 |
رواية بيت الخبازه الجزء الثاني 2 الفصل الرابع 4 بقلم زهرة الرمان
بسم الله الرحمن الرحيم
السلام عليكم ورحمه الله وبركاته
#بيت_الخبازه_ج٢ .......#بارت٤
استبرق
أفكاري صارت هوسه بدماغي اشتغل
وأسأل نفسي إذا يحبني شلون يتوسط وإذا ما يحبني ليش راسمني
زين من دون كل بيت عمامي هو اهتم بيه
عمو عمار صحيح اهتمامه اليه زين وتعامله حلو
وهو سيف يشبهه
جاي انظف بالكاونتر ووكعن مواعين سيت كامل سته تفلشن
اجت من الصاله سرى تركض لأن ليل هدوء وينسمع الصوت
كعدت يم السيت كلبت بيهن
وگفت
سرى
عفتي كل الكاونتر واجيتي على هاي الخانه إلا هاي وكسرتيلي إلا هذني
استبرق
تحجي بصوت عالي
اوكفي عمه اوكفي
مو أنتي گرعتي رأسي نظفي الكاونتر نظفي الكاونتر
مليان زعابيل
قواطي فارغه
الكاعيه كلها بهارات وجاي شلون انظفهن.
اضرب عصا الساحره وينظف
جلفته من فوك ونظفت الخانات وبقت هااي فتحتها وكعن
سرى
يربي وانوب اداهر عساه ما نظف
استبرق
عمه صار يومين تلحين نظفي
غسلت اديه وخليتها يم الكزاز وصعدت
شنو إني تصيح عليه فوك ما انظفلها البيت صارت هي الخطاره وإني عبالك أم البيت
تلكاني عمو عمار حضني وباسني
عمار
بنيتي الشاطره
اكلج السبب هذا السيت من بيت امها الله يرحمها معتزه بيه صارت بوجهج بس والله سرى تحبج لاتزعلين
استبرق
عمو المحبه لأمها صح ذكرى منها بس اذا هيج خايقه عليه تنبهني ما تنبه تضمه مو هذا معرض
غلطها مو غلطي صار يمكن سنه ممفتوحه هاي الخانه مليانه تراب إذا تحب حاجه امها جان اعتنت بيها
سرى
يعني الله قدرج تحمليني ذنب مخليه السيت بالكاونتر
عمار
شلقصه كافي شنو مواعين انكسرت كافي
عندج هواية اشياء من عمتي الله يرحمهاا
سرى
صارالج كم يوم معرف شبيج لأ شغل بترتيب لأ طبخ زين
استبرق
والله إني مو الخدامه وفتحتي ملف حسابي ما طبختي زين ولا نظفتي عدل
موظفه إني عدكم
مساعده الج الاسوي
هذا بيتج المايعجبج بيه شغلي اشتغلي ماشفت اشتغلتي وراي ولا عفتي ماعونج بترسته
مابات عدكم جدر من يوم الطبخت
عمار
هاي انتن صدك عود روحي عمو استبرق منا وهيج لأ تطبخين ولا ملزمه تنظفين تكعدين ومعليج يلا روحي ارتاحي
شفتها صعدت استبرق
اخذت سرى الغرفه
شبيج وي الطفله
سرى
متشوف لسانهاا
عمار
ششوف من بقت لليوم تكرب البنيه وحتى من اكللها اكعدي تكلي اتسلى ما تجرح وتكول محد يشتغل غيري
تطبخ وتنظف وتصب اكل وتغسل مواعين شنوو الموضوع
فهميني
انعل ابو المواعين النكسرن مااا اقبل تضوجينها ما اخليها بعد تنزل
سرى
ابقى أنت وبت اخوك وإني اولي من البيت
عمارعقلج بكد الحمصه
الحمد لله والشكر
استبرق
اريد يبرد گلبي ماكدرت وماريد ابجي
إيمان إلي تشوف العمى وما تشوفنه
ماطولني عدهم حتى من تشوفني ترجع لمكانهاا ماتكسر الاتفاق
سرى إلي جانت مسويه نفسها تحب أمي هذا كله يطلع منها
امداني حيل بيه
بقيت اكرضم بروحي
وافتر
ماعرف افرغ البگلبي يلا ارتاح
اتصلت على سيف
سيف
راحت استبرق رجعت انام بغرفتي الي بيها عطرها
ورا الخانه المخليه ملابسها واكع شال الها
وكأن رب العالمين يريد يصبرني على بعدها
خليته جوا المخده انام على الشال البيه عطرها
دك التلفون
الو
استبرق
خوما نايم وكعدتك
سيف
لأ كاعد
استبرق
سولفتله وبديت ابجي ماعرف ليش خاني الدمع
حسيت انهضمت بجيت وهو ساكت
سيف
كافي استبرق استبرق استبرق كافي تبچين ماكدر اجاوبج على الصار إلا تهدأين
بقت اربع خمس دقايق
استبرق
احس ارتاحيت من بچيت
سيف
هسه خلصتي بچي اسمعيني
رده فعل سرى وياج طبيعية لأن شئ عزيز وانكسر المو طبيعي أنتي خليتيها اوتماتيكيا تعتمد عليج بالبيت ومسؤولياته رب
استبرق
يعني إني غلطانه ساعدتها
سيف
أنتي مو ساعدتي لأ خليتيها تعتمد ماتطبخ لأن استبرق نطبخ ما تنظف لأن استبرق تنظف مايصير تعودينها على هيج
استبرق
اشوفها تجي من الدوام تركض على الطبخ أنقهرت عليها
ومن تقري جهالها يبقى البيت هوسه انظفه
سيف
لعد لاتلومينها
جان اختصرتي الكلام وياها
وما كلتي إني اطبخ وانظف جان كلتي كلمه وحده
انكسرن بدون قصد وخلص
تعلمي اختصري الكلام كثره الكلام يوگعنه بالخطا وخاصه بالعصبية
من تعصبين قللي كلامج
استبرق
هسه إني حسيت مختنكه ما اتحملها بعد
سيف
شتردين اجي ارجعج يمنه
استبرق
لأ سيف إني اروح لأمي افضل قرار بقائي جان اكبر غلطه أمي حتى لو تغلط عليه
جانت تعرف شنو احب شنو اكره
تنطيني مساحه من اضوج من مااكدر اسوي شي ولا تضغط عليه
سيف
ك قرار صحيح مكانج يم امج
استبرق
باجر اخابر أمي تجي تاخذني
سيف
هيج بسرعه
استبرق
جا شنتظر لمن تطردني سرى
سيف
لأ ما تسويها ساعه عصبيه
اهدأئي
استبرق
نعست اروح انام
سيف
نوم العوافي
استبرق
سيف
سيف
هاا بت عمي
استبرق
شكرا
سيف
على شنو
استبرق
لأن تفهمني وتعرف تساعدني
سيف
بالخدمه بت عمي
خديجه
ما اهتميت من سمعت العلويه والسيد نقاش بينهم
إني البارحه دخلت لهذا البيت
وهمه ولد عم بينهم
رحت للمطبخ
كعدت شويه احس جسمي سمنان وعندي شهيه مفتوحه صايره
أكل واجوع بسرعه
طلعت شيف رگي وخبزه واكل دخلت العلويه للمطبخ
العلويه
اكلج خديجه أنتي تردين صفا بمدرسه اهليه
خديجه
ليش مدرسة اهليه مارايده هيج شي
العلويه
يعني ما گلتي لموفق انقل صفا
خديجه
لأ علويه ليش اكول هي هاي مدرسته زينه
موفق
لأ خديجه كالت ولا المدرسة مو زينه صفا جاي يضوجونها بالمدرسه الطالبات والطفله اشتكتلي كلت هي أول وتالي السنه الجايه متوسطه تروح لهاي مدرسه بيها من ابتدائي للاعدادي وأعرف مديرها ومثاليه زينه
العلويه
تمام
خديجه
كالت تمام ودخلت
شنو صاير سيد
موفق
ما صاير خديجه سويلي جاي ثكيل رحمه لاهلج
خديجه
لأول مرة احس العلويه ثكلانه مني
ضجت وإذا كلنه للسيد شكو بيها
متقبل نطلب أي شيء إلا منها
بديت انتبه على تصرفاتها
يعني تغاررر؟؟
بديت اركز هي مو تغار وانما تحب تسيطر على موفق متقبل يتصرف او حتى يتخذ أي قرار إلا بعلمها وهو يحبها لدرجه ما يكدر يرفضلها طلب وإلا هي كريمه كلش وما تقصر وي اي أحد تنطي بس اهم شي هي مو سيد موفق
هلشي ما مآثر عليه
هو مرتاح على حياته وياها ما ادخلت
ورا يومين
كملت الريوك كاعدين العلويه وااسيد
اريد استاذنك سيد اريد اروح لمدرسه صفا
موفق
خير
خديجه
اسأل عن مستواها وهم أشوف معلماتها ماريدها تحس محد يروحلها
العلويه
مو راح ننقلها
خديجه
علويه ميفيد حتى من جنت بولايتنه هناك بمدرستها هم يتنمورن عليها باي مكان هم تسمع كلام يعيبون عليها
موفق
وشنو تسوين رايحه
ادعم نفسيتها شويه
موفق
بكيفج
خديجه
ب ال١٠طلعت للمدرسه وصلت حجيت وي المديره كالت يعني شنسوي اربعين طالبه وياها بالصف نلزمهن وحده وحده.
رحت لصفها اخذت وياي كيك قطع صغار لصفها
شافتني فرحت
استاذنت من المعلمه كلت لصفا ناسيه الكيك الجبتي لصديقاتج
وزعنه هي وياها كم طالبه
رجعت بس عيوني تدمع وحدها
صفا شكلها حيل مآثر على شخصيتها واحسها تتجنب الكل وما تحجي المعلمات يكولن بالورقه زينه بس باليومي صفر ما تشارك ولا تحجي
رجعت للبيت تشكرت من سيد موفق اشترالي الكيك بس اكيد لمن العلويه كالت هذا الرأي
العلويه
تعتبره محفز الها من تأخذين حلويات أي شئ للطالبات يحسسها بقوه
خديجه
رجعت العلويه يمها صديقاتها
أول ما دخلت
لكيتها بباب المطبخ
العلويه
روحي خديجه بدلي ذني ملابسج ورتبي نفسج وتعالي ذني صديقاتي بس صاحبات مهن بالدوله واصلات
سلمي وارجعي هسه يجي مسلم يجيبلج باكيتات حلويات نظميهن وجيبي ضيافه الهن يلا يلاا استعجلي
خديجه
رحت بالغرفه بدلت وخليت عطر ولبست فستان
ورتبت نفسي ورحت سلمت عليهن
ردن السلام كالو اهاا حلو اختيارج للسيد
يحجون وي العلويه
طلعت بلمطبخ لكيت الحلويات رتبتهن ورجعت قدمته
وطلعت منهن
بيومها بليل هي العلويه تخربطت وضعيتها وبقيت يمها
استمرت أربعة أيام وسيد موفق
راسل اطباءها بتركيا نصحوه يجيب علاج من دوله ماعرفت منو يشتريها
ويوصلونها الها
باقيه يمها لأن بليل تصخن كلش
السيد نايم بالكاع وإني اروح اشوف صفا وأرجع
خابرتني استبرق
طلعت بالصاله
استبرق
يمه أنتي وصفا زينات
خديجه
أي يمه بنعمه وأنتي
صوتها مخنوك
استبرق إني زينه بس اشتاقيتلج
خديجه
يمه شبيج احجي أو اكلج شي اوصي يجيبونج اليه تعالي يمه يمي كبال عيني
استبرق
ومنو يجيبني
خديجه
تنحل بنيتي اشوف وضعي واخابرج تحضرين نفسج
سدت التلفون كلت لازم اكول لسيد موفق أول مرة اروح اجيب بنتي
بس العلويه حالتها الصحية موزينه شلون
اخابر عمار
لالا موفق ينزعج شلي بالهطلابه ما اتجاوزه الصبح اكله
الصبح العلويه ماكعدت خطيه احسها تعبانه حتى نفسيتها مالها خلك اكلها قل
تريك سيد موفق بس اكله كلش قليل
راح يغسل
سيد اريد اكلك شي
موفق
كولي خديجه
خديجه
استبرق البارحه خابرتني تريد تجي هنا
موفق
يالله اقتنعت خوش شنو اليعجبج نروح نجيبها
خديجه
حالياً العلويه مريضه لأ أنت ولا إني نكدر نروح تضوج العلويه إذا عفناها إني او أنت حالياً
موفق
ادز مسلم
خديجه
عمامها أخاف هم يسولهم من الاشي شي ويكولون شلون بهذا الطريق تدزين بنتج وي رجال غريب
موفق
لعد شلون خديجه حيرتيني
خديجه
اخابر عمها عمار يجيبها
موفق
إني اتصرف معليج خليها عليه
استبرق
بقيت بالفراش ثاني يوم ما نزلت الضهر سمعت صوتهم اجو هم ما نزلت صعد بشار
يشار
خاب استبرق تدرين بيه ماكدر اصعد الدرج شمالج الج يومين مالج نزله يمي جوعان
استبرق
اصعد وانزل هواي رياضه الك احسن
وأنت ما تذكرني إلا من تجوع روح لأمك
بشار
عليج بداعه ابوج انزلي جعت وأمي مسويه تمن أبو الهوسه
استبرق
اوو بشار خلي عليه روبه واكله شبيه تمن الهوسه طيب
بشار
ماحبه موتدرين
استبرق
إذا ما تطلع ماكل نص الجدر
وتريد زواده
بشار
هسه تنزلين لولا
استبرق
لأ
نزل بشار بس انقهرت عليه احبهم بس خلكي رايح
صعدت فطومه مثل كل يوم تصعدلي أكل
تمن هوسه(تمن وعليه بطاطا. وبصل وفلفل اخضر وباذنجان وجزر)جايبنلي
فطومه
شبيج استبرق لاتزعلين نحبج تره احنه
استبرق
وإني همين احبكم بس ضايجه معليج بيه
فطومه
يصير أخذ الدي في دي اشوف فلم
استبرق
إني متمدده وكلتلها اخذي اخذته واخذت الاقراص
تذكرت وكمزت اوكفي
إني خليت صبغ اظافر على قرص سيف مال حفله التخرج لاينخلط وياهن
اخذته ورجعت للفراش
بليل خابرت أمي اشوف منو يأخذني لبغداد لأمي
ثاني يوم صعدت سرى
سرى
استبرق بعدج زعلانه مني اعتبرج اختي الصغيره ويشهد الله احبج بس اكو اشياء مرتبطه بطفولتنه باشياء بيها ريحه اهلنه
وهاي المواعين جنه ناكل بيهن من جانت لمه الأهل وبيت الأهل
اطشرت اللمه من ماتت أمي
اعذريني
استبرق
أنتي اعذريني ماعشت لمه أهل ولا بيت لامنه
من دولاب لدولاب فرتنه الدنيا وكعدتني يمج
سرى
راح اعذرج عن كلام التكولينه حقج
بس والله مو قاصده اضوجج
استبرق
تدرين حامد من جنت يمهم يكول والله مو قصدي من ضربتج وخربت خلقتج
سرى
إني اعاملج مثل معاملتي لفطومه
استبرق
وأنتي هيج تراضيني أنتي شمخليه بفطومه بس ادگر وضرب
حتى كدام بنات اخواتج تضربينها ليش
سرئ
لازم تتعلم ولازم تصير نظيفه وهاي بنيه مجتمعنه هذا حقيقته
استبرق
على العموم ماعندي شي وياج عمه
سرى
يعني تصافينه
استبرق
اكو فد واحد علمني الكلمه من تطلع بعد ماترجع
عليه سامحت ماعندي شي بعد اتجاهج
نزلت وإني امثل صرت طبيعيه كلت يومبن كالت أمي واروح ماكو داعي اخليها بزعل اروح
بليل عمو عمار كال وينج استبرق
عمار
شنو موصيه امج تروحين لبغداد
استبرق
أي عمو أمي حامل وتحتاجني اخدمها اطبخلها انظفلها
عمار
زين زين خالتج أمل قبل كم يوم خلبرتني كالت إذا أحد يروح لبغداد تريد تروح حتى تندل بيت السيد
وهسه السيد خابرني راح تجي سياره وإني وياج وخالتج نروح لبغداد
بشار وفطومه
لاااااا شنو بابه تروح استبرق خلوها انه
عمار
شنو خلوها انه هي چيس جبس يابا
سرى
يعني عليج الله تردين تروحين علمود امج لو ضجتي مني
استبرق
لا عمه أول وتالي كل طير يرد لعشه مكاني يم أمي
صعدت رغم انقهرت على جهال عمو عمار
وحتى عمو عمار احسه ضاج خطيه اعرفه يحبني ولا سمعني كلمه تغث ابد
صعد يمي بليل وإني ارتب بغراضي
عمار
عمو بنيتي
هاي الغرفه وهذا البيت يبقى الج شوكت ما ما يعجبج الوضع تعالي خابريني واجيج
أنتي رايحه لبيت غريب
اريد تحفظين ماي وجهي إني عمج
وتحفظين اسم حاجم ابوج وما تضيعين تضحيات امج وتعبها
صيريلها اخت وصديقه لأن هي هم تعبت
استبرق
لليوم عمو شسويت إني وماحافضتكم
عمار
جاي اوصيج عمو أنتي تنقلين صوره كامله من محافظة لمحافضه
مثلا يكولون
اوو بنات محافضه شكد مؤدبات جانت بنيه شفناها هيج
استبرق
نزل عمو عمار وباجر الصبح اتفق وي خالتي أمل نروح الصبح لبغداد
ألو
ألو هله بت عمي
استبرق
شلونك سيف
سيف
الحمد لله وأنتي
استبرق
زينه
خابرت ردت اكلج باجر احنه الصبح نروح لبغداد
سيف
كعدت على حيلي
شنو ليش
استبرق
مو قبل يومين كتلك راح اروح لبغداد لأمي
سيف
ضربت ايدي على گصتي كالت وما رح انشغلت (*حجيت بگلبي)
أي أي بس ليش مستعجله هيج مو كلتي اعتذرت سرى
استبرق
قرار روحتي مو على زعل وصلح سرئ
بعد لازم اروح لأمي مكاني الطبيعي
سيف
زين زين إني قريب عليكم نايمين أو كاعدين
استبرق
ماعرف بس اعتقد راح عمو و سرى لبيت اختها
سيف زين إني جاي
استبرق
هله بيك
بقيت جوا يم بشار وفطومه
شويه أتأخر شنو قريب شنو تأخر
سيف
فتحت عيوني رحت للمغسله غسلت ورجعت ابدل اريد ع السريع لكيت ضحى بت عمي واثق يم سريري
هااا ضحى محتاجه شئ
ضحى
سيف ليش هذا الشال بغرفتك
سيف
بيدها شال استبرق
شجابه عندج ومال منو يعني
ضحى
هذا شال استبرق جوه مخدتك ليش
سيف
رحت عليها اريدها تقلل صوتها سحبته من أيدها
وأنتي شدخلج بغرفتي وادورين
ضحى
لأن إني جنت شاكه بس هسه تاكدت
سيف
.شنو شاكه شنو تاكدتي شبيج
ضحى
أعرف تحبها
سيف
اششش شنو هالكلام شكدج وهيج تحجين شعليج
ضحى
إني مو زغيره حتى شفهمني
وإذا شعليه فعليه ونص
سيف
شبيج ضحى اطلعي اطلعي
ضحى
سيف إني احبك واستبرق ماتستاهلك
سيف
انصدمت من كلمتها ركضت عليها
اششش وخزرتها خزره قويه
اشششش متستحين عيييب أنتي بعدج طفله شنو هالكلام
أنتي اختي وهاي افكار استبرق طلعيها من مخج انشغلي بدراستج لأن عندي غير تصرف إذا اسمعج تعيدين هذا الكلام
طلعت بسرعه وقفلت غرفتي
امشي وافكر شنو هالجيل طفله تنطق كلمه شكبرهاا عادي
استبرق
اندك الباب اجه سيف سلم وكعد سلامنه طبيعي
سيف
باجر تروحين
استبرق
أي أن شاء الله
بشار
جا سوينه اكله وداعيه
استبرق
همك ببطنك مو محبتن
بشار
لأ والله احبج استبرق
استبرق
ولك شتحب وجهي صاير بيه شارعين فرعيه وجزره وسطيه وضحكنا
التفتت لكيت سيف يباوع اندار رأسا من شفته
رحت للمطبخ سويت اكل لبشار
اجه سيف انطه تلفونه لبشار يلعب وحسنين مخلي راسه وياه يكله الك دور والي دور
سيف
راح تصيرين ببغداد يجوز ما اشوفج
اريد اوصيج بشي
كل متاهات الإنسان هي بسبب الابتعاد عن رب العالمين
من تتقربين لله بدون ذنب يعني تحرصين على محاسبه النفس على مدار ساعات اليوم
تبدين برصد عيوبج وتبدين تعالجينهن
تدريجياً راح تشوفين ما يشغلج أحد
قدر الإمكان ما تحجين على أحد الاشياء إلي بينج وبين الله تعرفبنهن يغضبن رب العالمين ابتعدي منهن
راح تفتحلج ابواب ارزاق
اريد اسمع راجعه للدراسه كملي دراستج تتغير كل شخصيتج واذكرج بهلشي
استبرق
استمعله وهو يحجي بهدوء بس صوته مخنوك احسه آخر كلمه گالها الله يوفقج
سيف
إني عند وعدي أي شيء تحتاجينه خابريني
نصيحه أو مساعده واهم شي لأ تخلين شئ بگلبج احجي مو إلا إليه لامج لأي شخص تثقين بيه
استبرق
اثق بيك أنت
سيف
وإني موجود وين اروح
استبرق
إني إلي راح اروح
سيف
تبقين موجوده
استبرق
بقى يمي الك امانه
سيف
شنو
استبرق
هذا القرص مال تخرجك جايبه بدون متدري
سيف
وأنتي هم الج امانه يمي بس ما انطيج اياها هسه
استبرق
ليش
سيف
بوقتها المناسب
استبرق
امانه إلها وقت مناسب وغير مناسب
سيف
طبعا اكو اوقات مثل
محرم ببيوت عاشور ما يصلح هلاهل بيها
استبرق
ما افهمك
سيف
مو إلا تفهمين على الله خليها
استبرق
هم صحيح على الله
خديجه
العلويه صحتها تعبانه ومنتظرين كم يوم كالو تجي علاجاتها وصى الطبيب حالياً بس نخفض حرارته ومتابعه بالنهار يعني زينه تكعد وتسولف وبليل تنتهي
نبقى نناوب إني والسيد خاف تصعد حرارتها
لو تحتاج شي
قريب الغجر كعد سيد موفق كال روحي نامي ارتاحي إني كعدت
كلت الحمد لله اليوم جمعه ماعدها صفا نمت لأن تعبانه
عمار
ألو شلونك سيد موفق
موفق
أهلا وسهلا أبو فاطمه هاا ها وصلتو هله بيكم
غلقته
وإني مسوي ريوك للعلويه لأن خديجه نامت ودك التلفون عمار جاي هو واخت خديجه وبنتها
يلا علويتي اكعدي تريكي اليوم إني سويت الريوك
وكلتها شويه اشوفها افضل وضعها اليوم جمعه تعالي اخذج للحمام غسل الجمعة
غسلت ودخلتها للغرفه وسمعت صوت بغرفه خديجه
دخلت صفا تسولف وي استبرق
تعالي باباتي هنا خلي امج تنام شويه
خديجه
كاعده سيد
موفق
هاا كعدتج صفاوي
خديجه
لأ فزيت من دك التلفون كالت راح يوصلون استبرق.كلت اكوم احضر البيت اشوف ام مروان اجت لولا
موفق
ام مروان ماجايه چنتها جايبه
خديجه
خلي إني اكوم لعد أسويلي شغله
تحركت لكيته مخدر جاي بس ثخييين كلش وإني احبه خفيف
موفق
ممنوع جاي لأ اشربي حليب على شنو العلويه توصي أبو محمد يجيب من يم المزرعه الج فورته الج وكامل كلت بس تكعدين اريكج
خديجه
شهلدلال اليوم تريد تريكني
موفق
غير ثنينجن نمتن وخليتني
شسوي يمكن اجيب ثالثه ههه
خديجه
اسم الله لأ كاعده هاهه
موفق
يلا هههه جيبلي جاي وأنتي وصفا تريكن على السريع خاف العالم تجي
خديجه
بسرعه كملت
وموفق يم العلويه كلت اروح اشوف وضعها سالت موفق عنها كال تريكت وغسلت وكالت اغفا شويه
طلع من الغرفه سيد موفق
موفق.
وينج خديجه لاتطبخين كلت لعلي يدزنه غدا اختج أول مرة تجي وأنتي تنشغلين بالطبخ روحي حضري تفسج تتلكيهم وإني برا
خديجه كملت تىرتيب البيت ودخلت مرتين لغرفه العلويه
لكيتها نايمه
كلت خليها ترتاح
شويه وشفت دخلت استبرق انسحبت روحي مني
حضنتها وبوستها وهي هم مشتاقتلي
ودخلت وراها امل هم سلمت ورحبت ودخلتهم
بعدني بالباب صفا اخذي خالتج واختج للصاله السيد اشرلي اروح لباب الخارجي
هاا سيد
موفق
يمعوده أبو فاطمه يريد يرجع مايقبل يدخل
تعالي سلمي عليه
شلونك خويه أبو فاطمه الجهال سرى شلونها
عمار
بخير ام استبرق انتم شلونكم اخباركم
خديجه
برحمه ونعمه ليش ماتدخل تتغدى وتبقى للعصر خويه
عمار
بيت العامر ونعم منكم بس لازم اروح أمر بعد وصلت ازور الامام الكاظم واطلع
خديجه
ماضغطت عليه اعرفه مايبقى راح
دخلت واسلم على أمل وإسالها عن وضعهم واستبرق لازمه بطني وتحرك بيها
دخل سيد موفق سلم مره ثانيه ورحب بيهم
ودخل يم العلويه
بعدنه نسولف
ولسمع العلويه
العلويه
كل هذا وإني نايمه من البارحه تدري انت وهي وإني بيا حال مريضه وهي تستقبل اختها
ليش ما كلت فهمني
خديجه
أمل هاي العلويه تسولف يالتلفون تعالن اصعدجن شوفن غرفتي وغرفه البنات تعالي استبرق شوفي غرفتج امشي واسولفلهن
العلويه صار اسبوعين موزينه مريضه وأمل اقتنعت لأن متدري جان عدها خبيث خطيه بقت تكول
وع اخوات السيد يردن يجن وهم على خلاف وياهم متريدهم يجون
اباوع على استبرق ترفع بحاجبها خزرتها
موفق
يعني إني مو من حقي اكول لخطار تعال لازم استأذن منج موو
العلويه
أي وهاي آخر مره
موفق شنو و اخر مره انعام اكعدي هواي تماديتي مريضه نعم اقبل كلشي تسوين نعم أخذ رايح نعم
هالعصبيه بدون مبرر على شنو لأن استقبلت اخت خديجه لو شنو مو مريضه وصديقاتج يجن وتضيفين شنو فرق واذا وصيت غدا شنو على غلات أكل السوك ضاكت عيونج
تردين خديجه تطبخ وليش ما طبخت
شبيج انعام
خطاااري حتى لو عدو اليه يحترم
بيتي من عهد أبوي للمطرود واعابر السبيل والمحتاج والقريب والبعيد
تهدديني اخر مره شنو اتسامح بكلشي إلا تفشلين خطار خال رجليه ببيتي عيييب مو أنتي التسوين هيج
طلعت منها
خديجه
نزلت تلاكى وياي موفق
موفق
وين اختج
خديجه
صعدتها فوك
موفق
سمعت موو
خديجه
لأ غشيت عليها كلت تخابر بالتلفون العلويه واعذرني كلتلها كرايب وهيج
موفق
ديري بالج عليها صوفرت وامسحيها بوجهي خديجه إني الاعتذار هسه يجي الغدا غدي المره وابقي يم خطارج ومعليج بكلام العلويه
+
خديجه
حجر وصار على گلبي ليش لأن گايللها السيد وإذا
جاي يجون خطار غربه وگرايب شمعنى اختي هاي أول مرة تجيني
رحت للمطبخ جايبين الغدا رتبت كلشي ونزلت استبرق
استبرق
يمه وين العلويه بعدها بغرفتها
خديجه
أي يمه مريضه
استبرق
جانت ضايجه لأن اجينه
خديجه
اش لأ بس هي مريضه مو عليج أنتي وخالتج
استبرق
يمه خالتي ما استوعبت عليها السالفه إني سمعت كلامها وي السيد
خديجه حتى لو تسمعين ما الج شغل
فوك غرفتج بنيتي لاتتدخلين أبد
استبرق
لأ معليه
بس اسالج تعاملها وياج زين ؟
صفا تكول زينه ويانه وتحبنه
خديجه
يمه العلويه بت اصول ومحترمه وبت خير
أيدها لليتيم والمحتاج وحاجه بيت الله
ما يتخلى بني ادم بين قوسين ويتحدد بكلمه
إني فاتحه الثلاجه واسولف بس بهدوء وي استبرق ماريد صوتي ينسمع
واستبرق سكتت
رفعت رأسي من الثلاجه
لكيت العلويه
راحت عليها
استبرق
حضنت استبرق تبوس بيها
العلويه
طلع موفق ضايج كعدت شويه هدأت
احجي وي نفسي
اهدائي انعام
عدلت نفسي وطلعت حسيت حركه بالمطبخ
خديجه تسولف لاستبرق وتحجي عني
كلام حلو
سلمت على استبرق وإني أصلا أحب البنات صحيح كلش فرحت باستبرق
شنو هاي استبرق صلوات صايره تخبلين
استبرق
عيونج حلوه خاله
كالت أمي مريضه سلامتج
العلويه
الحمد لله على كل حال
خديجه
تعالي استبرق فرغي هاي العلاكه بهاي السلات علويه تتغدين
العلويه
لأ خديجه إني ىاح اكعد بس بعدين اتغدى لما يجي موفق
خديجه
استبرق اصعدي لخالتج خل تنزل
العلويه
راحت استبرق
اكيد سمعتي لهذا ضايجه مو
خديجه
هذا بيتج وحلالج بس ما اكدر اكول لاختي تريد تشوفني لاتجين
العلويه
لأ خديجه فهمتوني خطأ
لأن إني مريضه ما اريد أحد يجي احس اقصر وي الخطار الجاي
خديجه
أنتي متقصرين وي أي أحد
وإذا على أمل اختي فهي هم متطلع هواية بالسنه حسنه بس سمعت حامل وأجت وما اعتقد تجي اشهر
العلويه
لاتفهميني غلط أنتي ام هذا البيت إني
المرض تعبني خديجه
خديجه
سلامتج اطيبين وتصيرين زينه باذن الله
بقت تخابر على السيد ما يجاوب
نزلت أمل ورحبت بيها العلويه وكعدن سوا بالصاله
إني افتر وياي استبرق تفتر
صاحتني العلويه
شاورتني
العلويه
خابري على موفق جاي مايرد عليه وانطينياه
خديجه
ألو
موفق
ها خديجه
خديجه
العلويه تريدك
موفق
خليج بخطارج وخليها ترتاح
خديجه
سمعت العلويه شنو كال كالت انطيني التلفون
العلويه
اخذت التافون ودخلت الاستقبال
اوكف موفق شنو اتصل ما تجاوب مراهقين احنه تعاقبني
موفق
انعام الله يحفظج اتركيني دستي ببطني سلمتي على المره لولا
العلويه
جنت كاعده يمها
موفق
يعني شصار لو مشيتيها بصورة عادية إلا اكشن شنو اخذت وصله من حايط غرفتج
العلويه
إني تعبانه بسبب المرض وإلا شنو يهمني خطار
موفق
إني وأنتي نعرف شبيج ماكو داعي التبرير
العلويه
شتعرف موفق
موفق
أنتي تردين الامر يصدر من لسانج على جيه أهل خديجه
شنو طفل إني ولازم ارجعلج بكل خطوه
بس لأن اخت خديجه افتهمج
عبالج تخرب خديجه ولهذا طلعتي يمها
إني افهمج ومحد بالكون فاهمج
بس اطمأني خديجه مو من النوع تسمع لأحد يخرب بيتها
ولا اختها جايه بنيه مو زينه
مو كل الناس مثل اهلنه
اهلنه صارو هيج لأن بينه طمع
هاي شتريد تسوي بلا
العلويه
ما اجاوبك على تجاوزك هسه بس يلا تعال للبيت ماعندك شغل اليوم
موفق
طلعتيها عليه مو جمعه
روحي اشوف الوراي واجي
خديجه بقت العلويه نص ساعه
وراها
جابت التلفون
وكعدت تسولف وي أمل بس رحت
يمها وجها اصفر صار كركم
خليت أيدي عليها مصخنه
علويه تمددي ارتاحي
العلويه
لأ إني زينه
خديجه
اجتها استبرق تمسح بوجها واديها بوصله بيها مي
اخذناها لغرفتها
تغدت أمل وإني امثل جاي أكل
كملنه غدا ولملمت الصينيه صفا واستبرق
ودخل موفق
سلم وراح للعلويه
لحد المغرب يلا صارت احسن عرفت تخربطت يجوز غثها السيد هي من النوع إذا تنغث توكع ماتتحمل
بليل بقيت اروح يمها اشوفها
وموفق يمها
موفق
روحي خديجه يم اختج واستبرق ارتاحي إني يمها
خديجه
صعدنه فوك إني وأمل واابنات
بقينه نسولف ويسألني عن الحمل
لو يخلن روسهن صفا واستبرق على بطني ليش مايتحرك
ولجن يمه نايم ههه
ثاني يوم أمل اصرت ترجع بيتها الصبح طلعت العلويه اليوم شويه احسن وجابت علاگه
صوغه لأمل
واخذها مسلم يوصلها لولايتنه
استبرق بعدها جديده على وضع بيتنه
امشي واعلم على روتينهم
بليل أول ليله نامت بحضني ولازمتني
وبعدين يومين وكالت اصعد إني وصفا فوك
تكعد وي العلويه استبرق هواية واحسها منسجمه وياها يسولفن وتبقى يمها هواية
كعدت يمهن اليوم
العلويه
الدكتوره كالت أنتي هسه نهايه شهر الرابع
بس تخلصين هذا الشهر الخامس
وادخلين بالسادس نبدي نجهز للطفل ناخذ سونار حتى نجهز على جنس الطفل
خديجه
عليمن مستعجلين نجهز قبل الولاده بكم يوم
وجنس الطفل يم الله افضل مثل الهديه ماينعرف شنيه إلا بساعه النفتحها
العلويه
وإني اتحمل تردين للولاده
استبرق
إني اكول ولد
صفا
إني اكول بنيه
خديجه
ورا كم يوم من جيه استبرق
العلويه كالت لسيد موفق ياخذ صفا واستبرق يشترون ملابس من الكاظمية
ردناها تروح ويانه رفضت
اخذوني واشترا ملابس واحتياجات للبنات كومه وزرنا بقن البنات يفترن للامام واحنه كعدنه قريب الصحن الشريف
موفق
بعد خوما نسيتي شئ
خديجه
لأ شنسى وي إلي اشتريته إني ممحتاجه أي شيء والله العندي ما لابستهن
موفق
خديجه
مرتاحه يمنه
خديجه
ضحكت بخجل
سيد شلون ما مرتاحه
وين جنت إني وين صرت
موفق
يعني كلام العلويه ما زعلج
خديجه
الموجوع الله يساعده يتغير تصير حياته متعبه يبقى يفكر بأمور سلبيه يحس هوه بدائره اسم الله عليها موت
فيبدر منها حقها
عاشرت العلويه بقوتها
وشفت حنيتها وانسانيتها
وبس القويه إلي تسوي السوتها ماكو وحده تتحمل زوجها يزوج عليها
مو إلا هي تزوجه
ومو أي زوج
من الطفوله وبن عمها لحد هسه
هاي يرادلها جرعه وقوه لأن تحبك تريد الك طفل ولهذا جبر بخاطرها وخاطرنه علمود نيتها
بالحمل
وإلا إني ورا ما جهضت كالت الطبيبه رحمج تعب
ذاك اليوم ذكرتني أمل بس معجزات رب العالمين تضهر للعبد النيته صافيه
وذابه عدله وي ربه
موفق
يوميه يفأچئني شي بيج
تبهرني طبيعتج تلقائيه ما متصنعه فاهمه كل خطوه تحسبين حساب للمقابل
صفاتج خديجه تجبر الإنسان يسكت مايكدر يرد
طبعاً العلويه كالت شنو گلتي لاستبرق من اجت اختج
وتصدگين كالت اليه هيج من باب الغخر شفت هاي خديجه إلي إني اختاريتها تكلي
خديجه
العلويه ما اوفي حقها ومن تزوجتك لگيتكم متشابهين
أنت والعلوية
موفق
اكلج شي
خديجه
أي
موفق
قبل لأ اعقد عليج
طلبت من العلويه تجين واسمع كلامج ليش رافضه
بوقتها العلويه صار موضوعها خديجه ألف مرة تعيد اسمح باليوم
كلتلها خليها تجي واسمع ليش ما تقبل بالزواج رغم تكولين ضرفها كلش صعب
كلتي بناتي يكبرن ويشبن وزوجج غريب عليهن ماريد ادخل غريب لبناتي
هاي العباره تگولها بس إلي عدها مرجله احسن من زلم مشوربين وأعرفهم
يختار زوجته تصرف عليه ومو مهم نظره العالم اله
أنتي بعشر زلم لأن تردين تحافظين على بناتج وحقج شتعرفين عن السيد بس اسمه
لهذا تمسكت برأي العلويه
خديجه
احس إحساس جديد ما جان بداخلي اتجاه سيد موفق
شعور غريب على خديجه ما حاسته ابد رغم متزوجه جنت
طمأنينه وراحه وإني امشي يم موفق ما حاسه بيها قبل
تهون أي تعب أو أي كلام هيج لحضات إلي حسسني بيهن موفق
يخلي القريب منه يحسسه بقيمه عاليه ومكانه. جبيره
رجعنه للبيت مرتاحين كلش
ام مروان يم العلويه
ودخلنه يمها وهي تسأل خل اشوف استبرق يلا البسي هذا
لو شوفيني هذا
واستبرق منطلقه تبدل وتشوف العلويه
بيومها جان بيه كميه راحه وهدوء
ثاني يوم راح السيد لشغله وإني يم استبرق بالمطبخ وصفا بالمدرسه
وسمعت صرخه العلويه
ركضت هااا علويه
العلويه
موفق موفق وج خديجه موفق
هاجمين على المحلات مسلحين ملثمين ومن ضمنهم محلات موفق
موفق..
