 |
رواية بيت الخبازه الجزء الثاني 2 الفصل الخامس عشر 15 بقلم زهرة الرمان
بسم الله الرحمن الرحيم
السلام عليكم ورحمه الله وبركاته
#بيت_الخبازه_ج٢......#بارت١٥
موفق
حامد ثگيل على گلبي كلش بس إني خطاري لازم اضيفه واحترمه حتى لو عدوي باقي مصبر نفسي وهو كاعد. يبيع بطولات عن ماضيه
علساس إني ماعرف شنو هو
سوا نفسه أبو زيد الهلالي
أبو فاطمه انتبه على تعابير وجهي الواضحه وقاطع اخوه وحجه
عمار
أبو علي احنه نقدر جهودك وي بناتنه
وحالياً البنات يمك حسب وصيه والدتهن الله يرحمها
مثل ما تعرف استبرق ما كملت دراستها
وسيف ابن عمها نزل من لندن
وعنده طلب أن ياخذها هنا تدرس تكمل دراستها وهو يمهها
موفق
زين سفر استبرق هناك تحت أي مسمى
حامد
إني مكعدها لسيف من سنين
موفق
وهي شنو عقار وتصير وقف مثلاً
هي بشر
سيف
أبو علي مرخصتكم
إني هدفي هو بناء مستقبل بنت عمي
وإذا اشترط المسمى وهذا الأصول
إني بعد موافقتها تسوي عقد قران لحين تكمله دراستها وبعدين هي تقرر
إذا رادت اكون زوج الها فهذا شرف اليه
وإذا ماتقبلتني
فإني إبن عمها وسندها ابقى لحد ما توصل لبر أمان وتعتمد على نفسها
موفق
كلام منطقي هذا المقترح
مرهون بموافقه صاحبه الشأن
بقاء البنات يمي بوصيه من والدتهن الله يرحمها معناها اني أمام الله اتحاسب على أي شيء يصير عليهن
بس إذا بيها فائده لمستقبلها إني اخلي القرار الها نفسها
استبرق
سلمنه عليهم وراحوا
وبليل عمو موفق وخاله انعام بغرفتهم بسولفون سويت العشا دكيت الباب كالو
إذا جعتو اكلو بعدنه نسولف
صفا
گصي ايدي إذا مو عمو حامد عنده شي وبس لأ يريد ياخذنه
استبرق
ياخذنه شنو شبيج عمو موفق ياكله هو أصلا يكرهه
بقينه بالمطبخ وحده تسولف
للثانيه شويه واجه صوت عمو. موفق
رحنا يمهم
موقق
شوفي استبرق عمامج جايين قدموا عرض يخص مستقبلج ونريد نسمع رايج
همه أوصياء عليج صح لأن عمامج بس أنتي يمي بوصيه امج
استبرق
سولفلي الگالوه عمامي وسيف
العلويه
إني انصحج تفكرين يلا تجاوبين لأ تنطين رأي بعجل
ام رضا
يا رجال يعني ماكو مطلگ يأخذ بنت بنوت شبيه ابنه هو غير حضه اعوج
أبو رضا
إني ما اكلج على ابنه لأن مطلك احجيلج على البنيه نفسها عمامها واهلها موفق مسولفلي شكد متعصبين
ام رضا نجرب هي كلمه الصارت انعم الله مصارت يحجايه ردي لمچانج
موفق
ماتحتاحين خويه تخابرين حتى تجين لبيت اخوج هذا بيتجه
ام رضا
عامر بيتك خويه إني كلت خاف طالعين
موفق
لأ موجودين وهله بيج غلقت التلفون
انعام وين استبرق
العلويه
فوك وياها علي
وصفا بالمدرسه
موفق
شتتوقعين تقبل ةااغاة غة ا
العلويه
والله إني اتمنى تقبل تأخذ شهادة وابن عمها هذا خوش ولد
من زمان خديجه كالت يرديها
موفق
وإني رأيي يختلف إذا على الدراسة فإني هنأ اكدر اسجلها بأي مدرسه وتأخذ شهاده
بدون ما تتغرب على شنو ترتبط بزواج وبعيده علينه بس اذا تريد ابن عمها ما نوكف بدربها
العلويه
ع گولتك بكيفها
العصر واجت ام رضا.
وياها ابو رضا
بقوا يسولفون ويانه
وأبو رضا بدا بكلام
أبو رضا
ابو علي أنت تعرف ولدنه واخلاقهم وتعرف حظ ياسر
وبصراحه علويه فضيله
البنيه الله يسلمها استبرق اسمها
دگلي دخلت بگلبي وحبتها
واجيت اكلك بلكي اكو قسمه
موفق
ابو رضا تعرف أنت أخوي مو زوج أختي لأن أنت ابن عمي وجبير اخوانه
بس هم تعرف غ ويصير خير
صفا
عرفنه جايبن يحجون على استبررق
بقت وحده تباوع بوجه الثانية
خاب كثرو خواطيبها وبارت
ام رضا تريدج لابنها وسيف يريد ياخذج ويطير وأنتي متريدينهم ثنينهم
استبرق
يا زواج ياسفر إني گلبي بيه عطابه ما تقبل تطفئ
صفا
دمعت عيونها وإني وياها بچينه تذكرنه أمي
استبرق
ما اعيفج أنتي وعلي وهبه
أمي من جانت عدله مثل ام البزازين يوميه تنگل بينه من مكان لمكان حتى تحمينه وماحسيت بالسوته إلا هسه من فرغت دنياي
نفقد الاشياء يلا نعرف بقيمتهن
أمي متتعوض
حجوا وياي عمو موفق
وخاله انعام
وجاوبت بالرفض
ومبرري ماريد اعيفكم وخلص وما متهيأهه للزواج
ورا كم يوم خابرني سيف
سيف
سيد موفق كال رفضتي
أنتي رافضه لو اكو غير اسباب
استبرق
ماكو كل أسباب بس ماكدر اتغرب واعيف اخواني
سيف
أرجع استبرق
استبرق
فطومه سولفتلي إذا ترجع تروح عليك كل البعثه وكل تعبك مال سنه يروح
وإني ماريد توقف حياتك ومستقبلك
وياي
لأن حاليا حتى لو ترجع إني ما متهيأه
للزواج
سيف
يعني شنو استبرق اسافر بدونج وإذا هلمره رحت صعب ارجع ابقى اربع سنوات
استبرق
أي واعيد اكلك مستقبلك اهم
سيف
خوش استبرق الله يوفقج
استبرق
بداخلي انقهرت عليه بس هذا القرار الصحيح
اليوم
سنويه علي وراح عمو موفق للمقبره وسوينه عشا ثواب ووزعاه
عمو
الايام تركض سريعه
قشعم ابد ما تاركنه كلما ينزل يمر ويسأل
صار فتره ماكو اتصلت عليه تلفونه مغلق
گلت لعمو موفق
كال إني اسأل عنه
قشعم
بعملي بشركات امنيه بهاي الفتره
بدت مليشيات ممعروفه او احنه نعرف
لكن المشكلة صار القتل بدون حساب
لكيت بباب بيتنه ورقه بيها تهديد لو تعيف الامريكان لو نسوي بيتك تراب
كعدت وسكتت لأن انقتل قبلها وأحد ويانه وواحد اصلا سافر
اجه اخوي مالك گال رجال بالباب يريدك
موفق
تمشيت على بيت قشعم
قشعم
اهلا سيد تفضل
تفضل أهلا وسهلا
موفق.
إني مخنوگ من البيت ما متعلم على البيت امشي خلي نتمشى
مشينه شويه
شنو موضوعك تلفونك مغلق أنت غاط هالفتره
قشعم سولفتله
موفق
يمعود هاي شغلتك خطره
عيفهم خلص أوضاع العراق ما مستقرة
احجيلي ضاملك كم فلس لو
خوارده انت
قشعم
لأ الحمدلله عندي خير من الله
بس تعرف أمي ماعدها احد وإخواني بعدهم مدارس ومصاريف
موفق
حقك صحيح
زين شوف إني جانت المحلات شكد يجون اشغلهم لأن احتاج
حالياً كعدت وسكتت ضغط وعيوني ماشوف مو مثل قبل
مسلم صار ع المحلين ممشيهن
إني اريدك ع سياره البيت مشاغلنه هواي وأنت قريب
قشعم
ماعرف والله بس إني سياقتي مو قويه
موفق
حلو
ادخل دوره تعليم واخذ اجازه وتعالي وابقى اصعد وياك اعلمك يمعود استبرق صارت سياقتها مال محترفين
يلا ولا تبقى كاعد بالبيت تختنك وتبقى تفكر
وإذا ماعندك شي هاي الحديقه جان مسلم ساتر عليه يرتبها
قشعم
صار تدلل
وإن شاء الله ادخل دوره تعليم السياقه واجيكم قريب
استبرق
تمر الايام ركض ركض
سمعت ب سيف راجع للندن
مانكر ضجت لأن ميرجع إلا يكمل ورا اريع سنوات
قشعم صار سايق بدل مسلم بس يدزه عمو لكل شغله
حت من نريد نروح لمكان ياخذنه هو
ايام تروح وترجع لحد يوم سنويه أمي
طلعنه قبل يوم اخذنه عمو موفق للمقبره
لكينه قبرهه مغسول ويانه قشعم
خمنت وحده من خالاتي بعدنه يمها عمو موفق كعد يقرأ قرآن واحنه إني وهلمره اخذنه ويانه علي وهبه واجت خاله امل وخاله ام ماجد معناها أحد اجه وزاير قبر أمي..
. كأن البارحه راحت من دنيانه رغم احنه بالشهر إذا مو مرتين ثلاثه عمو يجيبنه بس من اجن خالاتي تاذينه كلش
عمو كال لخالاتي ترجعن ويانه ماقبلن راحن
واحنه نبقى نبات بفندق
موفق
كلما نروح للمقبره ارجع البنات أو إذا ويانه انعام
للفندق وارجع المقبره اكعد وي خديجه كعده شوگ
ابقى اسولف وابجي يمها براحتي لأن ماريد يتأذون البنات
خديجه ١٢شهر وعشر ايام مال سفري بوقتها مفارگج صار
ليش ما تجيني بالحلم
گلبي تفطر من الشوگ الج زعلانه عليه أنتي حاچيني چنت اگلج لگيتج بعد ما افارگج وإذا نتفارگ اموت
خديجه إني وراج أحس مات كل شي بيه
ماعندي انتظار شي بالحياه موتج كبرني أضعاف عمري
هدمتي حيلي
بچيت حد ما عيوني صرت ما شوف بيهن.رجعت اخذت اكل الهم
وكلتلهم اروح لصديق عندي هنا
استبرق
تغدينا ورجعنا لبغداد وعمو ذبح هو وقشعم ووزعو بثواب أمي
وبيها قربت الامتحانات لصفا .
وقررت هاي السنه ارجع ادرس..
امتحنت صفا وصارت العطله وعمو موفق كال إذا تمتحنين خارجي ابدي من العطله وإني اساعدج
جان قرار صعب بس حمسوني اخطو هاي الخطوه
وبديت اقرأ بدون ما اضغط على نفسي مثل ما وصاني عمو موفق لأن كال كثره الصغط بالدراسه تملين براحتج احفظي
ورعايتي للاولاد وخاله انعام اهم شي عندي بدت تعتمد عليه بكل شئ يخصها
گرايب عمو موفق او كرايب خاله انعام
بديت اعرف شلون اخليلهم حدود ودبلوماسية اسكت أي أحد يتجاوز وهالشي خله خاله انعام تفرح لأن ما انطيهم مجال يدخلون بحياتنه بس بأدب وهدوء
أي كلمه خشنه منهم صرت اعرف أخذ مقابله تصرف يخليهم يندفنون جوه الكاع
واليتصرف صح اصير وياه كلش زينه
صفا
منو جان يحجي وياج
استبرق
إني اتصلت على عمو عمار من يوم دوره سنه أمي لهسه ما متصل عمو عمار عليه وهسه يكول انتن اسمع اخبارجن بخير الحمدلله وإذا تحتاجون أي شيء خابريني
صفا
هم زين عمو عمار محبوب
استبرق
عمو متغير
صفا
غير أنتي ضيعتي المشيتين ما قبلتي لا بسيد ولا عامي
استبرق
مو بعقلي هسه الزواج
وبدت المدارس وهاي السنه صفا خامس
ولازم قبل شهر ال11اروح احجز مقعد وعلمود الامتحانات
اتصل عمو موفق ع عمو عمار يريد شهادة وفاه مالت أبوي طالبينها وي المستمسكات
وهو قبلها خابر عمو عمار كال هي لازم تجي
للتقديم
طلعنه إني وعمو موفق ويانه قشعم يسوق
عمار
احضر والله احضر غير مهر بنت أخوي ما افرق بينهن وبين فطومه
حامد وعود وصي اخوك الاغبر إلي من يوم موت شكر لليوم ما شايفه
عزل مني بعد ما شفت وجهه
عمار
أنت تطرده وتريده يجي إني هم تطردني وما تجاوب على التلفون وتلومني شلون رحت لفاتحه خديجه وهو هم بيته بمكان بيها سيطره وجيب السنويه وتفتيش يلا ندخل لبيته
حامد
هذا الفالحين بيه عمت عيونكم من اولاد
عمار
لو مهما يصير بينه ما يكول اخوان يكول اولاد حاسبنه ولده ويهينه ويغلط وميريد أحد يزعل
خويه إني اجيبه بيدي بس كون موجود ما طالع
حامد
ليش ماتلكاه وين مولي
عمار
أبو شكر غير يروح لسوريا عنده مسؤؤل ياخذه ويجيبه بحزب......
حامد
ثول الثوله خطوره وعلاسه شعده طبگ وي حزب ناكل خبزتنه ومالنه لازم بأحد
عمار
بعدني يم حامد نسولف ودك التلفون قشعم سألني عن ورقه وفاة حاجم يردونها
خوش توصل تتفضلون يمي وتتغدون وتاخذونها
قشعم
لأ أبو عمار إذا هسه محضرها تسوي فضل لأن نلحك على التربيه ونخلص ورانه رجعه لأهلنا
عمار
جا هسه طالع يم التربيه تلكوني
قشعم
شويه ونوصل واتصلت على عمار واتفقنه
موفق
يعني تكدرون تنزلون وإني هنا ابقى لأن يمكن ضغطي تخربط
قشعم
أنت ابقى بالسيارة وإني وياي استبرق وعمها جاي بالطريق
وصلنه قريب التربيه ماكو مكان نوكف أخذ ت السياره وطبگتها من ابو كشك
ببدايه شارع التربيه مشي شويه يلا نوصل للدائره
وصلنه لباب التربيه لگينه حامد وعمار موجودين
استبرق
سلمت على عمامي احس بثكل يجاوب عمو حامد
حامد
وليش جايه بطولج من بغداد لهنا
استبرق شنو عمو بطولي وياي
حامد
وياج كرايب امج غريب
قشعم
أبو شكر إني مو غريب استبرق حساب اختي
حامد
بس مو أختك على أي اساس تمشين وياه هذا الدرب
استبرق
مااا مشينه درب وحدنه ويانه عمو موفق
حامد
هاا وياج عمج جا وينه
استبرق
بالسيارة
عمار
أبو شكر خلي نكمل معامله البنيه خويه
اخذتهم وسويت التقديم وطلعنه
الحمد لله لكيت عرف كملياها
طلعته
استبرق
هاي السنين وهاي المصايب البشر يبين متأثر وموقف وأحد يضهر شخصيته القديمه يرعد عليه رعيد على شنو
طلعنه وعمو عمار راد بس نروح
عمو حامد چلب اروح للسياره اسلم على عمج
وصلنهه عمو موفق من بعيد شفته سوا نفسه نايم اعرفه يضوج من عمو حامد بس ميحجي عليه بعدنه ما واصلين للسياره شويه وعمو حامد يدردم جايب الطريج نايم الجاي وياها وي الغربه بناتك حاجم وإني اصبر بنفسي ميسوا الكلام وياه
لأن إني جيتي ساعات واروح
حامد
سلام عليكم سيد
موفق
من بعيد من شفت حامد حتى راسي وجعني اضوج منه
سلم
وعليكم السلام أهلا ابو شكر
حامد
شنهي خويه ما نايم صار لك اسبوع نايم اضن جبت الدرب ومخلي بت حاجم يم زلمه غريب
موفق
لحظه لحظه شنو زامه غريب وشنو نايم تحاسبني
حامد
جا غير بتنه يمك ما تريد حساب وكتاب
موفق
وبنتكم شبيها وتحاسب وتكتب انوب
حامد
جا تمشي بالشارع بالولايه بطولها شنو جشعم ابن عم وليد خال
الغريب منگش غير مامنينها يمك
استبرق
التفت عليه اضن ضاله تخوطين ببغداد
موفق
شنو تخوط ببغداد مو عيب هيج تحجي
حامد
إني اعرف العيب مو أنت تكلي
عمار
ياجماعه الخير منحتاج كل هذا خلصت اوراق استبرق وتوكلوا على الله
حامد
إني هنأ الجبير شنو تسكتني وتكللهم توكلوا
موفق
شتريد يعني حامد
حامد
إني هسه عرفت بت أخوي ليش ما رضت بابن عمها حلتلها تسرح وتمرح ورجل امها
رجال بن مدينه بغدادي عده البت لازم تمشي على راحتها
لأ بويه بت أخوي وصت امها تضل يمكم على عيني وراسي ما كلت چلمه
وما دورت وراكم بس تجي بت أخوي بطولها وي جشعم وانت نايم بالسيارة ما نرضه خابرنه نجي ناخذها وتسويلها المدرسة مدري ورقتها ونردها شلون اامن بعد بيك
موفق
هواي تجاوزت وهواي حجيت تقدمت ولزمني قشعم وعمار أخذ حامد
شوف بنات اخوك يمي وبامانتي وإني سيد وجدي رسول الله وما. تعلمنه نخون الامانات او نفرط بيهن باقيه شعره لأن عمهن والا وروح خديجه حسيت ماسمع من هوسه الصارت اكدت وروح خديجه عزيزه گلبي وحبيبتي وام أولادي اخلي ولايتك تضحك عليك احشم شيبتك
حامد
لومو سيد بنات أخوي بعد ما يضلن يمك وشوفي ولج تبقين منهي عليج أنتي محد ياخذج لو تنسلينه شيب
موفق
لا تخليها تكبر برأسي اطلع منا اروح ازوجها
عمار
كافي يمعودين النمو العالم قشعم اصعد روحوا
حامد
روحي روحي وبعدين الا اردج بيدي
موفق احس صعد ضغطي اخذ أيدي عمار وصعدني . أبو علي على بختك خويه اصعد
استبرق
صعدنا واشوف حامد شلون سواها هوسه
بالشارع خلصت الدرب ابجي رجعت كل سوالفه السواهن بحياه أمي
وعمو موفق مرتين يتخربط عدنه وعصبي بس ما نطق كلمه عليه احتراما اليه
حتى قشعم من شافه ساكت بعد ماحجه لأن قشعم من صعد بقى يسأل بيه واجاوب عمو موفق كال سدو الموضوع
وصلنه لبغداد وگلبي نار خفت
شلون اروح امتحن وألف شلون صارت عندي
