 |
رواية بيت الخبازه الجزء الثاني 2 الفصل الثاني 2 بقلم زهرة الرمان
بسم الله الرحمن الرحيم
السلام عليكم ورحمه الله وبركاته
#بيت_الخبازه_ج٢......#بارت٢
-استبرق
يم بيت حامد لأ ايمان ولا أسماء يحجون وياي نهائي لأن من اجت أمي وجاوبت ايمان ماردت اعرف حامد محذرهم لأن يعرف ما اسكت
سيف اجه اليوم كال راح اروح لغير محافظة عندي شغله راح
بليل دك التلفون عليه هو بس رقمه ورقم أمي عندي
گال اطلعي بالكراج
شكو كال بس اطلعي
فتحت باب الخارجية لگيت سياره وفاتح الاضويه بيها سيف عدلت شالي ورحت يمه
هاااي شنو
سيف
اشتريتها بالقسط اصعدي بسرعه
استبرق
يا بنعال البرا مالت ايمان قياسه يمكن ٤٥ وين امشي
وبهاي ثوبي
سيف
بالسيارة شبيج محد يشوفج بس عدلي الشال وخلص
استبرق
افترينه واشنره من الاسواق جبس وعصير واجه يضحك
بقينه نص ساعه ورجعنا
سيف
هسه لاتخلين احد يعرف ادخلي ومن اصيحج هم تعالي يلا
دخلت الحمد لله بشتا كلمن يكرص بغرفته حتى الصاله قليل يكعدون بيها
شويه واندك الباب
إني جتت اباوع على فلم
نورس
تعالي سيف يكول امشي ويانه
استبرق
طلعت وأعرف شنو الصاير لكيت ضحى بت واثق ونورس
سيف
شلونج استبرق اصعدي اشتريت سياره جديده اعلمجن اليوم سياقه
نورس
مو إني كتلك اريد اتعلم حتى من التخرج أشتري سيارة إليه
سيف
أي حبيتتي
علواه كلكم تشترن وتسوقن سيارات
ذني خواتج هم يتعلمن وياج
ومن تتخرجن ويصير عدجن راتب مو تنسن مدرب السياقه تنطني راتب
استبرق
بده ب نورس يعلمها كعدت يمه اخذنه لمكان فارغ
وعلمنه اساسيات السياقه الهند بريك والكلج والگير وغيره والنمر والبك لايت والمرايات كلشي يخص السياره علمناها
قبل لا نورس تصير على الستيرن
من صعدت ضغطت حيل حيل على البنزين وطفرت السياره
بقى يعلم بيها
وإني مركزه على كل كلمه
بقت شويه كال تعالي استبرق
لأ خلي ضحى أول مرة
اجه دوري مشيت على الكاله سيف بقى يضحك
سيف.ا
اشوفج سايقه قبل
استبرق
منين بسيارات عمامي لو
أمي جانت عدها كوستر
نورس
سباگه لباگه
استبرق
قابل ابقى عوجه تردين
سيف
اهدأن اسم الله اسم الله
كملي هذا الشارع استبرق
نورس
ليش خليتها أكثر منه
سيف
أنتي ماسيطرتي مرتين ثلاثه تتعلمين واخليج أكثر تسوقين
استبرق
سيف الحكني ماعرف الوف أخاف
سيف
تقربت الها وكمشت الستيرن وياها ولفنه
وتضحك قوي فرحانه أول مرة اشوفها تضحك هيج فرحت بيها
وهي تصيح سيف سكه الموت صارت
بقيت كامش وياها الستيرن
من حست اباوع عليه
استبرق
يلا دخت خل انزل ارجع ورا
بقينا شويه
وفرفرنه
سيف
وين تردن اوديجن
نورس
رجعنه للبيت شفهمنه هسه من طلعتك
ضحى
مشكور ابن عمي الغالي
سيف
ادللن نورس حبيبتي بعدين وين تردين اخذج هسه ليل ردت تتعلمن وهسه اشتريتها تره انتن دشنتنها
وباوعت بالمرايا على استبرق
ضحكنا سوا لأن عود هي الطلعت بالسيارة أول وحده
°°°°°°
موفق
علويتي إني بيه ريحه مو طيبه؟؟
العلويه
شنو ريحه مو طيبه أنت ملك الاناقه والنظافه منين طلعت عندك هالاحساس
موفق
اها لأ بس هيج أنتي تعرفين انت مرايتي
خديجه
نزلت أسوي ريوك بس جسمي نحلان عرفت حامل بس گلت اتاكد لأن الطبيبه كالت ماكو حمل سوت تحليل ادرار
اخلي سيد موفق يسويلي اليوم تحليل دم هم مروه عمت عيني ما ضهر حمل
نفس الشئ كلت أتأكد يلا ابشر العلويه
تريگو وكملو مثل كل يوم انطيت للعلويه ابرتها
واخذت ملابسها اغسلهن من تمرضت إني اغسل ملابسها ما تقبل قبل أحد يغسل ملابسها
بس من انتكست حالتها إني قنعتها اغسللها ملابسها
شفت سيد موفق يريد يطلع لحگته للمطبخ
سيد اريد اكلك شي
موفق
ها خديجه محتاجه شئ
خديجه
سيد إني عندي شك بشي واريد اليوم تاخذني للمختبر
موفق
بشنو شك
خديجه
يمكن حامل
موفق
الطبيبه كالت ماكو حمل
خديجه
علامات العندي مثل عدم تقبلي الريحه هي علامه حمل خلي نتأكد
موفق
خديجه ميحتاج تكولين هيج لأن نفرتي من ريحتي حقج ما متقبلتني حقج بس سالفه خاف حمل مو مبرر افهمج
خديجه
سيد ترا هاي علامه ومن جنت قبل وي أبو استب رفع ايده يعني لاتكملين
موفق
لاتبقين تعيدين بسيره الماضي خديجه
خديجه
ليش انت متعرف إني متزوجه قبل
موفق
اترجاج ممكن اتركين الموضوع
خديجه
زين بكيفك راح
كلت إذا اكول للعلويه راح يحسبها إني عبرت كلمته وإني أعرف العلويه راح اطير من الفرحه وتخبص السيد
وهيج يزعل اعرفه
بعدني اشتغل بالبيت وندك الباب
اجت قنديل اخت العلويه
سلمت باستعجال ودخلت للعلويه
إني انشغلت بالبيت
خابرني السيد ماعرف تندم او فكر كال حضري نفسج ساعه واجي اخذج للمختبر
اجيت ابلغ العلويه
قنديل
انعام افهميني اكلج اخاف تتزوج وتطلع نفسج ما بيها شي من يوم حجوا عليها عشت برعب
العلويه
مووو شرط يطلع تشوه بالرحم مثلي إني ولادي مو وراثي ممعقول
قنديل
أنتي مجان بوقتج منعرف وحاله غريبه شنو رحم مشوه او بطانات ليفيه معقده
تذكرين الطبيبه كالت يجوز اسباب جينات وراثيه
وبنتي مخربطه عدها الدورة الشهرية مثلج من جنتي بنيه ومن تجي هم هواي ووجع إلا مسكنات قوية مثلج بالضبط
العلويه
مووو مبرر تخلين بنتج تخضع لفحص داخلي سونار وهي بعدها بنيه
.
قنديل
فرضا تزوجت وزوجها رفضها بسبب العلاقه ما اتم بصورة طبيعبه ويتعب
.بنتي ينكسر گلبها وتتطلك برايج ؟؟؟
العلويه
وهاي الطريقه ماتكسر گلبها وما تاثر عليها وخاصه من تعرف اذا صدك هي هيج شلون تفكير
الرجال إذا يحبها يتحمل
قنديل
مووو كل الرجال مثل موفق
موفق حاله خاصه
لأن انطى عهد لابوي وماكدر بعد يغير رأيه ولا كدر يغير واقعه
خديجه
اسمع ومصدومه
رجعت كعدت على كرسي بالمطبخ
شخلاني اسمع
طلعت قنديل مثل العاصفه
وإني على كعدتي اجت العلويه
العلويه
هاا خديجه أنتي هنا مو كلتي رح اصعد
خديجه
أي هسه نزلت وخابرني السيد اروح وياه لمدرسه صفا (*كلت أتأكد واسويلها مفاجأة)
ما علقت وعرفت راسها مفتر من اختها قنديل
صعدت بدلت على السريع ونزلت خليت يم العلويه فواكه ومي وام مروان اجت وصيتها على العلويه اتصل سيد موفق طلعتله
لكيته نفس الشئ هو يسوق
صعدت سلمت
موفق
شنو كلتي للعلويه لولا
خديجه
كلت نتاكد ميه بالميه يلا ابشرها لأن ماريد تتأمل وبعدين يطلع وهم مني
سكت وصلنه للمختبر قريب على البيت اخذت الممرضه دم وانتظرنه سألني جوعانه محتاجه شئ هنا محلات حابه تشوفين خاف محتاجه شئ
لأ ممحتاجه أي شئ خيركم مغطي عليه
ع اعصابي كاعده
وهو يهز برجله لو يطلع برا ويرجع وسأل كالوله بعد نص ساعه صارت شطولها علينه
من كالو خديجه مزهر
هو ركض قبلي إني بقيت بكعدتي
جاب الورقه وإني مدنكه احس متاكده حامل بس للتأكيد
°°°°
موفق
كل لحضه الها مشاعرها اما أن تعرف ان اكو قطعه منك باحشاء امرأه وجاي ينمو وتحس رح تصير أب شعور مختلف تماماً لابنوصف ولا يضاهي كل سعاده
أن تتأمل طفل بعد ما صدكت بداخلي إني أيضا يجوز عندي مشكله لأن مع الأسف أول سنتين اخوي كال إذا تبقى بدون زواج تنقتل الحيوانات المنوية عندك
قبلت بواقعي ماكدر اخون الامانه إلي خلاها عمي ولا اكدر اكسر گلب انعام
إحساسها بأن إني اصغر منها اضافه التشوه إلي بجهازها التناسلي
خلاها دوم قريبه عليها ومتعلقه بيه تخاف أمل منها او اتزوج عليها رغم احتياجي لكن افضل ان ابقى بدون كلشي إلا اكسر گلبها
حتى من گال أبوي تتزوج انعام جنت ما احمل أي مشاعر اتجاها اشوفها جنت اكبر حتى من عمرها بتصرفاته ورزانتها تختلف عن اخواتها
كشخصيه من ابوي طلب اتزوجها ما رفضت حسبت حساب هاي الشخصية تصير ناجحه ك أم وزوجه وقياده العائله
بالفعل طلعت مثل ما تصورت بس من عرفت التشوه العدها جبرا لخاطرها كلتلها إني اخذتج لأن احبج لان تلح ليش قبلت تتزوجني
لكن مشيئه رب العالمين بعقهمها وتشوه رحمها قيدني أكثر لأن طلعت حنينه كلش وعدها انسانيه وكريمه ومؤدبه صفات مستحيل يخليني افكر اتخلى عنها
بعد سنوات بعد ما شافت أي كلمه تطلبها اقبل انفذلها أي طلب مهما كان صعب
اختارت خديجه
ولازم ما ابقى على كلام انعام
أول مره شفتها جانت تكرف مي بييت ام صگر وبارده كلش وما مهتمه
بعدها بقت انعام تسولفلي عن كل حياتها ورحت وسألت عن عائلتها واهلها وعيالها والناس الحواليها لأن عرفت انعام مراح تتركني إلا اقبل
لازم أتأكد من الانسانه إلي تدخل بيتي
والحمد لله عرفت هي عزيزه النفس ومحترمه ومكافحه
تقبلتها ك زوجه صحيح لأجل الأولاد بنظر العلويه لكن إني رجل وصارت زوجتي الحمد لله صفات خديجه شويه شويه خلتني ارقبها ورغم هي متزوجه وعدها اطفال احسها بريئه مثل بنيه صغيره
من ما تقبلتني وكالت ريحتك
ماعندي أي معلومه يسبب الحمل بس أجاني شعور أن خديجه
انغصبت على هذا الزواج أو تعقدت بسبب زواجها الأول
بداخلي أتمنى امحي كل الماضي إلي عانت منه وتاذت
حبيت اضحك بس مبين بوجهي فرحتي
طلع ماكو حمل ولا شئ
خديجه
عجيبه كون نروح لطبيبه
موفق
يعني شرط وحام وحده تلعب نفسها من ريحه زوجها
خديجه
أي اكو هواية هيج
إني ما اتقيا او اتوجع بس نعاس وخمول ومره وحده صارت اكره العطر مال
خفت اكول أبو استبرق
فهم
واجه يمي
موفق
يعني أنتي متاكده حامل موو
خديجه
شلون متأكدة والتحليل تكول ماكو حمل
موفق
يلا نروح للبيت بعدين نتأكد من الطبيبه
وصلنه واضحك اريد ابشرهن ثنينهن سوا
دخلنه العلويه جايه صفا
خديجه
يااا إني كلت للعلويه رايحين لصفا دخت ما كتلك نمر عليها
موفق
مو اشكال اصبري
لكينه العلويه مستفزه اعرفها ضايجه كلت
خل افرحها
العلويه
خديجه وين چنتي أنتي وموفق
خديجه
چنه
موفق
إني اكلج وين
العلويه
يعني شنو صرت تضم عليه موفق
موفق
اضم أي اضم تعالي هنا خديجه
صفا وينج
طلعت ورقه
علويتي
خديجه حاااامل
أي خديجه حامل أنتي وضحكت بدل لأ تفرح بقت متلجم حلكها
خديجه
ليش چذبت عليه وضحكت وياه
موفق
مو لازم الخبر تسمعيننه وي علويتي
العلويه
يعني جذبتو عليه ؟؟
خديجه لأ مو چذبت إني عندي علامات كلت أتأكد وكلت للسيد نتأكد يلا نگلج
العلويه
صرت موفق تجذب عليه ؟؟
موفق
وين الجذب بالموضوع مجرد نريد نتأكد وحتى ما كلت لخديجه هي حامل كلت أنتي تسمعين وياها سوا
خديجه
جنت متوقعه تفرح
من شفتها هيج من السيارة اتعب صعدت بيومها حتى ما نزلت ضجت شويه واجت صفا جان تلفوني يمها كالت استبرق تريدج
استبرق
صدك يمه حامل
خديجه گلتلج صفا
استبرق
أي
خديجه
أي هسه اجينه من الطبيب
استبرق
الحمد لله
ديري بالج على روحج يمه اعرفج ما تعرفين تكعدين
خديجه
تعالي وعينيني أنتي هالايام كوه اقري صفا
استبرق
يمه اجي اجي بس اهتمي بصحتج
خديجه
سلمت عليها وراحت خليت رأسي على المخده
موفق
ممكن اعرف شبيج علويتي
العلويه
مابيه شي
موفق
إني مو غريب عليج وأعرف بيج شي مغثوثه بس شنو غثج لاتكولين سبب جذبتو لأن خديجه كالت نتأكد خطيه تتأمل على وهم
نيتها سليمه المره
فهميني شبيج
العلويه
موفق يعني خديجه حامل اكيد صحيح
موفق
أي وعيونج
العلويه
اليوم قنديل اجت
سولفتله عن الصار
موفق
هسه البنات اكثر انفتاح خليها تفحصها طبيبه افضل
العلويه
أنت جنت تتمنى لو تدري بيه قبل لاتزوجني
موفق
حتى لو عرفت جان اختاريتج
العلويه
هسه الحمد لله خديجه حامل وراح يصير عدنه طفل
1
موفق
الف الحمد لله
العلويه
يمكن ضوجت خديجه
موفق
لأ اطمأني گلب سمجه خديجه حجايتين طيبه يطيب خاطرها وفهميها اكو شي ثاني غاثج
العلويه
تروح هسه لابو هارون الصايغ تجيب قطعه ثكيله هديه فرحتنه بحملها
خديجه
صعدت صفا كالت ماما العلويه تريدج
نزلت وببالي كلت ما احسسها بضوجتي
لأن هي مريضه ولومهما صار حقها هي هم امرأه وانحرمت من الامومه وأعرف بسبب اختها هي ضايجه من قبل لا اروح
العلويه
تعالي تعالي خديجه
شوفي هاي الغرفه هنا باجر تجي ام مروان وتنزلج كل اغراضكم تستقرين يمي اشوف بطنج شلون يوم على يوم تكبر كدام عيني وموزين عليج الدرج
وتعالي هاج
طلعت الكلاده جاب موفق ثنين اليه والها كال اختاريلج وحده والثانية لخديجه
لبستها الها
إني اسفه خديجه يجوز ماعرفت اعبر عن فرحتي بس اكيد تعرفين العلاجات الاخذها
خديجه
وإني الج اخت وصديقه وام لاولادج أن شاء الله
ولاتتوقعين إني ابني موقف على إنسان بيه هواية مواقف وأشياء زينه وأنتي كل السويتي كأن اخت لاختها
موفق
شيلزمهن بعد اتفقن عليه
رحت يموفق
العلويه
أنت الخير والبركه
استبرق
فتره كعدتي ببيت حامد ما فاتحه كنتور سيف لأن مقفول
اجه اليوم أخذ غراض منه وهو مأخذ ملابسه والأشياء اليحتاجها بغير غرفه بس هذا الكنتور ضام بيه اغراض خاصه
ونساه مفتوح وراح
اجيت اقفله
صارت بوجهي الصور القديمه لمعلكهن من زمان شايفتهن
من چنه يمهم
تقربت اشوفهن
صوره بيها إني وهو ونورس وايناس وبيدي اكل ولابسه ثوب اصفر وهو لازم ايدي مبينه معصبه واباوع عاكده حواجبي
باوعت بالرفوف اوراق وكتب سحبت ورقة لكيت رسم بقلم رصاص وحده تشبهني حيل
جواها
مكتوب
وتيني العنيد
وتاريخا قديم
ورقه ثانيه مكتوب بيها
نثر بخط ايده
اعلم أن طرقنا لأ تتواصل واعلم أن الحب الذي اشعر به سيبقى حبيس اضلعي ولكن اجد كل الطرق تؤدي لعينيها
فإن اردت يآرب لي خيراً أما أن تبعدها عني او تجعل قلبها يرق ولحبي يدق
وبيها رسم لعيوني لأن اكو شامه قريبه على حاجبي مخليها بالرسم
يعني سيف يحبني ؟
