 |
رواية بيت الخبازه الجزء الثاني 2 الفصل الثالث 3 بقلم زهرة الرمان
بسم الله الرحمن الرحيم
السلام عليكم ورحمه الله وبركاته
#بيت_الخبازه_ج٢ ......#بارت٣
نخطط والقدر يكتب باللوح ما يشاء ☄️
خديجه
صارت غرفتي جوا
فرحه سيد موفق بالحمل خلت كل تصرفاته تختلف احسه يريد يسوي أجواء راحه وفرح على طول
يشتري مايقبل اطبخ يخاف عليه من الحركه يشاقه هواي حتى مو إلا وياي وي العلويه وصفا
ويدخل ويطلع
يكول اللهم لك الحمد حمدا كثيراً لجلال وجهك وكرم عطائك أو يسأل بالعلويه مو لازم نخليها يم طبيبه تراجع وتحددلها مواعيد مراجعه
العلويه مهتمه بس بطريقه اثكل
تكلي اكلي زين نامي زين لأ تضوجين نفسج أبد
فسرتها كل إنسان تعبيره يختلف وما مقصره المره حتى الفاكهه الينساها سيد موفق هي تذكره بيه
يوم ع يوم احس باهتمام السيد اكثر
موفق
اكلج علويه شنو رايج بمستشفى -----------
زينه صح يهتمون بالاطفال والام وما ياخذون الأم يطولون خلگ مو رأسا عمليه
العلويه
خل توصل للتاسع ويحلها الحلال شنو هالعجله
استبرق
أول ما سديت الكنتور
اندك الباب دكات سريعه
ركضت تاكدت باب الكنتور مسدود
وفتحت الباب دخل سيف عيونه على الكنتور قفله
ووكف بالباب
سيف
هاا استبرق شنو اليوم مثل ما اتفقنه
استبرق
لأ اليوم اريدك تاخذني لبيت عمو عمار خلصت العطله رجعوا
سيف
ليش تضايقني هنا او أحد ضوجج
استبرق
لأ بالعكس أول مرة يصيرون طبيعيين
سيف
لعد اكعدي واسكتي لأ تدللين علينه
استبرق
لأ اروح كل غراضي هناك
سيف
اجيب كل غراضج
استبرق
وليش إني محتله غرفتك هم اروح هناك اليه غرفتي بيت عمار
سيف
اكو شي مضايقج متأكد
استبرق
متوهم
سيف
متأكد
استبرق
توديني لو اخابر عمو عمار يجي
سيف
ابشرج عمو عمار عليه حضر تجوال يمنه أبوي معاركه
استبرق
لعد اخذني انت
سيف
إذا مصره بس اليوم باجر اوديج
استبرق
أخذني ثاني يوم لبيت عمو عمار
لگيتهم جايين من الدوام صار ساعه تقريباً
حسنين فتح الباب
سيف
رقمي عندج من تجتاجين شي خابريني
استبرق أن شاء الله
سيف
طلعت حركت السياره صار بوجهي ذا النون
ذا النون
شفت سيف طالع من شارع بيت عمار
تقربت لسيارته واشرت وكف سلمت عليه
سيف اريد احجي وياك بموضوع
سيف
خير ذا النون
ذا النون
وين اتجاهك
سيف
رايح قريب السوك
ذا النون
وياك
مشه بالسيارة
سيف
الله بالخير
ذا النون
الله بالخير
سيف أنت الإنسان المثقف إلي أكدر احجي وياه وما يفهمني غلط
إني اريد استبرق بنت حاجم بالحلال
والدك الله يسلمه سواها ضلمه وعلاقه إني ماعندي شئ وياها
وأنت شاب وتفتهم
ماتنخطب إلا البنيه الاصيله
وإلا لو مو شي وحشاها طبعاً وين اكو رجال يدك باب بنيه بالحلال لوما هي بنت اوادم
سيف
والمطلوب مني شنو ذا النون
ذا النون
اربد تساعدني من اطلبها من حامد عمار توكفولي
سيف
إني اكدر اساعدك بشي وأحد بس وهو اهم شي
ذا النون
بشنو
سيف
اساعدك اسال استبرق إذا مقتنعه بيك وتريدك الباقي سهل إني احله الك بعد ؟؟؟
ذا النون فضل منك إذا هيج
سيف هاي هيه انطيني كم يوم وتدلل
°°°°°°
خديجه
بطبيعه الحال بحملي ببناتي اصعد وانزل واشتغل ما اهتم
حالياً إني قل شغلي لأن السيد يخاف عليه
والعلوية تكول عدنه ام مروان على شنو اتعبين
بقيت بس برعايه العلويه علاجها ملابسها أي شيء يخصها إني اسوي حتى تنظيف غرفتها إني ما تأمن لأحد
وعدنا غساله ملابس بس العلويه ترفض ينغسلن ملابسها بغساله
العلويه
هاي شنو ليش مشتريها
موفق
هاي خاصه بس لملابسج محد يغسل بيها حتى تبقى نظيفه
العلويه
منو كلك إني اريد غساله خاصه
ومنو كلك تشتري غير تبلغني
موفق
شفتها معروضه كدامي على الشارع تذكرتج
العلويه قصدك تذكرت خديجه تغسل هالقطعتين خليها بكارتونها إني منا وهيج اغسل ملابسي
موفق
ليش صايره حساسه وكل كلمه تنثارين ما جاي افهمج
العلويه
(أنت بديت تلغي وجودي وكلامي جنت متشتري خيط وابره للبيت إلا أني اكول هسه يوميه جايب شغله والمصيبه تراوغ حتى تكذب عليه تكول لأجل ملابسج وانت تخاف على خديجه
موفق
اخذتها من أيدها ودخلتها للغرفه
تعالي على كيفج حبيبتي اكعدي
العلويه
هاااك شوف تخاف تسمع خديجه
موفق
كااافي خديجه
خديجه خديجه
شبيج بت عمي علويتي تره إني مجاي افهمج
تصرفات مموجوده بيج صايرات
أنتي مو جنتي خابصه الدنيا تزوج تزوج وإلا خديجه إلا خديجه
تزوجتها لأجل عيونج لو أريد أتزوج وبنفسي مره جنت اسافر اشهر واطلع من صبح الله وابات جنت اكدر اخفي عنج واتزوج بس مو اخلاقي
قبل لا اتزوج صرتي بس تحلفين عليك وعليك كذا سويتي خطه عمل على شلون اتزوج أول ليله وقبلت ونفذت وكل اوامرج تنفذ
شنو الخطا بلا هسه استجد بخديجه
العلويه
ماعرف ماعرف احس أنت تغيرت
موفق
الإنسان العنده مبادىء ماشي عليهن مايتغير
جان غيروني من كالو تزوج من أنتي بنفسج طلبتي الطلاك ورا سنه
جان تغيرت من صارت عدنه انواع المشاكل إلي من ضمنها اخوانج وتدخلهن وكم مره سون بينه مشاكل
بكلشي أخذ كلامج وكلشي انفذلج
بس اضلم انسانه إذا ما اداريها واعتني بيها
وهي شايله روح النه إني وأنتي هذا ألطفل تكول للعلويه الها اكثر من احشائي
خديجه تحبج لأ تخربين هذا الحب باشياء ماجاي اعرف تفسيره
كعدت ضمت وجها وبقت تبجي
العلويه
اعرف والله اعرف تحبني وأني هم احبها بس مادري ليش هيج يصير بيه
موفق
تغارين حبي؟؟
شتغارين وإني ملك الج النفس الاتنفسه أنتي
عاقله رزنه ذكيه مدبره نظيفه محترمه مؤدبه
كلما يجي يوم احمد رب العالمين عن قسمتي أنتي
الرزق للضاهر الناس أن الواحد عنده بيت وزوجه واطفال وفلوس
ياما ناس متزوجين ظاهريا
وهمه منفصلين واقعياً
ياما اكو عدهم اطفال بس ميعرفون يحافظون عليهم نقمه وكارهينهم
الرزق زوجه تصون زوجها زوجه تصبر وياه
زوج يحبها ويحترمها
بيت بيه ضحكه وسالفه
أكو بيوت چنها مهجوره رغم مليانه بشر
احمدي رب العالمين
خلا هاي بنت الاوادم بطريقنه وصارت جزء من عائلتنه
وجاي تشوفين لأ تطلب ولا تريد تجي وتروح ولا تطمع بشي
العلويه
(خجلت من غيرتي ومن موفق بس ما اكدر الرجل غالي) حجيت بگلبي
احب خديجه وشاهد الله ماشفت منها شئ موزين
موفق
هاي هيه علويتي إلي تخاف الله وعادله بتصرفاتها
خديجه
انشغلت بصفا ودراستها ورحت اليوم لخالتي سنيه
قشعم كال مريضه
شفتها وبقيت يمها شويه كعدت
زايره سنيه
اجيتي
خديجه
أي خاله شلونج
حضنت صفا
سنيه
جا شمالج ما تخلين حميده يمي
خديجه
خاله عدها مدرسه
زاايره سنيه
لأ أنتي سنونج فرگ بله تعالي شوف السنونهه فرگ گطعيهه تحب الفرگه
خديجه
بقت تتلمس بيه
وتباوع بوجهي
زايره سنيه
اكلج اضنج مثجل
خديجه
شنو مثجل خاله مافهمت
سحبت الربطه تريد تكمش صدري سحبت نفسي ياا خاله شبيج
زايره سنيه
أنتي ببطنج فرخ
خديجه
عزا شلون عرفتي
اخذت صفا ومشت للمطبخ تضم الها حلويات اجه قشعم يضحك
قشعم
تلزم عوده تضرب باخواني تأخذ گمرك منهم يلا يصعدون تأخذ منهم حلويات وتكلي لحميده
خديجه
يااا مسويه سيطره وهميه
قشعم
أي خاله شفتي
خديجه
رجعت للبيت
إني وصفا ولازم نبقى ساعه نتوسل بخالتي سنيه تعيف صفا لأن تكمش بيها
لكيت السيد جايب غساله صغيره
وهمه كاعدين بالصاله
هاي شنو الغساله لمنو
العلويه
لملابسي حامل ماتكدرين تغسلين جبنه هاي
خديجه
لأ علويه أنتي لأ تستنضفين الغساله ويبقى وسواس عندج
إني اغسلهن بديه
جنت اغسل بشهري على طشت لأ على كثر ملابسج ما استخدمها خلوها بكارتونها
العلويه
فشلت أكثر من موفق
خديجه
مرت أيام وإني الاطبخ اشوفههم ما ياكلون هواي من تطبخ ام مروان
كل وحده واسلوبها بالطبخ
يعني السيد يحب الفاصوليا كلش
ام مروان ماتحمس المعجون لحد ما تطلع ريحته لأ تطبخه بمي الفاصوليا اشوفه ما يأكلها هواي ومايحب اللحم هواي بالفاصوالبا
إني اخلي العلويه يجيبون كسور للفاصوليا تصير اطيب
بس ما احسس ام مروان خطيه
رجعت اطبخ إني
الصبح سويت الريوك صبيت الاكل كدامهم
انطيت للعلويه علاج قبل الاكل ودخلت اصيح صفا رجعت لكيت سيد موفق ياكل بيض سحبت ايده اللكمه بيده يريد ياكلها
موفق
اسم الرحمن هااا شبيج
خديجه
عيف البيض هذا جبن اكله وطماطه
موفق
ليش احب البيض
خديجه
جاي تصير عندك حساسيه من تاكل ييض
ومامنتبهه عبالك غير شي
موفق
هاي شنو شلون عرفتي
خديجه
راقبت الاكل إلي يسببلك الحكه اليوم عرفتها
بقوا يباوعون عليه
استبرق
رجعت لبيت عمار ورجعت نفس الروتين سرى
هي زينه وياي بس تريد بس تعتمد عليه بالشغل والطبخ رغم هذا افضل من ابقى هناك
أمي تمشي وتوصي أي تصرف خطأ من سيف هم حامد يكول ادورين علاقات
مالي خلك
بقيت كم يوم افكر اخابر أمي اروحلها احسن صار معرفتي بسيف عبأ عليه
من يجي احاول أسوي نفسي مشغوله
اجه اليوم وبقوا حسنين وفطومه يحجون وياه
صعدت فوك
استمر من يجي اتهرب منه
اليوم اجه الصبح يعرف سرى وعمار مموجودين
وحتى فطومه بالدوام بس حسوني
ما دخل بقى بالكراج سد الباب طلعت جنت ماعرف منو دك الباب
سيف
تعالي استبرق ماردت احجي وياج بالتلفون لهذا اجيت هسه اريدج بموضوع
استبرق
شتريد سيف عدي شغل (كلت ما اخلي يحجي خاف يكول احبج)
سيف
هي دقيقتين
استبرق
تفضل اسمع
سيف
ذا النون
استبرق
شبيه
سيف
يريد يتقدملج وطلب مساعدتي كل الأطراف مو مهم رأيهم اريد اعرف رايج انتي
وبعدها اتصرف
استبرق
يعني شنو تتصرف مثلاً
سيف
الولد كلفني اساعده وإني كتله أبوي وعمامي مو مهم رايهم الاهم البنيه إذا أنتي توافقين عليه إني أعرف شلون اقنعهم
استبرق
معقول إني توهمت سيف يحبني لو يحبني مجان توسط وساعد ذا النون
لو يختبرني(احجي بگلبي)
زين أنت ابن عمي واثق بيك
اريد نصيحتك
سيف
نصيحتي بشنو
استبرق
ب ذا النون اقبل بيه لولا
سيف
هذا الموضوع بالذات يحتاج القرار بيه فردي أي أحد ينطي رأيه يجوز ما يتوافق معااج
استبرق
خل اغير الصيغه
لو احتاج مساعدتك بهيج موضوع شنو ممكن أسوي
سيف
استبرق موضوع الزواج لازم يكون الإنسان مستعد اله
استبرق
شلون يعني
سيف
يعني عمر الزواج كون الواحد محقق أهدافه الشخصيه إلي يطمح الهن لأن الزواج شراكه ومسؤولية بيهن تقل فرص أن تكدرين تحققين شي لنفسج
مثلا دراسه أو مهنه يعني أنتي للان لأ كملتي دراستج وتروحين تتزوجين
هاي وجه نظري أما أنتي يجوز ما تحبين تكملين دراسه وتردين تتزوجين شي راجعلج
استبرق
يجوز اتزوج واقتنع بالدراسه بعدين أكمل دراستي
سيف
يجوز بس بمجتمعنه هذا من يردون يزوجون ابنهم كأن راح تجيهم اليد السحريه
تطبخ وتنفخ وإذا تأخر الحمل شو ما صار طفل
ومزاج الزوج ولازم اداري عمتها ولازم ماعرف منو
استبرق
وذا النون شنو رايگ بيه
سيف
ذا النون ابن عم أبوي وما شفت منه شي موزين شاغول خربج ماعنده سوالف مو زينه
بس الاهم مو ذا النون المهم شعورج اتجاها فقط لأن لو واحد ما شايفته نكول احنه نضمن اخلاقه وسمعته واصير النظره الشرعيه وهنا من رب العالمين لو ارتياح لو ما يصير تقبل وبعدها الله يتكفل بالباقي
استبرق
وإني ماريد ذا النون ولا أي أحد
سيف
يعني اكله للبنيه رافضه
استبرق
أنت تعرف أمي كالت ما ازوجج لبيت الداود
سيف
أنتي أنتي مو امج امج بحثاً اخر
استبرق
إني كلامي من كلام أمي
سيف
هسه صاير كلامج من كلام امج يالله خوش
خديجه
اليوم سيد موفق عنده عزيمه لاخوانه واخواته يجونه
وإلي عرفته من العلويه أن هو بلغهم بزواجه وهسه كاللهم زوجته حامل فأجوا يباركون
واكيد العلويه لازم تكلي البسي هالشي والبسي ذهبج تريدني كشخه
ورا الريوك اجت ام مروان وياها مره ثانيه
ورجال برا هو اليطبخ
ذبح السيد ثنين خرفان او ثلاثه ماعرف بس هواية يشتغلن ام مروان والمره الثانيه وياها على ايد الطباخ إني نظفت البيت رتبت عطرت الاستقبال والسيد بعده ما جاي بس مسلم برا يم الطباخ
دخلت العلويه للحمام نظفت غرفتها ورتبت سريرها
دخلت العلويه
العلويه
ها خديجه
خديجه بقت بس غرفتج كلت ادخلين الحمام يلا انظفها هسه الحمد لله كملت براحتج اكعدي
رجعت مشطت صفا
واتصل السيد ع العلويه بلغها اجو وهو جاي وياهم
تلكتهم العلويه إني ماعرفهم بقيت ورا العلويه عرفتني عليهن النسوان وحده اخت السيد وبنتها جبيره بالعمر الضاهر السيد اخوهن الثاني الجبير ميت وهنه اكبر من سيد موفق
ثنين وياهن بنات مختلف اعمارهن إلي تدخل تسلم على العلويه
تعرفني عليها
نفس شكل العلويه بالرزانه وترتيب واناقه مبين العز عليهن
وحده تشبه سيد موفق حيل
سلامهن جان مرت موفق هاي
وبقن يسالني بيا شهر
غيرن المواضيع طلعت كلت اشرف ع الغدا واشوف صفا بقت بغرفه سيد موفق الصغيره مخلي بيها الكمبيوتر واغراضه مكتبه ومكان صلاه اله تروح تكعد تلعب بيه صفا
رجعت للمطبخ واجه سيد موفق
موفق
هاا الله يساعدج خديجه شفتي خواتي وبناتهن
خديجه
أي بسم الله ماشاء الله الله يديم لمتكم
موفق
شفتي حجيه فضيله هاي اكبر الإخوان بس هي مداريه روحها فيتامينات ورياضه وترتيبات بيتها بالكاظميه وزوجها كظماوي هم سيد بس شتگلج لأ تخالفينها لأن كلامها بمحبه
وام احمد نضال هاي هم اكبر مني (حجيت بگلبي) الله يستر
أم مروان كالت جهز الاكل
موفق
روحي خديجه جوا الشباب ولد اخوتي يجون ياخذون الأكل وراها اخذي غداكم
اجيت ادخل للغرفه انوب كلت خل أتأكد من الحمامات رتبت كلشي ورجعت دكيت باب غرفه العلويه وكعدت
ام رضا (*اخت سيد موفق)
اهلج منين اصلهم جنوب لو غربيه
خديجه
من الفرات الأوسط اصلنه
ام احمد (اخت سيد موفق)
شوفي مبينه من لهجتها
ام رضا
ونعم من اصلج بنتي أن شاء الله يكتب للي بطنج التمام والصحه الج
أم أحمد
يكولون عدج بنات
خديجه
مشكوره ام رضا
أي عندي ثنين هسه وحده راحت فدوه الكم
العلويه
بناتها يخبلن حلوت ماشالله
أم أحمد
يعني موفق هم راح تجي بنيه
ام رضا
خديجه عيوني من يوم يومنه علويه انعام بت عمنه متعلمين عليها لأ تعرف تطبخ ولا تخبز تلاحكيني جعت بنيتي
طلعت خديجه
ولج چننتي وأنتي كلامج مرعبل شنو
تجي بنيه لموفق
مو عيب
وإذا بنيه خل يشم ريحه البزر
ما اتوبين مو انعام تحمد بيها
وخري أنتي نايمه على رجلي
ابرار بنت أم أحمد
خاله أحب ريحتج
ام رضا
اريد اروح اتوضا ولج امج متسكت يزي عاد مايعجبج العجب
طلعت للحمام وإني فايته اتسمع خديجه
تسولف
تقربت
خديجه
عيوني ام مروان السيد معناها انحرم من التشريب ميحبها مليانه مي الخبزه
أم مروان مو صبيت وما عرفت منو الانتي عزلتي للسيد
هذا اجه سيد موفق
موفق
ها خديجه
خديجه
تغديت سيد
موفق
لأ والله صبيتي للحبايب
خديجه
هذا كمل
بس خل اصبلك ماعون أكل
موفق
بعدين بعدين أكل وي العلويه إني جاملت الولد فد شويه اجي وأكل وياها يلا الجاي ام مروان رحمه لاهلج
أم رضا
الله يسعدك يا خويه ع نيتك يسخرلك
خديجه
صبيت غداهن والعلوية غصبتني اتغدا وياهن كالت أنتي حامل وهي كالت إني أخذ علاج فد شويه
اعرف اتصلت عليه العلويه ولازم يتغدون سوا
اكلت شويه ويمي صفا غديتها وسالوني ليش هيج لونها كلتلهم
شربو جاي واجه سيد موفق كال
وين ام مروان افرشي للحجيه بالغرفه الصغيره
خديجه
لأ سيد فرشتلها بهاي الغرفه اشرت ع غرفتي ردت يرتاحن
ام رضا اجت وتمددت ام احمد بقت متمددده بغرفه العلويه
خلتها العلويه هي وبناتها ثنين بالغرفه
وطلعت بالصاله
يتغدون هي والسيد
إني ع ايد ام مروان اصفي المطبخ
مريت على الصاله السيد بيده لفه بيها لحم وخضره اشرلي تعالي
موفق
عضي لكمه
خديجه
لأ لأ تغديت الف عافيه
موفق
اكلج عضي عضي بلا تكرار
خديجه
عضيت شويه ورحت
العلويه
كملنه غدا وغسلت راح موفق للاستقبال وإني رحت لغرفتي لكيت ام أحمد كاعده
ام احمد
هاي مو سهله كلش انعام
علويه
ام شنو قصتج
أم أحمد
والله أنتي بت عمي وهاي مبينه أي عدها مكر وكيد ولافه موفق باصبعها شفتها من انطاها لكمته ولج هاي بعدها ما جايبه وهيج موفق جا من تجيبله طفل شيسوي
العلويه
متوهمه نضال هاي إني اختاريتها
نضال (ام احمد)
ادري ادري سولفتيلي بس هي خوفج من التنطينه وتكرمينه يعض الادين التنطي
العلويه
لالا مو خديجه جربتها غربلتها زين
نضال
نشوف وداعتج هو متعطش على طفل وتجيبله طفل شيسوي موفق لاتزعلين عليه هو من زمان العنده عزيز من أشياء لاشخاص
يتراجف مراجف عليج جان شحده الينطق كلمه على انعام
مو إلا هاي لافته هذا ماعون مابيه هواية سوب
وهذا الفجل الاحمر التحبه وتتلوك اله وحامل اععع تهججنه باجر
العلويه
نضال نامي أنتي تعبانه
خديجه
كملت كلشي ورحت للغرفه نايمه ام رضا
تمددت شويه على الأرض خليتها على السرير هي ورا ساعتين تقريبا
كعدت ام رضا
لكتني اسوي جاي بالمطبخ اجت يمي طلعت قطعه قماش صغيره بيها قطعه ذهب
كالت هاي الج فرحه عرسج وحملج ومن تجيبين بسلامه اجيب ثنين خرفان لسلامتج وسلامه الطفل بن موفق ديري بالج على روحج لأ ضلين رايحه جايه
ام احمد
ها ام رضا شنو ألطفل ملزوگ بعلچ
القاسمه ينطي لوتركص
والما قاسمه حتى لو مدندله رجليها يوكع
ام رضا
تف فالج ما گبلناه أن شاء الله تتكحل عيون موفق بشوفته
عمت عيني ششاف بعمره
خديجه شربن جاي والعصر
العصر گالو يرحون العلويه محضره كل وحده صوغتها انطتهن
سلمن وراحن بيومها بقوا يسولفون عن ابن اخوه المرحوم اكبر منهم كلهم السيد الكبير وكذا يريد يسافر يكمل دراسته
ورا يوم سمعت أم احمد العلويه رح تتكفل مصاريف ابن اخو سيد موفق
لأن يتيم أب وامه مره كلش جبيره بالعمر اجه اخر شئ لاخوه
كل خلفته بنات
كبار
اجت لبيت سيد موفق ورا يومين نضال
نضال
ليش انعام أنتي مو بس مرت اخونه أنتي اختنه جا هو رامي عايز العنده قليل
العلويه منو عايز وما ساهمنه وياه
ابنج مو من زوجتي الذهب صار عليه
رضا ابن فضيله عمليتين وبلاتين وسفر على حسابي
لعد شمعنى ابن اخوج رامي ما رضيتي انطي
نضال
لأن رامي عنده راتب محلين وامه عدها بيت
بعد شنو
العلويه
ماحسبنه ورا أي أحد بيكم شعنده ابن اخوه الميت ويريد يساعده
نضال
إني وانتي نعرف أنتي بيدج الحلال والفلوس وأنتي تقبلين ينطي ما تقبلين مايطلع منج فلس
العلويه
وشنو اليغث بهلشي
إني وزوجي متفقين كل وأحد وعنده سياسه ببيته مدخله ببيتج إني
نضال
والله هاي عنطزتج يا انعام وتبعثرج بفلوس اخوي باجر هااي هاي شوفيها المدري من يا حفره جبتيها وحطيتيها على راسج شريجه تأخذ الأول والتالي وتسحب البساط من رجليج وتخليج تلگطين بعيونج وكولي نضال ما كالت
جنها بزونه تتلمض وبعدين تصير اسد
العلويه
نضال ليش تخربطين بالحجي ماريد ازعلج احسن من كرايب بيت خالتج أهل زوجج الجبتيها لموفق طفله وتتنعوص وتالي تكلج اريد بيت منفصل من مرته
هذا اختيارج على طمع
ومع ذلك ما خشنت خاطرج ليش تجين تخوطين البيت رجعتي مو جان موفق مقاطعج وإني من كثر ما الح عليه تصافى وياج
نضال
شفايتلج لو ماخذه بت الهام على الاقل رادت ييت وحدها حتى ماتنقهرين مو هسه ضاله عيونج على موفق من يسولف وي خديجه روحج تروح وياهم وتنسين شتسولفين
إني رايحه وذكري موفق من كتله اريد أبني يشتغل بمعمل الفافون الف سالفه طلع وما خلاه وشحصلت من صلحه اليه
العلويه
ما اذكر موفق واقهره من كلام اخته والشغل هو يثمن الي يشتغلون وياه ويعرف يشغلمن اترجاج ام احمد كافي
طلعت وإني أحس رأسي صار اثكل من كل جسمي
خديجه
اتصلت استبرق تسألني عن حالنه وعن صفا كعدني اتصالها من نومه الضهر مزعوجه هرمونات الحمل ماعرف شبيه ضايجه
طلعت هدوء السيد الضهر يجي يمي جان نوبات من تأخذ العلويه علاج وتنام
بليل يمها ينام ما يجي إلا قليل واحسه مو مثل ما چنه بغرفتنه فوك
فسرتها لأن غرفتنه قريبه على غرفه العلويه طلعت سمعت صوت العلويه شويه عالي بس مبين عصبيه وسيد موفق يهدا بيها
آخر كلمه سمعتها
العلويه
ممنوع شئ يصير من وراي إني مرتك الجبيره
