رواية أسير الناردين 2 اسرني عشقها الفصل الثالث 3 بقلم ماريان بطرس

 رواية أسير الناردين 2 اسرني عشقها الفصل الثالث 3 بقلم ماريان بطرس 

الفصل الثالث

ناردين بصدمة🙈

يعنى عنية خضر

ايلين:

اة زيتونى وبشرة خمرى وجسم عامل زى الحيطة تحسى انة مابيحسش 💪

ثم ضربت كف باخر وقالت 

بقى دة مش عاجبك 

اكمل شادى وصلة الاستهزاء وقال

والله لو انا بنت كنت اتجوزتة ولا سيبتة من تحت ايدى

  لم يكن يعلم انة بتلك الطريقة يضغط عليها فقالت

يعنى انت شايف ان مستر آسر عريس كويس

شادى:اة طبعا عريس ممتاز بقولك لو انا بنت كنت اتجوزتة انا شغال معاه من زمان من وانا كنت شغال فى شركة التهامى آسر باشا انطوائى شوية بس راجل اوى وجدع اوى ممكن يضحى بحياتة علشان خاطر الناس اللى

بيحبهم يمكن مش بيعرف يقول كلمة حلوة او يعرف يقدر اللى بيشتغلو معاة بالكلام بس بيقدر بالافعال يعنى اقدر اقول راجل مش موجود دلوقتى لو كان ليا اخت كنت جوزتهالة بجد ومبخلتش علية بيها 

كان يتحدث بتلقائية ولم يكن يعلم شئ عن مايحدث بينهم بينما هى شعرت بان الكلام عليها هل سيتزوجها فقط ليحميها من مايحدث لها هل سيتزوجها ليحميها من هانى وغدر الزمن لانها فتاة ضعيفة وهو رجل بحق بينما نظرت لها ايلين نظرة لائمة كانها تقول لها لما تفعلين هذا لما؟؟ تجاهلت هى نظرات ايلين لها و تحركت تجلس وقالت

طيب بلاها الكلام الفاضى دة وركز فى الشغل ودرب البت دى بضمير بدل ما اخوها يدينا فوق دماغنا دلوقتى

ضحك شادى قائلا

تحت امرك يافندم 

فقد كان شادى يحترم ناردين وبشدة من جهة هى رفيقتة بالعمل ومن جهة اخت صديقة ومن جهة اخرى يراها فتاة شجاعة تستحق الاحترام كان تعاملة مع ناردين و ايلين سلس بعكس تعاملة مع آسر ف آسر من الاساس صعب التعامل معة فنظر الى ايلين قائلا

ركزى معايا الله يخليكى بدل مااخوكى يقتلنى اصلة مابيهزرش 

ضحكو جميعهم على اسلوبة فقد كان اسلوبة فى التعامل مع الناس سلس مرح لائن فية عكس اسلوب آسر ومع ذلك فهو يحمل لعائلة التهامى فضلا كبيرا نظرا لانهم وقفو بجانبة منذ زمن 

_______________________________________

كان يجلس سعيد جدا بمكتبة بعد ان جاءة ذلك الاتصال الهاتفى امسك هاتفة وطلب رقم اقرب انسان على قلبة ثم انتظر الرد وبعد ثوانى اجاب

الو ايوة يا ناردين عندى ليكى خبر حلو 

اجابتة ناردين بلهفة 

قولى فية اية يا كيمو

اجابها كريم بسعادة 

الشقة خلصت واتشطبت

اجابتة بفرحة صادقة 

بجد!!بجد يا كريم ؟؟الف الف مبرووك

كريم: الله يبارك فيكى ياحبيبتى لا وعندى خبر احلى

ناردين: اية هو الخبر دة 

كريم :مرتبى هقبضة عارفة كام 

ناردين: كام ؟؟

كريم: اكتر من ٢٠الف جنية 

ناردين بصدمة:كام !!

كريم: امال انتى فاكرة اية ؟انا مساعد مدير الحسابات لاكبر شركة استيراد وتصدير ف مصر دة اقل موظف فيها بياخد حوالى ٧ الاف 

ناردين: دة انا سكرتيرة آسر التهامى وباخد ٨ الاف وبقول دة انا كدة معدية معنى كدة انة بيضحك عليا

ضحك كريم بشدة وقال

متنسيش انك شغالة بدوام جزئى لانك لسة طالبة وبعدين شغالة من غير شهادة ولا حاجة وفية ايام مش بتشتغليها 

ضحكت ناردين قائلة

مش مهم المهم تفرح خطيبتك بالكلام الحلو دة 

ضحك كريم وقال 

دة انا هفرحها وافرحها وافرحها كمان 

ضحكت ناردين بمرح وقالت

ماهو جاى على مزاجك الكلام دة 

ضحك كريم وقال

اقفلى يابت امشى 

ضحكت ناردين قائلة بمرح

همشى يا حبيبى واقفل علشان تكلم حبيبة القلب

وقبل ان تسمع اية سخرية او تهزئ اغلقت الهاتف ولكن قال كريم بضيق 

اة ياسردينة زفرة 

______________________________،___________

بعد ان اغلق الهاتف دخل مكتب حسام وجدة يزفر كل دقيقة ابتسم بسخرية وقال

اية يابنى مش طايق حد كدة لية دة انت طيرت كل ورق المكتب

نظر له حسام وقال

الله يخليك يا كريم انا مش طايق نفسى سيبنى ف حالى 

كريم: فية اية يابنى مالك

حسام: الطريقة الوحيدة اللى كانت هتخلينى اقرب من البنت اللى بحبها طارت

كريم: مش فاهم ازاى وهى مين اصلا 

حسام: كانت مجبورة تدرب وتاخد شهادة بانها حصلت على تدريب فى شركة كويسة علشان تتخرج 

كريم: وبعدين اية اللى حصل

حسام:اخوها رفض وهيخليها تدرب ف شركتة وهى كمان كانت عايزة تدرب معاة

ضيق كريم عينية محاولا فهم ما يريد قولة ثم قال بنبرة ذات مغزى

حسام !! مين دى 

ازدرد حسام لعابة وقال بعد ان سحب انفاسة لداخل صدرة 

هى نفسها اللى جات فى بالك 

نظر لة كريم نظرة محقق وقال بنفاذ صبر

ماتقول مين وتخلص

حسام: ايلين بنت خالى

كريم بتوهان :يعنى انت بتحب بنت خالك وخايف تقولهم علشان مشاكل بينك وبين اخوها 

اومئ حسام براسة

فاكمل كريم

طيب وفيها اية انت هتتجوزها هى ولا اخوها؟؟. المهم هى وابوها وامها بس كدة

ضحك حسام بسخرية وقال

دة ان مكانش اخوها هو آسر التهامى

اومئ كريم براسة متفهما ثم قال 

معاك حق ربنا معاك

تضرع حسام رافعا يدية للسماء قائلا

يارب ..

المهم انت كنت عايز اية

كريم: كنت عاوز اشكرك على كل حاجة 

حسام: لا شكر على واجب ياسيدى وخلص بقى عايزينك تتجوز ونخلص منك 

قال جملتة بمرح جعلت كريم يضحك ثم نظر الية وقال

وانت كمان عايزين نخلص منك

حسام بضحك:قول يارب ويارب يحنن قلبك يا آسر عليا

حرك كريم راسة بياس وضحك

_________________________________________

دخلت الية ببعض الاوراق قائلة 

مستر آسر لو سمحت امضيلى الورق دة 

لم يرفع نظرة من الاوراق وقال 

سيبيهم وانا همضيهم

نظرت لة ثم قالت بحنق 

طيب بصلنا طيب وشرفنا بنظرتك البهية .

رفع نظرة لة وقال وهو يزوى مابين حاجبية باستغراب.

انتى بتقولى اية!!

نظرت لة بذهول هو بالفعل ذات عيون زيتونية ساحرة جميلة جدا وبشرتة خمرية جميلة وحين وقف امامها لاحظت بالفعل ان لدية جسد رياضى ملامحة وسيمة جذابة جدا واة من ابتسامتة لدية ابتسامة ساحرة

اما هو حين وجدها تنظر لة هائمة وقف امامها ثم ابتسم مربعا يدية قائلا

لو خلصتى تامل فيا ممكن تروحى على مكتبك وانا هقراة وامضية وابعتلك

نظرت لة ثم لاحظت اخيرا انها واقفة من فترة طويلة تتامل بة فقالت بتلعثم لكى تدارى خجلها وما حدث

ااااتامل فى مين يا عم انت انا كنت بلاحظ فرق الاطوال 

رفع حاجبة لها قائلا 

لا والله

ناردين :اة وانت مش ملاحظ انك طويل بزيادة اوى

قال بتحذير :ناردين

ناردين: بلا ناردين بلا زفت بقى كل شوية ناردين ناردين اية

رفع نظرة للسما متضرعا:يارب ارحمنى

نظرت لة باستهجان وقد راقها مشاكستة 

يرحمك من اية هة

نظر اليها ثم قال 

ياربى هو انا عملت اية ف حياتى علشان تبلينى البلوة دى 

نظرت هى لة فى برود ورفعت كتفيها بلا مبالة وتحدثت ببساطة كانها تخبرة عن حال الطقس

اكيد تخليص ذنوب من اللى انت عملتها

اكد هو على كلامها قائلا 

معاكى حق انتى صح هو تخليص ذنوب من الذنوب اللى عملتها👍

احتلت الحماسة وجهها وقالت 

بجد

ثم جرت وقفزت فوق سطح المكتب وربعت قدميها ووضعت كفها تستند به على وجنتها وقالت لة

طب احكيلى 

وقف مشدوها من كلامها وقال لها

احكيلك اية

ردت علية ببراءة مستفزة

احكيلى الذنوب اللى عملتها وواحدة واحدة ومتنساش حاجة 

سقط فمة ارضا من تلك الفتاة التى ستتسبب لة بجلطة اكيدة يوما ما اما هى فمازالت تنتظر منة ان يتحدث كأنة سيحكى لها قصة ما قبل النوم

استمر فى النظر اليها بعض الوقت وهى مازالت تنظر لة منتظرة ان يحكى لها فقال وهو يشير للخارج بيدة

ناردين اطلعى برة الله يخليكى انا مش ناقص مرار وجلطة انا لسة صغير على كل اللى بتعملية فيا دة 

تدلى فمها ارضا وقالت 

هة

فهى فى اقصى احلامها لم تتوقع ان تفعل هذا او يتحدث لها هكذا كانة يعرفها من سنين 

نظر لها ثم قال بصرامة 

بررة 

انتفضت على نبرتة الصارمة وصوتة الحاد فنزلت من على سطح المكتب راكضة للخارج متعثرة فى خطواتها

اما هو فرفع يدية قائلا: ارحمنى يارب

ثم دق على صدرة موضع قلبة قائلا

وانت ملاقتش غير المجنونة دى وتحبها 

_______________________________________

بالخارج انتفضت ايلين على صوت صراخ آسر فنظرت الى شادى قائلة

اية فية اية

اجاب ببرود ولا مبالاة قائلا

لا ابدا متاخديش فى بالك دة آسر باشا بيزعق لناردين

ايلين باستغراب

لية 

شادى: دة العادى آسر باشا عصبى وناردين مستفزة بس ادعى انة ميرفدهاش 

نظرت لة ايلين باستغراب ولكنها ردت بابتسامة

لا متقلقش مش هيرفدها 

بعد قليل وجدوا ناردين تخرج من المكتب لاهثة واضعة يدها على صدرها رفع شادى لها حاجبة بينما كتمت ايلين ضحكتها بالكاد قابلتها ناردين بنظرة حانقة بينما قال شادى

مش ناويين نعقل بقا ولا ناويين على رفدنا 

نظرت لة نظرة ساخطة وقالت

بقولك اية يا سمج انت روح على مكتبك يلا وخد البت دى معاك امشى

نظرو لها ثم تحركو فقد ظنو انها الان فى اوج حالات غضبها فقد ظنو انة اهانها او شئ من هذا القبيل

__________________________________________

رن هاتفها فاجابت علية 

الو 

اجابها الطرف الاخر

الو ايوة يا ناردين بقولك هو كريم عاوزنى ف اية ماهو انتى انتيمتة واسرارة كلها معاكىانتى وبس اخوكى عاوزنى ف اية

ناردين: اهدى كدة وفهمينى بتقولى اية بال ماهتلاقينى قفلت السكة ف وشك كدة وانتى ترغى مع نفسك ففهمينى بالرااااحة 

سحبت مى انفاسها محاولة تهدئة نفسها ثم قالت

ماشى.. اخوكى اتصل بيا وقال عاوز يشوفنى 

ناردين: وبعدين فيها اية هو اول مرة يشوفك يعنى 

مى:لا مش اول مرة بس لما يقول عندة مفاجاءة ليا يبقى دة الحاجة الغريبة فية اية 

اجابتها ناردين ببرود متعمد 

معرفش مش هو قالك عاملك مفاجاءة يبقى خلاص اية الغريب بقى

مى بتحذير :ناردين

ناردين: بلا ناردين بلا زفت هو كل واحد عندة مشكلة يقول يا زفتة يازفتة .. اخويا عاملك مفاجاءة اية اللى فيها دى 

مى:فية اية ياناردين مالك

سحبت ناردين نفسها وقالت 

مفيش انا بس عاوزة ارتاح شوية تعبانة من الشغل طول النهار معلهش 

مى :لا ولا يهمك ياحبيبتى ولما اعرف ابة المفاجاءة هقولك 

ناردين بابتسامة: ماشى ياحبيبتى ربنا يسعدك

مى:ويسعدك يا حبيبتى

اغلقت ناردين الهاتف متنهدة ثم امسكت الهاتف متصلة برقم ما بعد قليل اجابها 

الو 

اجابت ناردين بثقل 

الو مارينا ازيك 

زوت مارينا مابين حاجبيها بتوجس وقالت

مالك يا ناردين فية اية صوتك باين علية متضايق

اجابتها ناردين قائلة

لا ابدا هتضايق لية 

قالت مارينا: ناردين مالك هو انا هاعرفك من اول وجديد فية اية

تنهدت ناردين بثقل يجثم على صدرها ثم قالت 

تعرفى ان كريم عامل ل مى مفاجاءة النهاردة

مارينا: طيب وفيها اية 

ثم انتظرت قليلا وقالت باستهجان 

اوعى تكونى غيرانة من مى دى عمرى ما اصدقها ابدا 

ناردين: كنت متوقعة بردة انك مش هتقدرى تفهمينى يلا سلام 

مارينا: استنى بس وفهمينى اعتبرى نفسك بتتكلمى مع نفسك على الاقل هتقدرى ترتاحى 

ناردين: لا خلاص مش لازم 

مارينا باصرار :يابنتى خلصى انا مصرة اعرف مالك

ناردين:بفكر بس بفكر قى انة امتى بس..

امتى الاقى حد يحبنى كدة زى كريم مابيحب مى امتى الاقى حد يعمل علشانى المستحيل انا كل اللى لاقياة واحد مجنون عاوز يمتلكنى والتانى عاوز يتجوزنى لمجرد حماية من الاولانى طيب انا فين 

ثم بدأت فى وصلة البكاء وشهقاتها تتعالى قائلة

لية ؟؟ لية مش لاقية حد يحبنى؟؟ لية كل اللى يقرب منى بيبقى كدة ؟؟ هو انا مستحقش ان انا اتحب ولا اية 

تنهدت مارينا ثم سالتها مستفسرة 

هو انتى شايفة ان بشمهندس آسر عاوز يتجوزك لمجرد الحماية 

اجابت ناردين بقوة مؤكدة

اكيد امال اية اللى يخلية يتجوزنى غير كدة

ابتسمت مارينا بسخرية على حال صديقتها الغبية ثم قالت .

يعنى هو مجبر انة يتجوزك علشان يحميكى 

ثم قالت بقوة مريدة جعلها تفيق 

ناردين يا غبية دة جواز مش لعبة اية اللى يخلية يتجوزك ويقعد العمر كلة معاكى هة ؟ معقولة فية غباء كدة طيب ماشى هنقول هيتجوزك علشان يحميكى كنتى مين انتى بالنسبالة حد من عيلتة صديقتة انتى مين ؟!!! انتى يادوب سكرتيرتة ومن كام شهر كمان واكيد مش من نبل اخلاقة يتجوزك يعنى.. وماشى معاكى حق هو واحد نبيل ومحترم بس مش التايجر اللى تضطرة الظروف لكدة دة يقدر يحميكى من غير مايتجوزك ويقدر كمان يدخل هانى السجن وهترتاحى منة العمر كلة ومن غير اى جواز دة التايجر يا بنتى افهمى بقى وبطلى اوهام وعيشة فى عالم الحكايات والروايات دى وخليكى واقعية مين هيتجوز حد عشان يحمية 

ثم ضغطت على كل حرف محاولة توصيل المعنى قائلة

دة طلب يتجوزك ومن غير شروط ومن باباكى يعنى جوازة للعمر كلة تفتكرى لية 

سالت ناردين وكانها الة مبرمجة 

تفتكرى لية 

مارينا:__

الفصل الرابع من هنا