رواية بنت عمتي الفصل السادس عشر بقلم جمانه السعيدي
بنت عمتي
البارت السادس عشر والاخير
# @أبرز المعجبين
ثائر...رجعت للمستشفى لكيت عمتي ومرام والدكتور واكف
يمها الممرضه جاي تضربها ابره
ثائر....هااا دكتور
دكتور...عدها الم هاي ابره مسكن وهذا العلاج ضروري
اجيبه من برا
ثائر...صار دكتور هسه انزل اروح اجيبه
نزلت جبت العلاج ورجعت
ثائر...هذا العلاج انتي عمه يله ارجعي للبيت واني ابقى
هنا
عمتي...تعال اريد احجي وياك
ثائر...كولي عمه
عمتي...انت ما مديون النا باي شي انت كفيت ووفيت
اني ماريدك تتبرع اني خليت المستشفى نشرت على الصغحه يدورون متبرع حتلو ابيع البيت
لازم مرام تصير زبنه
ثائر...اني مستحيل اتخلى عنكم وهذا مو فضل مني
هذا حقكم عليه مرام عزيزه عليه ومستحيل اتخلى عنها
عمتي...الله يحفظك بس اني خايفه عليك
انت بمعزت مرام واكثر
ثائر...يله روحي ارتاحي وباجر الصبح تعاي حتى اروح للشغل
طلعت عمتي نزلتها واجرت تكسي توصلها للبيت
رجعت لكيت مرام كاعده
مرام...هلو ثائر اجيت
...شلون صرتي
...عندي ألم مو طبيعي
...جبت العلاج انطيج حبايه
...اي
أثير...كعدتها وانطيتها حبايه
مرام...كلما اشوف تصرفاتك وياي استحقر نفسي
والنوب تريد تتبرعلي بكليتك
ثائر...عادي متعود على تصرفات الزعاطيط
انتي شنو عود كبرتي امس تاخذين العلج من حلكي
لو قبل جنتي تنامين بحضني
لو من انكسرتي ولكيتها لعبه كل شويه تعال شيليني
مرام...ههه نسيت الوجع
ثائر...سلامتج الف سلامه
مرام....سمعت امك تكول اكو خلاف وياا خطيبتك
ثائر...شكران كلبه طيب وعاقله اكيد راح تفهم الموقف
مرام....تحبها
ثائر...طبعا احبه ليش خطبتها
مرام...الله يسعدك
جمانه السعيدي
نامت مرام واني عيني ماخذة نوم
قررت اصالح شكران دزيت رساله
ثائر....محتاج صديقه احجي وياها موجوده لو لا
ماردت عليه
....زين اذا ماكو صديقه اكو حبيبه محتاج احجي وياا اي احد اكو بنيه حلوه وعاقله تنفع صديقه وحبيبه
موجوده لو لا
شكران....زعلانه
ثائر....اعرف انتي زعلانه بس اني متوتر ومخبوص ومااندل راسي من رجليه
ممكن نرجع اصدقاء الحد ما تعدي هاي الازمه
شكران... ممكن بس اني اجاوزت مرحلة الصداقه
ووكعت بلحب اليوم مريضه لان ماحجينا اني وياك
ثائر....سلامتج يااحلى شكران
شكران....انت وين
ثائر...بلمستشفى عمتي راحت ترتاح واني بقيت مكانها
عمتي ماعدها احد بعد رب العالمين غيري خطيه
خايفه تفقد بتها الوحيده
شكران...الله يساعدها شلون وضع مرام
ثائر...على العلاج وابر المسكن وكل الوقت نايمه
منا اليوم العمليه
شكران...قررت خلاص تتبرع
ثائر....لازم اوكف وياهم ماعدهم احد غيري نشرت عمتي تريد متبرع بس مراح تكدر تحصل بسهوله
شكران...الله يشافيها
ثائر....شكرا لان متفهمه الموقف
شكران...اذا تحتاج شي اني موجوده
ثائر...محتاج كلما اضوج واتعب الكاج يمي
شكرا...تدلل
ثائر...نمت يمكن ساعه ونص قبل أذان الصبح بربع ساعه
رن تليفون مرام كملت على الصوت
اخذته مااربظها تكعد بسبب صوته لان خطيه تتألم كلش قوي باوعت رقم غريب
ثائر....الووو تفضلو
....هذا تليفون مرام زوجة عمار
ثائر....اي تفضل
...ممكن احجي وياها
ثائر.. مريضه ونايمه
...بس حبيت اكله البقيه بحياتكم عمار انكلبت سيارته
وهو راجع من اربيل السياره احتركت وماكدنا نطلعه
مات داخل السياره بعد ما نكلبت بي
مع الأسف طلع قطع لحم محتركه
ثائر...لا حول ولا قوة الا بلله العلي العظيم
...البقيه بحياتكم
...حياتك الباقي
بعد ما سمعت هذا الخبرماكدرت انام توضيت وصليت
وبقيت اباوع على مرام
شوف القدر شجان ضام الها زوج لعوب عذبها واخذ فلوسها وذهبها ومرض مستعصي مدري تشفى منه لو لا
الاهي نسئلك ستر العيوب وغفران الذنوب
اللهم ارحم حال هاي المسكينه وشافيها
جمانه السعيدي
الصبح من اجت عمتي حجيتلها عن خبر وفاة عمار
بس أكدت عليها مرام ماتعرف منا لمن تطلع من العمليه
سالمه
امي تلح تريد تعرف اني اتبرع لو لا
ثائر....اضطريت اجذب عليها كتله لكينا متبرع
وطلع مطابق والعمليه بعد خمس ايام
وهي العمليه بعد يومين واني المتبرع
بيوم العمليه صممت شكران تجي وياي للمستشفى
رغم هي ابد ما مقتنعه بهاي العمليه
بس كانت تسايرني لان تحبني
طلعت الصبح وكلت الامي اني رايح للشغل حتى لا تقلق
عليه وصلت للمستشفى
وبدت تحضيرات العمليه الساعه تسعه ونص دخلونا للعمليات اني مرام
مرام كانت منتهيه ووجها اصفر وشكله كلش تعبان
حتى حجي ماتكدر تحجي
لبسوني لبس العمليه هذا الثوب الازرك وهي هم
قبل لااتمدد على سرير العمليات
دنكت عليها وبستها براسها كامت تبجي
ثائر...ليش تبجين هذا اني وياج حتى داخل غرفة العمليات
مرام...خايفه
ثائر...لاتخافين كولي يالله
مرام...يالله
اجا دكتور التخدير والكادر حتى يجيكون الوضع
اني صعدت على السرير وهي سريرها قريب عليه
خلو بايدي المغذي وهي هم
بس قرب عليها دكتور التخدير يريد يخدرها
اني عيني عليها راسا شفته ارتبك أشر للدكتور
اجمعو عليها نزلت من السرير وقربت
شفتهم يحاولون يسعفونها النبض بدا يضعف ويضعف
لحد ما اختفى النبض فد مره
جابو جهاز الصعقه الكهربائيه بدو يصقونها بصدرها
بس بدون فايده
اني جبت ملابسي لبستهن وشلعت الكانونه من ايدي
كامت ايدي تجري دم قربت عليها
الدكتور كال ابتعد خل نشوف شغلنا
ثائر....دكتور مرام ماتت
الدكتور....بعصبيه خل اشوف شغلي انخبصو بيها خبص
بس مرام ماتت خلاص مرام ماتت
مالحكت انطيها روحي حتى تعيش
مالحكت اشبع منها عبالي تعيش واشوفها خريجه
وسعيده بس القدر اله حكم ثاني
ماتت حبيبتي الزغيرونه ماتت مرام
ابتعدوا كلهم عنها واني رحت لزمت ايدها
جمانه السعيدي
ثائر....بعد وكت ليش مستعجله لمن كتلج احبج
استعجلتي وعفتيني مااريد منج شي بس اريد اشوفج سعيده ومرتاحه
شلون ادفنج شلون اخلي عليج التراب خاف تختنكين
شلون بعد مااشوفج حتى من عفتيني وزوجتي غيري
ماكرهتج لان اني مااعرف اكرهج جاي اسمعيني
حبج انولد وياي اني اصلا احبج قبل لا تنولدين
قبل لا تجين للدنيا احبج
جاي اسمعيني احبج ولله العظيم احبج
حرت شلون اطلع العمتي وشراح اكللها شلون أكلها بتج الوحيده ماتت شلون خاف عمتي تموت وراها
اني مااكدر اتحمل كل هاي المصايب سوه
ياربي اني ضعيف مااكدر على كيفك وياي
مااعرف منو طلع من الممرضين وأعلن وفاة مرام
سمعت عمتي تعيط بصوت عالي وهستيري دخلت
للغرفه شافتني واكف ومصدوم حتى دموع ما تنزل من عيني من الصدمه مااكدر ابجي
عمتي....ثائر يمه فدوه مرام ماتت
ثائر....جمدت مااعرف اتصرف ولا عندي اي ردت فعل
دخلت شكران شافتني بهاي الحاله
حضنتني وكامت تبجي بس اني مااعرف شبيه
من كد الصدمه تبسمرت بمكاني
اجو الممرضين طلعونا برا واخذو مرام حتى يطلعون شهادة وفاه
عمتي وكعت من كد اللطم والبجي انهارت فد مره
امي اجت ورانا للمستشفى
احس الدنيا كلها وكعت على راسي
امي بقت يم عمتي بلمستشفى واني رحت وياا مرام
حتى ندفنها صدكوني امشي بلا وعي ولا ادراك
دخلت للقبر قبلها اني الي نزلتها بايدي بلقبر
.
نزلتها على كيف
ثائر....مرام تسمعيني حبيبتي الوغيرونه لا تخافين
ولله جنت مستعد انطيج عمري بس تبقين
مااعرف ليش استعجلتي اريد ابات هنا وياج تخافين
عمت عيني كون اني ميت ليش بقيت الهذا اليوم
كلشي توقعت من هاي الدنيا بس ادفنج بايدي ما توقعت
حبيبتي هاي هي بعد مااشوفج
هذا حدنا اني وياج ولله بعد وكت بعدج حتى ما مخلصه الكليه ولا صرتي دكتوره
ليش اضيعين تعبي ليش ترحين وتعوفيني
كوه طلعوني من الكبر كلها كامت تحجي عليه
ليش تعترض على حكم رب العالمين.
دفونها وكالو يله رحمله والدي الي يقرا سورة الفاتحه
كله تقرا واني عيني عليهم صدك عود هاي الفاتحه على روح مرام
كالو يله نرجع قبل اليل
ثائر...كلكم روحو واني باقي هنا مرام تخاف مااكدر اعوفها وحدها جروني جر بس ماقبلت ارجع وياهم
بقيت كاعد يم الكبر واحجي وياها
ثائر....لا تخافين مرام اني يمج لا تخافين
كاعد هنا مرام تسمعيتي انتي مو كلتي لا تعوفني اخاف
اني هنا لا تخافين
مرام ياروحي مرام عيوني مرام حبيبتي
راح ابقى هنا بلكت تكعدين وتحاجيني
اني شكد ندمان ليش ما كتلج احبج ضيعت مني
ايام ما تتعوض ابد ما عبالي ترحين من ايدي
عبالي نعيش اني وياج لمن نصير شياب ويصير عدنا اطفال هواي كلهم انتي تسميهم
ماحضنتج وشبعت منج عبالي تطلعين من العمليه
واشوفج واكفه كبالي
ليش ما كتلي هاي الوداعيه جان حضنتج وشميتج حيل
اجاني واحد من المقابر كام يحجي عليه
حقه مايعرف مرام شكد عزيزه عليه
جابلي قرآن وكالي اقرا على روحها احسن ماتبجي
المشكله من كد الدموع ما اشوف الكلمات والدنيا ليل
خليت القرآن على كبرها
الاهي مرام بحفظك اليله ورعايتك
للصبح مانمت مامصدك الي صار وياي مامصدك بعد ماشوف مرام
جماعتي رجعو عليه الصبح وشالوني كوه من الكبر
اكلهم عوفوني مرام تخاف مايسمعون كلامي
رجعت للبيت تمرضت كلش بس اتقئ ومااكدر اكل
دخلوني مستشفى تعبان وماعندي اي قوه
بقيت اربع ايام يله شويه تحسنت خالتي
بس طلعت من المستشفى رجعت المرام بقيت يمها يومين
الناس كلها تحجي عليه تكول تخبل
مرت عليه ايام سوده كوه يله اجاوزت هاي المحنه
بس مانسيت مرام ابد ولا لحظه
جبت عمتي تسكن وياي بيتي مااكدر اعوفها وحدها
حزينه وتبجي كل الوقت
ماطولت عمتي ست اشهر ولحكت مرام
لكيتها كاتبه تنازل عن البيت اليه بفترة مرض مرام واني ماادري لمن ماتت يله لكيت التنازل
ماتت من الحزن على بتها خسرت كل الناس الي احبهم
مرام وعمتي وقبلهم سلطان
بعد سنه ونص من وفاة عمتي امي اكلت راسي ازوج ازوج
حتى تطلع من هاي الحاله
وشكران جزاها الله خير هواي صبرت عليه
ازوجت بداية ٢٢ هسه عندي ولد وشكران توها حامل
شهرين
انتهت احداث الرواية نتمني أن تكون نالت اعجابكم وبانتظار آراءكم في التعليقات شكرا لزيارتكم عالم روايات سكير هوم
