رواية أسير الناردين 2 اسرني عشقها الفصل الثامن عشر 18 بقلم ماريان بطرس

رواية أسير الناردين 2 اسرني عشقها الفصل الثامن عشر 18 بقلم ماريان بطرس 

الفصل الثامن عشر 

وصل للمنزل بعد يوم مرهق بالنسبة لة ، مرهق جسديا من عملة الكثير ومرهق نفسيا اعصابة تالفة لا يستطيع رؤيتها هو لا يحب زيارة الناس بمنازلهم فاللبيت حرمات وهو لذلك لا يحب زيارتهم ويبدو ان حماتة تستغل ذلك الامر جيدا صعد الى غرفتة اخذ حمامة ثم ابدل ملابسة ب تيشرت قطنى بنصف اكمام باللون السماوى وبنطال من الجينز الازرق الداكن نثر عطرة ومشط خصلااة البنية الداكتة تلك ثم تحرك سيزورها وسيراها مهما حدث فهى زوجتة تحرك للاسفل بحديقة المنزل ولف وجهه فرأى حسام يجلس مع اختة على الارجوحة التى صنعها لها حسام وهى صغيرة واضعا يدة على كتفيها وملقية هى براسها على صدرة ف احترق صدرة واشتعل من الغيرة فهو يستطيع رؤية اختة باى وقت كان بينما هو لايستطيع رؤية زوجتة تحرك ووقف امامة قائلا بملامح صارمة لا تتناسب مع طلتة الرقيقة تلك

بتعمل اية هنا 

نظر لة حسام وهو يعلم مابة ومايشعل بصدرة فقد حكت لة ايلين كل شئ لذا اراد ان يستغل غضب آسر قائلا ببرود وهو يلعب على اوتار ضيقة 

والله انا عند خالى وقاعد فى بيتة وبشوف مراتى فيها حاجة دى؟؟؟

نظر لة آسر بغضب ثم قال بصوت جهورى

حسام اظبط لاظبطك

توتر حسام من صوتة الغاضب وزمجرتة تلك فيبدو انة غاضب بشدة وهو ولغبائة تحدث بطريقة اغضبتة ويبدو ان آسر سيخرج بة غضبة وطاقتة السلبية تلك وهو ليس بند لة على الاطلاق نظر ل ايلين باستغاثة فلبت استغاثة زوجها على الفور ناظرة ل آسر وقالت ببراءة 

آسر انت لابس كدة ورايح على فين 

نظر لها آسر قائلا

رايح عند ناردين

ابتسمت هى برقة وقالت

ماشى . هتتاخر؟؟ 

نظر لها ثم قال

لا مش هتاخر ولا حاجة 

تدخل حسام بعدما شعر بان الاخر قد هدئ بعض الشئ قائلا

هو انت هتقعد فين بعد جوازك يا آسر انت الوحيد اللى محدش يعرف حاجة عنك هتقعد هنا ولا شارى بيت ومجهزة ولا اية 

رد آسر قائلا

لا هتقعد هنا هرتب الجناح بتاعى اللى فى الدور التالت

استغرب حسام حديثة قائلا

طيب مش المفروض تجهزة علشان الوقت مياخرش عليك 

اومئ آسر براسة قائلا

انت ناسى انى افضب مهندس فى مصر وعندى افضل شركة معمارية وعندى عمال انا كدة كدة اخدت اجازة لحد الفرح علشان اظبطة 

ثم نظر لهم متحركا وقال 

امشى انا بقى 

اومئو برؤسهم ثم قال حسام بعد ذهابة .

واية حكاية الجناح دة 

ابتسمت ايلين قائلة

آسر من فترة كدة ابتدى يجهز الدور التالت وعمل حوالى نصة جناح لية وخاص بية لوحدة ومن الواضح انة الباقى والنص التانى بيجهزة للاطفال وولادة مستقبلا وعاملة بنظام غريب ليهم كدة مش فاهمة النظام قوى بس كل اللى فهماة انة حاجة حديثة من عمايل وتصميم افضل مهندس معمارى فى مصر نظام حديث جدا وهو خلص تجهيزة ورافض اى حد يطلع الدور التالت ابدا ومن الواضح بقى انة مش باقى غير التشطيبات النهائية 

نظر لها بمكر قائلا

وتفتكرى الجناح دة تصميمة اية 

مطت شفتيها بجهل قائلة

مش عارفة بس اكيد هيبقى فية اوضة رياضة دى اللى متاكدة منها 

ضحك حسام بصخب قائلا

كدة يبقى انتى فهمتى آسر

شاركتة هى ضحكاتة وهى تعلم ان تصميم هذا الجناح سيكون اكثر من رائع هدية لناردين وسيكون من اجمل ما رات وهى اكثرهم تحترق لرؤيتة افاقت على قبلة حسام ليدها وكأنة يجذب انتباهها قائلا

حبيبتى راحت فين 

ابتسمت ايلين قائلة

ولا اى مكان ثم ضحكت قائلة بمرح

مرجحنى بقى 

ابتسم عليها ثم قام من مكانة بجوارها طالبا منها ان تتمسك بطرفى الارجوحة جيدا فتمسكت بقوة بينما بدأ هو يهز تلك الارجوحة بقوة فترتفع بها لاعلى مرتفعة معها ضحكاتها التى ملئت اركان القصر فتتعالى ضحكاتة لسعادتها بتلك الطريقة

بينما كانت فريدة تنظر لهم من اعلى فى الشرفة وتبتسم لرؤية سعادة اولادها آسر ذاك الذى جعلة الحب اقوى من قيس ، وايلين تلك التى تشبة جوليت فى عشقها ل حسام ولم تشعر بدخول ابراهيم الا حينما وضع يدة محيطا كتفها ناظرا امامة بسعادة قائلا

ربنا يديم سعادتهم دايما 

امنت هى على حديثة قائلة بابتسامة

امين 

______________________________

كانت تجلس بضيق فى غرفتها وتشعر بالملل اختها تجلس تستذكر دروسها بينما يجلس اخيها يتحدث فى الهاتف مع زوجتة نفخت بضيق وملل ليس لديها ماتفعلة نظرت لشاشة الهاتف لم تجد اى مكالمة منة يبدو انة مازال بالعمل لا تجد ماتفعلة جتى والدها خرج لشراء بعض المستلزمات من الخارج سحبت الهواء داخل صدرها ثم زفرتة بضيق وملل افاقت على ذلك الصوت الضائق حينما قالت 

ارجوكى عايزة ازاكر فمتخلنيش ازهق من اولها لسة الليل طويل وورايا حاجات اد كدة 

نظرت لها ثم قالت

ماهو انا زهقت ، وآسر باين كدة لسة فى الشغل حتى كيمو بيكلم مى اعمل اية 

اجابتها راندا قائلة

روحى ساعدى ماما فى المطبخ واهو منة بتتكلمى معاها ومنة تخلصى الامل بدرى 

نظرت لها بضجر قائلة :ماهو انا لو دخلت انتى عارفة ماما هتخلينى اعمل اية واحنا بالليل

ثم قلدت صوت والدتها قائلة

اغسلى المواعين والاطباق اللى فى الحوض

ثم قالت بضجر يكونش مفيش حد يغسل المواعين غيرى  

رفعت راندا عيناها من على الكتاب التى تستذكر بة قائلة بضيق متوتر 

روحى يا ناردين بدال قعدتك دى انتى لا بتروحى شغل ولا حاجة وانا عندى امتحان آخر مادة بعد بكرة ف الله يخليكى سيبينى ف حالى ، انا كمان شوية وهعيط من كتر الخوف

نظرت لها ناردين فهى تعرف اختها جيدا رعبها هو الامتحانات حتى وان كانت تحفظ الكتاب عن ظهر قلب تذكرت من حوالى اقل من شهر حينما بدأت اختباراتها كيف كانت تبكى وتحلف بانها ستؤجل هذة السنة وتمتحنها السنة القادمة لانها تشعر بانها نسيت كل شئ وبالكاد استطاعو تهدئتها واوصلها والدها واخيها للمدرسة ولم يتحرك احدا منهم الا حينما تاكدو بانها دخلت لجنتها الامتحانية وقد بدأت اللجنة حينها فقط تحركو الى عملهم ابتسمت على تلك الذكرى ثم تحركت قائلة

هروح اساعد ماما وشوية واجيلك حتى اسالك شوية

حركت راندا يدها دون ان ترفع راسها من على كتابها ثم قالت بعد ان بدأت تقضم اظافرها بتوتر وحنق 

الجغرافيا على التاريخ فى يوم واحد انا اية اللى دخلنى ثانوى من الاساس انا كنت قعدت جمب امى فى البيت لحد ما يجينى العريس وانا قاعدة فى بيت ابويا متستتة انا حاسة ان المعلومات كلها دخلت فى بعضها ومحتاجة انا نفسى خريطة لدماغى علشان الاقى المعلومات فيها ال سفيرة ال دة انا حتى على رأى ناردين مش هحصل حتى بواب السفارة 

ثم رفعت يديها بالدعاء قائلة

استرها يارب 

دخلت لوالدتها قائلة بمرح وابتسامة واسعة على شفتيها

يامساء الاناناس على ست الناس 

نظرت لها سامية قائلة

مساء الكنتاكى المواعين مستنياكى .

نظرت لها قائلة بغيظ 

مواعين مواعين اية هو انا غسالة اطباق

ضحكت سامية قائلة

بكرة تتجوزى وتروحى بيت جوزك اللى كلة خدامين ومتدخوليش المطبخ خالص مع انة معروف ان المطبخ هو مملكة الست 

ضحكت ناردين قائلة

وانا مستغنية عن المملكة دى مش عاوزاها 

ثم اردفت قائلة 

بابا لسة مجاش

حركت سامية راسها بالسلب صمتت ناردين ثوانى ثم قالت 

بقولك اية ياماما عاوزين نغير جو شوية فى البيت على الاقل نشيل جو التوتر والخوف بتاع فرحى دة وخوف راندا من الامتحان 

تركت سامية مابيدها والتفتت لابنتها باهتمام قائلة 

يعنى هتعملى اية يعنى 

غمزت ناردين لامها قائلة 

سيبيها عليا دى ياميما 

نظرت لها والدتها ثم مطت شفتيها بلا مبالاة ثوانى و وجدو باب الشقة يفتح وسمعو همهمات قادمة من الخارج كان قد جاء خ

حسن من الخارج وعندما هم بظخول باب العمارة رأى آسر فدخل آسر برفقة حسن دخل حسن وقال 

اتفضل يابنى 

ابتسم لة آسر بصدق ثم فتح حسن لة باب غرفة الجلوس قائلا اتفضل اقعد يابنى على ما اناديلك ناردين

ابتسم آسر وامئ براسة دون ان يعقب بينما تحرك حسن مناديا على ابنتة المجنونة تحركت ناردين هربا حينما قالت سامية بحسم 

رايحة فين؟؟

ناردين: هشوف مين برة يمكن حرامى ولا حاجة

ابتسمت سامية باصفرار قائلة

خلية يسرق اللى عاوزة 

ثم قالت بجدية مش هتتحركى غير لما تخلصى اللى ف ايدك اللى برة ابوكى يعنى مين  

نظرت لها بضجر ثم نفخت اوداجها قائلة بضيق

طيب هخلص اهو 

ثوانى وسمعت صوت والدها يهتف قائلا

ناردين انتى يابت

ركضت للخارج قائلة

هروح لابوعلى هشوفة عايز اية 

ثم غمزت لوالدتها قائلة بعبث 

سونا حبيب قلبى اروحلة انا مستنياة من بدرى انا منايا انة ييجى

ثم خرجت تركض ضاحكة 

شهقة مستنكرة خرجت من فم سامية قبل ان تركض خلف ابنتها قائلة

اتلمى يابت عيب انتى خلاص كبرتى و اتجوزتى 

وعلى الرغم من تلك الكلمات الا انها ركضت حتى لا تفوت رؤية ابنتها وذلك العرض الذى لم تفعلة منذ فترة بينما على اثر حديث سامية خرج كلا من راندا وكريم ويعلو ثغرهم تلك الابتسامة ف الان ستضايق بمشاكستها والدها ووالدتها فقد كانت تفعلها دائما حينما يتاخر والدها فى احضارها من مدرستها 

ركضت ناردين على والدها وهى تضحك بينما امسكها من كتفيها قائلا بالراحة بالراحة اهدى كدة

نظرت لة ثم غنت بعد ان اجلستة فى ردهة المنزل كانت تتمايل على تلك الاغنية بحركات بهلوانية لا تمت للرقص بصلة ولكنها بتمايلها وتغنجها ذاك كانت تذيب اعتى الرجال وهى تغنى بصوتها العذب بتلك الاغنية التى تخص شادية قائلة 

سونا ياسونسن جتلك اهو قبل معادنا كمان هنا اهو 

سونا ياسونسن جتلك اهو قبل معادنا كمان هنا اهو 

جيت ومنايا اشوفك جيت جيت ياعنيا واستنيت 

جيت ومنايا اشوفك جيت جيت ياعنيا واستنيت 

جيت ياهنايا وجة ويايا طيفك م المدرسة للبييييت 

سونا ياسونسن جتلك اهو قبل معادنا كمان هنا اهو

كانت كلا من كريم وراندا وسامية يصفقون بايديهم وبالكاد يمسكون ضحكاتهم اما والدها كان يضحك وهو يضرب كفا باخر وقد نسى امر آسر بالمرة اما آسر فق. احتدت عيناة من الغيرة بينما كان يزدرد ريقة برغبة وهو يراها بتلك الهيئة المهلكة بالنسبة لة فقد كانت ترتدى بجامة قطنية من البرمودة بربع كم 

همس قائلا

اشوف فيكى يوم يابعيدة زى اللى بتعملية فيا دة ارحمنى يارب

اما ناردين فقد اطلقت العنان لحركاتها وصوتها محاولة تهدئة نفسها واخراج توترها ذاك واضافة جو من المرح على المنزل قائلة

عايزة اسلم بس عليك علشان ايدى تمس ايديك 

واشعر انك فعلا جمبى داخل قلبى وخارج قلبى 

عايزة اسلم بس عليك علشان ايدى تمس ايديك 

واشعر انك فعلا جمبى داخل قلبى وخارج قلبى 

جيت مكسوفة لكن ملهوفة والنبى حتى ماتغديت 

جيت مكسوفة لكن ملهوفة والنبى حتى ماتغديت

همس آسر قائلا

ماهو واضح انك مكسوفة منك لربنا يابغيدة انا اية اللى خلانى جيت هنا دة الواضح انى جبت لعذابى

بينما اكملت ناردين غنائها قائلة

جيت ومنايا اشوفك جيت جيت ياعنيا واستنيت 

جيت ومنايا اشوفك جيت جيت ياعنيا واستنيت 

جيت ياهنايا وجة ويايا طيفك م المدرسة للبييييت 

سونا ياسونسن جتلك اهو  

جيت مخصوص بالكعب العالى لاجل تقول صبحت ليقالى

جيت مخصوص بالكعب العالى لاجل تقول صبحت ليقالى

اردف آسر ساخرا وعيناة تحتد كجمرات اللهيب وهو يراها تتمايل بتلك الطريقة

يارب تقعى بية وتتكسرى بينما هى كانت تكمل 

سويت شعرى ونزلت اجرى اجرى ورا الامل اللى ف بالى 

سويت شعرى ونزلت اجرى اجرى ورا الامل اللى ف بالى 

جيت مكسوفة لكن ملهوفة واما ماشوفتكش اتخضيت

جيت مكسوفة لكن ملهوفة واما ماشوفتكش اتخضيت

جيت ومنايا اشوفك جيت جيت ياعنيا واستنيت 

جيت ومنايا اشوفك جيت جيت ياعنيا واستنيت 

جيت ياهنايا وجة ويايا طيفك م المدرسة للبييييت 

سونا ياسونسن جتلك اهو

تعرف انى كل خميس بحلم بيك ياحبيبى عريس  

بحلم بيك ياحبيبى عريس بحلم بيك ياحبيبى عريس  

واحلم انى عروسة بطرحة من غير مريلة ولا كراريس

واحلم انى عروسة بطرحة من غير مريلة ولا كراريس

جيت مكسوفة لكن ملهوفة اعرف انت كمان لية جيت 

جيت مكسوفة لكن ملهوفة اعرف انت كمان لية جيت

الى هنا وكفى فقد استنفذ طاقة احتمالة كلها فتحرك للخارج بسرعة نمر ينقض على فريستة يطوى الخطوات طى تحت قدمية ثوانى ووجدت نفسها ممسوكة من ملابسها من الخلف تكاد ترتفع من على الارض وصوتة يصرخ قائلا

لا والله عال ماهو باين فعلا انك مكسوفة امال لو مكونتيش مكسوفة كنتى عملاى اية 

صدمة حلت عليها بينما امسك الجميع ضحكاتهم رغم صدمتهم بوجود آسر نظرت لهم ناردين نظرة متسألة وهى تترجاهم الايكون ماتظنة حقيقى ولكن اومئو جميعهم برؤوسهم ازدردت ناردين ريقها وغرقت فى ملابسها للاسفل لتخفى وجهها بينما اكمل هو

وعايزة تعرفى انا جيت لية ؟؟جيت علشان اطين عيشتك 

ابتسمت ببلاهة وقالت  

طيب بالراحة شوية التيشرت يتقطع

ثم رفعت عيتيها تجاهة وياليتها ما فعلتها فقد وجدت حمما بركانية ستحرقها ولكنها قالت بتوتر وخوف وهى تكاد تبكى من عيناة التى تطلق عليها اسهما 

نزلنى الله يخليك وبعدين يرضيك البرستيج بتاعى يبوظ قدام العيال دى 

وضع يدة الاخرى على فمة وهو يريد منع ابتسامة تريد شق طريقها على شفتية وهم جميعا بالكاد يمسكون ضحكاتهم ازال آسر يدة من عليها ثم اشار بيدة قائلا

امشى قدامى 

تحركت ناردين امامة وهى تدب قدميها ارضا اما آسر فقد كان يتابعها وهو يعلو وجهة ابتسامة متسلية 

دخلت ناردين جالسة بحنق وهو امامها يتابعها 

______________________________

صرخت هاتفة بحنق ضاربة على سطح المطتب امامها قائلة

يعنى اية مش موجود ؟؟

نظرت لها الفتاة التى امامها قائلة بهدوء

يعنى مش موجود يافندم آسر باشا طلع 

تحدثت الاخرى بغضب قائلة

وراح فين؟؟

سحبت الفتاة الهواء داخل صدرها محاولة تهدئة نفسها وقالت بهدوء عكس ثورتها الداخلية 

معرفش يافندم انا هنا مجرد موظفة استقبال فى الشركة دى ف اكيد مش هسال صاحب الشركة انت رايح فين او جاى منين

نظرت لها شاهيناز قائلة

يعنى اية ؟؟ مش المفروض لية مواعيد

نظرت لها تلك الموظفة قائلة بعملية 

انا معنديش علم بحاجة يافندم وبعدين حضرتك حتى لو كان موجود لازم تكونى واخدة ميعاد سابق لانة مش هيوافق يقابلك اذا كان وافق مرة ف دة استثناء وخليكى عارفة انة مش هيتكرر تانى 

صرخت بها شاهيناز هاتفة بغرور

انتى اتجنينتى يابت ولا اية انتى تعرفى بتكلمى مين ؟؟

كادت الموظفة ترد عليها فهى قد استنفذت طاقة احتمالها حينما هتف ذاك الصوت الذى كان كالمنقذ لها حينما تحدث بهدوء موزع نظراتة بينهم 

اية اللى بيحصل هنا ولية الصوت العالى دة 

طالعتة شاهيناز بغرور فهى تعلم انة مجرد موظف هنا بينما نظرت الفتاة لة ثم قالت بعملية 

احنا اسفين يافندم بس الغلط مش منى  

نظر لها الاخر قائلا

افهم الاول وبعدين اقرر فية اية 

نظرت لة الموظفة قائلة

حضرتك يا مستر شادى الانسة جاية طالبة تقابل البشمهندس قولتلها انة مش موجود اتخانقت معايا وزعقت وكمان انا قولتلها حتى لو موجود مش هتقدرى تقابلية بدون ميعاد سابق 

ردت شاهيناز قائلة بغرور

يعنى اية مش عارفة هو فين 

طالعها شادى قائلا بسخرية

يعنى زى ماحضرتك لو حد راحلك الشركة دلوقتى وسال انتى فين محدش هيعرف دى موظفة استقبال مش سكرتيرتة وللعلم هو فى البيت بس حتى لو موجود مش هتقدرى تقابلية بدون ميعاد سابق حتى لو كنتى رئيسة وزرا 

نظرت لة بغيظ ثم جزت على اسنانها فهى تعلم انها لاتستطيع اهانتة فهو ذراعة الايمن كما انة يعتبر خط احمر لذا قالت بهدوء

اوكى حدديلى ميعاد

نظر لها قائلا بسخرية

ميعادك مش هيبقى بعد اقل من شهر 

نظرت لة بصدمة قائلة

يعنى اية ؟

نظرت الفتاة لها نظرة متشفية قائلة

يعنى مستر آسر لغى كل المواعيد لشهر قدام ومش هيشتغل غير من البيت وشغلة هيشتغلة عن طريق النت ومستر شادى هو المسئول عن الشغل فلو كنتى محتاجة حاجة مستر شادى يعملها ولو محتاجة البشمهندس فى حاجة مهمة تقدرى تبلغيها ل مستر شادى وهو يبلغهالة 

نظرت لهم نظرات ساخرة موزعة اياها بينهم قائلة

لا شكرا لما ييجى هبقى اكلمة 

ابتسم شادى بسخرية قائلا 

لو كدة قوليلى انا حبيت اخدم بس اصلة واخد اجازة علشان بيجهز لفرحة ومش هييجى الا بعد الفرح 

نظرت لة نظرات حانقة قابلها هو ببرود قائلا

نورتينا

بعد ذهابة نظرت لة الفتاة قائلة بفضول 

مالها دى

ابتسم بتهكم قائلا

بترسم علية بس الظاهر جات متاخرة اوى

نظرت لة الفتاة قائلة بحنق 

كويس انها جات متاخرة دى ناردين ضفرها برقبتها ياباى دى سم

ابتسم شادى عليها ثم تحرك ضاربا سطح المكتب باصابعة قائلا

اشتغلى وملناش دعوة 

اومئت الفتاة براسها عائدة لعملها بينما كان ينظر امامة بشرود قائلا

استرها يارب

______________________________

صرخت هاتفة بحنق

يعنى اية يا آسر مش هنقى فستان فرح 

نظر لها آسر قائلا

زى ماسمعتى مش هتشترى فستان فرح

نظرت لة هاتفة بحنق

امال هتجوز باية 

آسر: بفستان كتب الكتاب

سقط فمها ارضا قائلة

بتهزر بجد بتهزر انت مدرك بتقول اية انت عاوزنى احضر الفرح بفستان احمر بدال ابيض بدال مايكون رمز للحياة النقية هحضرة بلون الدم اية دة 

حرك يدة بلا مبالاة قائلا

بلاش فلسفة فاضية

صرخت هاتفة بغيظ آسر

رد عليها قائلا

ناردين

صمتت هى فى قنوط وهى تعد عدتها حتى تقلب عليه الترابيزة كما بقال فلابد ان تحضرة ب الفستان الابيض

الفصل التاسع عشر من هنا