 |
رواية بيت الخبازه الجزء الثاني 2 الفصل السادس عشر 16 بقلم زهرة الرمان
العلويه
ترا شئ متوقع هم ناس تحكمهم الأفكار القبليه أكثر من خوف الله
وحامد رد فعله لأن عقله يم الناس إلي بولايته
رح بكولون ورح يحجون
فلا تلومه
موفق
شبيج انعام إني اعرف طينه حامد
هذا عباله بالهنبله والنفخه الجذابه يفرض كلمته
وهوه اجرب والله لوما خاطر استبرق
من زمان إني متاني فرصة اغطط راسه بالسيان
العلويه
اهدأ
إني اشوف رغم اختلافي وي حامد بس هو يشوفها من زاويه الناس تلسن على بنت اخوه داخلين غربه وياها لأن يعرف اوادمه هناك ولايه صغيره بسرعه تنتشر الكلمه وهو معروف هناك
موفق
اكلج أنتي شنو عاجبج الضاهر تصرفه جاي تبرريله
حامد مريض زين مرمر عيشه خديجه بحياتها وما اسمحله يتدخل بحياه البنات
استبرق
يربي بخيرهم ما خيروني وبشرهم عمو عليه
يعاقبني لأن ما أخذت ابنه اعرفه
صفا
يعني عمو سحله لولا
استبرق
شوف هاي وين احجي إني وأنتي وين
اطبلين صفح
صفا
صاير فلم اكشن يعني بروحتكم
استبرق
عمو حامد تخيلته انتوني هوبكنز بفلم بصمت الحملان
صفا
اووو وإني شيعرفني بهوكنز عيفي الافلام الاجنبيه وأبدي اقري احسن
استبرق
رغم تجمعنا ذكريات إني وسيف تضهر فجاه مثل الافلام
وتقويه الانكليزية عندي بفضل سيف بفتره جنت اكأبه عندي مسيطره عليه
يعتبر سيف نقذني من موت لأن كم مره إني فكرت أنت. ...حر
بس أحسن قرار اثبت رفضي اله لأن حامد ما يتغير لا كسره موت شكر ولا انكسر خاطره علينه موت أمي
عمو موفق ابد حجه ولا خاله انعام ما حجت
موفق
وينج بنياتي
استبرق
هاي إني عمو بس اسوي ممه لعلاوي
موفق
شنو ما تفطمونه من الممه خلوه ياكل يتعلم على الأكل
انعام
بعده خطيه وهو يأكل زين استبرق كلساع تسويله اكله
موفق
ماكو بعد استبرق هاي كتبج بنياتي واقري لأن امتحان التمهيدي لازم تتجاوزينه يلا تكدرين تمتحنين
استبرق
أن شاء الله عمو
موفق
لاتشغلين نفسج بأي شيء وأن شاء الله هاي اشوفها من اسالج ترا
استبرق بديت اقرأ وصفا هم امتحانات صار عمو موفق يعتني بالجهال وحيل اله خلك حتى لو يزعجونه ما يحجي يطلعهم ويوكلهم
صار اليه واهس صفا تقرأ وإني اقرا وعمو موفق صاح وينهن بناتي طلعنه لكيناه مسوي عشا
اعرف خاله انعام ما اسوي أي شيء لأن تتعب بس الجهال توكلهم صارت وتنومهم بس اكثر شي عمو موفق لان تتعب خاله انعام يداريهم ويشغلهم من يمنه وحتى ريوك يسوي ويكعدنه صار
موفق
أهلا أبو فاطمه شلونك
عمار
ربي يحفظك والله أبو علي ماعرف شكلك على تصرف أبو شكر امسحها بوجهي
موفق
كلمن بذنبه خوي انت ماعندك ذنب
عمار
بس إني خابرت اكلك حامد راد يسوي وصايا للبنات وإني بس إني عندي محاميه عرف كالت درجه وصايه العمام حسب بيئه البيت إلي يسكنونه الايتام
وإني قدمته وبيتي أصلا بيه غرفه فوك وكملته بناء من زمان كمل وينحكملي بالوصايا بس علمود الكشف يجون البنات وبعدها يمك يرجعن المحامية كالت مو اشكال بعدين
موفق
يعني مساله تعصب وعناد ميهمه مصلحه بنات اخوه
سرى
يعني هاي سوايتك تعرف راح يسويله مشكله حامد وياك ومراح نخلص
عمار
يسوي مشاكل وياي افضل ما وي الغربه إلبنات مرتاحات وعايشات نربك حياتهن على شنو
فوك فقدان امهن
موفق
شكرا لأن فكرت بمصلحه بنات اخوك.واني وياك بكل إلي يصير
لأ متعاجز ولا قليل حيله إذا يواجه اعرف ارده والبنات ما اخليهن برا بيتي
عمار
وإني أبو علي رغم أخوي على خطا بس هو مريض وماريده يدخل بمشاكل مع اي احد إني من يمي احلها
العلويه
وشوكت گلك عمار لازم ناخذ البنات
موفق بعد اسبوعين منطين موعد
بعد فتره....
موفق
جهزتن بنياتي
استبرق.
أي عمو نزلنه
موفق
رامي وزوجته راح يجون يمج حتى لو نتأخر نجي بليل أي شيء يصير اتصلي عليه
العلويه
أن شاء الله ما تتاخرون
استبرق
اخذنه عمو موفق لولايتنه لبيت عمو عمار
فوك صاير لفطومه وبشار بأني غرفه ثانيه
ومكمل بناءه فرحوا اولاد عمو عمار بشوفته وسرئ رحبت بينه ومسويه غدا
بنفس اليوم اجت من المحكمه هي والمحاميه كشف
وسألتنا البنيه ام المحكمه عن حالنه. المحامية مفهمه عمو عمار شنو نكول
وراحت.
موفق
بقيت يم بيت عمار إني وقشعم واجوا الكشف ومحاميه مخليهه عمار
كملو الروتين وطلعو
صارت تقريباً ب١الضهر
ردنه نطلع حلف عمار إلا نبقى ع الغدا
استبرق
تغدينه وخلصنه وجاي عمو موفق وقشعم يشربون جاي وإني وفطومه وصفا فوك نسولف مشتاقه وحده للثانيه
موفق
أبو فاطمه خل نتوكل صيح البنات
عمار
ابقوا اليوم نشوفكم
موفق.
العلويه وحدها هناك وهي مريضه خليت ابن أخوي يمها
ودوام باجر صفا
عمار
طلعت من الاستقبال وكلت لسرئ تصيح البنات فوك شفت باب الخارجي انفتحت حامد هو ورشيد جايين علينه
شلون ورطه
موفق
وكفنه نريد نطلع
ودخل اخو عمار ووياه حامد
مشيت لباب الاستقبال اريد بس اروح
كلت وينكم بناتي
ودخل كال السلام عليكم جاوبت وعليكم السلام بدون ما اباوع بوجهه
عمار
وجوه حامد ما يتفسر
حامد
تعال عمير أنت شمسوي شنو وصايا بنات حاجم مسويها انت ليش
عمار
عيف هذا الموضوع أبو شكر عدنه هسه
سيد موفق والبنات اترجاك مررها بسلام
اشرت لرشيد يحجي
حامد
شنو يعني سيد موفق والبنات جيتهم المن گتلك بنات اخوك تركب تجيبهن
عمار
أبو شكر شلون اجيبهن مدرسه عدها صفا
واستبرق هم عدها اخوان صغار تراعيهم لأن مرت السيد مريضه
وهاي وصيه ميت
حامد
ننقل الصغيره والجبيره تجي هناك ابوهم يمهم اخوته الصفار
عمار
اترجاك أبو شكر عيف هذا الموضوع
حامد
عايفه جنت وكلت خطيه خليهن وصيه امهن بس هذا موفق مو امين على بناتنه
وأنت معليك بسالفه الوصايه إني اتصدرلها
عمار
دخل وإني رحت لسرى
خلي الينات يجن خل يرحون
حامد
سيد موفق لهنا وانعم الله عليك أنت رايد تروح چنك بس لازم تعرف إني بعد قررت بناتنه يردن يمنه
موفق
وشنو صفتك تقرر
هنه يمي بوصيه وأمانه هاي
حامد
الوصيه مالها نفاذ لأن السالفه ما تصير عدنه بنات وسرح ومرح ببغداد هنا نكابلهن وذني بنات شني تطينه توثيق مايصيرلهن شي
روح انته وهنه يضلن
موفق
عدتها مره ثانيه مال سرح مرح شنو شايفنه ماعدنه غيره لو ناموس ششايفنه مخلينهن بالشارع اعرف ويا منو تحجي
ولاتتجاوز افضل الك
حامد
كلها كم يوم وبقرار من المحكمه اخذهن من حباب عيونك
موفق
همزين اخوتك مايشبهونك
دخل عمار
الله جابك أبو فاطمه نريد نروح واخوك ما يرضى نطلع من ببتك وهذا بيتك لو بالشارع جان غير رد اخذ اخوك
عمار
توكلوا على الله أبو علي
البنات بباب المطبخ
حامد
شنوووو شنو ولك تثني كلمتي وإني اكول ما يطلعن
عمار
أبو شكر
البنات تحت وصايتي صارن وخلص إني ادزهن لبيت امهن واخوانهن هناك لا اطولها وتعال عيف العالم تطلع
حامد عمييييرررررر
عمار
هد عليه ولزمه رشيد واشرلي اخذهن واطلع
طلعت اخذت أيد أبو علي
روح سيد ذني البنات الله وياكم
.موفق
خليتك بموقف صعب وي اخوك
عمار
احنه اخوان نتعارك نتصالح لا تشيل هم أول وتالي مردنه لبعض بس البنات مستقبلهم وحياتهم اهم دير بالك خويه علبهن وجزاك
الله ألف خير
استبرق
طلعته وعمو موفق وجهه احمر من العصبيه وساكتين اخذنه الدرب ولا نطق
العلويه
هسه أنت ضغطك معلك وعصبي على شنو. رجعت البنات وعمهن حل الموضوع وخلص
موفق
مو مراح نخلص بوقت الامتحانات هم ينط حامد حاقد عليه على شنو ما افتهم
المثله وهو هيج يحب بنات اخوه المفروض يفرح بس هو وين جانت خديجه شابعه ضيم منه حسدته صاير ادمي عيالي صدك
صفا
تتوقعين شسوا بعمو عمار خابرتي فطومه
استبرق
خابرت ما تجاوب وقلقه إني هسه كلش
صفا بعد شويه وهم خابري
استبرق
خابرت مره ثانيه على فطومه
وينج أتصل وماكو
فطومه
جانت معركه جوه والتلفون فوك
ماسمعته
استبرق هي إني خايرتج معركتكم وين صارت
فطومه
لسكتي عمو حامد ضرب ابوي
وعمو رشيد بقى يحجي عليه وصار غلط
حامد
مووو چن إني الجبير تسوي الوصايه وتطيهن كدامي وانوب بكل صلافه تكلي خلي البنات يعيشن مرتاحات ششافن منه
رشيد
الله وأكبر اااي أي حامد ششافن بالعافيه عليهن لگن بشر يلفينهن كااافي مستورات وعايشات شتريد منهن شسوت لأن كرايب امها جايبها بسيارة حضي الاعوج حالته المادية زينه ومخليه سايق لبنات اخوك بعد شتريد
ها فطيم بت عمار انقبلت كليه بيهه حظ
شلون وشلون اقسام داخلية وشلون تتغرب تكول هي رايجه لمريكه هاي هيه الكوفه
مو مخلين لبناتنه خط شنو كادر على الميتين اهلهن
كافي لخاطر ربك اخونه الجبير وكبرتنه وصرفت علينه وبكلشي ناخذ رايك ونمشي بشورك خلي بنات حاجم بحالهن
وهاااا هه هذا شاربي كدامكم إذا صار على البنات ببيت السيد شي بويه إني اوكف وياك والعب طوبه وازين شاربي بعد شتريد
تضرب عمار شنو بعده بالابتدائيه
بته مره وابنه خط شاربه
وكدام مرتهه وأولاده وتغلط وتضرب كافي
حامد
لأ يا دماغ سزز هيج ولك طلعتني مسودن ومچلب بالعالم
ولكن ديوثين غيره سزز ولكم لحمكم ويفترن ببغداد وماله شغل هذا سيدكم
رشيد
ارحمنه وارحم نفسك بيا زمن عايش
تريدهم يرجعن يم ايمان الي من تدخل لما تطلع تدعي عليك تكلك أنت كتلت شكر خليته يشغل هاي الشغله
اعتبرهن تزوجن مو بناتك تزوجن وراحن
حامد
ولك غسلو راسهن علينه سيف هم ينعاب ومارضت بيه استبرق ام لسان
رشيد
هو هذا مربط الفرس كول شلون ما تزوجت ابنه نحاربهن
حامد
شوفو ولكم من اليوم ماعدي خوان
واثق أبو الدكايك خله الف عله بگلبي
وانتم خوش صايرين تحجون عفيه
فطومه
وطلع عمو حامد وبس
استبرق
يعني عمو عمار صارتله هوسه بسببنه
فطومه
هو عمو حامد يدخل بكلشي
بقى يزن براس أبوي لحد ما نقلني هنا وبعده
شوفي هسه كم يوم ويبقى يفتر بمنطقتنه اعرفه انصحج لا ترجعين يمنه
لو يخطبج المحافظ لاترضين الديره لبيها حامد خرابه وضحكت
استبرق
إني خجلانه من تصرفاته كدام عمو موفق
فطومه
شكال من رجعتوا
استبرق
عمو موفق ميجيب طاريه ابد بلعكس يكلي ركزي بدراستج ولا تهمين لأي شيء
كم يوم وإني مستمره اقرأ وهو حيل اعتنى بينه يكعد الفجر ويسويلي حليب ويخلي عليه دبس ويكلي اشربي هم طاقه وهم ضعفانه
وصفا كذلك
موفق
ها بنياتي إني طالع تريدن شي اجيب وياي وماخذ وياي هباوي عينچن ع خالتجن لبين ما ارجع
استبرق
لأ عمو تسلم ممحتاجين شي
خليت صفا تقرا ونزلت يم خاله انعام شويه اشوف خاف محتاجه شئ لو علي يحتاج شي
بقيت شويه يمها ضميت ملابسها لمغسوله ما تصفطهن يبقن على أيدي إني ارتب ملابسها وهي امن النوع إلي تعتني حيل بملابسها بعطرهن وحتى طريقه التسفيط
دخل عمو موفق
موفق
هاا عمو هاج هاي نمنميات الج أنتي وصفا
استبرق
هسه عمو خليهم شكراً كثيراً ههه
خل اكمل
موفق
شجاي تسوين نص جسمج بالكنتور
العلويه
الملابس الرطبه خليتهن على الصوبه الزيتيه على وقت الكهرباء الوطنيه واستبرق هي تسفطهن
موفق
ولازم الا على للابجديه والتسلسل يلا عمو خلصي واصعدي
استبرق
عمو إني شويه واصعد
موفق
أخذي اانمنميات وروحي
استبرق
أن شاء الله عمو الحك واكمل المواد قبل الامتحان التمهيدي
العلويه
كتبي هذا االدعاء من تبدين تقرين
موفق
اقري باعتدال النجحتي خير على خير ما نجحتي عيدي لحد ما تنجحين
بلا شو الدعاء
*
اللهم اخرجني من ضلمات الوهم واكرمني بنور الفهم اللهم افتح علينا ابواب رحمتك وانشر علينا خزائن علومك برحمتك يا ارحم الراحمين .*
عمو إذا تبقين على دراستج وي انعام تترسين الدفتر ادعيه واطلعين
استبرق
لأ عمو ههه خاله دعاءها اليه يبرد گلبي والدعاء سبحان الله من اقراه يهدا مخي
اخذت العلاكه وصعدت ل صفا انطيتها
صفا
عمو يعرف شنو أحب من الحلويات
استبرق
لأ تكثرين حلاه موزين عليج يتحسس جسمج وهي امتحانات لازم ننجح ونفرح عمو موفق بتحدي وي عمو حامد يريد الزله
صفا
شوف منو يتحدى
استبرق
شمرت البيدي ودمعت
أي والله امداني
ياما أمي جانت تكلي انجحي وراي شمات ويدورون الزله وفرحيني امنيتي الدراسة ونحرمت منها
ماتت أمي بسبب قهرها مني
العلويه
وين تضلون بالامتحانات انسب حل خليها يم ييت عمار وماعتقد عمار يخلي أمور تصير عليها ونخابر ونطمأن
موفق
لازم يمها أحد يشجعها ويصير وياها
استبرق
عمو موفق متوتر أكثر مني لأن راح ابقى يم بيت عمو عمار لحد ما اخلص امتحانات
عمار
أبو علي حامد متقاطع وياي من يوم الاجيتو وإني اخذها وارجعها معليك
موفق
خليتي كل اغراضج بالجنطه
العلويه
كلما تدخلين ترددين اللهم اشرح لي صدري ويسر لي امري هذا الدعاء . الفاتحه لام البنين وسمي وحلي
موفق
هناك ولا تتصلين عليه تكولين رايحه لسوك او لبيت احد خاله ولا غيرهم بعدين إني اجي وياج واخذج وين تردين
ا
استبرق
وصلنه وعمو موفق وصى عمو عمار عليه
بديت امتحن عمو عمار ياخذني ويرجعني
وحتى من يجي أحد عمو عمار وصى الكل لا تكولون استبرق هنا
وابقى فوك
ويخابرون عمو موفق وخاله انعام على كل طول قبل الامتحان وبعد الامتحان
كملت
اخر يوم امتحان رجعت للبيت خابر عمو موفق كال حضري نفسج ساعتين احنه نوصل حت ترجعين
العلويه
أن شاء الله ناجحه شبيج خيلتي على عيوني صارن حول استبرق
استبرق
خاله عمو تأخر ما طلعت النتائج
العلويه
ما تاخر أنتي قلقه
الو
هاا عمو
عمار
بطله والله بطله
استبرق هاا عمو
عمار
والله ناجحه بس درجاتج على كد حالهن
استبرق
الف الحمد لله
موفق
والله إني متأكد تنجحين ولهذا كاعد ومطمان
استبرق
صار عندي حماس للدراسه حتى انجح
ادرس وعمو يسألني
لحد ما
صار وقت الامتحانات
صفا امتحنت قبل امتحاناتي
واخذني عمو موفق
امتحنت ومرت بسلامه وجودي بيت عمو عمار
لحد ما رجعت
بقينه بانتظار النتائج
ضهرت نتائج صفا ونجحت الحمد لله
وبقينه ننتظر نتيجتي
الو...
نايمه وعيوني بيهن النعاس
الو منو
سيف
إريد البشاره
استبرق
منو أنت
سيف
هسه عيفج منو إني اكلج أريد البشاره
استبرق
بشارتيش
سيف
استبرق حاجم
ناجحه بمعدل ٥٦ من الدور الأول
2
استبرق
شنووو منو ناجحه إني إني
سيف
أي والله
استبرق
كمزت من الفراش اتلفت مامصدكه وتلفون بيدي اركض خاله عموووو
خاله ناجحه ناجحه والله
العلويه
ضهرت النتائج منو كال
استبرق
بالتلفون
العلويه
يا تلقون
تاكدتي منو
استبرق
الوو منو أنت
العلويه
ياا شبيج استبرق
سيف
إني سيف استبرق معرفتي الرقم اشوو نفسه لو صوتي معرفتي
استبرق جفلت من انتبهت سيف من لندن شلون عرف
شلون عرفت
سيف
عرفت وخلص المهم مبروك شدي حيلج
استبرق
غلقته وخاله انعام تنتظر تفسير كلتلها
العلويه
فكري بالخطوه الجايه افضل
استبرق
الضهر اجه عمو موفق
باس راسي
موفق
عفيه ببنياتي إلي ما خيبت ضني إني كتلج گلبي مطمأن لأن أنتي ذكيه وإذا تصرين على شي تسوينه تتعلمين بسرعه
موفق
مثل ما وعدت وين تريدن تروحن اخذجن
استبرق
أول مكان اريد ازور أمي
موفق تدللين
استبرق
خاله انعام كالت روحوا انتم إني ابقى تخاف على علي وهبه حاره
بقت صفا يم خاله انعام وإني وعمو موفق رحنه لأن هاي الزيارة لأمي اريد ابشرها
زرنه وكعدت يم قبر أمي
يمه شلعت گلبچ وما اعنيت بيج يمه إني نجحت بس نجاحي فرحته مكسوره ماكو أنتي وياي وتحضنيني بجيت هواية
صفا
خاله انعام كالت ديري بالج على الجهال راح اسبح
بقيت الاعب ببهم
من باب الحمام صاحت
العلويه
سبحت وحسيت صار عندي خفقان
كلت بلاها لا احجر رجليه ولا انگعهن خل اطلع
جنت كاعده على تخته شطفت اريد ابدل صار گلبي يدك سريع
تلاحكت نفسي صحت على صفا سندتني وطلعتني
صفا
خاله شنو انطيج شسويلج بس بگلبي خفت وتوترت لأن استبرق تعرفلها هي وعمو موفق
وصار هواية ما متخربطه فمأمنين شبيها اليوم على حضي خفت وأي أحد يصدر صوت من هبه او علي اتوتر وانخبص ازيد
العلويه
بس غطيني وخلي الجهال يمي وسكتيهم مابيه شي لاتخافين
صفا
خابرت استبرق
وين هسه انتم
استبرق
ليش صاير شئ
صفا
لا بس سؤال
استبرق
هسه طالعين
صفا
عمو موفق وين
استبرق
يم المحلات يريد يشتري دهينه وحلويات
صفا
الجهال ماعرفلهم وتدرين تلعب نفسي ماكدر اغسل لعلي
استبرق
هاا هنا الحجي ولج هو هم ينلعب النفس منه چنه ورد
صفا
اوو خلي عمو يستعجل عليج الله
استبرق
عمو هم إذا يبجي يصير عنده صداع وعيونه يوجعنه غمض عيونه بالسيارة وطلعنه لبغداد
صفا بقيت اراقب بخاله بخوف
للضهر يلا دخلو جايبين وياهم غده
ودخلو شافوني اشرت استبرق شكو
عرفوا بخاله سولفتلهم
استبرق
تخربط وضع خاله انعام وبقيت اتناوب إني وعمو موفق عليها وما تركتها أبد بس حالتها تتعب ومن تصير زينه ترفض تسافر كالت حلفت بعد اموت ببيتي وما اسافر
عمو موفق ساعه يهد ويصير عصبي يريدها تتعالج وساعات يهدأ ويداريها من يشوفها تصير زينه
وهي حالتها غريبه من توكع تخوفنه بحيث تصير تراب
ومن تصحى كأن وييها شي
مر شهر وشهرين وهيج وضعها وصار
موفق
نشوف وقت نقدملج كليه بنياتي
استبرق
لأ عمو عيفها السنه على السنه الجايه
موفق
ليش بنيتي
استبرق
السنه صفا سادس
وخاله مريضه وانت هم. جاي تتعب خلي خاله تصير احسن وصفا تكمل السادس
ويجوز نقدم سوا إني وصفا
موفق
لأ عمو حرامات التأجيل يروح الحماس وتبقين خاف
استبرق
لأ عمو السنه الجايه صدك افضل
قبولات السنه مو شي بلكي تتعدل السنه الجايه
صفا
بأيام صار قشعم ياخذني للمدرسه ابد ما يسولف وياي بس يسألني محتاجه شئ او اجيبلج شي
طول الوقت إلي ياخذني ويرجعني إني أحس بشعور راحه بوجوده
من صارت العطله قليل اشوفه لأن باشر هواية أعمال لعمو موفق لأن عمو انشغل بخاله انعام ومرضها
بس صرت اعرف الأوقات إلي يجي بيهن للبيت من الغرفه الفوك اشوفه على طول احس باطمانان من احسه بباب بيتنه
اليوم
دخل عمو موفق يغسل لخاله بالحمام
واستبرق بيدها علي اندك الباب إني شفته برا طلعت
قشعم
هله صفا شلونج
صفا بابتسامه الحمد لله وانت
قشعم
بخير اكلج هاي العلاكه بيها الوصاني عليهن سيد موفق
وهاج هاي علاكه الج وبعد لاتفتحين الشباك الفوك الگبالكم يشوفونج زين ياب
صفا
هاا مو دايما افتح الشباك
قشعم
مي خالف اوصيج للحذر
والعلاكه مالتج اعرف راح تعجبج
صفا
دخلت بفرحه خليت العلاكه وصعدت
اخذت علاگتي اشوف شنو جايب
ضرف على شكل قلب مكتوب عليه هاي ساعه هديه نجاحج للسادس حتى توقتيتها يمج للدراسه وتنجحين بمعدل عالي
الساعه منضديه بس كلش حلوه عجبتني
منين يعرف أحب شكل القطط بهاي الاشياء
دخلت استبرق
استبرق
هاي شنو
صفا
من قشعم
استبرق
ليش
صفا
بمناسبه نجاحي
استبرق
لأ مو نجاحج اليوم عيد ميلادج
صفا
شنوو ماحاسبه ابد
استبرق
إني اتذكر لأن وياج مروه الله يرحمها بهيج يوم نولدتن
بس
إني لاحضتج فرحتي بشكل ملفت شعجب
صفا
أي أحد يفرح بالهدية
استبرق
اتمنى فرحه هديه
صفا احنه ببيت عمو موفق لازم نمشي عدل كلش لأن غلطه الذكي تنهي ذكائه
لازم تفكرين بعمو عمار إلي تحمل مصايب حامد وخلانه ثقه منه احنه نصون الامانه لعمو موفق
إني بعمرج تخربطت مشاعري وصرت اخوط بصف الاستكان
لأن أمي الله يرحمها شكد تعبت وياي وشكد نصحت وحجت إني جان عقلي قافل ما استغليت نصائح أمي وطعتها وكعت بكومه مصايب ووكعتها هي هم
لو مفضفضه الها عن إلي افكر بيه جان تغيرت هواية اشياء
بس ضرف حياتي جان صعب حولني إلى مجنونه بسبب بيئتنه
أنتي حالياً افضل مني
وإني بصفج بأي وقت وأي شيء
صفا
إذا اكو شي اكلج
استبرق
ألو
قشعم
هله استبرق شلونج
استبررق
أهلا قشعم شخبارك أنت
قشعم
بنعمه
استبرق
اريد اسولف وياك بشي
قشعم
كولي
استبرق
صفا موضوعي
قشعم
شبيها
استبرق
إني جاي أسألك
قشعم
إذا تسألين عن الهديه طبيعي ترا هي ساعه
استبرق
إني هم نجحت لاتفهمني غلط بس ما مهتم تهديلي بس اهتمامك بصفا شنو مصدره
قشعم
مصدره إني مافرق بالمعزه بينكم بس صفا اكو اختلاف المعزه الها
استبرق
فهمني قشعم
قشعم
صفا منتظرها هي تكون شريكه حياتي وهاي الحجي مبلغ والدتج الله يرحمها بس ولا ناطق حرف وياها عن هذا الموضوع شكوكج بمحلها إني اريدها تبقى تحت عيني لحد ما توصل بالدراسه وإني ابقى اسندها وين ما توصل
استبرق
قشعم أنت أكثر الناس شفت مشاكلنه وي عمامنه ومنريد ننطيهم فرصة يكولون غلطن او كلام حامد يسىرحن ويمرحن
قشعم
إني لامراهق ولا ما اعرف شلون اتصرف
وهم لومو عماام لو تصير كل العشاير اصير بوجهم وابقى على عهدي لامج
صفا اخذها إذا الله راد وبرضاها غصب عن بيت الداود كلهم اطمأني أنتم عرضي
وما اسمح يصير عليكم شي بس حالياً سيد موفق موجود وما اتجاوز كلمته بس حتى رادتي لصفا إني كلت لسيد موفق
موفق
هذا الموضوع سابق لاوانه صفا تدرس وتدخل كليه وهي كون تقتنع تماماً بيك وهم تنطيني عهد زلمه ما تبينلها ولا تنطق كلمه وياها والا اعذرني نجوم السما اقربلك تصير إذا حسيت صفا عرفت منك بشي يخص هذا الموضوع
قشعم لذلك استبرق اطمأني وخاصة هسه هي سادس مرحله انتقالية مستحيل اخليها تنتبه ولا احسسها بس احافظ عليها گبال عيوني وخلص
استبرق
إني بداخلي مطمانه من قشعم بس لازم جنت اريد اسمع منه
وبدا الدوام المدرسة صفا سادس
ووضع خاله ميستقر نهائي
صارت تتحرك إلا مساعده إني وعمو موفق منتركها نهائي
إني نزلت انام بغرفه الجهال قريبه على خاله انعام
وحتى صفا تدرس فوك وبالليل تنام يمي إني وياها والجهال يمنه وعمو موفق يبقى بليل يمها
كعدت اليوم الصبح شويه متأخره لكيت عمو موفق مسوي ريوك لصفا وطالعه للدوام
ومريگ خاله انعام لأن أسهر بليل وي خاله تعبت كلش
سمعتهم يحجون صبحت عليهم وعمو موفق وجهه ضايج
هاا عمو
طلع كال ديري بالج على خالتج
العلويه
تعالي استبرق رامي طلعت الهجره مالته لامريكا ويريد يروح وموفق ضاج من الصبح خابره
رامي أقرب شخص لموفق وانقهر شلون
يروح
استبرق
عمو تكأب على سفر رامي
