 |
رواية بيت الخبازه الجزء الثاني 2 الفصل الحادي عشر 11 بقلم زهرة الرمان
بسم الله الرحمن الرحيم
السلام عليكم ورحمه الله وبركاته
#بيت_الخبازه......#بارت١١
😢😢😢😢😢
مو انته الكلت ما أعوفك واخلف بوعدي أشو نص الدرب يفلان وتبريت من عندي
موفق
صارت عدنه خيبه امل ع تعب سنتين وصارت عقد جديده
منتظرين اليوم نتيجه التحليل رغم هي بقت تتوعد
العلويه
هااي آخر تحليل يا موفق بعد ماا أراجع اكعد بييتي واسكت مليت اموت ببيتي وبين جهالي احسن من هلبهذله
موفق
اسم الله عليج علويتي
لو يكولون علاجج بالسما هم اتعنى واجيبه شنو مليتي
اريدج اطيبين وتزوجين هبه وعلي
العلويه
هيج ينطيني عمر
موفق
خلي إيمانج برب العالمين أكيد
شويه وطلع التحليل اخذنا ورحنه لطبيبها
الطبيب
الحمد لله والشكر هاي غدد حميده مالها أي علاقة بموضوع مرضج مؤشراتج كلها زينه يبقى كل ثلاث اشهر لازم تراجعين
والمقويات والابره إلي كتبتها كل شهر وحده ضرورية
موفق
ألف الحمد لله والشكر طلعنه بفرح والعلوية بقت تلوم
العلويه
لو جايين ويانه حرامات خديجه ما اجت جان سوت تحاليل وصارت الفرحه فرحتين اكيد حامل اعرفها من وجها تصير صفرا
خل اخابرهم
موفق
احنه رايحين كلشويه تخابرين مابيهم شئ جهالج انعام وساعه ونوصل
استبرق
رتبت البيت كله حتى من نطلع ماعدنه شي عندي وهوواس اخاف اطلع ويجي احد والبيت بيه شئ ما منظف
صفا سبحت هبه وبغرفه الجهال بدلتها ورتبتها
صفا راح اصعد اخلي أمي تبدل اصعدي بدلي مصارت تبديله هبه ساعتين
صفا
ولج جاي امشطها شلعت گلبي
استبرق
صعدت دخلت لغرفه أمي علي نايم وأمي نايمه ما هونت بيها اكعدها
حاضنه علي ونايمه
اجيت انزل اكول لصفا لمن تكعد أمي براحتها يلا نطلع
وخابرتني خاله انعام
هاا حبيبتي خاله بشري
العلويه
الحمد لله التحليل نظيف وحميده الغدد جايين بالدرب شلونكم الجهال شلونهم علي نايم كاعد
. استبرق
ألف الحمد الف الحمد لله ترجعونه بسلامه
علي نايم أمي نومته ونامت وياه
وهبه سبحتها صفا وجاي يتعاركن على التمشيط
العلويه
امج معناها ببطنها ولد هم بحملها ب علي شمرتها على النوم
استبرق
سحبت التلفون هبه
يمممه ميمااه
العلويه
تروحلج ميمه الف فدوه شجيبلج
استبرق
بقت تسولف شويه
سمعت علي بجه
صفا تحجي
كالت حاجزين راح يجون بالطريق
وإني صعدت اجيب علي
نازل من السرير يبجي
اششش اشش حبيبي أمي إذا نمله تفوت من يمها تفز
شلون علي وجه مليان دموع ماكاعده أمي
شلت علي وسكته تقربت لامي
يمه يمه يمه
سحبت ايدها على وجها ماكو تنفس يمممه بصرخه تهز الارض
صفا
بعدنه نسولف إني وخاله انعام وعمو موفق
وسمعت صرخه استبرق حيل
العلويه
شنو هاي الصرخه
صفا مادري
العلويه
امشي شوفي وخلي الخط مفتوح
صفا
صعدت والصريخ ماهدا وعلي بباب الغرفه يصرخ صار تسودنت
شبببيج
استبرق
ولج أمي أمي ماتتنفس ماتتنفس
يمه حاجيني يمه اكعدي يمه شبيج صفااااا جيبي عطر خل نكعد أمي
صفا
شمرت التلفون بالكاع واستبرق حاضنه أمي إني بقيت ارجف شنو أمي ما تكعد ليش ماتكعد
لزمت هبه وعلي وبقيت كاعده واستبرق تخبلت وج جيبي عطر
بقت تلطم ولج أمي ماتتت ولج صفا امنه ماتت مالها نفس
ركضت للتلفون بس ماكو دموع بس راسي صار أكبر من جسمي انفخ من كالت امنه ماتت
العلويه وعمو موفق يعيطون احجن شكوو
عمووو إمي ما تقبل تكعد جاي نكعدها وما تكعد
سدو التلفون بدون كلام.اني فتحته واتصلت على قشعم
الحكنه قشعم أمي ما تكعد أمي يمكن ماتت
قشعم
شجاي تكولين جاااي
.
موفق
هاااا ي ما تفتهم يجوز نايمه انطيني التلفون
الو مسلم ووين أنت ادخل دك الباب على البنات وفوت شوفهم شوف ام استبرق بسرعه خليها تطلع الك تسلم عليها يلا تطلع من البيت بالكراج استعجل إني وياك على الخط
صفا
يندك الباب وإني بيدي الجهال
طلعت بدون ما ابجي
عمو مسلم استبرق تكول امي ماتت
مسلم بعدني اريد ادخل واجه قشعم
جايب وياه امه
حياه
شبيكم صفا امج وين
صفا
اخذتها
واستبرق مخليه أمي بحضنها إني ماكدرت اوصللها اخاف
حياه
دخلت خديجه نايمه بحضن استبرق تلمست گلبها ماكو أي صوت صحت باستبرق كومي انطيني ربطه الها
ركضت لبستها لفيتها
صحت من باب الدرج تعال قشعم خل نأخذها للمستشفى مالها نفس ولك
اجو يتراكضون وجوارين دخلو على صوت صريخ استبرق وترجف
شيلها
مسلم
هااا عمي
قشعم
لاتگله بدرب يسوق مو تكول جايين بالدرب
موفق
وووينك
.مسلم عمي ماكو شي إني وقشعم هسه اجه صدفه راح ناخذها للمستشفى
موفق
ولللكم مااابيها شي الصبح حجيت وياها شبيها تودونها المستشفى
العلويه
تخبلنه موفق فقد
ومسلم على الخط ما تركه موفق انتبه أن شاء الله ماكو شي.راح تگلبنه احجي وياه ماكو ولا يجاوب باقي على الخط وينگطع يرجع يتصل
اريد اسحب نفس ماكدرت
وگف گلبي من اتذكر صريخ استبرق حسيت اكو شئ صاير بس مسلم يكله فاقده الوعي
استبررق
حاله الهيستيريا الصرت بيها وعيت صفا كعدت بزويه ولامه الجهال يمها اجه قشعم شالهم
حياه
بناتها تخبلن وماكدر ابجي خاف يعرفن ميته
ولج بمه استبرق ما بيها شي هسه راح ناخذها للمستشفى مابيها شي إني واستبرق شلناها وصحت على صفا تجيب عبايه خليناها عليها
اخذناها للمستشفى
قشعم
ديري بالج يمه تخلين البنات يعرفن امهن ماتت
طلعت برا ابجي وامسح وجهي وارجع
ام رحمن
رحت لبيت سيد موفق كالو صريخ ببيته
لكيت قشعم بيده الجهال
قشعم
ام رحمن صفا والجهال خليهم يمج خلينا نشوف وضع خالتي خديجه
أم رحمن يمه شبيها خديجه قشعم خليني اشوفها وينها
دخلت وحياه خزرتني ويمها ثنين نسوان بس ساكتات فهمت بس استبرق ماتدري
نزلت للمطبخ لطمت لما ملخت وجهي خدييجه شموتها يمه يمه
راحوا للمستشفى وإني بقيت يم صفا والجهال وصفا بس صافنه متحجي تخوف
استبرق
اخذنونه للمستشفى وياي حياه و قشعم
بقيت أفزع بالممرضات الأطباء يشوفون أمي ليش ما تكعد فقدت اعصابي وبقبت احجي بصوت عالي شنووو مخلين أمي ومحد يكعدها احجواااا
صرت اصرخ وقشعم عيونه حمر شرايين گصته طالعه واحمر ويكلي اهدائي استبرق بس أحسه وجها الف كلمه بيه
رجعت كعدت الزم بأمي الممرضه صديقه خاله انعام تروح وتجي وحياه ما شفتها برا
بقيت احجي وي أمي
يمه شيوجعج يمه مو سبحتي الصبح مو جنتي تحجين وي عمو موفق ويتغزل بيج وياشاقى وياج وتضحكين ما كلتي موجوعه شو حاجيني يمه
يمه جاوبيني
اهز بيدها وجسمها
موفق
ليش بعدكم بالمستشفى لطام مسلم وووينك احجي
مسلم
وصفتله واجو هو والعلويه
اريد بس اسلمهم الامانه استبرق اخاف من رده فعلها
قشعم يطلع يشبع بچي ويدخل
إني ماصبرت بچيت عليها جانت انسانه محترمه كلش صوتها ما بنسمع
أول ما تقرب سيد موفق اشر وين
موفق
ويننن الطبيب
العلويه
موفق أنت إنسان مؤمن
موفق
شعليه هسه الايمان شبيج
خليني اروح اجيب الطبيب
العلويه
ما اله داعي للطبيب ادخل لخديجه خلينا نودعها موفق وخانتني الدموع
موفق
شبيج انعام وين اودعها
اودعها شنو شو تمسلتين
العلويه
دفعني ودخل
استبرق
عمو فدوه كعد أمي
موفق
خوخه حبيبتي اكعدي لا تدللين بعد ما افاركج ولا اسافر .اكعدي اكععععععدي
خديجه اكعدي
كعدوووها
استبرق
سحبتني خاله انعام
شنوو و خاله مساعه كاعده يمنه
مااا بيها شي خاله
العلويه
بجيت بعد بصوت طلعت عبرتي جنت أخاف على موفق ما يوصل بدرب
صرخت وصرخت استبرق
ملخت نفسها ارييد أمي أمي خاله هاي أمي أمي يمه يمه مااا تموتين شنو تم تموتين
.
مسلم
طلع سيد موفق شايل المره ويركض بيها ويعيط وين الأطباء وينههههم تعالووو بصدمه رجعوا گلبها ولكنممممم سرسريه
ولكمممم
بقينا إني وقشعم نركض وراه
واجو ممرضات وطبيب
سحب سيد موفق
الطبيب
اخي
گول أنا لله وانا اليه راجعون صار أكثر من اربع ساعات ونص من متوفيه
البقاء لله مشي اوراقها أخي
مسلم لزم الطبيب وضربه بوكسي
سحبوه
وإني وقشعم بقينه تتعذر من الطبيب
العلويه
اصحااااا موفق اصحااااا لاتضرب العالم ولا تفتر بالمره حرام
دفنت ابوك بيدك ودفنت اخوك بيدك ودفنت علي بيدك انت مؤمن اهدااااا
موفق
ولج ياااا أهل ولج هااي خديجه
ولج هاي روحي الموتتها
العلويه سحبوها من عنده ورجعناها للردهه و غطيتها واستبرق تسحب بيها
حياه
باوعت على استبرق وهي تسولف وي امها ببجي وصوت عالي
يمه منو يربينه يمه منو يدير باله علينه شلون تسوين هيج شنووو يمه بصرخه يمه مروه اعز منه يمه احنه بناتج يمه كلشي ماريد والله بس خلينه نسمع صوتج يمنه يمه فدوه بهدوء
حاجيني يمه
بصرخه.. يعني تحجي بعتب ساعه هدوء وساعه عصبيه اجتها العلويه وسكتتها
..
صفا
هبه وعلي يمي واباوع على التلفون انتظر يخابروني يكلولي جايبن اغمض اريد يعدي هذا اليوم وبس اشوف أمي مثل كل يوم تفتر اسمع صوتها
كلشي توقف عندي وما اريد
اخابر قشعم اخاف.انفتح الباب
ركضت والجهال بحضن ام رحمن
ايد عمو موفق تجري دم شبيه
استبرق لازمتها حياه اباوع وراهم والعلوية لازمه عمو موفق
لعد شو أمي وين
دخلو كلهم والأبواب مفتوحة وناس هواي يمنه
العلويه
تاكد موفق خديجه ميته
طلع ضرب الشباك بوكس انشكت ايده وعاط
شلوووووون علمتيني عليج وتروحين
مااااا اسامحج
قشعم
الأطباء كالولي سبب الوفاة توقف القلب بسبب تصلب الشرايين التاجيه وما جانت ضاهره اصلا
كملت إني الإجراءات وياي مسلم لأن سيد موفق شبه فاقد العلويه تبجي بصوت بدون متدري وتعاتب وتحجي وهي حاضنه واستبرق
أما استبرق حتى اليفوت وما يعرف شكو بچه على حالها
وإني صدمه عمري وفاه خالتي خديجه
وخفت على صفا إلي متعلقه بأمها شراح يصير بيها تذكرتها وبجيت ولطمت على گصتي
شلون هيج خاله تروحين
العلويه
سحبت صفا
بحضني خفت عليها تشوف امها
دفعت ايدي وصرخت
اريددد أمي وين امي
موفق حاضن خديجه ومايقبل يتركها
خابرت ام رضا اخته معاند مايقبل ينطي خديجه ياخذونها يدفنونها وصفا واستبرق محاوطينها ومنو يتقرب يعيط بيه موفق
موفق
خديجه ماا تفارك بيتها خديجه ام وليداتي
خديجه هذا مچانها
مسلم
عمي أنت رجل مؤمن حرام تاذي روحها هيج
موفق
وووولي اكللكم هسه تكعد
خديجه هاي استبرق وصفا اكعديلهن
خوختي فرحتي وراحتي اكعدددددي بصرخه وحاضنها
العلويه اغطي بيها وصارت دنيا ليل ومايقبل موفق يهدها دخلت اخته ام رضا
ام
ولك مووفق ولك تقبل تحاسبك ما دفنتها وخليت العالم تتفرج عليك انقي الله هاي جثه حرام تضل
موفق
فضيله هاااي مريتي شلون تكولين جثه ماااا تروح مني خديجه عگب ما تعلگت روحي بيها تريد تعوفني
ولج انعام شسويتي بيه
جبتي كتالي كبال عيني
جبتي خديجه وخليتيني گلبي معلك بيها واستكثرها الوكت عليه
ماااريد جهال ولكم اخذوهم وردولي خديجه
العلويه
صراخ ويضرب بنفسه لحد ما وكع وطگ خشمه دم
اللهم لأ يزور الفقد دياركم
ولا يفجع قلوبكم بغالي
