 |
رواية بيت الخبازه الجزء الثاني 2 الفصل السابع عشر بقلم زهرة الرمان
العلويه
بنيتي إذا ملابس ماتعجبج نرجعها بيد البنيه
موفق
اني اخذها وتشتري التريده
صفا
عمو اشتريلي أنت
موفق
غير على ذوقج شمفهمني بملابس المدرسه
صفا
مثل هاي عمو قمصان عندي
بس الزي مثل هذه وخلص وقياسي ٣٨-٤٠
راح عمو وجاب زي مدرستي بس مو هلكد حلو فصاله جانت خاله انعام تشتريلي بس حاليا الله يشفي خاله حالتها تعبت
استبرق
تحركي كل هذا نوم يلا صباحي دوامج
صفا
شويه شويه عفيه بعدني نعسانه
استبرق
هاي ثالث مره اكعدج سادس هذا يرادله دراسه
تخلين كون وقت حد الحد تبقين تركضين وتبدلين ركض
قشعم
ادري ما متريكه هاج لفه
وهاي هم الج
صفا
شنو بيها هاي
قشعم
افتحيها وشوفي
صفا
الله تخببل من
شعجب اشترينها عمو موفق اشترالي
قشعم
أدري إني وياه واختاريتلج ببالي هاي وهو أبو المحل رغبه بيها
صفا
شكرا
قشعم
تدللين شتحتاجين كليلي بس نريد معدل يفرح
صفا
أن شاء الله
استبرق روتيني صار بالمرتبه الأولى خاله انعام
والأولاد والبيت
العلويه
خاله استبرق ليش ما اجيب هاي البنيه
تساعدج تنظف وتغسل
استبرق
إذا احتاج اكلج خاله
بداخلي اكول قربه لله بثواب أمي اعتني بخاله انعام وحبا بيها وبعمو موفق
استبررق
ألو أهلا سيف
سيف
ليش ما قدمتي كليه
استبرق
وضع البيت ميساعد حاليا ومعدلي ضعيف انتظر السنه الجايه
سيف
مراح تغيرين رايج
استبرق
سيف اختي صفا سادس واخواني الصغار محد الهم وخالتي مريضه
سيف
وإلى متى
استبرق
مادري
سيف
أنتي ما منتبهه إني جاي الح واعيد واسقل
متعرفين ليش
استبرق
أعرف اهتمامك بيه بس ضرفي
سيف
اني مو اهتم بيج استبرق إني احبج
استبرق
سيييف
سيف
أي وجاي اشتاقلج وغربه ودراسه وعمل وذكرياتج
يوم يوم انتظر بلكي توافقين
استبرق
سيف افهمني لو ضروفنه طبيعيه جان ما رفضت بس جاي تشوف كلما جاها تتعقد الدنيا
سيف
إلى متى أنتضر
استبرق
ماعرف
الايام بقت تصير تتشابه اليزيد فقط الخوف على خاله انعام إلي تذبل يوم بعد يوم
وزاد اهتمام عمو موفق بيها حتى صاروا اخواتها واولادهم يجون يشوفوها بس تصير زينه تگابل هبه وعلي
تعلقها بيهم يفوق الوصف
وصفا مسيطره ودرجات الفصليات زينه ونجحت
أحس باهتمام قشعم إلها وهي بهذا اهتمامه زاد واهسها للدراسه
يشجعها بدت تسولفلي براحه عن اهتمامه ببها بس أي كلمه عن الاتفاق محاجي وياها أبد
طمإني تصرفه
بعطله نص السنه عمو راد يسفر خاله انعام لكن رفضت رفض قاطع اليوم
دخلت للغرفه
ها عمو
موفق
والله عمو
جاي اراسل المستشفى دزيت تحاليلها يكول ما ننصح تجيبها
المسوينه المستشفى بالعراق نفسه
يمنه
استبرق
يعني شنسوي
موفق
هسه اخذت رقم طبيب نروحله ونشوف
استبرق
اربع ايام وصار حجز طبيب لخاله
صفا بقت يم الجهال وإني وعمو اخذناهاه
وصلنه عمو كال
موفق
قشعم ارجع للبيت ومن نخلص اتصل عليك
استبرق
دخلنه للطبيب فحص وتحاليل
الطبيب حالياً انصح تبقى تحت إشراف المستشفى لأن وضعها يزيد وينقص بلحضات تحتاج رعاية أربع وعشرين ساعة
موفق
دكتور إذا وفرتلها كل إلي تكوله واضافه اجيب ممرضه تشرف على حالتها
الطبيب
زين بس لازم تبقى على تواصل لأي طارئ تتصل على العياده انطيك هذا الكارت للحالات الطارئة تجي بيه وتجيبهه
استبرق
رجعنا
موفق
الو ريفان تفرغين هاي الفتره نفسج للعلويه وراتبج. ماشي
عمو استبرق
رح تجي بنيه ممرضه تباشر خالتج وأنتي تنتبهين وياها
استبرق
صار عمو
ورا كم يوم اجت الممرضه تراعي خاله بعلاجها
وإني وراها اباوع وياها المغرب تروح الممرضه ويبقى عمو موفق وياها وإني اتناوب عليها
صفا بدا دوامها ورا نص السنه
وعمو
يتابع بيها يگولها احبسي نفسج كم شهر وبعدين ترتاحين ويعتني باكلها
تعلمت من ريفان هواية اشياء تخص علاج خاله
حتى بليل اساعد عمو موفق
بدا وقت دخول الوزاري وحالنه نفسه بين خاله انعام إلي وضعها نوبات زينه ونوبات تتعب
اجن اخوات خاله
ام ياس وقنديل
بقوا يمها ليله ويوم ثاني عمو موفق عنده معامله راح
العلويه
استبرق مشتهيه دولمه التسوينها النه
استبرق
فرحت اشتهت شي
ادللي خاله
العلويه
تحبن دولمه إني وصيت موفق يجيبلكم سمچ
قنديل
أي شيء يمعوده
ام ياس
الله يساعده عيال صار شكبره براسه
استبرق
خليتهن يحجن وطلعت اعرف تقصدنه لأن شافو عمو موفق جايب غراض لصفا لأن سادس گلوب وميز صغير كال حتى تقرأ براحتها
بديت أسوي الدولمه وأمنت ريفان يم خاله انعام اجت ام ياس شافتني اريد الف
ام ياس
شنو بدون لحم
استبرق
هيج تحبها خاله ع طريقه امي الله يرحمها
ام ياس
شنو دولمه مال فگور بدون لحم
استبرق
سكتت وما جاوبتها
بس افور من كلامها مره چبيره احتراماً لخاله لأن مريضه سكتت
ودخل عمو موفق
جايب الغدا
كملت كلشي واجت صفا ساعدتني
خليت صفا تفرش السفره ونقلت الاكل
وإني خدرت الجاي وخليته بترمز وحضرت الستكانات
موفق
تجين لولا استبرق
استبرق
اجيت عمو
موفق
إني اگلب الدولمه
استبرق
گلب الدولمه عموه وام ياس بقت تحوس
تريد تحجي عرفتها وكعت على ايد عمو موفق شويه صلصه حاره گال اخخخ
ام ياس
ياخويه شوازاك شنو دولمه هلكد بيها مي وبلا لحم مالت فگور شصار
موفق
شنو مالت فگور ام ياس احنه نحبها هيج
لاتاكلينها ماتتسمى ماي هاي صلصه تسويها استبرق تجنن
استبرق
أخذ شويه عمو
موفق
االلله مو دولمه تفليش حامضه وبيها
حراره ولينه. عاشت ايدج استبرق
استبرق
عافيات عمو بده عمو يوزع بمواعين وما خله كبال ام ياس
موفق
خويه أنتي متحبين دولمه الفگور
العلويه
مووفق خلي ماعووون ل ام ياس
موفق
ماتحبها
ام ياس
انطيني شويه خلي اشوفها
استبرق
اخذت وبدت تأكل
أم ياس
شنو خليتيلها
استبرق.
بصل وبطاطا وطماطه وتمن وكرفس وليمون دوزي
ودبس الرمان وشويه معجون
ام ياس
تمن ومرگه ملفوفات بسلگ ولهانه
استبرق
انشغلت اوكل هبه وعلي توكله صفا
وعمو موفق مندمج يوكل خاله انعام وخلوها تحس بكلامها من اكلوها ويحمدون
العلويه الف رحمه ونور ع روحج خديجه استبرق نفس نفسيه امج هم طيبه ولو تسوين محروك اصبعه ينعزم عليه القاضي
استبرق
مشكوره خاله حبيبتي ألف عافية على گلبج
خاله انعام ضد واحد ما يذكر الميت بلعكس الميت عايش ويانه يسمعنه وينتظر نذكره بفاتحه بكلمه باستغفار
كملو هي وعمو موفق وقرو الفاتحه لروح أمي ولكل الاموات
موفق
مسيطره لولا
صفا
عمو مسيطره بس كون الحك اكمل الكيميا بقت هي والاحياء
موفق
مابقى للامتحانات شيء شوكت تكملينهن ذني
صفا
إني قاريتهن وي المدرسات بس لازم اكملهن وحدي هم حافضه منهن
بقيت اقرأ من الليل ابدي وانام بالعشره الصبح وهيج افضل
بالنهار خطار وجهال ما اركز
قرايتي كلها تبدي من 11بليل واخلص ب9/10الصبح
بقن كدامي بس 15يوم للامتحانات
ب1بليل جعت نزلت اسوي لفه لكيت استبرق كاعده وعمو موفق نايم بالكاع بغرفه خاله انعام
استبرق
هااا رايده شي
صفا
جوعانه
استبرق
اجي اسويلج شي
صفا
لأ راح الف الكبايه مال العشه واكلها
اكلت دك تلفون استبرق
سيف
رحت للغرفه اشرتلها بالتلفون
استبرق
صفا صارت كلشي تعرف عني وتعرف آخر مره شنو كلت لسيف
اخابر يمها حتى تثق بيه وتسولفلي كلشي وتعرف حدود الكلام وتتعلم تتصرف
حتى من أحد يحجي وياها بعد يومين تصير كليه
هي مو بس وأحد يعلمها وينهيها الازم شوف الحقيقة كدامها واقعياً
اختها
صح احجي وي سيف بس لازم نحترم أهلنه
ونعرف حدود كلامنه اصيرلها قدوه
أهلا سيف
سيف
استبرق بعد شهر بالضبط انقل لغير دوله
واستقر تفكرين بموضوعنه لولا
استبرق
شلون افكر وإني هنا وحدي لاخواني وللناس الفتحو بيتهم النه وتحملوا مسؤوليتنه
سيف
مااكو فايده مجاي تساعديني
لازم تفكرين بمستقبلج
إلى وين ابقى معلك شنو أنتي مو كفيله بيهم
استبرق
لاتبقى معلك سيف وإني كفيله ونص بيهم كلامي بحده
شيريد اعيف إخواني والناس الي وگفولي
صفا
تره حقه يحبج ويريدج يمه
استبرق
اعيفكم واروح لأن يحبني صفا شبيج خالتي مريضه وعمو موفق لاتشوفينه هيج ضغط وعيونه ميشوف بيهن وگرايبهم على گد المصلحه يوصلون الهم
رامي جان بيه محنه عليهم وراح
صفا
بس سيف شنو ذنبه
استبرق
مو ذنب إنما الضروف حكمتني وحكمته حتى لو بالعراق سيف ماكدر اتزوجه
بعد هاي المكالمه ما اتصل سيف نهائي
صح تجيني ساعات انقهر لأن ما انطيته أمل بس ارجع واكول شلون انطي أمل واعيف اخواني وخاله انعام وعمو موفق واختار أن أعيش وابني مستقبلي
تمر الأيام مثل سحابه صيف ركض
امتحنت صفا وخلصت
بنهايه شهر الثامن بدا شهر رمضان
وهذا الشهر الاول خاله صامت وتعبت وفطرت
وصار وقت النتائج
والحمد لله
نجحت صفا ومعدلها
77
وانقبلت علوم قسم علوم حياه
موفق
استبرق عمو نبدي نشوف الج كليه حتى اداومين أنتي اهليه لأن معدلج ضعيف
استبررق
بقينه أيام ندور على كليه تقبل معدلي آخر شئ انقبلت بكليه تربيه انكليزي
لأن كليه قريبه
داومنه وعمو موفق صار يبقى بالنهار يم هبه وعلي
لكن هاي السنه خاله تعبت أكثر والطبيب اخر شئ
كال لعمو
الطبيب
انصحك توقف منها كل علاج جسمها مجاي يستجيب
وحاولوا تسوون الها جولات ترفيه وتسلية افضل
بس متقبل تفارك فراشها وأكثر تحاول تنام تتعب من الصوت تتضايق حتى من صوت الجهال
عمو موفق حيل تعب وياها
داومت بس تعبت بين الدواام وارجع لعمو موفق اساعده بخاله والبيت والجهال
باواخر ايام شهر رمضان خاله اتصلت على مره ثقه تعرفها تساعدني بالبيت كالت خليها على التنظيف وانشغلي بدراستج
واجه عيد الفطر
مكدرنا نطلع للمقبره لأمي بسبب حاله خاله انعام
العلويه
يمه استبرق تعالي اتصلي على منار تلكين رقمها بالتلفون
استبرق
سامعه باسم منار واعرفها محاميه گرايبها
العلويه
منار داده باجر ب 9الصبح تجيني
استبرق
بعد كم يوم اجت ام ياس عرفت خاله انعام دازه عليها
بالمطبخ وجاي اوصي المره التشتغل يمنه على الكاونتر شون تنظغه حتى ما ابقى ادور على علب البهارات
ووصيتها اريد اطلع واجت ام ياس صعدت المره كالت انظف الفوك وانزل للمطبخ
ام ياس
لاتشوفين نفسج فد شي تؤمرين وتنهين
خلي ببالج مالج أي شيء غير قطعه الأرض مالت امج فلا تتلوگين يم موفق وهنا صايره أمر على هاي المسكينه
استبرق
اخت خاله انعام ومره چبيره بيبيه مزوجه حتى احفادج فصعب اجاوبج
ام ياس
أي طلعي اصلج
استبرق
خالتي مريضه والا جان شفتي بنات الأصول شلون يردن على اليدوسلهن طرف
أم ياس
شوف الحلگ الصار يتشبهه ببنات بغداد وخالتها ترس الحلگ تكولها شوفي ولج شغل التسبك والتلبك قشمري موفق وانعام بيه مو إني
استبرق
طلعت من يمها رحت لغرفه خاله انعام
خاله توصيني على شي محاضرتي بعد نص ساعه تأخرت
العلويه
درب السلامه ديري بالج على روحج استبرق
استبرق
خاله أنتي ديري بالج على روحج منا لما يجي عمو موفق
وطلعت
العلويه
يعني ام ياس صار ساعه المره ام يوسف تكول ما سوت استبرق شي وانتي تكولين تتسلط تريد
خليها تتسلط على شنو شو تكرب كراب من تجي لما تنام بشنو تتسلط على كم قطعه اثاث
إني روحي رايحه خيه
أم ياس
والله ماكو غير درب السحوره يخليكم مغسوله عقولكم عليهن
العلويه
أي والله سحر المحبه ونظافه الگلب سحر
تعبت يا بنت امي
ام ياس
إذا أنتي هيج الهن بعد شنو دزين علينه وعلى بناتنه كلما حجيتي وكلتي استبرق شايلتني وام البيت إني خيه همهما اجي احسن
استبرق
خاله انعام تتعذر من تصرف ام ياس
وإني دوم اجاوبهاه ما سوت شي عادي خاله اريد خاله متضوج كافي الألم إلي هي بيه
بعد فتره
صارت حالتها الصحية موزينه كلش
بحيث للحمام ما تكدر تمشي وتصيح تبقى اخ اخ يمه
وإني وعمو موفق گايلناها وكعدنه
بده جسمها يضعف كلش
ومن تتوجع تصيح اخ بس صوت گوه ينسمع
تأشر نجيب هبهه يبقى وجهه على وجه هبه وتهمس وتروح هبه تأشر تريده علي
نخلي يمها او تحضنه بس احنه تخليه على جسمها
عمو يدخلها للحمام يسبحها
نگلبها خاف تصير تقرحات بجسمها
ننظف مكانها او بعربانه ونطلعها بالشمس
طلع عمو موفق اليوم عنده شغل وإني موجوده يمها
اخذتها للحمام نظفت جسمها من الشعر اعرفها تلعب نفسها من شعر يطلع بجسمها
وهي شعر راسها تسويله خلطه اعشاب وتصبغه ابد ماتصبغ
رحت خليت كشور الرمان وكشور باذنجان وقرنفل وقهوه ووسمه فورتهن وبردتهن ومشطت شعرها بيهن بس قبل يوميه تبقى تخلي لشعرها هالفتره تعبانه
وغسلت شعرها بطين خاوه
وروحها بالعطر بس هاي الفتره موزين عليها
تتحسس
خليت بودره عطرها طيب عمو موفق جابه الها
وهي تهمس
العلويه
يا بتي الما نگلتهه بطني
استبرق
دموعي تنزل وامسحها من سنين جنت اشوف هيبتها ومشيتها وعطرها ولبسها الفاخر
وهسه صفت كوم عظام
ابجي واكول ربي اختم عواقبنه بالحسنى
هاي العلويه إلي عاشت حياتها البيدها مو الها
تنطي للفقير للمحتاج شكد كافله ايتام شكد بيتها لفت أرامل
1/1ليله رأس السنة
2010
عمو موفق راح جاب اكل وكيك يريد يغير جو لخاله انعام صار يومين حسينه تحسنت شويه وحتى صوتهاه صار ينسمع نخليها تتگا على الحايط وتكعد كالت استاحش لأ تخلوني وحدي اكلو واكعدو يمي
بقينا يمها لحد ما ساعه صارت ب1ونص ولازم نشوف فلم وحيدا في البيت الاجنبي
خاله جوعانه اسويلج شي
العلويه
اريد شويه شونذر
استبرق
ركضت سويت كاسه وجبتها واكلتها كلها وفرحنه اكلت لأن ماتكدر تاكل حلا اكلنه إني وصفا وعلي وهبه بس عمو من شافها ما اكلت ولا ضاگ شي بس گابلها وبقى يمسح الها حلگها من تآكل لحد ما كملت
كالت مدووني
تمددت وعمو موفق وإني يمها صفا اخذت هبه وعلي بفرفتهم نتام إني وياهها والجهال جوه من تخربطت خاله
بقينه إني وعمو موفق تباوع على خاله انعام صار لونها اصفر كلش
تقرب منها عمو يحاجيها
موفق
انعام
علويتي
استبرق
جواب خاله بس تنهيدات
موفق
علويتي هاا جاوبيني
استبرق
عمو يلح يريدها تجاوب
عمو
راح يأذن الفجر
مثل الانتبه
راح جاب القرآن
يمها وبده يقرأ عمو صوته بالقران كلش حلو بحيث إلي يستمع لقراءته يبجي من الخشوع
بقى يقرأ وخاله بدت تهمس بكلام بس مانسمع وتزيد بالهمس وعمو يقرأ
بده يقرأ المؤذن يقرأ قرآن
خاله
احس عيونها صارن اكبر من حجمهن الطبيعي وحلكها يتحرك لارادي
عمو موفق بقى يبجي ويقرا قرآن
وأخذ كتاب بقى يقرأ بيه هم
وإني بدت دموعي تنزل وامسحها اريد احجي وي عمو بس هو يبجي ويقرا لحد ما باوع على خاله وبجه بصوت عالي
طبگ القران واجه حضنها
عمو عمو شنوو
لاتخنك خاله ليش هيج حضنتها
موفق
علويتي بت عمي رفيجه صباي وشيبي
تعلعلتي بعد حيلي هيج تودعيني انعام
اخخخخخ
استبرق بقت تسأل
الضاهر من كلت اخخخ فهمت
كعدت بالكاع وبدت تصرخ
استبرق
خاااله خالله ليش ترحن وتعيفنه ليش خاله ردناج بس نفس بالبيت خاله
صفا
سمعت الصراخ عرفت خاله توفت لان هي صار فتره تموت وترجع
اخذت التلفون اتصلت على قشعم
استبرق
وي طلعه الصبح انمله البيت بكرايبهم
اخواتها واخوات عمو موفق
وهوايه ناس
اخذوها وطلعوا وإني وصفا وهبه وعلي بقينه
شويه ورجع عمو موفق
موفق
بنياتي ديرن بالجن على اخوتجن استبرق أنتي ام البيت وبنتي الجبيره
راح اخلي العلويه يم امج
استبرق
بقينه نبجي بصوت إني وصفا
حضنه عمو موفق وبقى يبجي ويانه هبه وعلي صعدناهم فوك من الهوسه خفنه يكعدون وخاصه هبه جبيره تتفقد خاله انعام وحتى علي يتفهم
إلي بقوا معظمهم اعرفهم بس ام رضا بقت يمنه موصيها عمو موفق علينه
طلعت خاله من للبيت واحسه صار يخوف كلشي بيه يخوف
جانت حتى لو بس نفس احس بأمان لأن هي شخصيتها القياديه وتعرف تتصرف
شلون خاله
يممممه شوفي من اليوم ضيفه اجتج
موفق
يحفرون القبر
وصيت قبري هذا تخلونه يم نسواني
وصلت يم راس انعام قبل لا يدفنون
بيمن وصيتي بيه
مو تدرين أنتي اديه ورجليه أنتي العيون الاشوف بيهن الدنيا
هانت العشره يانعام ترحين وما تاخذيني وياج جا مو هو وعد بينه من يوم صرتي مرتي كلتي البيت ما اطلع منه إلا وياك وج انعام اخذيني وياج
قشعم
بده يحجي وياها وانوب بقى بعيط بهيستيريا اخذيني وياج انعام اخذيني هذا وعدد وعد ماريد دنيه مابيها أنتي
