رواية أسير الناردين 2 اسرني عشقها الفصل الثاني 2 بقلم ماريان بطرس

رواية أسير الناردين 2 اسرني عشقها الفصل الثاني 2 بقلم ماريان بطرس 

الفصل الثانى 

ارجعت راسها للخلف تسترجع الاحداث التى مرت بها فى ذاكرتها ربما هو بالفعل مختلف دائما تجد معة شعور بالامان هل بالفعل القلب يعرف اين امانة فهى معة دائما تكون مطمئنة وكأنها وسط عائلتها حينما كانت خائفة كانت ترجو ان تراة حتى لو للمرة الاخيرة ولكنها تعلم ان رأتة وجاء لن تكون الاخيرة ابدا فهو سيحميها ويرجعها مهما تكلف الامر ولكن الغريب من اين تاتى ثقتها بة تلك قطع تفكيرها دخول كريم اليها وقال

هزعجك لو دخلت

نظرت لة بابتسامة وقالت

معقول كريم باشا عندى وكمان يزعجنى لا ابدا ولا تزعجنى ولا حاجة اتفضل ادخل

ابتسم كريم ثم قال بعد ان دخل وجلس على السرير امامها وملس يدة على شعرها

انتى كويسة

ابتسمت ناردين قائلة

اة كويسة متقلقش عليا

تصدقى آسر باشا دة طلع جدع اوى

اة جدع جدا

ابتسم كريم لصغيرتة وقال بجدية

ناردين ممكن نتكلم بصراحة شوية

توجست ناردين خيفة من طريقتة الجادة و اومئت براسها فقال

انتى عارفة ان بابا عمرة ما قصد انة يجرحك صح انتى كمان عارفة ان من وسطنا كلنا ليكى مكانة مفضلة ومميزة عندة لانك الوحيدة اللى بتسمع كلامة وممكن تضحى بحياتها علشانة صح؟؟

جعدت ناردين حاجبيها وامالت راسها جهة اليمين محاولة تبين مايريد قولة ثم اومئت براسها فاكمل

ناردين لولا ان بابا كان عاوز يحميكى لولا انة عمل كدة بابا كان كل همة ان يحميكى وكمان آسر التهامى محل ثقة وانتى اكتر حد عارف دة لا بابا ولا انا فكرنا ف فلوسة او اى شئ من اللى بتتكلمى عنة احنا نهار ما وافقنا كان علشان لقينا قدامنا راجل محل ثقة راجل جدع ساعدك وقت ما كنتى محتاجة مساعدة بدون مايطلب حد منة دة راجل دايما يقدر يقف ف وش اتخن تخين ف البلد وميهموش حد انتى هتكونى من عيلتة وهيحميكى حتى لو كلفة حياتة ومش هيبقى زعلان ولا خايف من كدة

نظرت لة ناردين بخوف وقالت 

بس دة قاسى اوى وتحسة معدوم المشاعر غير كمان مش بيعرف حتى يضحك

ابتسم كريم فقد بدأت بوادر الاقتناع

مين دة اللى بيقول كدة انتى؟؟ امال مين اللى كان بيضحك وبيبتسم برة ومين اللى قال لبابا ان مكانتك عندة عالية اوى كان خيالة مثلا . ناردين بيتهيالى انك اتعرفتى علية كويس وكمان اختة اكيد اتكلمت عنة تفتكرى انة مؤذى ؟؟ هو ممكن يكون انطوائى بس مش مؤذى بالعكس ناردين اللى انا فهمتة كراجل لراجل ادامى ان آسر التهامى عندة مشكلة ف التعبير عن مشاعر

قال جملتة الاخيرة بطريقة مسرحية جعلتها تبتسم ثم اكمل قائلا

تفتكرى انا وافقت علية لية او امتى؟؟

نظرت لة وقالت بفضول 

امتى ولية ؟؟

كريم: لما قالى انة مش عايز حد يغصب عليكى وقال انة عايز يتقرب منك بس بالراحة ان كان دة بيثبت حاجة فهو انة عايزك انتى ومش عاوز انك تبقى مجبرة علية او اى حاجة بالعكس هو عاوز الموضوع كلة بارادتك ما اجبرش باباكى او انا على جوازك مع انة يقدر لانى شغال عندهم لا بالعكس طلب انة محدش يغصبك حتى يوم ماكنا ف بيتة وبابا قال هتتجوزية بالغصب هو قال محدش يغصبك على حاجة حتى لو كان هو فاهمة

نظرت لة بضياع ثم قالت 

يعنى انت عاوزنى اوافق

حرك راسة سلبا وقال

لا مش بقولك وافقى عمر ما كان دة قصدى انا بس عايز منك تديلة فرصة ماشى

اومئت ناردين براسها ثم خرج كريم تاركا اياها تفكر فى

ماذا ستفعل

_____________________________________

كانت تجلس بالمنزل حزينة تضع يدها على وجنتها تفكر فيما يحدث لاخيها الى ان وجدتة يدخل من الباب رفعت نظرها تنظر لة ففوجئت بمنظرة الرث وحالتة المبعثرة شهقة رقيقة خرجت منها ثم ركضت تجاهة بوجل وقالت وهى تكاد تبكى من فرط خوفها علية

حسام!! اية اللى عمل فيك كدة ؟؟

نظر لها فوجدها خائفة علية يا الله هل كل هذا الخوف والقلق من اجلة لا يكاد يصدق هذا فهو يشعر الان بانة ف الجنة ولا يريد شئ آخر افاق على صوتة تهتف بوجل اكبر 

حسام طمنى اية اللى حصل واية اللى عمل فيك كدة ؟؟

نظر لها ثم طمئنها قائلا

ماتقلقيش مفيش حاجة دة امر بسيط 

رفعت حاجبيها بذهول ثم قالت 

بسيط!!انت مش شايف نفسك ولا اية 

دة ولا كأنك متخانق مع عصابة او كان فريق كراتية بيتدرب فيك

ابتسم بتهكم وهو يجلس ثم قال

هو فعلا كان فية فريق بيتدرب فيا بس الفريق دة متكون من شخص واحد بس مش اكتر

رفعت حاجبيها بذهول ثم قالت 

نعم !!تقصد اية انك اتخانقت مع حد مثلا ؟؟طيب هو مين دة وازاى تسمحلة يضربك؟

نظر لها ثم قال بسخرية

معلهش اصلة اخد اذنى وانا وافقت 

ثم جز على اسنانة قائلا بحنق

اسكتى يا ايلين الله يخليكى انا مش ناقص مش هلاقيها منك ومن اخوكى 

نظرت لة بذهول ثم قالت

اخويا !!تقصد آسر يعنى طيب و آسر مالة ومالك مش فاهمة ؟؟

كاد ان يجيب ولكن قطع اجابتة صوت آسر الذى هتف قائلا

ماتقول عملت اية خلانى اعمل فيك كدة 

حسام: هو انت اية يا اخى لا بترحم ولا بتسيب رحمة ربنا تنزل خلاص عرفنا ان احنا غلطانين واحنا اسفين مقصدناش 

آسر: ياريت بقى متتكررش

ايلين: ممكن حد يقولى اية اللى حصل و انتو مين وغلطانين ف اية؟؟

آسر: الباشا هو اللى خطف ناردين

حسام: وانا وضحتلك لية وغلطان اللى يفكر يساعدك كل دة علشان تعرف انت بتحبها اد اية

ايلين بصدمة:يعنى انت اللى خطفت ناردين

اومئ حسام براسة فاكملت 

وآسر هو اللى ضربك كدة 

ف اومئ لها ايضا ضربت ايلين كف بالاخر وقالت

ربنا يرحمنى منكم ومن خناقكم انتو مش هتبطلو ابدا باين كدة مهما كبرتو

ثم ركضت لغرفتها بينما نظر لها حسام ثم تحامل على نفسة وصعد لغرفتة بينما نظر آسر لهم وحرك راسة بسخرية وقال

اغبيا واللة الاتنين اغبيا كل واحد فيهم بيموت ف التانى وخايف يقولة وميعرفش ان التانى بيحبو ومن سنين وشكلهم هيضيعو عمرهم بالطريقة دى 

مالا يعلمة كلا من ايلين و حسام ان الكل يعلم بقصة حبهم منذ الطفولة الجميع يعلم ومنتظرين ان يتكلم احدهم ولكن المثير للشفقة ان كلا الطرفين لا يعلم مشاعر الاخر رغم انها واضحة للعيان 

جلس آسر ثم قال

اخلص اللى انا فية الاول وبعدين اشوف موضعهم واربيك يا حسام وعلى نار هادية 

______________،_________،،_____________

تاوة وهو يسطح جسدة على الفراش ثم ابتسم بشرود من يصدق ان طل تلك الكدمات والاوجاع سببها شخص واحد اراد الانتقام وبشدة لاجل انهم اقتربو من حبيبتة فقد اصبح عاشق متيم فهو يذكرة بتلك القصة التى درسها عن عنترة ابن شداد فى عشقة لها حاول ان يعتدل فى جلستة فتأوة ثانية ثم قال بتذمر 

سايبنى يا احمد مع واحد مبيرحمش لا وموصينى علية وادى اخرتها اة لو كنت موجود دلوقتى كنت هتلاقى اتنين من عنترة آسر و حسام بس آسر بالذات يليق علية اكتر 

ثم تحسس جسدة وقال 

شداد شداد مش اى كلام يعنى

شحط بتفكيرة بعيدا يتذكر اسلوب آسر الجاف ف التعامل ثم تذكر فجاءة تلك الفتاة التى قابلها صاحبة الاسلوب الجاف لم تستطع ذاكرتة فى توضح ملامحها واسترجاعها فهو راها مرة فقط وكانت عابرة ولكنة يشعر بانة لو راها مرة اخرى سيخرجها على الفور من وسطهم همس مايكل بصوتة ضائق قائلا 

دة اية الاسلوب دة. دى اسلوبها مشابة لاسلوب آسر اوى مبتسكتش ابدا اول مرة اشوف بنت بالطريقة دى يارب ما اقع معاها تانى لانى مظنش انى هسكت .

ثم سرعان ما ابتسم عليها وهى ترفع سبابتها فى وجهه قائلة انا ما بخافش فابتسم قائلا

لا وشجاعة ومابتخافش 

______________________________ __________

فى صباح يوم جديد ارتدت ملابسها استعدادا للذهاب للعمل ثم ذهبت خارجة الى ان استمعت الى صوت والدتها تهتف قائلة

رايحة فين ياناردين

التفتت ناردين الى والدتها قائلة

رايحة الشغل يا ماما

سامية بذهول 

شغل شغل فين دة 

ناردين: الشغل بتاعى يا ماما ف شركة ماكس عند بشمهندس آسر

سامية بصدمة: نعم!! انت هترجعى لشغلك تانى عند آسر ازاى وهتورية وشك بانهى حق؟؟!!

ناردين: انا مغلطتش ف شغلى علشان اهرب.. حتى مديرى مغلطتش فية يبقى اهرب لية الشغل حاجة والحياة الشخصية حاجة تانية 

ثم التفت للذهاب تاركة والدتها ف ذهولها من جرائة ابنتها المستحدثة عليها ثم تضرعت برجاء قائلة

ريما يهديكى يا بنتى وينور طريقك ويرشدك للصالح ليكى

_______________________________________

كان الجميع يجلس على مائدة الافطار الى ان وجدها تنظر لة قائلة 

آسر انا هاجى معاك الشغل النهاردة

نظر لها وقال 

لية هتيجى معايا الشغل

علشان اتدرب فى شركتك

اجابتة بذلك بفطرية مما جعل حسام يسعل اثر اوقف الطعام فى حلقة بينما رفع آسر حاجبة بذهول وكاد ان يتحدث الا ان حسام قاطعة قائلا

ولية ماتدربيش ف شركة التهامى وهى شركة باباكى وهنعاملك حلو 

نظرت لة بذهول ثم قالت

انا عايزة اتعلم ف شركة آسر منة اكون مع ناردين وكمان اتعلم بجد محدش يطبطب عليا اتعلم بضمير علشان اقدر لو عايزة امسك ادارة ميبقاش اى حد يضحك عليا .

حسام:واحنا كمان هنعلمك كويس

كان الجميع يتابع الحديث وعلى وجههم ابتسامة متسلية بينما كان آسر يتابع وعلى وجهة ابتسامة ساخرة ثم قطع الكلام وقال

قصرة ايلين هتيجى تدرب تحت ايدى ف الشركة 

ثم نهض من مكانة و قال بجدية

ايلين يلا قومى علشان نمشى

ثم اتجة تجاة سيارتة بينما ايلين كانت تسير خلفة تجاة الشركة

________________________________________

كانت تجلس بمكتبها بالشركة ويجلس بجانبها شادى يشرح لها مافاتها بالايام الماضية لكى تواكب الاجواء وكذلك العروض والمناقصات الواجب دخولها وماستتصرف بة وما يجب فعلة تجاة المنافسين الى ان اطلق انذار الذى يعلن عن دخولة وقفت هى وشادى وهمست لة قائلة بابتسامة

انت مش واخد بالك ان الانذار دة بيحسسك بان فى حريقة 

همس شادى لها 

اهدى بدل ماتولعى انتى من عينية

ابتسم كلاهما ولكن عندما دخل هو فصمتا الا ان عيناة التقطت ابتساماتها وصدرة احترق من الغيرة ولو كانت النظرات تقتل لاردتها نظرتة قتيلة فقد راى ابتسامتها التى تحاول ان تخفيها بينما تحركت ايلين تجاهها تسلم عليها فنظر لها بقوة وقال

انسة ناردين تعالى ورايا

اومئت ناردين براسها ونظرت ل شادى بابتسامة كانها تقول لة ارايت بينما رفع لها ابهامة كانة يقول بالتوفيق

دخلت ناردين الى آسر وقالت 

تحت امرك يا فندم

نظر لها آسر وبدا ف القاء اوامرة عليها من حيث المناقصات وتجميع معلومات عن منافسين وما الى ذلك سقط فم ناردين ارضا هل هذا الامر هو الرقيق الذى كان يتعامل معها امس فهو مختلف جدا كانت تنظر ارضا فقال بصراخ

ناردين كام مرة قولتلك تبصيلى فى عنيا وانتى بتتكلمى

لم تنظر لة بل ابقت نظرها ف الارض واكملت 

تحت امرك يافندم هنفذ اللى حضرتك امرت بية 

صرخ بها آسر للمرة الثانية 

ناردين بصى ف عينيا وانتى بتتكلمى

الى هنا وكفى ماذا يظن نفسة هل يلعب بها احيانا يكون رقيق واحيانا يكون صاخب لذلك وضعت يدها بخصرها وقالت

هو يكونش الاستاذ فاكر نفسة حسين فهمى وانا معرفش

نظرها بذهول من تحولها المفاجئ وقال نعم!!!!

اكملت بنفس النبرة المزعوجة وقالت ولا تكونش فاكر نفسك مصطفى قمر او احمد فهمى

نظر لها وقال بذهول

هااا

نظرت هى لة وقالت يعنى الاستاذ انسان عادى مش مغنى ولا ممثل علشان يقولى بصى ف عنيا ومتوقع انى ادوب ف هواة واقع ف غرامة ولا فاكر نفسك تشبة ابطال السينما او تكونش فاكر نفسك بعيون خضر او حاجة

رفع حاجبية ذهولا وقد شلت الصدمة لسانة ماذا تقول تلك المعتوهة عن من تتحدث هل تتحدث عن شخص آخر ام هل اصيبت بالعمى 

بينما تحركت هى غاضبة تدب الارض بقدميها وتتحدث بكلمات غير مفهومة

بينما ضرب كف باخر وقال بذهول

مجنونة هى مجنونة.. مش عارف عجبانى على اية بس مش عارف

____________،____________،_______________

كانت ايلين تجلس بجانب شادى تتعلم منة ويدربها وهم جالسين بمكتب ناردين يفهمها طريقة العمل الى ان وجدوا ذلك الاعصار الداخل عليهم رفعو انظارهم وجدوها تتحدث بكلمات غير مفهومة وجهها غاضب بشدة نظر كلا من شادى و ايلين لبعضهم متوجسين خيفة مما يكون قد حدث ثم قالت ايلين

مالك ياناردين فية اية

نظرت لها الاخرى حانقة وقالت 

هو فاكر نفسة مين يعنى 

جعدت ايلين حاجبيها بتوجس وقالت

اية اللى حصل 

بينما قال شادى

اهدى كدة وفهمينا اية اللى حصل

نظرت لهم وقالت بحنق وتذمر

كل شوية يقولى بصى ف عنيا بصى ف عنيا يكونش فاكر نفسة حسين فهمى او مصطفى قمر 

امالت ايلين راسها جهة اليمين وقالت محاولة استنباط ما تقول

اشمعنى دول يعنى 

ناردين 

يكونش فاكر نفسة عنية خضر او حاجة ولا اقولك يكونش فاكر ان عندة شكل ابطال السينما 

تدلى فم ايلين ارضا ولم تستطع الكلام بينما اتسعت عينى شادى وازرد ريقة من الصدمة ثم قال باستهزاء بطريقة مسرحية محاولا تقليدها

من ناحية يكونش فاكر عينية خضر ..

اكمل بجدية

هو فعلا عينية خضر يا عميا زيتونى كمان وشكلة رياضى وكل حاجة بقى دة شكلة مش عاجبك ومعندوش عضلات او اجسام ابطال السينما ..دة ابطال السينما نفسهم يكون عندهم جسم زية 

ناردين بصدمة

يعنى عنية خضر

ايلين:

اة زيتونى وبشرة خمرى وجسم عامل زى الحيطة تحسى انة مابيحسش 

ثم ضربت كف باخر وقالت 

بقى دة مش عاجبك 

اكمل شادى وصلة الاستهزاء وقال

والله لو انا بنت كنت اتجوزتة ولا سيبتة من تحت ايدى

لم يكن يعلم انة بتلك الطريقة يضغط عليها فقالت

يعنى انت شايف ان مستر آسر عريس كويس

شادى:....
 

الفصل الثالث من هنا