رواية مأساة حوريه الفصل الثامن عشر بقلم فريده احمد
#مأساة_حورية
رفع عاصم الفون قدام عنيها وهو بيفرجها صورة معينه وبيقول.... ايه رأيك في صحبتك العزيزة.. اهي ليلة امبارح كانت من نصيبها مع جوزك
كانت حورية بتبص للصورة بصدمة وهي بتحرك شفايفها مش قادرة تنطق... بيري!!!!
كانت بتحاول تستوعب. ازاي!!! دي اعز صاحبة ليها بتعتبرها اختها. كل اسراها معاها
هزت راسها برفض كذا مرة وهي بتحاول تطرد اي فكرة وحشة تصورلها ان صاحبتها الوحيدة تكون بتستغفلها. وان اكيد مش بتخو.. نها مع جوزها
واخيرا نطقت وهي بتقنع نفسها انه مش صح وقالت ..... اكيد في حاجة غلط.. بيري مش ممكن تخو، ني
عاصم بسخرية قال... وجوزك رايحلها الشقة ليه يقرألها الكف مثلا
حورية بجنون وهي مش قادرة تصدق.... اكيد في حاجة غلط اكيييد
عاصم... تمام.
وقلب في تلفونه وجاب ليها صورة تانية بتجمع بين محمد وبيري وهما في العربية مع بعض وقال.... هاا. فسريلي انتي ده ايه
حورية كانت الدموع متحجرة في عيونها وهي حاسة
ب خـ نجر بيدخل في قلبها كانت الصدمة شديدة عليها.. اخر حد تتوقع منو الغدر والخيا،، نة
اتفاجأت بعاصم اللي قرب ليها، حاوط وشها بين كفوفه
وقال.... انا اسف بس كان لازم اعرفك وسا.. ختهم.
كمل وقال بحب ظاهر في عيونه ونبرة صوته... حورية. انا بحبك.. مش هسيبك ابدا.. انا بعشقك صدقيني
في اللحظة دي كانت بتبص عليهم رشا اللي كانت واقفة في بلكونتها وبمجرد ما شافت قرب عاصم من حورية بالطريقة دي ابتسمت بخبث ورفعت تليفونها بسرعة وصورتهم
حورية كانت تايهة ، ولما استوعبت قرب عاصم بعدت عنه بسرعه وقالت بغضب..... ممكن تسيبني في حالي بقااا. ممكن
ولفت علطول ودخلت البيت تاني بعد ماكانت رايحة شغلها
مقدرتش دخلت وهي تايهة ودموعها في عيونها مكانتش قادرة تتمالك نفسها من الصدمة اللي كانت ملجماها
و طلعت علي شقتها علطول
شافتها قدرية اللي بصتلها باستغراب ولحالتها اللي كان واضح جدا عليها انها مش طبيعيه بس متكلمتش وبقت تشرب القهوة بتاعتها بلامبالاة
....
عاصم بعد ماكان بيبص علي اثرها بحزن مسح علي وشه واتحرك ناحية عربيته ركبها وطلع بيها علي المعرض بتاعه
وهو دماغه مشغوله بيها
اما رشا دخلت من البلكونة وهي بتبتسم بشر وبتقول... مش هسيبك ياحورية غير لما اوقعك
.....
عند كريم اللي كان في بيت عمه وبعد ما خلص كلام مع عمه في الشغل قام وقال... يلا يا هنا
هنا اللي كانت قاعدة في حضن ابوها وقبل ماتقوم رد عليه عمه وقالو... في ايه ياااض ماتسيبها. انت مش رايح المعرض
كريم.... جري ايه ياعمي دي مررراتي. ناسي انك مجوزهالي بنفسك ولا ايه
زكريا بغيظ.... كانت غلطة وندمان عليها يوم ماسلمتهالك بإيدي يابن الكلب
بهيرة ضحكت عليهم وبصت لكريم وقالت.... طب سيبها معانا ولما ترجع ابقي تعالي خدها ياكريم.
لكن كريم قال.... مراتي تستناني في بيتي لحد ما ارجع. قومي يابت
قامت هنا وهي بتقول بهدوء... حاضر
اما زكريا برغم انه كان متغاظ من كريم لان هنا دلوعته الوحيدة واخر العنقود وكان صعب عليه يجوزها اساسا علشان متبعدش عنه الا انه بص ل كريم بإعجاب وقال....
ماشي يابن اخويا ولو اني صعب عليا تاخد البت من حضني بس ماشي
كريم بضيق.... مش كفاية بسيبهالك تحضنها
زكريا بغضب .... وهو انت يابن الكلب عاوز تمنعها عن حضن ابوها
هنا ميلت بسرعة باست ايد ابوها وقالت... بيهزر معاك يابابا. بيهزر ما انت عارف كريم
.........
عند حورية اللي اول مادخلت شقتها اتحركت لاوضة نومها وقفت علي باب الاوضة تبص علي محمد اللي نايم كانت بتبص عليه بغل وكره شديد.. وقهـ ر... والم... ودموع.. وهي بتقولو في نفسها... ليييه ليه عملتلك ايه تعمل فيا كده. عملتلك ايه
وهي حاسه بوجع شديد في قلبها
لفت وشها ودخلت اوضة تانية قعدت علي الارض وبقت تبكي بقهر وصوت مكتوم وهي حاسة بصعوبة في التنفس من وجع قلبها
فضلت كتير بتبكي علي حالها و شريط قدامها بيعدي فيه كل شخص من اللي حواليها اللي خدعها واللي خا، نها واللي خزلها
غمضت عنيها وفضلت تبكي بقهرة
..........
اما عند بيري اللي كانت علي سريرها قاعدة سانده ضهرها علي السرير كانت مغمضة عيونها وبتقول بندم.... سامحيني. سامحيني ياحورية. غصب عني صدقيني
ودموعها بقت تنزل بندم
فتحت عيونها وهي بتمسح دموعها،، مدت ايدها تفتح درج الكومود اللي جمبها وخرجت منه دواء و اخدت منه كذا حباية مع بعض
.........
خرج كريم من بيت عمه ومعاه هنا. باسها علي راسها قبل مايسيبها وقال.... عاوزة حاجة قبل ما امشي
هنا لسه هترد فجأة اتكعبلت وهي بتنزل من علي سلالم البيت
صرخت بألم وهي بتقول..... اااه
اتخض كريم عليها ونزل لمستواها بسرعة وهو بيقول بقلق.. فيه ايه.
هنا بألم وهي ماسكة رجلها قالت... رجلي. رجلي ياكريم
كريم.... بتوجعك منين
هنا شاورتله علي المكان وقالت... من هنا
كريم بقا يدلك ليها مكان الوجع وبعدها شالها وهو بيقول.. تعالي نروح للدكتور
لكن هنا قالت... لا مش مستاهلة
كريم وهو بيتجه لعربيته وهو شايلها قال .... خلينا نتطمن
هنا.... مش مستاهلة والله. شوية وهتفك وهبقي كويسه
كريم بصلها بقلق وهو مش متطمن
هنا... صدقني حاجة بسيطة. انا اللي حاسة بيها وبقولك مش مستاهلة
كريم... هطلعك الشقة ولو فضلت توجعك كلميني
هنا هزت راسها وكريم دخل بيها البيت وبمجرد ما دخل وشافته قدرية اللي كانت لسه قاعده مكانها
قالت وهي بتلوي بوقها يمين وشمال.... مالها البرنسيسه. شايلها ليه انشالله.
كريم وهو طالع ب هنا علي السلم قال.... اتكعبلت ياما
هنا بهمس.... كريم.. امك هتاكلني
كريم ابتسم لانه عارف امه وكمل طلوع وهو غير مبالي ل قدرية اللي قالت بصوت عالي.... يابني دي بتدلع. نزلها .. ضهرك ياحبيبي
لكن كان كريم طلع من غير ما يرد
فجأة اتفاجأ ب هنا اللي دافنة وشها في حضنه ومكلبشه فيه. حس بشفايفها علي رقبته بتبو، سه
كريم... بتعملي ايه ياهنا
هنا بتوهان وهي لسه مكملة... ببو. سك
كريم رفع وشها وبصلها شوية وقال ... ماتبطلي حركات امك دي. عشان لو جبت اخري مش همسك نفسي وهتندمي.
كمل وهو بيبص علي جسـ مها بوقاحة وقال... لو سبت نفسي عليكي مش هسيبك يابت .. ارحمي امي
هنا بضحك.. خلاص خلاص. هبعد عنك خااالص
رشا نزلت من فوق بعد ماقبلتهم علي السلم هي كمان وبصتلهم بضيق قربت قعدت وهي بتقول ل قدرية... مالها الست هنا
قدرية بغيظ وضيق قالت..... كهن بنات ياختي.. هتجلطني بت بهيرة
رشا ... البركة في ابنك اللي مركبها علينا..
كملت بضيق... بت متدلعة.
.....
عند حورية اللي كانت لسه قاعدة مكانها علي الارض حاطة راسها بين رجليها وبتبكي
قاطعها رنة تليفونها رفعت وشها ومسكت التليفون وكانت سكرتيرة مكتب المحامي
مسحت حورية دموعها وردت عليها وقبل ما تتكلم قالت
السكرتيرة.. استاذة حورية اتاخرتي اوي ليه مجتيش لحد دلوقتي
حورية بهدوء.... جاية مسافة السكة وهكون في المكتب
قفلت وقامت وقفت قدام المرايا وهي بتقول لنفسها.. اقوي ياحورية. مش لازم تتكسر، ي
غمضت عنيها بألم وهي بتفتكر بيري لكن فتحت عيونها وقالت.... لا مش لازم خيا. نتها تاثر فيا . خليني اتوقع الخداع والغدر من اي حد حتي لو اقرب الناس ليا. مش لازم اثق في حد
واتحركت ناحية الحمام غسلت وشها وبعد ماجففته خرجت وقربت وقفت تاني قدام المرايا وبقت تحط ميكاب هادي وبسط يداري اثر بكائها
بعدها نزلت وخرجت تحت انظار قدرية ورشا اللي كانو بيبصولها بـغـ ل
........
في شقة كريم و هنا
كريم بعد مانزلها علي الكنبة باسها علي راسها وقال... متتحركيش لحد ما اجيلك.. هعدي علي مرات عمي تطلع تاخد بالها عليكي لحد مارجع
وقبل مايقوم مال عليها يبو،، سها
بعد بصعوبة وقال بأمر .... انتي لازم تغيري ام الدكتورة دي.
هنا ضحكت اووي وكريم بصلها بغيظ وقال وهو خارج... اجبلك ايه وانا راجع
هنا بسرعة... ابقي هاتلي اندومي
كريم.... مش غلط الاندومي بردو ولا انا بيتهيالي
هنا..... لا الدكتورة قالتلي عادي منا مش هاكله كل يوم يعني
كريم... امال بنت الكلب هتقولك امتا عليا عادي. ولا هي جات عليا
هنا وهي بتضحك عليه قالت... مش قادررررة جمبي وجعني من الضحك حرام عليك بطنييي. امشي ياكريم يلا روح
كريم وهو خارج قال.. هما يومين اخري مش هصبر اكتر من كده
..........
عند حورية بعد ماوصلت المكتب وكانت قاعدة بتشتغل مع زمايلها
خرجت السكرتيرة من مكتب المحامي وقالتلها... دكتور مختار عاوزك في مكتبه يا استاذة حورية
قامت حورية وهي بتقول... متعرفيش عاوزني ليه يانسرين
نسرين....الحقيقة لا هو قالي اخرج اقولك انو عايزك
هزت حورية راسها وراحتله
دخلت وقالت... حضرتك طلبتني
المحامي شاولها علي الكرسي قدامه وقال... اقعدي يااستاذة
قعدت بدون ولا كلمة وهي متوترة متعرفش عاوزها ليه
كانت بتبصله بتوجس لحد ماقال.... انتي من بكرة تقدري تمسكي معانا قضايا وتترافعي فيها كمان
حورية مكانتش مصدقة وقالت.... بجد
المحامي... انتي بقالك فترة معانا.. اه مش كبيرة بس قدرتي تثبتي قدراتك. واضح جدا انك هتبقي محامية شاطرة.. ف انا شايف كفاية تدريب انتي مش محتاجة اكتر من كده. هتبتدي شغل بجد ونشوف.
كمل بمزاح وقال.. يارب بقا تكوني عند حسن ظني
حورية ابتسمت وقالت... باذن الله اكون عند حسن ظن حضرتك.
المحامي... وانا واثق فيكي
خدت نفس وهي بتبصله بامتنان وبتقول... انا متشكرة جدا لثقتك الكبيرة دي. باذن الله اكون عند حسن ظن حضرتك دايما.
بصتله بتردد كانت عاوزة تبتدي معاه في قضيتها بس مكانتش عارفة تبتدي ازاي
ف لاحظ هو وسألها.... عاوزة تقولي حاجة
حورية... بصراحة اه
المحامي..اتفضلي. سامعك
حورية... احم.. هو انا كنت محتاجة حضرتك في قضية تخصني
بصلها باهتمام ف قالت..... انا عايزة ارفع خلع علي جوزي
: دا بجد!!
قالها مندهش لترد حورية بجدية وتقول... ايوا. عايزة اتطلق من جوزي.. ومحتاجة حضرتك تساعدني
اتنهدت وقالت... انا بوكل حضرتك ترفعلي الدعوة يا دكتور مختار
المحامي.... طيب وليه متترافعيش فيها انتي بنفسك. انتي احق شخص بالمرافعة في قضية زي دي.
حورية.... بس انا عمري ما وقفت قدام قاضي ولا اترافعت في قضية
المحامي بتشجيع.... انتي شاطرة. ومتأكد انك قدها. مش هتخسري ياحورية علي ضمانتي
ثم اكمل بتعجب وقال.... بس ليه خلع ياحورية. انتي ممكن تطلبي طلاق للضرر علشان متطلعيش خسرانة وتاخدي حقوقك..
بعدين قال.... بس انتي اكيد عارفة طلاق للضرر يعني اسباب قوية ولازم تقدري تثبتي الضرر اللي واقع عليكي. يعني لو في عنف تعدي بالضر،،ب.معاملة سيئة اثبتي ده.. خيا، نة مثلا. عدم انفاق. اكيد انتي عارفة ان دي كلها اسباب لو قدرتي تثبتيها بالشهود المحكمة هتحكملك بالطلاق
حورية... اه طبعا عارفة..
ولانها كانت حابة تـ نتقم من جوزها وتكسر، ه كملت بجمود وقالت... بس انا بفضل الخلع. هرفع خلع حتي لو مش هاخد اي حقوق.
...........
محمد نزل من شقته بعد ماصحي من النوم.كان حاسس بصداع فظيع في دماغه
كانت قدرية وسمر ورشا قاعدين
قرب قعد وهو بيولع سيجارة وقال... بت ياسمر روحي اعملي فنجان قهوة بسرعة
سمر.... حاضر
وقامت
قدرية بسخرية.... وهي الست المحامية نسيتك خلاص.. بس هقول ايه. ماهو لو عارف تحكمها كنت تقعدها زي اي كرسي في البيت تشوف طلباتك مش سايبها تشتغل وتتني وتتفرد علينا
كملت بشك... انا عاوزة افهم انت ايه اللي جرالك. مبقتش عارف تمشي عليها ولا ايه
محمد قام بغضب وهو بيقول.... اماااا في ايييه. اخر مرة هسمحلك تتكلمي كده.. حورية مالكيش دعوة بيها. طلعيها من دماغك
وقام يخرج لكن اكتشف انو نسي تليفونه فوق
طلع يجيبه
وقدرية قالت بغضب .... نفسي اعرف عملتله ايه خلته بقا سايبها تمشي بمزاجها كده
كملت بتعجب... هو ده ابني اللي كان بيبصلها البصة يخليها تترعش من الخوف.. لا بقت ماشية علي هواها ولا هاممها
وهو سابلها الحبل علي الاخر.
رشا... خلاص ياخالتي متضايقيش نفسك بقا
ومسكت تليفونها وهي قاعدة مع قدرية بعتتله صورة حورية وعاصم وهي بتبتسم بمكر
دخل الشقة علي صوت الرسالة واللي بمجرد ما فتح الفون
و شافها اتصدم
اما رشا رجعت تكمل كلامها مع قدرية اللي بصت حواليها وقالتلها...امال فين ابنك انتي كمان. الواد مش باين
رشا كانت شايلة بنتها وقالت.... بيعلب في الجنينة ياخالتي
قدرية.... طب قومي شوفيه يامعدولة الليل دخل علينا وسايبة الواد بره
رشا قامت وهي بتقول... خدي فرح هطلع اشوفه
قدرية....خليكي ياختي هشوفه انا
وقامت
في اللحظة دي كانت حورية راجعة وقبل ماتدخل البيت اتفاجأت بإيد بتشدها وكان عاصم و اللي كان مستنيها في اوضة في الجنينة ودي اوضة خاصة ب عاصم فقط
حورية بغضب... ابعد عني يامجنون. بتعمل ايه
عاصم رمي سيجارته اللي كان بيشربها وقال بعد ماقفل الباب عليه هو وهي .... لازم نتكلم
فتحت قدرية الباب في نفس اللحظة اللي عاصم سحب حورية فيها ودخلها اوضته
قدرية اول ماشافتهم قالت مرة واحدة وهي بتدخل البيت تاني.... تعااالي يابن بطني شوف مررررراتك الخضرة الشريفة بتعمل ايه مع ابن عمك في اوضتهههه. تعااالي ياحبيبي. شوف الشريفة تعااااالي. مراتك في حضن ابن عمك تعاااالي شووف
