رواية ظننته حبا الفصل التاسع عشر19 بقلم سحر السحرتي

*رد عليه فريد بكل برود 

: اولا دي رياضه ما تيجي تتمرن معانا ولا كبرت على الحاجات دي ...   وبعدين ما تدقش كمان احنا في مصيف و جايين ننبسط وانا واخد بالي منهم كويس ما حدش يقدر يقرب منهم ها جاي 

*تركه وذهب

*كان فريد رغم صغر سنه يدرك ما تمر به اخته الكبري وكان يعلم حب جواد لها منذ الصغر وحزن عندما علم بزواجه وانتقال اخته لمقر عمل بعيد عنه فأدرك الباقي

*وكانت جودي تشعل الشاطئ حماس فاست-شاط جواد غض-با اكثر عندما شاهد عمه وزوجته سعداء بما تفعل فأيقظ باسل من النوم 

:ما تقوم يا ابني انت جاي تنام هنا الحق مراتك بترقص 

*استيقظ باسل بكسل وفتح عين واحده

 :ياعم سبني دي رياضه خليها تتهد يمكن تحل عني عشان كمان شويه هتقول لي فسحني اكون شبعت نوم 

بقلمي سحر السحرتي 

:هي فين الرجوله

: الله يرحمها دفن-تها و ربعنت كمان

: امال بس كنت عامل راجل على الغلبانه الاولانيه 

:يا ريتها دامت دي امها  دعيالها و حسبنت عليا وهي كاشفة راسها كله طالع على جتتي ومش عارف انطق

 :ضحك جواد على حاله وحزن على حال جودي التي حرمت من الحب والزواج و ظل-مت على يده هو وباسل 

*في المساء امسكت جودي يد فريد و؛سحبته كي يجلس معها على الشاطئ

: يا جودي احنا بالليل بحر ايه اللي عايزه تقعدي عليه تعالي نروح سينما او ملاهي 

:عشان خاطري الجو حلو قوي ونفسي اقعد هناك في نور وكراسي واغاني شغاله

 :طيب هقول لسيلا عشان لو حبت تحصلنا واضح ان المصيف ده قايم على تحقيق رغبات حضرتك 

:خلاص زعلانه مش عايزاك تيجي معايا انا كنت عايزه نقضي اطول وقت مع بعض عشان وحشتني 

*احتضنها : ما تزعليش يا حبيبتي

 *علمت سيلا بمكان تواجدهم واخبر باسل جواد ليخرج معهم لانهم لا يريدون الجلوس على الشاطئ 

:لا روح انت وسيلا وخذ جينا معاكم انا حابب اقعد هناك شويه 

*لم يكن يدري لما يطاردها؟ .... هل ما زال يحبها و اشتاق اليها ؟ ....  ام يكفر عن ظل-مه لها بعوده علاقه الصداقه التي كانت بينهم لم يجد اجابه .... ولكن لن تمر لحظه يستطيع ان يكون بقربها الا وسوف يستغلها 

*كانت جودي تجلس بجانب فريد وهو محتضنها ويضع يده حول كتفها حين استمعت لاغنيه تحبها

 :الله انا بحب الاغنيه دي قوي وكنا عاملين عليها عرض في الفرقه 

:طب ما توريني ولا هي لازم جماعيه

 :لا ممكن فرديه 

:طب يلا و هصورك كمان

بقلمي سحر السحرتي 

*بدات جودي الرقص على اغنيه داري يا قلبي لحمزه نمره  

*كانت حركات تعبيريه بها بعض خطوات من الباليه وكل اداءها يدل انها حزينه من الداخل ولكنها تتعايش 

*شعر فريد انه يجلس في قاعه الاوبرا ويرى عرض تعبيري رائع و يتابعها ايضا من بعيد جواد الذي شعر بك-سره قلبها 

*كلمات الاغنيه 

$مالك مش باين ليه $قلبك تايه من مده كبيره 

$خايف تتكلم ليه $في عيونك حيره و حكاوي كثيره 

$متغير ياما عن زمان $قافل على نفسك البيبان 

$حبيت وفارقت كم مكان $عايش جواك 

$احساسك كل يوم يقل$ وتخطي و خطوتك تذل

$ من كثر ما احبطوك تمل $فين تلقى دواك 

*بكت مع جزء 

$بتودع حلم كل يوم$ تستفرد بيك الهموم 

$وكله كوم و الغربه كوم$ والجرح كبير

$ ما بتديش حاجه اهتمام$ اهلا اهلا سلام سلام 

$بقى طبعك قله الكلام$ وما فيش تفسير 

*انتهت وصفق لها فريد وكل من كان يجلس على الشط .... لكن جواد كان يغ-لي وذهب وامسك يدها بق-وه 

:ايه اللي بتعمليه ده

 *فريد امسك يده

: في ايه يا جواد مالك ومالها

:  انت سايبها ترقص قدام الناس كده عادي

: اختي وانا معاها وكانت بتعمل عرض تعبيري انت زعلان ليه

 :عشان بنت عمي

: لا انا اللي ابن عمك وعادي ما هي مشتركه في الفرقه الشعبيه وبتعمل عروض قدام ناس كثير ما فرقتش ...  وانا معاها 

:يعني اشتراكها و رقصها قدام الناس بالنسبه لرجولتك عادي 

:مالك يا جواد من الصبح ماسك رجولتي وبعدين دي اختي الكبيره وعمرها ما عملت حاجه غلط ودائما بتستأذن بابا وماما و تاخد موافقتهم انت بقى بتمسكها كده ليه 

*ارادت جودي ان تهدئ الموقف 

:معلش يا فريد جواد طول عمره بيعتبرني اخته ويمكن زعلان عشان هنا مش مسرح وانا كمان ما كنتش اعرف ان الناس كلها هتتفرج 

:انت ما عملتيش حاجه غلط 

:هو فاهم وما يقصدش اي حاجه تعالوا نقعد نشرب حاجه تهدينا انا مش هعمل كده تاني 

*امسكت يد جواد ويد فريد لكن شعورها وهي ممسكه يد جواد مختلف تماما 

:يلا بقى ما تنكدوش علينا احنا جايين ننبسط و نشيل تعب السنه كلها 

*استغل جواد تمسكها بيده و اطبق عليها بق-وه وكانه يحتضنها فتركت يده سريعا ودخلت في حضن فريد 

:وبعدين انت راجل وسيد الرجاله من يوم العل-قه اياها هههههه 

 *جواد بتساءل :عل-قه ايه 

:لا ربنا يستر على الناس بس مش عايزه اقول لك ربنا ما يكتبها عليك  ..... فريد وريني الفيديو بتاع العرض اللي كان هيزعلكم من بعض 

*انضم معها جواد ليشاهد العرض وطلبت جودي من فريد ان يرسله لها 

جواد :وانا كمان 

فريد: ليه هي دي رجوله برده ابعت لك فيديو خاص باختي 

:ما تبعت يا رخم ما هي اختي وبعدين عرضها حلو

: امال كنت عامل هليله ليه

: اصل كان في واحد بيتفرج بوق-احه 

:هي حتى لو لابسه خيمه و ماشيه هتلاقي اللي بيبص عليها بوق-احه المهم اخلاقها 

:اكيد جودي ما فيش غبار على اخلاقها

 :عارف اختي وما بشكش فيها 

:ما خلاص بقى يا فيري مش هنعمله موضوع تشربوا ايه انا عازماكم 

جواد: هتعزمينا وانت قاعده مع اثنين رجاله 

فريد: انا راضي الرجوله باين عليها نقح عليك النهارده اعزمنا انت 

:هعزم انا يا بارد 

:جودي اختاري حاجات غاليه عشان يحرم

 : هههههه انت مشكله بس جواد مش بيفرق معاه لو كان باسل كنت قلت اه ده كان هناك ما بيختارش غير الغالي ليا ....  انا هقوم اجيب لكم حاجه على ذوقي ارد شويه من جمايله عليا

بقلمي سحر السحرتي 

:ما تقوم يا بارد تشيل مع اختك هتشيل ثلاثه ازاي

 :يا عم انت فيك حيل انا تعبت من الميه

: امال ظابط ايه و لياقه ايه جتك نيله 

:خليها تجيب كوبايه كبيره ما تسترخصوش

 *اسرع خلفها هو اخوك ده بجد 

: هههههه ده عسل اخر العنقود بس سكر قوي انا بم-وت فيه 

*توجه لها بعتاب مع محبه

: ينفع اللي عملتيه ده ممكن عشان خاطري ما تعملهوش تاني 

*شردت في نظره عينيه وكلامه ارادت ان تصرخ وتقول 

:انت ما لكش خاطر بس انت لك حب كبير قوي في قلبي

 *لكنها افاقت وهو يقول 

:جودي انت زعلتي من كلامي

 :ابدا يا دكتور طول عمرك بتخاف عليا حاضر 

:مدام قلت دكتور تبقي زعلانه

: لا ده دليل احترام مش زعل 

:هو ينفع نقعد نتكلم مع بعض

 :لا كل اللي انت عايز تقوله فهماه مش محتاج تشرح حاجه وعندك حق في اي شيء

: بس انا مفتقد كلامنا مع بعض

 :الحياه مش دائما على حال كل شيء بيتغير انت بقالك حياتك و مراتك حاول تعوض اللي ناقصك معايا وياها

: اللي ناقصني عمره ما هيكمل غير معاكي 

:فات اوان الكلام ده خلينا نرجع لفريد 

*عادت لتجلس مع فريد

 :جبت لك سندوتشين مع العصير يا حبيبي

: احلى اخت في الدنيا 

*تعاملت مع جواد بطريقه عاديه لكن احيانا كانت تشرد في ملامحه وهو جالس ويشعر بها لكن سريعا ما كانت تعود لرشدها

*مر يومان كانت سعيده بوجوده و بعائلتها وفي اليوم التالي سال جواد عليها فرد فريد 

:رجعت مصر سلوى بتولد راحت تقف جنبها

 :رجعت لوحدها 

:وفيها ايه ما هي عايشه بره لوحدها وبعدين دي صاحبتها هنسيب المصيف ونروح وبعدين هي هتعوضوا لما تطلع شرم

: انتم طالعين شرم 

:اه بعد ما نرجع باسبوع

: خلاص ظبطنا معاك 

:هي اصلا اللي عزمانا و عملاها مفاجاه مش عارف هتحجز فين هقول لها تعمل حسابك 

:لا لما توصل ابقى قول لي عشان ما تضايقش وتضطر تعزمني انا وجينا

 :راجل وحساس لو باسل كان حشر نفسه وكان ليه ما هو حاشر نفسه فعلا معانا اهي  بتتصل .... يعني ايه انذار كا-ذب  .....ايه كمان ليه هو انت لحقتي احنا لسه ما شبعناش منك  ..... ماما هتزعل قوي ..... طب خلي بالك من نفسك

بقلمي سحر السحرتي 

: في ايه 

:سلوى كان عندها طلق ك-اذب ولسه قدامها اسبوع على ما تولد و كلموها تقطع الاجازه وترجع عندهم شغل ضروري

: نعم يعني هتسافر

 :لا خلاص سافرت هي دلوقتي في المطار بس قالت انهم هيعوضوها و هترجع تاني 

*ادرك جواد من داخله انها تهرب من مواجهته وانها تحبه كما يحبها وحتى يجتمع معا عليه ان يتخلص من هذا الزواج الفاشل  ..... فهو لم يحب جينا وهي ايضا ولكنهما حين فقدا الامل في حبهم للشخص الاخر تزوجا علهم يعوضون بعضهما لكن كان وهما  ..... وها هو يندم على فعلته بعد ان علم من اخيه انه ظ-لم جودي فهل سينجح في انهاء علاقته مع جينا 

*عاد جواد لعمله بعد الاجازه مع جينا وبعد شهر تم الانفصال 

*حاول جواد الاتصال على جودي بعدها لكنها لم تجب خاصه عندما علمت بطلاقه من جينا وفضلت الابتعاد اكثر حتى لا تشعر بالذن-ب انها السبب 

*لم يستطع جواد القيام بالاجازه ليسافر لجودي فتركها بعض الوقت الى ان تحين فرصه للسفر 

*مر عام وقد ترقى جواد في عمله وايضا جودي وتم نقلها للعوده الى المركز الرئيسي 

*لم تمانع عندما علمت ان جواد قد ترقى ونقل من منصبه السابق لكنها لم تعلم انه اصبح رئيسها المباشر وهو من قام بنقلها فقد قام باخفاء ذلك عن الجميع حتى لا يصلها الخبر و تمتنع عن تنفيذ امر النقل 

*عندما عادت جودي للمركز الرئيسي ظلت اسبوع تتعامل مع زملائها الى الى ان استدعاها جواد في مكتبه اندهشت من رؤيته

 :انت بتعمل ايه هنا مش اتنقلت 

:اه اتنقلت للمكتب ده

 :معناه ايه الكلام ده 

:معناه اني رئيسك المباشر 

:بس ما حدش فهمني الكلام ده 

:عارف وكنت متاكد من رد فعلك بس انت وافقتي على النقل و استلمتي مكانك فعلا وما فيش مجال للتراجع

: لا فيه وانت عارف كده كويس 

:مش معقول تسيبي شغلك والمكانة اللي وصلت لها بسهوله كده

: انت عايز مني ايه يا جواد انا سبت لك المكان والبلد و بعدت و اتاقلمت مع حياتي من غيرك وبقيت مستريحه كده

: هنا مش مكان نتكلم فيه عن مشاعرنا ممكن نتكلم بعد الشغل في اي كافيه

 :واذا رفضت 

:ارجوك عشان خاطري

 :حاضر لما اشوف اخرتها و نحط النقط على الحروف في التعامل بينا ونخلص بقى

: طول عمري اقول لك عشان خاطري بتوافقي على طول 

:عشان انت عارف ان خاطرك كبير فبتستغل ده

: صح 

*ابتسمت: بتعترف على طول كده

: هكذب ليه احنا بقينا كبار بما فيه الكفايه هقابلك بعد ساعه 

:خلاص هستناك

 *شعر جواد ان جودي سوف تتهرب منه ولن تقابله فبعد العمل وجدته يجلس على السلم امام شقتها في السكن 

: هههههه بتعمل ايه هنا 

 :بجيبك من اول السلم 

:انا كنت هغير هدومي واجي اقابلك ما يصحش تقعد كده لو حد شافك هيبقى شكلي وحش

 :انا مستنيك يا جودي خلصي 

*نظرت بخبث :طب انزل و هحصلك على الكافيه هاخذ دوش واغير واجي 

:كل اللي انت بتقوليه ده فيه ساعه انا مستني هنا و انجزي 

:طب بامانه نص ساعه و هحصلك 

:نص ساعه ودقيقه هطلع و معايا حارس السكن نك-سر الباب هقول سمعتك بتصرخي و بخبط مش بتردي

بقلمي سحر السحرتي 

: هههههه للدرجه دي مش واثق فيا

: انت ناسيه هروبك من الساحل 

:كانت سلوى بتولد

 :سلوى ولدت بعدها باسبوعين 

:طب خليها يوم ثاني اصلي مجهده النهارده 

:نص ساعه و هك-سر الباب

 *قالها بحزم ونزل لانتظارها في السياره 

*تخوفت جودي من هذه المقابله لكنها لا تدري لما ارتدت اجمل ثيابها ووضعت مكياج جعلها جميله كانت وهي تنزل تشعر كانها مراهقه ذاهبه لمقابله حبيبها دون علم اهلها

الفصل العشرون من هنا