رواية بيت الخبازه الجزء الثاني 2 الفصل الثامن عشر بقلم زهرة الرمان
صفا
ايام الفاتحه استبرق جبرتني اصعد بهبه وعلي فوك كالت لاتنزلين اخابرها من احتاج شي
تخاف على الجهال
فاتحه خاله انعام ثكيله كلش نسوان كلش هواية اجن كرايبهم هواية ومعارف خاله بعد أكثر
استبرق أول ما دخلو الدفانه
خابرت قشعم
ها قشعم عمو شنو وضعه
قشعم
سيد موفق گوه جبناه من المگبره استبرق السيد كلش تعبان خلو ينام
بعدني احجي ودخل
موفق
تعالي استبرق اقفلي غرفه العلويه ممنوع وحده تدخللها وإذا احد راد المفتاح كولي يم عمي موفق
استبرق
قفلتها ورحت لعمو راح لغرفه الجهال تمدد على السرير
طلعت للمطبخ احضر الغدا
ابن ام رضا ياسين جبير هو مشكل دشداشته ولابس غتره ويفتر جاب المسواك
صاح وين استبرق
كتله ها
ياسين
خويه هاي الخضره كولي للبنات يلگطنها
واعزلي المعدنوس للطباخ للتبسي
استبرق
سويت الكالي عنه وارجع اشوف عمو موفق
نام
اجهز اليردونه وما منتبهه منو موجودات لأن كلهن بنات اخوات خاله واخوات عمو
بس عمو موفق وصاني كال شتحتاجين كولي لياسين ياسين كامش مسسواك الفاتحه وهو يشرف على الجاي والأكل
ياسين
احسبولي شكد عدكم نسوان حتى اسوي مواعين احسبن حتى انتن فد مره
استبرق
راحت بنت قنديل شافت العدد وبقت تحسب كالتله العدد
راد يطلع
هو اسمه أبو يزن
أبو يزن جيب اكياس نفايات وسفره وكم صندوك مي
ياسين
شويه ويوصلنكم خلن برده لباب المطبخ راح العالم تفوت للتواليت كبال المطبخ
والولد يجيبون الأكل للنسوان فلا اطلعن او اطلعن صوت
أنتي هييي
استبرق
عليه
=أي اكو غيرج
استبرق
نعم شتريدين
=لأ تبقين كلساع وتصيحين أبو يزن
استبرق
تعوج بحلگها من تكول أبو يزن
وأنتي منو
=إني زوجته ام جهاله
استبرق
بعدني ممجاوبه وحجت بنت نضال
ام يزنوني حبيبتي هاي تحب تتلزك وتتلوك
كاعدات كلهن بالمطبخ بنات اخوات خاله انعام وبنات اخوات عمو موفق
سكتت شويه كلت هذا عزا علويه انعام ماريد باجر يكولون النسوان إلي بالصاله اجه صوت من المطبخ او مبهذلات
سوده عليه يمه عرفت هسه سكوتج بعض الأحيان مو ضعف انما لأجل عين ألف عين تكرم
مو وكت حجي ويصيحني صيري ذكيه استبرق
عمو موفق مكسور يسمع صوتج شيكول ماتحملت
التفتت عليها
صار ام زيوني ما احاجي ومن اريد شي اكلج بس تعرفين عمو كال ابو يزن هو مسؤول عن الأمور إلي نريدهن
رحت للغرفه أشوف عمو موفق
شفته بعده نايم طلعت بعدني بالباب وسمعته صرخ انعااام ليش هيج انعااام
دخلت لكيته كاعد ويبجي
عمووو فدوه عمو اهدأ
بقيت اسكت بيه وابجي على حاله
طلعت سألت عن ابن ام ياس طبيب
لكيت بنت ام ياس واكفه هي وام يزن يم باب الغرفة
عفيه صيحي اخوج الطبيب يجي يشوف عمو موفق يضربه ابره مهداة خلي ينام وابجي راحت بدون ما تباوع بخلقتي
اجه ودخل يمه امنت من شفته اهتم بس ما دخلت كلت لانوب هم تطلعله مره تجي تلعلع براسي
صعدت أشوف صفا والجهال
صفا
تعالي وين صرتي هبه تبجي تكول أريد ماما
استبرق
العبره ببلعومي اريد اصبر شلون احجي أخاف اطيح دموعي
هبه عمرها اربع سنوات وتفتهم
هباوي حبيبتي مامه راحت للطبيب سافرت
بقت تبجي وكأن كالت اليه اجتج فرصة حضنتها وبقيت ابجي
يمه ليش هيج سويتي يمه جبتي علي وهبه يفرحون العلويه والسيد تالي ترحين أنتي والعلوية يمه شكول لجهالجن بيا حمل خليتنه عليه
اخذتها
وعلي اهون لأن تعلقه بعمو موفق أكثر
ولو حتى هبه متعلقه بعمو بس عمو بيا حال هسه
نزلتها بحضني تشوف الهوسه وتباوع بوجهي مامتعوده على هوسه الجهال
كالو جاي المره التشتغل يمنه وصيتها تسوي جاي للنسوان دخلت باوعت ام رضا كاعده بنص الصاله هي أكبر عمرا بالموجودات بت عم العلويه وزوجه اخوها يمها ام ياس ويمها قنديل ونضال ونسوان هواية شافتني ام رضا اشرتلي اروحلها
وصلتها
ام رضا
يمه صعديها لاتتعارض من الصوت
استبرق
خاله تبجي وتريد تروح لغرفه خاله حركت يده الباب وتاكدت محد كلتلها سافرت مامه يلا سكتت ماتقبل تصعد
اباوع قنديل عيونها واذنها يمي
ما هتميت رحت سويت أكل واخذته لصفا توكل الجهال وتاكل
خليت هبه يم صفا فوك وطلعت لكيت قنديل بوجهي
قنديل
وين مفتاح غرفه أختي
استبرق
مو عندي يم عمو موفق
قنديل
هوغير عمج مخلي البيت كله بيدج روحي جيبي المفتاح
استبرق.
عمو نام كوه ضربوا ابره يلا غفا
قنديل
أي هميالله ولا بوجهه حزن سوه فلك. تخبل من ماتت ذيج
استبرق
يربي داست ببطني من كالت ذيج
ماعندي مفتاح وأريد انزل سحبتني حيل من ورا بحيث اختنكت بثوبي
التفتت شبيج
قنديل
تعالي انطيني المفتاح لأ هسه ادفعج منا وارجع تشوهات وجهج إلي عمرتهن أختي
استبرق
تهز بيه على طرف الدرجه الأولى
وسحبتها صفا من ورا
صفا
اسمع صوت بباب غرفتنه
طلعت لكيت أخت خاله انعام تهز باستبرق كلت راح توكعها سحبتها واخذت استبرق من الدرج
قنديل
اياا ما متربيه تضربيني
صفا
منو ضربج سحبتج حتى ما توكع اختي
قنديل
إلا اخليهم يطرودنج ادللي
استبرق
نزلت وإني كلت لصفا تقفلين الغرفه عليج لايسوون بيكم شئ إني ما ضامنه ذولي شنو ممكن يسوون
نزلت لكيت ام رضا بالمطبخ وقنديل تحجي تحجي
أول ما دخلت كالت نضال
شبيج استبرق
ام ياس
شبيها تريد تشيخ ببيت اختنه الفو
ام رضا
شنو قصتجن منا العالم الغربه يمه
استبرق شسويتن لقنديل
.
قنديل
شنو تسالينها؟
أم رضا.
لعد شنو خذوه فغلوه
استبرق
خاله سألتني عن مفتاح غرفه خاله انعام كلتلها يم عمو موفق سحبتني وخنگتني وبقت تهز بيه تكلي روحي جيبي كلتلها عمو ضرب ابره ونام وصفا خافت توكعني من الدرج سحبتها بس
قنديل
هم جذابه وهم تألفين
ام رضا
عيوني قنديل هسه أنتي مبيج شي وهسه عزا اختنه روحي يم العالم بنات خالاتجن اجن روحي
ام يزن
انتبهت على استبرق ما عدها اذيه وكسرت عيني من جاوبتني بذوق فشلت كله من وره البنات يحجن عليها بس شفت حرصها على خالو موفق وشون تهتم بالكل متهتم للكلام
باجي
ام رضا
خير
ام يزن
تره إني شفت قنديل شلون تهز بالبنيه همزين ما وكعت واختها بس وخرتها
ام رضا.
ادري عاشرت هذني البنات اعرف شون بنات بس اعرف قنديل شبيها
استبرق
غربت الدنيا خاله وما بايته ببيتج مسيه الرحمه عليجن يا حنينات يلبفركاچن خلت دنياي
شعلت شموع وفلست تمر سويته ووزعت
ودموعي جمر دخلت على عمو موفق معلگله مغذي مخليله ابره ادخل اشوفه اشبع بچي واطلع
اجت ام رضا بوجهي اخذتني على صفحه
أم رضا
حبوبه لأ تضوجين أنتي عمل انعام الصالح إلي خلاج أنتي وامج بدربها
الله وگفج الها ورايتج بيضه داريتيها بنت لامها وشلتيها وغسلتيها أكثر من بنات امها وابوها
شسوت وي ايتام الله انطاها أنتي وامج
وهسه حتى من راحت خله الحنيه بگلبج على اخوي الصار ورگه يابسه يمه موفق واخيوانج اهم من هاي الناس
استبررق
بديت ابجي
خاله خالتي انعام السوته ويانه هم خالاتي الحقيقيات ما سونه مثلها
هي هم الله دزها النه نعمه حكمه رب العالمين إلي وصل أمي لبغداد وهي من ولايه بعيده بدرب بيت السيد
الله اله بيها حكمه
بقت تبجي واخر كلمه وراها تكول يموفق يبن امي ما تهنيت عمت عيني
لأ حضه بام وليداته ولا بينه عمه وزواجه صباه وحضنتني تصبرني
أعرف تحبني وحتى من خطبنتي لابنها حبا بيه هي
مر أول يوم وثاني يوم عمو طلع للجادر صار احسن بس يمشي محني كوه يمشي
وبيوم الختمه تسوك أبو يزن لصينيه الختمه
صار المغرب وجابو العشا وتعشوا الناس
واكثرهم راحوا بقن بس اخوات العلويه
عمو وياه كم شخص بالاستقبال وام رضا يمنه
إني بالمطبخ منو يريد يروح اسويله جدر يأخذ وياه لأن هواية أكل حرام ينذب
ام رضا يمي وإني افرغ وانطي
ووزعنه حتى الجوارين ودزت على الشباب كالت خل يغسلون الجدوره بارده ما خلتني اطلع اغسل لان المره التشتغل يمنه راحت هم تعبت
اجو الشباب وغسلوا الجدوره
ورا يومين ام رضا راحت كالت يومين واجي
بس قنديل وام ياس موجودات
موفق
ماريد غرفه زوجتي تنفتح
.ام ياس
هي اختنه لازم نفتح غراضها وننطيهن للثواب
موفق
إني اقربلها وإني انطي الاشوفه ينعطى
كفيتم ووفيتم بنات عمي
استبرق
عمو راح للاستقبال وبقن يحجن
ام ياس
والله شوفي ولا اله شغله ولا چنها انعام زوجته وبت عمه الميته على ذيج تسودن
قنديل
اختنه الله يرحمها جانت تحبه زياده وخلته يتفرعن عليها الرجال إذا تحسسينه بحب زياده ينچلب
ام ياس
امشينه نروح ونرجع بالسابع
استبرق
بعد فاتحه خاله انعام
عمو موفق كلش تاذى بس مايضهر يخاف علينه
شفته بحزنه على أمي شكد تاذى بس هالمره مختلف تماما احسه فقد الحياة
لأن يسوي نفسه ما بيه شي بس هو يدخل لغرفتها يبجي ويوصل صوته النه للصاله وابقى ابجي على صوته
ورا يومين من الثالث
خله الناس تخف بالبيت
وبليل صاحني إني بغرفه الجهال
يمي صفا
ها عمو
موفق
تعالي بنياتي
هذا صندوك امج بيها كل الي تمتلكه وبيه ورقه موضحه كلشي خلتهن يمي ومن شوي صرت احسن انطيته للعلويه ضمته بكنتورها وممتلكات العلويه امنتني على كل الموجود بغرفتها
وكلشي يخصها يم منار كرايبنه
انتظر تخلص يوم السابع ويتوضح كلشي. يخصها لأن بحياتها كالت لاتففتح غرفتي بفاتحتي لأي شخص وإني نفذت وصيتها
استبرق
اخذت صندوك أمي وصعدت
تربعت بالكاع بغرفه أمي
وفتحت الورقه اتلمس حروفها واشم بالورقه
يمه كلشي علمتيني
طبخ وتنظيف وكلشي حتى علمتيني شلون اصبر من ينعال عليه بس يمه ما كلتيلي شسوي من ابقى وحدي يمه
مشتاقه ادلل عليج وما اهم بشي
موفق
لا منار مو اليوم اتصل على اخواتها ويصير الكلام كدامهن يلا
استبرق
صار يوم السابع
واجوا الكرايب
حتى عمو عمار اجه يأخذ من خاطر عمو موفق دخل سلم علينه اخذته لغرفه الجهال
عمار
حبيباتي إني مو بعيد اشتريت سياره شوكت ما تحتاجني خابرني
استبرق
عساك سالم عمو ماعدنه شئ
راح عمو عمار والناس ورا العشا هم راحوا
إني اخذت صفا والجهال وصعدت عمو موفق كال اصعدن ارتاحن بس اني اعرف
عمو راد يبعدنه من كلامهن
ام ياس
ليش مخليه وصيتها عد منار شنو منار يلا يلا بت ابن خالتنه
موفق
منعرف شنو غايتها وبكل الاحوال هسه خابرت منار هسه تجي
منار
الله يجبر مصابكم ماجنت ببغداد ذيج الأيام من اجن خواتي أعذرني أبو علي
موفق
معذورة منار اعرف ضرفج وعملج
منار
حتى لأ اطول الكلام عليكم بهاي الجنطه كل الي رادته علويه انعام الله يرحمها
موفق اخذت الجنطه فتحتها
بيها أوراق مصدقه ومختومه يم كاتب عدل
منار
هاي الورقه تنازل من علوية انعام
ل اربع اجزاء المزرعه حضرتك. أبو علي بايعها بيع وشراء للعلويه هي وهبته تنازل مصدق بحكم توكيل اليه بإسم
هبه موفق
واستبرق حاجم
وصفا حاجم
وعلي موفق
والوصايه بيد موفق
أما هاي العلبه تناصفا بين
اخوات علويه انعام
ام ياس وقنديل
الفلوس إلي بالكنتور هي كاتبه بيهن ورقه
بخانه المقفوله اليوم تنفتح بمفتاح تلكونه بمخدتي مخيط
موفق
رحت للمخده فتحتها لكيت مفتاح الكنتور
فتحته
بيه علبه بيها
اكياس قماش بداخل كل كيس قماش ورقه وسبحه طين وورقه مكتوب عليها (ان هذا لرزقنا ماله من نفاد)
أول كيس
وارد المحلات مكتوب جواهن حق موفق
ثاني كيس
هم بيه ورقه مكتوب عليها.(ان هذا لرزقنا ماله من نفاد)
مكتوب بالورقه
فلوس تجميع لموفق مصاريف البيت والبنات
الكيس الثالث اكبر وملفوف بكل ورقه اسم
فلان وفلانه
ايتام وارامل
وكيس مكتوب عليه
وارد ايجار محلي وشقتي
لكيس الايتام والارامل يتوزع بعد موتي كل شهر
وضرف بيه مبلغ مالي
باسم لقشعم
وضرف
لمسلم
بيه مبلغ
وفلوس ملفوفات بلاستيه وعلاكه قديفه بيها كل رزمه ورقه
كل علاكه قديفه بيها ذهب وفلوس
هاي لهبه
وهاي لاستبرق للكليه وذهب الها
وهاي فلوس دراسه صفا
وهاي فلوس ل علي
ام ياس
يعني املاك انعام ورثها من أبوي صار شقه ومحل وذهب بس ؟؟؟؟
موفق
مو المحلات هي شريكه بيهن واحتركن وصفينه على محلين الها محل واليه محله
ام ياس شنو احتركن انعام بس ورث أبوي من كاع صليخ ١٠٠٠متر
موفق
باعتها
ام ياس ما اصدك
منار
كل اوراق العلويه يمي بايعتها صحيح
قنديل
انتم متفقين طبعا أنت والمحاميه هاي
شنو ماعدها اختنه وتقشمرونه بكم قطعه ذهب
ومسجله حلالها بإسم بنات مرتك شنو بناتنه هنه ويتورثن وتالي ينعطى للنسايب وللغرايب
موفق
تشككين بيه بانعام بمنار
اشو متعرفين تحجين
ام ياس
حدث العاقل بما لايعقل أن صدق فلا عقل له
موفق
لأ انتن عقلجن يم الطمع وشلون تاخذن حلال انعام
قنديل
وهي شحصلت من دنياها من اخذتك لهسه
موفق
ليش تخلني اخشن خاطرجن شنو موضوعجن بعدها گبرها اخضر
تعرف نفسياتجن لهذا خلت محاميه منجن وبيجن هاي بنت ابن خالتجن
منار
كل المكتوب صحيح ميه بالميه وجانت بكامل قواها العقلية والنفسية ومدركه تماماً صحه تصرفها فما انصح تطعنآ بالوصيه هاي أولا ثانيا
العلويه سوت تنازل وثبته قبل اربع اشهر اجيت قبل كم يوم فقط انطيتها نسخه من كل الاصل العندي
وما قبلت تكتب رسائل ورقيه فقط حملتني امانه لبنيه اريد اشوفها
استبرق
موفق
يعني اصيحها
منار
ياريت
استبرق
العب بعلي شلون خاله تلاعبهم
وامسح وجهي من دموعي
دك الباب عمو موفق
دخل
موفق
تعالي بنيتي
منار المحاميه اجت انطت وصيه خالتج وعدها وصيه الج
استبرق
طارت روحي وكأنها خاله راح تحجي
دخلت للغرفه سلمت ووكفت يم منار
منار
أنتي استبرق صحيح
. استبرق
أي ست منار إني اتصلت عليج أكثر من مرة لخاله
منار
معلوم اعرف هاي وصيه لازم اكولها الج خالتج العلويه انعام
كالت تحجين إلا وجه لوجه الها
وتگوليلها
خالتج تكول اديرين بالج على موفق وعلى صفا وعلى علي وعلى هبه
اريدج مثل خديجه ما وكفتها عواصف ولا هزها ضلام
استبرق
كعدت بالكاع وصارت عندي نوبه صراخ وبچي
خااااله جنازتج شيلتها كلفه خاله
موتج گطع كل ضنه للدنيه عدي خاله
توصيني خاله وإني بعدني يتوصى عليه خاله هديتي حيلي أنتي وأمي
كعد گبالي عمو موفق
موفق
خلت اديه استبرق لا خل ولا ولف اليه ضليت مثل غصن يابس
منار
استبرق
العلويه تشوفج نسخه منها گالت استبرق قوية وأمينه وعمج موفق تعبان
استبرق
مسحت وجهي ولزمت ايد عمو موفق
تعال عمو اكعد على سرير خاله محد النه غيرك
بيومها ما باتن اخوات خاله انعام راحن
ونام عمو موفق بالصاله مو مثل ما ماتت أمي بقى بغرفتها ما يفارك الغرفه
بس هسه لأ يقفلها
ورا ايام وبقى يطلع من الصبح يرجع الضهر حتى اكله قل
بديت اساعده يتجاوز محنه فقده بس عمو تغير حيل
بارد من كلشي بالدنيا قشعم يخلص كلشي
وإني أسوي عصائر طبيعية واشربه او أكل مغذي شويه واوكله
لحد ما صار اسبوعين عرفت من قشعم يروح لقبر خاله انعام هناك لگاه قشعم من خابر عليه
موفق
تدرين اكتشفت ماكدر أسوي شئ إلا اكلج
لهذا ماعندي شئ اسوي غير اجيج
هسه شسوي شوري عليه هبه وعلي صغار بعدهم وبنات خديجه حك زواج
شسوي كليلي ماعرف شسوي انعام
استبرق
قشعم بعد لاتخلي يروح جاي من يجي حيل تعبان
قشعم
ماكدر امنعه روحه صارت بالمقبره
استبرق
استمر هيج حتى الاربعين هيج ورحنه وناس اخذنه
واليقرا قرآن والي يبجي بس إني اعاتبهن
وارجع استغفر واكول كلشي بحكمه من رب العالمين
رجعنه من الاربعين
ورا كم يوم وهم رجع عمو يروح
للمقبره
اجه تعبان بغرفه الجهال دخلت وراه
عمو بعدك كاعد
موفق
طفي الضوه اريد انام
استبررق
لأ عمو اريدك شويه وبعدين نام
موفق
احجي بنيتي تعبان استعجلي
استبرق
عمو تريد ارجع لبيت عمامي حتى إخواني اخذهم
موفق
شنو الموضوع
استبرق
عمو انت ناسي احنه برگبتك ما امنعك بتعبير عن حزنك حقك بس إني وصفا وعلي وهبه بامانتك إني وحدي ما أكدر اسوي شي انت منتبه ما جاي اداوم ولا منتبه هبه صارت بيها بچيه تلج لأ أنت ولا خاله والطفله بس تبجي ماعرفت شنو اسويلها علمتننه على دلالك
موفق
شنووو أسوي والبيت كله بيه انعام
انعام حاصرت روحي لأ إني ميت ولا إني عدل
استبرق
فكر عمو بينه تركته وطلعت
لازم استخدام هذا الأسلوب إلي استخدمته خاله انعام بفقده لأمي اطلعه من بير حزنه تصدمه بقرار تخوفه
بقى وراها اسبوع واجه الصبح كعدني
موفق تحركي روحي للدوام
استبرق
راحت السنه عليه ما الحك
لبس واخذني هو للكليه ودخلني للعماده ورجعني
حسيته رجع بده ياخذ الجهال بده بهبه
اجت أم رحمن كالت خاله خلي خنفساء خليها بوصله ودنبسيها بضهرها
خرافه بس اخر شئ صار سوته خاله أم رحمن الها
موفق
أهلا أبو فاطمه
عمار
أن شاء الله موجود بالبيت حاب اجيكم
موفق
أهلا بيك بكل وقت
استبرق
اجه عمو موفق كال عمج عمار جاي بالطريق
عمار
أبو علي أنت تعرف مو بس إني عم إلبنات
ومن يصير موضوع قراره مو بس إني اتخذه
موفق
خير شبيهن البنات
عمار
عمام البنات يردونهن يرجعن لولايتنه يشهد الله انت عمهن مثلك مثلي بس مجتمع إخواني يفرض عليهم وإني ماريد اخليك بمواجهة وي حامد بالخصوص
بس هلمره رشيد وواثق نفس رأيهم
موفق
عمامهن إلي خافو على شكل المجتمع
مافكرو عدهن إخوان صغار ماريدهن يتفاركن عنهم يعني الموضوع إنسانياً
وإلا اكدر من باجر اجيب ثنين مربيات لجهالي
عمار
أنت حلها هالمره إني ذيج المره حليت الموضوع وخليت الوصايه بيدي حتى اسكت حامد
بس هالمره ما كدرت عليهم ثلاتهم نفس الرأي
موفق
انطيني مجال اشوفلها حل لأن للعلم ومع احترامي الك لومو اخوانك ما انطي البنات مستحيل وين ما توصل توصل وما انطي بناتي ذني
استبرق
عمو موفق سولفلي ولطمت نرجع شلون
موفق
ماترجعن هيته هي معليج
استبرق
بعد فتره اجوا عمو واثق وعمو رشيد
علينه وبدو يحجونه خلاهم عمو يكملون كلامهم
موفق
استبرق كاعده ببيتها وبلغت السن القانوني أكو أحد يطلع من بيته ويروح لبيوت عمامه ؟؟؟
واثق
شتقصد ببيتها
لأن بيت زوج امها يعني بيتها
موفق
لأ استبرق كاعده ببيتها باسمها
وإذا عدكم اعتراض على وجودي وياها إني اقسم البيت المهم يبقون الاخوه سوا إني بقيت وحداني وما أريد جهالي هم وحدانييين صفا واستبرق وحدهن يبقن وعلي وهبه هم يبقون وحدهم
وبيت بت اخوكم شوكت ما يخطر ببالكم تجون حياكم وبياكم وإني الضيف عليكم
طول هاي الفتره اخوكم أبو فاطمه ع مقربه منه وشاف حياه بنات اخوه
مرخصتكم اخليكم وحدكم تسولفون
