 |
رواية بيت الخبازه الجزء الثاني 2 الفصل الثاني عشر 12 بقلم زهرة الرمان
بسم الله الرحمن الرحيم
السلام عليكم ورحمه الله وبركاته
#بيت_الخبازه_ج٢ ......#بارت١٢
خديجه
من اول ما تزوجت حاجم أنت اعتبرك
أخوي وما خاب ضني بيك كل الصار انت ما صرت ضدي لذلك احملك امانه
عمار
نبره صوتج اليوم غريبه
أم استبرق
خديجه
من تجي اكلك إني علساس اجي لولايتنه واشوفك من أخذ ورقه نقل لاستبرق كلت بلكي هسه صارت زينه وترجع تدرس وما اكلفك تجي بس ضرفي حكمني
عمار
قلقتيني على العموم نهايه الاسبوع اجي مثل ما ردتي لييت خالتج الزايره
اجيت لبيت الزايره بس اتصلت على ام استبرق قبل لأ اوصل للبيت
من وصلت لكيتها بباب بيت زايره سنيه
دخلنه
بغرفه الزايره
خديجه
لأن هالايام قشعم ما موجود دزيت عليك
هاك خويه
عمار
شنو هذا
خديجه
هذا الكارتون بيها اشياء تخص
الامانه إلي كتلك عليها
عمار
غير تفهميني شبيها تطلع هسه عبوه وأنتم أهل بغداد صارت العبوات بكل مكان عدكم
خديجه
ههه هي تشبه العبوه إني جنت مقرره ما اكلك بس أنت اثق بيك لأن أنت هم عم البنات وهم من بقت استبرق يمك ما خليتني بخوف عليها وكالت شكد أنت حنين عليها ووكفاتك اليه وكفت لحامد بوقتها علمودها
عمار
ام استبرق هاي الاشياء واجبي اتجاهكم وأنتي ما شفت لليوم شي سويتي بيه اذى بالعكس حتى من أول ما تزوجتي حاجم وإني بعدني صغير جنت اعتبرج اخت النه
خديجه
هذا الكارتون بيه
إني كلت اكتبلك بيها ورقه وانت تقراها وتصرف ع أساسها عمار خاف يصير عليه شي
بناتي يبقن عد سيد موفق
عمار
شيصير ياسنار شنو موضوعج
خديجه
إني كتبلك بالورقه الدنيا مابيها امان إني
من جبت بنتي هبه وصلت الموت
بس بعلي جبت وراها ماجنت أعرف عندي امراض
رحت وفحصت
عرفت عندي صايره جلطه ومعديه والطبيب كال شرايينج تحتاج عمايه قلب مفتوح ونخلي شبكه ماعرف شنو
إني ما أكدر اخوض تجربه عمليه بعده
ولا اريد احد ينشغل بيه لأن الطبيب كال التزمي بهاي حبوب لزوجه دم او هيج شي مرتاحه حالياً عليهن
عمار
سيد موفق يدري
خديجه
هو أكثر بشر ماريده يعرف
ماريده ينشغل بيه عنده زوجته الجبيره حالتها أكثر صعوبه مني
وانوب اخلي يفتر بيه بالاطباء لو تعااي اسفرج ذني كلهن إني ما احبهن
الحجي الصدك أخاف إني من شي اسمه عملية
رحت لطبيب وما يسوون أكثر من إلي گاله هذا الطبيب
عمار إني انطيتك هاي الاوراق ما كال الطبيب باجر تموتين ههه بالعكس طمأني
يجوز أعيش اكثر من جدتي سنيه
عمار
إذا هيج ليش تامنيني
خديجه
ما اعرف بالدنيا شيصير مو خوفاً خاف اموت أخاف العلويه تموت لاسامح الله والناس الحواليها عدهم حيله
وموفق من النوع بيته للقاصي والداني
سند الأرض باسمي هنا ماريد ابوگ احد بس بيتنه على طول يجون اخوانهم وكرايبهم وأعرف ما. يحبون وجودي وينتقصون مني وعدهم. سهله يلفقون تهم اليه او لبناتي هيه هاي عاد الكاع مهري الي علمودها تزوجت وطن لبناتي عسى ابنيها طين وتنك
عمار
لأ سيد موفق خير ومتدين وشفت العلويه مايضيع يمهم حق
خديجه
ما بنخاف منهم جا إني ليش عايشه عدهم خايفه من الناس وكيدهم ودهائهم يخربهم علينه
وهم ببيت سيد موفق إني عندي دفتر لمروه جاي اكتب كلشي
يصير خاف هم انسى ويصير عندي خرف مثل خالتي سنيه لأن سألت كالو على النسيان يجوز يصير بعدها زهايمر
عمار
وينج وين الزهايمر
صدك تحجين
خديجه
الدنيا خلتني اخاف من كلشي واتحذر كلشي
وما أأمن بالفرحه دوم من افرح شويه
تبجيني دهر أول ما شفت الدنيا مشت شويه وسكنت. اخذت مروه مني
وهسه إني يوميه اسجد واحمد رب العالمين ع حياتنه
ببيت السيد
واخاف أفرح بيها خاف اطلع من هالبيت يوم وهم بشي يرجعني للصفر لاتزعل مني حاجم واهلي انطوني درس كلشي يتغير
من مات حاجم شفت القريب والغريب انگلبو عليه وكشرو نيابهم وبعد مابيه طاقه اتحمل جر وعر وركض تمرضت عمار اريد عيشه بسلام وربك ولا طماعنه بهذا شفت هذا الثوب العليهه
بس زاد حملي من خلفت هبه وعلي
والناس عيونهم تكتل
العين زرفت ايد النبي
وبيت سيد موفق
العالم الحواليه حاسدتني عليها
والازيد ناس الجنت جيرانهم اصور مستكثرات زواجي من سيد موفق
حجنه بوجهي من خبازه لمرت السيد البيت العالي
بس ام رحمن ما تغيرت
عمار
بس لازم زوجج يعرف بمرضج صح مثل ما كلتي مابيه خطوره وماأعرف شلون لازم عمليه وشبكه وتكولين ما بيها خطوره بس لازم حتى لو سهله خلي زوجج يعرف
خديجه
أن شاء الله بس خلي يتفرغ من مرض العلويه إلي ماخذنه كله يوميه توكع وعلاجها كله بالدولار وسفر ماريده يبقى باله مشغول وياي
عمار
ماعرف شگلج بس مازال أمنتيني أن شاء الله ما اخيب ضنج
بس لازم تبقين وياي على تواصل حتى اطمأن عليج
بعد فتره لتصلت
هاا خديجه
كلتي للسيد
خديجه
عمار ماا اكله هسه وأنت مذمم ما تكول لا استبرق ولا غيره
إني أمل اختي ما كلتلها لأن أعرف أمل عاطفيه ويزل لسانها
وانت مؤتمن ومو الموضوع كلف والله زينه وما بيه شي دشوف العالم ضغط وسكر وعايشين مابيهم شئ
عمار
مو أنتي جلطه معديه وما تدرين خاف جلطه ثانيه شلل ام استبرق تفهمين وتالي تبقين بس عيونج تباوع وتصيرين صدك عاله واذيه عليهم ياهو يتحمل
تخسرين صحتج
خديجه
والله فتره خل يفرغ من العلويه واكله يبدي يراجع بيه
°°°°°°^°°
العلويه
كسرت ضلوعي خديجه بموتتها المفاجئ بس
شفت موفق تخربط والتهئ بيه قشعم ومسلم
سحبت البنات
وياي ام رضا وام رحمن
وجبت مي ورد رشيته على التابوت
شفت أمي من استشهد أخوي بحرب إيران جابو رشت مي ورد
بياقي البطل رشيته على وجه موفق
ووجه البنات
صدمتهم خلتهم ما يتقبلون واقع أن خديجه ماتت
انطيت تلفوني لبنت ام رضا
خاله اتصلي على رامي ابن المرحوم(ابن اخ موفق)
وكل گرايبنه اعرف خديجه تخلي تلفونها على تلفزيون الصاله
ولكيته بحطه ايدها
اتصلت على اخواتها
رجعت لكيت موفق واكف لازمه مسلم وام رضا يقنعونه وهو ما يحجي إلا
مريتي ماتهد بيتها
سحبته ام رضا وصاحت عليه تعالي اله وحضرو نفسكم جاي أبو رضا والويلاد مو بكيف موفق امشي انعام طلعيله هدم بدل هاي الهدوم
سحبته وهو ما انطا رده فعل او كلمه لبسته دشداشته طلعت غترته
ساكت
والبنات سحبتهن ام رضا
ام رضا
اهدي بنتي اهدي قضاء الله وقدره مكتوب عليها بهاي الساعه تروح من دنيانه استبرق اختج هايه شوفيها حتى دمعه ما سگطتتله امج روحها عليجن لاتخلن روحها تتغذب يمه
استبرق
عصرت ايد صفا تباوع بعيوني وإني اتوسل بأمي
خاله بلكي تسمعنه وينكسر خاطرها علينه وتكعد
امي ما فارگتنه ولا قبلت تنام إذا ما تشوفنه نايمين شلون هدتنه ونامت هاي النومه
أم رضا
كلام استبرق يهد الحيل بس لازم اهدأها واصلات للجنون بناتها هنه وموفق
وانعام اعرفها تمثل هي قوية لكن انكسرت كسرت عمرها
قشعم
اجو گرايب سيد موفق
وصار بيت سيد موفق بابه عبالك نهار مو ليل من السيارات گرايبهم ومعارفهم
بس تقربنه للتابوت صرخ موفق ولزموا گرايبه ساده من الكاظميه بيهم واحد اسمه سيد رؤؤف چبير بالعمر يشبه سيد موفق بس حيل شكله هيبه
اشرلنه صعدو الجنازه
ام رضا
لازمه البنات بيدي
همه شالو الجنازه واستبرق تسودنت بجت امه محمد عليها ملخت روحها محد كدر يلزمها
استبرق
لاتاخذوووون امي يمه اكعدددي ولا تروحين يمه
يمه تعاليلي شلون تعيفينه يمه
كعدددددوهه ولكم ماكو بگلوبگم رحمه اريد أمي
موفق كعد بالكراج يباوع وينحب نحيب التسوان ويعيط
موفق
ولج يم جهالي الجنت محروم ولج گبل گبل ينكسر خاطرهم عليه لان ما خلفت
إني اليوم والله يا خديجه اكسر الخاطر من خذوج گبال عيني عماااهن العبون الما حمنج بيهن ياخديجه يا فرحتي وراحتي
بويه لطيف اكعد وشوف حالي
ولج يمه مريتي هدت حيلي
ام رضا
انعام تبقين خيه للجهال وصفا يمج
إني اروح صارلها هواي الجنازه
العلويه
واخواتها إلي خابرني شلون
ام رضا
خابريهن يتلكنه هناك يجن مناك للمكبره اطيهن رقم بتي تروح وياي تلزم استبرق هاي البت راح تموت
استبرق
لأ تخلونها على السيبايه
نزلوووها يمي مااا تصعدونها
انسحبت وصعدوني
قشعم
بعدنه بالطريق وخابرتني ام ماجد وامل جايات وصفتلهم مقبره الساده لان سيد موفق ماقبل تندفن يم مروه
العلويه مشتريه مكان الها يم اهلها
وصلنه لگينه ام ماجد وأمل كدامنه
ورجعت صريخهن بالمقبره
سيد رؤوف مخابر الدفان حافر القبر قبل لأ نطلع من وصلنه بس دخلناها للمغتسل
نزلو استبرق تلگت خالاتها وبدن بالطم منظر مستحيل يروح من الذاكرة منظر استبرق لأن عجيبه كأن وحده جبيره
نزلت لخالاتها
اما سيد موفق يسولف طول الوقت بصوت ناصي وأحد من كرايبهم توقع يقرأ قرآن
طلع لأ يسولف ويكول خد يجه
يردد باسمها
استبرق
قاعه وبيه مكان للبشر يغسلونهم وياي ام رضا وگفتني نزلو أمي ودخلت خالتي ام ماجد
اجيت يمها اباوع على أمي
شعرها وجها أطراف اديها ورجليها
أتذكر بهاي اديها شكد وشكد ذكريات
يعني شنو يمه هاي آخر دقايق اشوف وجهج يمه هذا اخر يوم بالدنيا ويانه
بدن يغسلن بأمي
بقيت يوگفتي ودموعي جمر
لحد ما أدري بنفسي اجيت واخذت المي منهن وبديت اصب
إني بتج الجبيره وهذا حگج عليه ماطولج فوك الگاع
وعهدي وياج يمه العفتيهم إني على طريقج أمشي
يمه صفا وهبه وعلي بامانه الله وامانتي بعدج
حق رباج وتعبتج عليه يمه
أم رضا
دموعها تصبه تردد يمه يمه شلعتي گلبي يمه
قشعم
وصلناها يم القبر والدفان واكف يحجون وموفق يسولف يغير عالم لازم طرف من جثتها
لحد ما نشوف وصل يردون ينزلونها
وعاط انخه منو حتى تردين فطرتي گلبي
خديجه ليش ما تحجين هانت عليج
سحبناه بقى يبجي بصوت ويجيب تراب ويذب على رأسه
ليش ياربي يصرخ هيج يكول والعالم كلها بس تباوع بقهر عليه
مسلم يبجي وياه
إني عيوني احسهن بيهن ملح هيج صارن يحرگني
واستبرق لازمينها وهي تعيط
رديلي يمه بعازتج إني يمه ما شبعانه منج يمه
العلويه
تلفون خديجه بيدي وتلفون استبررق
ام رحمن وياي وبدت تعزل وتفرش للفاتحه
وكم وحده من الجوارين
صعدت قفلت غرف البناات وغرفه خديجه اجيت على مكانها على فراشها
كعدت بالكاع وبجيت
ابريني الذمه إني صوجي إني الجبتج وإني القنعتج إني انانيه إني إني
خديجه مو المفروض إني الاموت إني العليله شلون أنتي الصاحيه تموتين وج والله إني الازم اموت شنو نفعي ضليت بس اذيه قهرتج خديجه حاجيني ضوجتج غرت منج وج خديجه هي أنتي هم تخلين أحد يضوج منج
اخذتيني بكبر عقلج واستوعبتي غيرتي
رحتي وخليتيني بذنب وتأنيب ضمير لو هم كاسره عيوني بيوم بعتب وبعرك ليش ليش خديجه ليش
إني السبب إني موتج
ام رحمن صعدت عدهم مخزن فوك انزل فرش وشفت العلويه كاعده بالكاع وتلطم على وجها وتعيط إني سبب موتج إني
إني
سحبتها استغفري الله أنتي شلون كلما احجي وياها ماتوكعين من لسانها على زينج السويتي تكول ما اوفي حقها
اجن اخوات العلويه وبده البجي بس ماتكدر تلطم العلويه مريضه
وياهن بناتهن هواي هنه إلي بقن ي الناس وصفا بغرفه العلويه
ومخليه كرسي العلويه كيال الغرفه تراقبها وتراقب الجهال صح هي كاعده بس تصفن وبچت وكأن تتذكر شي وتبقى تبجي
أم رضا
ولج بنتي امشي الروح تتأذى على التحبهم وهي امج اقبلي بقضاء الله وقدره
كل من عليها فان
لأ انتي ولا إني ولا أي مخلوق يبقى تتساوى الأرض وهي أمانه الأرواح لابد الامانه ترد لصاحبها
اخذتها من ايدها لأن نامت ع القبر وما قبلت تتحرك
طلعنه رجعنا لبغداد بس حال اخوي يخوف وصيت أبو رضا يلح على موفق وما يتركه لأن الموضوع اكبر من استيعابه مصدوم موت الفجاه يوجع
وصلنه الولد ابو رضا موصيهم ينصبون جادر باول الفجر
العلويه
خابرني مسلم جايين بالطريق وصيت يسوولهم أكل
وبدا القران برا
دخلن اخوات خديجه إني أريد اشوف استبرق خوفتي عليها
بس شفتها رحت سحبتها عرفت من مسلم شكد تاذت كلت اطمأن عليها واخليهم يدخلون موفق
ما انتظرت دخل موفق وترك الصريخ وهوسه الفاتحه وصعد
صاح وراه ابن عمنه ولا اندار ركضت صعدت وراه فتحت باب الغرفة مال خديجه
دخل تمدد على مكانها بدون كلام كلت خليه
ونزلت لاستبرق إلي هي وخالاتها فاقدات
سحبتها لأن منتهيه شفتها دخلتها غرفة الجهال وصحت بنت ام رضا
شوفي بنيتي استبرق اريدج عينج عليها ما تخلينها تطلع يم النسوان لأ تتمرض
همي بالفاتحه أخاف أحد منهم يتخربط صارت بيه خوفه
شبيها خديجه شايلتني واداريني وتفتر اربع وعشرين ساعة
ساعه ب ١١ الصبح دك تلفون خديجه
خمنت عرفوا
عمار
الو
العلويه
الو
عمار
شلونج ام استبرق اخباركم شنو وضعج
العلويه
إني مو ام استبرق أبو فاطمه إني العلويه
ام استبرق
متدرون بيها الضاهر
انطتكم عمرها
عمار
شلوووووون
كعدت على للرصيف وبقيت اضرب برجليه
شلون علويه
شموتهاااا حادث لو شلون
العلويه
بفراشها وبلا حت سابق إنذار لأ وجع لأ اشتكت لأ صخنت كأن نايمه ساعات وبناتها شاكات نايمه
عمار
يعني بسبب گلبها بسبب مرض گلبها وابجي وادك على رجليه
العلويه
شنو مرض. شنو گلبها شنو جانت مريضه ماجان گلبهه بيه شي منو گال
عمار
إني جاي جاي علويه
العلويه
بس خليني اوصيك موفق فاقد على موت خديجه المفاجئ لاتسولفله من توصل ولو ما اتوقع موفق ينزل للجادر باقي فوك (گلت بگلبي)
إني رح اخابر السايق مالتنه مسلم اشوفك وتكلي الموضوع
عمار
أن شاء الله
العلويه
بقيت اكلب بتلفون خديجه شفت مسجات من عمار لخديجه مثل
شلون وضعج ام استبرق صحتج زينه جاي تراجعين طبيبج
كلتي للسيد
شبيهااا خديجه وهيج عمار يوصيها وليش ما كالت
والأطباء ماكالو عدها أي مشكله
فقط توقف القلب ومحد متااحكها لأن لكو
ساعه الموت هواية يلا دارين بيه
وحتى الشرايين التاجيه إلي لكو بيها تصلب الطبيب اكد ما توصل الموت
هيج بسرعة
بقيت عيوني على استبرق اخذت أكل اريد اخليها بس تضوك الزاد ماتقبل
سيد رؤؤف صعد لموفق مشربه شويه مي لحم گوه
ادخل كل شويه اطمأن عليه بس كاعد بدون ميسوي أي شيء بس فاتح كنتورها ومطشر غراضها
راد ينزله ابو رضا مقبل
بينما سيد رؤؤف أبو رضا يعتبر كبيرهم وهو يعقد بزواج اولادهم
وهو مقري بالفواتج
هو يقرأ محاضره الثالث بالفاتحه
بنتي اكلي لكمه مو هاي اختج تشوفج ومتاكل لحاطري استبرق لكمه
شويه اكلت لأن بده ضغطها ينخفض
وتغدو العالم
وإني انتظر. عمار
اجه ورا الضهر العصر تقريباً
مسلم إني انطيته خبر من يجي عمار تبلغني
اتصل مسلم
وكفت بالمطبخ مليان ناس
طلعت للكراج يم المخزن ومسلم دخل عمار
وسد الباب خاف أحد يطلع وبدخل وبقى بالباب برا
ها أبو فاطمه عيونه حمرا وباجي
عمار
هاج علويه هذا الكارتون مافاتحه امانه خديجه عندي
سولفتلها مخاوف خديجه جانت مستكثره حياتها وخايفه على بناتها
وخايفه من الناس الحواليكم خاف يسوون مكيده وتنطرد او تتطلك هواي جانت ما تصدك براحتها ادوم متدري الخافت منه بعيد عن بناتها وهي الراحت جانت خايفه على بناتها وهي إلي راحت
عرفت جانت مريضه وجانت جلطه وعدت
بقت تبجي لدرجه تلطم على وجها لليش ليش هيج فكرت بينه خديجه معقول تحس هي رخيصه عدنه شلون هيج فكرت
موفق صارت اله روحه وجابتلنه اطفال شلون تفكر نسمح لاحد ياذيها او ياذي بناتها
عمار
سرى وياي دخلت جوا ومتدري عن موضوع خديجه مكلت لأي بشر بس العلويه أعرف حقانيه خديجه كالت كلش حقانيه وما يضيع بمها حق
فسلمتها الكارتون
سرى
حضنت استبرق وعازيتها وما مصدكه شلون هيج بساع بساع دوم استبرق تتصل على فطومه ونسأل على خديجه ماا تشتكي من أي شئ بالعكس صارت أحلى وسمنت جانت حيل تعبانه بس من جابت علي حلوت
شنو موتها.
بس سبحان الله كثر موت الفجاه.
صفا
خاله انعام ماتركتني لحظه بس إني رأسي بيه احس هوا باذني وصوت أمي ميروح تصيح صفا صفا
العلويه.انهارت اعصابي جانت اخواتي يضوجنها وخافت من نضال من بوگت استبرق
لو إني لان جنت أسوي مشاكل واغار جانت تخاف اطردها وأخذ جهالها
معقول هيج جانت خايفه
خلص اليوم وثاني يوم وبيوم الثالث ختمه سوو وخوات خديجه متواجدات اعرف أمل اقرب وحده لخديجه
اشرتلها واخذتها لغرفه الجهال
أمل أنتي قريبه على خديجه
سولفيلي شنو جانت تكلج خديجه ممرتاحه يمنه او خايفه على جهالها فهميني
أمل
بلعكس علويه جانت كلما ترتاح تخاف أكثر تكول ماعدي شي وسيد موفق مدللني ومدلل بناتي وبناتي صارن قريبات للعلويه أكثر من قربهن اليه. وتحمد بيج لأن ما مقصره وياها أنتي
العلويه
بس مجانت تسولفلج ان إني جنت اضايقها او اضوجها
او جانت خايفه ناخذ جهالها منها
أمل
تفكر نوبات واعذريني علويه إني كلتلها مره خاف العلويه ارتباطها بزوجها يخليها تفكر بعد ما تريدج بس هي ثاقه بيج كلش رجعت عبره فرگاها ورجعنه نبجي
جمره يا خديجه فراگج
بشار
شلونك عمو
حامد
هله ابن عمير شعدك هنا
بشار
اجيت اخذ الحصه
حامد
جا ابيك وين
. بشار
راح للفاتحه
حامد
فاتحتمن
بشار
فاتحه عمه خديجه
حامد يهو ميت لخديجه
بشار
هيه
حامد
هيه شنهو ولك
بشار
عمو غير هي توفت
حامد
خاب العجل ماكل خبز اضنك هواي
بشار
والله عمو أمس ماتت اليوم راحو اهلي
حامد
شنو تموت شنو الموتهااا ولك احتركت انتلت اندعمت
بشار أبوي كال لامي نايمه وماتت
حامد
الووو
عميررررر ابنك ماكل جت شنهي خديجه نايمه وميته
