 |
رواية بيت الخبازه الجزء الثاني 2 الفصل الخامس 5 بقلم زهرة الرمان
بسم الله الرحمن الرحيم
السلام عليكم ورحمه الله وبركاته
#بيت_الخبازه_ج٢.....#بارت٥
*يجمعنا ك الرماد من كان بعيداً
هشيما تركنا من كان في الارحام سويا*✍️
خديجه
خفت على العلويه من يبست شفايفها تعيط موفق ولج خديجه موفق
فهميني شبيه وين هسه
بديت اصرخ وي صرختها
العلويه ولج خيمتي وابن عمي
موفق مسلحين داخلين على المحلات وضاربين طلقات
وماأعرف بعد عدل ميت
خديجه
يمه يمه
تعالي استبرق
كعدت العلويه
وركضت اتصلت
الو قشعم وين انت
ألو ها خاله
بالبيت
خديجه
تعالي سريع سريع
قشعم خير شكو خوفتيني
خديجه
تجي وافهمك
رجعت للعلويه
اكو حبوب تخليها تنام
تعالي علويه اشربي
العلويه
ششرب عساني بالموت ماريد اكعد اريد اشوف موفق موفق اشوفه يلا الفراش يلامس جلدي
خديجه
إني واستبرق بقينا نهدا بيها إني ادوس على نفسي لأن العلويه مريضه وبسرعه تتخربط بشنوانشغل
مسلم وي السيد اتصل بمنو بهالساعه يربي يطمأنه
اجه قشعم
سولفتله امشينه
قشعم
ابقي خاله إني اروح ومناك اطمأنج
خديجه
لا قشعم إني اشوف موفق بنفسي
جايب سياره لولا
قشعم
هسه ااجر
خديجه
جاب سياره وطلعنه
للمحلات صايره هوسه الناس ملمومه والكل تحجي لفيت وجهي بعبايتي وراح قشعم سأل ورجعلي
قشعم لا تجذب موفق ميت لو عدل محلاته اسمع محلات الساده مزرفه تزرف وبيها مصاويب گلي إني خالتك قوية
قشعم
والله عدل والله
ميت ولد شاب
منو
قشعم
علي الجان ببيت السيد
خديجه
لطمت عزا العزاني هذا الولد من صغير ربى بييت السيد كبر يلا خلوه بمحلاتهم
امشي اخذني للسيد شنو حاله هسه
مشينه للمستشفى
نسال ونمشي لما شفت مسلم كله دم ويبجي
عزا العزاج خديجه
ركضت هااا مسلم باوع بعيوني ونقل نضره للردهه
اشوف موفق لازم علي ويعاتيه
موفق
ولك عليوي كوم بويه مو إني رييتك بويه عليوي كسرتني ولك يبو ضحكه حلوه
بويه مو تحب بنيه وتسولفلي عليها ولك اكعد اريدك تكبر شويه وازوجك تموت بسببي عليوي
خديجه منظره يبجي الصخر وجسمه كله دم مضروب طلقه وينزف جايه طلقه السيد ببطنه ورجله ثانيه
كوه يردون ياخذونه للعمليات وهو يطوطح ويصرخ
شافني
ولج خديجه مات بيدي عليوي بهاي ايدي الربته سحبوه گوه وخذوه للعمليات
يريد يفقد من النزف
شبعت بجي ولطم ع موفق ع الشاب إلي بلا ذنب مجرد طائفيه
يسولف مسلم يكول
مسلم
ذوله جانو قبل ٢٠٠٣يبوكون عايشين على بوك وحبوب
من صار الفرهود ترسو كروشهم هسه فرغت فلوس الحرام اجو يدورون منو عنده حلال يساومونه ويبوكونه علي ما انطا المحلات مليانه فلوس ناس وكمبيلات وفلوس دخل
وذولي مسوين حزب على الناس
الفقرا
يكتلون بالعالم وحتى مرضين الشرطه لا حساب ولا كتاب
خديجه بقينا ثلاث ساعات
رادو دم ماقبلو ياخذون مني حامل مسلم وقشعم انطوا
ورجال صديق موفق
طلعوا موفق خلو بالغرفه وانترست المستشفى بأصدقائه
قشعم كال خل اوديج للبيت
خديجه
اطمأن على السيد يلا اروح اشوفه يكعد يلا
ورا ساعتين الممرات انترست بالناس واني كاعده بعيد من عرفت كعد
ركضت
قشعم سوالي درب
شافني بس بعده مثل السكران
موفق روحي للبيت خديجه إني مابيه شي
خديجه
مشيت للبيت بس حتى جواب ما جاوبته
خلصت الطريق ابجي بحركه
بچي وحرگه لأول مرة احسها على أحد بعد مروه
دخلت لكيت العلويه بالگراج الضاهر متصل عليها ومحاچيها
استبرق
العلويه صارت مثل العاصفه شبعت لطم ملخت نفسها على السيد
بس مسلم گللها مجروح وطلع من العمليات
سألت عن علي
گاللها انطاج عمره
وهي رجعت تخبلت
تصرخ صريخ بقت ولكم ربينا هذا ابنه ماله أحد
شبعتنه بچي وإني لازمتها اغسل وجها وصتني أمي أبد لاتخلينها تصخن تفقد الوعي إذا صخنت
اغسللها وتصرخ حتى خفت لايصير بيها شي وأمي راحت
بقت تفتر وتصرخ بكل حايط علي الك ذكرى
طلعت بر
مووو هنا كلنه نبنيلك مشتمل كبالنه علي
وكعدتها گوه
دخلت امي
رجعن يتصارخن كملتها اجت ام رحمن وكم مره صارت هوسه بالبچي
بهاي هوسه البچي والصريخ
العلويه شويه وسحبت أمي كعدتها
العلويه
ببطنج طفل اكعدي اكعدي
استبرق
عجينه مخلوطه العلويه بين قوه وبين هدوء بين رقه وبين صلابه
يومين السيد بالمستشفى راحت شافته العلويه
وگالو يريد يطلع على مسؤليته رغم موزين
لكن يريد يسوي فاتحه لعلي
دفنو بمقبرت الساده يم أهل السيد
العرفناه ماعنده أهل وقصته عجيبه
امه وابوه ميتين بحادث وهو بعده يرضع وما مات
بحضن امه لاكينه امه لافته بديها من ميته وهو عدل
وعم علي باقي يمهم لحد ما صار ثاني ابتدائي ومخلي يطلع يشغل وشايفه السيد مقهور عليه صغير ويشغل جايبه للبيت يشغل بالبيت يمهم
جان يجي ياخذ خبز الهم ينظف يعتمدون عليه بكلشي لأن السيد يطلع ويسافر يبقى يم العلويه
خديجه
جابو السيد. أول ما شافته العلويه بدو يتباچوون.
موفق
ولج ترجيته تچيني من اكبر
العلويه
زرع الله لا اعتراض
احنه التشوفهم برگبتك موفق إني وخديجة وبناتها والببطنها
لاتخمش گلبي عليك
موفق
ولج عليوي صد الرصاص مني وموت روحه شتحجين
ولج لو مخلف ما حباني هيج
العلويه
اشتاق لاهله وراح
خديجه
خليناه بغرفتي الجوا يم غرفه العلويه
العلويه خليت استبرق يمه تسويلها كمادات تراقبها اليه صارت الفانحه
ل علي يم بيت السيد متعلمين بفواتحنه
الهوسه وناس
بالفعل
نصبوا الشباب الجادر والسيد كوه مخلينه كبالنه
ع عربانه ومغذي بيده ويهد سووو هيج وسوو هيج قشعم وياهم
والنسوان اجت ام مروان وام رحمن ومعارف العلويه صديقاتها
وشويه شويه تعرف الناس الخبر ويجون
اجن اخوات سيد موفق
دخلت ام رضا دخلتها مالت شيوخ معدله وهيبه بس مطينه بطين خطيه
هي وبناتها
بس كل گولتها يموفق يبن امي تكول
وام احمد وبناتها وچناينهم
بس كعدن
بقن يلومن بالسيد هو مصيوب شني يسوي فاتحه صحيح هو رباهم الولد بس فال فاتحه بباب بيت اخونه
العلويه ماحجت عاذرتهن اخوهن ومضروب
استبرق
كعدتي يم العلويه مثل ما وصتني امي
ام احمد
هي دخلت هاي والبيت بس المصايب لفته
گصتها فگر
منيله أحد يعاديه السيد
استبرق
سمعتها شافتني بس مجانت تعرف إني بنت خديجه
بس حقدت عليها
وراها اجو اهل العلويه هم گرايب السيد همه
والماعرفهن والاعرفهن
كله جان مو مهم ارقب العلويه واستبرق ولا تركتها لحظه
اداريها ومن يدخلون سيد موفق اركض انتبه لعلاجه واكله أخاف عليه
يومين بيوم الثالث ختمه واجت ملايه
اجت حياه تعازينه ام قشعم
واجت بت ام احمد
تريد صينيه وترتيب إني ادز على مسلم يشتري هيج وصى السيد
سوينه الصينيه والاستقبال بيها الختمه
صفا تختل بغرفه السيد البيها كمبيوتر لأن أي تجمع تخجل من شكلها
اعرفها اروح اشوفها لو انطيها اكل
وارجع اشوف المطبخ خاف نحتاج شي
ورا الختمه أكثر الموجودين راحوا لأن يشيلون الجادر
بقن اخوات العلويه واخوات السيد وبناتهم وچناينهم
باتو يمنه
دخلو السيد للغرفه انطيته علاج وبقيت شويه يمه
ورجعت للعلويه ماتتحمل هوسه وهي مريضه
اخذتها تنام شويه بليل صارت تعشو الناس وبدت استبرق وام مروان يفرشون النسوان بس رياجيل ماكو
فرشنه بالاستقبال وبالغرف
وإني گلت لاستبرق تنامين يم العلويه وإني يم السيد إني وصفا
بقيت للصبح اراقب السيد جرحه مورم إلي ببطنه كلت باجر نخلي مسلم يجيب طبيب يشوف جرحه
الفجر كعدت رحت اسلگ بيض واوصي مسلم يجيب صمون
للريوك
طلعت ام رضا سألتني على سيد موفق وراحت يمه باسته وهو نايم اتخيلها امه مو اخته حنينه عليه
أول مرة اشوف هيج
سولفولي من اجت من برا من شايفه الجادر مامصدكه الميت علي كلولها مصيوب موفق والفاتحه ل علي مطينه روحها بطين لمن صايح عليها سيد موفق وكايللها هذا إني
اخذت ملابسها وغسلتهن ونشفتهن ورجعتن بالليل
شافتهن
ام رضا
الله ينصفج ويفرحج بنيتي ليش تعبتي روحج سمل هنه
خديجه
حبيتها لحبها للعلويه وللسيد كعدت يمي ورا ما سألتني عن وضعه وكلتلها من الحركه الجرح إلي ببطنه شويه وارم
بقت تكول عمت عيني يبن امي
طلعت الشمس والعلوية على تعويدها تكعد تفتح الراديو قرآن
دخلت ام رضا وإني وراها ما معليه الراديو لأن نايمين يمها اخواتها وبنات عمها
ريگتهن هي وام رضا منو يكعد اريكه ب١٠الصبح
كعدن بنات اخوات العلويه والسيد
سويت الريوك وجبته الغرفه لكيت استبرق واكفه وبت ام احمد تحجي
اديان (بنت أم أحمد)
عمه منو اخذها يعني هي نايمه يمج وبس أمي ووخالتي واختي ابرار
شنو جني ببيتكم
العلويه
اسكتي اديان ماا اسمع الگلتي مره ثانيه
وأنتي استبرق كأن ما سمعتي حبيبتي زين روحي جيبي الريوك
وأنتي اديان إني انطيج مضاعف فلوسه وروحي للصايغ ويسويلج مثله وبس كافي
استبرق
علويه مرخصتج هي تتهمني وتخلي العيون عليه إني امد أيدي ماتنحل من تنطينها فلوس راح وين ما تكعد تكول استبرق اخذت سواري
حليها خاله احسن إني اتفتش واحلف
ام احمد
گالو للجذاب احلف كال اجه الفرج
العلويه
موفق مريض عدي ماريد كلمه توجع الگلوب لاتخلني اوجعچن بالحجي
أم أحمد
يعني شنو تردين تنبأك وتسكت ببيت خالها يبت عمي
أم رضا
دهر دهرج نضال ولج اخوج طريح فراش يا سوار يا گرديله شمالج تعااي دوينه امشي البسي هدمج وأنتي نضال روحي لبيتج اخوي مريض
أم أحمد تطردني من بيت أخوي
العلويه
اهدي نضال أهدي ونصي صوتج
موفق يسمع
نضال
انتن تضمضمن لبت شريجتها شكو
العلويه
نضال شتردين سوار لبنتج
خديجه
كامت فتحت الكنتور طلعت ملوي ثگيل وشمرته بحضن ام احمد
العلويه
اشتري راحه موفق بنضر عيوني
بس هاا خل اعلمج مثل ماعلمنه امهاتنه من نروح عزا ما نلبس ذهب مو نتفاخر بالذهب واخوج اعز من كل ذهب الوليان ما يتبدلون بذهب
خديجه
لازمه طرف ثوب استبرق خاف تحجي الحمد لله سكتت ولا نطقت
وإني هم ما اجاوب العلويه موجوده وهذا بيتها
أم أحمد لبست هي وبناتها وي طلعتها طلع سيد موفق
موفق
هاا ام احمد وين
ام احمد
خويه نروح ويمك العافيه
موفق
منو ياخذكم
ام احمد
نأخذ سياره
موفق
لأ شنو سياره اوكفي دخلت اشوف العلويه خاف متخربطه
تلگتني واجت يمي
العلويه
هاا يبعد روحي
موفق
خابريلي مسلم يأخذ ام احمد
شلونج اليوم
العلويه
بخير
موفق
ام رضا شلونج خويه
ام رضا
ولو خويه عدك مصاب بس جبت ذبيحه جراه دم تحت رجلك اريدنها تنذبح
موفق
راح ابني الما خلفته فضيله يا دم بعد إلي اهابه
علي مو يتيم علي من سبع سنوات عمره عدي واحفر الكاع واجيب كتاله
أم رضا
رجلي واطيه الگبر إني يموفق واريدك يخوي فوگ رأسي بعد حيلي خويه
موفق
عمرج طويل ام رضا
خديجه
خليتهم مجموعين وصعدت سحبت استبرق
دخلت لغرفتهن
استبرق
شنو يمه ساحبتني بس لأ شاكه إني ماخذه سوار هاي الچنها محراث تنورج الطين
خديجه
لأ استبرق اعرف ما تبوگين بس خليني اعلمج شي هنا غير بيت عمامج
هنا اكو إلي يخافون الله ويرجعون الحك لاصحابه يعني ما يحتاج أنتي تحجين الج الصمت يسألون جابوبي ما يسألونج اسكتين لأن محد يضلمج
العلويه هاي التشوفينها شفتي شسوت متريد بيتها يطلع منه كلمه مو حلوه تريد ترضي الكل
فلازم نرد معروفها نمشي بكلامها
استبرق
يمه تره إني مو متوحشه لو مسودنه واجيتي تتراجفين عليه مصعدتني
من اجيت لهسه ساكته وانتبه على طريقتهم وكلامهم واميز وإني احب العلويه وهي هم تحبني ودافعتلي وهي متدري بايكه اولا دافعتلي بدون ما تسألني دافعتلي ووكفت بوجه بت عمها وبناتها
خديجه
هاا مو اكول مو استبرق إذا ما تبزني بكلمه
استبرق
لأ ابز ولا احجي يمه ديري بالك على حملج واطماني ألف حساب احسب يلا احجي صرت
خديجه
الله يبشرج بخير
بالفعل تدريجيا أشوف استبرق صايره ثكيله وحتى بوجود السيد حيل تنتبه لكلامها ولبسها وصوتها اليلعلع ماكو كدام لأ العلويه ولا السيد بس من تصعد فوك تأخذ راحتها
صرت اباشر حال سيد موفق لان حيل خفت عليه حزنه چبير على علي الله يرحمه
واستبرق اوتماتيكيا العلويه سحبتها إلها بحيث أول ما تكعد استبرق تروح للعلويه
وتبقى وياها لحد ما تنام العلويه تصعد ماتقبل استبرق تنام جوا ابد تكول خاف السيد يجي بليل يشوف العلويه
موفق
افز الگا خديجه كاعده يم راسي
الجرح ورم إلي ببطني تنظفه وتعقمه وتمشي على كلام الطبيب
ايام وايام ناس تجي تشوفني وناس تجي للعلويه وهذا كله خديجه واستبرق ما تركونه لحظه
كل الايام الفاتت وهنه مسويات خفارات
كل الگرايب يجون لشوفتنه يبقون غدا او عشا ويرحون
وخديجة بين تضيف و تخدمنه
ما تركتنه أبد
خديجه
صفا خلصت الامتحانات ونجحت الحمدلله وعطله خلصت برعايه السيد والعلوية
لأن العلويه جابو علاجها بس قوي كلش يخليها يومين ماتدري بالدنيا وبديت بشهر يالسابع
تشافى السيد صار احسن
واني ولا رحت لطبيبه ولا شي
انشغلت العطله خلصت وإني بدوامه رعايتهم
قرب الدوام
مسلم نقل صفا لمدرسه اهليه متوسطه كايلتله العلويه
واشترالها الزي يختلف عن المدارس العاديه
وسيد موفق غير مكان المحلات باعهن بعد الحادث غير مكان شغله
بس صاير يتأخر لأن شغل بمكان جديد حسب وصفه هيكله جديده ولازم اثبت مكاني
صرت افهم كل شخص اليجي وشلون نتعامل وياه ولليوم استبرق كلمه ماسمعت منها مو زينه بالعكس صارت هي والعلوية صداقه بينما أشوف صفا حيل تعلقت بالسيد
داومت وسيد موفق يوصيها لأن صارت متوسطه ونفس جسم استبرق طويله صارت وضخمه تستحي من جسمها لأن سمنت بس سيد موفق عنده كلمه على صفا تحبه وتسمع كلامه
اداوم صارت والعلوية رادت استبرق اداوم ماقبلت استبرق كالت السنه الجايه
موفق
اليوم ريگتنه إني والعلوية ونزلت استبرق
يم العلويه شويه وأخذنه علاجنه وكاعدين إني والعلوية انتبهنا
لأ استبرق وصفا ولا خديجه
العلويه
وين راحن البنات
خل اتصل على استبرق
خديجه
اليوم غير عن الايام اليوم دوره سنه مروه ماريد ابين للسيد والعلويه صعدت فوك وطلعت صورتها وبقيت انحب وياي صعدت استبرق وصفا
استبرق
أمي كأن اليوم دفنه مروه بقت تبجي هواية وكعدنه وياها على بچيها صرنا نبجي
دك التلفون العلويه تخابرني هي من تحتاجني متفقين تخابرني
نزلت لكيتها هي وااسيد كاعدين
صباح الخير
العلويه
شبيج استبرق
استبرق
مابيه
العلويه
باچيه استبرق فهمبني شبيج احجي ووين امج
موفق
وصفا هم ماكو شبيكم باباتي
استبرق
اليوم دوره سنه مروه وأمي فوك ماحبت تزعجكم
العلويه
اصعدي صيحيها ماكدر اصعد
استبرق
كلت لأمي يردونج السيد والعلوية
نزلت
موفق
عيونها وارمه من ابچي
شبيج خديجه
ليش هيج تصعدين وتبچين كل بشر وقدره والموت مايعرف صغير ولا جبير ولا بسببي مات علي ولا بسببج ماتت مروه لازم بسبب يموت البشر
لاتلومين نفسج هي هسه بمكان ارحم منج ومني
روحي غسلي وتعالي
العلويه
طلعت خديجه
موفق مراح ترتاح هيج شنو رأيك نأخذها تزورها
موفق
بربج اخليها تروح للمكبره وهي راح تدخل بشهرها
العلويه ما عليها شي ويانه احنه نروح كلنه وياها خليها تطلع الجمره من گلبها
نزورها نغير جو ونجي وصار هواية ما طالعين
موفق
والله ماعرف شگلج بس أخاف عليها من الدرب
العلويه
السيارة جدبده وما تحس بطسه وإني والبنات وياها
صار كم شهر بس التعب عليها
موفق
هاي هيه
اجت خديجه وكلتلها حضروا نفسكم نروح نزور قبرها وقبور أهلته واليوم عطله لأ مدرسه عد دكتوره صفا ولا إني اروح لشغلي
خديجه
طلعوني من بير من گالو نروح نزورها ما رايحه الها من يوم الاربعين
وصلنه بسرعه كأن السيارات الجديده اسرع ومريحه قبل لانوصل اشترو مي وصناديك مي بطاله صغار وحلويات وچرك
وصلنه قريب المقبره نزل مسلم يوزع چرك وحلويات ومي لليمرون للمقبره
وصلت لقبر مروه دافنينها قريب حاجم
بس كثرنات القبور صاير عبالك بعيد
قرأ قرآن السيد وبعدين كالو ابقي هنا أنتي واحنه نروح لاهليتنه ونجيج
هو والعلويه
كعدت شويه يم مروه وقريت الفاتحه لحاجم رغم گلبي صار جلمود اتجاها
البنات لأ استبرق كعدت يم گبره وبقت تسولف وياه وصفا هم
بعدني يم مروه واجن يمي البنات منتظرين السيد والعلوية يرجعون
انتبهت وأحد واكف يم عمتي ام حاجم
انتبهت
هذا حامد بس متغير احسه
وياه منو هذا ركزت استبرق كالت هذا فضل يمه هو ووياهم عزيزه
وراها اجو مجموعه منهم شنو الموضوع
جايين مبين اربعينيه
منو بس المات عدهم
عمار ما متواصله وياه من اجه يقرا فاتحه ل سيد موفق من سمع بيه
استبرق ماتحملت راحت يمهم
استبرق
من صرت بييت سيد موفق اتذكر كل كلمه لىسيف وامشي عليها ونوبات اتصل اسلم عليه وأسأل عنه
لحد قبل شهر
اتصلت على سرى حتى اسلم على بشار وفطومه وحسوني على طول اخابرهم لأن حيل تعلقت بيهم
فطومه
مشتاقينلج ما تجين النه بعد
استبرق
والله فطومه ماعرف اجي او لا إني افكر أرجع للمدرسه ويجوز من أسوي نقل اجيكم
فطومه ياريت بلكي على عطله نص السنه كالو تصير الخطوبه مالت سيف
استبرق
شنو سيف خطب
فطومه
لأ بس كلام هيج سمعته من ضحى
استبرق
ومنو الخطبهه
فطومه
ضحى هي تكول راح سيف يخطبني
استبرق
ماعرف انصدمت او ضجت او حسيت شئ غريب صار عندي
صار عندي مجال وخابرت سيف
شلونك سيف
سيف
هله بت عمي
استبرق
شوكت أن شاء الله زواجك
سيف
سلامات لاكيتلي مره بغدادية
استبرق
سمعت أصلا خاطب
سيف
هاا ومنين العروسه بالخير عليه
استبرق
هو أنت الخاطب متدري
سيف
أي بس أنتي عارفه كل الموضوع غير اعرف كلشي منج
استبرق
ضحى بت عمو واثق
سيف
هاا منو گلج هي لو نورس لو منو رفل بت رشيد لو فطومه بت عمار
استبرق ليش خمنت بنات عمي يكللي
سيف
مو المواضيع هاي يحبن يلوكن بيها بناتنه
استبرق
هسه مو مهم منو كال
شوكت تعرس
سيف
شنو تجين اشوفج مهتمه
استبرق
غير ابن عمي ليش ما اجي
سيف
ها أي
بعد الزواج هسه لمن تكمل دراستها وتأخذ شهاده وتصير براسها حظ يلا اتزوجها
استبرق
خوش بالمبارك
سيف
الله يبارك بيج
استبرق
بگلبي معناها الخبر صحيح يحجي بهدوء
سيف
استبرق بعدج على الخط
استبرق
أي وياك
سيف
مرتاحه ببغداد
استبرق
كلش مرتاحه
سيف
يارب دومج اسمع بيج بخير
استبرق
احس ثگل على گلبي
سيف سؤال مو مره من چنه نسولف كلت ما اتزوج من بنات عمي
سيف
كلشي قابل للتغيير
استبرق
فهمته أن التغيير حتى بمشاعره
غلقت التلفون منه وبعد ما اتصلت عليه وهو يتصل نوبات على أمي ما يتصل عليه بس بداخلي كلت ما ابقى اتصل عليه افضل يشوف حياته لأن بقراره نفسي هو ابن حامد وإيمان ولو مهما يكون زين مستحيل اكدر اتقبل حياتهم بعد أو ارجع يم حامد وإيمان
فتركت كل الإتصالات إلي تذكرني بيهم
شفتهم بالمگبره
اخذتني رجليه أول واحد قريب حامد
شلونك عمو
احسه يريد يركز كأن عيونه تعبانات ومتغير
كال هله توقع إني وياهم من كتله.عمو شصاير منو ميت
حامد
ما عرفتها استبرق
كالت منو ميت
سحبتها عزيزه
عزيزه
هله يمه استبرق
استبرق
عمه منو عمتي تبچي باوعت على القبر. شكر حامد يمه
يمه بديت الطم شكر شكر الما له صوت
ضربني الاسم طلقه بگلبي شكر عنده بنيه وزوجته حامل
حامد مكسور كلش عليها ماعرف ليش انقهرت على حامد شمرت روحي عليه حضنته بديت انحب وابجي
ياخويه أبو حوراء خويه
مسح على راسي حامد وكعد
حامد
ولك بويه شكر شوف جاب استبرق الك بويه هاي بتك بويه
بويه شكر جا منو اليه بويه التابوت يريد چتاف يشيلونه تخليني اشيل جنازتك شكر بويه إنه الدفان لو انت كون تدفني يبويه
خديجه
سمعت وكعدت بجيت وبجيت بس ما عبرتلهم سيد موفق ماجاي بعده
شويه واجه سيد موفق والعلوية وعرفوا
كتله اروح
اشر روحي
البقيه بحياتكم
عزيزه تاكتني وبجت وابمان أصلا ما كامت من الكبر مدنكه وبس تهز راسها
اجيت لحامد
البقيه بحياتك أبو ش.
حامد
شسوي تبقى حياتي خديجه راح صبي عيني يكلولي أبو شكر وشكره عافني وسكن التراب
خديجه
متحملت منظرهم مكسورين على شكر
مگلوبه بيهم سياره على الزراعي
هو والسايق ميتين
استبرق
سيف ملثم ولحيته طويلة
سلمت عليه
سيف
حياتج الباقيه
استبرق كلمه وكعد يم امه ويقرا قرآن
خديجه
طلعنه من المقبره
العلويه كالت جبناج شويه تغيرين جو
تاذيتو
موفق
يباوع بالمرايا عليه
شبيج خديجه وجهج صار اصفر
خديجه
مابيه قربنه ندخل كربلاء كلتلهم ما اكدر تعبانين كالو لأ نرتاح بكربلاء عدهم بيت هناك
بس نزور ونرجع للبيت
وإني بده الوجع عندي يزيد كرفات كرفات وصلنه قريب الامام بين للحرمين
سلمت ع الامام الحسين والإمام العباس گوه احجي
زاد الوجع كوه امشي انتبهت العلويه كالت ولاده خديجه تخبلت حجت للسيد
العلويه
موفق خديجه عدها ولاده
موفق
شنوو و شنو شبيجن تخبلتن شنو ولاده لأ لأ غازات ماكو شي
خديجه
عرفته توتر ردت اهدأه
سيد موفق اخذنه لأي مستشفى
خابر صديق اله بكربلاء وخلانه نروح لطبيبه تولد
وصلنه للمستشفى بيها طبيبه يعرفها صديق سيد موفق تلكانه بالمستشفى
صعدنه والعلوية ألف ايه قرت وتدعي وتبجي وواضح عليها خوف ترجف والسيد عيونه عليه وانخبص ويدردم
جنت ادعي من تجيب خديجه كون بس يبشروني جابت تالي تصير بيه هاي الدكه إلا انتن متفقات يلشرايج
العلويه
شنتفق هوه خطار مينعرف شوكت يجي بس خديجه احجي هيج بولاداتج لو هاي اول مره
خديجه
علويه لاتقلقون هسه الطبيبه تشوفني بلكي مو ولاده ونرجع لبيتنه
موفق
موووو حسبت ذاك اليوم بعد اسبوع يلا ادخلين بشهر التاسع شلووون هيج توجعتي من الطريق أي من الطريق ومگبره وبجي أنتي مخلصتها نوايح من صباح الله
العلويه اترك اللوم موفق شبيك هسه تجيب أن شاء الله ونرتاح
خديجه
فحصتني الطبيبه ورجعت سوت سونار واخذتني بس سألت العلويه شصيرين منها گالتلها اختها
والسيد زوجها
الطبيبه
شوفي عدها ولاده اختج بس للمعلومه الحبل السري ملفوف على رگبهةالطفل
أن شاء الله يتم كلشي بسهولة بس لازم ابلغكم
العلويه
يعني الطفل أو الأم عليهم خطوره دكتوره
شنو الطفل مختنك
الطبيبه
حتى ما اطول الكلام رح افهمج
التفاف الحبل السري بداخل الرحم ما يخنگ الجنين لأن يتنفس من الام
بس الصعوبه من يطلع من الام لازم نقطع الالتفاف لأن يبدي يتنفس الهواء الخارجي حالياً وضائف الطفل مابيه شي وأن شاء الله تكمل ع سلامه
العلويه
ياااا رب هذا طلب من الامام الحسين إني اليوم ضيفتك يا أبو عبد الله أنت واخوك العباس لا تفجعون گلوبنه لأ بخديجه ولا بالطفل
بنياتها يبچن من راحت للصاله خديجه شبعنا بچي
مع هذا استبرق تتحسس جسمي خاف اصخن
موفق
ربي إني محروم وأنت تدري لأ ضلمت ولا اذيت بشر لأ توجع گلبي وتختبرني بخديجه لأن خديجه هديتك اليه هديه صبر شاب وتزوجت وگلما اوصل زوجتي تنزف لأن رحمها مثل سفنجه ما يتقبل العلاقه الزوجيه
وحذرتني أن زوجتي تدريجيا تفقد مو بس الرحم حتى حياتها
ومحد بالدنيا يدري إني ما اقترب لزوجتي
وبقيت محتسب لأن مؤمن بحكمتك
أما الطفل هو مكافاه إذا قدر حتم ماريد الطفل بس خلي ترجعلي خديجه
شوكت موفق هيج صرت تخاف عليها وگلبك يرجف عليها
كعدت بالگاع وادك بديه ارجعيلي خديجه
مو بس استبرق وصفا يردنچ
