 |
رواية بيت الخبازه الجزء الثاني 2 الفصل الثالث عشر 13 بقلم زهرة الرمان
#بيت_الخبازه_ج٢ ..... #بارت١٣
العلويه
فارش ملابس خديجه ونايم ولاف وجها بملابسها
باوعت عليه مثل نوم طفل مهضوم ووجه عابس
نزلت مخليه صفا على سريري
دخلت لغرفه الجهال بيها استبرق مقرفصه وساكته هدوء يخوف
يمها بناتنه ياخذن علي او هبه
قربت على ساعه 2 استبررق كاعده
بنتي خلي راسج على مخده
خلي جسمج يرتاح صار يومين ما نايمه
رفعت راسها المخليته بيه اديها لامه رجليها بديها باوعت بوجهي..
استبرق
أمي هاي الها ثالث ليله تنام على التراب ووسادتها طابوك
أمي صار لها ثلاث ايام
ما افترت علينه وشافتنه خاف جعنه لو تعبنه
خاله أمي جانت تخاف علينه من نسمه الهوا.
العلويه
وجها مخرمش صوتها رايح عيونها وارمه صدرها مطبع منضرها كفيل يخليني أخاف عليها تقربت عليها
بيمن احلفج أن تتقوين استبرق أنتي قويه
استبرق
جنت اتقوه لأن مامنه أمي بضهري
أمي موتناها كلنه شافت القهره مال أبوي واهلها وعيالها وإني
وكل البشر ما نطاها حقها
العلويه
رجعت تبجي وعيونها عبالك نهر يصيرن
استبرق
خاله والله ماكدر على فراكها
العلويه
إني هم ماتت أمي ومات أبوي ومات أخوي لكن استمرت الحياه.ما اكلج تنسينها
لكن خلي ببالج انتن اعز شي لخديجه ومن يروح من الدنيا البشر تبقى روحه تفتر على اليحبهم
يتأذى لاذاهم ويفرح لفرحهم
وما يدخل السرور لروح الميت إلا القرآن والصدقات يفرح بها الميت مثل الاحياء من واحد يهدي هدايا ثمينه للآخر
اريدج تحزنين بس تصيرين مؤمنه بقضاء الله
يعني إني على حافه الموت بس الروح قبضها بيد رب العالمين
وبيده الأسباب
اكو بشرگه مات
واكو خلقهن بعثره مات
وأعرف واحد بالشقه گمزوه ومات
تعددت الأسباب والموت واحد
محد يعرف موته شلون تصير
مو قبل كم يوم شفنه بالانفجار يجمعون لحم ميعرفون هذا منو وهذا لمنو
او بيهم مالگو أصلا الهم أثر
رغم الفقدان صعب
بس امج متابعتها ما نامت بلا وضوء ولا اشتغلت بدون وضوء ولا رضعت بدون وضوء
نظيفه گلب جسد وروح
الله يختار اليحبهم بسرعه يرحون يمه
ليش يكولون جوار ربه
اقريلها هسه وإني وياج الفاتحه
يديت اعدل بشعرها وسحبتها لحضني بچت بصوت
استبرق
واحنه خاله شلون شلون اتعلم ما اكول يمه ولا اسمع صوتها
العلويه
نومتها بقيت امسد على شعرها اريدها بس تغفئ
دخلت لغرفتي بعد ما تأكدت غفت استبرق
نايمه صفا وهبه وعلي
فتحت الكارتون
جنطه صغيره بيها سند الأرض
وبيها علبه ذهب خديجه
بيها كل الذهب إلي إني اشتريته الها وبيه ورقه شرايتهن وسوارات ورقتهن بإسم موفق عرفت مشتريهن الها موفق
وفلوس بضرف وياها ورقه
مكتوب بيها
فلوس ورث البنات من حاجم مبلغ مو هواي بس باسم بناتها
ورساله جوا
إني مو قوية بالكتابه الرسائل ويمكن هم مو قويه بهاي دنيانه التريدلها ملاواه
بس إني اهومش حتى احمي بناتي واطلع بوجه أبيض من هاي دنيانه
أي أحد يقره هاي الورقه
ويشوف كتابتي
إني ما مطلوبه فلوس
ودعي الله ما برگبتي حك احد ولا تبعه تلحكني لگبري
كتبت هايه الورقه بعد ما شفت
الموت مايعرف صاحي لو مريض لو صغير لو جبير
مروه طفله ماتت كبل خالتي سنيه
وانكول قويه
وماتت كبل العلويه المريضه الأطباء كالو عليها خذوها لبيتهاه احسنلها
وشكر الما لحك يشوف جهاله ويتهنه بيهم
هواي
بس إني من يوم الوعيت للدنيه كلما اضحك من كل گلبي ابچي اضعافهن
ومن اشوف ماعدي هم كم يوم اعرف وراها انضرب ضربه ادير مخي وتشغلني
واكول هي دار بلاء
يجوز يموت أحد ويرد الحمل عليه
هاي الموجودات امانه الله ورسوله حلالي
لبناتي اسويلهن وطن بيه اخليهن يكملن دراستهن
كتبت هايه الورقه وحطيت هذن الاشياء بيها خاف باجر ينلگن ويكولون مو من حقج وأمنها يم عم البنات عمار مو ببيتي
كلشي يصير بناتي بأمانه موفق هو أمين عليهن إني فوك الكاع لو جوه الكاع بناتي ما أأمن عليهن إلا ببيت سيد موفق والعلويه إذا ما غيروها من جهاتنه بس سيد موفق ما يعيف البنات
والعلوية حقانيه ماترضه بضلم بس
كثر الدك على الحديد يكسره
وخاف يلفقولي حجايه والضره مره حتى لو جانت جره
العلويه قريت رساله خديجه وانقهرت
تشوفني اتغير معقول خديجه خافت مني !!!!
صفا
صفا تره امج الماتت ليش ما تبجين مثل استبرق مثل عمو موفق مثل خللاتي مثل الناس ابيحبون أمي
إني ماحبها لو شنو ليش ماكو عبره ولا دمعه
بس اباوع بالوجوه
صوت أمي باذني يردد أسمي وبس
العلويه
يوم ورا يوم نريد موفق ينزل ميقبل
صار يوم السابع وهم صعدوا هواية من كرايبنه وما فاد
بالغرفه وياكل شئ بس مجرد حتى يعيش
ماكدرت انطيهم رساله خديجه
ولا املنتها
لأن حتّى استبرق
حالتها صعبه كلت يعدون هاي المرحلة يلا انطيهم
صارت عشرة ايام وخابرني مسلم كال أخو أم استبرق
بالباب يريد يشوف سيد موفق
گلت يقرأ فاتحه
لأن خديجه مقاطعته بس هسه راحت لرحمه الله
صعدت لموفق
لكيته متوضي وكاعد يقرا قرآن حمدت الله لجأ لله معناها راح يهدا جرحه
موفق اخو المرحومه جاي ممعقول إني اطلعله راحت ام رضا وأبو رضا رامي راح الناس كلمن وانشغالها
لازم تنزل تستقبل الناس التعزي
طبگ القران
موفق
گولي لمسلم أي بشر يجي خلي يرجع ماعدنه بعد لاعزا ولا قرايه فاتحه
العلويه
هذا اخوها
موفق
لو منو ما جان ماا أريد بشر لاتعبيني انعام اطلعي
العلويه
نزلت وكلت لمسلم يكول للرجال مموجودين
مسلم
خويه السيد مموجود وبس النسوان اعذرني
ابو طه
أي وإني جاي لبنات اختي وهذا بيت أختي
مسلم
لأ خويه بيه البيت نسوان ميصيره
أبو طه
انتم شنو متعرفون جاي من غير محافظه وتكلي روح انتظر السيد
مسلم خويه مايجي اليوم
أبو طه
وإني ماروح منا
مسلم
شبيك خويه اتصيح ببابنه روح وبعدين تعال
ابو طه
وإني ماروح صيح بنات اختي
العلويه
سمعت صياحه بالباب لبست عبايه وصلت للباب الخارجي أريد افتح الباب
وانسحبت
موفق
موفق
ادخلي
العلويه
خفت على موفق لأن اعصابه منهاره
موفق
خييير
ليش تصيح
أبو طه
مو يكولون ما موجود طلعت خاتل معناها انت كاتل اختي
موفق
إذا ما تولي منا هسه ارتكب جريمه بيك
مجرمين مثلكم احنه
مسلم وخره من بابنه لأ ومحمد أسوي شئ بعدين تلومني الدنيا علبنف
مسلم
سحبته وضربني بوكسي واجه سيد موفق
مثل العاصفه
نومه وبقى يضرب بيه
ويعيط
موفق
لو عدها اخ بيه حظ انذلت يم ابو بناتهاه
لو عدها اخ بيه حظ جان تحكموا بيها عيالها
لو عدها اخ بيه حظ جان اشتغلت جان عافت ولايتها واجت يمي جان ما اشترينه وبعنه بيها واستسهلناها حتى بمرضها ما خلتنه نشيل همها تحس مو من حقها تحجي لان عاشت بدون رأي ملغيه من كل التريده نائبين عليها قبلت تخلف لواحد اناني وحده مريضه نفسيا
وتوصل للموت وما تحجي
مسلم
يضرب بيه خرب خلفته وذاك بس يرافس كوه تجمعوا عليه الناس ووخرو
والعلويه تصرخ مسلم الحكه
العلويه
بقى اخو خديجه يهدد والا والا وموفق يريد بس يلزمه لازمينه ثلاثه وهو يهادد
ويعيط إلا اموتك إذا شفتك ببابي
دخل فحطان وكعد على كرويته بالصاله واستبرق واكفه بباب غرفه الجهال
صفا بيدها علي وواكفه تباوع
بقى شويه يتنفس بصوت عالي
رفع راسه شاف البنات
هبه ركضت عليه وتصيحلت بابا
هدا شويه
باوع بوجهي
جيبيلي مي
موفق
تعالي استبرق
استبرق
مسح على وجهي المخرمش مسح على راسي واشر لصفا أخذ من أيدها علي ودار ايده على كتف صفا
موفق
بناتي لاتخافن إذا الله انطاني عمر كل واحد اذى خديجه أخذ منه حقها مربع واسوي عبره
عمار
غير تطيني مجال اشرحلك صار ساعه مخليت غلطه مغلطتها وانت متريد تسمعني
حامد
شتريد اسمع
ولك عمير المطي شلون تروح وماخذ مرتك مبارك مباهي بمرتكخ مكطم أنت وتروح وحدك
عمار
لأن خابرتك خابرتك ما تقبل ترد عليه
وديتلك رساله شوفها
حامد
رساله مو اكول مطي علم شين تودي برساله ولك غير تجيني
عمار
طررردتني كلما اجي تطردني كلما اجي تطردني سكت شويه وكعد أول مرة شفته هيج دمعن عيونه
حامد
شلون هيج بساع بساع تروح خديجه شلون ما تبارينه الذمم ولا طلعت من لسانها كلمه سماح وتروح
عمار
خويه هي صارلها كم سنه ما فكرت تروح
حامد
بأربعين شكر كالتلي چلمتين زرفت افادي
(احجي وي روحي)
عمار
شتكول
حامد
اكول مابيكم خير وين دفنوها احجي
عمار
بمقبره سيد..... الدفان......
حامد طلعت بوجهي للمقبره
سألت الدفان عن قبرها
واجه وياي ولد دلاني بگبرها
منهو خله گلبج يوگف خديجه ليش خليتي الديره ورضيتي بالغرب يصيرون خلانج
مثل ماي ردت بس المچ بچفي وكلما احويج بچفوفي تتبدين
اخخخ يااا بويه شلون گلتي هيج گلبج علمج وكلتي بأربعين شكر
خديجه
إذا قبل شلت عليك حقد وغل
حالياً لأ بس كون. تخلي بناتي بحالهن السيد يخاف ربه وانت ضگت لوعه فراك الضنه أريد احوي الباقين يكفي الاريده منك تبقى عمهن وبس خليني اربيهن ولا تصبر بيوم عثره بدربهن بزواج بوضيفه اتركهن ومن جهه اخلاقهن إني اضمنلك اسم بيت الداود ما ينلثگ
حامد
توصيني خديجه بلا علم راح تموتين لو نطقج الله
لو تمرضتي وعرفتي موتج گرب
حاجيني علم موتج زرف بيبان گلبي
.
استبرق
الايام تركض ما چنها ذاك اليوم أمي ويانه صار روتين البيت ماكو صوت عمو موفق نزل بس قفل غرفه أمي ميردنه ندخلها صفا وإني بغرفه الجهال كبال غرفة العلويه وعمو موفق بالصاله نسمع القرآن وصلاه الفجر يكعد وإني أول شي بديته صرت اصلي كل فرض بوقته
كعدت الفجر وصليت سمعت عمو موفق يدعي ويدعي رحت يمه بده يبجي وإني كابلته وبقينه نبجي بدون صوت
لحد ما طلعت العلويه
العلويه
كافي يمعودين يلا اسكتي بنتي استبرق
موفق كافي
موفق
تردينه حتى بجي منبجي عليها
ارتاحي بقى الج البيت والجهال وخرري مني
العلويه
انصدمت من كلامه
استبرق
شفت عمو حجه وياها بحده كمت لان مامتعوده العلويه كلام مو حلو من عمو موفق
اخذتها وهي عيونها لمعت الدمعه بيها سحبتها لغرفتها
خاله لاتضوجين هو نفسيته تعبانه بعده
العلويه
روحي استبرق نامي وارتاحي عادي مصار شي
بقت تلح ابقى بمج اعرفها خافت عليه طمأنتها وخليتها تروح لغرفتها
شلون موفق فكرت وهيج كلت
معقول أنت فكرت اني كارهه خديجه او المشاكل الجانت تصير بكل عائله تحسبهن ضدي واطلع إني سبب موت خديجه
بعد هذا الموقف كلت مي خالف حقه متأثر ..بس بديت اتحاشى أي اصتدام وياه
اراعي بس من بعيد لبعيد
صارت مهمتي اتابعهم لأن صفا واستبرق
حيل متاذيات
وموفق
أكثر وقته لو يصلي لو يقرا قرآن وما يطلع لليجي أكثر من مره اجو كرايب يبقى يمهم اقل الربع ساعة وتركهم
مكدرت انطي اموفق وصيه خديجه لأن حالته الصحية موزينه واخاف من يقرا رساله خديجه يشد بالزايد كلت يتحسن وانطيهن اله
اجو ناس من طرف اخو خديجه واتصل موفق على سيد رؤوف وسولفله ان خديجه مقاطعته والينات مايشوفهن وممنوع يوصل لبابي
والمشكله بعده أبو طه يهادد وإلا اسويها عشاير بس موفق ما اهتمله
أبو طه
أبو شكر إني اجيتك بسبب هذا رجل اختي عود سيد الله يچرم
حامد
وليش جاي عليه
أبو طه
بنات خديجه وعدها ولد وبنيه منه
شنو تخلون بناتكم يمه
حامد
لازم هم تريد تسوي مشاكل
أبو طه
اكله بناتكم عنده وجهال اختي يمهم
حامد
شوف بعد اخوك
إكراما لاختك راح اكلك
جهال اختك عد ابوهم
وبنات اخونه ما بيهن شي عمهن عمار متفق وياها من جانت عدله ومنطيته كل ورثهن اله كالتله انت المتصرف بيهن لأن تعرف عمار ما يدخل حرام لبطنه ولا يطمع بورث ايتام
وإذا على كعدتهن هي موصيه يضلن يم السيد هي امهن لوما شافت خير بكعدتهن يمه ماوصت والوصيه لازمن تتنفذ
ابو طه
مو جديده عليكم
لحمكم مطشر وعرضكم ممزك
حامد
خاب أنت محد دافنك بشط واخلي السمج يشبع بيك هسه من اخليك بهاي الخوره أحد يكلي ليش
جا انت تعيرني بمره موش منه لعبت جا ابن اختك المكبسل البواك هليت استحيت منه
لو أنت الردت تبوك حك اليتامى امشي سگط
يريد يشرچني بشيطنته واخته ترابها اخضر
كونك بشر جا خجلت ماتت اختك ولك
استبرق
العلويه قهرتني لأن عمو موفق صار كل ما يشوفها يسمعها كلمه
بقيت إني انتبهلها ماريد نخسرها هي هم
وهي مثل عمود للبيت حيل تعبت ويانه بعد اسبوع لاربعين أمي
وهي بدت تحضر وتشتري وترتب الاربعين
كعدت الصبح اليوم بس وجهي فجج بس العيون ناطه من الضعف ووجهي متىوس حب
الطگاگ البحلكي ولا يطيب
بس مفروضه عليه انتبه لصفا إلي بس تصفن ل علي إلي محتاج مداره هبه كذلك
خاله انعام جابت بنيه تنظف تطبخ متقبل أسوي أي شيء
بس للجهال
دخلت اليوم مفتوح كنتور خاله انعام اطلع فلوس تنطيهن تحضيرات الاربعين
بالصدفه شفت كارتون هذا اعرفه هذا الكارتون قديم كلش يم أمي
خاله هذا الكارتون
العلويه
شنووه
استبررق
هذا الكارتون موو مال أمي لو يشبهه هذا يشبه كارتون العند أمي
العلويه
لأ استبرق هذا هو مال امج أريد تصير اوضاعكم احسن واسلمه الكم
استبرق
شبيه خاله شخاله بيه جانت تخلي ذهبنه بيه
العلويه
هو بيه الذهب مالتها وكم ورقه مهمه
استبرق
سكتت شنو فايده كل الذهب يمه إذا أنتي مو موجوده
طلعنه لأربعين أمي قبل الفجر
حت ام رحمن دزت عليها خاله
وصلنه لكينه القبر بيه بنيان بقينه نصرخ ونبجي
العلويه
ياريت إني الميته خديجه
بموتج ماتو بناتج ومات موفق إلي زوجته عامود الاطفال مجنت اعرف يحبج لهلدرجه
بيت وراح منه الضوا علميني شسوي هسه فهميني وانهاريت بالبجي كمشوني لأن يعرفون بس ابجي اتخربط
والزاد قهري موفق ما كأن أحد وياه حضن القبر وبقى يسولف ويسولف هواية
الموجودين راحوا كلمن لاهله يزوره وإني والينات يمه ماحس أحد موجود إلا من كام وكشف الضوا باوع بالقبر
التفت منووو بأني القبر ؟؟؟؟
العلويه
ماعدنه علم
راح يمشي سريع للمكتب مال الدفان يسأل
رجع عصبي
هاا موفق
موفق
يلا امشووو اصعدوا بالسيارات وينهم الوياكم
العلويه
راحوا لاهليتهم يزورون
موفق
مسلم وين
العلويه
انطيته اكل ومي يوزعهن ثواب اروح المرحومه
موفق انتم كلمن يكيفه تتصرفين بكيفج إني متت لو شنو
خابري هانم خلي يجي
العلويه بعده يحجي واجه مسلم
بقى يغلط عليه
موفق
إني مو وصيتك تروح للدفان يبني القبر شنو حامد يبني القبر فهمني منو هوه حتى يبني قبر زوجتي بكيفه
مسلم
من خابرت الدفان كال انبنى يعني كلت بعد هو بناه العلويه كالت وقاطعني
موفق
اييي العلويه هي التكول وهي التصرف وهي التآمر وإني خرخاشه بيدها
العلويه
اخذت البنات وصعدنه بالسيارة واجوا الناس محد تأخر ما صعد ويانه ركب بغير سياره
وصلنه الناس إني مخليه ام رضا للطبخ وهم يم هبه وعلي
تعشو الناس وراحوا ومحد بقى حتى البنيه إلي تنظفلنه راحت
نومت الجهال بس إني أول مرة يعيط عليه كدام الناس انهضمت واكول لنفسي مي خالف انعام زوجج بحاله صدمه تحملي
دخلت للحمام وطلعت اريد اتمدد ودخل عليه
موفق
شنو قصه الامانه اليكول عنها أبو فاطمه
العلويه
ردت تصير زين واسلمها الك ولاستبرق
موفق
انطيني
العلويه
أخذ الكارتون وبقى يگلب بيهن
وفتح الورقه وقراها سكت
موفق وين دفترها
العلويه
مادري
صعد لغرفتها
موفق
بقيت ادور بغراضها نفشتهن نفش
لحد ما لكيت جنطه مروه مالتها مال المدرسه
فتحتها بيها دفاتر
گلبتهن
لكيت دفتر بيه كتابه بخط يد خديجه
"الدنيا نوبات تخيرنا بين صعب واصعب
بس لازم نختار الاهم بحياتنه
اختاريت الزواج إلي مستحيل جنت اتخيل بيوم اتزوج ويكشفني رجال بعد حاجم بس سبحان الله
الشئ إلي كرهته صار خير وعسى أن نكرهوا شيئاً
سيد موفق كل مواصفات الانسانيه عنده
مستكثرته عليه إني وين هوه وين
لأ عالمهم يشبه عالمي ولا دنيتهم تشبه دنيتنه
بس هذا الرجل وداه رب العالمين اليه يهون عليه فقدي لمروه ياما غفيت وجانت الجنطه مالت مروه وسادتي
حالياً ايد موفق وسادتي واغفا وإني مأمنه أول مرة انام بعمق بدون كوابيس واحلام مزعجه
موفق كاتبه هواية عن حياتها
بس فصل إلي كاتبه عن خوفها المجهول
كاتبه
من هددتني اليوم ام ياس أن إذا صار بالعلويه شي ما نرحمج لأ أنتي ولا بناتج تسرب لخوف لگلبي
إذا هو رافد بن اختي غدر بيه وبزوجي
هاي ام ياس شنو ممكن تسوي وهنه واصلات وعدهم حال ومال
بس موفق وعلوية انعام ما اتوقع يسمعون الها
موفق
طلعت من الغرفه لكيت انعام يم الدرج حسيت جانت يم الباب
ع شنو صاعده أنتي جنتي متسلطة على خديجه واخواتج يهددنها. وهي تكتم وتخاف مخلثتها خوف لحد ما ماتت ب
العلويه
كافي تحملني ذنب موتتها وتسوي نفسك الملاك إني بشنو قصرت كاافي اصحى مااتت لأن هي متريد تسوي عمليه وخافت تكللنه على مرضها ونغصبها نعالجها
وهذا السوته
من رب العالمين لان حتى يصير سبب لموتها بيوم النولدت انكتب عليها تموت بهاي الساعه وهيج تموت
إني التعلاكه إلي تخلي عليها شعورك بالتقصير
يلا كول أنتي موتيها خلص ارتاح ضميرك؟؟؟
موفق
أنتي السبب
