 |
رواية بيت الخبازه الجزء 2 الفصل الرابع عشر 14 بقلم زهرة الرمان
#بيت_الخبازه_ج٢......#بارت١٤
استبرق
شهرين مرت على فراگج يمه
لأ صوتج بالبيت
يمه البيت مثل المهجور بعدج
عمو موفق صوته باليوم اليمر يمكن مره وحده يحجي والباقي ساكت
والعلوية
دمعتها رخصت هاي ام روح العزيزه تتوجع وما تضهر لعمو
جنتي مدللتها بلبسها واكلها
يمه صفا شكد ما احجي وياها تكلي مابيه شي مشغوله طول يومها بعلي وهبه تعلقوا بيها لأن هاي الفتره كلها هي تشيلهم وتلاعبهم وتوكلهم وما دمعتلها عين وخايفه عليها من صمتها هذا المخيف
يمه إني ضايعه أحس غركانه
صار يومين يلا انطتني خاله انعام تلفوني وكالت عن وصيه أمي ودفترها
وعرفت عمو موفق ماخذهن حتى ذهبها
الفجوه بين عمو موفق وخاله انعام بدت تزيد وهي من النوع صارت ما تشتكيله تنوجع تصيحني او تصيح صفا نساعدها بين عليها تعب الفاتحه تون الليل من الخنگه والخدر بجسمها
ولا تضهرله أي شئ لعمو موفق
وهو بده ورا هاي الشهرين يروح للشغل
مدخل غرفه خاله انعام ابد
وهي تسكت ولا تسأله
سوا لنفسه كلاص حليب شرب وطلع مرتين كعدنه وياه نسويله ريوك رفض يكوم هوه يسوي لنفسه كلاص حليب يشربه ويطلع ويجي المغرب
ما يجي على الغدا مثل قبل
غسلت دشداشته لكيت حبوب اخذتهم لخاله انعام عرفتهم مالات ضغط
عرفناه مريض ضغطه هو ورا الفاتحه مرتين يصعد ويتخربط
قرب وقت الدوام المدرسي
وخاله اخذت صفا اشترت ملابس مدرسة
رجعن بدون مايشترن وقت المغرب
وعمو موفق توا جان جاي
سألني وين خالتج وصفا كتله راحت تجهز ملابس لمدرسه صفا
سكت
ويمه هبه ادردم عليه تريده يأخذه للاسواق
وكلما يجي يخلي هبه بحضنه ويبقى يباوع بوجها ويباوع بأصابع اديها
اعرف لأن نشبه أمي
لأن هبه نسخه من أمي
2
موفق
ليش ماكلتي رايحه للكاظميه
العلويه
من اروح أخذ مسلم واكيد يكلك
موفق
ها نشتغل صرنا بالمراسيل
العلويه من زمان إني اروح للكاظميه واتغدى يم ام رضا وارجع شنو الجديد
موفق
الجديد ماخذه صفا وياج
لا تروحين لأي بيت ووياج أي أحد من الأولاد وهاي آخر مره تروحين بدون ما تكليلي
العلويه
شنو السبب
موفق
لازم انطيج سبب
العلويه
مو لازم موفق انطيك خبر ادلل
استبرق
كان عمو موفق كلما يصير موضوع ويصير نقاش تحاول تنهي الحديث متريده يتجاوز شخصيتها قويه متحب تنهز كدامنه وحقها
استمر الحزن مهيمن على بيتنه بدت صفا اداوم أول شهرين
اجت الضهر
جنت كاعده يم خاله انعام والجهال
صفا
بعد ما اداوم
استبرق
شنو ماداومين شكو
العلويه
تعالي صفا شصاير
صفا
راح انام نعسانه
استبرق
تعالي سحبتني خاله انعام
العلويه
خليها ترتاح وتسولف
استبرق
بقينه للمغرب وهي فوك
اروح اصعد اشوفها كالت خاله انعام خليها ترتاح
استبرق
بقى بالي يم صفا رحت للغرفه فوك لكيتها نايمه بملابسها
صفا اكعدي حتى غدا ما تغديتي شبيج
ماتجاوب خفت بقيت اهز بيها
عاطت
صفا
عيفيني شبيج كااااااافي عيفيني
استبرق
لج شبيج فهميني من اجيتي لهسه نايمه
لأ متغديه لأ بدلتي
صفا
ماريد ومدرسة ماروحلها ومعلللليكم بيه
استبررق
جاي افتهم منها على صوتها العالي اجت خاله انعام
العلويه
ما اكلج شنو صار بالمدرسه ولا اكول شبيج متردين تروحين بكيفج المهم لا تبقين بلا اكل شوكت ما تحبين سولفي
استبرق
طلعت خاله انعام بقيت بحجه اعزل بكنتوري وإني اشوفها تتكلب بفراشهه اذن الأذان المغرب
طلعت توضيت
وجان جاي عمو موفق
موفق
وين اختج
استبرق
بالغرفه
موفق
دكيت الباب كالت منو كلت إني
ادخل صفا باباتي
صفا
ادخل عمو
موفق
تعالي صلي ووراها اريدج بموضوع
استبرق
صلينه وشفت عمو موفق أخذ صفا للاستقبال
موفق
شوفي بويه أنتي هسه بهذا اللبيت بيتج وبيت اخوانج وإني عمج أي شيء أي شيء تردينه كليلي اليغثج كليلي عليه
صفا
محد غاثني وما محتاجه شئ
موفق
زين ليش صوتج مساعه وي استبرق
استبرق
لأن تلح شبيج شبيج
موفق
خايفه عليج.
صفا
عمو ماريد بعد اروح للمدرسه وكلت لخاله انعام وكالت لاتروحين
موفق
روحي هسه سوي اكل واكلي وبعدين نتفاهم
استبرق
دخلت صفا للمطبخ
شفتها بيده لفه اكلتها وهي بالمطبخ غسلت وصعدت
وصاحتني خاله انعام
العلويه
تعالي يمه اختج اكلت
استبرق
أي خاله
العلويه
اشوف باجر يجوز اروح لمدرستها
استبرق بعدها ما كملت ودخل عمو موفق
موفق
وين ترحين
العلويه
لمدرسه صفا
موفق
رجل الكرسي يروح معليج يحلال المشاكل
استبرق
شفت توتر بكلامهم طلعت
العلويه
بقيت اصبر نفسي وهو واكف طلع وبليلتها كلش جانت ثكيله عليه لأن عندي الألم مضاعف اليوم الابره الشهرية محصلتها لأن هو موفق يجيبهن وتوتره وياي مكدرت اطلب منه
ثاني يوم ورا ال١١اتصل مسلم
مسلم
علويه إني صار وياكم ١٢سنه من اجيتكم حتى شارب ماعندي وهسه حتى شيب طلع براسي
ما يوم حسبتكم اهل الشغل
احسبكم اهلي
العلويه
خير مسلم شمحتاج
مسلم
خيركم مغطيني ممحتاج وهو هذا المصبرني على كلام سيد موفق
العلويه
شبيه السيد
مسلم
من بدا يطلع للشغل لليوم دائما لو يفشلني لو يغلط عليه
واكول حقه مو مهم
بس اليوم كدام النسوان شبع غلط بيه
العلويه
يا نسوان وشنو السبب
مسلم
علويه إني اضن خبزتي انگطعت لأن هو طردني اليوم بلا ذنب مني
العلويه
تعال للبيت فهمني مسلم مو مالت تلفون
مسلم
خاف السيد يجي وتصير مشكله
العلويه
تعال مسلم
اجه للباب لبست عبايه وطلعت بباب المطبخ الخارجي
هاا مسلم أول مرة هو وين هسه موفق
مسلم
جان بمدرسه صفا وصارت هناك المشكله وبعده اتوقع بالمدرسه
العلويه
شنو المشكلة الصارت
مسلم
صفا المدرسه حاجيه وياها ليش تصفنين متشاركين بدل لأ تجاوب المدرسه ناتره بوجهه المدرسة ضاربه صفا
وصفا طالعه كاسره جام الشباك اليمها
ومنطيها ورقه استدعاء
من اجه اليوم سيد موفق وكالتله المديرة رجع عليه كدام المديره وكم مدرسه بقى يغلط عليه بس كتله إني اشم ضهر أيدي مسويه هيج او منطيها ورقه
كال روح لاهلك حتى تعرف شلون تشم ضهر ايدك
العلويه
روح هسه للبيت وهاك هاي راتبك للشهر هذا وبعدين يهدا وهو يخابرك ترى وي الكل هيج اعصابه اعذره وما يستغنى عنك
مسلم
لأ والله علويه ما أخذ خيرج مغطيني
العلويه
انت صاحب عائله مسلم علاج والدتك ومصاريف مدارس أخذ هذا الموضوع راتبك يبقى بينه
واندفع الباب موفق
موفق
شعندك هنا هااا هتلي ولي مو طردتك
العلويه
إني كتله يجي
مسلم
طلعت بسرعه
موفق
يعني تنطينه فلوس على شنو بلا فهميني يراقبني
لو يخربط بواجباته ما يتابع صفا فهميني
إذا اختج وبت عمي ورابين سوه وتهدد مرتي الله اليعلم شنو جنتن ادابرن من مكيده الها الغيره تموت
العلويه
وصل حد تحملي وصبري
دخلت ذبيت العبايه وارجف بقيت أول ما دخل ويعده مستمر
موفق
على أي أساس تخابرينه لأن مو بعينج موفق تعلمتي تاخذين كل القرارات من راسج
موفق فقط يسمع ويكول تم
العلويه
يزي عاد لهنااا وطفح الكيل
إذا حزين على خديجه فحزني مو اقل منك إني إلي كانت صديقتي وحتى من تزوجت صرتلها اخت
وإذا تحس بتأنيب للضمير إني أولى بهذا الإحساس لأن إني بقيت الح عليها تتزوجك حتى تجيب اطفال بس مو استغليتهه لأن هذا مجتمعنه ينتظر غلطه على المره حتى يعلگلها حبل المشنقه
جان تزوجت شخص يجوز تعيش بضيم العاشته ببيت زوجها السابق وعيالها واهلها
إني بداخل گلبي ما حقد على خديجه لأن تزوجت زوجي
أكو فرق بين الحقد وجشع وخبث
واكو غيره
غيره حتى عند الاطفال ذولي الأبرياء لأن هو شعور غريزي وحاولت اتحكم بيه قدر الإمكان وما دستلها على طرف والا جان هم هجت من بيتنه لأن خديجه صاحبه كرامه جان طلعت مني لو عرفت غيرتي تهين كرامتها او تذلها مثل ما تتصور
فمن باب أولى إني المتاذيه على فراك خديجه إني الخسرتها
خسرت انسانه صادقه ما تكذب بخوفها عليه من اتمرض ما تتهاون من كل كلبها اداريني
إني خسرتها لأن خلت امانه حملها ثكيل بناتها وابنها
حكمه رب العالمين أراد تفتر الدنيا وتامنهن يمنه إني وانت أما نصون الامانه بحكمه لاجل هاذولي الايتام أو تبقى تمشي برأيك وتعبر بحزنك بخراب هذا الييت إلي جنت تحلم اكو بيه صوت
نسيت نعمه الله عليك
جنه إذا وكعت خاشوكه نكمز ثنينه لان بيت مهجور
خديجه ما ماتت خديجه بوجه استبرق وصفا وهبه وعلي
مو شرط النحبهم نشوفهم نشوفهم بالوجدان
واما مسلم إذا على الفلوس الشفتهن فهذا راتبه لأن أنت يمكن ناسي صار شهر على شغله غير وراه عائله هو هذا المكافاه اليحصلها منه خدمته ويانه سايق وابو مخضر وكهربائي وللماطور وللخطار وللزايده والناقصه واخذنه وجيبنه اهله مايشوفهم
مكافاه نهينه كدام خلق الله
امامك كم يوم موفق تقرر اما نوكف هذا البيت مثل قبل تعاملني ابقى
تكول لأ
اروح وجهالك وبنات خديجه عندك تنطيهن لعمامهن لخوالهن تجيب خدم وحشم ميهمني لأن أولا وأخيرا الاولاد ردتهم يلزمون ضهرك بوقت الضيق
وكلت نبني بنات يصيرلنه عكازه بس إذا تبقى هيج لأ والله نحطمهن حالنه حال عماهمن وخالهن الشفيه
ما اشارك بجريمه على الايتام
موفق
كعدت بالكاع لان علي كعد اخذته انعام وطلعت
شجاي يصير بيك موفق
خديجه ليش هيج سويتي بيه
ماعرف راسي من رجليه صرت ما اعرف الصح والخطا
وهسه انعام هذا كلامها شنووو موفق شنووو
استبرق
خاله انعام بيوم إلي مراحت صفا للمدرسه اجه مسلم وسولف لخاله انعام
وبعدين دخلو هي وعمو موفق بالغرفه
طلعت وجها اصفر إني بالغرفه مالت هبه وعلي
كعد علي فاتت للمطبخ غسلتله وجهه وهي غسلت رحت وراها
خاله يوجعج شي
العلويه
وين اختج
استبرق
فوك وحتى ما تريكت
العلويه
هاج علي وانتبهي على عمج موفق اخذيله جاي نومي بصره
صعدت لكيت صفا كاعده مشككه دفاترها مال المدرسه
شنو هاي
صفا
مو كتلج بعد ما اداوم المن اخليهن
العلويه
يعني اذا امج عايشه تضربين الشباك وتكسرينه ؟
صفا بتوتر ماء قصدت اكسره
العلويه
راح اجذب على نفسي واصدكج بدون قصد انكسر ليش تنترين بوجه المدرسة
صفا
هي غلطت عليه وضربتني
العلويه
يعني اليغلط عليج تنترين بوجهه
يلا
أنتي غبيه
يلا صفا انتري وهاج اضربي المرايا الشباك اكسري واطلعي من الغرفه اثبتي أن امج ماتت
موو كعدت وإني احجي واحجي
وما حسيت إلا انفجرت بالبجي بدت تبجي بصوت وتندب امها فهمت حسرتها على امها ما طلعت من يوم ماتت خديجه
خليتها تفرغ
انفتح الباب
موفق
اشرتله أششش
بقت ترافس مثل طير مذبوح وبقت تعيط مشتاقه لأمي متحملت حضنتها وبجيت
بقت ربع ساعه بحضني تناشغ مثل الطفل
بقت تبرر سكتتها فداج شبابيج المدرسة والبيت مو مهم اهدأئي يلا يلا بنياتي
موفق بعده بوكفتت اشرتله يجيها لأن هي حيل متعلقه بيه
ونزلت لكيت استبرق بيدها علي من هالجهه والايد الثانية هبه ودموعها تصب
استبرق
وأخيرا خاله بجت صفا
العلويه
أي فرغت الحسره البگلبها
نزل موفق ورا نص ساعه إني يمي استبرق تفرك بيدي توجعني وكف بالباب كال نامت صفا
العلويه
بعض الحلول إلا مره تحلها وبعضها إلا رجال
أخذ قرار موفق
تركني وراح
اجه المغرب ووجهه بين التعب عليه
موفق باجر اروح لمدرسه صفا اخذها إني
موفق
إني انطيت فلوس للمديره بعد شنو تسوين
العلويه
لازم تعتذر صفا وهم المدرسات يعرفون ضرفها حتى ما يضغطون عليها
موفق
بكيفج
العلويه
كلت بعدين اكله على مسلم بس اضغط تدريجيا ادمجه بالواقع
أخذت صفا واعتذرت من المدرسة ودخلتها لصفها وسولفت للمدبره والمدرسات ووصيتهم وانطيت تبرعات بثواب امها كلتلهم
سطوه المال مثل السلاح بالضبط
رجعت البيت
استبرق فوك يمها الجهال صعدت اطمأنيت عليها وهم سألتني عن صفا
سولفتلها ونزلت
اتصلت على ام ياس
كلت اجه وقت الحساب
الوو
ام ياس
هله ام علي
العلويه
عندج شئ اليوم تجينه
ام ياس
خير خوما مريضه
العلويه
لا حابه اشوفج
ام ياس
ورا الغدا اجيج
العلويه
ورا ما تغدت استبرق واجت صفا وتغدت
صعدن كلتلهم روحوا ارتاحوا راح بجيني خطار لاتنزلن
وخلو علي يمي اخذن هبه وصعدن
اجت ام ياس
ضيفتها إني
بقيت اسمع منها اريد شنو تكول
ام ياس
اكلج انعام
شنو بنات شريجتج بعدهن عدكم
العلويه
لأ اخذوهن اهلهن
ام ياس
أي همزين مسؤؤايه شلج بيها ببيتج
بنات ذني باجر يصير ما يصير شيخلصكم مو جن لفيتوهم
العلويه
بس يرجعن هنا هيج راحن يشوفن عمامهن وخالاتهن ويرجعن
ام ياس
وشعدهن يبقن يمج
شنو ناوين تورثونهن وي جهال موفق
العلويه
لأ هو سجل كلشي باسمهن واسم جهال موفق
وإني هسه محتاجتج تبقين يمي لأن حالتي موزينه
ام ياس
يعني ماتت وخلت بناتها عليج انوب يشاركنج بحلال رجلج سبحان الله ماتت ما لحكت تكوش على كلشي خلت جهالها ياخذون منج الحلال
العلويه
هو الموت بيه شماته
شلون ضميرج مرتاح وأنتي هددتيها وهي ببيتي وبحمايتي وخليتها تخاف
وبعدج حتى من ماتت ما حسيتي بذنب انوب افتريتي على بناتها
هذا كله لأن عندي كم فلس وإني ماعندي أولاد وخاف تفلسين من ان تورثيني كلتي هي مريضه وعدها فلوس وبس احنه خواتها نورثها
تجي وحده من برا وتأخذ الورث هي وبناتها وإني عدله اشم الهوا
تروحين وتخوفينها
اخت أنتي
واحنه نحس بتأنيب للضمير لأن شلون مريضه وما ندري
وأنتي مخوفتها والله اليعلم شفكرت وهيج وكف گلبها التفكير يموت اسرع من الطلقه
شوفي ام ياس كل فلوسي ل هبه وعلي وبنات خديجه
يعني إني كلشي ما املك
ام ياس
شنو هددتها لا هددت ولا محاجيتهها
جذب
العلويه
اتمنى جذب يا اختي بت أمي وأبوي
علساس ماعرفج كافي ام ياس لاتصغرين أكثر بعيوني
بس من اليوم عائلتي معليج بيهم انسينه زين
طلعت بعصبيه وادردم
استبرق
بعد اسبوع من مشكله صفا إلي سولفتها صفا
وخاله انعام
صار هدوء نوعاً ما بين خاله انعام وعمو موفق
بس مسلم مارجع مرتين سمعت خاله انعام تكول لعمو موفق اتصل عليه يرجع ميقبل
الايام نمشي سريع وكل ليله جمعه عمو موفق يروح للمقبره
ويسوون ثوابات
وإني بديت أرجع اطبخ حتى أسوي ثواب لأمي وأبوي لأن عمو موفق كالي محالله وموهوبه لاهلج تسوين ثواب
اقرا على الملح الفاتحة والاخلاص وانا انزالناه في ليله القدر
واهديها
لامواتنه وحتى ل علي الرباه عمو موفق واهلهم
عمو عمار على طول يتصل عليه يسألني خاف محتاجين شي يسأل عن أدق التفاصيل
واطمأنه
واكثر من مره أحس احد يلقنه الاسئله وميزت صوته عمو حامد
بس كل الاسئله اطمانان علينه
رغم بالبداية جنت خايفه يطالب بينه عمو حامد
بس ما اجه أصلا
لأن عمو موفق اتصل على عمو عمار وبلغه
قبر خديجه قبر زوجتي ممنوع وأحد حتى يرش مي عليه
ووصل هالكلام حامد
فعرف وهو ابن عشاير مااجانه
بس يسأل مبين عن طريق عمو عمار
اليوم كعد علي يگح ومتنحس يبجي
مريض
ف خاله انعام دخلت انذار
عمو موفق جان رايح للشغل
وبس إني وياها
كلتلها عبور شارع المركز الصحي نروح وناخذه مؤقت لحد العصر إذا ما صار زين نودي لأخصائي
قفلنه البيت إني وخاله انعام واخذنه هبه وعلي ورحنه
دخلنه لباص گصيناه
ودخلنه علي لطبيب فحصه
وبقى يلج خليت خاله انعام بالقاعه بين غرف الاطباء ورحت لصيدليه المركز الصحي
اريد اصرف العلاج
سرا وواكفه
بداخل الصيدليه
بنات شابات ومراه كبيره صيدلانيه واكغه تصرف علاج
وصل السرا اليه شبهت على وحدة واكفه لابسه لابكوت ومخليه مكياج خفيف تقربت
اكولج أنتي مو اسمج استبرق
استبرق
أي
ريام
مبين ماتذكرتيني بس إني عرفتج نفس شكلج
استبرق
ماعرفتج منو لعفو
ريام
حيل تكول لعفو أقوى كلمه عندج إذا تحترمين تكولين افلتي
إني جنت وياج بمدرسه...... إلي خلبتي رجلج على رجلها وانشلع حذائها وخليتيني مثل العرجه أمشي
استبرق
تذكرررتج بس متغيره صابره حلوه
بس الاسم ميحضرني
ريام
اسمي ريام
استبرق
صرفت العلاج ورجعت لخاله انعام
بعد ما عرفت واكفه وي امها لأن ثاني صيدله ريام
وكلشي بيها متغير
وإني بعدني اراوح بمكاني فهمت أمي من كالت
أخاف يجي يوم تتندمين على ايام تفوتج وتشوفين روحج كلشي ما مقدمه لنفسج
رجعنه وبليلتها بقيت أفكر هواية
وصلت لقناعه ارجع اما مسائي او خارجي أدرس لأن صار من تركت خمس سنوات
بعدها صفا بالابتدائيه وإني بطلت
العلويه يومين علي حراره ونسهر إني وموفق وياه للصبح وحتى البنات نومهن قلق على علي
اليوم الثالث كال موفق اروح للشغل المخازن بيها بضاعة العالم مدفوعه فلوسها
لأن موفق عنده محلات جمله الجمله يعني يصرف لاهل الجمله بضاعة جان هو يسافر بس أوضاع العراق صارت مفخخات وقتل عشوائي
صارت وسيط يوصل البضاعات
يملي المخازن بكل المواد اليشتغل بيهن
يستلم فلوسهن وبعدين يبدي تفريغ وتحميل لاهل الجمله
طلع من وكت عنده تخزين واصلته بضاعه
اجه تعبان كلش
نام يمي بالغرفه علمود علي خاف يصخن
إني أحس عضامي يوجعني وجانت بس خديجه تعرف تفركني واهدا
دك تلفون موفق
موفق
الوو النعاس بعيوني
--الحك استادي المخازن احتركن
موفق
شنو يامخازن
--مخازن الببها البضاعه سيد الحك
موفق
يااا مصيبه المصيبه
انعام احتركن المخازن احتركت بضاعه العالم بملاييين
2
العلويه
ركض كوه ساعدته يلبس واصيح وراه اتصل وطمني
اخابر منو ياربي
خابرت رامي وابو رضا يرحون اله
موفق
وصلت محلات يمي هم محتركات وجايه الاطفاء بس شنو سبعين بالميه محتركات محلاتي البضاعة منتهيه ممروده مرد
التماس كهربائي
وصلت يم المحلات اريد اشوف شنو إلي سالم
لكيت مسلم مصخم وجوه المحلات
شجاابك هنااا احتركت بيك شي
مسلم
لأ سيد مابيه خابرني فهد كال محلاتكم وجت وجبت الإطفاء واجيت الحك عليهن
موفق
المحترگ كلش هواية بقيت بس اباوع لحد ما طلع الصبح علينه
مسلم جاب ولد بدو يحملون بالغراض الباقيه
مسلم
روح سيد اني انقلهن للمخزن القديم واجرد واكلك
العلويه
دخل موفق بس وجهه ما يتفسر
بدون كلام اجه يمي خلا راسه على رجلي
موفق
كلما جالها الدنيا تعوج وياي
العلويه
شصار فهمني
سولفلي عن البضاعه
فدوه المهم صحتك بالبضائع تتغوض المهم أنت سالم
موفق
فلوس العالم منين اسددهن بربج
العلويه
يتسددن معليك
بقينا اسبوع يوميه يروح ويرجع ويصفي ونظفوا المحلات وسووهن
مسلم رحع موفق اعرفه خجلان من مسلم بس ماضهر
كملوا شغل بالمحلات وانطاني الحسابات صفيتهن إني من زمان اسويلهه الحسابات
طلع عنده خسارة جبيرة كلش
ثاني يوم خابرت رامي كتله يمر علينه
اجاني وهو أصلا صار يومين يروح ويجي على موفق علمود المحلات
رامي اريد تشوفلي مشتري لكاعي إلى ب......
رامي
عمه مكانها تجاري حرامات تنباع تصير مشروع ممتاز
العلويه
رامي يشتغل بالعقارات وعقله تجاري كلش يعرف شلون يتصرف
اعرف عمه لأن مكانها يجيب سعر لأن فلوس العالم لو يشتري يلحك يجيب بضاعه لو
ينطيهم فلوسهم لذلك اكلك استعجل بالبيع اخذ مهله بس شهر
لأن مصالح العالم توكف باليوم يردون فلوسهم
رامي أن شاء الله عمه انطيني مجال وادللي
استبرق
خاله انعام ورا ١٥يوم حلت المشكله
بس عمو موفق يكول مالي بعد لا عافيه ولا واهس لهلشغله اريد شغل سهل
كاعدين سوا
إني بس استمع هو وخاله يتناقشون وجاي تنطي خيارات شنو يغير عمله
إني اجت فكره بدماغي
عمو مو عندك بيت بالكاظميه
موفق
أي
استبرق
هسه صارت تجاره السياحه. والكاظميه تعتبر مكان سياحه
وبيتكم صح قديم بس موقعه زين قريب على شوارع التودي للإمام
سويهن محلات واجرهن وانت بس أخذ اجارات لأ تروح ولا تجي وأنت مريض
موفق
اسمعي انعام لسمعي
صارت نسختج
هاي فكره انعام قبل سبع سنوات
العلويه
لأن احسن من ركضتك وتسافر وتجيب بضاعه وتصريفها وتعبها وإيجارات المحلات زادت
موفق
جانت عدنه صدامه وحده تأمر وتقرر صارن ثنين
استبرق
هاي أول مرة من ست أشهر من وفاه أمي عمو موفق شويه يتشاقئ
بعد ما سوا البيت محلات واجرهن
بقى على طول بالبيت قليل يطلع فرغ مسلم لمحل البقى مال البضائع
وهو صار يسوق
ياخذنه كل خميس كربلاء ونجف نزور
إلا بأيام امتحانات صفا
بده عمو موفق يعلمني سياقه السيارة
كال نظري تعبان على الاقل أنتي تتعلمين
تخلصين امورنه
بسرعة تعلمت بوقت قياسي رغم خاله انعام تعرف بس عدها رهبه من الشارع إني لأ
بهاي الفتره كلها محد من كرايب خاله انعام اجه
اخواتها او اولادهم
بس أبو رضا وام رضا على طول يجون
خاله انعام اجه موعد علاجها بتركيا رفضت تروح وصارت مشكله بين عمو موفق وخاله انعام
لأن تكله أخاف اسافر وهو يكللها لاتجازفين بصحتج وهي متقبل يومين همه مشاكل هي تكول سافرت وخديجة ما لحگنه عليها
وهو يكللها ماتت خديجه لان تهاونه من أعراض القلب وأنتي إذا تهاونه بعلاجج تموتين
وميكدرون ياخذونه لأن صفا امتحانات
بليل صعدت صفا تقرا وإني غسلت ملابسها واجيت اكوي بيهن
مخليه تلفوني على الشحن
دك
صفا كالت هاي فطومه
جاوبت الو
فطومه
شلونح استبرق اخباركم
استبرق
بخير وأنتي
فطومه
الحمد لله امتحانات وتعبانه وهسه اخذت استراحة وتذكرتكم مشتاقتلكم
بهاي العطلله متجون
استبرق
لأ ماكدر اعذريني كل الولايه ماكدر اشوفها بيها امي شكد انضلمت شكد انهضمت
ماريدها
عمو موفق قنع خاله انعام بالسفر ووعده الطبيب هذا آخر علاج واتفق وي ام رضا تبقى يمنه
هي مره كبيره بالعمر
موفق
خويه عندج استبرق هي تتكفل بكلشي بس اريدج تبقين عينج عليهم
وأخيرا قبلت خاله انعام تروح
واجت بليله سغرهم ام رضا يمنه
وخاله انعام الف توصيه وصت اليه ولصفا
وراحوا
وفرغ البيت وگلوبنه أصلا فارغه عگب عين أمي بس شسوي
اكعد من الفجر لأن خاله انعام كالت ام رضا تكعد الفجر تشرب حليب تخلي عليه كركم وبذور الرشاد علمود عضامها
يلا ترجع تنام
كعدت وياها سويت الحليب لكيتها تسبح نامت يمنه كلنه سوا بغرفه هبه وعلي
كالت انام جوه سوه بس صفا تصعد تقرا
خليت يمها الحليب كملت تسبيح
ام رضا
الله يرضه عليج ليش حبوبه كمتي جان ضليتي نايمه
استبرق
لأ خاله إني اكعد للصلاه
ام رضا
يرضه عليج ربي
استبرق
طلعت جنطتها الها من كنتور هبه
وطلعت علب بيهن اعشاب الكالت عنهن خاله انعام
خلت للحليب وشربته وطلعت من الجنطه منديل حلو تمسح عيونها ووجها
نزاكتها تجبرني اباوع عليها انتبهت اباوع عليها تقربت عليه وباستني
حنينه كلش
بقت تقرا بصوت ناصي
اريد اعرف شتكول
ام رضا
بوجها سؤال شقرا
اكلج هسه شقرا
استبرق
أي صحيح اريد اعرف
ام رضا
جاي اقرأ زياره عاشوراء دعاء العهد وراه
استبرق
تقبل الله تذكرت أبوي يقرأ هيج جان
وبعدها كالت بعد كل صلاه واجبه اقري الفاتحه للاموات وكولي ارحامكم وبعدين كولي لمن لم يذكرهم ذاكر ولم يصلهم وأصل
الج اجر عظيم الأموات مقطوع العمل عدهم يفرحون بهديه مثل الي بالدنيا اليفرح بالهدايا الغاليه
استبرق
أن شاء الله اسويها خاله
ام رضا
نامي حبوبه
استبرق
لأ بعد وراي اكعد صفا اريكها واسالها يلا
ام رضا
عفيه بالشاطره
البنيه مثل الشرار تفتر ونظيفه وتشتغل وتداري اخوانها
وتطبخ هبه ريح
نمت شويه وكعدت لكيتها كافه البيت
والبيت صنطه تمشط بهبه وعلي يمها
استبرق
بالسبعه اتصل عمو موفق سألني كعدتي صفا راحت للامتحان
ريگتيها
سألني عن الجهال
اطمأن على كلشي وسألته عن خاله انعام
كال اليوم تبقى لازم نايمه أول ما وصلنه اخذت الابره المهدأه وهسه نايمه
وباجر يبدون بجلسه علاجها بعد التحاليل
سلمت عليه كتله سلملي ع خاله انعام.ولا تقلق ماعدنه شي
بس هو اكد
كل ساعتين اخابرج تحجيلي بالتفصيل
كعدت ام رضا
خاله اسويلج ريوك
ام رضا
بكيفج حبوبه إني أهم شيء عندي ستكان الجاي
استبرق
سويتلها ريوك
خاله إني ما تريكت كلت وياج اتريك خاف ماتشتهين
أم رضا
بعد بيتي تعالي عفيه
تبرد الچبده هلبت
بيتي يروش من الچناين محد تكابلني لو أني وأبو رضا لو ا تكعد منهن إلا ب١١يلا يتريكن (حجيت بگلبي)
استبرق
تريكنه وخلصت لملمه البيت
اجت صفا ودك التلفون عمو موفق
حجه وي صفا عن الامتحان
وشويه كالت صفا راح اصعد انام تعبانه
استبرق اشتغل وام رضا بيدها السبحه
وتدعيلي
طلعت الفراش مال خاله انعام غيرت الجراجف شريت الدوشك على الشمس غيرت البردات
ام رضا
بعد بيتي أنتي الصايه والصرمايه للبيت
هذا حكه موفق يكول بتي الجبيره استبرق
تبرق برق من الحلاه
استبرق
ضحكت وحبيت كلامها مجنت مجاملتها
صعدت أشوف صفا
دك التلفون
رقم ممعروف غريب
دك مرتين ومو عراقي الرقم
كلت يجوز خاله انعام رقم من تركيا جاوبت
الو
الو منو ؟
سيف
إني سيف شلونج استبرق
استبرق
عايشه تحت رحمه الله
سيف
عرفت متأخر البقيه بحياتج
استبرق
حياتك الباقيه
ميدوم إلا وجه الكريم
سيف
شنو وضعكم عمو عمار سولفلي انتم باقين يم بيت السيد
استبرق
أي
سيف
زينين سال رساله غ
استبرقاغ
أي الحمد لله بخير
ارنيه
سيف ا
استبررق إني قريبا انزل اجازه
استبرق اغغة غ
توصل بالسلامه
يوميا تتصل خاله انعام او عمو موفق علينه. يطمأنون
وأبو رضا اجه مرتين وجاب مسواك وغراض
اليوم دخلت العصر على ام رضا نامت ورا الغدا
لكيتها تحمد الله
ام رضا
وجه أنتي واخوانج خير عليه
استبرق
يآرب دوم الخير هاا.
ام رضا
سنتين صار مسجله على الحج اليوم بشروني طلع اسمي
استبرق
الف بالخير عليج خاله يمي صفا باركتلها وام رضا كالت عفيه استبرق مو بنيه تكول بلسم
صفا
غير ما شفتيها قبل النسخه القديمه
استبرق
ولج
ام رضا
ياا شحلاتجن ثنينجن تردن الروح
صفا
والله يا خاله عدها منشار جان مو لسان هسه صارت تقلد خاله انعام وشويه تغيرت
ام رضا
إني اشوفجن حلوات
استبرق
عيونج حلوه خاله
ام رضا شوفي اطيب الملچوم
صفا
رفعت ايدي وعيوني للسما سبحان من يغير ولا يتغير
استبرق
ام رضا بقت يمنه ١٤يوم لحد ما اجو خاله انعام وعمو موفق
جانت كلش مريحه تعودنه عليها ما تمنيناها تروح
أول أيام جانت تعبانه خاله انعام
وعمو موفق داراها كلش يشربها حتى الماي بيده
إني بثواني چنت انقهر لأن أمي راحت متعوبه محد داراها هيج وارجع لعقلي اكول محد قصر وياها
إلا أني جنت شالعه گلبها
مرور شهر تقريبا
ودنيا ضهر عمو موفق محضرين نفسنه نروح للمقبره
وخابر عمو عمار على عمو موفق
كال جاي هو وعمو حامد يردونه
خلص الاتصال
موفق
عمام البنات جايين يردون يشوفونه اجلو الروحه
العلويه
شعجب جايين
موفق
يجوز يشوفون البنات بس هذا حامد شعنده جاي
استبرق
اجه عمو عمار وياه عمو حامد
وسيف
جاي من السفر
ضيفناهم و كعدنه شويه إني وصفا يمهم وراها طلعنه يم خاله انعام
وبقو يم عمو موفق
حامد
اليوم جايين بطلب الكم
