 |
رواية أسير الناردين 2 اسرني عشقها الفصل الرابع عشر 14 بقلم ماريان بطرس
الفصل الرابع عشر
رفعت انظارها لتلك الواقفة امامها بكبرياء وشموخ غير عادى دققت النظر فى ملابسها تلك التى تظهر انها من علية القوم كانت ترتدى سروال من الجينز الممزق يعلوة كنزة قطنية وتضع فوقها بليزر يجسدون جسدها بحرافية شديدة جسدها كتلة من الاغراء شعرها تموجة باحدى المكوات الكهربائية وتضع على وجهها بعض زينة الوجة بحرافية ودقة جعلها جميلة جدا وماترتدية من كعب حذائي يجلعها اطول بجانب انها طويلة نوعا ما جسدها ممشوق تضع نظارة شمسية تحجب رؤية عيناها كل هذا جعل ناردين كمن تجلس على جمر ملتهب اغمضت عيناها محاولة كبت جماحها الان وعدم فعل اى حماقة ولكن صوت تلك المزعجة هتف باستياء وغرور
انتى ياااا خلصى آسر باشا جوة ولا اية مش هفضل واقفة كدة كتير
نظرت لها ناردين بغيظ ثم حدجتها بنظرة ضائقة وقالت
اة موجود بس مش هينفع تدخليلو من غير ميعاد سابق حضرتك
ابتسمت الاخرى بتهكم من زاوية فمها وقالت
قوليلو شاهيناز البنهاوى وعايزاك فى موضوع مهم وهو هيوافق
نظرت لها ناردين ثم اومئت براسها وامرتها بالجلوس لحين عودتها من الداخل و تحركت برتيبة متجهة لمكتبة دقت الباب ثم دخلت رفع آسر رأسة تجاهها متسالا عندما وجد ملامحة منزعجة قائلا
خير ياناردين فية اية؟؟
نظرت لة ناردين ثم تحدثت بغيظ وضيق قائلة
فية واحدة سمجة برة عاوزة تقابلك ومصرة اقولها مفيش ميعاد مصرة بردة وبتقول انك لما تعرف انها هنا هتدخلها
زوى آسر مابين حاجبية باستغراب قائلا
واحدة؟؟ واحدة مين دى؟؟!!!
نظرت لة ناردين قائلة
بتقول ان اسمها شاهيناز البنهاوى
نظر آسر امامة بشرود وقد وضح علية التفكير ثم اعاد نظرة لها بعد ان اخذ قرارة قائلا
خليها تدخل
هة ؟؟!!!
نطقتها ناردين بصدمة
فنظر لها آسر نظرة الجمتها قائلا
بقول خليها تدخل فيها اية دى ؟؟
نظرت لة ناردين بضيق وهى تدب قدميها فى الارض كطفلة صغيرة قائلة
مفيش حاجة هيبقى فية اية حاضر هخليها تدخل ماشى
ثم تحركت تحت نظرات آسر المستمتعة بضيقها خرجت وجدت ايلين قد حضرت تنظر لتلك الجالسة فنظرت لها ناردين قائلة
اتفضلى البشمهندس مستنيكى
رمقتها الاخرى بنظرة منتصرة و تحركت معها تجاة مكتبة تحت نظرت ايلين المتسائلة ثوانى ودلفت معها تجاة مكتبة راسمة ابتسامة رقيقة على محياها مدت يدها تصافح يد اسر وهى تقول بنبرة رقيقة
ازى حضرتك يا بشمهندس آسر انا شاهيناز حمدى البنهاوى
صافحها آسر قائلا
اهلا وسهلا ثم اشار الى الكرسى رادفا
اتفضلى
رمقتة ناردين بنظرة ساخطة منذ متى وهو يتعامل مع الناس بتلك الطريقة الرقيقة والمريحة بينما اردفت الاخرى بنعومة وهى تجلس بابتسامة مغرية واضعة ساقا فوق الاخرى بحركة ارستقراطية وهى ترفع وجهها بشموخ
ميرسى خالص يا بشمهندس انا كنت عاوزة اتكلم مع حضرتك فى موضوع مهم بخصوص الشغل
ثم اردفت وهى تنظر لناردين بتحدى بس لو سمحت لوحدينا
نظر لها آسر ثم اومئ براسة قائلا
اكيد طبعا مفيش مشكلة
ثم نظر الى ناردين رادفا
ناردين لو سمحتى ممكن تسيبينا لوحدنا
جزت ناردين على اسنانها بحنق من تلك الفتاة اللعوب التى دخلت حياتها فجاءة وهى تطردها قائلة بغيظ
تحت امرك يابشمهندس
ثم ضغطت على كل حرف قائلة
خارجة اهو
ثم التفت للخروج انتظر آسر حتى تمام خروجها واغلاق الباب بنظرات جامدة ثم التف للنظر للجالسة امامة بعيون النمر واضعا مرفقية على المكتب امامة مشبكا اصابعة معا وقد حضرت هالتة المهيبة قائلا بقوة لاتليق الا بة
اتفضلى سامعك
______________________________
جلست تنظر لة بينما نظر هو لها قائلا
اتفضلى اتكلمى انا سامعك
نظرت لة ثم قالت بجدية
طبعا حضرتك متعرفنيش احب اعرفك بنفسى انا شاهيناز حمدى البنهاوى بنت حمدى البنهاوى
اومئ آسر دون حديث منتظر ان تفضى مالديها بينما اكملت هى
انا على علم بالمشكلة اللى بينك وبين بابا وجاية اصفى المشكلة دى
نظر لها ثم قال
بمعنى ؟؟؟
بمعنى انى عرفت ان فية مشكلة واما كنت موجودة ساعت ماحضرتك كنت موجود فى مكتبنا وعملت مشكلة كبيرة عندنا
نظر لها آسر وعيناة تخترقها ثم تحدث بجمود قائلا
واكيد انتى عارفة انى مش سبب المشكلة
اومئت براسها ثم قالت
عارفة وعارفة ان بابا هو الغلطان وزى ماقولت لحضرتك انا جاية هنا علشان انهى المشكلة دى خالص واقدم عربون محبة زى مابيقولو
نظر لها آسر محاولا سبر اغوارها ثم قال
انتى عاوزة توصلى لاية
ابتسمت برقة وهى تنزع نظارتها الشمسية لترف باهدابها لتجذب انظارة لعينيها مظهرة لونها الازرق كلون البحر لم يهتم آسر بعينيها او لونها او ان كانت طبيعية ام عدسات قائلا
ها عاوز توضيح اكتر
وضعت نظارتها على مكتبة والتفت تواجهة اكثر بكامل جسدها ثم قالت بغموض
الصفقة الجديدة اللى كان فية مشاكل بينك وبين بابا عليها
نظر لها قائلا
مالها ؟؟
اجابتة بوضوح قائلة
احنا متنازلين عنها ليك
افندم !!!
تلك الكلمة خرجت منة بصدمة بينما اومئت براسها مؤكدة قائلة
مش دى الصفقة اللى كان فية مشاكل بينك وبين بابا عليها
اجابها بوضوح
اة بس لية
شاهيناز: تقدر تقول عربون محبة
لم يتحدث بينما عيناة حثتها على التوضيح لذا قالت موضحة
بابا كبر فى السن وبيأهلنى انى امسك مكانة فى الشركة من بعدة لانى بنتة الوحيدة وانا بصراحة مليش فى اللعب المتدارى وحابة اكسب صداقة التايجر فقلت الصفقة دى هتكون وسيلة صلح بيننا
نظر لها ثم اجابها بقوة
ولية منقولش ان دى لعبة منك انتى وباباكى
وضعت مرفقيها على المكتب مشبكة اصابعها معا ثم اجابتة باسلوب اوضح ذكائها ومكرها
بيتهيالى مش من الحكمة انى العب مع التايجر وكمان فيس تو فيس ممكن العب بس من تحت الترابيزة زى مابيقولو لكن لو لعبت بالطريقة دى هتبقى سذاجة منى وانتحار كمان لانى مين اللى يلعب مع التايجر حوت سوق الهندسة وصاحب اكبر نفوذ وسلطة فى مصر فانا اكيد مش ناوية على الانتحار
اجابها هو
واية مصلحتك من انك تخسرى صفقة زى دى؟؟
اجابتة قائلة
صداقة منى للتايجر وانت اكيد عارف ان فى شغلنا دة لو عادينا منعاديش الكبار علشان ميدوسوش علينا واتمنى ان حاجة زى دى هتبقى بداية صداقة بيننا واللى انا اعرفة ان صداقة التايجر يعنى حماية وقوة
ثم نظرت لة لعينية وقالت برقة و بدلال محاولة كسب محبتة
ها اقول ان احنا بدأنا صداقتنا
اومئ آسر براسةدون حديث
ابتسمت لة وقالت
ميرسى خالص يا تايجر ميرسى خالص
اومئ براسة قائلا وهو يبادلها بابتسامة دبلوماسية
ولا يهمك
لملمت اشيائها ثم نظرت لة قائلة وهى تسبل عينيها وتتحدث برقة
انت مش عارف انا مبسوطة اد اية انى قابلتك واتعاملت معاك دة حلم عمرى انى بس اتكلم مع التايجر
اومئ آسر براسة دون حديث بينما تحركت هى قائلة
امشى انا بقى
تحركت للذهاب بينما تابعها آسر للخارج للخروج من من المكتب
____________،__________________
على الجانب الاخر
خرجت من المكتب حانقة تغمغم بكلمات غير مفهومة نظرت لها ايلين وتفهمت حالتها فتلك الفتاة تمتلك من الجمال والارستقراطية ماتظن ناردين بانها لا تمتلكة فنظرت لها ثم قالت
اية فية اية ؟؟!!!
نظرت لها ناردين ثم اجابت بحنق
البنت الملزقة اللى دخلت عند اخوكى جوة دى طردتنى والله اعلم بتعمل اية جوة معاة قال اية حاطة رجل على رجل وتقولة
ثم جلست تقلدها قائلة
ممكن يابشمهندس اتكلم معاك فى شغل ولوحدنا
رفعت ايلين حاجبيها بذهول من حركاتها تلك ثم نظرت لها ايلين وهى بالكاد تمسك ضحكاتها ثم قالت
طيب ماهى الست هتتكلم فى شغل اهى اية اللى مضايقك ؟؟
وقفت ناردين متخذة وضعية الهجوم ثم قالت
وانا اية اللى هيضايقنى بس تطردنى من المكتب بتاع اية وبعدين شغل اية دة اللى بينها وبين آسر اذا كان اصلا بين ابوها واخوكى عداوة فى الشغل
نظرت لها ايلين ثم قالت
وجايز جاية تصفى الخلافات
نظرت لها ناردين ثم تخصرت قائلة
وهى اللى تصفى الخلافات تيجى
باللبس دة وبعدين كانت تيجى ومعاها ابوها مش جاية لوحدها
ايلين: جايز جاية من وراة
ابتسمت ناردين بتهكم قائلة باندفاع وضيق
جاية من وراة ولا جاية من قدامة المهم تظبط الزبون وتعرف تصطاد كويس
ارتفع حاجبى ايلين بذهول فيبدو انة قد صدقت الاقوال بان غيرة المراءة قاتلة فقد تحولت صديقتها بالكامل فليست هى تلك المرحة بل هو يليق عليها لقب انثى النمر فهى تليق مع اخيها بالتاكيد فهو ان كان هو نمر فهى انثاة افاقت على حركاتها العشوائية بالمكتب وهى تقول بينما تقضم اظافرها
ياترى بيعملو اية لدلوقتى انا مش عارفة ماهو انا خايفة بصراحة منها لتاخد الواد منى .. ايوة ماهو امور ووسيم ولا عنيه يخربيت حلاوتة انا خايفة منها
قالت جملتها الاخيرة وهى تلتف لتنظر لايلين بخوف
شهقة رقيقة خرجت من فم ايلين وهى تنظر لها ماذا حدث لصديقتها اصبحت مجنونة بالفعل حركت راسها بياس مع ابتسامة فقد حولها اخيها لعاشقة لة وكبلها بعشقة نظرت لها ثم
ابتسمت قائلة
بس انتى قولتى انتى من خلال كلامك البنت مقالتش حاجة ليكى ولا جات جمب آسر كل الموضوع انها جايالة علشان شغل وبعدين هى متعرفش انت مين علشان كدة اتعاملت على انك مجرد سكرتيرة عندة يعنى محصلش حاجة لدة كلة
ناردين بضيق: وطريقة لبسها؟؟
ايلين: واحنا مالنا ومال طريقة لبسها المهم مين اللى فى قلب آسر وبيتهيالى انتى عارفة مين اللى ف قلبة
سحبت ناردين الهواء داخل صدرها ثم نظرت لايلين واومئت براسها
ثوانى ووجدوا الباب يفتح وتخرج منة شاهيناز وعلى وجهها ابتسامة مغرية ثم قالت برقة ودلال وهى تصافح آسر امام ناردين
ميرسى خالص على ذوقك يابشمهندس
ابتسم آسر مصافحا اياة قائلا
العفو وميرسى ليكى انتى على تعاونك
ابتسمت الفتاة قائلة
على اية يابشمهندس بس ... بعد اذن حضرتك بقى ومبسوطة جدا بالتعامل معاك
اومئ آسر دون حديث سحبت ناردين الهواء داخل صدرها بينما كانت تقف ايلين بجانبها تمسك يدها محاولة تهدئتها وهى تعلم مايجول بخاطرها بينما تحركت الاخرى متهادية بدلال فى خطواتها لكى تذيب قلب آسر من خلفها بينما ترك آسر الباب دون النظر لها متحركا للداخل دون النظر حتى لها فليست هى من تحرك حتى شعرة فى رأسة
دخل آسر بينما تحركت ناردين بعصبية داخلة خلفة كان آسر منكب على الملفات امامة يتفحصها بينما ناردين تقف امامه بصمت ولكن تنفسها العالى اعلمة بانها غاضبة وبشدة رفع آسر نظرة لها ثم قال
اية هتفضلى واقفة كتير كدة يا اما تتكلمى يا اما تمشى؟؟
آسر ليس بالغبى يعلم جيدا ما تشعر بة ولكنة يريدها ان تتحدث ان تفضى مالديها لة نظرت لة ناردين ثم قالت بحنق
هى البت دى كانت عايزة اية؟؟
رجع براسة للملفات مرة اخرى قائلا
شغل
نظرت لة ناردين بحنق وقالت بضيق
واية الشغل اللى بينك وبينها؟؟
اجابها آسر قائلا
هندسة. يعنى شركتى وشركة باباها هندسة هيبقى اية اللى بينا ؟؟
ناردين: مش فاهمة؟؟
رفع آسر نظرة لها قائلا بهدوء مع ابتسامة رقيقة تختصها وحدها وهو يتحرك تجاهها ممسكا كتفيها برقة
عاوزة تسوى الخلافات اللى بينى وبين والدها فبتقول انهم مش هيدخلو الصفقة الجاية من الاساس ويبقى حلال علينا لما نفوز بيها لوحدنا كبداية عربون محبة بيننا علشان ميبقاش بيننا مشاكل
نظرت لة ناردين قائلة
طيب لية ؟؟!!
ابتسم آسر قائلا
لان بينى وبين ابوها مشاكل من زمان وكملت لما خلا السكرتيرة بتاعتى اللى قبلك تنقلة اخبارى وانا حطيتة فى دماغى وطبقا لكلامها انة بياهلها انها تمسك الشركة بعدة فمش عاوزة مشاكل مع حد وخصوصا انا فبتقدم الصفقة الجاية لينا عربون محبة ..فهمتى ؟؟
تنهدت ناردين قائلة
يعنى بتكسب صداقتنا فى الشغل؟؟
اومئ آسر براسة قائلا بالظبط كدة
ثم اردف قائلا
المهم مش عاوك تتعبى نفسك النهاردة اوكى؟.. وبكرة خدية اجازة ولا اقولك كمان النهاردة اجازة
قطبت حاجبيها باستغراب متسالة
لية؟؟!!!
آسر: بكرة كدة كدة اجازة علشان الحفلة والنهاردة كمان.. تروحى وظبطى نفسك للحفلة
ناردين: بس يا آسر..
آسر وهو يحركها للامام :مفيش بس يلا على البيت
ناردين: طيب والفستان؟؟
آسر: كل حاجة هتوصلك البيت وانتى السواق مستنيكى تحت
تحركت ناردين تجاة مكتبها بينما وجدت ايلين تتحرك للخارج نظرت لها ثم قالت
ايلين هو انتى رايحة فين
ايلين باستغراب :مش عارفة بس حسام اتصل بيا وعاوزنى بسرعة فى البيت
ناردين باستغراب: لية؟؟!!
مطت ايلين شفتيها قائلة
مش عارفة بس هو طالبنى بسرعة باى بقى ولما افهم ابقى افهمك
ابتسمت ناردين ثم تحركت للخارج شاعرة بوجود خطب ما
______________________________
كان يركض ساحبها معة وهى تنهج بصوت عالى الى ان وقفت قائلة وهى تنهج محاولة ضبط انفاسها
واللة انا مامتحركة تانى بس... اة ....انا مش هتحرك غير لما افهم فية اية.. انت لففتنى على المحالات كلها فى المول دة وتبص وتقول لا مفيش حاجة حلوة ونمشى انا مش فاهمة حاجة
سحبها من يدها قائلا
طيب امشى بس وهفهمك كل حاجة بس الاقى الحاجة اللى انا احسها
وسحبها ولكنها ثبتت قدميها بالارض هاتفة بعصبية
انا حلفت وهحلف كمان مرة. والله يا كريم لو مفهمتنى فية اية مش هتحرك. هو اية ؟؟وفية اية اصلا؟؟؟!!! عمالين نلف على محلات اللبس بتاع البنات فى المول من الصبح وانت تبص وتقول لا مفيش حاجة عجبانى وتمشى انت هتشترى ليك فستان ولا اية دى مش عيشة
وضع هو يدة على فمها ملتفا حول نفسة ليتاكد من عدم سماع احد كلماتها ثم قال
هشششش اية اتجنيتى فستان اية اللى هشترية ليا هو انتى شايفة قدامك سوسن
غمغمت من تحت يدة بكلمات غير مفهومة فنظر لها قائلا
بتقولى اية ؟؟!!!
ضربتة على يدة فازالها بينما نظرت لة بحنق قائلة
هتكلم ازاى وانت كاتم بوقى كدة وبعدين ما انت بقولك عاوز اية
نظر لها ثم اجابها بحنق
كنت عاوز اشتريلك فستان واجمل فستان فى المول كمان
نظرت لة باستغراب قائلة
وكل الفساتين اللى شفناها دى معجبتكش ؟؟!!! وبعدين عاوز تشتريلى فستان لية ؟؟!!
اجابها بحذر وعلى وجهة ابتسامة واسعة
الشركة بتاعتنا وشركة آسر عاملين حفلة وانتى هتحضريها معايا و عاوزك تبقى برنسيسة واجمل حتى من ناردين اختى فعلشان كدة هشتريلك فستان وهتحضرى معايا الحفلة
ثم امال جسدة تجاهها مما جعلها تتراجع للخلف بتوجس وقال
و عايز حبيبتى تبقى اجمل واحدة فيها كمان
سحبت الهواء داخل صدرها ثم وضعت يدها على صدرة بتوتر محاولة ارجاع جسدة موضعة وهى تتلفت حولها بخوف وضعت يدها بينما انتفض قلبة بقوة اسفل يدها توترت اكثر وارجعت يدها عن جسدة متراجعة للخلف بتوتر وقالت بتلعثم
خ خل خلاص خلي خلينا نشوف الفستان
ابتسم هو عليها وهى تركض امامة للمحل القريب قائلا
مسيرك ياملوخية تيجى تحت المخرطة
ضحكت هى على اسلوبة العابث ولكنها لم تلتف لتنظر لة
وصل الى ذلك المحل بينما هى تتلفت حولها تبحث عن الفستان الى ان التمعت عيناة وابتسم ثم ناداها قائلا
مى!!
التفتت لة قائلة
نعم!!
اشار لها دون حديث على الفستان ثم قال هو دة
ثم اشار للبائعة قائلا
لو سمحتى هى ممكن تقيس دة
اومئت البائعة ثم اخذت مى لغرفة القياس
دخلت مى الغرفة بينما وقف كريم ينتظرها الى ان خرجت لها ما ان التف لينظر لها حتى تصنم مكانة كان الفستان طويل باللون الذهبى بة بعض التطريزات اللامعة البنية بحمالات رفيعة يجسم جسدها من اعلى ثم ينزل باتساع كان الفستان كتحفة فنية عليها متماشى مع لون يديها الابيض وكذلك عيناها العسلية جعلتة رائع الجمال عليها رف كريم باهدابة واتسع فمة ثم نفض رأسة يمينا ويسارا محاولا الخروج من دوامة سحرها مما اصابها بالخجل ثم تحرك تجاهها ممسكا اياها من كتفيها قائلا
اية الجمال دة كلة
نظرت للارض بخجل بينما امسك هو ذقنها رافعا اياة لتقابل عسليتها سوداويتة قائلا
متبصيش فى الارض يا مى بوصيلى دايما وخليكى عارفة انى بعشقك
اومئت براسها بخجل بينما تحدث هو بعبث قائلا
مى روحى البسى وخلصى لاحسن انتى حلوة اوى وانا مش قادر امسك نفسى الصراحة
نظرت لة ثم ركضت للداخل بعد ان فهمت مقصدة بينما هو ابتسم قائلا بشرود
هانت خلاص هانت
______________________________
دخلت للمنزل لتنظر لة وجدتة يجلس بالمنزل وتجلس معة احدى السيدات وبمجرد ما ان دخلت حتى وقف قائلا
اخيرا البرنسيس بتاعتنا جات
نظرت لة ايلين باستغراب ثم حولت عينيها لتلك السيدة تلقائيا مريدة ان تفهم ماذا يحدث فاجاب سؤالها المستتر قائلا
دى مدام حلا مصممة ازياء
نظرت لها ثم قالت
طيب وانا مالى جايبنى لية ؟؟!!
ابتسم لها ثم قال
ماهو لو حبيبتى استنت فهتعرف كل حاجة دلوقتى
تخطبت وجنتها بالحمرة من تلك الكلمة التى قالها امام تلك السيدة بينما اكمل
مدام حلا عملالك ديزاين بتاع فستان وجاية تشوفو عليكى علشان لو فية اى تعديل
نظرت له باستغراب وقالت
فستان!! فستان اية ؟؟!!!
حسام: فستان هتلبسية بكرة
ايلين باستفهام: بمناسبة اية ؟؟
حسام: حفلة عاملينها للشركتين كنوع من الدعاية مش مهم اى معلومات عن ااحفلة دلوقتى المهم الفستان
نظرت لة باستغراب وقالت
بس انا عندى فساتين كتير يا حسام وفية فساتين ملبستهاش ولا مرة البس اى حاجة منهم
صدمها بجديتة قائلا
لا طبعا لازم فستان جديد وتصميم مختلف
ثم نظر لها بولة قائلا
حبيبتى مش اى حد ولازم لما تلبس تلبس اجمل حاجة ثم امسكها من كتفيها محركا اياها قائلا
ومش وقت كلام دلوقتى امشى وبعدين نتكلم
تحركت هى تحت دفعة ثم ارتدت الفستان كان فستان من اللون الموف ينسدل على جسدها بنعومة بحمالات رفيعة وفوقة شاش من اللون الموف يلتمع بة تطريظات هادئة من اللون البيج التى تختلط بة متماشى مع لون خصلاتها البنية.. تحفة. تحفة وصنعت فقط لاجلها تلك الجميلة التى لم يشبهها احد نظر لها بعينيها تلك التى تاخذة لعالم اخر فقد كانت عيناها عبارة عن دائرتين الدائرة الخارجية من الزيتوتى الداكن اقرب للعسلى والداخلية باللون العسلى الهادئ مختلفة هى عن جميع الفتيات فهى اميرة قلبة من استولت علية دون شريك او منازع حتى من طفولتها نظر لها ثم امسك يدها لاثما ظهرها قائلا
اميرتى لا يضاهى جمالها جمال
اجابتة قائلة بشك
بجد!!
اومئ براسة بينما تحدثت السبدة قائلة
الفستان مشاء اللة طالع تحفة عليكى ومش عاوز حاجة كدة انا اقدر امشى
تحركت السيدة للذهاب بينما ابتسم هو قائلا
امشى انا لاحسن لو آسر شافنى هنا هتبقى ليلتى سودا
اومئت براسها بابتسامة ولكنة تسمر على الصوت الصادح
استنى مس هتمشى دلوقتى
التف راسة لرؤية المتحدث بينما تسمر كلاهما من رؤيتة
