 |
رواية بيت الخبازه الجزء الثاني 2 الفصل العاشر 10 بقلم زهرة الرمان
بسم الله الرحمن الرحيم
السلام عليكم ورحمه الله وبركاته
#بيت_الخبازه_ج٢.......#بارت١٠
من التهذيب ايها الحزن أن تأتي زائرآ لا مقيمآ فإن الباحه ليس فيها اتساع لاشواك
الفقد والخذلان ✍️
خديجه
شريط حياه الانسان يمشي مال سنوات بثواني لحضات الفرح والحزن الاثر
مجرد نسمع ييه صار من اسم فلان إلى جنازه
دموعي صارت نهر ع انسانه رغم عقلها بيه خرف بس مراحت منها الإنسانية ولا العطف
بينما اكو بكامل قواهم العقليه لكن يصيرون قمه الجهل والعدوانية
خفت على صفا إلي متعلقه روحها بيها أمشي سريع واستبرق تلاگت وياي عرفت من صرختي وسمعتني من جنت اتصل اختج وين كون كاعده
استبرق
لأ يمه نايمه صفا
نزلت إمي تبجي حيل متردده ادك باب غرفه العلويه نايم هناك عمو موفق
شو يمه إني ادك الباب سمعت العلويه كالت ادخل لكيتها كاعده مناعتها تنزل وتبقى جسمها كله يوجعه بسبب الأدوية التاخذهن وعمو موفق بالفانيلا ينام
بس حجينه گممز
موفق
هااا انعام بيچ شي
العلويه
اسم الله اسم الله مابيه مو إني الزايره انطتك عمرها
استبرق
كعد فرك وجها وعدل شعره انتبه انا لله وانا اليه راجعون باوع
لكاني واكفه
موفق
هاا عمو وين امج
استبررق
هاي بالباب
وكف لبس ملابسه وطلع لامي
العلويه دنكت بجت وقرت الفاتحه بدموعها مسحت وجها وصدقت وكامت لامي
حضنتها تسكت بيها
موفق
يلا خديجه جاهزه تمشين
وينج بويه استبرق خالتج واخوانج اديرين بالج عليهم بعد ابوج وصفا وين نايمه
استبررق
أي عمو أن شاء الله أي صفا نايمه
خديجه
ارجعلهم بس وصلني
موفق
شلون حجي هو قشعم شعنده وصفا بعد يطلع النهار وإني اجي اخذها
العلويه
هاك موفق ذني خليهن جوه ايدك
خديجه
طلعنه لكيت قشعم وحياه وكم شخص يمهم
قشعم
لاضغب عليج ثغيب الفاكد كل هله بيا حايط ارسم هله عگب حضنج منهو يلمني يا سنيه جده
ريت العمر يندار واطيج من سنيني وارد اردود صغير وبيدج تشيليلني
يابويه صكر شخليتولي
اريد صوتها بالبيت يهون عليه سنيني
موفق
قشعم أنت زلمه مومن وهاي سنه الحياه كلنه لهلدرب اهدا يلا اكرام الميت دفنه سياره موجوده امشينه خلوها العبايه عليها
خديجه
كعدت يمها
خاله محولله ومبريه الذمه حالليني خاله
وكولي المروه اي عرفت هسه كتاب خالتي سنيه جاي خاله سلميلي على أمي وگليلها بتج شبعت هضم وضلم وتعلمت تسكت وتعلمت ما تشتكي
حضنتها وابجي بصوت فزز كل جرح جان بگلبي مضموم جنت اكول ماكو بعد تراب على متوني ثاري گلبي من الحزن صاير اوراق صفرا تتكسر من تنجاس
شويه وسمعت موفق يكول تحركي ام استبرق
وكفت وشالوها
لاله إلا الله لفوها بعبايه وراحت صعدوها بسيارة وموفق رجعلي
موفق
رايحين للمستشفى وبعدين نغسلها ومناك گبل ندفن
خديجه تروح أنت
موفق
قشعم ماعنده أحد شلون اخليه وحده
أي
حياه
خيه خديجه إني اروح وياهم
قشعم
وين ترحين يمه جهالج محد الهم ارجعي
خديجه
إني اروح لازم مره وي المغيسله
موفق
متاكده تكدرين
خديجه
ع رب العالمين
وياهم كم رجال راحو ويانه
وصلو للمستشفى ساعتين الروتين هي مره چبيره سبب وفاتها الهرم وبس
طلعو الورقه
شفت من بعيد اجت مره بباب المستشفى إني
ام رحمن اجت حضنتني وبچت
أم رحمن
شلون اعوفج تردين
وياج خيه مالج جراعيه الغسل إني مغسله گبل أمي وعمتي
خديجه
اخذتها وياي
سيارتين صارن وطلعنه ندفنها
گلبي صار كزاز رجفه اجتني
ماعرفت اسيطر على نفسي من شفت المغتسل والدجه والماي رهبه
بيها تصغر الدنيا بعيون البشر يعرف شكد حقيره الدنيا وما تستحق كل هاي المناحرات ولا الاحقاد تاليها وصله بيضا ومواحنه نجيبها هادم اللذات الموت
صحيح استسخفت كل الامور الدنيوية ويدفن بني ادم اخوه ويرجع ولا كأن شاف قبر وضلمته ولا اخر الجسد وحده ونرجع
نزلوها للقبر دفنوها يم ابنها والكتابه مال قبره وصلها اول شعاع ضوه الفجر صگر
قشعم يسولف لموفق يكله مخرفه وهي مشتريه طلعت ارض تدفن الناس الماعدها للثواب هاي زايره سنيه مخليه يم الدفان گاع الها وكرايبها وباقي الأرض واهبتها للماعدهم مكان لوجه الله
لو حتى كلشي ما تسوي من توصل للمقبره وترجع تتكسر كل العظام من رب العالمين تعب وثكيل تراب المگابر
رجعت متجمعين الناس
استبرق
غطيت الجهال وبقيت افرك ايدين خاله انعام ودخلت صفا
صفا
وين امي
استبرق
ردت احجي قاطعتني خاله انعام
العلويه
تعالي صفا يمه
صفا
ها خاله
العلويه
بيبي سنيه متخربطه راحوا يشوفونها
صفا
ليش ما كعدوني خلي اروح اجيب التلفون اخابر اروح لهم
العلويه
لأ يمه تعالي همه الصبح يجون وروحي
صفا
خاله ليش أمي تبقى للصبح
استبرق
وشضل للصبح كلهن ساعتين ونص
. صفا
لعد شوكت راحو
. استبرق
ب١٢ونص أنتي دجاجه تنامين من وكت
مكدرت تنام يمكن گلبها حس كلتلها وراج دوام ماقبلت بقت تفتر
اخذتها لحضنها خاله انعام
بقت تسولفلنه عن أمها شلون ماتت وعن اخوها الجبير شهيد ماعرف معدوم
وتعيد كلمه الكل يموت ويروح لدار حقه
خابر عمو موفق
كال لخاله انعام
رجعنه نص ساعه واحنه بالبيت
كالتله خلي مسلم بجي ياخذنه
صفا
منين رجعوا وشصار خاله وبچيت حسيت ماتت بييي سنيه حضنتني
العلويه
گولي أنا لله وانا اليه راجعون تريد تصرخ سكتتها
اخذهم مسلم ووصيت استبرق على اختها ما تتركها خليتها تروح حسبت بعد كون دقايق من دخلتهم من المقبره حتى تصبر صفا خديجه من توصل
صفا
وچ يمه وچ يمه شلووون تروحين وماخليتيني اشوفها وج يمه رجعتي مو وياج بيبي
بيييبي تعالي بيبي
خديجه
حضنتها وهداتها وهي مستمره تعاتبني ليش ماخليتيني اودعها
إني أخاف عليها من المنظر تبقى بذاكرتها وهي عدله افضل
°°
اُّبتلائنا لدينا ذاكره لاتهمش التفاصيل تتعايش معنا وتأكل منا أجزاء
°°~~~
استبرق
تصرخ بقت أول ما دخلت وادور شنو أخذوها ليييش
واجت أمي
تصرخ وبقينه نبجي كالت تعااالي بيبي وبصوت عالي عرفت المحبه مالها علاقه بأن هذا الشخص كبر بالعمر ومتاكدين يموت بس الينحب يتمنى العمر وياه مايخلص
اسكت بصفا وأمي حضنتها وتعبت أمي من المقبره وسهر ليلها مانامت حيل تعبان شكلها
دك التلفون عليه خاله انعام
العلويه
استبرق بنتي تعالي للبيت اجي اادي الواجب لامج وارجع
استبرق
رحت للبيت بقيت هناك والعلوية سمعتها تحجي بالتلفون
العلويه
تتصل على ابو داغر يدزلك التمن والدهن والشعريه وشنو عندك الطباخ يحتاج
ودزيت مسلم للمزرعه راح يجيب خرفان بعد تحتاج شي
موفق
لأ ماعندي شي اكول لاتجين خاف تتعبين ماعندج مناعه انعام لا تلگفيلي فاريوس لو جرثوم
العلويه
لأ ما كو شئ بعد ذكر رب العالمين
نص ساعة ما أتأخر لاجل عيون خديجه
استبرق
طلعتلها لبس اسود وهي جدآ انيقه بكل ملابسها وتفاصيله
طلعت وإني بقيت بالبيت يم علي وهبه وبالي يم أمي وصفا
خديجه
دخلت عليه العلويه تلگيتها ما خليتها تلطم أخاف عليها كعدتها دنكت وبقينه نبجي وخلت صفا يمها.لازمه ايدها
تهدأ بيها
ربع ساعه واجن هواية نسوان
علويه روحي للبيت واخذي صفا لاتتخربط
خليتهن يرحن لأن العلويه ماتتحمل هوسه اعرفها
بقينه للضهر رأسي صار عندي صداع سهر وبجي وهوسه الفاتحه
حياه اشرلتي اصعدي فوك نامي
صعدت ردت بس انام ماكدرت
بعدني بالدرج ونسوان هوسه
سمعت صوت مو غريب
ام ماجد اختي جايه وتلطم وتگول
رجعت صعدت ماريد اشوفها
لمن كعدت شويه ونزلت بقيت يم الباب ما
شافتني
سمعتها تحجي بصوت عالي
جاا وين خديجه مو كالو گريب بيت خالتي كاعده
حياه كالتلها أي هي راحت دفنت خالتي
سكتت كلت لحياه انطيني عبايتي رأسي ماهدا اروح لبيتي
وطلعت خابرت موفق كتله أريد ارجع للبيت
أم ماجد
اكلج حياه وين خديجه
حياه
راحت لبيتها تعبانه اجت من المكبره وماكدرت تنام
ام ماجد
وتجي لو تسمع بينه وما تجي
حياه
هي ماقصرت لأ هي ولازوجها واكفين وكفه وبسياره رجلها دفنو خالتي
وراح حتى رجلها وياها
بس تعبت صارلها ثلاث ايام تروح وترجع على خالتي ماهدتنه يوم جانت مريضه خالتي الله يرحمها
ام ماجد
بيتها قريب
حياه
اي كدام هذا الفرع بيتهم الركن من مدخل الشارع
أم ماجد إذا ما اجت اروح لها اشوفها خاف نرد لهلنه
استبرق
يمه ماترجعين للفانحه
خديجه
لأ ماروح اخابر قشعم إذا ام ماجد راحت اروح وإذا كال بعدها ابقى
قشعم
ها خاله لأ بعدهم
يمكن الصبح يرحون
خديجه
خاله اعذرني ما اجي وإذ تحتاج شئ خابرني
أي شيء يذكرني بيهن ماريده
أمل خابرتني كالت ماكدر اجي عدها عمال ببيتهم صايرين هوسه جاي يقسمون البيت لولدها تعزلهم هم تشتكي من چناينها تريد تعزلهن وتخلص
وحجت بدون ما اسالها
أمل
تغريد ماتجي صار عدها سكر وما تواصل أحد ولا تجي لأي أحد لابعزه ولا بفرح
خديجه
وإني اسالج على تغريد شريد منها
اختجن الجبيره نيابه عنجن اجت ام ماجد
أمل
خديجه خيه احنه بينه دم والدنيا ماتسوه
خديجه
أمل روحي انتي مشغوله وإني ماحب الاعاده بمواضيع ماتت
صعد موفق سال عن دشداشته مكويه انطيته الها
موفق
هاا انتظرج نروح الفاتحه
خديجه
لأ روح بس انت إني بعدني مالي خلك
موفق
خير أن شاء الله المهم ما مريضه
خديجه
لأ بس تعب هسه يروح
راح وإني نزلت يم العلويه
بعدنه نسولف واندك الباب
مسلم خابر العلويه گال اكو مره بالباب جايه على ام استبرق
العلويه كالت خليها تتفضل
استبرق
بالمطبخ جاي اغسل بگلاص العلويه
كل الاشياء التستخدمهن يمها ما تقبل احد بستخدمهن
وشفت بالكراج دخلت خاله ام ماجد
رجعت الغرفه
يمه خالتي ام ماجد دخلت
العلويه
گامت وطلعتلها
لأن أمي كالت شجابها وجانت تسولفلها
العلويه
خديجه سولفتلي عن ام ماجد كالت حاضره زواج زوجها وكرايب اهل أبو ماجد
ومتعاركه وياها خديجه
وتغريد تكول نفسها صارن ضدي من مات زوجي
طلعت ورحبت بيها وعرفت عن نفسي اني ضره خديجه
دخلتها وكلت لاستبرق ضيافه
بقيت شويه كاعده سلام والبقيه بحياتكم
سالتني وين خديجه
خديجه اجت تعبانه ونامت كلش تعبت
أم ماجد
ماا أدري إذا تريد ماتجي تسلم عليه او بعدها زعلانه او صدك نايمه بس الامانه أتمنى توصلينها الها هلكلمتين امانه
تكليلها اختج مشتاقتلج والراح مو بكد الجاي
خليها تبريني الذمه والله والله يامسلمه ماجنت ادري خلود تزوجت حاجم إلا حين الاجيت لكبتهم يعفودن
وراها اجاني حامد وسوه فلك على خلود ذبت ابنها وشردت وهسه بولايتنه عمامها هدرو دمها لأن مالها عذر نهبت شسوت ماندري
وحامد تعارك وي عمام أبو ماجد من وراها
إني لأ إلي ناگه ولاجمل
العلويه
عيوني ام ماجد إني أي تفاصيل ماكالت عنها خديجه
بس إذا اكو خلاف بينجن المفروض ما تخلينه يفوت عليه سنين
لأن الگلوب هم يصير عليها زنجار إذا لاحها وجع وموقف
أم ماجد
يعيني أنتي هسه يصير تكعدينها واريد اشوف البنات هم
خديجه
سمعت كلامها تسأل ما حبيت اضغط على العلويه
دخلت
سلام عليكم
وكفت باستني ببرود ما بستها
وكعدت خليت الجاي والماي كدامها وسكتت
بقت تتعذر وتحجي
وتسالني طلعت العلويه بقينه وحدنه
جاوبت كلمتين
ردتي تشوفيني هله بيج البينه
مو خوه بينه گرابه مفروضه بس ما ينفرض عليه أحد بعد
أم ماجد
إني اختج شنو مابينه ومفروضه
مصارين البطن تتعارك شنو لزمتيها عليه
لانعل خير كل عشيره أبو ماجد ع خليده على كل شئ فرقنه أنتي أختي برضاج وبغيره إني خايبه ربيتج
أصغر وحده أنتي وأمي توفت
توج شبيتي وأمي توفت
گمت حضنتها وبچيت مشتاقتلها
خايبه خاف يجي الخطار اليفرگنه وتضل بنفسنه الموداع
خديجه
وجعني كلامها وبچيت
بادلت الحضن وبقيت اعاتب كل سواياتهم هيج سويتي وهيج كلتي وهيج وكفتي وتتعذر وتبجي
وحتى تغريد كالت مريضه وحتى من اسأل عليها يكلولي مو هنا ماتريد حتى تشوف بشر
ابقي باتي يمي
ام ماجد
امشينه للفاتحه
خديجه
بتنه ثنينه ببيت خاله سنيه
وثاني يوم ثالث وختمه سويناه ام ماجد
شافت موفق وسلمت عليه والعلوية لازم تنطي صوغه گالتلها هاي جبره (الجبره هي هدايا لاهل الميت)...وشافت علي وهبه والبنات وشبعت بجي
وتردد بسم الله ويس والرحمن يحاوط بيتج وعيال بيتج وراحت
رجعت إني وموفق للبيت لكيت صفا متخربطه شافنتي العلويه گوه امشي من التعب كالت اصعدي ارتاحي وإني وموفق ناخذه
ما انطاني گلبي تركنه استبرق يم الجهال ورحنا ومسنوده صفا على العلويه
لكينا ضغطها نازل وعدها فقر دم
خلولها مغذي وبقينا يمها
استبرق
بقيت يم الجهال اتصلت عليهم طمنوني على صفا
دك تلفوني
رقم غريب
ما جاوبت
مرتين ثلاثه.تركته
شويه واجه مسج
-اني سيف ابن عمج افتحي خط
ألو
استبرق
أهلا سبف
سيف
شلونج استبرق
استبرق
الحمد لله
سيف
رقمج مبدل
استبرق
أي هذا خط وتلفون جديد عمو جابه
سيف
بالعافيه عليج
استبرق
منين جبت رقمي
سيف
من فطومه
استبرق
اشو ما كالت طلبته
سيف
لأن متدري اخذته
استبرق
يعني بوگه بايگه
سيف
اكو بوگ حلال
استبرق
ضحكت ضحكه مصطنعه مجامله
سيف
استبرق
استبرق
نعم
سيف
إني وسته طلاب اختارونه لبعثه تطويريه اجت للندن
استبرق
اهاا
سيف
هاي البعثه باعتبار شون امتحان وبعدها تصير اليه تعديل لشهادتي ولمهنتي
استبررق
تستاهل كل خير أنت شاطر وتحب الدراسه
سيف
استبرق هاي البعثه مجانيه ع حساب الدوله والف واحد إذا ما رحت إني ياخذونها ويتمنونها
استبرق
لحد الان مافهمت شنو تريد من هاي التفاصيل إلي تكولها إني ادعيلك بالخير تستحق كل نجاح أنت مثابر وتتعب
سيف
هاا إلي اريده اكوله جان مؤجل
گلت رح يجي اليوم واحجي الاريده
بس حاليا وراي درب ودرب يمكن سنه يلا اخلص إذا تجاوزت ونجحت ابقى سنه وإذا لأ اعيد سنه ثانيه
الملخص يبت عمي
شايفه الصورة من چنه صغار عمي حاجم اخذها النه
چان ما يقبل أحد من الجهال الولد يوكف يمج يخاف عليج
بس من وكفت يمج ماحجه بس جان يكلي هاي عيوني الاشوف بيهن تعمى عيني إذا استبرق صار عليها شي
من ذاك التاريخ احسج جبيره بگلبي وعيوني
تحول خوف ابوج بيه
اخاف عليج من الهوا اليهب جنت.
بس طبعي ما يضهر البگلبي
من گال أبوي منهي عليها
گلت
ريت كل التقاليد تموت وترد برجلها ليه
شلي بگرب والگلب موش اليه
فيا استبرق يبت عمي
إني شفت گلبج محد سكن بيه
وإني. شراي
ابصم ومغمض على إلي تگولينه
اروح وإذا كلتي لاتروح ماروح وإذا تكولين انتظر ابقى وفي
لحد ما ارجعلج
استبرق
بقيت بصمت لحد ما هو سال ها استبرق
ماكدر اجاوبك حاليا
سيف
عندي بعد شهر كامل
وعمو عمار يريد يجيكم أي كان قرارج احترمه
غلقت التلفون واجوا من المستشفى
سويت اكله خفيفه لصفا
بقيت بليلتها افكر وألف فكره تأخذني وترجعني
خديجه
بقينه كم يوم اروح اشوف قشعم مايطلع من البيت اجت حياه كالت راح يفصلونه من دوامه
رحنا إني وموفق وحجينه وياه
إني حاسه بناره والفقد مو هين
بس شديت من عزيمته وبقيت احجي عليه وموفق هم
يومين ثلاثه وطلع وراح لدوامه
استبرق
قررت اسولف لأمي لأن هي ورا عمليتي سولفتلي شلكت وشخربطت بالكلام بالبنج
بس مع ذلك ما حجت ولا جرحتني
خديجه
أنتي هسه بشنو محتاره بشلون يسافر لو بانتظارج اله لو أصلا أنتي متردي لأن كلتي ابن ايمان وحامد وما اريده فهميني
استبرق
يمه إني سولفتلج الحجاه كل الكلام ساعديني
خديجه
أول شي أنتي تردينه لو عندج اتجاها مشاعر حب لو مثل ما كالت العلويه لان تقربتيله بفتره جانت الدنيا عدج ضلمه
ديري بالج استبرق الحب شكل والشفقه شكل ثاني او امتنان اله
استبرق
المشكله مادري
خديجه
ماطول يمه ماتدرين مو انصاف تخلينه يوكف فرصه عمره على مشاعرج المخربطه إني اكول تكليله تروح بسلامه ومن تجي الله يحلها إذا استجد شي بسفرك اكلك وخلص
يعني إلي حبيتيه وانتظرتي
خير على خير بهاي الفتره شفتي بعده ما غير مشاعرج وحسيتي زواجج منه مو ضابط كليله شوف حياتك وخلص
ألو
الو هله استبرق
استبرق
حجيتله كلام أمي بصيغه إني هذا كلامي
ماحسيت عنده اي رده فعل
إلا الله بوفقج راح اجي اشوفج قبل لأ اسافر
بعد كم يوم اجه عمو عمار وأخذ من خاطر أمي ووياه سيف
سلامنه كان هادئ لأن الكل موجودين
قبل سفره بليله أتصل عليه وسلم عليه
وبحقيقه الأمر بداخلي حمدت الله لأن
ماخليته بأمل حتى يتفرغ لمستقبله لأن إني أحس مشاعري متجمده من أمور الارتياط والزواج
وسافر سيف والايام تركض ركض وزادت علاقتي بخاله انعام صارو ما ياكلون إلا من طبخ ايدي حتى البيت تنظيفه عليه ترتيب البردات الاغراض الموسميه أي شيء يخص البيت إني أحب ارتب
صعدت لغرفتنه انظفها
بيومها أمي والعلوية راحن اخذهن عمو موفق للزياره يزورون الجهال
كسر الوكت ورا نص السنه شهر الرابع إني لازم ابقى لأن صفا دوام وامتحانات آخر شي ويدخلون بكالوريا
نظفت الغرفه ورتبها وكلت انظف الكنتور مال صفا
طلعت ملابسها ورتبت كتبها ودفاترها اشوفها تتعب وهوسه صايرات رغم متقبل أحد يرتب كنتورها
صفطت ملابسها وعدلت غراضها واقلامها
ووكعت صور عدها هي صور لبابا ولمروه والنه عائليه من چنه صغار ببيتنه
حبيت اگلب بيهن
صارت عيني على دفتر لونه حلو
اخذته فتحته
إني صفا
رب العالمين خلق اشياء ثنين بجسم الانسان لأن مايكتمل إلا ثنين
واكو خلقهن فرد
مثل العيون إلا ثنين الايادي إلا ثنين
الاقدام
الكليتين
الاذنين
خلقته إني ومروه ثنينه يلا نكتمل
هسه صرت معوقه لأن ماتت أختي
ما احس أحد وياي ويمي
اتمنى أمشي بالشارع وما يباعولي أحد
مستغربين أتمنى محد يسألني ليش هيج
سمعت أمي تكول لاستبرق أي واحد يكلج احبج تعالي كليلي وإذا حبيتي أحد مو عيب بس كليلي
إني بيبي سنيه تكلي أنتي لقشعم
وهسه من اغمض عيوني ما اشوف روحي إلا يم قشعم اكول لأمي لو تضربني
استبرق
بعدني اقرأ وحسيت انسحب الدفتر
صفا
لييييش تلعبين بغراضي
استبرق
جايه انظف لأ تاكلين تبن
صفا
شتنضفين شعليج كايلتلج غراضي لأ تعزلينهن
استبرق
لأن حضرتج ضامه هذا الدفتر واسرار ماتردين أحد يشوفه
صفا
وأنتي شعليج
شقررريتي
استبرق
قريت حضرتج تحبين قشعم
صفا
انجبي معليج
استبرق
تغلطين عليه
صفا
أنتي جبتي النفسج الغلط مامدخله بيج لاتدخلين بيه
اكره أحب معليج
استبرق
إني اختج وأكبر منج هذا الكلام شنو عييب
صفا
وإني ما كلت عندي شئ وي أي احد
أحب أكتب إلي احسه لو هم تدخلون بالإحساس
استبرق
غبيه أخاف عليج بعدج صغيره هاي الاشياء ادوخج وتغيرج
صفا
أول مرة احلفي بروح مروه متحجين
استبرق
وروح مروه وروح أبوي ما احجي إني اختج ثوله
صفا
السنه الفاتت
ولد جان يوكعني من اطلع من المدرسة
يدفعني اكبر مني. انترست طين واجه قشعم أخذني لبيتهم وغسلت ولمن صرت زينه جابني قشعم
بقى دوم يجيني وما يخلي أحد يضوجني
اكلج شي
إني من كالت بيبي سنيه الله يرحمها أنتي لجشعم صرت ما اشوف أحد غيره
أحب بيتهم هذا الصدك بس حبيتيه وهاي الاشياء البنات يحجن عليهن بس إني ما عندي أي شيء ولا سويت شي
استبرق
إني اختج ومحد يخاف عليج مثلي
كليلي كلشي يصير وياج شنو واحد يدفعج وتسكتين غير اخلي وجها حيه ودرج سوالف البنات هاي لا تخليج تنسين أنتي هسه سمعتج بامانتج مخليتها أمي وعمو موفق لأن احنه ببيته محسوبين عليه ترضين يكولون على أمي ماعرفت تربي
مو تذكرين عمو حامد لأن راد يخطبني ذا النون شهرنه وخزانه لاتحجين به الاشياء هاي لأن ما تنظم شلون منظر أمي كدام العلويه وعمو موفق إذا همه خلوج بمدرسه اهليه ويطون كومه فلوس. حت تنجحين أي وحده من صديقاتج تحجي عن علاقات وأصدقاء اطرديها
وراها صفا صارت عطله قبل الامتحانات
تسولفلي صارت كلشي ما تضم حتى سوالف البنات صديقاتها
وإني انصحها اهم شي لاتتاثرين بكلامهن ودراستج اهم
رقم سيف مغلق
وفطومه اكيد الامتحانات تسحب التلفون سرى منها ما أتصل عليها
رغم وجهي بعد العمليه رجع بدرجه كبيره
شئ بسيط كلش بقى لأن الحاجب صعب يرجع بيه الشعر المكان المضروب
بس احس اكو تشوه بگلبي ما تخطيته
شكد عمو موفق يعاملنه زين حتى عمامي الحقيقيين ما يعاملونه معاملته
بس من رب العالمين من اشوفه شلون يلعب هبه وعلي وشلون يباوعلهم احس أني عندي غصه وحسره
وصفا إني أصلا من زمان اشوفها شلون تفها من يلاعبون هبه
وبدت الامتحانات وأمي تفتر على صفا أخاف تحتاج شي
اكلها تكعدها هي تساعدها تسالها ووياها أكثر الاوقات حتى إذا صفا تقرا أمي تكعد يمها تكللها بس اياوع عليج
كملت الامتحانات
خديجه
صرت افهم من أول اليوم إذا العلويه اليوم مزعوجه او زينه
اتعامل بحذر وياها واسويلي الف شغله حتى ابتعد منها
اكول بداخلي أي مشكله إني الخسرانه هي مريضه
وراح تتخربط اتحاشاها وإني اعذرها
لأن موفق شكد يحترمها ويقدرها وما يخلي بخاطرها ابد
بس سبحان الله المره تحس بزوجها بحبه وميله
وهو واضح حبه اليه
عشت وي موفق مثل مراهقين بأحلى ساعات تجمعنه
شخصيته مثل الاسد بس ماكو احن منه وطيبته
من يباوع عليه أحس لازمه السما بيدي
يحسسني اهم بشر بالكون
يشاركني بكل تفصيله تخصه
والاهم حبه لبناتي .معاملته الحلوه وياهن
بدت العطله وعلي بدأ يمشي وصار نسخه موفق
الزم ايده أصابع رجليه يشبهن موفق
اتلمس تفاصيله بفرح لأن يشبه موفق
هبه يحير شكلها بس شعرها بالضبط شعري ثخين بيه كسرات وع لون بني او حمار شويه
وجها مدور
بهاي العطله ما طلعنه إلا للمزرعه نروح نوبات
لأن طبيب العلويه رح يجي بمستشفى بسليمانيه
ويرحوله وعلساس نروح كلنه
اليوم طلعت نتائج الثالث متوسط
والحمد لله فرحتنه صفا بنجاحها
وأعتقد اليوم أول يوم شويه تغير علينه الجو بعد وفاه خاله سنيه
فرحنه بنجاحها وموفق كال خلص نروح لسليمانيه كلنه
قبل سفرنه باربع ايام
صار عندي دوخه ودوران ونصبوا عليه حامل وخاف حامل
العلويه
وحامج بكل طفل شكل هالمره شامرتها على الدوخه والدوران
خديجه
بس ما صار هواية علويه
العلويه
كل بطن تختلف يلا تروحين لسليمانيه وهناك نسوي تحليل وفحص الج كامل جسمج
خديجه
لأ مابيه اسافر
موفق
شنو مابيج تسافرين مو اتفقنا
العلويه
منا لبعد ثلاثة أيام بلكي تصيرين احسن
موفق
خليني اخذج هسه للطبيب ينطيج علاج حت هاي دوخه ودوران يروحن بالسفر
خديجه
لأ ما اسافر والله مابيه حيل للسفر روحو انتم
هي أصلا راح تخلصونها بالمستشفى
استبرق
إني هم ابقى يم أمي إذا ماتروح
موفق
خلص ابقي خديجه وأنتي باباتي صفا ترحين صح
صفا
عمو روحو للعلاج وابقى اطلبك سفره من أمي تجيب بعد أمي أول ما ادوخ معناها حامل
موفق
خليها تجيب بعد محمد
العلويه
يآرب أن شاء الله هو السفر مو زين عليها
خديجه
حضروا للسفر وما اخذو هبه وعلي بقوا يمي صفا واستبرق يدارونهم
وراحوا يوم السبت العصر طلعوا
وإني بدت تزيد عندي الدوران
والدوخه بس ما ابين للبنات
مشغولات يريدن يشترن ملابس وحاجيات
انطتهن العلويه فلوس كالتلهن اشترن ملابس وموفق موصي مسلم يوصلهن وين يردن بس إني اروح وياهن على الأساس يوميه يكولن اليوم تكدرين وإني ما بيه
استبرق
كل يوم تكول باجر بس اليوم ناخذها قابضا للسوك ومناك نسويلها تحليل حمل حتى نأخذ البشاره من خاله انعام
صفا
بس كون أمي تقبل وينها
استبرق
صعدت كالت شويه ولنزل
صفا
علي يمها
. استبرق
أي
صفا راح اسبح هبه حتى مايبقى عدنه شي من نطلع
موفق
كشف الطبيب على انعام وتحاليل السوتهن نظيفه بس ورا يومين اتصل الطبيب طلع تحليل يتأخر ضهر وكال تعالو
الطبيب
ماريد اخوفكم بس ضهرت عقده جديده تحت الابط هايه ما معروفه مثل الغدد السابقه خبيثه أو لا نحتاج بعد يومين او ثلاثه نتأكد
