 |
رواية أسير الناردين 2 اسرني عشقها الفصل الحادي عشر 11 بقلم ماريان بطرس
الفصل الحادى عشر
سيدتى ان كان للسعادة اسما آخر فهو انتى
وان كان للسعادة طريق فهو ضحكتكى
وانى لادفعن نصف عمرى فقط لارى ابتسامتكى
يامن سكن قلبى للابد
اومئ آسر براسة قائلا
اة كان بالاتفاقية دى من الاوائل وهو كان اكتر حد محتاجها ماديا وكمان يستحقها من تعبة وشقاة وادبة واخلاقة انا مبشغلش عندى ناس ممكن تخونى يا ناردين او ناس مش محتاجة انا اهم عندى الثقة والامانة واللى هيشوف انى رفعتة وكمان عندة ثقة وامانة وادب واخلاق الشخص دة يستحق يشتغل عندى وبعدين انا مبامنش غير انى ارفع اللى محتاج يترفع مش ارفع واحد واكتر خير واحد عندة خير كتير ومادام حد محتاجنى انا اساندة من غير مايطلب وانا كمان ببقى محتاج شخص امين ومجتهد زى دة
نظرت لة ناردين ثم تقدمت منة وقالت
آسر!!
نظر لها آسر بصدمة فهى اول مرة تنطق اسمة دون القاب فقال
نعم!!!
اقتربت منة ناردين وقالت
هو ينفع اطلب منك طلب
اومئ آسر براسة وهو قاطب حاجبية باستغراب فقالت برجاء
هو ينفع توافق على جواز حسام من ايلين والله دة بيحبها اوى دة حتى نظراتة واضحة جدا واى واحد ممكن يلاحظها
فى تلك اللحظة لم يستطيع اسر امساك ضحكتة فخرجت مجلجلة جدا من هذة الفتاة وكيف هى طيبه الى ذلك الحد فهى تطلب زواج اختة فى هذة اللحظة وهو متقدم لطلبها حقا فهى هادمة الملذات
نظرت لة ناردين بضيق من ضحكة هذا فهى ترى انة لم يحدث شئ او قالت شئ يدعو للضحك فقالت وهى تزم ثغرها بضيق
ممكن افهم بتضحك على اية
نظر لها وبالكاد استطاع امساك ضحكاتة وقال
هو انا قولتلك قبل كدة ياحبيبتى ان انتى بتختارى التوقيت الغلط فى الكلام
دقات كالطبول قرعت فى صدرها اثر كلمتة تلك بينما اكمل آسر هو دون دراية منة ودون ان يشعر بما يحدث لها اثر كلمتة تلك التى اثارت العواصف بداخلها
ومع ذلك ياستى انا وافقت من الاساس وكمان انا كنت موافق زى ماقلتلك بس حبيت يبطل يبقى جبان ويحارب علشان حبة ومايكونش مهزوز فى قراراتة واول مالقيتة كد وافقت انا وبابا بس بابا قرر ان فرحة هيبقى بعدى
ثم اقترب منها محاوطا وجهها بين كفية وضغط على كلامة محاولا ايصالة الى عقلها
ناردين انا مش متزمت ابدا انا بس بحب اختى وبحب حسام كمان وعلشان كدة عاوزة يواجة مشاكلة ويحلها. فهمتينى ياحبيبتى؟؟ انا بحبهم هما الاتنين وعاوز اساندهم
ثم مسح على شعرها وقال
عاوزك تبقى متاكدة ياقلب آسر اننا عمرى ماهعمل حاجة تضر حد فيهم او تكسر قلب حد اوكى؟؟
دقات متمردة خرجت من قلبها جعلتة يقرع كالطبول ماذا يحدث وماذا يفعل هذا التايجر بها حقا اصبحت كل خلية فى جسدها تعشقة ،تعشق حبة للاخرين الذى لايظهرة للجميع،تعشق اهتمامة بهم ،فهو يقف كالسد المنيع من اجلهم ،ماذا تفعل انت لما انت مصر على جعلى احبك واعشقك بكل السبل ،لما انت مصر على التغلغل بقلبى دون دراية منى ،لم يفعل شئ ولم يقل كلمات غالية ليجعلها تعشقه مثلما يعشقها ولكنة كل مافعلة انة اظهر جوهرة لها فجعلها تهيم بة عشقا
قطب آسر جبينة باستغراب من شرودها ذلك لذا همس باسمها قائلا
ناردين!! انتى فين ياحبيبتى
وكان آخر ذرة تمسك بعنادها قد ذهبت هبائا فنظرت لة وقالت
آسر!!
ابتسم لها قائلا بعشق
عيون آسر
ابتسمت لة فهو حقا يتفنن فى عشقها ويجب عليها مكافئتة فقالت
انا بحبك
تلك الابتسامة التى كانت تزين ثغرة اختفت تدريجيا وحل محلها صدمة لدرجة انها ظنت انة سمعها خطأ ولكنة هو من ظن انة سمعها خطأ لذا سألها ثانية وقلبة يدق بشدة قائلا
انتى قلتى اية ؟؟
ابتسمت لة ابتسامة رقيقة سرقت لبة وقالت
بقول بحبك يا آسر بحبك اوى
ابتسم ابتسامة واسعة ظهرت على محياة وقال متأوها
ااااة يا ناردين اااة اخيرا. اخيرا حسيتى بيا وقولتيها
نظرت لة ناردين قائلة
انت اللى عملت الحب دة فى قلبى
آسربابتسامة رقيقة
يمكن ، يمكن انا عملت جواكى حب لكن انتى عملتيلى قيود من عشق وخليتينى اسيرك اسير عشقك وحبك انتى عملتى جوايا اكتر من حب واكتر من عشق ياناردين انتى خليتينى اسير عشقك
ثم حرك رأسة بياس قائلا بابتسامة
والمشكلة بقى انى مش كارة الاسر دة بالعكس بحبة جدا وعايز اعيش فية على طول
وضعت يدها على صدرها ثم قالت
لا بالراحة عليا اللة يخليك انا مش حمل كلامك دة
نظر لها بابتسامة وقال
هو انا قلت حاجة اصلا دة انا غلبان
نظرت لة ثم قالت باستهجان
اة غلبان اوى
نظر لها وقال
دة انا غلبان جدا وعاشق ، عاشق حتى النخاع
ثم مال على جبهتها مقبلا اياها قائلا
ربنا يخليكى ليا يااغلى من حياتى
وضعت يديها على كفية التى تحاوط وجهها وقالت
ويخليك ليا يا معنى حياتى
________________________________________
بالخارج كان كريم يرفض بشدة قائلا
ياباشا انا قلت لحضرتك مينفعش آسر باشا نقط وكمان حسام
نظر لة ابراهيم بحدة قائلا
ماتخلص يا كريم هفضل مادد ايدى يعنى انا قلتلك دى نقطة فرحك وبعدين انا مالى ومال آسر مبقاش غير العيال اللى تاخد مكانى وانا عايش ولا انا مش مالى عينك
نظر لة كريم بخجل قائلا
مقصدش ياباشا بس كل اللى اقصدة
ابراهيم بحدة: بلا تقصد بلا متقصدش يلا ولا انا مش مالى عينك
نظر لة حسن وامئ رأسة قائلا
خدها يا كريم ومتكسفش الباشا
اخذ كريم ذلك الشيك بخجل قائلا
شكرا ياباشا
نظر لة ابراهيم بحنو قائلا
عمى
نظر لة كريم باستفهام فاومئ ابراهيم موضحا
مش انا دلوقتى هبقى حمى اختك فانت المفروض تقولى ياعمى
اومئ كريم متفهما ثم نظر الى الشيك بيدة وكأن صدمة حلت علية نظر الى ابراهيم باستفهام ممزوج بالصدمة قائلا
اية دة ياباشا
حرك ابراهيم رأسة بياس قائلا
انا لسة قلت اية وبعدين اية فية دة شيك فية نقطتك
تجاهل كريم حديثة قائلا
بس دة كتير اوى اكتر من اى حد مقدرش على كدة دول ١٠٠ الف مش لعب عيال
شهقت سامية واضحة يدها على فمها بحركة شعبية اثارت حفيظة راندا بينما حلت الصدمة على وجة حسن اما ابراهيم فاكمل بابتسامة قائلا بلا مبالاة
وفيها اية يعنى ؟؟
نظر لة كريم قائلا
هو اية اللى فيها اية دة كتير اوى
نظر لة ابراهيم ثم تحدث بجدية ممزوجة بابتسامة
كريم مفيش حاجة تكتر عليك وبعدين انا بعتبرك زى آسر ابنى بالظبط
ثم اقترب منة ضاربا وجنتة بخفة مربتا عليها بعد ان انتقل جالسا بجانبة قائلا
وبعدين ياكريم دة انت كنت سندى فى الشغل بعد ما آسر سابنى و فتح شركتة وانت كنت سندى علشان كدة بعتبرك ابنى
ثم نظر لة مؤنبا
اية بقى يعنى ماليش حق اشارك فى جهاز ابنى ولا اية
نظر لة كريم بحرج بعد ان احرجة بحديثة الابوى ذاك لذا قال
وانا ليا الشرف ان حضرتك تعتبرنى زى ابنك
ابتسم لة ابتسامة ابوية صادقة ثم قال بحنو
ها مش نحدد الفرح بقى ؟؟ كدة الفرح هيبقى على امتى ياكريم ؟؟
نظر لة كريم ثم بعد ان نظر بشرود قال
كدة يعتبر كل حاجة جاهزة يبقى شهر
نظر ابراهيم ل حسن يطلب منة الاذن بمجئ آسر لتحديد ميعاد الفرح وقفت سامية قائلة
انا هاروح اناديهم
خليكى ياطنط انتى تعبانة طول النهار هنده لهم انا
هكذا صدح صوت مارينا نظرت لها سامية بامتنان وقالت
ياريت ياحبيبتى لاحسن رجلى وجعانى اوى النهاردة لو مش هتعبك
تحركت مارينا وعلى ثغرها ابتسامة صادقة وقالت
لا تعب ولا حاجة دى اختى
بينما نفخ حسام بوجهة فقال كريم باستنكار
اية يابنى انت زهقان وبتطلع زهقك علينا ولا اية
نظر لة حسام بضيق وهو يحرك فمة للجانب قائلا
اسكت ياكريم انا اللى فيا مكفينى انا زى مايكون ماتربتش وهما بيربونى من اول وجديد
نظر لة كريم باستغراب قائلا
مش فاهم تقصد اية ؟؟
قص حسام على كريم ما حدث وقال بس كدة ياسيدى
نظر لة كريم قائلا بابتسامة
خلاص ماالموضوع اتحل اهو زعلان لية
حسام بضيق هامس:يابنى افهمك ازاى كدة يبقى انا هخلل جمبهم انت هتتجوز الاول وبعدين آسر وانا فى الاخر شكلى كدة على ماهاجى اتجوز هيكون عندى ٦٠ سنة
كتم كريم ضحكتة ولكنها خرجت كابتسامة واسعة على ضيق حسام الذى يبدو وكانة يريد قتل احدهم فنظر لة حسام بضيق قائلا
كريم خف اللة يخليك
نظر لة كريم نظرة موحية وقال
علشان كدة هديتنى بالانترية تزيحنى من قدامك وكمان تتجوز اسرع مش هيبقى غير آسر قدامك
ابتسم حسام بخبث وقال
بس ياريت ينفع
_________________________________________
كانت تنظر من البلكونة امامها وعلى وجهها ابتسامة رقيقة ساحرة اما آسر كان يتطلع اليها بنظرات عاشقة متيمة اما هى تحدثت وهى تنظر امامها قائلة
بس انت اللى يشوفك من برة غير اللى يقرب منك
نظر لها باستفهام قائلا
ازاى يعنى
اكملت وهى تنظر امامها قائلة
يعنى من بعيد قاسى وشديد لكن اللى يقرب منك يلاقيك طيب قوى حنين حاجة كدة اااا
نظرت لة وهى تضرب ذقنها بسبابتها قائلة
نقدر نقول اية نقول اية اية
اة لقيتها
ثم اشارت بسبابتها على صدرة قائلة
كيوت
نظر لها بصدمة ثم قال
اية بتقولى اية كيوت انا كيوت
اومئت براسها بابتسامة واسعة على محياها بينما قال هو بتحذير وضيق
انتى عارفة لو حد تانى قال كدة كنت قتلتة ودفنتة مطرح ماهو واقف
نظرت لة ثم قالت بابتسامة مبطنة بالدلال
يمكن ،بس انا غير. ثم اكملت بعبوس يعنى عاوز تدفنى يا آسر
ابتسم آسر قائلا
مقدرش ،مقدرش ياروح آسر مين يقدر يأذى روحة
احم احم
انتبها كلاهما لذلك الصوت الذى صدح
نظرا كلاهما لمصدر الصوت قطب آسر جبينة متسألا عن هوية الشخص بينما ابتسمت ناردين قائلة
مارينا اتفضلى ياقلبى
تنحنحت مارينا بحرج ثم قالت بتوتر خجل
انا انا اسفة بس ااا بس طنط وعمو طلبوكم برة
اومئ آسر برأسة بينما نظرت لها ناردين بمحبة وقالت
طيب تعالى يابنتى واقفة كدة لية مش كنتى بتتمنى اليوم دة من سنين وكنتى بتقولى هتضايقينى .
تحرجت مارينا من نظرات آسر المسلطة عليها وهى تدرك انها نظرات مستفهمة بينما لفت ناردين يدها حول كتفيها قائلة بمرح وابتسامة
آسر احب اعرفك دى مارينا حب عمرى وصاحبة عمرى اصحاب من سنين معرفش حتى عددها
ابتسم آسر قائلا بمرح
للدرجادى
ناردين: واكتر كمان انا اتولدت وهى بيتها قريب منى وبيتى هو بيتها، وبيتها هو بيتى مارينا صاحبتى من الحضانة انا عندى اتنين صحاب مارينا صاحبتى ومى خطيبة اخويا بس مى صاحبتى من ثانوى
نظر لها آسر من تلك الابتسامة الفرحة التى تعلو ثغرها بينما نظرت مارينا لهم بحرج قائلة
انا اسفة بجد انى قطعت عليكم كلامكم بس طنط بتطلبكم برة وعاوزاكم بعد اذنكم
تحركت مارينا بينما ابتسمت ناردين عليها ثم تحرك كلاهما خلفها
______________________________________
بالخارج كان الجميع بانتظارهم الى ان جاء آسر يعلو ثغرة ابتسامة عذبة وجلس بجانب والدتة بينما قال ابراهيم
ها يا كريم هتعمل الفرح امتى
تحدث كريم بجدية قائلا
كدة بعد كل دة هيبقى اقصاها شهر
احمرت وجنة مى من الخجل بينما قال ابراهيم
طيب اية رأيكو نعمل فرح آسر و ناردين معاهم
ابتسم آسر قائلا بمرح
اهو هو دة الكلام
بينما قال حسن
انا عن نفسى معنديش مانع
هتف حسام وقال بضيق
طيب و بالنسبالى انا
ابراهيم بضحك: خلاص نعمل فرحهم هما التلاتة مع بعض
ضحك الجميع بينما اطلقت سامية زغرودة مصرية اصيلة جعلت راندا تضحك قائلة بمرح
حلاوتك يا ميما اللة عليكى وعلى زغروطتك
_________________________________________
القى كل شئ امامة بغضب جم هاتفا بسخط وغضب وبعينين حمراوين
يعنى اية ؟؟يعنى ابن التهامى هياخدها منى ؟؟اية كل حاجة لية مهما حصل ولا اية ؟؟اية الحل ؟؟مفيش غير حل واحد قتلة
اقتلة
قال كلمتة الاخيرة باصرار مما جعل الاخر ينظر لة بتوجس ثم قال
يابوص اااا
نظر لة الاخر نظرة اخرستة ثم قال
انا قلت كلمة واحدة اقتلة ناردين ان مكانتش ليا مش هتكون لحد وخصوصا ابن التهامى وبيتهيالى انك ايدى اليمين يعنى هتسمع كلامى ولااااا
قال كلمتة الاخيرة بتحذير جعل الاخر يزدرد لعابة بخوف بائن ثم اا
