رواية عندما يقع الوحوش في العشق الفصل السادس عشر بقلم جنات
اللوا لطفى بيوجه كلامه للبنات بعد مابيشوف نظرات لشباب ليهم:يلا يابنات اتفضلو على اوضتكوو عشان ترتاحو وتبداو شغل من بكرة باذن الله وربنا معاكم.........
سيف بيقرب على حياه:ازاى تيجى هنا من غير مااعرف
سليم:ازاى تتصرفو من دماغكو اصلااا
زين:وجايين الطريق كله لوحدكو ماشاء الله عليكو بجد
ادهم:وانتى ياهانم كنتى بتكلمينى النهارده مجاش على بالك تعرفى كيس الجوافه اللى حضرتك متجوزاه
جاسر:يعرفونا ازاى الظاهر كدا اننا ملناش اى لازمه فى حياتهم
الشباب بيمشو ويسيبو البنات واقفين ندمانين انهم مشش عرفوهم
حياه:انا قولتلكو لازم يعرفو انا غلطانه انى سمعت كلامكو انا هروح احاول اكلم سيف لانه متعصب اوى
ملك بتمسك ايدها:بلاش الوقت ياحياه هو متعصب خلينا يكلمهم لما يهدوو شويا
ديما:احنا كنا عايزين نعملهم مفاجاه بس
ليان:مكنتش اعرف انهم هيضايقو كدا
ريم:فكرت انهم هيفرحو لما يشوفونا
حياه:احنا جايين الطريق كله لوحدنا ومن غير مانعرفهم احنا اللى غلط
ملك:تعالو نروح نرتاح وبكرة نبقي نتكلم معاهم
ديما:يلا
البنات بيروحو على اوضتهم وبينانو من التعب
____________
بتشرق شمس يوم جديد
البنات بتصحى بيصلو فريضتهم وبيلبسو الزى العسكرى وبيخرجو من الاوض وبيروحو على ساحه التدريب بيلاقو الشباب واقفين مع الطلاب
سيف بحده:الوقت هيكون وقت التدريب العملى وهيكون مع الدكاترة اللى قدامكو
سليم:خلينا نبدا التعارف اول
الطلاب بدوا يعرفو نفسهم لدكاترة والعكس كمان
حياه:الوقت الطلاب هيتقسمو على مجموعات مع كل دكتور او دكتورة هيكون فى ٢ من الطلاب
وبدوا تقسيم الطلاب
ديما:الوقت نروح المستشفى عشان التدريب العملى اتفضلو يلا
الطلاب بيروحو على المستشفى والبنات بيفضلو طول اليوم فى التدريب من غير ماياكلو او يشربو بيخلص وقت التدريب والبنات بتتجمع ليان بتحس بدوخه وبتمسك راسها وفجاه بتقع فى الارض البنات بيحاولو يفوقوها مش بتفوق
حياه:ملك بسرعه روحى عرفى ادهم واحنا هناخدها على اوضه فى المستشفى
ملك بتجرى وبتروح على المبنى اللى فيه مكاتب الشباب بتفتح المكتب فجاه والشباب بيتفاجو من منظره ملك وان باين على وشها الخوف
ملك:ليان اغمى عليها وبنحاول نفوقها مش بتفوق
ادهم بيجرى بسرعه على المستشفى والشباب كلهم وراه ملك وهى بتجرى رجلها بتيجى على حجرة وبتقع ورجلها بتوجعها
سليم بيجرى عليها:ملك انتى كويسه
ملك:اه كويسه يلا نروح عشان ليان
ملك بتجى تقف مش بتقدر تدوس على رجلها وبتقع تانى سليم بيقرب منها وبيشتالها وبياخدها على المستشفى
___________
ادهم بيروح على اوضه اللى فيها ليان بيلاقى ديما وحياه وريم واقفين بره
ادهم بخوف:ليان كويسه
حياه:الظاهر انها تعبت النهارده فى التدريبات واغمى عليها
ادهم بعصبيه:مانتو عارفين انها لسه تعبانه تسبوها بحد ماتتعب ويغمى عليها انتو اصحابها ازاى
حياه عينيها بدمع:احنا اسفه
ادهم:اسفين بعد اى
ديما بعصبيه لاول مرة:انت ازاى تتكلم مع حياه اوى معانا كدا
ريم بنفس العصبيه:لما حضرتك خايف اوى زعلتها بكلامك لى هى من امبارح وهى مضايقه بسبب كلامك معاها
سيف وعينه على حياه اللى دموعها نازله فى صمت:اهدوا بقي خلينا نطمن عليها شويا وانت ياادهم مش مسمحولك انك تغلط فى البنات كدا
الدكتوره بتخرج وادهم بيروح عليها:طمنينى ليان كويسه
الدكتورة: هى ليان كانت تعبانه قبل كدا
ادهم بحزن:ايوا كانت اتخبطت فى بطنها وده اثر على الرحم
الدكتورة:هى بذلت مجهود جامد وكمان الظاهر انها ماكلتش حاجه وده اثر عليها خدو بالكو منها ومن اكلها لان جسمها ضعيف وانا هكتبلها شويا فيتامينات
ادهم بياخد منها الروشته:طب ممكن ادخلها
الدكتورة:اه طبعا اتفضل
حياه والبنات جايين يدخلو ادهم وقف قدامهم:محدش هيدخل غيرى
ملك بعصبيه:انت مفكر نفسك مين عشان تكلمنا كدا
ديما:وكمان عايز تمنعنا اننا ندخل لاختنا
ادهم:اختكو والله مانتو عارفين ان اختكو تعبانه وفقتو تيجو المعسكر لى
ريم:قول بقي كدا انك انت بتغلطنا عشان جينا المعسكر اولا ده مستقبلنا ولو انتو ناويين تقفو فى وش مستقبلنا فانسوووو
جاسر:ريييييييم
ملك:انت بتكلمها هى لى ماتكلم صاحبك وفهمه اننا مش هنسيب صاحبتنا
حياه:خلاص بقي مش وقت كلامكو ده وبتبص لادهم احنا هندخل لليان وهنفضل معاها ومش هتقدر تمنعنا
حياه بتفتح الباب وبتدخل هى والبنات وبيفقلو البنات فى وش ادهم ادهم بيتعصب ولسه هيدخل
زين بيوقفه:اهدى ياادهم مينفعش اللى بتعمله ده دى صاحبتهم وهما خايفين عليها
سليم بحده:سيف قالك وانا هرجع اقولها تانى مش مسحمولك تكلمهم كدا تانى فاهم
_________________
جوا عند البنات
ملك بعصبيه:هو مفكر نفسه مين انا غلطانه انى سكتله
حياه:اهدى شويا ياملك عشان خاطر ليان
ليان بتفتح عينيها:ااااااااه
البنات بيقربو منها
حياه:انتى كويسه يالى لى
ليان:الحمدلله ياحياتى انا كويسه
ملك: انتى لازم تاكلى عشان الدكتوره قالت جسمك ضعيف
ليان:هو ادهم ميعرفش انى تعبت
ديما:لا ياحبيبتى هو راح يجيب العلاج وجاى
ريم:تعالو نروح نجهزلها الاكل يابنات
البنات بيخرجو وبيكون الشباب قاعدين قدام الاوضه وادهم واقف جمب الباب
حياه:اتفضل ادخلها احنا قولنلها انك بتجيب العلاج
ملك بحده:ياريت ليان متعرفش باللى حصل لان لو عرفت انت اللى هتخسر
ادهم:هخسر ازاى يعنى
ريم:ليان عمرها ماتختارك وتبيعنا عشان تبقي عارف
ديما:يلا نروح نجهز الاكل يابنات لازم ليان تاكل عشان تاخد ادويه بتاعتها
البنات بتمشي وادهم بيضايق منهم ومن طريقتهم وبيدخل لليان
ادهم ببرود:حمدلله على سلامتك
ليان:انت لسه مضايق منى عشان جيت المعسكر من غير ماتعرف
ادهم:ليان انا ايه بالنسبه ليكى
ليان:مش فاهمه
ادهم:يعنى لو انا خيرتك بينى وبين البنات هتختارى مين
ليان بصدمه:انت ازاى بتفكر كدا انت بتقارن نفسك باخواتى دول اخواتى ياادهم انا ماليش غيرهم وغيرك ازاى عايزنى اختار حد منكو
ليان بتشيل الكانولا اللى فى ايدها وبتقوم بتعب من على السرير وبتفتح الباب وبتخرج بتلاقى الشباب بره
زين:انتى راحه فين ياليان انتى لسه تعبانه
ليان:عرف اخوك انا ماليش حد فى حياتى غير اخويا والبنات هما كل عيلتى وكنت مفكر انه هيكون سندى الظاهر انى طلعت غلطانه
البنات بيجو وبيشوفو ليان بره الاوضه
حياه بتجرى عليها:ليان انتى قومتى ليه انتى لسه تعبانه
ليان:انا مخنوقه مش عايزة افضل هنا عايزة اروح الاوضه
ديما:ياروحى انتى لسه تعبانه
ريم:طب خليكى النهارده بس
ليان:معلش عايزة اروح الاوضه ونبي
ملك:خلاص يابنات تعالو نروح الاوضه واحنا هنفضل معاها مش هنسيبها ابدااا
ليان بتبص لادهم اللى مش بيتكلم
ليان بتحضن حياه:ربنا يخليكو ليا انا مستحيل الاقى حد يكون سند ليا زيكووو
البنات بياخدو ليان وبيروحو على الاوضه
زين بيقرب من ادهم: ممكن افهم ايه اللى حصل
ادهم:.....
سيف:ماتنطق يابنى انت قولتلها اى
ادهم:خيرتها بينة وبينهم وهى اختارتهم
زين بيمسكه من ياقه قميصه:انت اتجننت ياادهم بتخيرها بينك وبين اصحابها اللى هما كل عيلتها
سليم:انت غلطت ياادهم مفكرتش صح
جاسر:انت عارف ان هى ملهاش حد غير البنات واهلهم وانت عايزيها تختارك وتبعد عنهم
ادهم:مانا جوزها وهابقي كل عيلتها ولا انا مليش لازم فى حياتها
سيف:غلط ياادهم غلط دول اهلها وهى لو باعتهم واختارتك تبقي متاكد انها هيجى يوم وتبيعك فاهم
ادهم .....
زين بيضربه بالبوكس فى وشه:انت غبي وهضيعها من ايدك وصدقنى هتندم عمرك كلها لو ضاعت من ايدك
زين بيزقه وبيمشي هو الشباب........
