رواية أسير الناردين 2 اسرني عشقها الفصل الثاني عشر 12 بقلم ماريان بطرس

رواية أسير الناردين 2 اسرني عشقها الفصل الثاني عشر 12بقلم ماريان بطرس 

الفصل الثانى عشر

سيدتى فعيناى تبحثان عنكى طول النهار 

فارحمى عاشق فى عشقك اضحى اسيرا

القى كل شئ امامة بغضب جم هاتفا بسخط وغضب وبعينين حمراوين 

يعنى اية ؟؟يعنى ابن التهامى هياخدها منى ؟؟اية كل حاجة لية مهما حصل ولا اية ؟؟اية الحل ؟؟مفيش غير حل واحد قتلة 

اقتلة

قال كلمتة الاخيرة ناظرا لذراعة الايمن باصرار مما جعل الاخر ينظر لة بتوجس ثم قال

يابوص اااا

نظر لة الاخر نظرة اخرستة ثم قال

انا قلت كلمة واحدة اقتلة ناردين ان مكانتش ليا مش هتكون لحد وخصوصا ابن التهامى وبيتهيالى انك ايدى اليمين يعنى هتسمع كلامى ولااااا

قال كلمتة الاخيرة بتحذير جعل الاخر يزدرد لعابة بخوف بائن ثم قال

ولا اية؟؟

ولا اقطعها ومش هتردد لحظة واللى عاوزين يبقو مكانها كتير 

ازدرد الاخر ريقة بخوف جلى فهو يعلمة جيدا لن يتوانى لحظة عن قتلة ومتاواة جسدة ولن يعلم احد بما حدث لذا قال بمهادنة

اسمعنى يا بوص حضرتك عارف آسر التهامى مين هو مش هنتعرف علية من جديد 

نظر لة الاخر مستفسرا

تقصد اية؟؟

:اقصد ان التايجر الكل فى غنى عن تعريفة 

تلك النظرة الشرسة جعلتة يزدرد ريقة خوفا من بطش الاخر ثم اكمل موضحا

آسر التهامى بيبقى وراة زى مانت عارف اسطول حراسة ومدربين على اعلى مستوى دول جايبهم مايكل مخصوص لية دة حتى مفيش واحد بس بيقدر يفكر يقرب منة واحنا حتى لو تفتكر كنا مش قادرين نعرف كان بيقول اية لناردين هانم من فترة وكمان حتى لو مش معاة الحراسة فهو لوحدة اد جيش كامل للحرب وكلنا عارفين ان لقب التايجر دة مش من فراغ وعارفين لية ولو كمان نجى منها يبقى احنا ناويين نحط رقبتنا تحت سيفة لانة بالتاكيد هيبقى ناوى على قتلنا لو عرفنا وبعدين متنساش اننا مش من مصلحتنا نبان قدام الناس بالعكس لازم نختفى عن الانظار الفترة دى علشان شغلنا وخصوصا انة لو مات العيون بردة هتتفتح علينا واحنا فى غنى عن الموضوع كلة

نظر لة الاخر بضيق ثم قال بصرخ غاضب 

طيب والحل ؟؟ اسيب ابن التهامى ياخدها منى وانا واقف اتفرج من غير ما اعمل اى حاجة لا . ولايمكن يحصل ابدا 

نظر لة الاخر نظرة شيطانية ثم قال 

ولية قتلة واحنا نقدر نبوظ الموضوع كلة من غير قتل ونفتح العيون علينا وخصوصا انة لسة بدرى على الفرح باقى شهر والدنيا بتتغير بين ساعة والتانية 

نظر لة الاخر نظرات خبيثة ثم قال

انت معاك حق شوف المطلوب ونفذة 

اومئ الاخر براسة قائلا

تحت امرك يا بوص

بعد خروجة تنهد الاول قائلا

مش هتاخدها منى يا ابن التهامى مش هتاخدها منى زى مابيبقى كل حاجة من نصيبكم حتى ولو اضطريت اطربقها على دماغكم زى ماعملت قبل كدة هعملها تانى ومش هتردد لحظة وشوف هتعمل اية بقى 

______________________________________

كان يتحدث بالهاتف بسعادة وهو يتحرك بعشوائية فى الغرفة قائلا

بجد ياماما خالى وافق اخيرا وهنحدد ميعاد الفرح قريب جدا اتفقنا انة بعد شهر 

ابتسمت والدتة قائلة

بجد ؟؟!! بس شهر دة بسرعة اوى اية اللى يخلية يوافق بالسرعة دى وازاى آسر وافق كدة 

تحدث حسام بفرحة 

هما محددوش الميعاد على اساسى هما حددو المعاد لينا احنا التلاتة هيبقى فرحنا 

تحدث باستغراب قائلة

انتو التلاتة ؟؟!! تلاتة مين دول 

تحدث حسام وكانه لم يسمعها قائلا

الفرح اصلا كان بتاع كريم بس احنا حددنا معاة 

وكانة قد فاض بها الكيل قائلة

كريم مين ؟؟

حسام: كريم صاحبى واخو ناردين

تنهدت فانها ما ان تفهم جزء حتى تتوقف عند الاخر فقالت 

ومين ناردين؟؟

قال ببديهية :خطيبة آسر ومراتة المستقبلية 

تحدثت باسترضاء وهى لم تعرف بعد ماقال

اة ان كان كدة ما...مين انت بتقول اية آسر مين وخطيبة مين ؟؟واد انت بتقول اية؟؟

حسام وهو يكتم ضحكتة :اة آسر خطب ناردين وكان فرح اخوها بعد شهر بس قالو هيبقى الفرح لآسر كمان فقلت واشمعنا انا

هناء باستغراب :يعنى انت عاوز تقولى ان آسر اخيرا وافق انة يتجوز؟؟ 

حسام: اة وهيتجوز عن حب كمان دة عمل المستحيل علشان توافق

وكان ابنها يقول طلاسم تسعى هى لحلها عن من يتحدث هذا ومن يحب من فقالت لة بتية 

انت بتتكلم عن آسر مين ؟؟!! آسر التهامى بتاعنا ابن اخويا ؟؟!!

حسام مؤكدا بابتسامة فهو يعلم مايدور بخلد والدتة 

اة آسر التهامى بتاعنا 

انتظر ثانية اثنان حتى تستوعب ويعلم جيدا ماسيحدث بدأ بالعد ولم يصل الى العشرة حتى سمعها تصرخ قائلة 

واد انت . انت هتسرح بيا ؟؟ آسر اية دة اللى هيتجوز دة عندة عقدة من الجواز والبنات جاى تقولى هيتجوز لا وعن حب كمان لا والادهى من دة كلة تقولى هيعمل المستحيل علشان خاطرها ويفوز بيها، وسعت منك اوى دى يابن بطنى 

ضحك بصخب وضحكات مجلجلة قائلا بمرح

ايوة اظهرى على حقيقتك ياقلبى والعرق المصرى يبان دة انا مستنية من بدرى العرق دة 

حدثتة موبخة قائلة

يعنى بتكدب عليا يا حسام؟؟

ضحك ثانية قائلا

احلفلك ب اية انى مش بكدب عليكى ودة اللى حصل 

هناء:يعنى آسر هيتجوز

حسام: اة هيتجوز وخدى عندك الاجمد منها البنت اخت كريم صاحبى اللى انتى عارفاة يعنى طبقة متوسطة ملهاش فى الدلع والنادى والكلام الفاضى دة 

هناء بتساؤل:ودى عرفها منين كدة 

ابتسم حسام وتنحنح قائلا: احم السكرتيرة بتاعتة 

تحدثت هناء باستغراب قائلة بنبرة شعبية لا تمت لاستقراطيتها بصلة :ياحلاوة ياولاد دى حاجة ولا بتاع الروايات والافلام 

وضع اصابعة ممسكا ذقنة بحركة شعبية بحتة وهو بالكاد يستطيع امساك ضحكاتة قائلا

وانا عارف ياختى تكونشى البت لافت على عقلة عشان يتجوزها ياختى اية الجو الفاكس دة 

ثم تحدث بمرح قائلا 

افرشى الملاية افرشى ياحبيبتى

ولد 

خرجت تلك الكلمة من فمها جعلتة يضحك اكثر ثم قال

اعمل اية يا ماما ماهو من ساعة ما جبت ليك الموضوع وانتى بتتكلمى بطريقة متمتش ل هناء التهامى بصلة ولا اقول هناء المرشدى سيدة المجتمع الراقى 

تحدثت هناء بتية قائلة وقد عادت نبرة الرقى لصوتها

اعمل اية الموضوع يدوخ ومايتصدقش بقى آسر اكتر حد كارة الجواز يحب ويتجوز 

حسام: ولا يدوخ ولا حاجة المهم انتى تيجى

هناء: انا هاجى على اول طيارة واشوف الموضوع دة

ضحك حسام بصخب قائلا

تعالى تعالى ياحبيبتى انا عارف انك مش هترتاحى غير لما تشوفى الموضوع بعينك 

هناء :بالظبط كدة سلام بقى وسيبنى اشوف واحضر الشنط 

حسام: على اساس انى ماسكك خلاص سيبتك اهو سلام يا امى

ثم حرك رأسة بياس بعد ان اغلق الهاتف فهو يعلم حب امة الشديد لآسر فهو بمثابة ابنها الثالث

______________________________________________

طلبة داخل مكتبة ثم قال بغضب 

ها عملت اية فى موضوع آسر التهامى اية اللى فى دماغك

رد علية الاخر قائلا

لسة بفكر 

ابتسم الاول ابتسامة مخيفة وشيطانية ثم قال 

بس انا فكرت وقررت 

نظر لة الاخر باستفهام مرتعب وهو يزدرد ريقة بخوف فهو يعلم ان خلف تلك الابتسامة الشيطانية مصيبة كبرى لا محالة لذا نظر لة قائلا

خير ياباشا اية الفكرة؟؟؟ 

ابتسم الاخر وابتسامتة تعنى وكأن شيطانة قد حضر امامك وقال

الغيرة 

نظر لة الاخر باستفهام فاوضح الاول 

لما الغيرة بتتوجد بتحرق الاخضر واليابس وخصوصا ان الفرد التانى فية اختلافات مادية واجتماعية بينهم ودة هيعمل مشاكل كتير بينهم احساس انك اقل منهم هينهى الموضوع من قبل مايبدأ 

نظر لة الاخر قائلا باستفهام

بس اية اللى هيعمل الغيرة دى ياباشا؟؟

نظر لة الاخر بابتسامة مخيفة وكأنة كان منتظرا ذلك السؤال وقال بهسيس مرعب كفحيح الافعى

بنتك يابنهاوى 

نظر لة الاخر بصدمة قائلا

بنتى؟؟!!

نظر لة الاول قائلا بفحيح يذيب الابدان

اة بنتك يا بنهاوى كان اسمها اية ؟ اسمها اية ؟؟ اااة شاهيناز 

نظر لة البنهاوى قائلا

لا كلة الا بنتى يا بوص الدنيا كلها كوم وشاهيناز كوم تانى انا مش هدخل بنتى فى وسط النار دى ولو حصل اية، بنتى تدخل فى النار بتاع آسر التهامى ، التايجر لو شم خبر عن بنتى هيدفنها مطرحها لا بنتى لا 

صرخ بة الاخر قائلا

حمدى كلمة وخلصت بنتك مش هتعمل حاجة غير انها تدلع على آسر وتخلى ناردين تقيد نار وتحسسها انها هتفضل مش من مستواة مهما كان بينهم حب وان الحب دة هينتهى مع الزمن وفى الوقت دة مش هيبان غير اختلافتهم ودة شغل حريم آسر ملوش علاقة بيهم 

ثم اكمل بفحيح افعى 

وبعدين بنتك مش هتقول الكلام دة بلسانها الكلام دة هيبان من تصرفاتها وياريت لو تبان بريئة قدام آسر يا سلااام وبعدين آسر اى بنت تعجب بية واكيد بنتك كمان فلو البلية لعبت معاها واتجوزت آسر مش هتبقى حلوة ولا اية 

نظر لة حمدى البنهاوى مفكرا وظهرت بوادر الاقتناع على وجهة فاكمل الاخر قائلا بنفس الفحيح 

اية يا حمدى دة حتى التايجر اللى هددك فى شركتك هيبعد عنك بالعكس دة هيبقى حمايتك وهيقولك ياعمى 

نظر لة الاخر قائلا

ماشى يا بوص ماشى 

ابتسم الاخر باتساع فقد حقق مايريد لذا ربت على كتف الاخر قائلا

عفارم عليك يا حمدى عفارم انت كدة دراعى اليمين بجد 

___________________________________

كان مازال يجلس ينظر لها بينما يتحدث الجميع اما هو فقد كان كل تركيزة منصبا عليها على كل حركة تفعلها ،كل ضحكة ، كل ابتسامة ، حتى نظرة عينها ، رفعة حاجبها كان ينظر لها ويسجل لها كل شئ فى قلبة وعقلة افاق على تربيت والدة على كتفة قائلا

مش هنروح ولا اية يا آسر الناس دى عندها شغل وبتنام بدرى 

نظر لة آسر فوجدهم جميعا بالكاد يستطيعو امساك ضحكاتهم فمسح على جبهتة بخجل وهو ينظر ارضا ثم اردف بجمود لا يبدو بة اى شئ 

طيب يلا يا بابا انا مستنيكو من بدرى 

اومئ والدة بابتسامة ثم وقفو يصافحو الجميع قبل الذهاب كان آسر جادا فى مصافحة الجميع مع ابتسامة مهذبة الى ان جاء الى ناردين فمد يدة لمصافحتها فمدت يدها ببراءة ولا تدرى شيئا عن نيتة تلك فامسك يدها ضاغطا عليها بخفة ثم نظر للخلف وهو محتفظا بيدها بين يدة ثم التف متحدثا الى كريم ومازالت يدها اسيرة يدة قائلا 

آسر: كريم متنساش تعدى عليا فى المكتب علشان عاوزك فى حاجات تبع الفرح 

نظر لة كريم قائلا

اوكى يابشمهندس

آسر:آسر وبس يا كيمو انا دلوقتى خطيب اختك ف بلاش القاب 

رفعت ناردين حاجبيها ذهولا عقب تلك الجملة فقد كانت فى البداية وهو ممسك بيدها استشعرت سخونة جسدة ودفئة من يدة مما جعل جسدها يسخن من الاحراج وكذلك وجنتيها اما بعد تلك الجملة فقد استشعرت ابهامة وهو يتحرك برقة على ظاهر يدها والغريب بالامر ان التفاتة ل كريم وحديثة معة جعل الجميع ينظر تجاهة غير منتبهين لامساكة ليدها وجسدة الطويل والعريض حجب عنهم رؤيتها على الاخير عقب تلك الحركة اصبح وجهها كحبة الطماطم من الخجل فكان الدم كلة صعد لوجهها ولم يجد حتى مكان بوجهها ليقف بة 

كان آسر مدرك جيدك للسخونة التى حلت بجسدها وحالة التخبط فى مشاعرها التى سببتها حركة ابهامة الرقيقة على يدها الناعمة وحينما شعر بانها لم تعد تحتمل وربما تتحدث وتفعل فضيحة فقد امسكت ابهامة عن التحرك ثم حاولت ازاحة يدة الحديدية عن يدة ولكن هيهات حينما احس آسر بحركتها تلك التف لها بابتسامة عابثة قائلا بتفاجؤ مصطنع 

اية دة هو انا لسة ماسك ايدك مش تقولى 

ضحك الجميع ثم قال ابراهيم

لو نفسك فى ايدها اوى خدها وساعة الفرح خد الباقى 

ضحك آسر قائلا

لا مش للدرجة يا بابا

ناردين: طيب ممكن اا

وقبل ان تكمل كان يهز يدها بسلام حار وعلى وجهة تلك الابتسامة العابثة الشقية قائلا

سلام ياناردين

ختم سلامة بغمزة شقية من عينة اثبتت صدق ظنونها فقد كان قاصدا كل حركة فعلها بعد خروجة وضعت يدها على صدرها تهدء فيض المشاعر التى فجرها آسر بداخلها ثم همست وهى تلهث

يخربيتك بالراحة عليا يا ابن التهامى انا مش ادك دة الواد طلع ماية من تحت تبن وقال انا افتكرتة جد طلع مفيش اشقى منة 

نظرت لها راندا بعقدة حاجب قائلة

اية يابنتى انتى حمرا كدة لية كل دة علشان مسك ايدك شوية نسيها وهو بيتكلم المفروض كنتى تتكلمى 

نظرت لها ناردين بضيق ثم قالت

اسكتى خالص الا ما انتى تعرفى حاجة

ثم تحركت داخلة غرفتها وهى تغمغم بكلمات تعبر بها عن ضيقها لم تصل الى اذن اختها ضربت راندا كف باخر وقالت

البت مبقالهاش ساعة مقرى فتحتها وهتتجن امال لما تتجوزة هتعمل اية ربنا يسترها على عقلك ياناردين

اما بالخارج فقد كان آسر يبتسم على منظرها ثم همس قائلا

صبرك عليا ان ماطلعت عليكى كل اللى عملتية فيا دة مبقاش التايجر

ثم ابتسم بشدة حينما تذكر احمرار خديها ومحاولتها البائسة فى ازاحة يدة وكم كانت متوترة ولكنة افاق على يد توضع على كتفة نظر للفاعل فوجد ايلين تنظر لة وتبتسم بخبث 

الا قولى يا آسر هى ايد ناردين حلوة اوى كدة مسكت فيها ومش عاوز تسيبها 

نظر لها آسر بتوتر ثم قال بجمود 

كنت بكلم كريم ونسيتها فى ايدى 

نظرت لة بخبث ثم قالت 

ولا مسكت ايدها وكلمت كريم علشان محدش ياخد بالة

نظر لها فوجد تلك الابتسامة الخبيثة تحتل ثغرها ثم رفعت حاجبيها وانزلتهم بحركة خبيثة علم منها بانها رات كل شئ ويبدو انة كانت منتبهة معهم وبالاخص حركت اصبعة بينما هى كى تاكد ظنونة ضربت على صدرة قائلة

متخافش سرك فى بير بس خلى بالك بعد كدة 

ازاحها امامة قائلا

طيب امشى ياحلوة وبلاش تلعبى مع التايجر علشان انتى مش ادة 

ضحكت بصخب قائلة

ماشى يا تايجر ليك يوم 

فقد كانت ضحكاتهم توحى بسعادة وشيكة مالم يعكر صفوها شئ
 الفصل الثالث عشر من هنا