض ينطيهن للثواب وصدقه وطلعت استبرق والعلوية اشترو غراض للبيت غيرن المطبخ اشترن كاونتر جديد اثثن الصاله الاستقبال
والعلوية فرحانه بافكار استبرق ودوم تكلي استبرق نادره ونازك اختيارها وذوقها حلو
عرفت من العلويه أن سيد موفق شكد حنين وطيب ومتسامح بس من يزعل إلا هي تصالحه ويبقى بصمت إلا هي تصالحه
ضجت من هاي الطبيعه بس اشتاقله صرت وصلت مرحلة بديت اختلي وابچي واكول لنفسي شبيج خديجه عمرج ما صار هيج وياج من جان حاجم الله يرحمه
صعد اليوم إني ايدي احسها تخدر بس عللت السبب لأن جنت اخبز والف كبه
كالت العلويه يجوز عدج سوفان بالعنقيه
وجعتني ايدي وبديت ابجي
دخل موفق شافني ابجي
سوا نفسه عنده شغل بالكنتور
موفق
حسيت بخديجه مشتاقتلي عيونها فاضحتها وإني ما قصرت شويه بهارات خليت اتشاقى وي العلويه واستبرق عرفت ماتغار بس تشتاق لشقاي وياها
صعدت لكيتها تبجي
اجيت عليها
تدرين إني صار كم سنه متزوج
ولا مره إني صالحت انعام
وامانه الله ما اغلط بحقها دائما هي الغلطانه
وهسه أنتي هم الغلطانه بس ماصبرت هسه تعالي سحبتها وبستها ليش هيج تفشليني كدام خطاري مو عيب مايطلع هيج تصرف من خديجه
كافي لاتبجين ولج عرفتي احبج وتقهربني ببچيچ
خديجه
متعرف بكر شنو من بشر موو اخ لأ عدو
تعرف انت خديجه خبازه وعرفت اهلها وعيالها
بس ماعرفت شلون مرت عليه ايام
خوف وقلق وإني عندي بنات لأ إني لسما ولا لگاع وإلي ثقيت بيه وجنت صاينته
غدر بيه وانوب اهلي طلعوا أكثر غدر منهم
هذا بكر التشوفه راد يبيع بيتي ويخليني ببيته مدمغه وخدامه إني وبناتي لمرته
هذا بكر يضربني ويهيني كدام عيالي
ومات الطفل بسببه حجيتله كل التفاصيل حجيتله معانات محد يعرفه
بقى ساكت ويراقب كلامي
هسه عذرت هجومي عذرتني لأن ميستحق كلمه اخ
موفق
وجها مليان دموع وتحجي بحرگه وقهر
مسحت وجها
إني اخوج وزوجج وسندج وبعد أي شيء يخصج لازم تكليلياه ميصير تخفين عني أي شئ من اجيتي لهذا البيت العلويه وعتج على كل شخص يجي النه علمتج منو خبيث منو زين منو طماع وتحذرج حتى ما تصير هيج اصتدامات الصارت
لأن ظاهريا
اخوها وجان خلاف بينهم وكل خلاف يصير اله حل وردت افرحج حقي لو مو حقي كلت تشوفه ويتغير كلشي
إني نضال
جنت مقاطعها بسبب ورث وصفيته وياها اعرفها طماعه بس أختي وأعرف ولدها يخربونها خلفتها كلهم على اهل ابوهم
نضال وياهم
بس من جابتها العلويه كلت اختي مي خالف وصالحتها لاجل الخوه وخاطر العلويه رغم اعرفها مراح تسكت بس اختي
خديجه
ماااا اكدر اسامح بكر لأن جيته هاي لأن سمع بيه متزوجه شخص ميسور الحال
كال بلكت استغله اعرفه والله
لأن من جنت وحدي هنا ليش ما اجاني ويدري اخبز وشبعت ضيم
موفق
خاب عساه لاتصالح شنو بكر يخليني لأ اشوف امريكا ولا نغزو صارلنه كم يوم
خديجه
هاا هنا الحجي
موفق
عاجبج اجيب ثالثه وين اروح بلا هااا
خديجه
لالا خليك على امريكا وضحكت
كم يوم والعلوية تتحضر على سفرها وتريد تاخذ هبه وياها وإني هم تريدنه كلنه نروح وياها لأن ماتكدر تفارك هبه
ورادت تلغي سفرها بس سيد موفق ماقبل لأن لازم نتأكد طبتي
تقرب موعد سفرها وحضرنا كلشي هي وسيد موفق يسافرون بليله سفرهم العلويه توصي الف مره وتعيد على هبه وبقت تبجي
لأن صايره تناغي وتضحك والعلوية والسيد حيل تعلقوا بيها البيت شوكت ما يدخل احد همه يهوسون على ضحكتها وبچيتها ومن تنام تگابلها العلويه وتكعد
بليله سفرهم السيد حاضني مثل طفل
موفق
ماعرف شلون راح أتحمل هالايام فراگج شلون بلا گليلي
خديجه
تىرحون وترجعون بسلامه
يوصيني على البنات وعلى نفسي لأن يشوفني افحط بسرعه صايره وايدي تخدر واتعب بس أسوي أي شيء
بقى يحجي عليه
موفق
ما خليتني اخذج الطبيب اشوف شبيج كلما اكلج امشي تكولين ماكو شي يخوف وراح اروح وابقى بالي يمج
خديجه
من ترجعون هي كلها٢٠يوم
موفق
ماكايله شئ
شهر إلا شويه
خديجه
صحه العلويه اهم إني حالتي سهله مو مثل العلويه
طلعوا الفجر واحس روحي راحت وياهم گلبي وجعني على موفق
أي خديجه هذا الحب من يفارگج هذا الألم أوف
نمنه وراها إني والبنات بحضني وهبه يمنه
كم يوم واستبرق ادير بالها على هبه ولا تعيفها لحضه
يتصل موفق ولازم يسأل بالتفصيل ومسلم دوم يجي يجيب الاحتياجات للبيت
اجانه قشعم من سمع مسافر السيد
وهم سالنه على احتياجاتنه
اليوم خابرتني أمل تسأل عني وأسأل عنها
أمل
مادريتي غير مره شكر الله يرحمه جايبه وبالمستشفى ومخابرين على حامد تعالو اخذو الطفل جايبته ورايحه لأهله كايلتهام جهالكم عدكم وإني اروح لاهلي
مخليها جهالها ورايحه
خديجه
لاحول ولا قوة الا بالله شلون كدرت تفاركهم
أمل
شبيج متنازله عليهم ما نريدهم ابوها يكول لحامد بنتي شابه شنو تبقى تربي جهالكم الكم
خديجه
استغفر الله العظيم
بقينا نسولف إني وأمل وسولفتلها على بكر
طلعت تدري رايح وكايللها ورادته أمل
أمل
والله كتله ليش رايحلها هسه شافت وجه الله خليها تعيش بعيده عن ولايتنه بس النفاق والهم شافته
خديجه
ما اريد خوته ولا اريد أسمع بيه
سولفتلها عن انقطاع الدوره صار أكثر من أربع اشهر
أمل
هاي اعراض خاف حامل غير تحلليل
خديجه
يصير حمل وإني ارضع هاي اول مره تصير إذا كانت صدك
أمل
أي يصير حللي
خديجه
كلت احلل دم افضل
ورا يومين رحت لخالتي سنيه شفتها وطلعت للمختبر سويت تحليل
گالت البنيه أم المختبر
حامل
ياااا حامل
بقيت ساكته كلت اسويلهم مفاجاه افضل
من يرجعون
وحتى للبنات ماكلت
ورا علاج العلويه قررو يرجعون
منتظرينهم لأن اشتاقيتللهم
وبليله إلي المفروض يوصلون بقينه سهرانين مكدرنا انام إني واابنات لما انفتحت الباب ركضن البنات فرحانات
العلويه عيالك مو هي تعبانه كلش ولازمها سيد موفق
يمه شبيها موفق شبيها
موفق
خلي تتمدد وترتاح وبعدين اسالن
خديجه
گوه تنطق العلويه منتهيه وتاشر جيبو هبه يمي
حضنتها
موفق
العلاج التاخذه قوي يخليها تتعب احنه لازم نخليها هناك لمن ترتاح
ما قبلت اصرت ترجع مشتاقه لهبه تاخذلها كم يوم يلا تصير زينه
خديجه
بقينه نداريها نسيت ما كلتلهم وبقيت مشغوله وياها إني واستبرق
لأن تنام هوايه وتتعب من تكعد بقت اسبوع على هاي الحاله
وراها
صادف السيد ما راح للشغل
كاعدين ويلاعبون بهبه.
اريد اكللكم شي
العلويه
خير خديجه
خديجه
سولفتلهم وكلت حامل وكمزت العلويه متاكده متاكده
فرحت
موفق
اللهم صل على محمد وال محمد
شاوت خديجه
لازم نحتفل
خديجه
ياا منا العلويه يمعود
موفق
شبيج نحتفل شكلت ليش افكارج تروح لبعيد
العلويه وهي مدنكه تلاعب بهبه
هلمره ضروري تروحين للطبيبه وبشكل منتظم تراجعين وتلتزمين بكلام الطبيبه نريد ما يتكرر الصار بيج بهبه
موفق من باجر تاخذها لطبيبه......
هاي خوش دكتوره
خديجه
بالفعل ثاني يوم اخذني للطبيبه وسوتلي. تحليل وسوتلي سونار
ورجعنا
من رجعنا سألتني العلويه سألتي الطبيبه عن خدر ايدج جان فد مره سويتي اشعه لرگبتج
خديجه
لأ مو زين الاشعه بالحمل
بفتره حملي حيل اعتنوا بيه موفق و العلويه
وحتى استبرق منعتني انظف هي تنظف
العلويه
وينج استبرق شوفي اكو مسائيه ليش مترجعين وأنتي رابع يعني سنتين تكملين سادس وراها تصيرين بالجامعه تحققين شئ بحياتج
استبرق
صعبه ادلوم بعد بهذا تشوه وجهي المايتنمر فراح يسأل وإني اكره الاسئله هاي إلي ترجع ذكريات سيئة
العلويه
لعلمج. إني بهاي سفرتي سألت عن أطباء يعالجون التشوهات وهاي الاشياء
وبعد كم شهر رح يجي طبيب وطبيبه تجميليين لهنا ويسوولج عمليه
استبرق
حالياً ماكدر ارجع للدراسه
صار عدهم اليه تشجيع لأن صفا نجحت بالاول متوسط وراحت للثاني ودرجاتها كلش عاليه
خديجه
أشهر الحمل حيل احس تعبانه وهاي أول مرة بحملي يصير هيج
سويت سونار
وياي موفق...
الطبيبه سألتني شكد عندج اطفال جاوبت
كالت يعني ماعندج ولد
كلت لا
وهذا اجاج ولد
طلعت لموفق واضحك كال خير
شنو وضعج ووضع الجنين
متريد تعرف شنو جنس الجنين
موفق
شيجي انعم الله المهم سلامتكم ثنيكم
خديجه
ما تتمنى ولد
موفق
كلشي نعمه بس طبعاً ولد غير
خديجه
لعد اختارله اسم
حضني باسني ولازم ايدي ويعصر بيها ويكلي
خطره امريكا ويضحك
رجعنا بس سمعت العلويه بچت
من فرحتها
وصلت لشهر الثامن وورمت زلال وضغطي ما ينتضم واراجع الطبيبه تنطيني علاج
ببداية شهري صارت عندي الألم الولاده الفجر وبقيت الوب من الالم
اجيت للعلويه كالت سمعت طگطگه كلت خديجه متوجعه
لأن كلساع افوت للحمام وارجع
كعدنه السيد العلويه اتصلت على الطبيبه متفقه وياها لگتها خفر كالت جيبوها
طلعته وكعدت استبرق واوصي بيها
اخذتني العلويه وسيد موفق
بس وصلنه وفحصتني الطبيبه
كالت صلوات ولادتج قريبه أن شاء الله
نص ساعة جبت
والطغل خشن جبير
اخذته العلويه وعنايه فوك الممتازه وغرفه خاصه لحد ما ارتاحيت وجابو الطفل رضعته
العلويه
خلوني قريبه على خديجه بالولاده لان الطبيبه تعرفني جابت بسرعه ونظفنها ونظفن الطفل اخذت الطفل وابجي فرحانة رب العالمين نصفنه بعد هاي السنوات
طلعت لموفق يشوف الولد
ما قبل يلزمه لمن سألني عن خديجه وعن حالها سجد لله وبعدين أخذ الطفل باسه
خديجه
ساعه يالعشره الصبح رجعنا لكينه استبرق كاعده ولازمه هبه عمرها عشر اشهر ولعباتها حلوه وتشبه سيد موفق نسخه منه
يبقى يهوسلها من الباب سيد موفق من يدخل ويصيح تأخذ الروح البنيه بويه هبيه يويه هم بعد أحد ياخذ معزتج وهيج يخلصها
من دخلنه
حجه من الباب
موفق
جبنالك الگص منگارك
العلويه
محد يگص منگار هبه
خديجه خلينه الطفل وهبه هجمت عليه
سحبتها العلويه
العلويه
ها خديجه شنو تردين تسمينه
موفق
هذا الطفل متسمي هذا علي
خديجه سموه علي
ونفس الشئ يمكن اكثر جابت تمايم لعلي
وخلت شذره ذهب زرگه بگصته وتخاف مضاعف خوفها على هبه
تفرغت الهم
بس هالمره حليب ماكو بصدري جابت ساحبه حليب ماكو
اسبوع بس يبجي تخبلت العلويه وموفق
اخذو لطبيب خدج كاللهم مابيه شي بس يجوع
جابوله حليب وبقى يم العلويه
شكد اكللها يكبر شويه لأن يتعبج متقبل تكول اريد اتعب ويحس إني امه
تمشي الايام سريعه
العلويه يوم زينه ويوم تتعب ونعرف لمكانيتها الصحيه ضعيفه بس هي تكابر وتضغط على نفسها
من تتخربط أبدي إني اداريها
حياتي اوصفها باكثر من مثاليه ماتخلو من بعض المشاكل البسيطه الي حلولها بكلمه طيبه واكيد نويات العلويه تبدي تغار وتتغير وترجع بس عرفت طريقتي وتكولها صارت محد يتحملني مثل خديجه ولا أحد يفهمني مثل خديجه
وموفق مايقرق بين البنات بس علي حاله خاصه بكلشي هبه يحبها ويكول تاخذ روحي من اسمعها تبجي
يتعارك ويانه إذا نمشطها وتبجي
يجي ويسحب القراصات مال شعرها من يشوفها تبجي
ويكللهم خلوها كوشه بكيفها
استبرق
حياتي ببيت عمو موفق
بفضل علويه انعام بدت من الصفر وياي تبني شخصيتي بدون ما اعرف خلتني اشوف الأمور بغير نظره خلتني اتعلم اتحكم بمشاعري الغضب الفرح الحزن حتى الحب علمتني إذا جان حب أو وهم واعجاب
سلوفتلها كلشي
من ضمن السوالف عن ذا النون
وسيف
وگالت بعد سنتين رح تتحدد مشاعرج إذا تحبين سيف او جان. بر امان او مجرد مرفأ لاحزانج او فتره جنتي محتاجه أحد تفضفضيله
اما الغيره الحسيتيها اتجاها من عرفتي يخطب
هاي مو لأن تحبي لأ لأن جان بس الج ووياج وعرفتي يحبج حسيتي بروح التملك فقط
راح تتغير هاي المشاعر لما تقطعين كل اتصالاتج إلي توصلج اله
تتغربل مشاعرج ب ٢٠
+
بهاي الفتره حرصوا العلويه وسيد موفق لازم يسوون اعياد ميلادنا
خديجه
اليوم موفق اجه كال بليل حضري نفسج نروح إني وياج لمكان
وكال للعلويه رايحين للسوك إني وخديجة
ماعترضت لأن هي واستبرق مشغولات بالجهال
طلعنه
إني وموفق ولبس عادي طلعت
اخذني لمكان قريب الشط بيه مكان حلو كلش
كعد
موفق
كل عام انتي مرتي وحبيبتي وأول حب بحياتي عشت مراهق وياج
وام أولادي وسيده فرحتي جابتلي اولاد ثنين
بعد شوصف
خديجه
شنو اليوم
موفق
اليوم أول يوم انجمعنه بغرفه وحده
جان الشعور غير الشعور هذا وجان الزواج تكليف و القرب واجب
الوصل بيه جان تعليم أما الآن لازم احتفل بأحلى حياه
خديجه
حسسني باهتمامه وخوفه عليه مراعاته دوم يحسسني تفضلت عليه بالزواج هذا
وصرنا نتفق إذا نطلع او نسوي شئ حتى لو بسيط إني موفق ندبر عذر وفلم للعلويه نتحاشى أن تضوج بس بالحد المعقول لأن هي اقل ضغط صارت فرحانه ونسميها أم علي تحسس حتى استبرق وصفا بناتها خلتني اعتمد عليها رغم أني اتابع وانصح واعلم بس العلويه صارو حتى لو عدهن أسرار يسولفون الها
ما اتحسس لأن اعرفها تنصحهن للانسب مثل إذا اكو سفره مدرسيه لصفا العلويه رفضت وكالتلها يكبر علي شويه وين يعجبج اخذج بنص السنه
يكبرن بناتي گبالي وإني مطمأنه عليهم رغم فرحه علي تختلف بالنسبه اليه فرحت سند لاخواته وابوه إذا زرعنه الحنيه وعلمناه الاهل والاخوات اهم من كلشي والا إني ما افررق بين ولد او بنيه
نجحت صفا للثالث متوسط وصارت عطله آخر السنه
العلويه
إني وعدت صفا بسفره نروح للشمال كم يوم
موفق
والجهال شلون
العلويه
شكو عليهم صيف والجو هناك زين
موفق
خلي اخابر لطيف ينظف البيت ويحضره قبل لا نروح
العلويه
حضري نفسج والبنات إني گلتلهم
نطلع باجر للشمال
خديجه
إني اتعب بالسفر البعيد
العلويه
ووين هي هاي الشمال ماكو شي اسمه اتعب
خديجه
طلعنه وأعرف العلويه علمود البنات تريدهن يغيرن جو
بس إني اخاف عليها لأن مريضه وصلته
ورا الضهر قريب العصر
ثاني يوم طلعنه نمشي
موفق
اطلعي الجبل وياي
خديجه
ماكدر
موفق
شنو ماكدر وياي يلا ماعندج عذر لا حامل ولا شي يلا
خديجه
يسحب بيه ويريدني اصعد مشيت شويه وتعبت
موفق
درت وجهي لگيتها كاعده
خوخايتي شنو كبرتي
خديجه
عليك الله خليني ارتاح راح اموت
موفق
الموت لعدوج ابقي
خديجه رجعت كعدت يم العلويه والبنات منطلقات
استبرق
بقينه نفتر شلالات ومناطق تجنن ونفتر
واحس واحد يركز بوجهي منو هذا
اجه قريب
ذا النون ؟؟
اجه باتجاهي
