عراقي : ادخل الإنفاق ازاي
الزيني : لا دي صعبه اوي يا عراقي
عراقي : وأنا كمان صعب اطلعك من هنا خليك
الزيني : استنا يا عراقي انت كل حاجه تقوم تجري
عراقي : لا اخلص بروح امك أنا مش فاضي للهري ده
الزيني : مفيش غير مدخل واحد ولو دخلت منه يا عراقي ورجلك جت على الألغام يبقا سيناء كلها هتكون كوم رماد
عراقي : ليه يعني
الزيني : علشان في شبكه متفجرات رابطها هناك ببعض لو حد فكر يدخل منكم تحت الإنفاق تضرب في سيناء كلها و النفق يتقفل واللي جوه جوه واللي بره بره
عراقي : مين اللي عمل الشبكه دي انت بس ولا حد معاك
الزيني : أنا بس
عراقي : هتيجي معايا تفكك الشبكه دي وبعد كده ترجع بلدك قولت اي
الزيني: لا انت كده عايز تلعب بيا يا عراقي
عراقي : لا ولا لعب ولا حاجه بس انا اي يضمنلي اني مدخلش النفق على كلامك تطلع عامل كمين والمفجر يضرب فينا
الزيني: والله ابدا
عراقي: هو اللي زايك يعرف ربنا علشان تحلف بيه فكر كويس و هستنا منك رد سلام
الزيني: موفق
عراقي : تمام وقت ما نكون جاهزين هقولك بكره بقا النهارده بعد سنه بعد ساعه خليك جاهز
الزيني: عراقي أنا عارف كلمتك واحده لو غدرت
عراقي: هتعمل اي يعني ياروح امك لو غدرت
الزيني: مش هعمل
عراقي : يبقا تسكت وتمشي ورا كلامي ( وخرج من المكتب)
في جانب آخر
قائد الكتيبة: كل ده تحقيق يا عراقي
عراقي : على غرفه العمليات وهات الصياد وخلي الفرقه تتجهز
قائد الكتيبة: في اي يا عراقي
عراقي: نازلين نجيب ابو زياد
قائد الكتيبة: بتقول اي
عراقي: زاي ما سمعت كده أنجز مفيش وقت معانا يا عزيز
قائد الكتيبة : تمام تمام هبعت أجيب الصياد والرجاله تتجهز حالا
في جانب آخر
دهب : صياد قائد الكتيبة عايزك حالا
الصياد: مكلمنيش ليه
دهب : اللاسلكي بتاعك مقفول
الصياد: في حاجه ولا اي
دهب : مش عارف بس طلب مني تجهيز الفرقه
الصياد: لا كده الموضوع شكله كبير جهز الفرقه عبال ما افهم في اي
دهب : تحت امرك يا فندم
في جانب آخر
قائد الكتيبة: مش فاهم حاجه انت بتعمل اي يا عراقي
عراقي : الوقتي تفهم كل حاجه يا عزيز
قائد الكتيبة: دي الإنفاق اللي تحتها ابو زياد بس انت عامل السهم ده هنا ليه
عراقي : علشان هندخل من هنا بس أما الزيني يأكد على كلامي
قائد الكتيبة: هو قالك أن في مدخل من هنا
عراقي : بالظبط كده
قائد الكتيبة: طب حلو اوي
باب المكتب بيخبط
قائد الكتيبة: ادخل
الصياد: تحت امرك يا فندم
عراقي : هات الزيني وتعالى يا صياد
الصياد: تحت امرك يا فندم
قائد الكتيبة: لو حصلت يا عراقي وجبت الكلب ده يبقا ضربه موجعة بكل المقاييس
عراقي : هو أنا هنا بلعب يا عزيز هجيبه هجيبه
قائد الكتيبة: ياريت يا عراقي
في جانب آخر
الصياد: قوم تعالي معايا
الزيني : انت بقا اللي عامل كل ده
الصياد: ( حط ايده علي رقبته وشده ومشي )
الزيني: ليه كده هو أنا عملت حاجه
الصياد: لولا عراقي قالي اجيبك صاحي كنت فرتكت دماغك دي
الزيني: لا لا لا بلاش كلام انت مش حمله أنا ممكن اقول الكلمه دي إنما أنت لازم تاخد الأمر من ابوك
الصياد: ( بص ل الزيني بكل غضب)
الزيني: ( حس بالخوف ) خلاص أنا كنت باخد و ادي معاك في الكلام
الصياد : امشي اخرس
الزيني: حاضر
بعد وصول الزيني مع الصياد الي غرفه العمليات
عراقي : تعالي يا زيني هو ده المدخل اللي قولت عليه
الزيني : تمام هو ده المدخل
عراقي : صياد خد الواد ده على العربيه و اجمع الفرقه نازلين النفق نجيب ابو زياد
الصياد: اي
عراقي : افرح بعدين الوقتي عايزك تعمل اللي اقولك عليه بالظبط
الصياد: تحت امرك يا فندم
الزيني : عراقي انت اتفقت معايا
عراقي : حصل يا زيني امشي مع الصياد
قائد الكتيبة: اتفقت مع الواد ده على اي يا عراقي
عراقي : التحقيق كله متصور صوت وصوره عندك ارجع تاني تابع التحقيق يا عزيز
قائد الكتيبة: ربنا معاكم يارب يا عراقي
في جانب آخر
الزيني : انت فرحان كده ليه مش ممكن تدخل النفق تموت جوه
الصياد: هو حد يطول يموت شهيد يا اهبل
الزيني : بس انتوا مش شهداء يا صياد انتوا أعداء الله
الصياد: وانت بقا صلاح الدين صح كده
الزيني : انتوا شر قوم
الصياد: طب ما طالما انتوا رجاله اوي كده ما تطلع تحارب بره عندك الكفار كتير مش كده برضوه
الزيني : ازاي اروح احارب الناس دي وأنا معايا أعداء حوالين مني لازم اخد العدو القريب علشان اخد العدو البعيد
الصياد: انت هتاخد فعلاً بس اركب الأول
دهب : الفرقه كلها جاهزه يا قائد
الصياد: ياله يا رجاله كله على العربية
عراقي: ها جاهز يا صياد
الصياد: تمام يا فندم
عراقي : على بركه الله ياله نتحرك
وفعلاً تم تحرك الفرقه الي المكان المطلوب وبعد الوصول طلب الزيني من عراقي محدش يدخل النفق معاه إلا عراقي والصياد لانه خايف حد رجله تيجي بالغلط
عراقي: ماشي يا زيني خليني معاك للاخر الفرقه كلها تاخد ساتر ياله
دهب : تحت امرك يا فندم
عراقي : ياله يا. صياد
الصياد: (حط السلاح على دماغ الزيني ياله )
بعد دخول الإنفاق وكان قطع مسافه كبيرة داخل النفق
الزيني : عراقي من هنا بدأ المفجر خلي بالك انت و ابنك أنا بقول اهو
الصياد: عراقي ده كمين
عراقي: هو أنا عبيط منا عارف أنه كمين
وفجأة. اتقفل النفق على عراقي والصياد و الزيني واشتغل جهاز الانذار
ابو زياد: ( في الميكروفون) لو كنت في احلامي حتى ما كنت تخيلت انتوا الاتنين مع بعض في بيتي
